54	GEN 2:23	Ezɨ gumazim amizimɨn ganigha mɨgɨa ghaze: “Ame! Datɨrɨghɨn, kar guizbangɨra nan roroam. An agharim, kar nan agharim, ezɨ an tuzim, kar nan tuzim. Ikiavɨra Itir Godɨn Gavgavim nan agharimɨn an ingarizɨ, kɨ datɨrɨghɨn kamagh a dɨponam, ‘Amizim.’ ”
103	GEN 4:23	Egha dughiar mam Lamek kamaghɨn uan amuimning mɨgei: “Ada ko Sila, gua nan akam baragh. Kɨ Lamek, gua nan amuimning, gua deravɨra nan akam baragh. Gumazir mam na mɨsozima, kɨ a mɨsoghezɨma an areme. Ezɨ gumazir igiar mam na guam apezezɨ, kɨ a mɨsoghezɨma an areme.
147	GEN 6:9	Eghaghanir kam, a Noan eghaghanim. An otarir 3pla iti, men ziabar kara: Siem, Ham ko Jafet. Noa Godɨn damazimɨn bar gumazir aghuim, egha gumazamizibar damazibar dera. Egha a dughiaba bar Godɨn boroghɨn ikiava a ko roroam gami.
153	GEN 6:15	Nɨ kurir kam kamaghɨn an ingar: An ruarim 130 mitan tughtɨ, an baravim 22 mitan tugh, eghtɨ an siriam 13 mitan tugh.
224	GEN 9:18	Kar Noan otarir 3plan a ko kurimɨn ikegha azenan izezibar ziaba: Siem, Ham ko, Jafet. Ezɨ Hamɨn otarimɨn ziam, Kenan.
236	GEN 10:1	Kar Noan otaribar eghaghanim. Men ziabar kara: Siem, Ham, ko Jafet. Ezɨ aperiar ekiamɨn gɨn men ovavir borir avɨribar otifi. Ezɨ Noan ovavir boribar ziaba kamaghɨn zui.
237	GEN 10:2	Kar Jafetɨn otaribar ziabar kara: Gomer, Magok, Madai, Javan, Tubal, Mesek, ko Tiras.
238	GEN 10:3	Ezɨ Gomerɨn otaribar ziabar kara: Askenas, Rifat, ko Togarma.
239	GEN 10:4	Ezɨ Javanɨn otaribar ziabar kara: Elisa, Tarsis, ko Saiprusɨn gumaziba, ko Dodania.
241	GEN 10:6	Ezɨ Hamɨn otaribar ziabar kara: Kus, Isip, Libia ko Kenan.
242	GEN 10:7	Ezɨ Kusɨn otaribar ziabar kara: Seba, Havila, Sapta, Rama ko Sapteka. Ezɨ Rama otarir pumuningra iti: Seba ko Dedan.
248	GEN 10:13	Isip a ikɨzir kabar ovavim: Lidia, Anam, Lehap, Naptu,
250	GEN 10:15	Ezɨ Saidon a Kenanɨn otarir ivariam. Ezɨ igharaz darazi uaghan Kenanɨn ovavir boriba, ezɨ men adarazir kara: Hitia,
257	GEN 10:22	Siemɨn otaribar ziabar kara: Elam, Asur, Arpaksat, Lidia ko Aram.
258	GEN 10:23	Ezɨ Aramɨn otaribar ziabar kara: Us, Hul, Geter ko Mas.
261	GEN 10:26	Ezɨ Joktanɨn otaribar ziabar kara: Almodat, Selep, Hasarmavet, Jera ko,
298	GEN 11:31	Ezɨ Tera uan adarazi inigha, Kaldiabar nguazimɨn itir nguibam Ur, an ategha Kenanɨn nguazimɨn zui. Teran gɨn zuir adarazir ziabar kara: an otarim Abram, ko an asamim Sarai, ko an igiam Lot, ezɨ Haran a Lotɨn afeziam. Me ghua Haranɨn nguibamɨn otivigha egha nguibar kamɨn apera.
338	GEN 14:1	Dughiar kamɨn, Kedorlaomer Elamɨn nguibamɨn atrivimɨn ikia egha uaghan nguibar kaba ko dar atrivibar gari. Bera a Sodomɨn nguibar ekiamɨn atrivimɨn iti, Birsa a Gomoran nguibar ekiamɨn atrivimɨn iti, Sinap an Atman nguibar ekiamɨn atrivimɨn iti, Semeber an Seboimɨn nguibar ekiamɨn atrivimɨn iti, ezɨ Belan nguibam uaghan an apengan iti. Ezɨ Belan ziar mam Soar. A 12plan azenibar me gativagha men gari, ezɨ namba 13ɨn azenimɨn me Kedorlaomerɨn akam batoke. Ezɨ namba 14ɨn azenimɨn Kedorlaomer uan namakar 3plan dia: Amrafel a Babilonɨn kantrin atrivim, Ariok a Elasarɨn kantrin atrivim, Tidal a Goimɨn adarazir atrivim. Egha me 4plan atrivir kaba, uan mɨdorozir gumaziba ko ghua Asterot Karnaimɨn nguibamɨn otogha, Refaimɨn adarazi ko uariv sogha me abɨra. Egha me Hamɨn nguibar ekiamɨn otogha Susia ko mɨsogha me abɨra. Egha me Kiriataimɨn boroghɨn danganir zarimɨn otogha Emia ko mɨsogha me abɨra. Egha me ghua Seirɨn Mɨghsɨabar otogha, Horia ko mɨsogha men agɨntɨgha ghua El Paranɨn nguibar mɨriamɨn gumazamiziba puvatɨzir danganimɨn me ataki. Egha gɨn uamategha iza Kadesɨn nguibar ekiamɨn otifi. Kadesɨn ziar ghurim, En Mispat. Me Amalekian nguazim gisɨn me ko mɨsogha me abɨni. Egha me Hasason Tamarɨn nguibar ekiamɨn otivigha Amoria, ko mɨsogha me abɨni. Egha me mɨdorozir kam gamigha me abɨnigha gɨvagha, Kedorlaomer uan namakar 3pla ko ghua 5plan nguibar kabar atriviba ko mɨsosi, Sodom, Gomora, Atma, Seboim ko Bela. Ezɨ 5plan atrivir kaba, uan mɨdorozir gumaziba ko me Sidimɨn danganir zarimɨn uari akuvagha iti. Egha me Kedorlaomer ko an namakar 3pla ko mɨsoghasa uari akɨri. Ezɨ 5plan atrivir kabanangɨn mɨdorozir gumaziba 4plan atrivibar mɨdorozir gumaziba ko uariv sosi.
354	GEN 14:17	Ezɨ Abram, Kedorlaomer uan namakaba ko, me mɨsogha me abɨni. Egha a uamategha izima, Sodomɨn atrivim ghua danganir zarir me kamagh dɨborim, “Save,” an a bato. Ezɨ an ziar mam kamakɨn: Atrivibar Danganir Zarimra.
362	GEN 15:1	Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”
370	GEN 15:9	Ezɨ Ikiavɨra Itir God ghaze, “Nɨ bizir kaba inigh izɨ na danɨngigh: bulmakaun amebar azenir 3pla itim ko, memen amebar azenir 3pla itim ko, sipsipɨn apurir vamɨran azenir 3pla itim ko, kuarazir muziarir me bunbam arɨzir pumuning, nɨ bar da inigh na bagh izɨ.”
378	GEN 15:17	Ezɨ aruem uaghirima mɨtatem otogha gɨfa, ezɨ bizir pumuning oto: nguazir mɨner avim isim ko adenir avim. Ezɨ avivgharim mɨner kamɨn anagava otifi. Ezɨ bizir kamning, asɨzir Abram akuar pumuningɨn bɨagharigha bɨzimɨn arɨghizir kabar tongɨn zui.
393	GEN 16:11	Egha Ikiavɨra Itir Godɨn ensel ua mɨgei: “Nɨ orakigh. Nɨ borim batamin dughiam, a roghɨra izi. Guizbangɨra, nɨ osɨmtɨzim iti, ezɨ Ikiavɨra Itir God nɨn osɨmtɨzim baraki. Kamaghɨn, nɨ otarim bategh ziam Ismael a datɨgh.
569	GEN 22:21	Otarir kabar ziabar kara: Us, an otarir ivariam, ko Bus, ko Kemuel (Kemuel gɨn Aramɨn afeziamɨn oto) ko,
652	GEN 24:60	Ezɨ me Rebeka akar bar aghuimɨn a mɨgɨa ghaze: “En buaramizim, nɨ gumazamizir bar avɨravɨrimɨn amebamɨn otivam. Eghtɨ nɨn ovavir boriba uan apaniba abɨnigh, men nguibaba iniam.”
663	GEN 25:4	Ezɨ Midianɨn otaribar ziabar kara: Efa, Efer, Hanok, Abida ko Elda. Ka bar Keturan igiavotariba.
672	GEN 25:13	Ismaelɨn otariba, men faragha otozimɨn ghua abuananamɨn ziaba: Ismaelɨn otarir ivariamɨn ziam Nebaiot, ezɨ an gɨrara iriba, Kedar, Atbel, ko Mipsam,
755	GEN 27:27	Ezɨ an an torima Aisak an korotiabar mughuriam baregha deravɨrama a gami. Egha ghaze: “Aia, nan otarimɨn mughuriam mati dagher azenimɨn mughuriam! Azenir kam deraghasa Ikiavɨra Itir God deraghavɨram a gami.
767	GEN 27:39	Ezɨ Aisak a mɨgɨa ghaze: “Nɨn nguibam, nguazir dagher aghuiba itibar saghon ikiam. Eghtɨ dɨmagaribar ghuariar dɨpaba nɨn azenibagh iran kogham.
1042	GEN 36:1	Kar Ison ovavir boribar ziaba, an ziar igharazim Idom:
1050	GEN 36:9	Ezɨ Ison boribar ziabar kara: Iso uabɨ, a Idomian afeziam, me Seirɨn Mɨghsɨabar iti.
1056	GEN 36:15	Ezɨ Ison otarir uan adarazir gumazir dapanibar itibar ziabar kara: Elifas a Ison otarir ivariam, an otaribar kara, Teman, Omar, Sefo, Kenas, Kora, Gatam, ko Amalek, me gumazir dapanibar otivigha uan adarazi Idomɨn nguazimɨn men gari. Kar Ison amuim Ada, an ovavir boribar otariba.
1061	GEN 36:20	Seir, a Horian gumazir mam, a Idomɨn nguazimɨn iti. Kar Seirɨn otaribar ziaba: Ezɨ an otariba, Lotan, Sobal, Sibeon, Ana,
1072	GEN 36:31	Dughiar kamɨn Israelia atriviba puvatɨzɨ, gumazir kaba Idomɨn kantrin atrivibar ike:
1081	GEN 36:40	Ezɨ Idomian anababar gumazir dapanibar ziabar kara: Timna, Alva, Jetet, Oholibama, Ela, Pinon, Kenas, Teman, Mipsar, Makdiel, ko Iram. Gumazir kaba me Idomian gumazir dapaniba. Ezɨ Idom kar Ison ziar igharazim, ezɨ Iso Idomian inazir afeziam. Ezɨ gumazir dapanir kaba vaghvagha uan nguibabar ikia, egha uan adarazir gativa men gari.
1395	GEN 46:8	Ezɨ Jekopɨn adarazi a ko Isipɨn kantrin ghueziba, men ziabar kara: Ruben, kar Jekopɨn otarir ivariam.
1398	GEN 46:11	Ezɨ Livain otaribar kara: Gerson, Kohat, ko Merari.
1399	GEN 46:12	Ezɨ Judan otaribar kara: Er, Onan, Sela, Peres, ko Sera. Egha Er ko Onan, aning Kenanɨn nguazimɨn ikiavɨra itir dughiamɨn ovenge. Ezɨ Peresɨn otaribar kara: Hesron ko Hamul.
1400	GEN 46:13	Ezɨ Isakarɨn otaribar kara: Tola, Puva, Iop, Simron.
1401	GEN 46:14	Ezɨ Sebulunɨn otaribar kara: Seret, Elon, ko Jalel.
1403	GEN 46:16	Ezɨ Gatɨn otaribar kara: Sifion, Hagi, Suni, Esbon, Eri, Arodi, ko Areli.
1404	GEN 46:17	Ezɨ Aserɨn otaribar kara: Imna, Isva, Isvi, Beria. Ezɨ men amizim, Sera. Ezɨ Berian otarimning kara: Heber ko Malkiel.
1406	GEN 46:19	Ezɨ Jekopɨn amuim Resel, an otarimningɨn ziamning kara: Josep ko Benjamin.
1407	GEN 46:20	Ezɨ Josep Isipɨn kantrin ikiava Asenat inigha an iti, a Potiferan guivim. Potifera, a Heliopolisɨn nguibamɨn ikia, egha asebar ofa gamir gumazir mam. Ezɨ Asenat, Josep bagha otarir pumuning bate, ezɨ aningɨn ziamning kara: Manase ko Efraim.
1408	GEN 46:21	Ezɨ Benjaminɨn otaribar kara: Bela, Beker, Asbel, Gera, Naman, Ehi, Ros, Mupim, Hupim ko Art.
1411	GEN 46:24	Ezɨ Naptalin otariba kara: Jasel, Guni, Jeser, ko Silem.
1534	EXO 1:1	Jekopɨn otariba an gɨn Isipɨn kantrin ghu, me uan adarazi sara, men ziabar kara:
1596	EXO 3:16	Nɨ mangɨva Israelɨn gumazir dapaniba akuvagh me mɨkɨm suam, ‘Ikiavɨra Itir God, a ian ovaviba, Abraham, Aisak ko Jekopɨn God, a na batogha, kamaghɨn mɨgei: Kɨ ian garima, Isipia pazavɨra ia gami.
1744	EXO 9:1	Egha Ikiavɨra Itir God kamaghɨn Moses mɨgei, “Nɨ mangɨva atrivim kamaghɨn a mɨkɨm suam, ‘Ikiavɨra Itir God, a Hibruian God, a ghaze: Nɨ nan gumazamiziba ateghtɨ me mangɨ nan ziam fam.
1922	EXO 15:1	Dughiar kam Moses Israelian gumazamiziba ko, Ikiavɨra Itir God bagha ighiar kam kamaghɨn a bange: “Ikiavɨra Itir God, a mɨdorozir ekiam abɨra, ezɨ kɨ datɨrɨghɨn a bagh onger akam bangam. Guizbangɨra, a hoziaba ko gumazir hoziabagh isɨn apiaziba me avigha ongarim mɨkɨni. An apaniba abɨra, ezɨ an ziam bar pɨn iti!
1942	EXO 15:21	Miriam me bagha kamaghɨn ighiam bange: “Ikiavɨra Itir God gumazir hoziabagh apiaziba, ko hoziaba sara bar me avigha ongarim mɨkɨnigha, apaniba abɨnigha ziar ekiam ini. Kamaghɨn, ia a bagh onger akam bangɨ.”
2053	EXO 20:1	Ezɨ God kamaghɨn mɨgei:
2079	EXO 21:1	Egha Ikiavɨra Itir God kamaghɨn mɨgei, “Nɨ Israelia damuamin arazibar gun me mɨkɨm:
2290	EXO 27:17	Ingangarim kamaghɨn mangam: ia silvan agharir ighuvir kabar ingarigh, dɨvazir kamɨn dɨpenir akɨnibar pueghtɨ da bar uarir suikigh. Egh silvan akezibar ingarigh egh dɨpenir akɨnibar arightɨ da silvan agharir ighuvibar suigham. Egh bras inigh dɨpenir akɨniba asamin boksiabar ingarigh.
2342	EXO 29:5	Nɨ me ruegh gɨvagh, egh ofa gamir gumazimɨn korotiar kaba isɨ Aron daghuigh: korotiar ruarir aven itim, korotiar ruarir azenan itim, korotiar otevir azenimɨn itim, ko evarimɨn itir forivtarir inim, ko inir ruarir ivariam gitim, a gikegh.
2360	EXO 29:23	Nɨ uaghan mangɨ nan damazimɨn itir bretɨn yis puvatɨzibar itir akɨramɨn itiba, nɨ bretba vaghvagh kamaghɨn bretba ini: bretɨn me olivɨn boremɨn tuezir tam ko, olivɨn boremɨn tuezir puvatɨzir tam, ko bisketɨn vamɨra.
2393	EXO 30:10	Egh azeniba bar dughiar vamɨra, Aron ofa gamir dakozir kam nan damazimɨn zueghsɨ, ingangarim damuam. Ingangarir kam kamakɨn: Asɨzir ian arazir kuraba gɨn amangasa ofa gamim, Aron an ghuzitam inigh, ofa gamir dakozir kamɨn kombar arɨkigh. Ia arazir kam zurara azenibar a damu. Ofa gamir dakozir bar zuezir kam, kɨ Ikiavɨra Itir God, kar nan bizimra.”
2405	EXO 30:22	Egha Ikiavɨra Itir God ua kamaghɨn Moses mɨgei, “Ia bizir aghuarir mughuriar aghuim itiba, da inigh: Mean sanda, an osɨmtɨzim 6 kilogrem, ko sinamonɨn pauran mughuriar aghuim zuim, an osɨmtɨzim 3 kilogrem, ko abuar mughuriar aghuim zuim, an osɨmtɨzim 3 kilogrem.
2407	EXO 30:24	Egh pauran me iter kasian inimɨn ingarizim, an osɨmtɨzim 6 kilogrem, a inigh. Egh 4 lita olivɨn borem inigh, bizir kaba bar dagh ingegh. Egha mati gumazir fofozir bar aghuim ikia deravɨra sandaba verezɨ moghɨn, nɨ deraghvɨra da vereghtɨ sandan aghuim otogham. Borer kam, an ingangarim kamakɨn: me bizim o gumazim na bagh anemɨsɨvɨsɨ, borer kam isɨ a gingegh.
2417	EXO 30:34	Egha Ikiavɨra Itir God ua Moses kamaghɨn a mɨgei, “Ia mɨgharir mughuriar aghuim zuimɨn pauran ingarsɨ, pauran mughuriar aghuim zuir igharagha garitaba inigh, eghtɨ pauran kabar osɨmtɨziba voroghɨra mangɨ. Pauran kabanang: mean paura, ko pauran me zoghuabar mɨn garir bizimɨn ingarizim, ko galbanumɨn akɨmarimɨn eborir gavgavimɨn, ko pauran me iter balsamɨn eborimɨn ingarizim, bar da inigh,
2536	EXO 35:4	Egha gɨn Moses kamaghɨn Israelia bar me mɨgei, “Ikiavɨra Itir God Akar Gavgavim ia ganɨga ghaze:
2537	EXO 35:5	ia datɨrɨghɨn bizitaba isɨ ofan mɨn Ikiavɨra Itir God danɨngam. Gumazamizir uan navimɨn aven biziba bar a danɨngasa nɨghnɨziba, me bizir kaba a danɨng: gol, silva, bras ko,
2553	EXO 35:21	Ezɨ an akaba men avɨribar navibagh ami da dɨkavima, me a mɨkemezɨ moghɨn damuasa ifonge. Ezɨ gumazamiziba bizir guar avɨriba inigha izi: me God bativamin Purirpenimɨn ingaramin biziba ko, an ziam famin biziba ko, ofa gamir gumazibar korotiar aghuaribar ingaramin biziba, me bar da isa ofabar mɨn Ikiavɨra Itir God ganɨdi.
2554	EXO 35:22	Ezɨ gumazamizir kamaghɨn damuasa ifongeziba, uarir kuritir bizir igharagha garir kaba inigha izi. Bizir aghuir kabanang: kuarimɨn ringba, dafarimɨn ringba, fɨrimɨn ikezir ringba, ko golɨn aghuir dirir igharagha gariba itiba. Gumazamiziba bizir kaba isa, dar suiragha da fegha dagh amizɨ, da Godɨn damazimɨn ighuavamadir ofabar mɨn da isa Ikiavɨra Itir God ganɨdi.
2634	EXO 37:29	Egha me pauran mughuriar aghuim ko olivɨn borem deravɨra da verezɨ, borer mughuriar aghuim oto, mati sanda. Olivɨn borer kam, an ingangarim kamakɨn: me bizim o gumazim Ikiavɨra Itir God bagh anemɨsɨvɨsɨ, borer kam a gingam. Me uaghan pauran mughuriar aghuim zuir mabar ingari, mati gumazir fofozir aghuim itim deravɨra da verezɨ, sandan aghuim oto.
2698	EXO 39:33	Egha me bizir kaba bar da inigha Moses bagha zui: Purirpenir kam ko, an biziba bar, an akeziba, dɨvazir aghariba, agharir ighuviba, dɨpenir akɨniba ko, boksiar dɨvazir aghariba ko akɨnibagh asamiba,
2744	EXO 40:36	Israelian tuavir daroriba, me kamaghɨn ami: ghuariar ekiar kam Godɨn Purirpenim ategh pɨn sɨvaghsɨvagh mangɨtɨ, me an ganigh, egh dɨkavigh biziba inigh an gɨn mangam.
2858	LEV 6:1	Ikiavɨra Itir God kamaghɨn Moses mɨkeme:
2874	LEV 6:17	Ikiavɨra Itir God kamaghɨn Moses mɨgei:
2881	LEV 7:1	Ezɨ Ikiavɨra Itir God, Israelia mɨkɨmasa kamaghɨn Moses mɨkeme: “Osɨmtɨziba agevir ofan kaba, da bar Godɨn bizibara. Ofan kabar Araziba kamakɨn.
2892	LEV 7:12	Gumazitam God mɨnabɨ a ko navir vamɨra ikiamin ofan kam damusɨ ifongegh, an asɨzir ofan God mɨnabim inigh, egh uaghan yis puvatɨzir bretɨn taba sara ofa damu. Bretɨn kabar kara: plauan me olivɨn borem sara veregha ingarizir bretba, ko me olivɨn boremɨn aghuizir bisketba, ko olivɨn borer ekiam avarazir bretba, da inigh ofa damu.
3001	LEV 11:3	Asɨzir kabanang: Dar soroghafariba puzir pumuning ikia, aning uaning tuiragha iti, egha da bulmakaubar mɨn graziba api, ia dar amɨ.
3047	LEV 12:2	“Nɨ kamaghɨn Israelian gumazamizibav mɨkemegh: Amizitam navim asegh, otarim bategham, a nan damazimɨn mɨzeghvɨra ikɨ mangɨ 7plan aruebar tugham, mati a uan iakɨnibav sozir dughiam.
3171	LEV 15:2	“Nɨ Israelian gumazamiziba kamaghɨn me mɨkɨm suam: “Gumazitam, an mɨkarzir mogomem duam a batoghtɨ ghuzir mɨtɨzim an azenan otivtɨ, egh ghuzir mɨtɨzir kam a damutɨ, a nan damazimɨn mɨzegham.
3203	LEV 16:1	Aronɨn otarir pumuning faragha, Ikiavɨra Itir Godɨn akam batuegha, a bagh ofa damuasa an boroghɨn zui. Ezɨ an aning mɨsoghezɨ aning aremegha gɨfa, ezɨ gɨn Ikiavɨra Itir God kamaghɨn Moses mɨgei:
3232	LEV 16:30	Arazir kamɨn mɨngarim kamakɨn: Dughiar kamra, ofa gamir gumazim ofa damuva ian arazir kuraba gɨn amangam, eghtɨ ia Ikiavɨra Itir Godɨn damazimɨn zuegham.
3237	LEV 17:1	Ikiavɨra Itir God, akam Aron ko an otariba ko Israelian gumazamizibav kɨmasa akam Moses mɨkeme. Ikiavɨra Itir God kamaghɨn mɨgei: “Kɨ Akar Gavgavir kaba ia ganɨdi.
3241	LEV 17:5	Akar kamɨn mɨngarim kamakɨn: Ia Israelia fomɨra asɨzibav sogha danganir ia itimɨn azenan ofa gami, ezɨ datɨrɨghɨn ia asɨziba inigh ofa gamir gumaziba bagh mangɨ, na bativamin Purirpenimɨn tiar akamɨn ofa damu, egh na ko navir vamɨran ikiam.
3283	LEV 19:1	Ikiavɨra Itir God, kamaghɨn Israelia mɨkɨmasa Moses mɨkeme: “Kɨ, Ikiavɨra Itir God, ian God, kɨ arazir kurabar saghon ikiava, bar zue. Kamaghɨn, ia uaghan nan mɨn arazir kurabar saghon ikɨ, bar zuegh, egh nan gumazamizibara ikɨ.
3320	LEV 20:1	Ikiavɨra Itir God, Israelian gumazamizibav kɨmasa kamaghɨn Moses mɨgei: “Israelian tav o ikɨzir igharazibar gumazamizir Israelɨn kantrin aven itibar tav, uan borim isɨ asem Molek bagh ofan mɨn a danɨngtɨ, ia gumazir kam mɨsueghtɨ an aremegh. Nguazir kamɨn gumazamiziba bar dɨkavigh dagɨaba isɨ gumazir kam ginivightɨ an aremegh.
3347	LEV 21:1	Ikiavɨra Itir God, Aronɨn adarazir ofa gamir gumazibav kɨmasa kamaghɨn Moses mɨgei: “Ian adarazir tav aremeghtɨ, ia gumazir aremezim bagh aghuimazir arazim damuan markɨ. Arazir kam ia gamima, ia nan damazimɨn mɨze.
3362	LEV 21:16	Egha Ikiavɨra Itir God ua kamaghɨn Moses mɨgei:
3363	LEV 21:17	“Nɨ kamaghɨn Aron mɨkemegh: Nɨn adarazir gumazitam datɨrɨghɨn o gɨn izamin dughiamɨn otoghtɨ, an mɨkarzim duatam ikɨ ikuvightɨ, gumazir kam na bagh daghebar ofabar amuan markɨ.
3364	LEV 21:18	Gumazir mɨkarziba ikuviziba, me nan boroghɨn izɨ na bagh ofabar amuan markɨ. Kɨ gumazir kamagh garibav gei: damazir okaviziba, o suer kuraba, o guar kuraba, o amebamɨn navimɨn averara sueba ko aghariba otevegha ikɨzɨrɨghiziba,
3371	LEV 22:1	Ikiavɨra Itir God kamaghɨn Moses mɨgei:
3396	LEV 22:26	Ikiavɨra Itir God kamaghɨn Moses mɨgei:
3405	LEV 23:2	“Nɨ kamaghɨn Israelian gumazamizibav mɨkemegh: Kar dughiar ekiar ia nan ziam fasa kɨ inabaziba. Ia uari akuvagh dughiar kabar nan ziam fam.
3413	LEV 23:10	“Nɨ Israelian gumazamiziba kamaghɨn me mɨkemegh: Dughiar ia mangɨ nguazir kɨ ia danɨngamimɨn ikiamimɨn, ia witɨn ian azenibar itir aniziba inigh, egh zurara azeniba bar, witɨn ikɨzir ia faragha ikeziba, ia da ater ofa gamir gumaziba bagh mangɨ.
3426	LEV 23:23	Ikiavɨra Itir God kamaghɨn Moses mɨgei:
3429	LEV 23:26	Egha Ikiavɨra Itir God Moses mɨgei:
3436	LEV 23:33	Ikiavɨra Itir God akar kam Israelia danɨngasa kamaghɨn Moses mɨkeme: “Iakɨnir namba 7, an aruer namba 15ɨn, kar Averpenibar Ikiamin Dughiar Ekiam. Dughiar kamɨn, gumazamiziba temer aguabar averpenibar ingaram, egh 7plan aruebar dar ikɨ Ikiavɨra Itir God gɨnɨghnɨgh.
3448	LEV 24:1	Ikiavɨra Itir God kamaghɨn Moses mɨgei:
3462	LEV 24:15	Eghtɨ gɨn nɨ Israelia mɨkɨm suam: Gumazitam akar kuramɨn na mɨkemegham, an arazir kuram gamigha gɨfa, egh a uan arazir kuramɨn osɨmtɨzim ateram.
3471	LEV 25:1	Moses Sainain Mɨghsɨamɨn ikiavɨra itima, Ikiavɨra Itir God akar kam Israelia mɨkɨmasa a ganɨngi: “Ia gɨn nguazir kɨ ia danɨngasa mɨkemezir kamɨn mangɨ an otivigh, egh zurara namba 7ɨn azenimɨn, ia nguazir kamɨn dagheba oparan markɨ. Ia nguazim ateghtɨ, a pura ikɨ. Ia Sabatɨn dughiabar avughsi moghɨn, nguazim uaghan avughsam. Ia kamaghɨn damuva mɨkɨm suam, namba 7ɨn azenim, a Ikiavɨra Itir Godɨn azenimra, kamaghɨn nguazim avughsi.
3610	NUM 1:5	“Gumazir guan akuragh ingangarir kam damuamin mabar ziabar kara: Rubenɨn anabamɨn adarazir gumazim, Sedeurɨn otarim Elisur, gua a inigh.
3625	NUM 1:20	Gumazir 20plan azeniba itiba, ko 20plan azenibagh afiraziba, me mɨdorozim damuan tughatɨ. Moses ko Aron gumazir kaba vaghvagha men ziaba ko anababa ko men ikɨzibar ziaba ko men apengan itibar ziaba osiri. Me Jekopɨn otarir ivariam Rubenɨn ikegha izaghirɨ. Ezɨ men dɨboboniba da, bar kamakɨn: Rubenɨn anabamɨn gumazibar dɨbobonim, 46,500ɨn tu. Ezɨ Simeonɨn anabamɨn gumazibar dɨbobonim, 59,300ɨn tu. Ezɨ Gatɨn anabamɨn gumazibar dɨbobonim, 45,650ɨn tu. Ezɨ Judan anabamɨn gumazibar dɨbobonim, 74,600ɨn tu. Ezɨ Isakarɨn anabamɨn gumazibar dɨbobonim, 54,400ɨn tu. Ezɨ Sebulunɨn anabamɨn gumazibar dɨbobonim, 57,400ɨn tu. Ezɨ Josepɨn otarir mam Efraim, an anabamɨn gumazibar dɨbobonim, 40,500ɨn tu. Ezɨ Josepɨn otarir igharazim Manase, an anabamɨn gumazibar dɨbobonim, 32,200ɨn tu. Ezɨ Benjaminɨn anabamɨn gumazibar dɨbobonim, 35,400ɨn tu. Ezɨ Danɨn anabamɨn gumazibar dɨbobonim, 62,700ɨn tu. Ezɨ Aserɨn anabamɨn gumazibar dɨbobonim, 41,500ɨn tu. Ezɨ Naptalin anabamɨn gumazibar dɨbobonim, 53,400ɨn tu. Ezɨ men gumazibar dɨboboniba bar moghɨra, 603,550ɨn tu.
3660	NUM 2:1	Ikiavɨra Itir God Moses ko Aron akar kaba aning ganɨngi:
3710	NUM 3:17	Fomɨra, Livai otarir 3pla iti, men ziabar kara: Gerson, Kohat, ko Merari.
3712	NUM 3:19	Ezɨ Kohatɨn otaribar ziabar kara: Amram, Ishar, Hebron ko Usiel, me gɨn uan ikɨzibar afeziabar otifi.
3718	NUM 3:25	Gersonɨn ikɨzimɨn gumaziba, me ingangarir kaba iti. Me God bativamin Purirpenimɨn iniba bar dar ganam, dar kara: an aven itir bɨribar inir duiba bar, ko azenan anevamin inir ekiaba, ko an tiar akamɨn inim ko, Purirpenim ko ofa gamir dakozim avɨnizir dɨvazimɨn iniba, ko dɨvazimɨn azenan zuir tiar akamɨn iniba, ko inir kaba duir beniba. Me bizir kaba bar dar ganamin ingangarim iti.