260	GEN 10:25	Ezɨ Eber an otarir pumuning iti. Mamɨn ziam Pelek. Pelek itir dughiamɨn nguazimɨn itir gumazamiziba tintinimɨn bɨaghire. Kamaghɨn me ziar kam, “Pelek,” a gatɨ. Ziar kamɨn mɨngarim kamakɨn, “Bar bɨaghire.” Ezɨ Pelekɨn dozimɨn ziam Joktan.
354	GEN 14:17	Ezɨ Abram, Kedorlaomer uan namakaba ko, me mɨsogha me abɨni. Egha a uamategha izima, Sodomɨn atrivim ghua danganir zarir me kamagh dɨborim, “Save,” an a bato. Ezɨ an ziar mam kamakɨn: Atrivibar Danganir Zarimra.
396	GEN 16:14	Ezɨ bizir kam bagha gumazamiziba mozir dɨpar kam dɨbora ghaze, “Godɨn Zurara Ikia Nan Garim.” Mozir dɨpar kam Kadesɨn nguibam ko Beretɨn nguibamɨn tizimɨn ikiavɨra iti.
654	GEN 24:62	Aisak faragha mozir pamɨn boroghɨn iti, mozir par me kamagh dɨborim, “Godɨn Zurara Ikia Nan Garim.” Egha dughiar kam a mozir pam ategha iza Negevɨn danganimɨn iti.
670	GEN 25:11	Ezɨ Abrahamɨn ovevemɨn gɨn, God bar deraghvɨra an otarim Aisak gami. Dughiar kam, Aisak mozirpar mamɨn boroghɨn iti, mozirpar me kamagh dɨborim, “Godɨn Zurara Ikia Nan Garim.”
764	GEN 27:36	Ezɨ Iso ghaze, “A faragha na gifaragha, datɨrɨghɨn ua na gifara. Ezɨ an ziam Jekop. Ziar kam Jekop an amir arazibar mɨrara ghu. A faragha kɨ otarir ivariamɨn mɨn itir danganim na dama a ini, egha datɨrɨghɨn nɨ gifarazɨ nɨ deragha a gami. Ezɨ Afeziam, manmaghɨn ami, nɨ deraghvɨra na damuamin bizitam ua ikɨtɨ, nɨ a inigh na danɨngigh?”
1595	EXO 3:15	Egha God ua kamaghɨn Moses mɨgei, “Nɨ kamaghɨn Israelian gumazamizibav kɨm, ‘Ikiavɨra Itir God, a ian inazir afeziabar God, an Abraham ko Aisak ko Jekopɨn God, a na amadazɨ, kɨ ia bagha izi.’ Ziar kam, Ikiavɨra Itir God, a zurazurara nan ziam, ezɨ gɨn otivamin boriba ziar kamra na dɨpon.
1924	EXO 15:3	Ikiavɨra Itir God, a bar mɨdorozir gumazir gavgavim. Ziar kam, Ikiavɨra Itir God, kar an ziam.
4028	NUM 11:3	Danganir kam, me kamaghɨn a dɨbori, Tabera. Ziar kamɨn mɨngarim kamakɨn, “Avim Isir Danganim.” Ziar kamɨn nɨghnɨzim kamaghɨn zui, danganir kamɨn, Ikiavɨra Itir Godɨn avim men tongɨn isi.
4059	NUM 11:34	Danganir kamɨn, me gumazamizibar kuaba afegha, a dɨbora ghaze, Kibrot Hatava. Ziar kamɨn mɨngarim kamakɨn, “Asɨziba bagha puvɨra arair gumazamizibar kuaba afezir danganim.”
4918	DEU 1:24	Egha me dɨkavigha mɨghsɨaba itir danganimɨn pɨn ghua, Eskolɨn Danganir Zarimɨn otivigha moga garagha rui.
4953	DEU 2:13	Egha Moses ua kamaghɨn mɨgɨa ghaze, “Ikiavɨra Itir God e mɨkemezɨ moghɨra e gɨn Seretɨn Danganir Zarim abɨgha zui.
4954	DEU 2:14	Dughiar e Kades Barnean ikegha iza Seretɨn Danganir Zarim abigha izezim, datɨrɨghɨn 38plan azeniba. Ezɨ Ikiavɨra Itir God mɨkemezɨ moghɨra, mɨdorozir gumazir e ko Kades Barnean ikegha izeziba, me bar moghɨram ariaghire.
4976	DEU 2:36	Ikiavɨra Itir God, en God, en amamangatɨzɨ, e Arnonɨn Danganir Zarimɨn mɨriamɨn aven itir nguibam Aroerɨn ikegha ghua Gileatɨn nguazimɨn otivigha men nguibar kaba bar dagh asɨghasɨki. E zuima, nguibar kaba avɨnizir dɨvazir tam e gamizɨ, e aven mangasa iburazir puvatɨ.
5839	DEU 33:27	Godɨn Zurara Itim, an en mogomer danganim. A zurara uan dafarimningɨn ian suigha ia ataghɨrazir puvatɨ. Ia mangɨ Kenanɨn nguazim iniamin dughiam a ian faragh mangɨ, ian apaniba batuegh ia mɨkemeghtɨ, ia mangɨ me mɨsoghɨrarigham.
6546	JDG 1:35	Amoria uarira Heresɨn Mɨghsɨam ko, Aijalonɨn nguibar ekiam, ko Salbimɨn nguibar ekiam gapia. Ezɨ men nguazir mɨtaghniam, Tuighakabar Mɨghsɨamɨn Pɨn Zuir Tuavimɨn ikegha ghua, Selan nguibamɨn otogha bar sɨvagha ghu. Ezɨ dughiar maba, Josepɨn anabamɨn gumazamiziba me gativagha me gamizɨ, me men ingangarir gumazamizir kɨnibar otifi.
7149	RUT 1:20	Ezɨ Naomi ghaze, “Ia ‘Naomi,’ na darɨghan markɨ. Ziar kam kamakɨn, amizir navir aghuim itim. Puvatɨ. Godɨn Gavgaviba Bar Itim navir osɨmtɨzim na ganɨngi. Ezɨ ia ‘Mara,’ na darɨgh, ziar kam kamakɨn, amizir navir kuram itim, mati dagher mɨsozim pamten an akam mɨsosi.
7274	1SA 2:32	Kamaghɨn, ia zurara ikɨ gantɨ, kɨ bizir aghuiba isɨ Israelian igharaz darazi danɨngam, ia tam inighan kogham. Zurara zurara, nɨn adarazir gumazitam gɨn bar ghurighan kogham. Bar puvatɨ.
7505	1SA 13:18	Ezɨ okoruar mam aruem uaghiri naghɨn, Bethoronɨn nguibar ekiamɨn ghu. Ezɨ okoruar igharazim aruem anadir danganimɨn amadaghan ghu, kar gumazamiziba puvatɨzir danganim bagha zuir tuavim, nɨ mɨghsɨar kamɨn zuir tuavimɨn mavanang beragh, munagh Afiar Atiaba Itir Danganir Zarimɨn ganam.
7646	1SA 17:26	Ezɨ Devit deragha akar kam baraghizir puvatɨgha kamaghɨn an boroghɨn itir gumazibar azai, “Gumazir manatam Filistian gumazir kam mɨsueghtɨ, an aremeghtɨ, Israelian aghumsɨzir kam gɨvagham, eghtɨ atrivim manmaghɨn a damuam? Kɨ kamaghɨn gari, Filistian kam, a gumazir God gɨfozir puvatɨzim, egha uan mɨkarzir mogomemɨn inim atuzir puvatɨ. A uabɨ fava dɨbovir akabar Godɨn Zurara Itimɨn mɨdorozir gumazibav gei.”
8225	2SA 8:13	Devit gɨn uan mɨdorozir gumaziba ko Idomia ko mɨsoghasa, Danganir Zarir Amangsɨzir Avɨrim Itimɨn ghu. Egha me Idomian 18,000plan gumazibav soghezɨ me ariaghire. Ezɨ gumazamiziba akar kam baregha ziar ekiam Devit ganɨngi.
8499	2SA 18:18	Apsalom fomɨra angamɨra itir dughiamɨn, a dagɨar ruarir ekiar mam inigha Atrivimɨn Danganir Zarimɨn uan ziamɨn ababanim gamuava, anesara. Egha a kamaghɨn mɨgei, “Kɨ otarir nan danganim iniamba puvatɨ, eghtɨ a Israelia damutɨ, me na gɨnɨghnɨgham.” A bizir kam bagha uan ziam isa dagɨar kam gatɨ. Ezɨ datɨrɨghɨn gumazamiziba uaghan dagɨar kam dɨbora ghaze, “Apsalomɨn Dagɨam.”
9907	2KI 14:7	Dughiar mamɨn, Amasia uan mɨdorozir gumaziba ko me ghua Idomian mɨdorozir gumazir 10,000pla, Danganir Zarir Amangsɨzir Avɨrim Itimɨn me ko mɨsosi. Egha me Idomia abɨragha, Selan nguibar ekiam ini. Egha Amasia nguibar ekiar kam, ziam Joktel a gatɨ. Ezɨ me dughiar kamɨn ikegha iza datɨrɨghɨn, ziar igiar kam a garɨsi.
10069	2KI 19:4	Asirian atrivim uan abuir gumazim amadazɨ, a iza dɨbovir akabar en Godɨn Zurara Ikiavɨra Itim mɨkeme. E fo, Ikiavɨra Itir God, an dɨbovir akaba baregha gɨfa, eghtɨ a gumazamizir dɨbovir akar kabagh amiziba, ivezir kuram isɨ me danɨngam. Kamaghɨn amizɨ, nɨ en akuragh God ko mɨkɨmtɨ, e ikiavɨra itir varazira a en akuraghtɨ, e ovengan kogham.”
10087	2KI 19:22	Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!
10275	1CH 1:19	Ezɨ Eber an otarir pumuning iti. Mamɨn ziam Pelek. Pelek itir dughiamɨn nguazimɨn itir gumazamiziba tintinimɨn bɨaghire. Kamaghɨn me ziar kam, “Pelek,” a gatɨ. Ziar kamɨn mɨngarim kamakɨn, “Bar bɨaghire.” Ezɨ Pelekɨn dozimɨn ziam Joktan.
10403	1CH 4:14	Ezɨ Meonotai, a Ofran afeziam. Ezɨ Seraia, a Joapɨn afeziam. Ezɨ Joap, danganir zarir mamɨn itir ikɨzimɨn inazir afeziam. Danganir zarir kam, me kamaghɨn a dɨbora ghaze, “Fofozim Itir Ingangarir Gumazibar Danganir Zarim.” Danganir kamɨn itir gumazamiziba, me bizir guar avɨribar ingaramin fofoziba iti. Kamaghɨn amizɨ, me ziar kam a gatɨ.
10907	1CH 18:12	Ezɨ Seruian otarim Abisai, Devitɨn mɨdorozir gumaziba inigha uaghira Idomia ko mɨsoghasa, Danganir Zarir Amangsɨzir Avɨrim Itimɨn ghu. Egha me Idomian 18,000plan gumazibav soghezɨ me ariaghire.
11618	2CH 20:26	Egha namba 4ɨn aruemɨn, me iza danganir zarir mamɨn uari akuvagha, Ikiavɨra Itir God men akuragha amizir bizim gɨnɨghnɨgha, an ziam fe. Bizir kam bangɨn, dughiar kamɨn ikegha iza datɨrɨghɨn, me danganir kam kamaghɨn a dɨbori, Godɨn Ziam Fer Danganir Zarim.
11720	2CH 25:11	Egha gɨn Amasia gavgavim uan nɨghnɨzim ganigha, uan mɨdorozir gumaziba inigha Idomia mɨsoghasa Danganir Zarir Amangsɨzir Avɨrim Itimɨn ghu. Egha me Idomian mɨdorozir gumazir 10,000pla mɨsoghezɨ me ariaghire.
11746	2CH 26:9	Egha Usia Jerusalemɨn, nguibar ekiam avɨnizir dɨvazim gavgavim a ganɨdi. A tauan gavgaviba, Tiar Akar Mɨkebamɨn Itim, ko Danganir Zarimɨn Zuir Tiar Akam, ko Sɨghar Konimɨn mɨn amizir dɨvazim gisɨn tauabar ingari, eghtɨ mɨdorozir gumaziba dar ikɨ apaniba bagh ganam.
11772	2CH 28:3	Egha a uaghan arazir bar igharazim gami. A Hinomɨn Danganir Zarimɨn uan otaribav suegha, aseba bagha ofan bar isia mɨghɨribar mɨn me tue. Egha a fomɨra nguazir kamɨn ikezir gumazamizibar arazir kurabar gɨn zui. Ezɨ Ikiavɨra Itir God bar men arazibar aghuagha me batuegha, nguazir kam inigha Israelia ganɨngi.
11850	2CH 30:18	Ezɨ gumazamiziba bar moghɨra ofa gamizir sipsipɨn kabar tuziba ame. Egha me Moses Osirizir Araziba mɨkemezɨ moghɨn, men bar avɨrim faragha Godɨn damazimɨn uari zuezir arazim gamizir puvatɨ. Zuezir puvatɨzir gumazamizir avɨrir kabar maba, me Efraim ko, Manase ko Isakar ko, Sebulunɨn anababar adarazir ize. Atrivim Hesekia me gɨnɨghnɨgha kamaghɨn God ko mɨgei, “O Ikiavɨra Itir God, en ovavibar God, nɨ fo, gumazamizir kaba nɨn Arazibar gɨn ghua uari zuezir puvatɨgha, nɨn Dɨpenimɨn ize. Me bar ifongiar ekiam nɨn ikia nɨ bagh izɨ nɨn ziam fasa. Ikiavɨra Itir God, nɨ bar dera, nɨ gumazamizir kabar arazir kuraba gɨn amadagh.”
12325	NEH 2:13	Dɨmagarim ikiavɨra itima, kɨ gumazir vabara ko, e nguibar ekiam ategha, Aruem Uaghiri Naghɨn Tiar Akamɨn azenan zui, kar me kamaghɨn dɨborim, Danganir Zarimɨn Tiar Akam. Egha e ragha sautɨn amadaghan ghua mozir pam gita, Mozir par kam, me Kuruzir Ekiamɨn Mozir Pam, a gatɨ. Egha e ghua Tiar Akar Bizir Bar Mɨzɨrɨziba Akurir Danganimɨn oto. E aruavɨra ikia izava, kɨ deravɨra dɨvazir bar mɨtiar gavgavir me fomɨra dɨpɨrizim, ko tiar akar avimɨn isizibar gara da tuisɨsi.
12327	NEH 2:15	Kamaghɨn amizɨ, dɨmagarir kamɨn, e Kidronɨn danganir zarim giraghue, egha kɨ deravɨra dɨvazimɨn gari. Egha gɨn ua raghɨrɨgha tuavir e ghuezim, uam an izi. Egha iza tiar akar e ghuezim, e uam an oto. Kar Danganir Zarimɨn Tiar Akam. Egha ua nguibar ekiamɨn aven zui.
12345	NEH 3:13	Ezɨ Hanun ko Sanoan nguibamɨn gumaziba, Danganir Zarimɨn Tiar Akamɨn ingari. Egha tiamning isa tiamɨn danganim garɨgha egha tiam asamin loghɨn gavgaviba ko ainɨn ruariba isa, tiam dukumasa aning garɨsi. Egha me ghua dɨvazir nar ekiamɨn, ingaravɨra ghua Tiar Akar Bizir Bar Mɨzɨrɨziba Akurir Danganimɨn oto, dɨvazir nar kamɨn ruarim a 440 mitan tu.
12360	NEH 3:28	Ezɨ ofa gamir gumazir maba dɨvazir nam uam an ingari, a notɨn amadaghan itir Hoziaba Zuir Tiar Akamɨn boroghɨn iti. Me vaghvagha dɨvazir nar men dɨpenibar boroghɨn itibar ingari.
12408	NEH 6:2	Kamaghɨn amizɨ Senbalat ko Gesem me na bagha akam amaga ghaze, nɨ izɨ Onon Danganir Zarimɨn nguibar mamɨn ga bativam. Ezɨ kɨ fo, aning na gifaragh na gasɨghasɨghasa.
12992	JOB 6:10	Kɨ fo, kɨ akɨrim ragha Godɨn akam gasarazir puvatɨ, a Godɨn Bar Zuezim. Kamaghɨn, kɨ mɨzazir ekiam isa aremeghamin dughiam, kɨ kamagh mɨkɨm suam, a dera, pura bizim, kɨ bar akuegh uabɨ fɨ uabɨ akunam.
15053	PSA 71:22	Kɨ gita mɨsoghtɨ an ararer aghuim otivtɨ, kɨ nɨn ziam fam. O nan God, nɨn akam a bar guizbangɨra, ezɨ nɨ na ataghɨrazir puvatɨ. Kamaghɨn, kɨ nɨn ziam fam. Nɨ, Israelian Godɨn Bar Zuezim, kɨ buam mɨsogh ighiam bangɨ ziar ekiam nɨ danɨngam.
15212	PSA 78:41	Me zurara Godɨn gavgavim gɨfofoghasa, a gavgavis ti o puvatɨ? Egha arazir kabagh amua, Israelian Godɨn Bar Zuezim gamizɨ, an navim bar osemegha men atari.
15327	PSA 84:7	Me dɨpar atuir dɨpaba puvatɨzibar zui. Danganir kamɨn ziam Temeriba Itir Danganir Zarim. Me mozir dɨpaba danganir kamɨn dagh amizɨ da otifi. Mɨzarazibar amoziba izima mozir dɨpar kaba izefi.
15409	PSA 89:19	O Ikiavɨra Itir God, nɨ uabɨ e geghuv en ganamin gumazim, oramɨn mɨn e ganɨngi. Nɨ Israelian Godɨn Bar Zuezim, nɨ arazir aghuimrama amuava, atrivim e ganɨngi.
16411	PSA 145:21	Zurazurara, kɨ Ikiavɨra Itir Godɨn ziam fam. Eghtɨ bizir angamɨra itir a ingariziba, me an ziam fɨ ikɨ mamaghɨra ikiam.
17728	ISA 1:4	Iavzika! Ia gumazamizir bar kuraba, ian araziba uaghan ikufi. Ia zurara arazir kurabagh amuavɨra itima, ian arazir kuram ia gekua ghuaghiri. Ia Israelia, ia uan Ikiavɨra Itir God ategha gɨfa. Guizbangɨra, ia akɨrim ragha Israelian Godɨn Bar Zuezim gasara.
17828	ISA 5:19	Ia kamaghɨn mɨgɨa ghaze, “E kamaghɨn orasi, Israelian Godɨn Bar Zuezim, a bizitamɨn e damusɨ egh a zuamɨram a damuam. Egh e kamaghɨn ganigh, an nɨghnɨzim gɨfogham.”
17833	ISA 5:24	Ia Ikiavɨra Itir Godɨn Gavgaviba Bar Itimɨn akaba baraghan aghua. Ia akɨrim ragha Israelian Godɨn Bar Zuezimɨn Akar Gavgavibagh asaragha gɨfa. Kamaghɨn amizɨ, ia dadar mɨsɨngizibar mɨn ikuvigham, mati dar biba kurigha gɨvazɨ, dar akɨmariba asiaghira nguazim gɨra, mɨnezibar mɨn mɨgha ghue. Osɨmtɨzir kam bar zuamɨram ia batogham, mati avim isia ghua dadar mɨsɨngizibagh irɨgha zuamɨra isigha gɨfa.
17842	ISA 6:3	Egha me dɨa ongava uarira uariv gɨa ghaze: “Ikiavɨra Itir Godɨn Gavgaviba Bar Itim, an arazir kurabar saghon ikiava Bar Zue, a Bar Zue, a Bar Zue! An angazangarim ko gavgavim ko ziar ekiam, bar nguazim avara.”
17878	ISA 8:1	Ezɨ Ikiavɨra Itir God kamaghɨn na mɨgei, “Nɨ osɨrsɨ bizir ekiatam inigh, egh a gisɨn en akamɨn letan kɨnir kabar, ziar kam osirigh, ‘Me Zuamɨram Okemegh Zuamɨram a Inigh Mangɨ.’ Nɨ bar deravɨram an osirigh, eghtɨ gumazamiziba deravɨram an ganɨva a dɨponam.
17880	ISA 8:3	Ezɨ kɨ gɨn ghua uan amuim, a Godɨn akam inigha izir amizir mam, a koma akui. Ezɨ a navim asegha otarim bate. Ezɨ Ikiavɨra Itir God kamaghɨn na mɨgɨa ghaze, “Nɨ ziar kam a datɨgh, ‘Me Zuamɨram Okemegh Zuamɨram A Inigh Mangɨ.’
17881	ISA 8:4	Borir kam tɨghar kamaghɨn fogh suam, kar nan amebam ko nan Afeziam, ezɨ dughiar kamra, Asirian kantrin mɨdorozir gumaziba izɨ Damaskusɨn nguibar ekiam ko Samarian nguibar ekiamɨn bizir aghuiba okemegh, mangɨ uan atrivim danɨngam. Ezɨ borir kamɨn ziamɨn mɨngarim kamakɨn, Zuamɨram Okemegh Zuamɨram A Inigh Mangɨ.”
17890	ISA 8:13	Ia kamaghɨn fogh suam, Ikiavɨra Itir Godɨn Gavgavim Bar Itim, a Godɨn Bar Zuezim, egha arazir aghuibara ami. Ia anarɨram atiatingɨva an apengan ikɨ.
17905	ISA 9:5	Bar guizbangɨra, otarir mam amebam e bagha a bate, a borir God e ganɨngizir mam. Eghtɨ an e gativagh en ganamin arazir kam, mati gumazim dɨpenir akɨnir dafam uan dɨpɨzim gatɨgha aneteri. Kar an ziaba, Gumazir Nɨghnɨzir Bar Aghuiba Anɨdim, ko Godɨn Gavgaviba Bar Itim, ko Afeziar Zurara Ikiavɨra Itim, ko Atrivir Dabirabir Aghuim ko Navir Amɨrizim Anɨdim.
17937	ISA 10:17	Ekiam, a Israelian Godɨn Bar Zuezim, a Israelian gumazamizibar angazangarimɨn mɨn iti. Egh Asiriaba, an avir bar dafamɨn mɨn otogh, men kantri daboroghtɨ, a isigham. Egh dughiar vamɨran, a Asirian oghevsevir kurabar apueghtɨ, da bar isigham.
17940	ISA 10:20	Jekopɨn ovavir boriba, datɨrɨghɨn uan apanibar atrivir me mɨsogha itim, me an atiatighava, an apengan ikia uarir akurvaghasa an dia. Eghtɨ gɨn izamin dughiam otoghtɨ, Israelian ikiavɨra itir varazira, apanir kam bagh gan uarir akurvaghsɨ nɨghnɨzir gavgavim an ikian kogham. Puvatɨ. Dughiar izamimɨn, me Ikiavɨra Itir God baghvɨra ikɨ nɨghnɨzir gavgavim an ikiam. A Israelian Godɨn Bar Zuezim, eghtɨ me guizɨn an akamɨn gɨn mangɨ uarir akurvaghsɨ, anarɨra mɨzuamam.
17976	ISA 12:6	O Saionɨn Mɨghsɨamɨn itir gumazamiziba, ia fo, Israelian Godɨn Bar Zuezim, a ian tongɨn ikia ingangarir ekiabagh amua, ziar bar ekiam iti. Kamaghɨn amizɨ, ia pamten dɨmɨva arang bar akuegh onger akabar amu.
18037	ISA 15:7	Ezɨ Moapia uan nguibamɨn ikiava, uari bagh akumakumizir bizir aghuiba, me da saram ari. Me kantri Moap ategha, Temeba Itir Danganir Zarir tuavimɨn zui.
18060	ISA 17:7	Dughiar kamɨn, gumazamiziba navibagh iragh, Israelɨn Godɨn ziam fɨ nɨghnɨzir gavgavim an ikiam, a Godɨn men ingarizim, a Israelian Godɨn Bar Zuezim.
18123	ISA 22:1	Ikiavɨra Itir God, Irebamɨn Mɨn Garir Biziba Otivamin Danganir Zarim bagh akar kam anɨngi. Ia Jerusalemɨn itir gumazamiziba, ia bar manmaghɨra nɨghnigha, dɨa nɨgɨnir dafam gamua, egha bar akonge? Ia uan dɨpenir inogoribar ghuavanega pamtem deima, ian nɨgɨnim nguibar ekiamɨn ruaghateviba bar dar ghu. Ian gumazir ariaghireziba, me mɨdorozir gumazir gavgavibar mɨn mɨsoghava ariaghirezir puvatɨ.
18127	ISA 22:5	Ikiavɨra Itir Godɨn Gavgaviba Bar Itim, nan Ekiam, an osɨmtɨzir guar avɨriba ia bativamin dughiam amɨsevegha gɨfa. Osɨmtɨzir kaba, Irebamɨn mɨn Garir Bizibar Garir Danganir Zarimɨn ia bativam. Dughiar kamɨn, apanir bar avɨrim izɨva pamtemɨn dɨmɨva ivemar mangɨ izegh damutɨ, ia dɨgavir kuram damigh onganigham. Egh me nguibar ekiamɨn dɨvazir gavgavim akartɨ, ia atiatingtɨ, ian dɨmdiam bar saghon mangɨ mɨghsɨabar tugham.
18150	ISA 23:3	Egha ia ongarir bar konim gisɨn arua, kantrin avɨribar ghua biziba amaga, dagh ivezagha arua, egha ia ziar ekiam isi. Ian kuriba Isipɨn kantrin ghua, Nailɨn Fanemɨn ghua, Sihorɨn Danganir Zarimɨn amadaghan ghua, witɨn ovɨziba ko, biziba inigha ia bagha izi. Ezɨ ia dar dagɨabar ingangaribagh amua, dar dagɨaba isi.
18282	ISA 29:19	Eghtɨ gumazamizir uari abɨriba, me Ikiavɨra Itir God bagh bar akuegham. Eghtɨ gumazamizir biziba puvatɨziba, me uaghan Israelian Godɨn Bar Zuezim bagh bar akuegham.
18286	ISA 29:23	Ia ingangarir kɨ ian tongɨn amizibar gan, egh guizbangɨra kamaghɨn fogh suam, kɨ Israelian God, kɨ Jekopɨn ovavir boribar Godɨn Bar Zuezim. Eghtɨ ia nan ziam fɨva nan apengan ikiam.
18298	ISA 30:11	Ia ingangarir kam atakigh, egh bar saghon ikɨva, en tuavim apɨran markɨ. E Israelian Godɨn Bar Zuezimɨn akaba baraghan aghua.”
18299	ISA 30:12	Ezɨ Israelian Godɨn Bar Zuezim, a kamaghɨn mɨgei, “Ia nan Akar Gavgavim munasava akɨrim ragha na gasara. Egha ia kamaghɨn nɨghnɨzir gavgavim ikia ghaze, Ifavarir arazim ko igharaz darazi dɨkabɨrir araziba ian akuragham.
18302	ISA 30:15	Ikiavɨra Itir God, nan Ekiam, a Israelian Godɨn Bar Zuezim, a kamaghɨn mɨgei, “Tuavir ia deravɨra ikiamim, a kamakɨn. Ia uamategh na bagh izɨ, egh avughsɨ ikɨtɨ, kɨ ian akurvagham. Eghtɨ ia navir amɨrizimɨn ikɨ nɨghnɨzir gavgavim narara ikɨva, ia gavgavigh ikiam.” God kamaghɨn mɨkeme, ezɨ ia an akar kamɨn gɨn mangan bar aghua.
18321	ISA 31:1	Ia abuir gumaziba, ia kantri Isipɨn ghuava uarir akurvaghasa, men azangsɨsi, iavzika! Ia bar ikuvigham. Ia Isipian hoziaba ko men karisɨn avɨriba ko karisɨn suizir gumazir bar gavgaviba, ia nɨghnɨzir gavgavim dar iti. Ia ti ghaze, Isipia ian akuragham. Egha ia Israelian Godɨn Bar Zuezim, nɨghnɨzir gavgavim an itir puvatɨ. Egha ia uarir akurvaghasa Ikiavɨra Itir Godɨn azangsɨzir puvatɨ. Kamaghɨn amizɨ, ia bar ikuvigham. Iavzika!
18358	ISA 33:9	Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.
18392	ISA 35:2	Egh nguazir mɨdiarir kam, akɨmarir avɨriba an otogh oneghtɨ, an ganganim bar deraghtɨ, a bar akuegh pamten dɨmɨva arangam. Ikiavɨra Itir God dirir aghuim isɨ nguazir mɨdiarir kam danɨngtɨ, an ganganim bar deragham, egh Lebanonɨn ruarir ekiam ko, Karmelɨn Mɨghsɨam ko, Saronɨn Danganir Zarimɨn ganganir aghuimɨn mɨrara ganam. Eghtɨ gumazamiziba Ikiavɨra Itir Godɨn angazangarim ko gavgavimɨn ganɨva, egh uaghan en Godɨn ziar ekiamɨn gantɨ, an atrivimɨn kurkazir aghuimɨn mɨn ikiam.
18426	ISA 37:4	Asirian atrivim uan abuir gumazim amadazɨ, a iza dɨbovir akabar en Godɨn Zurara Ikiavɨra Itim mɨkeme. E fo, Ikiavɨra Itir God, an dɨbovir akaba baregha gɨfa, egh gumazir kamaghɨn amizim, God ivezir kuram a danɨngam. Kamaghɨn amizɨ, nɨ en akuragh God ko mɨkɨmtɨ, Ikiavɨra Itir God, e varazira en akuraghtɨ, e ovengan kogham.”
18445	ISA 37:23	Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!
18515	ISA 40:25	Ezɨ Godɨn Bar Zuezim azaragha ghaze, “Tinara nan mɨn gari? Guizbangɨra, gumazitam na ko magh gari puvatɨ.”
18535	ISA 41:14	Ikiavɨra Itir God ghaze: “O Israelia, ia avɨrasemezir puvatɨgha gavgaviba puvatɨ. Kɨ ian akurvagham. Kɨ Israelian Godɨn Bar Zuezim, ian Akurvazir Gumazim.
18537	ISA 41:16	Ia osɨmtɨzir kaba isɨ pɨn da akunam, mati gumazim nguazir mɨnezim ruegha pɨn anekunizɨ, amɨnim a givaragha ghu. Egh ia Ikiavɨra Itir God bagh bar akuegham. Egh ia Israelian Godɨn Bar Zuezimɨn ziam fam.
18541	ISA 41:20	Kɨ kamaghsua, gumazamiziba ganigh fogh suam, kɨ Ikiavɨra Itir God, Israelian Godɨn Bar Zuezim, kɨ uan gavgavir ekiamɨn bizir kabagh ami. Kɨ bizir kaba bar dar ingarizɨ, da otifi.”
18578	ISA 43:3	Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.
18589	ISA 43:14	Ikiavɨra Itir God, a Israelian Godɨn Bar Zuezim, ian Akurvazir Gumazim, a ghaze, “Kɨ ian akurvaghsɨ mɨdorozir gumaziba amadaghtɨ, me izɨ Babilonia ko mɨsogham. Eghtɨ Babilonia arɨ mangɨ, uan kurir me bar akongezibar mavanegh, uan nguibam ategh bar arɨ mangegham.
18590	ISA 43:15	Kɨ Ikiavɨra Itir God, Israelian Godɨn Bar Zuezim. Kɨ ian ingarigha ia gamizɨ, ia gumazamizir ikɨzir vamɨran iti, ezɨ kɨ ian atrivimɨn iti.”
18642	ISA 45:11	Ikiavɨra Itir God, a Israelian Godɨn Bar Zuezim. Egha a Godɨn men ingarizim, a me gamizɨ me ikɨzir vamɨran gumazamizibar oto, a kamaghɨn mɨgɨa ghaze, “Ia gɨn otivamin biziba bagh nan azangam. Egh arazir manam kɨ an gɨn mangɨ uan boribar ganɨva, egh arazir manam kɨ an gɨn mangɨ uan dafarimningɨn ingangarim damuam, ia dar amusɨ, bar na mɨkɨman markɨ. Bar markiam. Kar nan bizir kɨ damuamibara.
18673	ISA 47:4	Israelian Godɨn Bar Zuezim, a en Akurvazir Gumazim. An ziam, Ikiavɨra Itir Godɨn Gavgaviba Bar Itim.
18701	ISA 48:17	Ezɨ Ikiavɨra Itir God, ian Akurvazir Gumazim, a Israelian Godɨn Bar Zuezim, a kamaghɨn mɨgei, “Kɨ Ikiavɨra Itir God, ian God. Kɨ zurara ian sure gamua, arazir zuruzir ia gɨntɨgh deravɨra ikiamiba ian akakasi.
18713	ISA 49:7	Ikiavɨra Itir God, Israelian Akurvazir Gumazim, men Godɨn Bar Zuezim, a ghaze, Gumazir kam, Kantrin Igharazibar Gumazamiziba gara ifongezir puvatɨzim. Kantrin Igharazibar Gumazamiziba an gara ghaze, a bizir bar kuram. Egha kantribar atriviba a gamizɨ, a men ingangarir gumazir kɨnimɨn mɨn iti. Egha Ikiavɨra Itir God datɨrɨghɨn kamaghɨn gumazir kam mɨgei, “Kɨ Ikiavɨra Itir God, Israelian Godɨn Bar Zuezim, kɨ uan ingangarim damuasa nɨ amɨsefe. Egha kɨ uan akar dɨkɨrɨziba abɨzir puvatɨ. Kamaghɨn amizɨ, atriviba nɨn gan, egh mɨtivigh nɨn ziam fam. Eghtɨ gumazir aruaba nguazim girɨgh fuaghɨva, ziar ekiam, nɨ danɨngam.”
18798	ISA 54:5	“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.
18815	ISA 55:5	Ia fomɨra kantrin igharazir maba, ia me gɨfozir puvatɨ, ezɨ me uaghan ia gɨfozir puvatɨ. Eghtɨ ia men dɨmam. Kɨ Ikiavɨra Itir God, ian God, kɨ Israelian Godɨn Bar Zuezim, kɨ datɨrɨghɨn ziar ekiam isa ia ganɨngigha gɨfa. Kamaghɨn amizɨ, ia kantrin kabar amightɨ, me zuamɨra ivegh ia bagh izegham.”
18850	ISA 57:15	“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.
18900	ISA 60:9	Kar, Tarsisɨn nguibar bar saghon itimɨn kuriba. Bar guizbangɨra, saghon itir arighatɨzibar gumazamiziba uarir akurvaghasa na mɨzua iti. Egh me nɨn boriba inigh uamategh nɨ bagh me amangɨsɨ, kurir ekiar kaba amangɨtɨ, me izam. Egh gumazamizir kaba uaghan gol ko silvan avɨrim isɨ kurir kabar da ameghtɨ, da izam. Me garima, kɨ bar deravɨra nɨ gamizɨ, nɨ ziar ekiam iti, kamaghɨn amizɨ, me arazir kam gami. Me fo, kɨ Ikiavɨra Itir God, ian God, kɨ Israelian Godɨn Bar Zuezim, egha me ziar ekiam na danɨngasa kamaghɨn ami.
18905	ISA 60:14	Egha fomɨra paza nɨ gamua bar nɨ gifongezir puvatɨzir darasi, men ovavir boriba uan dapaniba avigh nɨ bagh izɨ, nɨn apengan ikiam. Egh me nɨn suemɨn boroghɨn, uan teviba apɨrigh, nɨn ziam fam. Egh me kamaghɨn nɨ dɨponam, ‘Ikiavɨra Itir Godɨn Nguibar Ekiam’ ko, ‘Saion, Israelɨn Godɨn Bar Zuezimɨn Nguibar Ekiam.’
18909	ISA 60:18	Egh nguazir kamɨn ruaghatevir nɨ gariba, gumazamiziba ua tintinibar uariv soghan koghtɨ, nɨ bizir asɨghasɨzir nɨgɨnitam bareghan kogham. Eghtɨ nɨn dɨvazir gavgavimɨn ziam kamaghɨn ikiam, ‘Ekiam Gumazamizibar Akurvasi.’ Eghtɨ nɨn dɨvazir gavgavimɨn tiar akar ekiamɨn ziam kamaghɨn ikiam, ‘E Ekiamɨn Ziam Fam.’
19478	JER 19:2	Egh ia mangɨ Jerusalemɨn dɨvazimɨn tiar akar me kamaghɨn dɨborim, Mɨneba Bɨaghirezir Tiarakam, an boroghɨn mangɨ Hinomɨn Danganir Zarimɨn otogh. Egh nɨ kagh tugh nan akam akun suam,
19482	JER 19:6	Egha Ikiavɨra Itir God ghaze, me gɨn ua danganir kamɨn ziam, Tofet o Hinomɨn Danganir Zarim a darɨghan kogham. Puvatɨ. Me kamaghɨn danganir kam dɨponam, Danganir Zarir Gumazir Avɨribav Sozi Me Ariaghirim!
19800	JER 31:40	Egh nguibamɨn mɨtaghniamɨn mangɨ sautɨn amadaghan mangɨ Kidronɨn danganir zarimɨn mɨriam gighuigham. Nguibamɨn mɨtaghniamɨn aven nguazir kam, matmatiam ko danganir avereniba akurim iti. Eghtɨ aruem anadi naghɨn nguazir zarimɨn ruaghatevibar itir danganir kaba, bar moghɨra uaghan nguibar kamɨn mɨtaghniamɨn aven ikiam. Eghtɨ mɨtaghniam aruem anadi naghɨn mangɨ Hoziaba Zuir Tiar Akamɨn tugham. Eghtɨ nguazir nguibar ekiar kamɨn aven itiba, kar bar nan nguibabara, kɨ Ikiavɨra Itir God. Eghtɨ apaniba izɨ nguibar kam gasɨghasɨgh, uam an biziba akararighan kogham. Puvatɨgham. Nguibar kam a deraghvɨra ikɨ mamaghɨra ikiam.”
20264	JER 50:29	Ikiavɨra Itir God kamaghɨn Babilonɨn apanibav keme: “Babilon bar puvɨra ifaghata na batoke, kɨ Israelian Godɨn Bar Zuezim. Kamaghɨn amizɨ, ia gumazir barir pibar asa foziba, ia izɨ Babilon mɨsogh. Ia Babilon korogh deragh anevɨnigh. Egh ia Babilonɨn tav ateghtɨ an arɨ mangan markɨ. Me igharaz darazigh asɨghasɨghizɨ moghɨn, Ia pazɨ me damuva, bar me gasɨghasɨkigh.
20286	JER 51:5	Israelia ko Judaba faragha uan nguazimɨn itir dughiamɨn, me Israelian Godɨn Bar Zuezimɨn damazimɨn arazir kurar avɨribagh ami. Ezɨ Ikiavɨra Itir Godɨn Gavgaviba Bar Itim, an akɨrim ragha me gasarazir puvatɨ, egha me ataghizɨ me mati amizir paba ovengezibar mɨn pura itir puvatɨ.
20400	LAM 1:21	Zurara igharaz darazi nan mɨzazir kamɨn azir akam barasi. Egha tav tong gavgavim na ganɨdir puvatɨ. Nan apaniba uaghan nɨ na ganɨngizir osɨmtɨzir kam baraki. Egha me bizir nɨ na gamizir kam bagha bar akonge. Nɨ fomɨra fofozim na danɨngasava dughiar kam ginaba, ezɨ datɨrɨghɨn dughiar kam oto. Ezɨ kɨ kamaghsua, nɨ na gamizɨ moghɨra nan apanibar amigh. Zurara kɨ mɨzazim isava arai. Nɨ nan arazir kurabagh nɨghnɨgha ivezir kuram na ganɨngi. Ezɨ datɨrɨghɨn, nɨ nan arazir kurabagh nɨghnɨgha, bar pazavɨra na gamizɨ moghɨra, nɨ dagh nɨghnɨgh nan apaniba kamaghɨra men araziba ikaragh. Kɨ mati amizim mɨzazim isava arai moghɨn arai, ezɨ nan navim bar ikuvigha, mati amizim arɨmariar bar ekiam iti.
20421	LAM 2:20	Zurara Jerusalemia kamaghɨn mɨgei, “O Ikiavɨra Itir God, nɨ bizir kurar nɨ uan adarazi gamizir kamɨn gan. Amizir bar uan boribagh ifongeziba, me datɨrɨghɨn uan boribar kuaba api. Ezɨ apaniba nɨn Dɨpenimɨn aven ghuegha, ofa gamir gumaziba ko nɨn akam inigha izir gumazibav soghezɨ me ariaghire. Apaniba uaghan nan amizir igiaba ko nan gumazir igiaba afuzibar bar me ginivizɨ, me ariaghire. O Ikiavɨra Itir God, nɨ bar nan gumazamizir kabar anɨngaghe, egha nɨ tong men apangkuvir puvatɨ. Bar puvatɨ. Nɨ bar me mɨsoghezɨ me ariaghire. Zurara, nɨ bar nan anɨngaghegha tintinibar apanibar diazɨ, me izava bar pazavɨra na gami. Apanir bar avɨriba ize, mati gumazamizir bar avɨrim isar ekiam gamir dughiamɨn otivi moghɨn, otivigha dughiar kamɨn uari akufa. Egha apaniba nan gumazamiziba bar me mɨsoghezɨ me ariaghire, ezɨ tav ua itir puvatɨ. Kɨ bar uan gumazamizibagh ifongegha deravɨra me geghufi. Ezɨ nan apaniba izava bar me agɨfa.”
20487	LAM 3:64	Zuamɨra! O Ikiavɨra Itir God, nɨ men arazir kabagh nɨghnɨghɨva, me ikaragh arazir kabara ua me danɨng. Nɨ osɨmtɨzir kurabar men navibar anɨng, onganim men nɨghnɨzibar anɨngigh. Nɨ ivezir kuram men danɨngɨva bar me gasɨghasɨkigh. Nɨ men anɨngaghegh asɨzibar mɨn men agɨntɨgh bar me mɨsogh me agɨfagh, eghtɨ men tav tong Ikiavɨra Itir Godɨn overiamɨn apengan itir nguazir kam uam an ikian bar markɨ.
20510	LAM 4:21	Zuamɨra! Idomɨn gumazamizir Usɨn nguazimɨn itiba, ia datɨrɨghɨn dɨbovir akabar amu bar akongegh suam, Saionɨn nguibar ekiam datɨrɨghɨn bar ikufi. Ia gantɨ, Ekiamɨn anɨngagharim mati wainɨn dɨpar onganimɨn kap, an a isɨva Saionɨn gumazamizibar anɨngtɨ me anemam. A uaghan a isɨ ia danɨngam, eghtɨ ia uaghan onganigh puvɨra mɨzebav kɨmam. Mati ia uan mɨkarzibar korotiaba suegh bar aghumsigham. Zurara, ia Saionɨn gumazamiziba, ia arazir kurabagh ami. Ezɨ datɨrɨghɨn Ekiam ian arazir kuraba ikarvagha mɨzazim ia gasegha gɨfa. Kamaghɨn amizɨ, kalabuziar ian gumazamiziba ikezim, datɨrɨghɨn gɨfa, eghtɨ ia deraghvɨra ikiam. Ezɨ Idom, Ekiam nɨn arazir kuraba aghurigh azenim datɨgh, mɨzazim nɨ danɨngightɨ nɨ fogham, kar nɨn arazir kurabar ivezim.