54	GEN 2:23	Ezɨ gumazim amizimɨn ganigha mɨgɨa ghaze: “Ame! Datɨrɨghɨn, kar guizbangɨra nan roroam. An agharim, kar nan agharim, ezɨ an tuzim, kar nan tuzim. Ikiavɨra Itir Godɨn Gavgavim nan agharimɨn an ingarizɨ, kɨ datɨrɨghɨn kamagh a dɨponam, ‘Amizim.’ ”
395	GEN 16:13	Ezɨ gɨn Hagar kamaghɨn nɨghnɨsi, “Ame! Guizbangɨra, kar Ikiavɨra Itir God, a uan akam na ganɨngi. Ezɨ Godɨn nan garim, kɨ uabɨ an ganigha egha angamɨra ikiavɨra iti!” Kamaghɨn a ziar kam Ikiavɨra Itir God ganɨngi, “Biziba Bar Dar Garir God.”
559	GEN 22:11	Ezɨ Ikiavɨra Itir Godɨn ensel, a Godɨn Nguibamɨn ikia dɨa ghaze, “Abraham! Abraham!” Ezɨ Abraham a ikaragha ghaze, “Kɨ kati.”
1389	GEN 46:2	Ezɨ dɨmagarimɨn God irebamɨn mɨn bizimɨn aven Jekop batogha, kamaghɨn an diagha ghaze, “Jekop! Jekop!” Ezɨ Jekop kamaghɨn mɨgei, “Are, kɨ kati.”
1584	EXO 3:4	Ikiavɨra Itir God, Mosesɨn gari a roghɨra izima, God tememɨn aguabar tongɨn ikia an dia, “Moses! Moses!” Ezɨ Moses a ikara, “Kɨ kati.”
4029	NUM 11:4	Ikɨzir igharazibar gumazamizir maba uaghan Israelia ko zui. Me asɨzitabar amasa men aguiaba puv men ingari. Ezɨ Israelia uaghan imoba atara bizir kam bagha ara ghaze, “Oio! E asɨzir tabar ameka!
4046	NUM 11:21	Ezɨ Moses Ikiavɨra Itir God ikaragha ghaze, “Ame! Kɨ 600,000ɨn gumazibara gari. Ezɨ nɨ ghaze, nɨ iakɨnir vamɨran asɨziba me danɨngtɨ me dar amam? Asɨzir kaba, da managh iti?
4229	NUM 16:34	Me nguazir torimɨn aven ghuaghira puvɨra diava araima, Israelian gumazamiziba men tuater ararem baregha atiatia kamaghɨn mɨgei, “Ame! E zuamɨram arɨ mangeka! Puvatɨghtɨma, arazir kam ti uaghan e batogham. Nguazim akam akarightɨ, e uaghan nguazimɨn aven magɨregham.” Egha me zuamɨram are.
4257	NUM 17:27	Ezɨ Israelian gumazamiziba kamaghɨn Moses mɨgei, “Ame! E aremeghasava ami. E bar moghɨra kamaghɨra gɨvagham.
4470	NUM 24:23	Egha Balam akar mam ua kamaghɨn a mɨkeme: “Iavzika! God arazir kabar amuamin dughiamɨn, tinara ikɨvɨra ikiam? Bar puvatɨgham.
6678	JDG 6:22	Ezɨ Gideon datɨrɨghɨn fo, a Ikiavɨra Itir Godɨn enselɨn gani, egha bar aguaghfagha ghaze, “Ame! O Ikiavɨra Itir God, nan Ekiam, kɨ datɨrɨghɨn nɨn enselɨn guamɨn gani. Datɨrɨghɨn bizir tizitam na batogham? Nɨ nan akuragh!”
6840	JDG 11:9	Ezɨ Jepta kamaghɨn Gileatɨn gumazir aruabav gei, “Are! Ia na inigh uamategh mangɨghtɨ Ikiavɨra Itir God nan akuraghtɨma, kɨ mɨdorozim damuva apaniba abɨraghtɨ, ia guizɨn na ateghtɨ kɨ ian gumazir dapanimɨn ikiam.”
7812	1SA 22:22	Ezɨ Devit kamaghɨn a mɨgei, “Noka! Dughiar kɨ nɨn afeziam ko ikezim, Doek uaghan iti. Ezɨ kɨ fo, a guizbangɨra nan gun Sol mɨkɨmam. Kɨ fo, na bangɨn, nɨn afeziam uan adarazi ko ariaghire. Kar nan osɨmtɨzimra!
7922	1SA 26:14	Ezɨ Devit Solɨn mɨdorozir gumaziba ko Apnerɨn diagha ghaze, “Oi! Apner, nɨ nan dɨmdiam barazi, o puvatɨ?” Ezɨ Apner an diagha ghaze, “Nɨ tina atrivimɨn dei?”
9603	2KI 3:23	Egha me kamaghɨn dei, “Ame! Ia gan. Kar ghuzimra. Apaniba ti uariv sogha, uarira uan avɨribav soghezɨ me ariaghire, ezɨ men ghuziba nguazimɨn iti. Aria, e mangɨ men danganimɨn men biziba iniam.”
9658	2KI 5:7	Ezɨ Israelian atrivim akɨnafarir kamɨn ganigha uan navir osɨmtɨzim akakagha uan korotiam abɨki. Egha a kamaghɨn mɨgei, “Amei! Sirian atrivim tizim bagha kamaghɨn na bagh akam amada, kɨ mangɨ gumazir kamɨn arɨmariam akɨrigham? A ti ghaze, kɨ God, kɨ gumazim damightɨ a deragh ikiamin gavgavim iti, a? O kɨ gumazim damightɨ, an aremeghamin gavgavim iti, a? Kɨ fo, a na mɨsoghasa tuaviba buri.”
9683	2KI 6:5	Me ingara itima, Godɨn akam inigha izir gumazir mamɨn sobiav zem asiaghirɨgha dɨpam giraghu. Ezɨ akam inigha izir gumazir kam uan sobiam inian iburagha kamaghɨn dei, “Ame! Gumazir ekiam, kɨ gumazir igharazimɨn sobiam inigha ize. Ezɨ a dɨpam giraghu.”
9693	2KI 6:15	Ezɨ bar mɨzaraghara Elisan ingangarir gumazim dɨkavigha dɨpenimɨn azenan ghu. Egha a garima, Sirian mɨdorozir gumaziba uan hoziaba ko karisba sara nguibar ekiam ekɨarugha gɨfa. Egha a ghua kamaghɨn Elisa mɨgei, “Ame! Gumazir ekiam, Sirian mɨdorozir gumaziba e ekɨarugha gɨfa. E manmaghɨn damuam?”
13324	JOB 19:23	“Oio! Kɨ kamaghsua, kɨ God ko mɨgeir akar kaba, gumazitam bar ada isɨ akɨnafaritamɨn da osirightɨ, da ikɨvɨra ikɨ.
13431	JOB 23:8	“Ame! Kɨ aruem anadi naghɨn God buri, ezɨ a itir puvatɨ. Egha kɨ ghua aruem ghuaghiri naghɨn a buriava, an apizir puvatɨ.
18002	ISA 14:4	Eghtɨ Ikiavɨra Itir God kamaghɨn damightɨ, ia Babilonɨn atrivim gɨnɨghnɨgh ighiar dɨbovir akar kam damuam. Ighiar kam kamakɨn: “Maia! Ia ganigh, atrivir gavgavim irɨgha gɨfa. Manmaghɨn amizɨ, atrivir puvɨra atara uan ziam fer kaba irɨ? Ikiavɨra Itir Godra, paza gumazibagh amir gumazir kurar kabar gavgavim agɨfa.
18151	ISA 23:4	Ia Saidonɨn nguibar ekiamɨn gumazamiziba, ian nguibar ekiar bar gavgavir ongarir mɨriamɨn itim, a bar ikuvigha gɨfa. Ongarim ti ian nguibam gɨnɨghnɨgha ghaze, “Iavzika! Nan boriba bar moghɨram ovegha gɨfa. Ezɨ kɨ mati, amizim borim batasa, mɨzazim barazir puvatɨzɨ moghɨn iti. Egha kɨ mati, amizir gumazamizir igiar bar aghuiba bata, egha deragha dar gari puvatɨzim.” Kamaghɨn amizɨ, ia bar aghumsɨgh!
18181	ISA 24:16	Ia oragh! Nguazir kamɨn ruaghatevir bar saghon itibar gumazamiziba, me bar akongezir ighiabagh ami. Ezɨ men ighiam kamakɨn, “Ikiavɨra Itir God, arazir aghuibagh ami. Kamaghɨn amizɨ, e bar ziar ekiam a ganɨdi.” Ezɨ kɨ kamaghɨn mɨgei, “Iavzika! Kɨ bar akueghan kogham. Nan navim bar osɨmtɨzir dafam iti, ezɨ nan ikɨrɨmɨrim pura gɨvasava ami. Kɨ garima, gumazir arazir kurabagh amiba ko akar ifavaribagh amiba, igharaz darazigh ifara paza me gami.
18303	ISA 30:16	Egha ia ghaze, “Puvatɨ! E hoziabar apiagh puv arɨ mangam.” Ezɨ God ghaze, “Guizbangɨra, ia arɨ mangɨ!” Ia ghaze, “En hoziaba puvɨra ivemaram.” Ezɨ God ghaze, “Ian apanibar hoziaba bar puvɨra ivemar ian gɨntɨgham.”
19106	JER 4:10	Ezɨ kɨ kamaghɨn mɨgei: “Ame! Ikiavɨra Itir God, nan Ekiam, nɨ Judaba ko Jerusalemia gifara ghaze, Kar me deraghvɨra ikiamin dughiam. Ezɨ puvatɨ, datɨrɨghɨn apaniba izɨ, uan mɨdorozir sababar me mɨsoghtɨ me arɨmighiram.”
20854	EZK 16:23	Ikiavɨra Itir Godɨn Ekiam ua kamaghɨn mɨgɨa ghaze, “Iavzika! Ia bar moghɨra ikuvigham. Iavzika!
21902	DAN 3:26	Ezɨ Nebukatnesar danganir ekiar avir bar pamten isimɨn tiar akamɨn boroghɨra ghugha kamaghɨn dei, “Satrak! Mesak! Abetnego! Ia Godɨn Bar Pɨn Itimɨn ingangarir gumaziba! Ia azenan izɨ!” Ezɨ me avim ategha azenan ize.
22260	HOS 7:13	“Mevzika! Me bar ikuvigham. Me na ategha gɨfa, egha nan akam batosi. Kamaghɨn amizɨ, kɨ me gasɨghasigham. Kɨ faragha men akurvaghasava amima, me nan moga na gifari.
22823	HAB 2:6	Eghtɨ gumazamizir men apengan itiba, me dɨbovir akabar men garir gumazibav kɨmam. Me kamaghɨn me mɨkɨm suam, “Iavzika! Ia gumazir igharaz darazir biziba okeiba, ia bar ikuvigham. Ia manadɨzoghɨn arazir gumaziba pura ian biziba inizɨ, ia men avɨghtɨ me zuamɨra uam ada ikarvaghamin arazir kam ataghɨragham?”
22826	HAB 2:9	“Iavzika! Ia gumazir igharaz darazir bizir avɨriba iniziba, ia bar ikuvigham. Ia bizir kaba isa uan adaraziram anɨngi. Egha ian biziba deravɨra ikiasa, ia da bagha dɨpenir bar gavgavibar ingari, egha ia ghaze, arazir kamɨn osɨmtɨzim izɨ ia gitavɨragham. Puvatɨgham.
22829	HAB 2:12	“Iavzika! Ia uan nguibar ekiam damightɨ, a tugh gavgavighasa, ia gumazamizir avɨrim mɨsoghezɨ me ariaghire. Egha ia uan nguibar ekiam damightɨ, a mɨtɨgh gavgavighasa nɨghnɨgha, arazir kurar avɨribagh ami. Kamaghɨn amizɨ, ia bar ikuvigham.
22832	HAB 2:15	“Iavzika! Ia gumazir igharaz darazir atara bar pazavɨra me gamiba, ia bar ikuvigham. Ian anɨngagharim mati wainɨn kap. Egha ia paza me gami, mati gumazim uan namakam wainɨn dɨpar avɨriba a ganɨngizɨ, an ada amegha, bar onganigha inim fɨriaghɨrɨzɨ, a bibiamra ikia bar aghumsɨki.
22835	HAB 2:18	“Iavzika! Ia gumazir kamaghɨn ter oteviba ko, dagɨabav mɨgeiba, ‘Ia daguim ategh dɨkafigh,’ ia bar ikuvigham. Ia ti ghaze, bizir kam dɨkavigh bizitam ian akagham. Bar puvatɨgham. Marvir guar kaba manmaghɨn ian akuragham? Me ian akuraghan kogham. Marvir guar kaba, kar bizir gumaziba uari gol ko, temer otevibar ingariziba. Kamaghɨn amizɨ, bizir kaba guizɨn akatam akarigh ia mɨkemeghan kogham. Da pura ia gifari, ezɨ ia bar ikuvigham. Gumazim uabɨ marvir guar kam akɨrigha ghaze, bizir kam a nan akuragham. Bar puvatɨgham. Marvir guar kam, bar akam akarigh bizitam mɨkemeghan kogham. Eghtɨ ia silva ko, golɨn bar deraghvɨram an kurkegham, arazir kam a pura bizim. Guizbangɨra, an angamɨra itir puvatɨ, egh a bar bizitam ia bagh a damighan kogham.
23904	MAT 21:9	Ezɨ gumazamizir faragha zuiba ko Iesusɨn gɨn iziba, uan tiariba akara ghaze, “Hosana! Ia Devitɨn Otarimɨn ziam fɨ! Gumazir, Ekiamɨn ziam ko gavgavimɨn izim, God deragh a damu! Hosana! Ia Nguibar bar pɨn itimɨn itir Godɨn ziam fɨ!”
23910	MAT 21:15	Ezɨ ofa gamir gumazir ekiaba koma Judan Arazibagh fozir gumaziba izava an amir arazir ivɨnbabar gari. Egha me orasi, boriba Godɨn Dɨpenim avɨnizir dɨvazimɨn aven ikia dɨa ghaze, “Hosana! Devitɨn Otarimɨn ziam fɨ.” Kamaghɨn amizɨ, me bizir kaba bagha atari.
24550	MRK 7:18	Ezɨ Iesus kamaghɨn me mɨgei, “Eee! Ia ongani? Ia uaghan akar kam deravɨra a gɨfozir puvatɨ? Ia bizir kam gɨfo? Daghetam guizbangɨra gumazimɨn navir averiamɨn magɨrɨgh ikeghan kogham. Bizir akatorimɨn aven zuiba ghua navimɨn zuima, muriam da batozima, gumazim dagh avi. Kamaghɨn gumazim apir bizitam azenan ikegh an akam ko muriamɨn magɨrɨgh, an muriam damightɨ a Godɨn damazimɨn mɨzeghan kogham.” (Iesus akar gavgavim kamaghɨn mɨgɨa ghaze, dagheba bar Godɨn damazimɨn bar zue. Ezɨ e dar amam.)
24626	MRK 9:19	Ezɨ Iesus kamaghɨn mɨgei, “Oio! Kɨ bar amɨra, datɨrɨghɨn itir gumazamiziba nɨghnɨzir gavgaviba puvatɨ. Kɨ fomɨra ia ko itima, ia dazoghɨn bizitam gɨfogham? Dughiabar manmaghɨn, kɨ ia ko ikɨ egha ian osɨmtɨziba ateram? Otarim inigh na bagh izɨ.”
24718	MRK 11:9	Egha faragha zuiba ko gɨn zuiba me diava ara kamaghɨn mɨgei: “Hosana! Ia Godɨn ziam fɨ! Gumazir, Ekiamɨn ziam ko gavgavimɨn izim, God deragh a damu!”
24787	MRK 13:1	Egha Iesus Godɨn Dɨpenim ategha azenan zuima, an suren gumazir mam a mɨgei, “Tisa! Nɨ gan, kar dagɨar bar ekiaba, me dar Godɨn Dɨpenimɨn ingarizɨma, an ganganim bar dera! Godɨn Dɨpenim koma dɨpenir dozir an mɨriamɨn itiba, da bar dɨpenir diriba!”
24924	MRK 15:29	Ezɨ iza zui darazi dɨbovibar a mɨgɨava uan dapaniba roa ghaze, “Ore! Nɨ, gumazir Godɨn Dɨpenim akarigh aruer pumuning ko mɨkezimɨn uam an ingarasa mɨkemezim,
25022	LUK 1:60	Ezɨ an amebam kamaghɨn me mɨgei, “Puvatɨ! E Jon a darɨgham.”
25990	LUK 22:57	Ezɨ Pita kamaghɨn mɨgɨa ghaze, “Puvatɨ! Amizim, kɨ a gɨfozir puvatɨ.”
25991	LUK 22:58	A mong ikezɨma, mav ua gɨn iza an apigha kamaghɨn a mɨgɨa ghaze, “Nɨ uaghan men mav.” Ezɨ Pita kamaghɨn mɨgei, “Ai! Kɨ an suren gumazim puvatɨ!”
25993	LUK 22:60	Ezɨ Pita kamaghɨn mɨgɨa ghaze, “Aiee! Nɨ tizim mɨgei? Kɨ bar fozir puvatɨ!” Egha a mɨgɨavɨra itima, tuarim ake.
26662	JHN 12:13	Ezɨ me uan dafaribar okavir aghuabar suigha ghua tuavimɨn Iesus batogha me kamaghɨn dei: “Hosana! Ia Godɨn ziam fɨ! Gumazir Ekiamɨn ziam ko gavgavimɨn izim, God deragh a damu! A Israelian Atrivim!”
27498	ACT 14:15	“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari.
30890	REV 7:12	Me kamaghɨn mɨgei: “Guizbangɨra! E ziar ekiam uan God danɨng, egh a bagh bar akongegham, egh kamaghɨn mɨkɨm suam, an fofozim bar pɨn iti. Egh a mɨnabɨva, egh an ziam fam. A gavgavir ekiam iti, eghtɨ e an gavgavimɨn apengan ikiam. Dughiabar zurara bizir kaba bar moghɨrama Godɨn biziba. Bar guizbangɨra!”
30908	REV 8:13	Ezɨ kɨ garima, kuarazir bagar mam overiamɨn pɨn mɨghagha arui. Ezɨ kɨ a barazi, a kamaghɨn pamten dɨa mɨgei, “Iavzika! Nguazimɨn itir gumazamiziba, Iavzika! Enselɨn igharazir 3pla ua uan sɨghabagh iviam, eghtɨ osɨmtɨzir bar ekiaba gumazamiziba me bativam. Iavzika!”