23234	MAT 1:21	Ka apaina natuna onotona vi‑natunei, e ana wava evi‑wahani Iesu, iuna tauna ya tomotau yai goyona wayahi na‑ito‑yavuhi.”
23412	MAT 7:27	Munia wei ananina atuatuna, kadu diwaya itaina iopu, kaduke yahina ananina hunahuna. Akaka manuana am‑bwata‑vinei kadu am‑bwege‑vainei.”
23421	MAT 8:7	Akaka Iesu ivona, “Nui kana‑nei yam manua, e tenoke avo‑vi‑aiaiei.”
23433	MAT 8:19	Ka eha ani‑hoina ini‑tawanei, ka veimea a tau viwavenena aitam omo ka vonei, ivona, “Tau Viwavenena, nuanuau avi‑muni‑waiwaiem, ka avi papania ena‑ne, yauke avi‑muni‑waiwaiem.”
23435	MAT 8:21	Ka kadu aitam tau vi‑muni omo, ka Iesu viamei, ivona, “Kauvea, yau nuanua avi‑muni‑waiwaiem. Ka aituhu memeanina wayahima, naona eawaeheu amavina amau wayahina. Ka tauna yana tuta na‑iakwa, atavuni, e munia avinꞌ‑omo wayahima, ka auyewana avi‑putu avi‑muni‑waiwaiem.”
23436	MAT 8:22	Ka Iesu ivona, “Avi tuta amam inusi, taui eha itꞌ‑anamaneu ai pata itavuni unuvovoa. Kate wamke avaha eanamaneu. Wayahina, ataina nau‑wawanim evi‑putu evi‑muni‑waiwaieu.”
23451	MAT 9:3	Ka veimea a tau viwavenena tupwai Iesu ya vonana inononi, ka imaga‑bawei, ka matataui ivonavona, “Onoto taina vivane Yaubada ana wava vainaui! Iuna vona ahiahina, baina tanopia Yaubada ana heta‑ohota ana pata dewa goyona na‑nua‑piahi.”
23454	MAT 9:6	Wayahina, au veimea tanopia aviwavenemi, unꞌ‑anamanei vivane yauke, Tauna Vi‑tomotau, au pata tomotau yai dewa goyona anua‑piahi‑neiei.” Akaka tauna tau penapenana vonei, ivona, “Emini, e yam pai dauva eavanei, e emavina yam megeia.”
23466	MAT 9:18	Ka Iesu vonana vonavona, ka aitam tau veimea omo, e Iesu matana aena vi‑tupa‑gum, e ivona, “Kauvea, ataina natu vavinena aniga, kate nuanuau enꞌ‑omo, e ininina evo‑dadani na‑mini‑havine.”
23617	MAT 13:9	Aituhu aviyaivia yai nuanua vonana inononi, akanai yau nuanua ina‑nua‑haui.”
23641	MAT 13:33	Ka kadu aitam vona tana‑minikuna venei, ivona, “Yaubada ya pai veimea palaua a pai vo‑vi‑nata deina. Ka vavine pai vo‑vi‑nata aya‑kituna iepei, e palaua ananina nui ivinei. Pai vo‑vi‑nata aya‑kituna, kate bagibagina, e ana pata palaua ananina habuhabuna vo‑vi‑natei.”
23643	MAT 13:35	Dewana wayahina tau apa‑taputapu ya vona‑dabadaba mamaei. Tanoi nonova mai‑haeyei, ivona, “Vona tana‑minikuna wayahina ahaeyei. Ka aviani Yaubada hivehivei nonova tanopi a vevewana ana tuta a itoava tuta ataina wayahina avo‑vi‑mahetei.”
23660	MAT 13:52	Wayahina, vonei, ivona, “Vona ahiahina, tupwai tau viwavenena Yaubada ya veimea tutuaina ianamanei ahiahina. Ka aituhu aviyaivia wayahia kadu avaha Yaubada ya pai maꞌ vaneana ianamanei ahiahina, taui aitam kaikaiwabo deina. E taui ai pata yai manua inui, e gugua tutuai ai nau‑pata ananina kadu gugua vovoui ai nau‑pata ananina isi‑vinꞌ‑omanei.”
23734	MAT 15:32	Ka Iesu tauna a tau vi‑muni‑waiwai hone‑hohoni, iomo, e vonei, ivona, “Yauke yoko taina ate‑nuanuaiei. Iuna avaha auyewa aitonu baina nui kamamaei, ka eha ai maꞌ. Wayahina, eha nuanuau am inavovo avi‑tune imavina yai megeia. Iuna apaina etawana matai nꞌ‑am‑honohonoi.”
23748	MAT 16:7	Ka a tau vi‑muni‑waiwai matataui ivonavona, “Iesu ya vonana wayahiaia vinꞌ‑omo, iuna aka kabwaga kavi‑nua‑pania.”
23761	MAT 16:20	Vonana Pita wayahina iakwa, e tauna vona panina wayahina aitam dewa vito‑potei a tau vi‑muni‑waiwai wayahia, ivona, “Eha aitam koiaka uhaeye yauke vivane Tau Ito‑yavuha‑nana.”
23763	MAT 16:22	Ka avaha Pita vonana nononi, tauna Iesu taini‑tawanei, ka vonei, ivona, “Ia! Eha ana pata! Kauvea, eha nau‑wawanim dewana wayahima na‑vinꞌ‑omo.”
23785	MAT 17:16	Ka am tau vi‑muni‑waiwai wayahia aomanei, kate taui eha ai pata ivo‑vi‑aiaie.”
23831	MAT 18:35	Unononi ahiahina. Amau wahuma kadue dedeweyemi deina. Aituhu eha vavaneimi yai goyona wayahimia una‑nua‑piahi, apaina Amau eha yami goyona na‑nua‑piahi.”
23837	MAT 19:6	Nonova ainua imaꞌ‑keyekeyei, ka ataina avaha aitamoata. Yaubada avaha yai tavine wayahina vi‑manueni. Wayahina, eha aitam tomotau nau‑wawani yai tavine na‑tana‑vewani.”
23884	MAT 20:23	Ka Iesu ivona, “Vona ahiahina, nau‑wawanimi vei‑nana wayahina inahe una‑nim. Ka eha nau‑wawaniu taui apaina yau pai veimea nihenina ateiua ka akeniua imanuena avi‑nua‑dadanei. Iuna Amau wahuma ana heta avaha pai vi‑ai‑naia vo‑vi‑aiaia, kadu avaha tomotaui vi‑nua‑dadanei.”
23914	MAT 21:19	Ka etawana nepena ai ana dune madaiba deina na yawaina dueyei, e omo wayahina. Kate eha aitam uana ta‑dueye, yawaina ana noe mamaei. Ka Iesu ai‑nana wayahina ivona, “Tuta omomo, eha ena‑ua‑havine.” Ka ya bwanata iakwa, e ai‑nana yawaina habuhabui inau‑moewa.
24144	MAT 26:21	Ka iamam, e Iesu vonei, “Memeanina nuami vi‑tupatupa, kate avonemi, aitam wayahimia evi‑nua‑hauhau.”
24202	MAT 27:4	E ivona, “Avaha goyona adewei. Iuna onoto maihina wayahimia avi‑nua‑hauhauei.” Ka taui ivona, “Dewana eha aitam aviani wayahiaia. Akanai dewana yam dewa. Enuanua wayahina.” Ka kinaia ai yau 30 ivihahaiei deinake.
24238	MAT 27:40	Ivonavona, “Ia! Ka taum am pata Manua Vito‑pota evita‑vovoni, kadu auyewa aitonu nihenia am pata eyone‑havine, a? Aituhu deina, akanai, eito‑yavuhim! Aituhu wamke Yaubada Natu‑hoina, akanai eviwaveneai deina. Ai nahenahea enꞌ‑opu‑mei.”
24263	MAT 27:65	Ka Pilate vonei, ivona, “Akanai. Tau dune‑vi‑avina uveimeyei ina‑ne, e unuvovo‑nana idune‑pota‑vidovidohei.”
24288	MRK 1:4	Ka Ioni Tau Vi‑bapitaiso omo, e apa‑taputapu‑nana nau‑yehai. Tauna anata mamaei, ka tenoke tomotau vi‑bapitaisoei ka nau‑waheyei deina, ivona, “Nau‑wawanimi yami goyona uhaeyei, ka wayahia unua‑vinana. Na‑iakwa, avi‑bapitaisoemi, ka Yaubada yami goyona na‑nua‑piahi.”
24401	MRK 4:9	E Iesu ivona, “Aituhu aviyaivia yai nuanua vonana inononi, akanai yau nuanua ina‑nua‑haui.”
24415	MRK 4:23	Aituhu aviyaivia yai nuanua vonana inononi, akanai yau nuanua ina‑nua‑haui.”
24417	MRK 4:25	Ika, Yaubada ya nuanua aituhu aviyaivia tauna ya vonana ivitumahanei, yai nua‑uya na‑nata. Wayahina, si‑vinꞌ‑omanei, inꞌ‑anamanei. Kate aituhu aviyaivia Yaubada ya vonana ivihahaiei, avi nua‑uya nonova wayahia mamaei tauna nꞌ‑epa‑yavunei.”
24540	MRK 7:8	Kadu Iesu ivona, “Yaubada ya veimea ubou‑ohoi, ka tomotau yai dewa tutuaina uvo‑vi‑ananai.”
24548	MRK 7:16	Aituhu aviyaivia yai nuanua vonana inononi, akanai yau nuanua ina‑nua‑haui.”
24559	MRK 7:27	Ka Iesu vonei, ivona, “Eha nau‑wawaniu me Iudea ai palaua anꞌ‑epei, e kedewa wayahia ahaponei, e kedewa inꞌ‑ania. Me Iudea nau‑wawani naona inꞌ‑am‑iaua.”
24585	MRK 8:16	Akaka a tau vi‑muni‑waiwai matataui ivitua‑dahadaha, ka ivona, “Iesu ya vonana deina, iuna aka palaua kavi‑nua‑pania.”
24598	MRK 8:29	Kadue vi‑tanai‑havinei, ivona, “Medeina unuanua, vivane yauke koiaka?” Ka Pita vona‑nau‑patei, ivona, “Wamke Tau Ito‑yavuha‑hoim.”
24677	MRK 10:20	Ka onotona ivona, “Tau Viwavenena, yau tuta tevana a itoava tuta ataina wayahina veimeaia avi‑ateteye‑vainei.”
24709	MRK 10:52	Ka Iesu vonei, ivona, “Ena‑ne‑kai. Tuta ataina yam vitumahana vo‑vi‑aiaiem.” Ka vo‑kwayavonina matana vi‑hadahadana, e tauna Iesu vi‑muni‑waiwaiei etawana.
24751	MRK 12:9	Ka avaha Iesu ya ipupuna iakwa, e vi‑tanaiei, ivona, “Apaina tau bagu‑nana yana dewa medeina? Vona ahiahina, tau bagu‑nana nau‑wawani mavi‑havine, e tau nau‑matava‑naia habuhabui na‑nau‑vi‑anigi! Ka munia, tauna ya baguna mani tau nau‑matava wayahia nꞌ‑awaehei idune‑vi‑avini.”
24773	MRK 12:31	Ka kadu aitam veimea ananina taina, ‘Yaiami udewa‑vidovidohei itomi ami heta udewa‑vidovidohemi aitamoata deina.’ Veimea ainua veimea habuhabui ivane‑tawane‑neiei.”
24775	MRK 12:33	Kadu aituhu Yaubada kadewa‑vidovidohei nuaka wayahina, kadu ininika wayahina, kadu yaka nuanua wayahina, kadu yaka bagibagi wayahina, ka aituhu yaiaka kadewa‑vidovidohei itoka aka heta kadewa‑vidovidoheka aitamoata deina, dewaia vi‑nomu habuhabui kadu am‑venena awawaehina habuhabui vane‑tawane‑neiei.”
24776	MRK 12:34	Ka Iesu onoto‑nana ya nua‑uya nononi ya nau‑pata nihenina. Wayahina, vonei, ivona, “Wamke Yaubada ya pai veimea avaha eva‑vi‑maupwani.” Ka tauna ya ipupu‑nana iakwa, ka munia eha aitam koiaka Iesu ta‑vito‑nubu‑dadana vi‑tanai wayahina.
24982	LUK 1:20	Ka wamke yau vane wayahima eha eta‑vitumahane. Wayahina, ataina meam na‑danu awam hetana wayahina, ka wamke eha am pata ena‑ipupu a itoava yau vane anꞌ anamana ahiahina vinꞌ‑omo wayahina. Ika, naona yau vane taina na‑omo, ka munia, wamke am pata ena‑ipupu‑havine.”
24990	LUK 1:28	Ka anelose‑nana omo, vonei, ivona, “Kaiwa ananina, Mari! Kauvea ya dune‑nuanuai ananina wayahima! Tauna ya nuanua na‑nau‑iaiavam.”
25090	LUK 2:48	Ka tutana ayo‑amana ivaniahei idueyei, nuai imwage. Ka ayona yapoi, ka vonei, ivona, “Ia! Natuai, aviani wayahina edeweyeai deinake? Amam ama inua yama nua‑vita ananina nui anaunau‑nene‑wayohem.”
25151	LUK 4:19	Ka kadu amataedami, aitam ponimana mamaei, ka ponimanana nihenina Kauvea tauna ya tomotau na‑nau‑iaiavei.”
25196	LUK 5:20	Ka Iesu tau kwanakwanaha yaiana yai vitumahana dueyei. Wayahina, tauna tau kwanakwanaha vonei, ivona, “Au niau, yam dewa goyona habuhabuna anua‑piahi‑neiei.”
25314	LUK 7:50	Kate Iesu vavinena wayahina ivona, “Avaha yam ito‑yavuha evaniahei, iuna yam vitumahana mamaei. Wayahina, yam nua gomagomanina nui ena‑ne‑kai.”
25322	LUK 8:8	Ka tupwai utu tanopi ahiahina wayahina ipeu, itabotabo, inatanata, e iuaua. Ka aihana ana tuta wayahina tau aihana utu ai yau 100 ivaniahei utu‑naia aitamoata aitamoata wayahia.” Ka Iesu yokoia vonei, ivona, “Aituhu aviyaivia yai nuanua vonana inononi, akanai yau nuanua ina‑nua‑haui.”
25362	LUK 8:48	Ka Iesu vavinena vonei, ivona, “Natu, yami vitumahana nui, wayahina uvidoha‑dadana, ka avaha uvidoha. Wayahina, nua gomagomanina nui una‑ne‑kai.”
25541	LUK 12:13	Ka aitam onoto yokoia wayahina vi‑honei, ivona, “Tau Viwavenena, yauke ka vaneiu ama inua amai inusi, ka yau nuanua wamke vaneiu eveimeyei tauna amai yana gabu na‑tana‑vewani, e na‑vo‑patau.”
25657	LUK 14:35	Ka itomi nau‑wawanimi hawana goyona uhapone‑kavokavovo tanopia, haina deina. Aituhu aviyaivia yai nuanua vonana inononi, akanai yau nuanua ina‑nua‑haui.”
25725	LUK 17:5	Wayahina, Iesu a tau hae‑naia ivonei, ivona, “Kauvea, yama vitumahana evo‑vi‑bagibagia.”
25856	LUK 20:8	Ka Iesu vonei, “A. Wayahina, eha au awaeha iuna asi‑vinꞌ‑omanemi.”
25863	LUK 20:15	Ka tomotau‑naia baguna upuna ihaponei, kadu inau‑vi‑anigi.” Ka Iesu yokoia vi‑tanaiei, ivona, “Apaina, aviani tau vi‑bagunana na‑dewe tomotau‑naia wayahia?
25891	LUK 20:43	a itoava am havia avunui wayahina, e aem a pai vi‑ai wayahina aomanei inꞌ‑awa‑davedavem.” ’
25949	LUK 22:16	Iuna, vona ahiahina, aniani taina vivane pai nau‑yehata wayahiu tanopia. Ka apaina Yaubada ya pai veimea nihenina tomotau Itouvuha Toneina anꞌ anamana tunutunuhina inꞌ‑anamanei, ka auyewana wayahina anꞌ‑ani‑havinei.”
25973	LUK 22:40	Ka avaha ivinꞌ‑omo, wayahia ivona, “Tuta eha ani‑hoina na‑iakwa wayahina, e Satana na‑nau‑dadanimi. Wayahina, nau‑wawanimi uviama Yaubada wayahina, e bagibagi na‑venemi, ami pata utoha‑vi‑anaimi.”
26035	LUK 23:31	Iuna vona ahiahina, ataina tuta yauke, Tauna Vi‑tomotau, nui kamamaei. Yauke aitam ai yawayawaina deinake, kate taua eha aitam aviani tomotau taina wayahia. Iuna mosikuna ivi‑goyou. Ka apaina yauke eha wayahimia ata‑mamae. Ka auyewana wayahina, itomi ai pwavupwavuna deinake, ka auyewana wayahina, tomotau ivi‑goyo‑vainemi.”
26039	LUK 23:35	Ka yoko‑naia inau‑hohona imimini ka idunedune, ka yai tau eta‑naonao Iesu ivi‑waipoei, ivonavona, “O, mani tomotau ito‑yavuhi. Aituhu Yaubada vi‑nua‑dadanei vivane yaka Tau Ito‑yavuha, akanai ataina tuta nau‑wawani ana heta na‑ito‑yavuhi.”
26041	LUK 23:37	Ka ivona, “Aituhu wamke vivane me Iudea yai kiniV, akanai nau‑wawanim ena‑ito‑yavuhim.”
26133	JHN 1:20	Ka Ioni nau‑pata ahiahina kadu mahemaheina venei, ivona, “Yauke eha Tau Ito‑yavuha‑nana.”
26239	JHN 4:14	Kate aituhu aviyaivia daudau‑nana avenei inimnim, taui eha kadu aitam tuta magai nꞌ‑ayaya. Iuna daudau‑nana avenei nuai nihenina na‑nu, kadu nuai nihenina vi‑tovoha. Wayahina, taui nihenia yawai‑vavaha nꞌ‑am‑iwaiwahi.”
26333	JHN 6:7	Ka Pilipi Iesu vonei, ivona, “Yoko taina ani‑vainena. Kaiwadi, aituhu onoto a nau‑pata wahava ai yau 8 nihenia mamaei, patana eha ana pata tomotau taina aitamoata aitamoata inꞌ‑am‑dadani.”
26405	JHN 7:8	Ahiahina! Itomi una‑ne tonei taina wayahina. Yauke taua eha ana‑ne. Iuna, yau tuta ahiahina eha ta‑vinꞌ‑omo.”
26409	JHN 7:12	Ka tanoi wayahina tomotau habuhabui matataui ivi‑awa‑yaya Iesu wayahina, ka inau‑vonuvonu taina deina. Tupwai ivonavona, “Tauna onoto ahiahina,” kate tupwai ivonavona, “Eha! Tauna tau vitupu, ka tomotau vo‑vi‑banabanai.”
26437	JHN 7:40	Ka tomotau habuhabui Iesu ya vonana inononi, ka tupwai ivona, “Vona ahiahina, onoto taina vivane Tau Apa‑taputapu‑nana.”
26438	JHN 7:41	Ka tupwai kadue ivona, “Tauna vivane Tau Ito‑yavuha‑nana.” Kate tupwai eha yai nuanua, ka ivona, “Vona ahiahina, Tau Ito‑yavuha‑nana ya tupua eha Galili wayahina!
26439	JHN 7:42	Medeina Iginuma voneka? Ivona vivane Tau Ito‑yavuha‑nana Davida yana dede wayahina omomo, kadu Davida ya meagai Betelehem nihenina na‑tupua. Ka Betelehem eha papani Galili nihenina! Wayahina, eha ana pata tauna vivane Tau Ito‑yavuha‑nana.”
26482	JHN 8:32	Wayahina munia, itomi nua‑uya tunutunuhina unꞌ‑anamanei, ka nua‑uya‑nana na‑ito‑yavuhimi.”
26603	JHN 11:11	Ka Iesu, avaha vonana vonei, kadu wayahia ivona, “Aka niam Lasarusi avaha ino‑ainei. Kate yauke ana‑nei tanoi, anau‑vi‑dagui.” Ka Iesu ya vonana vona baimina, ka anꞌ anamana vivane Lasarusi avaha aniga. Kate a tau vi‑muni‑waiwai inuanua Lasarusi ino‑ainei akanai. Wayahina, taui inau‑pata, ivona, “Kauvea, vona ahiahina, aituhu ataina Lasarusi ino‑ainei, dewana dewa ahiahina, ka apaina tauna vidoha.”
26615	JHN 11:23	Ka Iesu Marita vonei, ivona, “Novum anigea na‑mini‑havine.”
26616	JHN 11:24	Ka Marita ivona, “Ika, avaha anamanei apaina, auyewa pai nau‑yehata wayahina, tauna anigea na‑mini‑havine.”
26675	JHN 12:26	Aituhu aviyaivia yai nuanua ivi‑tau paisewa‑kavokavovo wayahiu, taui nau‑wawani ivi‑muni‑waiwaieu. Wayahina, aveta baina yauke amamaei, akanai yau tau paisewa‑kavokavovo nui kamamaei. Ka aituhu aviyaivia ipaipaisewa wayahiu, apaina Amau taui ai wava na‑si‑nai kadu nꞌ‑apa‑vidovidohei.”
26677	JHN 12:28	Wayahina nau‑wawaniu ana‑vona, ‘Amau, am wava esi‑nai!’” Ka wahuma wayahina Yaubada movina vinꞌ‑omo, ivona, “Avaha asi‑nai, kadu apaina asi‑nai‑havinei.”
26707	JHN 13:8	Kate Pita vonei, ivona, “Tuta ataina a itoava auyewa pai nau‑yehata wayahina, yauke eha anꞌ‑awaehem aeu enosia.” Kate Iesu vona‑nau‑patei, ivona, “Aituhu yauke eha anosim, vona ahiahina, wamke eha aitam au tau vi‑muni‑waiwai.”
26720	JHN 13:21	Ka avaha Iesu ivona deina, tauna nuana ivita, e ihae tunuhina, ivona, “Memeanina nuami vi‑tupatupa, kate avonemi, aitam wayahimia vi‑nua‑hauhaueu.”
26734	JHN 13:35	Aituhu udewa‑vidovidohemi, akanai mani tomotau habuhabui yami dewana idudueyei, e inꞌ‑anamanemi itomi au tau vi‑muni‑waiwai.”
26951	JHN 20:15	Ka onotona Mari vi‑tanaiei, ivona, “Vavinem, aviani wayahina evi‑mohai? Koiaka enenenei?” Ka Mari nuanua tauna bagunana a tau dune‑vi‑avina. Wayahina, ivona, “Bada, aituhu wamke eneiei, akanai, aveta eboui evoneu, e anꞌ‑epa‑havinei.”
26982	JHN 21:15	Ka taui avaha ai awahita iam iakwa, Iesu Simoni Pita vi‑tanaiei, ivona, “Simoni, wamke Ioni natuna, medeina? Wamke yam dune‑nuanuai wayahiu taui taina yai dune‑nuanuai wayahiu vane‑tawanei?” Ka Pita vona‑nau‑patei, ivona, “Kauvea, ika, avaha eanamaneu adune‑nuanuaiem.” Wayahina, Iesu vonei, ivona, “Nau‑wawanim yau lamiV evi‑am‑neiei.”
26983	JHN 21:16	Ka Iesu tuta vꞌ‑inuana vi‑tanaiei, ivona, “Simoni, wamke Ioni natuna, edune‑nuanuaieu ananina?” Ka Pita vona‑nau‑patei, ivona, “Kauvea, ika, avaha eanamaneu vivane adune‑nuanuaiem.” Wayahina Iesu vonei, ivona, “Nau‑wawanim yau sipiV edune‑vi‑avini.”
27238	ACT 7:53	Itomi Yaubada ya veimea uvaniahei, ka veimeana vinꞌ‑omo anelose yai ivaita wayahina. Vona ahiahina, veimeana uvaniahei, kate eha uta‑vi‑ateteye.”
27297	ACT 9:12	Ka avaha yana dune nihenina aitam onoto ana wava Ananiasi dudueyei, omomo na‑vo‑dadani, e matana ana pata na‑dune‑havine.”
27500	ACT 14:17	Ka aituhu kadune‑vi‑avini ahiahina, aka pata tauna ya paisewa kadueyei, kanꞌ‑anamanei. Udu! Tuta tuta tauna yana dewa bigabigana venemi wei wahuma wayahina, kadu aniani tanopi wayahina aihana ana tuta aitamoata aitamoata wayahina. Ka tauna aniani habuhabuna venevenemi, kadu nuami nihenina udewa‑haiawa‑iaua.”
27612	ACT 17:20	Iuna aviani avaha eipupuei anononi, kate nuanua tunina tunina itoai wayahiaia. Wayahina, yama nuanua anꞌ anamana ana‑nua‑haui.”
27675	ACT 19:21	Ka dewaia iakwa, Paulo vi‑nua‑dadani na‑vane Ierusalem. Ka eha ya nuanua tunuhina na‑vane, kate ya nuanua naona na‑tutu‑vivina papani Masedonia nihenina, ka kadue papani Akaia nihenina, e pai nau‑yehata meagai Ierusalem na‑vaniahei. Ka ivona, “Yau nuanua ananina Ierusalem anau‑vi‑taui. Na‑iakwa, nau‑wawaniu kadu meagai Rom anau‑vi‑taui.”
27872	ACT 25:8	Iakwa, Paulo vi‑putu tauna ya ipupu‑tana‑pota ipuipupuei, ivona, “Me Iudea, aka veimea eha ata‑tana‑bwege, ka Manua Vito‑pota eha ata‑vi‑gawami, ka kadu SisaV ya veimea eha ata‑tana‑bwege.”
28073	ROM 3:14	“Bwanata manimaninina awai nau‑vi‑anai.”
28251	ROM 9:28	Iuna nonova Yaubada apa‑taputapu apaina tau goyogoyona aitamoata aitamoata na‑dewa‑yaiyaiei. Kadu auyewana tepakaia yana dewa vo‑kwayavoni vinꞌ‑omo tauna yanꞌ apa‑taputapu wayahina deina. Ka auyewana wayahina eha aitam yai etawana ina‑novo‑tawane.”
28269	ROM 10:13	Ka Iginuma voneka deina, ivona, “Aituhu aviyaivia iviama Kauvea wayahina, tauna yai viama aitamoata aitamoata nononi, kadu na‑ito‑yavuhi.”
28277	ROM 10:21	Yaubada tauna ya paisewa apa‑taputapuei taui eha me Isiraeli wayahi deina. Kate tauna ya tomotau me Isiraeli wayahi ivona deina, “Tuta tuta, nonova a itoava tuta ataina wayahina, ahidahida yau tomotau wayahia moviu inononi, kate eha yai nuanua. Tuta tuta wayahiua ivi‑heyoheyo, ka eha ita‑vi‑ateteyeu.”
28304	ROM 11:27	Yauke taui nui awaehei aitamoata deina, auyewana tepakaia wayahina yai goyona anꞌ‑epa‑yavunei.”
28343	ROM 13:9	Yaubada ya veimea nihenina veimea tunina tunina imamaei. Ka veimea‑naia tupwai ivona deina, “Eha eawa‑neme.” “Eha enau‑vi‑aniga.” “Eha evainau.” “Eha matam ivenau‑bana am niam ya gugua wayahina.” Ka kadu veimea habuhabui imamaei deina. Unononi. Veimea‑naia aitamoata aitamoata ai nau‑itava taina. “Mani tomotau edune‑nuanuaiei, edune‑nuanuaiem aitamoata deina.” Veimeana vivane veimea ani‑vainena.
28361	ROM 14:13	Wayahina, itoka tau ekalesia eha nau‑wawanika kanau‑yanahika o kanuanua, “Yauke onoto ananiu, kadu yauke yau dewa ahiahina ana noe. Yauke nau‑wawaniu mani tomotau anau‑yanahi, e ai dewa‑yaiyai yai dewa goyona wayahina avi‑nua‑dadani.” Nau‑wawanika nuanuana kani‑tawanei. Itoka aitamoata aitamoata nau‑wawanika kadune‑vivinika itoka yaka dewa tunutunuhina. Aituhu aitam wayahikaia aitam dewa dewei, kaiwadi aituhu vaneina dewana dueyei, e apaina kadi nuanua, “O, dewana au pata. Yauke kadu adedewei deina, akanai.” Apaina tauna vi‑putu dewa‑nana dedewei. Kate tauna ya vitumahana eha ana pata dewa‑nana wayahina.
29015	2CO 8:15	Ka Iginuma nihenina aitam vona mamaei, ivona, “Tupwai ikwakwei ananina, kate eha aitam aviani itupwa. Ka tupwai ikwakwei kikituna, kate eha ita‑vi‑kutakuta.”
29033	2CO 9:9	Aitam vona Iginuma nihenina, ivona, “Aituhu aviyaivia avaha yai am‑venena‑kavovo tau payapayaya habuhabui papani tunina tunina wayahia ivene‑neiei, tomotaui yai dewa tunutunuhina na‑maꞌ‑vavaha.”
29971	TIT 1:12	Aitam me Kirete ai tau apa‑taputapu ivona, “Tuta tuta Me Kirete tau vitupu, ka tau goyogoyona manimanini, ka iaupu‑tonetonene, kadu taui yai nuanua aitamoata inꞌ‑am‑didiga.”
30039	HEB 1:9	Wamke yam nuanua ananina dewa tunutunuhina, ka kadu dewa goyona enau‑nikonikoiei, evihahaiei. Wayahina, Yaubada, vivane yam Yaubada, avaha vi‑nua‑dadanem, kadu awaehem edewa‑haiawa ananina. Iuna tauna didigam venem, ka didigamna yaiam didigai vane‑tawane‑neiei.”
30125	HEB 6:14	Ka ivona, “Avona‑dabadaba wayahima, apaina anau‑iaiavam, kadu apaina yam tupua‑nenenehi ivi‑habu‑vainei.”
30164	HEB 8:5	Ka tau vi‑nomu tanopia manua tapanono nihenina ipaipaisewa, kate tomotau manua tapanonona wahuma iaito‑vi‑tamani vivane anuana deina. Manua tapanono wahuma vivane manua tapanono‑hoina. Unuani, tutana Yaubada Mosese veimeyei ine tapanono tanopia na‑nau‑vevewanei, ivona, “Enua‑vi‑avini dewa aitamoata aitamoata ana dune eyonei avaha oya aviwavenem deina. Ka dewa habuhabuna edewa‑vꞌ‑iunei.”
30208	HEB 10:8	Naona tau ipupuna ivona, “Yam nuanua eha vahitau vi‑nomuia, ka eha am‑venena‑kavovoia.” Kadu ivona dewaia “eha ita‑vo‑vi‑dewa‑haiawim.” Kadu ivona “vahitau vi‑nomuia iapupuni pai vi‑nomu hetana” goyona iepa‑yavune deina “eha yam nuanua”. Udueyei. Tauna vonavona deina, kate yaka tupua‑nenenehi dewaia habuhabui idedewei, iuna Mosese ya veimea veimeyei idedewei deina.