23214	MAT 1:1	Buk towen waseg delen Yeisuw Kelis, tabun kweiboug Deibid, kweiboug tonen tabun Ebelam.
23218	MAT 1:5	Salmon natun Bowas. Bowas inan yagan Leyab. Bowas natun Obed. Obed inan yagan Lut. Obed natun Desiy.
23219	MAT 1:6	Desiy natun Deibid, mtowen king. Deibid natun Solomon. Solomon inan mtowen Uliyak nakwav. Deibid bo ikow vin mana̱wen.
23225	MAT 1:12	Ineis Babilon ikous, Yekonay natun Salatiyel. Salatiyel natun Delububel.
23226	MAT 1:13	Delububel natun Ebiyud. Ebiyud natun Ilayakim. Ilayakim natun Esol.
23230	MAT 1:17	Yeisuw delen, tasilamaw Ebelam waseg, tavin Ebelam, tayuwein Ebelam natun, tatounun Ebelam tabun, tavasin Ebelam tabun natun, beibus ee... tutan Deibid waseg, babiweis sinawatan teivas. Tasilamaw Deibid waseg, tavin Deibid son natun, tatounun Deibid tabun, tavasin Deibid tabun natun, beibus ee... tutan min-Babilon ikawes inawes wasiven, babiweis sinawatan teivas. Tasilamaw tutan ineis Babilon tavin ee... tutan Kelis waseg, babiweis sinawatan teivas.
23233	MAT 1:20	Ininuway ma̱wan ee... imasis, anmikon waseg Yowbad nataka̱yob ikin neim, idibek, ilana, “Yosep, ya̱koum Deibid tabun yak, bweina kuvays soum Meliy. Awoum beivag nanoum babaw. Yowbad Kululuwan isek mo isum ikakuda̱pom.
23288	MAT 4:10	Yeisuw mo ikan Seitan, ilana, “Kusineikik. Bukitab waseg kweitan livan nises mamagina: ‘DaGuyaws Yowbad bukukulul wamatan; Towen anmwa̱net bukutapwa̱loul waseg.’”
23303	MAT 4:25	Gamag babaw mo ikikuns waseg, tasiyas min-Galiliy, min-Dikapolis, min-Yelusalem, min-Yudiy, sisiyas tasiyas palata-dadan Yoldan, ikikuns waseg Yeisuw.
23475	MAT 9:27	Yeisuw inoun in, tawaw asteiy ibukunis, ikaw mites, iwkuwaks ilansa, “Ya̱koum Deibid tabun ya̱koum, kusiwyoubum.”
23561	MAT 12:3	Yeisuw ilana, “Adok nag kukwakins liva̱nen Deibid, nises Bukitab wanuwan. Peinan asimoun siney nagamag, isiws Yowbad wanbunatum, ikams bled towen nises Yowbad wamatan. Tanuwgwes lun bo ikatibomes bled towen. Na-ikadilok Deibid beikam; nagamag-vak nag beikams; misinaka tasiyas tanuwgwes lun. Tage tanuwagan lun isek Deibid sen nagamag, mo ikams, peinan singaya asimoun.
23569	MAT 12:11	Iwa̱ge Yeisuw ilana, “Adok nag teitan yakamiy a̱len sip bikalivatow bein wa̱leg Sa̱bat waseg, bilivan, bilana, ‘Deisa bisiw, peinan Sa̱bat.’ Adok nag. Adok biyous, bikatinob, ne? E, gamag singay imgwayes wasigeis aleimiyas. Mapun bweina bitaleb sod Sabat waseg.”
23581	MAT 12:23	Gamag babaw ikines, bo isom ninous, ilansa, “Adok mtowen Deibid tabun, Mesay.”
23587	MAT 12:29	“Kweitan sinap kuninuways: Ta-ma̱wan bitasiw tawtoun gamag wanabunatum mo bitaven navavag. Deisa bitayous taw towen, tayawen naman, kaken, va̱gan nag binoun, mo bitaven navavag, tayakousis.
23724	MAT 15:22	Na̱tan vin nag vinen-Yudiy, tage vinen-Kenan, isap, iwak, ilana, “O Guyaw, Deibid tabun yak, kusiwyoubug, peinan natug kuda̱vin yeiluw singay iyageg.”
23759	MAT 16:18	“‘Ya̱koum Pita, wawun yagam “Dakul” o dakul towen wakunuwatan mo bawlul agugwamag mamagina gunbunatum yakamiy, o kanig nag bitawtoun wasigeis yakamiy tayakelesiys.’
23818	MAT 18:22	Yeisuw ilana, “Nag siva̱nim sivay. Deisa lakatunim lakatuy sinawanim sinawey mo siva̱nim sivay.
23823	MAT 18:27	“Iyaka̱lin guyaw towen, ilik nagamag, iwid nakawlavag ikous, ilana, ‘Deisa kunoun. Bo awid mukwawlavag.’
23824	MAT 18:28	“Inoun taw towen, iban son, peinan asteiy iwteles sitovek nawotet, ilana, ‘Mukwawlavag waseg yey lakatutan toya.’ Deisa iyous kayon son, ilana, ‘Nuwanaw kusekeig.’
23826	MAT 18:30	“Towen ikayus, itok son, isen wanuwan deil, ilana, ‘Deisa kuses wa̱deil. Igaw bukumop mukwawlavag mo bukun wamnat.’
23891	MAT 20:30	Tasiyas toukwaws asteiy isinis wadadan ked, bo iliganes liva̱nen Yeisuw, peinan bo neim. Iliganes, mo iwaks, ilansa, “Deibid tabun Mesay ya̱koum, binok nuwam yakamey.”
23892	MAT 20:31	Asibabaw ilansa, “Kukwa̱pays yakamiy!” Tasiyas gog isimkakinsa waseg, ilansa, “Guyaw, Deibid tabun yak, binok nuwam yakamey.”
23904	MAT 21:9	Tammugwas imugwas, takukuyeims ikukuyeims, asibabaw iwkuwaks, ilansa: “Kalin nuwem, Deibid tabun yak. DaGuyaws nikayabeim, nukum va̱gan bukwatinabwem. Kalin nuwem Tamads walba̱lab.”
23910	MAT 21:15	Tasiyas gog tanuwgwes lun situwa̱vek sisiyas takatimlakeins kaleiwag ikines Yeisuw, Yowbad wanbunatum, nawotet tawtoun, o gamagal niwkuwaks ilansa, “Kalin nuwem Deibid tabun yak,” singay mo ikawkunes Yeisuw tasiyas.
23937	MAT 21:42	Yeisuw ilana, “Adok nag kuvinis Bukitab liva̱neig, mamagina: ‘Wululay towen tawteleins bunatum nipiyaves, Tage bo imlavag anmwamwan bunatum. DaGuyaws nawotet towen, bo isom nanouds.’”
23945	MAT 22:4	“Wankuyeim ikayabes natouwat mwasanin, idawes tasiyas ilansa, ‘Datoveks bo ikatineg kan ikous, bulumakaw kawka̱veks bo iweiys ikous, bulumakaw bulwaway, askeitub igegayous, bo iweiys ikous, youd babaw bo ikatinages ikous. Kumeis sagal towen, peinan tamwey natun bo beivay.’
23975	MAT 22:34	Tasiyas Palisiy iliganes Yeisuw nikatimop asilivan Sadusiy, nika̱pays, mo ikatuyouns tasiyas Palisiy, imeis. Palisiy teitan ikatigan Yeisuw, mtowen ya̱tal sinapun ikakin; ikatugan va̱gan kid biyakwen Yeisuw, ilana, “Dakaleiwags waseg, aw-kaleiwag imug?”
23982	MAT 22:41	Tasiyas Palisiy ikatuyouns nimeis, Yeisuw mo ikatiga̱nes, ilana, “Waninoumiy Mesay ama̱wan? kavel tabun?” Iweis tasiyas, ilansa, “Deibid tabun.”
23984	MAT 22:43	Yeisuw mo ikatiga̱nes, ilana, “E, Mesay Deibid tabun; tage kweiboug Yowbad Kululuwan isek Deibid ansinap mo ilivan, idok Mesay inaguyaw tatonen; anilivan mamagina: ‘DaGuyaws idibek gunGuyaw, ilana: Kusin wagunka̱tay, va̱gan bava̱ges beibus siyas astameiliw yak, bukuvnivans wakunutes.’ Peinan Mesay Deibid tabun, ama̱wan Deibid idok tabun naGuyaw tatonen?”
23995	MAT 23:8	“Awoum gamag bidokeimiy ‘Guntakatimlakay yak,’ awoum; peinan mitakatimlakay anmwa̱net, o yakamiy katanoka gamag yakamiy. Deisa kulansa, ‘Gwa.’
24025	MAT 23:38	“Mapuna Yowbad ipiyev miven. Makava bukusesus. Igaw nag bukukineigs ee... anatut bukulivans, ‘DaGuyaws nikayabeim nukum, mapuna kakavasim,’ mounid mo bukukineigs.”
24041	MAT 24:15	“Kweiboug palopit Daniyel nilivnek teitan nawotet igaw biyableb Yowbad navavag, youd singay kalbaleb waseg. E, igaw yakamiy bukukines towen Yowbad wanbunatum. (Bukuvinis livan towen kadiloka bukukwakins). E, igaw bukukines sinap towen, bukusesus Yudiy, kadiloka kusawls kuneis wa̱koy.
24168	MAT 26:45	Ikous, iyum inekes navamul, idibakes, ilana, “Igaw kuyeiwas, kummasis. Bo deis! Datuts bo ikous. Bo isap tasilkodeig Gimgilitoun yey. Takalbalebs bo nimeis kid biyousigs yey. Kukits tanounas, tasilkodeig bo isap!”
24207	MAT 27:9	Iva̱ges ma̱wan, mo ikamat liva̱nen palopit towen Yelemay, peinan kweiboug ilivnek mamagina: “Ikawes money silib sinawatoun, maysan mtowen min-Yisleil bo ikaliwages, mo iyamiyises tawtelein loutan napwepway. DaGuyaws bo ikaliwageig ma̱wan.”
24287	MRK 1:3	Tawkuwak wanawoud, ilana, ‘DaGuyaws inaked kuva̱ges beibwein; Kukidumwa̱lus va̱gan binoun.’”
24291	MRK 1:7	Yon igeiguy, ilivan ma̱wan, ilana, “Yey nag tatawtoun, nag. Tatawtoun wankuyeim beim. Nag kadilokeig bakulul bakablev inasandol. Deisa babapta̱yseimiy wayevagam, towen gog mo bibapta̱yseimiy Yowbad Kululuwan Bwanabwein waseg.”
24354	MRK 2:25	Iw to Yeisuw, ilana, “Adok liva̱nen Deibid, wa̱buk bo kuvinis, tage ninoumiy nag ikamnat. Peinan Deibid siney nagamag asimoun, isiw in wanuwan Yowbad nabunatum, ikow bled towen nisenas silma̱nin Yowbad, ikams siney nagamag. Nag kadilokes beikams bled towen; bwaboum. Misinaka tanuwgwes lun beikams; tage tanuwgwes lun sitovek Ebayatal itam, peinan singaya asimoun, isekes Deibid siney nagamag, ikams.”
24431	MRK 4:39	Iligen, ikit, idibek yag son kaysay, ilana, “Deisa! Beitay!” Yag mo idabab, niwal avakaein.
24453	MRK 5:20	Iligen, iyum, in ika̱mat ama̱wan nivkek Yeisuw nileb. Wawnuwan ven towen Dekapolis gamag babaw iliganes, mo isom ninous.
24459	MRK 5:26	Doket babaw iyyokons, bo nag. Vin na̱wen namoney igimwelena bo iyakous; tage doket tasiyas nag ilabes bwein vin mana̱wen, ankatoun bo ivakaeina singay.
24481	MRK 6:5	Mapuna ven towen waseg ta-ma̱wan biwotet tawtoun. Deisa takatouns asteiyuy isen naman wawous mo ibweins.
24563	MRK 7:31	Wankuyeim ilisow wunsiyas ven walasin Ta̱yil, ikanapel Saydon, in yevagam avakaein yagan Galiliy, wawnuwan Dekapolis.
24578	MRK 8:9	Ikous, mo ikayabes tasiyas kweivas tawsan gamag, inounas; mtowen siney navamul itouws wa̱wag, idopels ineis ven Dalmanut.
24704	MRK 10:47	Toukwaw towen iligen butun gum-Nasalet yagan Yeisuw, peinan bo neim, mo iwak, ilana, “Yeisuw, ya̱koum Deibid tabun ya̱koum, binok nuwam yey.”
24705	MRK 10:48	Babaw gamag bo ika̱nes, ilansa, “Kukwa̱pay.” Togo singaya iwkuwak, ilana, “Ya̱koum Deibid tabun ya̱koum, binok nuwam yey.”
24719	MRK 11:10	Tamads Deibid nakaleiwag bukuwgow. Tanuwagan liba̱lab bo bikatinabweids.”
24753	MRK 12:11	DaGuyaws nawotet towen; bo isom nanouds.’”
24777	MRK 12:35	Wankuyeim ikatimlakes gamag wanuwan Yowbad nabunatum, ilana, “Aveiyag wawun takatimlakeins kaleiwag asilivan, ilansa, ‘Kelis Deibid tabun.’ Kweiboug Yowbad Kululuwan ansinap ikatipel isek Deibid, ilana: ‘DaGuyaws idibek gunguyaw, ilana: Kusin wagunka̱tay va̱gan bava̱ges beibus siyas astameiliw yak, bukuvnivans wakunutes.’
24779	MRK 12:37	“Mtowen Deibid tamwey, ama̱wan bidok tabun naGuyaw?” Yeisuw nakatimlakay gamag babaw sivines binganegs.
24829	MRK 14:6	Yeisuw gog idibakes, ilana, “Deis! Awoum kutawyages mana̱wen vin; nawotet singaya bwanabwein waseg yey. Tasimavs tut babaw simiyas kusesus, asina̱vin sivinamiy bweina bukulabes. Yey gog kweitan, nag simiy yey bitasesun-wan tut babaw, nag.
24864	MRK 14:41	Sivtounun inoun, initoug, iyum, ilana, “Bo kumasis, kuyeiwas, ne? Bo deis. Datuts bo ikous. Teitan gamag bo bisilkodeig Gimgilitoun yey; tasiyas takalbalebs bo biyousigs. Kukits, tanounas; tasilkodeig bo isap.”
24941	MRK 15:46	Mtowen Yosep in igimwel maynatan kweim pwapwa̱kaw, imey, mo ibwiy Yeisuw waklos, imey watinow, mo isumweil won, kweim to pwapwa̱kaw waseg. Ikous mo ikow inow isen wakalawag. Alawag towen neiteiys takunumwan. Dakul avakaein iyatpinis in ikatibwed wadon leg.
24988	LUK 1:26	Kweinim tibukon ikous, iton kweivaw, mo Yowbad ikayeb anelos Gebliyel in Galiliy, ven yagan Nasalet. Inek nakubukwab nagtabod nibokes beivay kid son taw Yosep, Deibid delen. Nakubukwab mana̱wen yagan Meliy.
24994	LUK 1:32	“Mtowen bo bitawtoun. Gamag bidokes ‘Tatawtoun Yowbad Natun.’ DaGuyaws Yowbad bo bisek inakaleiwag tawtoun, peinan tabun Deibid inakaleiwag; mo bikaleiwag Yekob delen wasigeis. Nakaleiwag bises bisigeg.”
25031	LUK 1:69	“Natouwat Deibid delen teitan bo isekeids takatinabweids.
25046	LUK 2:4	Yosep-vak ilisow ven Nasalet wawnuwan Galiliy, ikatulags ineis Yudiy, Deibid inaven yagan Betelem, peinan Deibid delen mtowen; e, bilel kid yiges son nakwav Meliy, ankuda̱pom.
25053	LUK 2:11	“Nagein gog, Deibid inaven waseg na̱tan vin bo ikop mtowen takatinabweimiy, daGuyaws Kelis.
25102	LUK 3:8	“Kadiloka bikanavin ninoumiy va̱gan beibwein miwotet. Awoum kuninuways tibumiy Ebelam. Yowbad nag bikalin nuwan peinan tibumiy Ebelam. Deisa beibwein miwotet, mo bikalin nuwan wasigeis yakamiy. Yowbad kadiloka dakul tasiyas bivag mo bimlavags Ebelam tibun.
25118	LUK 3:24	Ilay taman Madatat. Madatat taman Livay. Livay taman Melik. Melik taman Danay. Danay taman Yosep.
25121	LUK 3:27	Yod taman Yowanan. Yowanan taman Lis. Lis taman Delububel. Delububel taman Seyaltiyel. Seyaltiyel taman Neliy.
25123	LUK 3:29	El taman Yosuw. Yosuw taman Eliyesel. Eliyesel taman Dolim. Dolim taman Madatat. Madatat taman Livay.
25125	LUK 3:31	Iliyakim taman Malay. Malay taman Men. Men taman Matat. Matat taman Nadan. Nadan taman Deibid.
25126	LUK 3:32	Deibid taman Desiy. Desiy taman Obed. Obed taman Bowas. Bowas taman Sal. Sal taman Nason.
25131	LUK 3:37	Lemek taman Metuselak. Metuselak taman Inok. Inok taman Deled. Deled taman Ma̱lalel. Ma̱lalel taman Keinan.
25155	LUK 4:23	Iw to Yeisuw, ilana, “Mounid bukudibakeigs adilivans mamagin: ‘Doket ya̱koum, kuva̱geim tatoneim mo bukubwein!’ Adok bukulana, ‘Bulagam Kapaneyum waseg nakaligen, kuvag ma̱wan, wamven tatoneim.’”
25218	LUK 6:3	Iw to Yeisuw, ilana, “Adok bo kuvinis liva̱nen Deibid, ne? Peinan asimoun siney nagamag, isiw in wanuwan Yowbad nabunatum, ikow bled towen nisenas wamatan Yowbad, nikatibomes silma̱nin tanuwgwes lun beikams, o towen Deibid nag kadilok beikam. Tage peinan asimoun, ikam, mo isekes siney ikams.”
25270	LUK 7:6	Yeisuw iligen, siney tasiyas ineis ee... kakita bisaps takalikay nabunatum waseg, takalikay towen mo ikayabes viyen mwasanin, imekes Yeisuw, isekes takalikay anilivan, ilansa, “Takalikay anilivan mamagina: Guyaw, awoum bivakaein muwotet. Yey toul wamatam yak. Awoum bukusiw wagunbunatum. Mapuna na-ikadilokeig bawekeim yak. Deisa kulivan mo beibwein guntouwat. Yey akakin kaleiwag. Gunakaleiwag nises wasigeis guntakanaviys. Badibek teitan, balana, ‘Kun,’ mo bein. Tayuwein badibek balana, ‘Kum,’ mo beim. O guntouwat badibek, balana, ‘Kuwtel wotet,’ mo biwtel. Bweina kulivan beibwein ankatoun.”
25656	LUK 14:34	“Sol magat yayan, bwanabwein. Kukin gog nag, ta-ma̱wan bisabal. Sol towen kalbaleb nag bileb bag; nag ivag nawotet. Deisa talev. Yakamiy tigamiy sam bweina kuliganes.”
25669	LUK 15:12	“Digumasus idibek taman ilana, ‘Tamag, igaw bukukwanig gunkiyay mo bakow; nagein kukwaleiwag aveiyag tuwag bikow, aveiyag yey, o yey tut towen bakow.’ “Taman itam, ikaluweg, isek digumasus inavavag.
25770	LUK 18:13	“Tage towen takawein ta̱kis itamanaw itow kadiveiyov, ikulul; nag itamnow matan bikin liba̱lab. Deisa iwaway vitakon, igeg nanon, ilana, ‘O Yowbad, binok nuwam takalbaleb yey!’
25795	LUK 18:38	Iwak, ilana, “Yeisuw, Deibid delen ya̱koum, binok nuwam yey!”
25796	LUK 18:39	Tasiyas nimugwas Yeisuw waseg, ika̱nes toukwaw towen, ilansa, “Kukwa̱pay!” Tage singaya iwak ilana, “Yeisuw, Deibid delen ya̱koum, binok nuwam yey!”
25868	LUK 20:20	Deisa ikaymates Yeisuw, o ikayabes sitouwat mwasanin, askakin mamagina tasimounids tage tayyaweids; bikatiliganes Yeisuw anilivan va̱gan biliganes silawun ya̱tal, waseg biyateles Yeisuw wamatan takaleiwag avakaein, ven Yudiy waseg. Takaleiwag mo biligen ya̱tal, bikaluweg.
25889	LUK 20:41	Yeisuw mo ikatiga̱nes tasiyas, ilana, “Ama̱wan gamag bidokes Kelis Deibid tabun?
25890	LUK 20:42	“Deibid anilivan, nilel, nises buk yagan Sam waseg: ‘DaGuyaws idibek gunguyaw, ilana: Kusin wagunka̱tay va̱gan bava̱ges tasiyas astameiliw yak, mo bimlavags mamagina mukwabtatet, bukuvnivans wakunuwtes.’
25892	LUK 20:44	“E, kuninuways Deibid idok Kelis inaguyaw. Kukin Kelis meinoy neim Deibid waseg, ama̱wan bivkek bikativin bimlavag naguyaw?” Yeisuw ikatiga̱nes, ta-ma̱wan bikatimapus anilivan.
25943	LUK 22:10	Ilana, “Bukunounas, bukusaps waven, taw teitan ikokew kunasoup bilivatumiy, mo bein, beisiw wabunatum. Kwabkunis, kudibakes tanuwagan bunatum, kulansa, ‘Datakatimlakays ilana: Avanuy bwabwal yakamey mabunatum waseg bakakamkwam Kaltuwon Sigeilin, sigwey gunavamul?’
25984	LUK 22:51	Iwa̱ge Yeisuw, ilana, “Deisa!” mo ikabkwen teigan, ivag ibwein.
26062	LUK 24:2	Dakul towen nisenas Yeisuw alawagan wadon nikatibwades bo iba̱nes niyatipines nises wadadan.
26093	LUK 24:33	Nuwanaw itamanaws, iyums ineis Yelusalem; iba̱nes navamul sinawatan tatanok katuyouns nisesus sisiyas gamag mwasanin. Navamul asilivan mamagina, “DaGuyaws bo ikit, inek Saymon, mo ikin.”
26118	JHN 1:5	Kamnat towen imteil ven dadub waseg. Dadub nag iyakous kamnat towen. Igawa nises.
26155	JHN 1:42	Andiluw mo itok tuwan inekes Yeisuw. Yeisuw ikabunik, mo ilana, “Ya̱koum Saymon, Yon natun ya̱koum; badokeim Pita.” (Takativini gog bein aga-Muyuw, “Dakul”.)
26236	JHN 4:11	Vin idibek, ilana, “Ta-kweitan mukwayagweg nises. Ta-ma̱wan bukukil amsoup to kadiveiyov. Avanuy bukukil mo bukusekeig soup mwamov silma̱nin? Datoveks Yekob kweiboug guyaw avakaein, nikaviyeil yevagam towen, imwamoum, alen imwamoums, nitun tibun imwamoums ee... igawa kamwamoum yakamey. Tabta ya̱koum bukumgwey tamwey towen Yekob?”
26437	JHN 7:40	Gamag mwasanin iliganes anilivan towen, ilansa, “Adok mounid towen palopit towen takaymates bimug Mesay waseg.” Tage gamag mwasanin ilansa, “Mtowen Mesay tatonen.” Mwasanin gog ilansa, “Mesay Kelis nag beinoy Galiliy. Adok nag. Peinan liva̱nen nises Bukitab waseg, ilana, ‘Mesay natovek Deibid’ o ‘Mesay mo beinoy Betelem,’ Deibid naven tatonen.”
26447	JHN 7:50	Nikodimos sisiy tasiyas nisesus; kweiboug nilakwen Yeisuw; mtowen mo ilana, “Tab kadilok bitasilkodes taw towen? Adok nag. Dakaleiwags nises mamagina, wanmugwana bitakatiga̱nes gamag, va̱gan kid bitakakins ansinap o nawotet ama̱wan; ikous, mo bweina bitakaleiwags.”
26502	JHN 8:52	Min-Yudiy tasiyas mo idibakes, ilansa, “Tut towen mounid kakakin Baloum bo iweim; peinan amlivan, ‘Kukin kal bivnas agulivan, nag bikanig, nag; bo bises bisigeg.’ Datoveks Ebelam bo ikanig. Tasiyas palopits kweiboug bo ikinka̱nigs ikous. Tabta bukulisow Ebelam, ne? Towen nikanig. Tasiyas palopits nikanigs. Kal yak kudok mugwamag nag bikanigs?”
26620	JHN 11:28	Ilivan ikous, mo iyum inek bwadan, katimwa̱lag idibek, ilana, “Datoveks bo isap, idaweim yak.”
26709	JHN 13:10	Yeisuw ikatimop aygan, ilana, “Deis. Kal yak bo kukwa̱kay ikous, misinaka bawik kakeim mo bigimagim woum meivek-wan. Yakamiy gimagim yakamiy, tage teitan yakamiy nag.”
26938	JHN 20:2	Meliy isawl, inekes Pita son Yeisuw navamul towen singay isiwa̱youb waseg, idibek tasiyas, ilana, “DaGuyaws alawagan makaw. Bo ikawes, inawes; nag kakakin, seik avanuy misekeyas.”
27006	ACT 1:14	Asibabaw tasiyas, ninous kid katanok-wan va̱gan bininitougs Yowbad waseg. Sisiyas vinay mwasanin, sisiy Yeisuw inan Meliy, siney Yeisuw budan. Babiweis mamagin lakututan sinawey. Misiya̱mun towen, kweitan yam waseg, Pita mo itamanaw wanuwein gamag siyas babaw, ilana, “Budag yakamiy, kweiboug Yowbad Kululuwan ikatipel ansinap isek Deibid, mo ikatigik nawotet Yudas, towen talabein siyas niyousis Yeisuw; o Deibid anilivan towen nein Bukitab waseg. O kadilok youd siyas bikamats ma̱wan Deibid anilivan kweiboug.
27043	ACT 2:25	“Liva̱nen mtowen kweiboug Deibid bo ilivan Yeisuw anilivan mamagina, ‘Tut babaw nakikineim yak gunguyaw yak wamatag. Guntawtoun bisigeg, peinan ya̱koum wagunka̱tay nukuses. Mapun, wadoug waseg allivan, peinan gunmwa̱saw avakaein. Igaw woug waseg nases ven watinow, bo banmiseim gunguyaw ya̱koum bukwatinabweig. Peinan kwayuseig, awoum kululuwag bisesuna wa̱Tum. Awoum woug beipwas; awoum. Bo nukwatimlakeig ked towen kabmwamov kidenen. Wamatam bo bukuvag gunmwa̱saw bivakaein.’
27047	ACT 2:29	“Sigwey yakamiy, adok balivan liva̱nen datoveks towen Deibid; livan kamnat balivan. Towen Deibid bo ikanig, itakus wakalawagan waseg; e, alawag towen, igaw tut towen wadavanuys nises.
27048	ACT 2:30	“O peinan Deibid palopit, bo ikakin sinapun Yowbad; o Yowbad bo itabudabod, idibek Deibid, ilana, ‘Mounid wabuya̱vim igaw mo bisap tabum ya̱koum, towen bo biguyaw, bikow kid mukwaleiwag.’