23218	MAT 1:5	Salmon natun Bowas. Bowas inan yagan Leyab. Bowas natun Obed. Obed inan yagan Lut. Obed natun Desiy.
23220	MAT 1:7	Solomon natun Lekoboum. Lekoboum natun Ebiy. Ebiy natun Esap.
23253	MAT 2:15	Elod gog bikayyamat tasiyas tassinaps, ikayyamata ee... nag; nanon ilana, “O bo ikatidavigs.” Kapasal nuwan, ikayabes nagamag, beiweiys kid a̱pwaw tasiyas tawaw Betelem o walasin ven wasigeis, ilana, “Tasiyas asibweilim katanok o akweiy kuwaweiysa beikous.” Peinan nikatugwan tassinaps wasigeis avei-tut nikop gwad towen. Idok kid Yeisuw bikatimet, tage Yowbad anilivan kweiboug napalopit Yelemay nilivnek mamagina: “Ven Lem waseg mo biliganes va̱lam avakaein. Lakel o vinay-nen Yisleil biva̱lams nitsiyas pines. Ta-ma̱wan bivkakes beitout ninous, peinan nitsiyas bo imtakous.” Yelemay anilivan kweiboug, bo ikamat tut towen waseg. E, Yosep siney angamag Yidipt waseg isesus ee... ikanig Elod. Peinan kweiboug napalopit nilivnek mamagina: “Natug waYidipt mo adouw im.”
23318	MAT 5:15	“Lamp nigidaged, awoum takow loutan takatugibliken kunuwatan tage tasen wateibol mo bimteil bunatum, nakamnat kadilok bunatum.
23419	MAT 8:5	Yeisuw inoun in Kapaneyum, siyas Lom takanaviys sitakalikay mo inek Yeisuw, initoug waseg, ilana, “Guntovek yak, guntouwat ikatoun avakaein, nimmasis wabunatum, ta-ma̱wan bininoun, singaya igidaged won.”
23424	MAT 8:10	Yeisuw iligen, bo isom nanon, itouvin idibakes tasiyas tabkunins, ilana, “Guma-Lom towen singay inamis va̱gan baleb! Ta-aban gum-Yisleil teitan inasimounid ma̱wana taw towen. Mounid adibakeimiy ven babaw gimgilis beisiws Yowbad nakabkaleiwag waseg, peinan gamag tasiyas wanuvid sisiyas tasiyas wayavat bo beisiws bikaypuls Yowbad wanakabkaleiwag waseg, sisiyas tamumwey tasiyas Ebelam, Aysak, Yekob. Tage Ebelam tibun mwasanin Yowbad bilev, bineis watoulan, dadub waseg, bivva̱lams o bikakikilis kumtus, peinan igeg abes tasiyas.”
23565	MAT 12:7	“Livan nises Bukitab waseg, ‘Makava lun apiyev; sivinag kid siwa̱youb.’ Magat bukukwakins Yowbad anilivan towen, adok nag bukuygages tasiyas toubweins.
23743	MAT 16:2	Ikatimop asilivan, ilana, “Kwayav waseg kulansa, ‘Liba̱lab ikayibwel, ka̱las bo beikal,’ o ga̱boug waseg kulansa, ‘Bwaw beim peinan lov magin ma̱wana musewun kov.’ Yowbad naman mulin tasiyas kuwtusis; tage tut towen waseg Yowbad naman mulin nag kuwtusis.
24024	MAT 23:37	Liva̱nen ven towen Yelusalem Yeisuw mo ilivan mamagina “O Yelusalem gimgilis yakamiy, nukuwaweiys tasiyas palopits, o dakul waseg nukuwaweiys tasiyas Yowbad nikayabes niwekeimiy; tut babaw sivinag bamtakavateimiy ma̱wana kolkolek imtakavates nitun; nag gog, kupiyaveigs.
24032	MAT 24:6	“Liva̱nen naviy bukuliganes, livan kweitan kweitan, awoum beiyow nuwamiy, kadiloka biva̱ges ma̱wan; nakabiyokous tut igaw.
24061	MAT 24:35	“Liba̱lab son ven watinow bigulek beikous, tage agulivan nag beikous, nag.
24200	MAT 27:2	Naman iyawanis vatul waseg, itokes, inawes Paylat waseg, guma-Lom towen sigabman avakaein.
24244	MAT 27:46	Igaw dadub ven, Yeisuw mo iwak, aygan avakaein, ilana, “Eli, Eli. Lamasabaktaniy.” (Takatavini go bein aga-Muyuw waseg: ‘Guna Yowbad! GunaYowbad! Aveiyag wawun nukulisaweig?’)
24285	MRK 1:1	Livan bwanabwein nakabsilamaw towen; liva̱nen Yeisuw Kelis, mtowen Yowbad natun.
24286	MRK 1:2	Liva̱nen Yon nises wanuwan Bukitab, Yowbad anilivan palopit towen Isaya nilel mamagina: “Kukines guntaka̱yob bakayeb wamatam, Ikidumwal muked.
24343	MRK 2:14	Ikous, inoun in, ikin Alpiyow natun yagan Livay, isin wakaban ikokew gamag sita̱kis; Yeisuw idibek, ilana, “Kwabkunig.” Iligen, mo itamanaw, ibwa̱kun waseg.
24344	MRK 2:15	Wankuyeim isinis beikams Livay wanbunatum, siney navamul sisiyas takalbalebs tasiyas takaweins ta̱kis mwasanin, sisiyas takalbalebs mwasanin. Gamag tasiyas babaw bo ibukunis Yeisuw.
24731	MRK 11:22	Iw to Yeisuw, idibakes tasiyas, ilana, “Livan mounid badibakeimiy. Kadiloka kunmises Yowbad va̱gan wotet tawtoun biwtel. Kal yak bukubidek koy towen, kulana, ‘Kunoun kun kumukul wabwanit,’ tage nag beivag nanoum akweiy, bukunamisa-wan, mo bivag ma̱wana amlivan nukulivan.
24817	MRK 13:31	“Liba̱lab son pwepway beikous tage agulivan nag beikous.
24899	MRK 15:4	Vayuwein mo Paylat ikatigan, ilana, “Nag bukwatimop, ne? Liva̱neim babaw illivans.”
24916	MRK 15:21	Itokes Yeisuw, inounas wa̱ked, ilivatus Saymon meinoy wanawoud neim; gum-Saylin towen nitun asteiy Alekisan son Lup. Ilivatus Saymon, idibakes, ilansa, “Kukew anklos taw towen.”
25095	LUK 3:1	Astakaleiwag avakaein Sisal Tibeliyas; inakaleiwag anbweilim sinwatan kweivas bweilim bo nein wankuyeim. Ponitiy Paylat takaleiwag ven Yudiy waseg; Elod takaleiwag Galiliy waseg, o bwadan Pilip takaleiwag waseg ven Ituliy son ven Tila̱konit; o Lisaniyas takaleiwag ven Abilen waseg.
25098	LUK 3:4	Liva̱nen Yon nises Bukitab, anilivan palopit mtowen Isaya, mamagina: “Aygan mtowen tawkuwak wanawoud mamagina: ‘Kwaleliws daGuyaws inaked, bididumwal. Kadiloka bitadibwanis leg babaw, o bitagiyeilis koy bimamanas. Aveiyag kaydodog mo bitadumwa̱lus, o ked kalbaleb bitagiyeilis bimamanas. Meiveka gamag mo bikines ama̱wan Yowbad bikatinabweids.’”
25118	LUK 3:24	Ilay taman Madatat. Madatat taman Livay. Livay taman Melik. Melik taman Danay. Danay taman Yosep.
25121	LUK 3:27	Yod taman Yowanan. Yowanan taman Lis. Lis taman Delububel. Delububel taman Seyaltiyel. Seyaltiyel taman Neliy.
25123	LUK 3:29	El taman Yosuw. Yosuw taman Eliyesel. Eliyesel taman Dolim. Dolim taman Madatat. Madatat taman Livay.
25124	LUK 3:30	Livay taman Simiyon. Simiyon taman Yud. Yud taman Yosep. Yosep taman Yonam. Yonam taman Iliyakim.
25129	LUK 3:35	Neyol taman Selug. Selug taman Lew. Lew taman Peleg. Peleg taman Ebel. Ebel taman Selak.
25130	LUK 3:36	Selak taman Keinan. Keinan taman Alpaksad. Alpaksad taman Sem. Sem taman Now. Now taman Lemek.
25131	LUK 3:37	Lemek taman Metuselak. Metuselak taman Inok. Inok taman Deled. Deled taman Ma̱lalel. Ma̱lalel taman Keinan.
25136	LUK 4:4	Iw to Yeisuw, ilana, “Liva̱nen nises Bukitab waseg mamagina: ‘Makava kan nag biyamov gamag.’”
25140	LUK 4:8	Iw to Yeisuw, ilana, “Liva̱nen nises Bukitab waseg mamagina: ‘Kadiloka bukukulul wamatan Guyaw Yowbad. Mtowen anmwa̱net bukwanow aygan.’”
25141	LUK 4:9	Mo itok Yeisuw inow Yelusalem, isen Yowbad nabunatum wankunumwan, idibek, ilana, “Magat Yowbad Natun yak, kwaspepel kun watinow. Liva̱neim nises Bukitab waseg, ‘Bo bisek nataka̱yobs siwotet mo bimtakavateims.’
25144	LUK 4:12	Iw to Yeisuw, ilana, “Livan nises mamagina: ‘Awoum kuyakwen muGuyaw Yowbad.’”
25203	LUK 5:27	Wankuyeim Yeisuw isap, ikin takawein ta̱kis teitan, yagan Livay, nissin buntuman ta̱kis waseg, mo idibek, ilana, “Kubkunig.”
25266	LUK 7:2	Ven towen mina-Lom sitakalikay nises; mtowen singay sivinan natouwat teitan; tage bo ikatoun avakaein mtowen natouwat. Kakita bo bikanig.
25291	LUK 7:27	“Liva̱nen mtowen Bukitab waseg mamagina: ‘Bo bakayeb towen bikokew agulivan, bimgwayeim yak, bikaleil muked.’
25413	LUK 9:43	Asibabaw bo isom ninous peinan nikines Yowbad natawtoun. Ikines nawotet babaw, isunasun ninous ee... mo Yeisuw idibakes navamul ilana, “Livan towen kuninuways beibwein, peinan igaw mo bisilkodeigs, Gimgilitoun yey, va̱gan gamag beiweigs.”
25464	LUK 10:32	“Livay tabun teitan mo iwloubus iwekey mtowen nimmasis wa̱ked, ikin, nago inek, ilisow ises, inoun-wan.
25507	LUK 11:33	“Lamp bitavakanot, awoum aveiyag bitakatugbulik, o awoum bitasen waskawan bunatum; awoum. Tage bitasen wateibol, mo tasiyas beisiws wabunatum bikines mititeilin.
25709	LUK 16:20	“Tage tasimav teitan yagan La̱sal nimmasis guyaw wanakoukwed wadadan, won meivek sasok-wan. Mtowen tasimav sivinan beikam kan musamusan nikambweg guyaw nateibol waseg; o mansiyas awuk inekes ikanmwasis ansasok.
25711	LUK 16:22	“Mtowen tasimav ikanig, min-liba̱lab mo ikawes inawes va̱gan bimwa̱saw Ebelam wanven waseg. Guyaw-vak ikanig, idibwanis, in wa̱Tum, igidaged kov waseg, imdamed won, itamnow matan, ikin Ebelam kadiveiyov son La̱sal, imwa̱saws.
25713	LUK 16:24	“Iwak, ilana, ‘Tama, Ebelam, binok nuwam yey. Kwayeb La̱sal, bein isow didin wayvagam, beim, isen wamayeig, biyenom. Peinan woug singay asimkwen ma̱wana kov towen nigidaged.’
25714	LUK 16:25	“Iw to Ebelam, ilana, ‘Gwa, adok kunuw ven watinow nukumov, nukumwa̱saw avakaein, tage La̱sal a̱ban igeg. Tut gog towen La̱sal immwa̱saw, tage yak igidaged woum.
25716	LUK 16:27	“Mtowen guyaw mo igilagel, ilana, ‘Tama, tab kadilok bukwayeb La̱sal bein tamag wanbunatum bikines budag asteinim, bidibakes, bilana, “Kuvna̱seimiy. Mata ge bukumeis ven towen kalbaleb.”’
25748	LUK 17:28	“Lot-vak inatut ma̱wan, ikamkwams, imwamoums, iyyamayis siwliyoug, isipusops sibag, iwlulays sibunatum. Tage yam towen Lot ilisow Sodom mo kov son dikuda̱kul muyamuy ikalka̱louw ma̱wana kweis, ikatimates gamag babaw iyakous.
25752	LUK 17:32	“Kuninuways Lot inakwav.
25902	LUK 21:7	Iweis tasiyas, ilansa, “Livan towen nukulivan, avei-tut waseg mo bivag ma̱wan? Ama̱wan bakakakin kakita bo bigulekwes?”
25928	LUK 21:33	“Liba̱lab son ven watinow beiyakous, tage agulivan nag biyakous, nag.
26079	LUK 24:19	Iwa̱ge Yeisuw, ilana, “Aveiyag?” Ilansa, “Liva̱nen gum-Nasalet yagan Yeisuw. Mtowen palopit nawotet tawtoun, anilivan tawtoun, wamatan Yowbad, wamtes-vak gamag babaw. Tage tasiyas imalun tanuwgwes sisiyas amatakaleiwags bo ipiyaves, iyateles; isekes mina-Lom wasigeis va̱gan bikatimates waklos.
26114	JHN 1:1	Wanamug gamag yagan Livan nises. Gamag towen yagan Livan waseg Yowbad nises. Gamag towen yagan Livan son Yowbad katanok-wan.
26115	JHN 1:2	Gamag towen yagan Livan son Yowbad wanamug nisesus.
26116	JHN 1:3	Gamag towen yagan Livan youda babaw ibubun. Peinan Livan towen waseg, mo Yowbad nibun youd meivek-wan.
26127	JHN 1:14	Livan towen im watinow, imlavag gimgilitoun, nisik davanuys. Nakakin mtowen singay takamnat, mamagina Taman Natun tatonen, singaya isiwa̱youb, ansinap mounid waseg.
26132	JHN 1:19	Wankuyeim gamag mwasanin inekes Yon ikatugans waseg, mo ikatimop asilivan. Peinan min-Yudiy tammwayas tasiyas misikes Yelusalem ikayabes tanuwgwes lun, sisiyas mwasanin Livay delen nimtakavates Yowbad nabunatum. Ikayabes tasiyas, inekes Yon, ikatugans waseg, ilansa, “Kal ya̱koum?”
26135	JHN 1:22	Mo idibakes, ilansa, “Kal yak? Liva̱neim aveiyag bukulivan, va̱gan bakanow bakasekes tasiyas nikayabemas nakam?”
26151	JHN 1:38	Yeisuw itouvin, ikines tasiyas ikabwa̱kuns waseg, mo ilana, “Aveiyag sivinamiy?” Tasiyas gog, ilansa “O matovek, avanuy mukusik?” (Aga-Muyuw “matovek”, ages gog tasiyas “Labay”.)
26262	JHN 4:37	“Livan towen mounid-wan, mamagina, ‘Tasapwein kan kweitan; tatayawein kan kweitan.’
26312	JHN 5:33	“Nukukwayabes gamag mwasanin inekes Yon iliganes anilivan mounid, mo ikatpeles isekeimiy. Liva̱neig bo isekeimiy. Tage nag ivag sivinag gamag asilivan liva̱neig waseg billivans, nag. Livan towen bo adibakeimiy va̱gan kid Yowbad mo bikatinabweimiy.
26315	JHN 5:36	Liva̱neig Yon nilivan. Tage liva̱neig tawtoun nises waseg gunawotet, peinan gunawotet tawtoun. Wotet towen Tamag nisekeig bawtel beikous. Kukin kalisiy yakamiy bukukines gunawotet towen nawwtel mo bukukwakins Tamads nikayabeig nam.
26389	JHN 6:63	Yowbad Kululuwan bisekeimiy mwamovamiy; ta-ma̱wan kalivimiy bilabeimiy; nag. Livan towen nasekeimiy, kululuwamiy o mwamovamiy silma̱nin; tage mwasanin yakamiy ta-kusimounids agulivan towen.” Peinan wanmugwana Yeisuw ikakin kalisiy bisimounids waseg, o kal bisilakod waseg.
26396	JHN 6:70	Yeisuw mo idibakes, ilana, “Bo adaweimiy, sinwatan amiteiy; tage Seitan nises waseg tatanok gamag.” Liva̱nen towen Yudas, taman yagan Saymon Iskaliyot; mtowen waseg bod towen, igaw mo bisilkod Yeisuw.
26434	JHN 7:37	Yam towen, nakabiyokous sagal waseg, Yeisuw mo itamanaw, aygan avakaein ilana, “Kal yak amdak, kadiloka kumekeig kumoum. Kukin bukusimounid waseg yey, ya̱koum liva̱nen Bukitab nises mamagina, ‘Lay kunus bila̱tays gamag towen wanuwan, soup towen beibwab mwamov silma̱nin.’”
26464	JHN 8:14	Iw to Yeisuw, ilana, “Liva̱neig towen alivan, bo mounid-wan; peinan akakin avanuy ma̱noy nam o avanuy ban; yakamiy gog nag kukwakins avanuy ma̱noy nam o avanuy ban.
26467	JHN 8:17	“Livan nises wamikaleiwag tatineimiy mamagina: Magat asteiy gamag asilivan bila̱tans katanok-wan, asilivan bo mounid.
26468	JHN 8:18	Liva̱neig amateiy nakalivan, soug Tamag nikayabeig nam.”
26585	JHN 10:35	Livneis tasiyas kweiboug Yowbad nisekes aygan wasigeis, mamagina yowbad mwasanin tasiyas; o ta-ma̱wan bitagidamis anilivan towen. Tage kudibakeigs, kulansa, ‘Kulivana mav,’ peinan agulivan ‘Yey Yowbad Natun yey.’ Mounid gog Tamag nikayabeig nam watinow, nawotet silma̱nin.
26593	JHN 11:1	Takatoun teitan, gum-Betaniy yagan Lasalos; nunet asteiy Meliy son Ma̱lid wanven towen.
26597	JHN 11:5	Yeisuw nisisiwa̱youb wasigeis Ma̱lid son bwadan sisiy nusit Lasalos.
26598	JHN 11:6	Yeisuw niligen Lasalos ikatoun, mo isesuna ven towen akweiy yam. Wankuyeim mo idibakes navamul, ilana, “Kumeis, bitayums taneis Yudiy.”
26603	JHN 11:11	Livan towen ikous, mo idibakes, ilana, “Veiyouds towen Lasalos bo imasis; ban Yudiy bavgun.”
26606	JHN 11:14	Yeisuw mo ilivan kamnat, ilana, “Lasalos bo ikanig. Nag ikanig wamatag, tage bo ibwein nanoug pinamiy yakamiy va̱gan bukusimounids waseg yey. Bo bitanekes mtowen. Magat kweiboug nakases soug towen, mo bikanig, adok nag bukusimounids beibwein.”
26609	JHN 11:17	Mtowen Lasalos bo ikanig, itakus, yam kweivas ikous, mo isap Yeisuw, iban bo itakus kweivas yam.
26635	JHN 11:43	Initoug ikous, iwak, aygan avakaein ilana, “Lasalos, kume!”
26639	JHN 11:47	Tanuwgwes lun situwa̱vek sisiyas tasiyas Palisiy mo idawes takaleiwags babaw bimeis, ilansa, “Aveiyag bitava̱ges, peinan taw towen nawotet singay tawtoun? Kadiloka bitabwabwes nawotet; kukin gog nag, gamag babaw mo bisimounids waseg, mo bigeg ninous Gabman tasiyas mina-Lom; adok bimeis biyagages davanuys towen, mo biyakousis gamag ya̱kids.”
26650	JHN 12:1	Yam kweinim katanok mo bisilamaws Sagal Kaltuwon, Yeisuw inoun in Lasalos wanven Betaniy, mtowen kweiboug nikanig Yeisuw ivag mo neikit.
26651	JHN 12:2	Yeisuw inekes, mo iva̱ges kan; Ma̱lid ikokew kan silma̱nin Yeisuw sen tawaw beikams. Lasalos siney tasiyas ikamkwams.
26658	JHN 12:9	Min-Yudiy iliganes Yeisuw nises Betaniy, singay babaw tasiyas mo imeis, sivines kid bikines, o bikines-vak Lasalos, peinan nikanig, Yeisuw ivag mo ikit.
26659	JHN 12:10	Tanuwgwes lun situwa̱veks mo ininuways, ilansa, “Ama̱wan bitaweiys Lasalos, peinan min-Yudiy babaw Lasalos bo ikines mo ilisaweids, inekes Yeisuw, mo isimounids waseg.”
26666	JHN 12:17	Gamag mwasanin nikines Yeisuw nidow takanig Lasalos igaw wakalawagan nises mo isap son mwamovan, gamag tasiyas mo ikamteles sinap towen wasigeis gamaga babaw sisiyas; mapuna inekes Yeisuw, peinan iliganes liva̱nen nawotet towen tawtoun.
26747	JHN 14:10	Tabta kusimounids yey Tamag waseg nases, o Tamag waseg yey nises? Livan towen nasekeimiy, nag agulivan tatoneig; Tamag anilivan; Tamag gog waseg yey nises, iwotet.
26796	JHN 16:1	“Livan towen bo adibakeimiy va̱gan awoum bukupiyaveigs; igaw tasiyas bibwabwes mitapwa̱loul, sinagog waseg; o igaw kweitan tut wanakoug gamag mwasanin beiweimiy bukumta̱mats, o igaw biyagageimiy mo bidokes Yowbad bikalin nuwan tasiyas.
26836	JHN 17:8	“Livan towen nukusekeig, bo akatipel asekes tasiyas, mo itams waseg. E, ikakins-wan ma̱noy nam waseg yak, o isimounids nukwayabeig nam.
26882	JHN 18:28	Iyateles Yeisuw wamatan Kayapas ee... walalayis. Ikous, mo inawes gabman avakaein wanbunatum bunavakaein. O peinan min-Yudiy ikatkakils sitapwa̱loul waseg, yam towen beikams Kaltuwon bulukwan la̱miy, nag kadilok beisiws gabman Lom wanbunatum wanuwan.
26913	JHN 19:19	Paylat ilel liva̱nen, isen wakunuwatan klos, mamagina, “Gum-Nasalet Yeisuw, min-Yudiy siking.” Nileles gog ag-Ibliw waseg, aga-Lom waseg, o aga-Gilis waseg; min-Yudiy singay babaw ivinis, peinan ven towen kadilakus Yelusalem.
26952	JHN 20:16	Yeisuw ilana, “Meliy!” Itouvin, iwtus, ilana, “O, guntovek!” (Ages tasiyas “Labonay”; aga-Muyuw gog “Guntovek.”)
26993	ACT 1:1	Kalin nuwag Tiyopil ya̱koum. Kweitan livan kweiboug nalel neiw. Let towen wanuwan nalel liva̱nen Yeisuw. Yeisuw isilamaw nawotet babaw o nageiguy, iwwotet ee... tutan iyakous nakatimlakay nagamag wasigeis, mo imwen in walba̱lab. Peinan bo nikatigikes nagamag tasiyas silma̱nin anilivan bikokews; ikatimlakes waseg Kululuwan Yowbad, ikous, mo imwen in walba̱lab.
27025	ACT 2:7	Singay isom ninous, ilansa, “Adok tasiyas asibabaw-wan min-Galiliy ne? Ama̱wan asilivan nitaliganes teitan gamag aygan tonen, teitan gamag aygan tonen; tage ya̱kids aygads babaw, peinan davanuys babaw, Palit, Mediy, Elam, Mesopotemiy, Yudiy, Kapadokiy, Ponit, Esiy, Piligiy, Pampiliy, Yidipt; o wawnuwan Aplik ven mwasanin, Saylin walasin; o mina-Lom, mwasanin min-Yudiy nikoulups ineis Lom sisiy mina-Lom tasiyas nikawes min-Yudiy datapwa̱louls; o min-Kilit, o min-Alebiy; ya̱kids babaw taliganes liva̱nen Yowbad nawotet tawtoun, o babaw ya̱kids taliganes aygads tatoneids waseg.”
27043	ACT 2:25	“Liva̱nen mtowen kweiboug Deibid bo ilivan Yeisuw anilivan mamagina, ‘Tut babaw nakikineim yak gunguyaw yak wamatag. Guntawtoun bisigeg, peinan ya̱koum wagunka̱tay nukuses. Mapun, wadoug waseg allivan, peinan gunmwa̱saw avakaein. Igaw woug waseg nases ven watinow, bo banmiseim gunguyaw ya̱koum bukwatinabweig. Peinan kwayuseig, awoum kululuwag bisesuna wa̱Tum. Awoum woug beipwas; awoum. Bo nukwatimlakeig ked towen kabmwamov kidenen. Wamatam bo bukuvag gunmwa̱saw bivakaein.’
27052	ACT 2:34	“Deibid ta-imwen in walba̱lab; Yeisuw gog imwen in walba̱lab. Liva̱nen Yeisuw nilivan ma̱wana, ‘Yowbad bo idibek gunguyaw, ilana: Kusin wagunka̱tay. Tage tasiyas nikamliweims igaw mo bavag beibus, bimlavags mamagina mukwabtatet.’
27102	ACT 4:11	“Liva̱nen mtowen waBukitab nises mamagina: ‘Wululay towen tawteleins bunatum nipiyaves, tage bo imlavag anmwamwan bunatum.’
27127	ACT 4:36	Teitan taw Yosep, kweivaw yagan Ba̱nabas, Yeisuw inagamags nidokes. Wawun yagan towen, “Talabein gamags.” Gum-Saypilos mtowen, anakum Livay, napwepway wanven bo iyamiyis; maysan ikow imey, isen wamtes Yeisuw nagamag, tasiyas takaweins anilivan, sinawatan teiy; bo isekes tasiyas maysan napwepway.
27155	ACT 5:27	Imeyes gamag tasiyas, mo itomos wanuwein tasiyas takaleiwags. Tanuwgwes lun sitovek avakaein mo ikatiga̱nes, ilana, “Livan kamnat waseg nakadibakeimiy, kalana, ‘Awoum kugeiguys yagan towen waseg;’ tage min-Yelusalem babaw bo iliganes butun towen; o adok sivinamiy gamag kid bilansa, ‘Peinan tanuwgwes lun sikaleiwag bo iweiys Yeisuw.’ Awoum gamag bilivans ma̱wan.”
27179	ACT 6:9	Gamag mwasanin mo itamanaws ikamnimans waseg Sitiben; mwasanin min-Yudiy sitapwa̱loul yagan Libetin, sisiyas min-Saylin mwasanin, o min-Aleksanidel, o min-Silisiy, o min-Esiy, tasiyas mo ikamnimans waseg Sitiben; tage nag kadilok bitakayways, peinan kululuwan o ansinap singaya tawtoun.
27227	ACT 7:42	“Yowbad mo ilisawes tasiyas, va̱gan tasiyas bikululs kid wamatan wutun babaw, ma̱wana palopit anilivan wanuwan Bukitab mamagina: ‘Adok bweilim lakatuvas wanawoud nukuweiys lun bulukwan, min-Yisleil yakamiy, va̱gan bukuluns waseg yey? Tage nukuyousis yowbad kweitan, yagan Molok, nukuwlules nabunatum, nukukokews; o nukukululs wamatan Lepan nawutun, o nukutapwa̱louls mikalelel waseg. Mapuna bakaweimiy banaweimiy palata-dadan ven Babilon.’