23342	MAT 5:39	Tage yey gunakaleiwag mamagina: ‘Awoum kwatimop soum peinan ansinap kalbaleb. Kukin binep silapam wamkwa̱tay, bweina kutouvin binep paliyuwein silapam. Kukin soum biyateleim bikow amukweim, bweina kusek-vak musag. Kukin soum bikaleiwag, bilana, “Kwanag kukow katanok veit,” bweina kutam, mo kukow kwayuwein veit.’
23417	MAT 8:3	Yeisuw isen naman wa̱won toulepel towen, ilana, “Bo bukubwein,” mo ibwein kaleivin towen.
23606	MAT 12:48	Yeisuw idibek taw towen, ilana, “Kuninuways kalisiy inag budag,” mo ikatimlek navamul tasiyas nitatos wadadan, ilana, “Mtasiyas-one inag o budag.
23910	MAT 21:15	Tasiyas gog tanuwgwes lun situwa̱vek sisiyas takatimlakeins kaleiwag ikines Yeisuw, Yowbad wanbunatum, nawotet tawtoun, o gamagal niwkuwaks ilansa, “Kalin nuwem Deibid tabun yak,” singay mo ikawkunes Yeisuw tasiyas.
24172	MAT 26:49	Nuwanaw mo inek Yeisuw, ilivan, “Kalin nuwag guntovek yak,” mo imulouls son.
24368	MRK 3:11	Tasiyas gog takayyeiluws bikalka̱louws Yeisuw wamatan mo beiwaks, bilansa, “Ya̱koum Yowbad natun ya̱koum,” peinan yeiluw tasiyas bo iwtusis Yeisuw.
24581	MRK 8:12	Yeisuw gog singay igeg nanon, ilana, “Gudwouvaws yakamiy sivinamiy bukukines Yowbad naman mulin,” mo itabudabod, ilana, “Nag bukukines, nag.”
24868	MRK 14:45	Mto Yudas iwek Yeisuw, ilana, “Kalin nuwag guntovek yak,” mo ivayams son. Tasiyas ikines, ituts, iweis, iyousis, itawtouns waseg.
25280	LUK 7:16	Tasiyas ikines, bo igeg ninous, iyakawanes Yowbad, ilansa, “Palopit avakaein bo isap wasigeis ya̱kids,” o ilansa, “Yowbad bo ilakwaneids inagamag ya̱kids.”
25352	LUK 8:38	Mtowen neibwein yeiluw waseg mo initoug waseg Yeisuw, ilana, “Soug yak bitatouw,” tage Yeisuw ikayeb, ilana, “Kuyum kun wambunatum; kwamtel Yowbad nasiwa̱youb waseg ya̱koum.” Mo inoun in ikamtilakes ven avakaein wawnuwan, mo ikakins Yeisuw nasiwa̱youb bwanabwein waseg.
25665	LUK 15:8	O peinan asilivan nilansa, “Taw towen sivinan takalbalebs,” Yeisuw sivyuwein mo ikabebay, ilana, “Tabta na̱tan vin nises, inaveigun sinawatan, kweitan bikanig, bilivan, ‘Bweina bikanig’? Adok nag. Adok bikow nawodam, inata̱neiv, bitanev nabunatum, binineiv ee... mo biban.
26172	JHN 2:8	Yeisuw mo ilana, “Kunasoup waseg kukilis, kukwawes kunawes tanawagan sagal waseg,” mo iwteles ma̱wan.
26605	JHN 11:13	Idokes kid imasis kangagay; tage Yeisuw anilivan, “Bo imasis,” peinan bo ikanig.
26612	JHN 11:20	Mwasanin idibakes Ma̱lid ilansa, “Yeisuw bo isap,” iligen mana̱wen mo inoun, inek; Meliy gog igaw-wan wabunatum.
26915	JHN 19:21	Min-Yudiy babaw mo ivnivins lelel towen: “Min-Yudiy siking,” mapuna tasiyas tanuwgwes lun situwa̱vek mo idibakes Paylat, ilansa, “Awoum kulel: Min-Yudiy siking. Tage kadiloka kulel: Taw towen anilivan, ilana, ‘Min-Yudiy siking yey.’”
27423	ACT 12:17	Tage Pita naman itamnow, ikatitun asilivan, mo ita̱kud ma̱wan siGuyaw nikatinob wa̱deil, mo ilana, “Kudibakes Yemes sen nagamag,” mo inoun in kweitan ven.
27607	ACT 17:15	Gamag mwasanin itokes Pawl, itouws wa̱wag, ikuks, ineis Atens; Pawl mo idibakes tasiyas, ilana, “Kuyums kuneis kukines Saylas son Timotiy nuwanaw bimekeigs,” mo iyums ineis Beloy.
27794	ACT 22:22	Anilivan babaw iligintunis, tage iliganes livan towen “Tobwag ven gimgilis,” mo iwaks avakaein, ilansa, “Singaya takalbaleb towen; kuweiys taw towen. Na-ikadilok son mwamovan bises.”
28052	ROM 2:22	Kulana, “Awoum kwaninavay mav,” adok bo kwanavay mav, ne? Kwasigum tobwag yowbad, adok bo kuba̱kew waseg tobwag yowbad nabunatum, ne?
28175	ROM 7:16	Nanoug itam ilana, “Moses nakaleiwag bwanabwein,” peinan nag sivinag bawotet kalbaleb, tage bo avag ma̱wan.
28361	ROM 14:13	Yowbad tonena bikatukin. Awoum ya̱kid bitalivan, talana, “Towen ansinap kalbaleb,” awoum. Tage kadiloka taninuway adsinap tatoneid. Awoum ge sod bikineid bidok adsinap kalbaleb, mo bigeg nanon.
28660	1CO 10:25	Kadilok bukukwams kana babaw. Viniyoun aveiyag kugimwel bweina kukwam. Igaw bukugimwal, awoum kukwatugan, kulana, “Viniyon towen imgwavis? o nag?” Kukin teitan bilivan, “Viniyon towen bo imgwev kid,” adok bo bigeg nanoum.
28662	1CO 10:27	Magat soum nag isimounid Yeisuw waseg, o bilana, “Kum kukwam,” o sivinam bukukwam, bweina kukwam. Awoum kwatugwan, kulana, “Kan towen kumgwev tan, ne?” Awoum! Deisa kukwam-wan.
28717	1CO 12:15	Kukin kwakway bilivan, “Peinan nag nim yey, adok nag wuliyougwan woun yey,” mounid anilivan, ne? Adok nag. Wuliyougwan woun towen kwakway.
28718	1CO 12:16	Ma̱wan teg bilivan, “Peinan nag mat yey, adok nag wuliyougwan woun yey,” mounid anilivan, ne? Adok nag. Wuliyougwan woun towen teg.
28957	2CO 5:12	Awoum vayuwein bakakamtilakeimiy va̱gan bukukwakins amasinap bwein. Deisa bukukwakins amasinap bwein va̱gan bukukwaya̱pams wasigeis yakamey mo bukwatimapus asilivan tasiyas ilansa, “Matuwa̱vek bwana̱bweins,” tage situwa̱vek wanuwes asisinap kalbaleb.
28974	2CO 6:8	Kweitan tut ivna̱semas, kweitan tut mo iyagemas. Kweitan tut idokemas kalbaleb; kweitan tut idokemas bwein. Ilansa, “Takatidavidavs tasiyas,” tage amasinap mounid. Idokemas tobwag gamag yakamey, tage Yowbad ikakin amasinap bwein. Idokes kid bakamta̱mat, tage bwein sona mwamovem. Bo imapus amasinap; iwemas tage nag kakanig.
29025	2CO 9:1	Nag kadilok balel milet, balana, “Kadiloka bukumulouls silma̱nin tasiyas tayakelesiys,” peinan nanawana bo kukwakins. Bo iseiw nuwamiy silma̱nin wotet towen. Bo kukwatinages bweilim nein wankuyeim. Yey adibakes min-Masidoniy, alana, “Min-Kolinit, ven Akay waseg, bo iseiw nuwes, bo ikatinages simuloul bweilim nein wankuyeim.” Tasiyas iliganes, mo iseiw nuwes mwasanin, ma̱wana yakamiy.
29051	2CO 10:12	Nag ikadilokeig balana, “Yey agusinap tawtoun,” nag. Simiyas mwasanin asilivan ma̱wan. Tasiyas gog ibla̱bol ninous, ilansa, “Tasiyas asisinap bwein, ya̱kids bwein singay.” Tage nag ikakins sinap tatonen.
29098	2CO 12:8	Siva̱toun anitoug silma̱nin daGuyaws bikablev youd towen, tage bo ipiyev, ilana, “Gunsiwa̱youb bo ikadilokeim. Mugwey waseg mo bikamat guntawtoun.” Singay sivinag balana, “Tougwey yey,” va̱gan Kelis natawtoun mo bimekeig.
29185	GAL 3:16	Yowbad anilivan mounid waseg Ebelam son tabun. Nag ilivan, “Basiwyoubumiy simwey tibum,” nag. Ilana, “Basiwyoubumiy soum tabum.” Tabun towen anmwa̱net Mesay Kelis.
29240	GAL 5:11	Sigwayas, magat baguyes tasiyas niyakelesiys Kelis waseg va̱gan bibwabwes momwes, mogo min-Yudiy nag bikamliweigs. Tage bo ikamliweigs peinan alana, “Yeisuw Kelis nikanig waklos va̱gan bikidumwa̱luds.” Kukin gog badibakes tobwag ven gimgilis, “Kadiloka bibob momwamiy, va̱gan bukumlavags min-Yudiy yakamiy,” mo beibwein ninous min-Yudiy tasiyas. Nag gog, min-Yudiy bo ipiyaves agulivan towen, liva̱nen Yeisuw neiweiys wa̱klos.
29691	1TH 5:3	Gamag bilivans, bilansa, “Tut towen tasesusa bwein,” simouvit gog waseg nuwanaw mo bisiblutes biyagages, ma̱wana gidaged bisiblutes vinay igaw bitapouy nimes. Ta-ma̱wan bivkakes.
29730	2TH 2:2	Igaw bukuliganes gamag mwasanin askamikon, o asilivan mamagina, “DaGuyaws nakabsunap tut towen waseg.” Awoum ge bikubukub nuwamiy, o beiyow nuwamiy; awoum. O kukin gamag mwasanin bilivans, bilansa, “Pawl nalet waseg ilel, idoki daGuyaws nakabsunap tut towen waseg,” awoum bikubukub nuwamiy, peinan tayyaweids tasiyas.
29975	TIT 1:16	Ilansa, “Yakamey kakakin-wan Yowbad,” tage siwotet kweitan, singaya kalbaleb; takapidabs. Ta-ma̱wan biwotets bwein.
30362	JAS 2:2	Kukin gamag asteiy bimeis wasinagog, wamitapwa̱loul, teitan anakweim maynamnabwein, antuwetuw wanaman goul-wan; teitan gog tasimav, anakweim sigsa̱gob, kukin bukuvna̱ses towen anakweim maynamnabwein, o kulansa, “Kum, kusin wanakaew wa̱keb,” o kukin bukudibakes towen tasimav, kulana, “Kun, kusin watinow,” adok peinan kwasigumis towen tasimav, kukwatukins gamag wasigeis; bo kalbaleb amisinap towen.
30371	JAS 2:11	Tamads gog nilivan, “Awoum kusubwan,” nilivan-vak, “Awoum kuweiy gamag.” Anmwa̱neta Yowbad anilivan tasiyas. Magat bukuweiy gamag, tage nag kusubwan, bogo takalbaleb ya̱koum, peinan bo kusiplev Yowbad nakaleiwag.
30375	JAS 2:15	Kal yak bukunek tayakelesiy teitan o na̱tan, anamoun isesuna, anakweim sigsa̱gob, bukudibek kulana, “Amkweim kupwa̱lum, bimuymuy woum; kam kukwam bukwamuweip, e mo kumwa̱saw,” tage nag kweitan kweim bukusek, o nag kweitan kan; adok bo kulivan mav ya̱koum.
30586	2PE 2:19	Takalbalebs tasiyas asilivan, ilansa, “Ked towen bwanabwein, kamnat; nag kweitan absilabod nises,” tage bo ikikuns sinap kalbaleb waseg, peinan sinap kalbaleb bo itawtoun wasigeis tasiyas. Aw-sinap bitawtoun waseg gamag bo biyageg mamagina tasiwun deil towen.
30621	1JN 2:4	Kal yak bukulivan, “Akakin veiyoug towen,” tage nag bukuvnas nakaleiwag, singay tayyaweid yak.
30623	1JN 2:6	Kal yak bukulivan, kulana, “Soug Kelis kasesuna,” kadiloka beivag amsinap ma̱wana Kelis ansinap tonen.
30626	1JN 2:9	Kal yak bukulivan, kulana, “Yey agusinap kamnat,” tage bukwamliw soum, adok igaw tadadub ya̱koum.
30672	1JN 4:2	Kuyakwanes ma̱wan. Kukin kal bilivan, bilana, “Mesay bo imlavag gamag ven watinow, yagan Yeisuw,” kululuwan towen mounid meinoy neim Yowbad waseg.
30685	1JN 4:15	Kal yakamiy bisimounid, bilana, “Mounid Yeisuw Yowbad Natun,” Yowbad mo bises waseg towen, o towen waseg Yowbad.
30690	1JN 4:20	Kukin kal bilivan bilana, “Yey asiwa̱youb waseg Yowbad,” tage bikamliw son, singay tayyaweid towen. Son ikin, tage Yowbad nag ikin. Kukin nag isiwyoub son, ama̱wan bisiwyoub Yowbad? Adok nag.