23231	MAT 1:18	Nakabsilamaw Yeisuw Kelis ma̱wan. Inan Meliy nibokes va̱gan beivays son Yosep. Nag imasis son, tage bo isum-wan; Kululuwan Yowbad isek Meliy mo isum.
23463	MAT 9:15	Yeisuw ankabebay isekes, ilana, “Kukin kal beivays son nakwav, o taliven bineis biva̱ges kan silma̱nin inakamkwam; bimwa̱saws-wan; ta-ma̱wan biva̱lams, nag. Tage tutan anadouw waseg, taw towen binoun, mo biva̱lams taliven, beipos.”
23509	MAT 10:23	“Kukin gamag mwasanin biyagageimiy ven kweitan waseg, kusawls, kuneis kweitan ven. Mounid adibakeimiy, igaw vena babaw Yisleil waseg, bukutita̱vins ee... Gimgilitoun yey mo ba̱yum bam, tage yakamiy igaw-wan; nag bukuyakousis.
23940	MAT 21:45	Kabebay tasiyas iliganes siyas tanuwgwes lun situwa̱vek sisiyas tasiyas Palisiy, ikakinsa tatineis askabebay. Sivines kid biyousis Yeisuw. Ta-ma̱wan; iwenes gamags, peinan gamag babaw idokes Yeisuw palopit teitan.
24062	MAT 24:36	“Ta-kal ikakin avei-yam o avei-tut, nag; min-liba̱lab na-ikakins; yey nag bakakin; misinaka Tamag ikakin.
24119	MAT 25:42	“‘Peinan agumoun, ta-kweitan kag kusekeigs; agudak, ta-kweitan soup kusekeigs; agtowous nag, ta-kulabeigs; sona mwadoyag, ta-kweitan kweim kusekeigs; akatoun, ta-kuvna̱seigs; ases wa̱deil, ta-kulakwaneigs. Takalbaleb yakamiy!’
24429	MRK 4:37	Isisawls, bwaw avakaein ilivatus, soup inay-o; kakita bimukul wag.
24471	MRK 5:38	Isaps tanuwagan sinagog wanven, ikines tavva̱lams ivva̱lams, talloupids illoupids, ages avakaein. Isiw, ilana, “Aveiyag wawun kuvva̱lams, agamiy avakaein? Gwad na̱wen na-ikanig; immasis-wan.”
24557	MRK 7:25	Vinen-Saloponis na̱tan, nag vinen-Yudiy; tage bo iligen bulagan Yeisuw nises ven Ta̱yil waseg, mo inoun inek silma̱nin bikulul binitoug waseg, peinan yeiluw neiweiy natun kuda̱vin, sivinan kid bikayeb yeiluw binoun; ilana, “Kum kwayeb yeiluw towen neiweiy natug.”
24654	MRK 9:47	“Kukin matam bikatsilakeim silma̱nin amsinap kalbaleb, kadiloka kugut kulev, igaw wankuyeim matam palatanok mo bukusiw wanuwan Yowbad nakabkaleiwag. Awoum matam paley bilaveim bukun wadiginasim; simwa̱mwats bitatets wa̱wom; o kov bigidaged-wan; nag beimat.
24846	MRK 14:23	Wankuyeim mo ikow kwa̱vig, itapwa̱loul, isekes, imoums asibabaw-wan; mo idibakes, ilana, “Towen buya̱vig silma̱nin kaleiwag kweivaw, iwta̱wout pinamiy babaw yakamiy.
24984	LUK 1:22	Ikayamats ee... mo isap. Ta-ma̱wan bilivan; mo ikakins mtowen nikin kweitan youd wanuwan Yowbad nabunatum; anilivan bogo naman-wan; wadon nag ma̱wan bilivan.
25328	LUK 8:14	“Kaytul kasiyas ikalka̱louws son doudiw kaytul-nen ma̱wana tasiyas iliganes, inounas ee... ininuways livan towen son ven watinow ankanuway, o ininuways ven watinow mwa̱saw-nen; mapuna liva̱nen Yowbad nag ivag anagin.
25337	LUK 8:23	Ikuks ee... bo imasis Yeisuw. Bwaw kweitan mo ilivatus; iwaweiy wag, yevagam bo neinay-o; kakita bimukuls. Bo igak.
25430	LUK 9:60	Yeisuw gog ilana, “Tamam ga-ises; bikanig, tatineis bidibwanis; tage yak, kun kugeiguy liva̱nen Yowbad nakaleiwag.”
25529	LUK 12:1	Wankuyeim gamag singay babaw katuyouns nimeis; bo ikalawt ven, nitatos ipapeps-wan; mo isilamaw nakabebay wasigeis navamul, ilana, “Kuvna̱seimiy. Kadiloka kupiyaves tasiyas Palisiy asiyist. Peinan tayyaweid tasiyas Palisiy.”
25800	LUK 18:43	Nuwanaw matan ilal, ikin-wan; ikikun Yeisuw, iyya̱kawn waseg Yowbad. Gamag babaw bo ikines, bo ikavasis Yowbad.
26195	JHN 3:6	“Gimgeilin inan bikop gimgeilin-wan; tage Kululuwan Yowbad bikop bo kululuwan-wan.
26249	JHN 4:24	“Yowbad kululuwan mav. Tasiyas gog sivines bikululs wamatan Yowbad, kadiloka kululuwes waseg bikululs, mounid-wan; awoum bikululs mav.”
26263	JHN 4:38	“Yey akayabeimiy va̱gan bukuta̱yoys bag towen. Mwasanin gamag niwteles bag, yakamiy nag; misinaka kuta̱yoys-wan; tage bo niwteles nanawan.”
26464	JHN 8:14	Iw to Yeisuw, ilana, “Liva̱neig towen alivan, bo mounid-wan; peinan akakin avanuy ma̱noy nam o avanuy ban; yakamiy gog nag kukwakins avanuy ma̱noy nam o avanuy ban.
26566	JHN 10:16	Aleig nisesus ven mwasanin asikal kweitan kweitan; kadiloka bameyes tasiyas, mo biliganes aygag. Wanuwan asikal katanok mo bisesus asibabaws-wan; agumwa̱neta yey mo bamtakavates.
26639	JHN 11:47	Tanuwgwes lun situwa̱vek sisiyas tasiyas Palisiy mo idawes takaleiwags babaw bimeis, ilansa, “Aveiyag bitava̱ges, peinan taw towen nawotet singay tawtoun? Kadiloka bitabwabwes nawotet; kukin gog nag, gamag babaw mo bisimounids waseg, mo bigeg ninous Gabman tasiyas mina-Lom; adok bimeis biyagages davanuys towen, mo biyakousis gamag ya̱kids.”
26849	JHN 17:21	“Tama, anitoug va̱gan tasiyas babaw beivag ninous katanok-wan; ma̱wan yak waseg yey, o yey waseg yak, nanoud katanok-wan; o sivinag sidayas tasiyas beivag nanouds katanok-wan; ven watinow gimgilis mo bikakins nukwayabeig nam.
26875	JHN 18:21	Aveiyag wawun kwatiga̱neig yey? Kwatiga̱nes tanageins agulivan, tasiyas-nan; ikakinsa agulivan.”
26896	JHN 19:2	Iwaweiys Yeisuw ikous, tasiyas takannaviy mo isiwa̱kus anapay vatul kulikoul waseg, mamagina doudiw, isenas wakunun, ivaskomis kweim bwabwel waseg, ikululs wamatan, ilansa, “Kalin nuwem min-Yudiy siking ya̱koum”; isiba̱wes-wan; nimes waseg iwaweiys.
26917	JHN 19:23	Tasiyas takannaviy ikatikavates Yeisuw ikous, mo ikawes anakweim, ilagus kalguvas; katanok katanok mo ikawes asikweim. Anakweim mwaynavakaein mo iyousis, ilansa, “Awoum bitabwabwes maynawen kweim, peinan aniwniwoun katanok-wan; ta-ivag ankatuvas. Bitalaves youd kweitan, makav bikalouw bein wapwepway, takines kal nakabivatus biton, towen mo bikow anakweim. Sona bikow. Awoum bitabob.” E, iva̱ges ma̱wan va̱gan bikamat lelel towen Bukitab nilivnek mamagina. “Ilagus agukweim, ikokews asikweim; makava mo ilaves kweitan youd, idokes kal bikow agukweim tonen.” Mapuna takannaviys iva̱ges ma̱wan.
27025	ACT 2:7	Singay isom ninous, ilansa, “Adok tasiyas asibabaw-wan min-Galiliy ne? Ama̱wan asilivan nitaliganes teitan gamag aygan tonen, teitan gamag aygan tonen; tage ya̱kids aygads babaw, peinan davanuys babaw, Palit, Mediy, Elam, Mesopotemiy, Yudiy, Kapadokiy, Ponit, Esiy, Piligiy, Pampiliy, Yidipt; o wawnuwan Aplik ven mwasanin, Saylin walasin; o mina-Lom, mwasanin min-Yudiy nikoulups ineis Lom sisiy mina-Lom tasiyas nikawes min-Yudiy datapwa̱louls; o min-Kilit, o min-Alebiy; ya̱kids babaw taliganes liva̱nen Yowbad nawotet tawtoun, o babaw ya̱kids taliganes aygads tatoneids waseg.”
27067	ACT 3:2	Teitan taw igaw kweiboug inan nikop yay igayal, bo ivakaein tage angayal isigeg-wan; o yam katanok katanok issin Yowbad nabunatum wawkwedan, koukwed towen yagan Kamnabwein; e, tut babaw issin towen, ininitoug money wasigeis gamag tasiyas nisowsiws wanuwan. O siney bikokews taw towen biwayes, Koukwed Kamnabwein waseg bisin, yam babaw mo bininitoug; o taw towen ikines Pita son Yon kakita bo beisiws wakoukwed, mo initoug money wasigeis.
27362	ACT 10:34	Pita mo isilamaw anilivan, ilana, “Mounid akakin wamatan Yowbad gamaga babaw ya̱kids katanok-wan; o vena babaw gimgilis toubweins, kukin bivna̱ses Yowbad, Yowbad mo bikalin nuwan gamag tasiyas wasigeis.
27387	ACT 11:11	“Misumkwey towen tawaw teitoun mo itamanaws wawkwedan bunatum towen nakasikey-yay; peinan gum-Sisaliy nikayabes nimekeigs.
27426	ACT 12:20	Elod singay ikawkunes min-Ta̱yil sisiy min-Sidon; o tasiyas sivines beimwas, mapuna isineikimas; wanmugwana imwas waseg Bilasit, mtowen nawotet King Elod wanbunatum; wankuyeim asilivan mo ikow isek King Elod va̱gan kid beimwas siney tasiyas. Iva̱ges ma̱wan peinan niggimweles kaeis Elod waniven.
27469	ACT 13:38	“O sigwey yakamiy, kunages amalivan, kadiloka kukwakins towen anmwa̱net biwid adsinaps kalbaleb. Adsinapsa babaw, Moses nakaleiwag waseg na-ikadilok biwid; tage kukin bitasimounids waseg Yeisuw, mo biwid adsinaps kalbaleb, babaw-wan; Yowbad mo binumlev, beikous.
27486	ACT 14:3	Isesus ee... imwemway-nen; e, illivans liva̱nen Yeisuw nasiwa̱youb; nag iwenes gamag, nag. O Yeisuw bo ilabes, siwotet tawtoun mo iwteles, wayagan Yeisuw; magina naman mulin Yowbad.
27543	ACT 15:32	O Yudas son Saylas, peinan palopit tasiyas, asilivan babaw wasigeis mo igeiguys tayakelesiys wasigeis, mapuna itawtouns. Nisesus sisiyas ee... imwemway-nen; mo imulouls wasigeis, itanouys, iyums, inekes tayakelesiys tasiyas kweiboug nikayabes niweis.
27555	ACT 16:3	Pawl sivinan taw towen sisiy bineis, mapuna ibob momwan, magina Ebelam nakabivatus; peinan gamag babaw ikakins Timotiy taman guma-Gilis; o peinan min-Yudiy babaw nisesus ven towen, o Pawl nag ivag sivinan tasiyas bivtokes livan, mapuna mtowen Timotiy ibob momwan.
27578	ACT 16:26	Mo ivag nik avakaein, kakolan bunatum dakul igogewns-wan; koukweda babaw ikaliyowes, o sen o amweilok niyousis tasiwuns deil nimes o kikeis bo ipalpa̱leiks o itigta̱gut ikous.
27603	ACT 17:11	E, tasiyas asisinap bwein, nag ma̱wan min-Yudiy tasiyas nisesus Tesalonik; bo iseiw nuwes Pawl anilivan towen sivines binganegs-wan; e, yam babaw ivnivins Bukitab va̱gan bikakins kid livan towen mounid, o nag, yaweid.
27645	ACT 18:19	Ikuks ee... ilugs Epesos, Pawl mo ilisawes tasiyas, isiw wanuwan sinagog mo illivans sisiyas min-Yudiy; va̱gan bivag ninous bikanavin.
27670	ACT 19:16	Takayeiluw towen mo ipel iwawaysa mav tasiyas, itawtoun wasigeis, ikididul wous ibuybuyav-wan; mapuna sona mwadiyes mo isawls ineis wamnat, aspwa̱yat nag bikakit va̱gan.
27772	ACT 21:40	Takanaviy sitovek itam. Pawl iton tet towen wakunuwatan, itamnow naman, mo ika̱pays tababaws-wan; wankuyeim Pawl mo ilivan aga-Ibliw waseg, ilana:
27861	ACT 24:24	Yam mwasanin ikous, mo isaps Piliks son nakwav Dilusil, mana̱wen vinen-Yudiy; mo idawes Pawl beim va̱gan bikatilutegs liva̱nen Yeisuw Kelis, livan towen Pawl nisimounid waseg.
27913	ACT 26:22	“Yam babaw Yowbad nilabeig, nagein gog bo ma̱wan; ililabeig va̱gan kid baguyes gamaga babaw, takinew toul, o takinew guyaw; gamaga babaw wasigeis agulivan katanok-wan; ma̱wan tasiyas palopits sisiy Moses nilivnakes, ma̱wana yey agulivan; nag kid kweitan livan balivan; nag.
28018	ROM 1:20	Takines bwein nakabwabub Yowbad, nibun natawton tonen waseg, e, natawtoun bo isigeg-wan; mapuna nanouds waseg takakins Yowbad; matads nag bikin, misinaka nanouds. Kweiboug ibun ven, gamag ikines, tut babaw ma̱wan ee... nagein mo takines ya̱kids. Tasiyas ikines inakabwabub, kadiloka bikakins tabunin Yowbad, nag gog itagouwa̱wes.
28465	1CO 2:3	Bo asap wasigeis yakamiy, aguyeimiy liva̱nen Kelis, gunagwey waseg, agupwa̱yat waseg, mamagina mata̱pwad yey. Ta-balivan sinap tawtoun waseg; ta-bakaleiwag; nag. Deisa natawtoun Yowbad Kululuwan waseg bo alivan; mo nukuliganes, nukusimounids yakamiy.
28591	1CO 7:36	Kal angamag nakubukwab, bikayus, bikaleiwag bo bisesun-wan; tage kukin bigeg nanon peinan bo iwnabwat, namwan gog nag; o sivinan beivays son namwan, bweina beivays; nag ivag ansinap kalbaleb, bwein-wan.
28654	1CO 10:19	Taninuways kan imgwavis tobwag yowbad silma̱nin, iyyaweids-wan; o yowbad tasiyas iyyaweids-wan. Tasiyas igaw dadub nag beiluns waseg Yowbad, tage iluns waseg baloum. Awoum bukula̱tans simiyas baloum.
28916	2CO 3:7	Kweiboug kaleiwag silma̱nin kanig, nilel wadakul, Yowbad nisek Moses nakaleiwag towen son mititeilin avakaein, ikatipel inek Moses, magin mo ikamnat; ilakamnat singay ee... mo iyenom-nen; Moses iyum, inekes tasiyas min-Yisleil; ta-ma̱wan bikinbunikes magin, peinan mititeilin avakaein.
29268	GAL 6:13	Tage tasiyas nibwabwes momwes nag ivna̱ses min-Yudiy asisinap meivek-wan; nag. Sivines kid bibwabwes momwamiy va̱gan bikaypamweimiy yakamiy.
29344	EPH 4:5	DaGuyaws gog anmwa̱net, dasimounids katanok, o dakabaptays katanok-wan; Yowbad anmwa̱net, babaw ya̱kids Tamads, Takaleiwag youda babaw wasigeis, Tabunin youda babaw; e, youda babaw wasigeis nises.
29905	2TI 2:11	Livan towen mounid-wan; kukin sods Kelis bitakanigs, sods-vak Kelis bitamwamovs.
30362	JAS 2:2	Kukin gamag asteiy bimeis wasinagog, wamitapwa̱loul, teitan anakweim maynamnabwein, antuwetuw wanaman goul-wan; teitan gog tasimav, anakweim sigsa̱gob, kukin bukuvna̱ses towen anakweim maynamnabwein, o kulansa, “Kum, kusin wanakaew wa̱keb,” o kukin bukudibakes towen tasimav, kulana, “Kun, kusin watinow,” adok peinan kwasigumis towen tasimav, kukwatukins gamag wasigeis; bo kalbaleb amisinap towen.
30634	1JN 2:17	Ven watinow igaw beikous, mo beikous kalpwa̱kit-nen; tage kavel ya̱koum bukwablaway nanon Yowbad, bukuses bukusigeg.
30823	REV 3:9	“‘Magen! Tasiyas Seitan nagamag idokes min-Yudiy tatineis, tage nag, iyyaweids-wan; yey bava̱ges va̱gan kid bimekeimiy, bikululs wamtamiy, mo bikakins gunsiwa̱youb wasigeis yakamiy.
30844	REV 4:8	Mansiyas mwana̱vas man pinpineis kweinim katanok, mites singay babaw wakulivis o pinpineis waskawan. Nag iyeiwas yam o boug waseg, illivans-wan; ilansa, “Kamnat, kamnat, kamnat, daGuyaws Yowbad Tatawtoun. Kweiboug nises; nagein nises; igaw bises bisigeg.”
30850	REV 5:3	Nag gog; nag teitan gum-liba̱lab, nag teitan gimgeilin ven watinow, nag teitan guma-Tum; na-ikadilokes bila̱tes buk towen o bikines wanuwan, nag.
30991	REV 13:14	E, nakaleiwag tonen ikow, mo ivag naman mulin tawtous wamatan mwaniyuwein man, ikatidavis ven watinow gimgilis, idibakes, ilana. “Kuvag youd magin ma̱wana man mana̱wen neiweiys pulut waseg, antatay singay avakaein, tage na-imat, mwamov-wan; e, mo kutapwa̱louls wamatan youd towen bukubunis.”
30994	REV 13:17	Kukin kalisiy nag ivag sikabivatus, nag kadilok bigimwals, bisesus-wan; e, sikabivatus man mana̱wen yagan, o man yagan ananamb.
31137	REV 21:15	Towen nakalivan soug wanaman kaligweg didumwal va̱gan bitakwen vayovan ven son awkwedan o boul-nen; tage kaligweg makaywen won goul-wan.
31160	REV 22:11	“Towen ansinap kalbaleb, nakalbaleb bisesun-wan. Towen ansinap bikibik, e nabikibik bisesun-wan. Towen ansinap didumwal, nadidumwal bisesun-wan; o towen ansinap kamnat, gamag towen nakamnat bisesun-wan.