23230	MAT 1:17	Yeisuw delen, tasilamaw Ebelam waseg, tavin Ebelam, tayuwein Ebelam natun, tatounun Ebelam tabun, tavasin Ebelam tabun natun, beibus ee... tutan Deibid waseg, babiweis sinawatan teivas. Tasilamaw Deibid waseg, tavin Deibid son natun, tatounun Deibid tabun, tavasin Deibid tabun natun, beibus ee... tutan min-Babilon ikawes inawes wasiven, babiweis sinawatan teivas. Tasilamaw tutan ineis Babilon tavin ee... tutan Kelis waseg, babiweis sinawatan teivas.
23233	MAT 1:20	Ininuway ma̱wan ee... imasis, anmikon waseg Yowbad nataka̱yob ikin neim, idibek, ilana, “Yosep, ya̱koum Deibid tabun yak, bweina kuvays soum Meliy. Awoum beivag nanoum babaw. Yowbad Kululuwan isek mo isum ikakuda̱pom.
23238	MAT 1:25	Ta-imasis son; tana̱ban ises ee... mo ikop natun, taman mo idok natun yagan Yeisuw.
23251	MAT 2:13	Wankuyeim Yowbad nataka̱yob teitan mo inek Yosep, Yosep anmikon waseg, ilana, “Kutamanaw, kutokes gwad son inan, kusawls kuneis Yidipt, kusesus ee... tutan balivan mo kuyums. Peinan Elod binineiv gwad towen, biban kid bikatimet.”
23253	MAT 2:15	Elod gog bikayyamat tasiyas tassinaps, ikayyamata ee... nag; nanon ilana, “O bo ikatidavigs.” Kapasal nuwan, ikayabes nagamag, beiweiys kid a̱pwaw tasiyas tawaw Betelem o walasin ven wasigeis, ilana, “Tasiyas asibweilim katanok o akweiy kuwaweiysa beikous.” Peinan nikatugwan tassinaps wasigeis avei-tut nikop gwad towen. Idok kid Yeisuw bikatimet, tage Yowbad anilivan kweiboug napalopit Yelemay nilivnek mamagina: “Ven Lem waseg mo biliganes va̱lam avakaein. Lakel o vinay-nen Yisleil biva̱lams nitsiyas pines. Ta-ma̱wan bivkakes beitout ninous, peinan nitsiyas bo imtakous.” Yelemay anilivan kweiboug, bo ikamat tut towen waseg. E, Yosep siney angamag Yidipt waseg isesus ee... ikanig Elod. Peinan kweiboug napalopit nilivnek mamagina: “Natug waYidipt mo adouw im.”
23321	MAT 5:18	“Mounid adibakeimiy, nag kweitan sikaleiwag beikous tut towen waseg. Tut towen ven watinow son liba̱lab nisesus. Ma̱wan magin tasiyas Moses siney palopits sikaleiwag bisesus ee... igaw mo bikamat anagin.
23329	MAT 5:26	“Mounid adibakeimiy, bukusesus wa̱deil ee... bukupa̱yin soum beikous, mo bispuyeim bukun wamnat. Kukin gog nag, bukusesun-wan wa̱deil.
23438	MAT 8:24	Ikuks ee... bwaw avakaein ilivatus, kakita bimukuls; tage Yeisuw bo imasis.
23442	MAT 8:28	Ikuks ee... ilugs palatan, ven Gadal waseg. Gamag alugwes watakunumwan tawaw asteiy nisesus, yeiluw neiweiys, singay kapasal nuwes; nag kadilok gamag binoyes makadewen ked. Tut towen ilugs tasiyas asteiy ilisawes takunumwan, imekes, iwaks, ilansa, “Awoum aveiyag bukunuwakem yakamey, Yowbad Natun yak. Mata nuwanaw bukuyagagem yakamey.”
23497	MAT 10:11	“Amata ven waseg bukuneis, kwatugwans gamag wasigeis kavel ansinap bwanabwein, mo kusiw wanbunatum, kusesus ee... mo kunounas.
23509	MAT 10:23	“Kukin gamag mwasanin biyagageimiy ven kweitan waseg, kusawls, kuneis kweitan ven. Mounid adibakeimiy, igaw vena babaw Yisleil waseg, bukutita̱vins ee... Gimgilitoun yey mo ba̱yum bam, tage yakamiy igaw-wan; nag bukuyakousis.
23540	MAT 11:12	“Misiya̱mun Yon inawotet waseg, tasiyas tatawtouns sivines Yowbad nakaleiwag, isilamaws sitawtoun waseg iyyousis ee... nagein bo ma̱wan.
23541	MAT 11:13	“Tut kweiboug Moses nakaleiwag o tasiyas palopit, Yowbad nakaleiwag isekes gamag wasigeis ee... wankuyeim mo isap Yon.
23551	MAT 11:23	“O yakamiy-vak Kapaneyum bukumwens kid wanakaew; nag gog, bukubus watinow, bukuneis wa̱Tum. Magat kweiboug tasiyas Sodom bikines mulin naman Yowbad, ma̱wana gunawotet nukukines, mo biva̱ges asisinap kweitan, Yowbad nag beiweiys tasiyas, bisesus ee... tut towen bisigagas. Mounid adibakeimiy igaw tutan Yowbad bimop vena babaw asisinap, tasiyas Sodom bilivatus sikalbaleb kakit, yakamiy gog avakaein.”
23628	MAT 13:20	“Veitun wadikuda̱kul mamagina gamag tasiyas iliganes livan towen, isimounids, imwa̱saws waseg, ee... bimwemway nen, gidiwlis nag beisoul mana̱nan, gamag mwasanin biyages liva̱nen Yowbad, biyagages tasiyas takaweins Yowbad anilivan, mo bikalka̱louws gamag tasiyas.
23652	MAT 13:44	Yeisuw mo ilana, “Bakabebay mo bukukwakins Yowbad nakaleiwag; peinan ma̱wana money singay babaw teitan gog gamag bisown wanabag, bises ee... mo bikanig. Igaw gog kweitan gamag mo biban money towen, bisowm vayuwein, biyamiyis navavag babaw, maysan bikow, bigimwel pwepway towen, singay bikalin nuwan peinan namoney singay babaw pwepway towen waseg.
23681	MAT 14:15	Iwwotet ee... kwayav; navamul inekes, ilansa, “Bo ikwayav, kwayabes gamag babaw bineis waven mwasanin biyamiyises kaeis, peinan nawoud towen nag kweitan ven nises.”
23718	MAT 15:16	Yeisuw ilana, “Adok yakamiy-vak igaw tatagouwaws yakamiy. Tabta kukwakins avei-kan beikoum gamag, kan towen bein watoubun, bininoun ee... igaw simwan mo bisap bein wamnat? Tage aw-sinap gamag binuway wananon, igaw mo bilivan, anilivan towen bisap wawadon mo biyageg gamag kululuwan.
23769	MAT 16:28	“Mounid adibakeimiy mwasanin yakamiya-nan nag bukulivatus kanig ee... mo bukukineigs Gimgilitoun yey igaw bam, gunakaleiwag mo bisilamaw ven watinow.”
23802	MAT 18:6	“Gamagal tasiyas isimounids waseg yey, kukin kal bikatsilakes silma̱nin bikakins sinap kalbaleb, singay kalbaleb bilouvat gamag towen. Kukin gamag mwasanin bikawes dakul avakaein biyawanis kayon bo bilaves bein wabwanit, biwgwel, nakalbaleb towen kalamwey; tage kukin bisesuna ee... bikatsilek teitan gwad, singaya kalbaleb mo bilouvat.
23867	MAT 20:6	“Babaw gamag iwwotets ee... kakita beiboug, tamwey towen in waven, iban gamag mwasanin, ilana, ‘Aveiyag wawun makava kusesusa bo iboug?’
23869	MAT 20:8	“Iboug, taginbag idibek natouwat, ‘Kudibakes tawteleins bag bimeis, maysan siwotet kusekes. Kusilamaw kweivaw gamag tasiyas mwana nimeis, mayses kusekes. Ikous, mo tasiyas kwayav nimeis. Ma̱wana bein ee... nakabiyokous tasiyas ga̱boug nisilamaws.’
23896	MAT 21:1	Inounas ee... kadiykusan-o Yelusalem, koy towen kay siyas oliv nitatos, ven yagan Betepeig; mo ikayeb navamul asteiy, ilana, “Kuneis ven towen palatan, mo bukuba̱nes donkiy nises, anvatul iyawanis wakayon, son natun nisesus; kulikus, kutokes kumeyes.
23957	MAT 22:16	Illivans ee... sinap kweitan mo iton. Ikous mo ikayabes sivamul mwasanin sisiyas Elod nagamag mwasanin, idibakes Yeisuw, ilansa, “Tamwey yak, kakakin amsinap mounid, kakakin Yowbad nakaleiwag kukwatimlakay mounid, o nag kugoulus guyawaw mwasanin, peinan gamag babaw wamatam bo katanok-wan. Wananoum ama̱wan? kadilokeids bitatams Sisal nata̱kis? o nag? bitapiyaves adok?”
24025	MAT 23:38	“Mapuna Yowbad ipiyev miven. Makava bukusesus. Igaw nag bukukineigs ee... anatut bukulivans, ‘DaGuyaws nikayabeim nukum, mapuna kakavasim,’ mounid mo bukukineigs.”
24031	MAT 24:5	“Igaw teitan bisap, bilana, ‘Yey Mesay Kelis yey,’ wankuyeim tayuwein bisap bilana, ‘Yey Mesay Kelis yey,’ wankuyeim tatounun ma̱wan; e, ma̱wana ma̱wana ee... singay babaw. Tasiyas bo bikatidividavs wasigeis gamag babaw.
24039	MAT 24:13	“Kukin kalisiy bikaptules, ee... nakabiyokous tut waseg Yowbad mo bikatinabwes.
24053	MAT 24:27	“Igaw Gimgilitoun yey ba̱yum baw, mamagina mititeilin kavikawn bisap wanuvid bimteil ee... bein wayavat, gamag babaw bikines.
24065	MAT 24:39	“Yam towen na-ikakins ee... kweis mo isap iyagages tasiyas. Ma̱wan magin Gimgilitoun yey ba̱yum bam, gamag nag bikakins avei-tut.
24152	MAT 26:29	“Adibakeimiy, nag vayuwein ba̱moum gleip sipinen ee... anatut kweivaw sipinen mo bitamoums Tamag wanakabkaleiwag.”
24181	MAT 26:58	Mtowen gog Pita ikikikun wankuyeim ee... isap waven, isin waven siney tamwey towen natouwats, idoki aveiyag binuwakes.
24243	MAT 27:45	Ya̱nay idadub ven babaw ee... ka̱las itageg mo ikamnat vayuwein.
24273	MAT 28:9	Isisawls ee... Yeisuw im ilivatus, ilana, “Kalin nuwag.” Iweis tasiyas, iyousis kaken Yeisuw, magina bitapwa̱louls waseg.
24282	MAT 28:18	Iw to Yeisuw, ilana, “Tamag bo isekeig gunakaleiwag babaw, walba̱lab, watinow. Kuneis kumulis ven babaw gimgilis, kwatimlakes gunaked, kubapta̱yses Tamag Yowbad yagan waseg, Natun yey yagag waseg, o Kululuwan Towen Bwanabwein yagan waseg; kwatimlakes bivna̱ses kid agulivan towen nasekeimiy. Peinan yam babaw sigwey yakamiy bitasesus ee... igaw mo beikous ven watinow.”
24418	MRK 4:26	Wankuyeim ilivan, ilana, “Yowbad nakaleiwag ama̱wan? Adok ma̱wan gamag teitan ilivelov kaytul ininein wa̱bag, iyum in, ises, ee... yam mwasanin ikous, kaytul mo isob, ivakaein; tage nag ikakin silawun.
24460	MRK 5:27	Mana̱wen vin bo iligen bulagan Yeisuw, isiw wanuwan gamag babaw, ikikun ee... mo ikabkwen anakweim matan.
24511	MRK 6:35	Ikatimlakay ee... kwayav, navamul mo imekes Yeisuw, ilansa, “Ven to nawoud makaw o bo iboug, kwayabes gamag babaw, bineis ven mwasanin walasids va̱gan bigimwals kaeis beikams.”
24529	MRK 6:53	Ikala̱vis ee... ita̱lags palatan, ven yagan Genesalet, lon ikawes ilaves in wanakaew, siwag ikot.
24616	MRK 9:9	Wankuyeim iwloubus, idibakes, ilana, “Youd towen nukukines, awoum kwamteles gamag mwasanin wasigeis ee... Gimgilitoun yey bakanig, ba̱kit vayuwein, mo kwamteles wasigeis.”
24649	MRK 9:42	“Gamagal tasiyas isimounids waseg yey, kukin kal bikatsilakes silma̱nin bikakins sinap kalbaleb, singay kalbaleb mo bilouvat gamag towen. Kukin gamag mwasanin bikawes dakul avakaein biyawanis kayon mo bilaves bein wabwanit, nakalbaleb towen kalamwey; tage kukin bisesuna ee... bikatsilek teitan gwad, singaya kalbaleb mo bilouvat.
24689	MRK 10:32	Inounas wa̱ked bineis kid Yelusalem, Yeisuw imug, navamuls wankuyeim bo ikubukub nuwes, sisiyas bod mwasanin wankuyeim aspwa̱yat. Inounas ee... mo idawes navamul sinawatan teiy, vayuwein inekes, ikamteles aveiyag igaw mo bilivet, ilana, “Bitaneis Yelusalem, teitan gamag mo bisilkodeig Gimgilitoun yey, mo biyousigs tasiyas tanuwgwes lun situwa̱vek sisiyas takatimlakeins kaleiwag, biyateleigs bisekeigs wasigeis tobwag ven gimgilis va̱gan beiweigs, bikatimateigs; tasiyas gog bisiba̱weigs, bigusugs, biwaweigs vatul waseg, ikous mo bikatimateigs; yam kweitoun mo ba̱kit vayuwein.”
24763	MRK 12:21	“Isiken mo ivay son nakwab, mo ikanig, natun nag. Isiken, isiken, isiken iveivaysa sisiy nakwab, imta̱mats, nitus nag, ee... iyakous tawaw, mo ikanig kuda̱vin na̱wen. Igaw beikits vayuwein takanigs tasiyas, vin namwan kavel; peinan babaw neivays sisiy?”
24816	MRK 13:30	“Mounid adibakeimiy gudwouvaws yakamiy, igaw bukusesus ee... mo bukukines youd siyas babaw.
24848	MRK 14:25	“Adibakeimiy nag vayuwein ba̱moum gleip sipinen ee... Tamag nakabkaleiwag waseg mo sipinen kweivaw ba̱moum.”
24880	MRK 14:57	Iyyokons ee... tayyaweids asteiy mo itamanaws, ilansa, “Yakamey nakaligen anilivan mamagina, ‘Yowbad nabunatum towen gamag niwlules, yey bo bagulek, ikous, kweitoun yam mo bawlulavaw, tage nag namag bawlul.’”
24928	MRK 15:33	Yam towen ya̱nay bo iladadub ven, idadub ee... ka̱las itageg, mo ikamnat.
24982	LUK 1:20	“Peinan nag kusimounid waseg agulivan, bo bukusesuna mamagina gumugum yak. Bukusesuna ee... anatut youd towen nalivnek; wankuyeim mo bukulivan.”
24984	LUK 1:22	Ikayamats ee... mo isap. Ta-ma̱wan bilivan; mo ikakins mtowen nikin kweitan youd wanuwan Yowbad nabunatum; anilivan bogo naman-wan; wadon nag ma̱wan bilivan.
24985	LUK 1:23	Mtowen Sekaliy ises iwwotet ee... yam towen iyakous nawotet, mo iyum in wanven.
25019	LUK 1:57	Mana̱wen Elisabet nises ee... tutan bo itup mo itapoy naman, natun kuda̱taw.
25042	LUK 1:80	Gwad towen bo itawbwat, bo ivakaein, kululuwan bo itawtoun, misik wanawoud ee... anatut waseg mo ikamat wasigeis min-Yisleil.
25067	LUK 2:25	Ven Yelusalem taw teitan yagan Simiyon, tadidumwal, ansinap bwein. Ikkayamat anatut Yowbad bisiwyoubus tasiyas min-Yisleil va̱gan beitay nuwes. Yowbad Kululuwan waseg taw towen, bo ikatimlakay mo ikakin bisesuna ee... bikin daGuyaws inaMesay Kelis, mo bikanig wankuyeim.
25078	LUK 2:36	Palopit na̱tan yagan An, taman Panuwel, anakum Asel. Bo ivnaveka singay. Igaw naptabod isesuna ee... mo ivays son namwan. Asibweilim nisikes son namwan kweinim kweiy. Namwan mo ikanig. E, isesuna nakwab ee... mo ivag anbweilim sinwanim sinwatoun kweivas. Nag ilisow Yowbad nabunatum, ikikulul wamatan Yowbad yam o boug, ipsapos o ininitoug.
25085	LUK 2:43	Sagal towen iyakousis, iyums ineis wa̱ked, tage nitus nises Yelusalem. Taman inan nag ikakins, idokes kid sisiy, peinan babaw gamag. Inounas ee... iboug, mo inineivs tawlisiyas o sisiyas wasigeis.
25133	LUK 4:1	Yowbad Kululuwan Bwanabwein bo itawtoun waseg Yeisuw, ilisow Yoldan iyum in wanawoud. Yowbad Kululuwan imgwey Yeisuw inoun yam sinwavas, waseg Seitan iyyakwen. Yam tasiyas nag ikamkwam ee... nakabiyokous waseg mo ivag anamoun.
25177	LUK 5:1	Iggeiguy Yowbad anilivan ee... siva̱tan tut itamanaw wadadan yevagan nikatiboul yagan Genesalet. Singay babaw gamag katuyouns inekes, ipapeps wawous va̱gan biliganes anilivan.
25181	LUK 5:5	Iw to Saymon, ilana, “Tamwey, nakaplapoul ee... iyam, bo nag. Tage peinan amlivan waseg mo ba̱poul vayuwein.”
25227	LUK 6:12	Misiya̱mun towen inoun in ven koyakoy waseg va̱gan binitoug waseg Yowbad; ininitoug ee... iyam.
25270	LUK 7:6	Yeisuw iligen, siney tasiyas ineis ee... kakita bisaps takalikay nabunatum waseg, takalikay towen mo ikayabes viyen mwasanin, imekes Yeisuw, isekes takalikay anilivan, ilansa, “Takalikay anilivan mamagina: Guyaw, awoum bivakaein muwotet. Yey toul wamatam yak. Awoum bukusiw wagunbunatum. Mapuna na-ikadilokeig bawekeim yak. Deisa kulivan mo beibwein guntouwat. Yey akakin kaleiwag. Gunakaleiwag nises wasigeis guntakanaviys. Badibek teitan, balana, ‘Kun,’ mo bein. Tayuwein badibek balana, ‘Kum,’ mo beim. O guntouwat badibek, balana, ‘Kuwtel wotet,’ mo biwtel. Bweina kulivan beibwein ankatoun.”
25276	LUK 7:12	Inounas ee... kakita bisaps wakalamatan ven, mo ilivatus tasiyas takaweins takanig nimeis, peinan bo bidibwanis. Takanig kuda̱taw, inan nakwab, tage towen natun anmwa̱net. Yeisuw ikin mana̱wen vin ivva̱lam siney ven gimgilis singay babaw. Yeisuw ikin, inok nuwan, idibek, ilana, “Mata kuva̱lam.”
25309	LUK 7:45	“Na̱siw nam wambunatum, nag kumuloul waseg yey, tage mana̱wen vin isap ivviyom kakeig ee... nag iyakous.
25319	LUK 8:5	“Talavein kaytul wit ispusoup wa̱bag. Ilivelov ee... kaytul mwasanin ikalka̱louw ininein wa̱ked. Gamag mo inounas ivva̱nis kaytul tasiyas, mo man iyoyows imimeis, ikikines, ikamkoums ikamiyeivis.
25327	LUK 8:13	“Kaytul kasiyas wadikuda̱kul ma̱wana tasiyas iliganes liva̱nen Yowbad, imwa̱saws-wan, tage nag isob wanuwes, tut kadilakus isimounids ee... Seitan iyakwanes mo ikalows.
25328	LUK 8:14	“Kaytul kasiyas ikalka̱louws son doudiw kaytul-nen ma̱wana tasiyas iliganes, inounas ee... ininuways livan towen son ven watinow ankanuway, o ininuways ven watinow mwa̱saw-nen; mapuna liva̱nen Yowbad nag ivag anagin.
25337	LUK 8:23	Ikuks ee... bo imasis Yeisuw. Bwaw kweitan mo ilivatus; iwaweiy wag, yevagam bo neinay-o; kakita bimukuls. Bo igak.
25340	LUK 8:26	Ikuks ee... ilugs min-Gelasin wasiven. Galiliy palatan, Gelasin palatan.
25374	LUK 9:4	“Avei-bwan waseg bukusiws bukumsikes ee... mo bukunounas kuneis.
25377	LUK 9:7	Inounas ee... guyaw avakaein Elod iligen bulagan Yeisuw siney navamuls, bo isunasun nanon, peinan gamag mwasanin asilivan, ilansa, “Yon nikanig, bo ikit vayuwein.”
25382	LUK 9:12	Iwwotet ee... bo ikwayav, tasiyas sinwatan teiy inekes, ilansa, “Kwayabes gamag babaw, bineis ven mwasanin o bineis nawoud waseg, kaeis biba̱nes o bimasis, peinan ven towen makawan.”
25397	LUK 9:27	“Mounid adibakeimiy mwasanin yakamiy nukutomos, nag bukukwanigs ee... mo bukukines Yowbad nakaleiwag.”
25399	LUK 9:29	Yeisuw ininitoug ee... ankakin iviwl ivag kweitan-wan, anakweim-vak bo ilapupwa̱kaw singay.
25413	LUK 9:43	Asibabaw bo isom ninous peinan nikines Yowbad natawtoun. Ikines nawotet babaw, isunasun ninous ee... mo Yeisuw idibakes navamul ilana, “Livan towen kuninuways beibwein, peinan igaw mo bisilkodeigs, Gimgilitoun yey, va̱gan gamag beiweigs.”
25429	LUK 9:59	Yeisuw idibek tayuwein, ilana, “Kubukunig yey.” Iwa̱ge towen, ilana, “Tab kadilok bakaymet tamag ee... beikous, bikanig, bakadibwen, mo baw.”
25462	LUK 10:30	Yeisuw ikatimop anilivan, ikabebay, ilana, “Teitan taw meinoy neim Yelusalem, iwloubus bein Yelikow. Ininoun ee... tavveinaws mwasanin ituts iweis, iyousis taw towen, ikawes anakweim, iwaweiys ikous, mo ilisawes taw towen immasis, bo katimlowus won.
25463	LUK 10:31	“Yam towen tanuwagan lun teitan idoki biwloubus ked towen waseg, inoun ee... iwekey mtowen taw nimmasis wa̱ked, nag inek, ilisow ises, inoun-wan.
25525	LUK 11:51	“Yowbad nibun ven watinow o gamag siyas wanamug, teitan taw iweiy Yowbad nagamag towen Eibel. Yowbad inapalopit iwaweiys ee... nakabiyokous waseg mtowen Sekaliya, neiweys Yowbad wanbunatun, abeilun palatan, bunkakit palatan. E wotet towen kalbaleb mapun bukulivatus gudwouvaws yakamiy, tut towen waseg.
25587	LUK 12:59	“E, bukun wa̱deil, bukusesuna ee... anatut bukupa̱yin inapa̱yin meivek-wan beikous, mo bilikum bukusap wamnat.”
25622	LUK 13:35	“Nagein mibunatum makaw, o nag bukukineigs ee... igaw anatut wanakoug bukulansa, ‘Kalin nuwads mtowen neim silma̱nin Yowbad nawotet,’ mo bukukineigs vayuwein.”
25660	LUK 15:3	Yeisuw ikakin-wan asilivan, ikabebay mamagina: “Tab teitan ya̱koum aleim sip lakatutan, na̱tan bikanig wanawoud, bukulana, ‘Bweina bikanig’? Adok nag. Adok bukulisawes asibabaw bisesus, bukunineiv ee... mo bukuban.
25665	LUK 15:8	O peinan asilivan nilansa, “Taw towen sivinan takalbalebs,” Yeisuw sivyuwein mo ikabebay, ilana, “Tabta na̱tan vin nises, inaveigun sinawatan, kweitan bikanig, bilivan, ‘Bweina bikanig’? Adok nag. Adok bikow nawodam, inata̱neiv, bitanev nabunatum, binineiv ee... mo biban.
25670	LUK 15:13	“Yam akweiy ikous, digumasus mo iyamiyis inavavag, maysan ikow, ilisow naven, inoun in kadiveiyov nen; ansinap kalbaleb waseg mo igimwal youd babaw ee... mo iyakous inamoney.
25672	LUK 15:15	“Anamoun, inek tamwey teitan, ilana, ‘Tabta muwotet nises, yey bawtel, mamagina mutouwat yey?’ Tamwey towen itam, ilana, ‘Bwein, bwaloud aleig nisesus waven, kumtakavates aleig.’ Inoun, iwwotet ee... bo ivag anamoun, peinan nag kal bisek kan beikam. Singay anamoun, sivinan kid bwaloud kaeis beikam; mo idumwal nanon, ilana, ‘O takabala̱wein yey! Tamag wanven natouwat kaeis babaw, yey gog nag; kakita bakanig agumoun. Adok batamanaw banoun banek tamag balana: Tamag, agusinap kalbaleb, waseg Yowbad, o waseg yak. Adok bukupiyaveig natum yey, ne? Tabta bawtel muwotet, mamagina mutouwat yey?’
25677	LUK 15:20	“E, mo itamanaw inoun ee... kakita bisap waven, taman ikin, ika̱lin nuwan, isawl, in iwliboub wa̱won, ivva̱lams son.
25705	LUK 16:16	“Moses nakaleiwag kweiboug nises, o tasiyas palopit sigeiguy nileles nises Bukitab wanuwan. Kaleiwag towen ises ee... mo Yon isap, wankuyeim mo kageiguy liva̱nen Yowbad nakaleiwag bwanabwein, o gamag babaw itawtouns, sivines beisiws waseg.
25747	LUK 17:27	“Peinan Now inatut waseg ikamkwams, imwamoums, iveivays, ita̱mes nitsiyas silma̱nin beivays. Ma̱wana ee... kweitan yam mo Now isiw in wanawag wanuwan, mo ikweis avakaein, imukul ven, iwgweles gamag ikous.
25761	LUK 18:4	“Mtowen takaleiwag yam babaw nag iligen, ee... imwemway nen, mo ikawegweis won; nanon ilana, ‘Yey nag agoul Yowbad o nag avna̱ses gamags, tage bo ikawegweis woug, nakwab mana̱wen yam katanok katanok imimeim, mapuna bo bamop ansinap gamag towen niyageg, va̱gan beikous gunamouvit waseg mana̱wen vin. Kukin gog nag, adok bimimeim ee... bo bibilek woug!’”
25763	LUK 18:6	Ikous ankabebay towen, mo Yeisuw idibakes, ilana, “Kuninuways anilivan takaleiwag towen kalbaleb. Ma̱wan Yowbad bimop asisinap tasiyas iyagages inagamag, peinan igilagels waseg Yowbad iboug ee... iyam. Nag bikabiyun, nag. Bo bimop asisinap kalbaleb. Tage kweitan tut bam Gimgilitoun yey, tabta baba̱nes mwasanin tasiyas tasimounids ven watinow?”
25792	LUK 18:35	Inoun ee... kakita bisap Yelikow, toukwaw teitan nissin wadadan ked, ininitoug money wasigeis tasiyas inounas wa̱ked; iligen butus babaw gamag inounas, ilana, “Aveiyag?”
25813	LUK 19:13	“Kakita binoun, idawes natouwats sinawatan, isekes simoney, sinawatan sinawatan, ilana, ‘Mimoney towen mamagina biwotet. Kuymiyises miwliyoug kweitan magin, kweitan magin, mamagina stow waseg gamag bigimwals, va̱gan mimoney mo kwatimweisis bibabaw. Kuvva̱ges ma̱wan ee... mo ba̱yum bam.’
25829	LUK 19:29	Inoun ee... koy yagan Oliv, kakita mo bisap ven Betipeig son Betaniy, mo ikayabes navamul asteiy, bineis waven, ilana, “Kuneis waven palatan nises, kusaps ven towen mo bukuba̱nes donkiy mwana̱tan, kayon niyawanis vatul; igaw naptabod, nag ikakin gamag bisinis watapwan. E, bukuba̱nes donkiy mana̱wen, kulikus, kumeyes.
25877	LUK 20:29	“Taw teitan siney budan teinim tatanok, ivay son nakwav, ikanig, natun nag. Isiken ivay son nakwab, mo ikanig, natun nag. Isiken ivay son nakwab, ikanig, natun nag. Ma̱wana ma̱wana ee... tasiyas teinim teiy ivays sisiy vin mana̱wen ikanka̱nigs ikous, nitus nag.
25919	LUK 21:24	“Gamag tasiyas bimta̱mats naviy waseg; o tobwag gamag bimeis bigulekwes ven towen Yelusalem, bitokes min-Yelusalem binawes ven babaw wasigeis; o tobwag gamag tasiyas mo bivva̱nis Yelusalem pwepway-nen ee... tobwag gamag tasiyas situt mo biyakous.
25927	LUK 21:32	“Mounid adibakeimiy tut towen gimgilis bisesus ee... mo sinap tasiyas bisipsaps.
25940	LUK 22:7	Yudas ikayamat ee... anayam waseg ikams makava bled, o beiweiys aleis la̱miy Yowbad wanbunatum, silma̱nin Kaltuwon Sigeilin.
25950	LUK 22:17	Ilivan ikous, mo ikow kwa̱vig, ikalin nuwan waseg Yowbad ikous, ilana, “Kukwawes kwa̱vig towen kumoums tatanok tatanok yakamiy, peinan igaw nag ba̱moum gleip sipinen ee... Yowbad nakaleiwag mo bisilamaw.”
25991	LUK 22:58	Isesus ee... teitan gamag ikin Pita, ilana, “Ya̱koum Yeisuw nagamag yak, ne?” Iwa̱ge Pita, ilana, “Yey nag.”
25992	LUK 22:59	Isesus ee... imwemway nen, tatounun anilivan tawtoun, ilana, “Mounid taw towen son Yeisuw nisesus, peinan gum-Galiliy.”
26013	LUK 23:9	Ikatitugwan waseg Yeisuw ee... bo nag. Nag ikatimop anilivan.
26027	LUK 23:23	Tasiyas gog min-Yudiy singaya iwkuwaks, sivines kid bikatimates Yeisuw. Avakaein ages iwkuwaks ee... bo itawtoun asilivan; Paylat bo iwnatout, mo itam.
26037	LUK 23:33	Inawes ineis ven yagan “Busabwes,” mo ikatikavates naman kaken wanklos waseg, mo kativtawes klos akiwen, Yeisuw bikayagweg ee... beimat. Takalbalebs ma̱wan inuwakes, teitan wanaka̱tay, tayuwein wankimaw.