23264	MAT 3:3	Palopit towen Isaya kweiboug nilivnek Yon nawotet, ilana, “Aygan bivakaein wanawoud, bilivan, ‘Kukidumwa̱lus daGuyaws inaked; kuva̱ges beibwein.’”
23282	MAT 4:4	Yeisuw ikatimop aygan, ilana, “Bukitab waseg livan nises mamagina: ‘Kan makaw nag biyamov gamag; nag. Tage Yowbad anilivan kweitan kweitan mo biyamoves gamags.’”
23283	MAT 4:5	Ikous sinap towen, Seitan mo itok Yeisuw inow Yelusalem waseg, itamnow Yowbad nabunatum wakunuwatan, idibek, ilana, “Magat ya̱koum Yowbad Natun yak, kwaspepel kun watinow. Nag aveiyag bivag, peinan livan nises Bukitab waseg mamagina: ‘Bo bisek nataka̱yobs siwotet va̱gan bimtakavateims, binupeims yak; mata ge dakul iweiy kakeim.’”
23285	MAT 4:7	Yeisuw idibek, ilana, “Kweitan livan nises mamagina: ‘Awoum kuyakwen muGuyaw Yowbad.’”
23288	MAT 4:10	Yeisuw mo ikan Seitan, ilana, “Kusineikik. Bukitab waseg kweitan livan nises mamagina: ‘DaGuyaws Yowbad bukukulul wamatan; Towen anmwa̱net bukutapwa̱loul waseg.’”
23418	MAT 8:4	Yeisuw mo idibek, ilana, “Awoum kwamtel sinap towen. Awoum teitan gamag kudibek. Misinaka kukwa̱mat tanuwagan lun waseg, kumuloul waseg Yowbad, ma̱wan Moses nakaleiwag; gamag bikineims, bikakins bo kubwein, mo bilansa, ‘O bo ibwein taw.’”
23538	MAT 11:10	“Peinan liva̱nen Yon nises, magina Yowbad anilivan nidibek Mesay, palopit mo ilel Bukitab waseg mamagina: ‘Akayeb guntouwat bimgwayeim, bikidumwal muked beibwein.’”
23637	MAT 13:29	“Ilana, ‘Nag. Adok bukugutes mwasanin kan sona bukugutes sisiyas awuyow. Babaw bisesus, bimatuw kan, mo badibek tasiyas tatayaweins kan, balana: Wanmugwana awuyow kugutes kwatikunakus, kusinaves, kukwawes, kunawes, kugabus; ikous; mo kan kuta̱yoys, kwatikunakus kunawes wagunseigous.’”
23710	MAT 15:8	‘Gamag siyas wudous waseg ivna̱seigs, tage ninous waseg isina̱leigs. Makava itapwa̱louls waseg yey, peinan gamag mwasanin asisinap ikatimlakays, tage agusinap yey bo ipiyaves.’”
23749	MAT 16:8	Yeisuw go ikakina ninous, ilana, “Adok nag kunmiseigs va̱gan kan basekeimiy bukukwams. Mata kudokes silawun agulivan bled tatonen peinan kunumlaves, nag. Adok nag kunuwes kweinim tawsan tawaw neikams bled kweinim waseg mo kusiyavis kaynad babaw, o nag kunuwes kweivas tawsan tawaw neikams bled kweinim kweiy mo kusiyavis gamwat babaw. Silawun agulivan nag bled tonen. Aveiyag wawun nag kukwakins? Vayuwein badibakeimiy, ‘Kadiloka kupiyaves tasiyas Palisiy asiyist, o tasiyas Sadusiy asiyist.’”
23900	MAT 21:5	“Kudibakes Sayon vinay-nen, ‘Kukines miguyaw bo beiw, Imwen donkiy watapwan; magina tamma̱num mtowen neiw, Isin donkiy natun watapwan.’”
23911	MAT 21:16	Ikawkunes, ilansa, “Bo kuligen ages, siyas gamagal?” Yeisuw itam, ilana, “Oo!” Ilana, “Adok nag kukwakins liva̱nen Yowbad, Bukitab waseg, mamagina: ‘Ninous bo kusekes gamagal sisiyas a̱pwaw, mo iya̱kawns bwein.’”
23937	MAT 21:42	Yeisuw ilana, “Adok nag kuvinis Bukitab liva̱neig, mamagina: ‘Wululay towen tawteleins bunatum nipiyaves, Tage bo imlavag anmwamwan bunatum. DaGuyaws nawotet towen, bo isom nanouds.’”
24089	MAT 25:12	“Iw mtowen, ilana, ‘Nag akakin yakamiy.’”
24141	MAT 26:18	Iw to Yeisuw, ilana, “Kunekes mtowen nises waven, kudibakes, kulansa, ‘Matovek ilivan, ilana: Tutag bo alivet, wambunatum baka̱kam Kaltuwon Sigeilin, sigwey gunavamul.’”
24183	MAT 26:60	Babaw iyaweids, Yeisuw silma̱nin, tage nag iba̱nes silawun ya̱tal, nag. Wankuyeim asteiy mo imeis, ilansa, “Taw towen ilivan, ‘Kadilokeig bagulek Yowbad nabunatum, yam kweitoun mo bawlulavaw bayakous.’”
24187	MAT 26:64	Yeisuw idibek, ilana, “Ma̱wan amlivan. Vayuwein livan mo badibakeim: ‘Igaw bukukineigs Gimgilitoun yey, biseinig Yowbad wanaka̱tay, guntawtoun waseg; mo bukukineigs wa̱lov walba̱lab bawekeimiy.’”
24287	MRK 1:3	Tawkuwak wanawoud, ilana, ‘DaGuyaws inaked kuva̱ges beibwein; Kukidumwa̱lus va̱gan binoun.’”
24327	MRK 1:43	Yeisuw ikayeb gamag towen, anilivan tawtoun waseg ilivan, ilana, “Awoum kudibek teitan gamag liva̱neig; awoum. Kukwa̱pay-wan, kunoun kun Yowbad wanbunatum bunavakaein, tanuwagan lun bikineim, muvavag kusek, ma̱wan Moses nakaleiwag kweiboug, vagan gamag bikakins, bilansa, ‘O, bo ibwein.’”
24339	MRK 2:10	“Wotet akweiy gagab waseg yey. Kadiloka bukukwakins Gimgilitoun yey, o gunakaleiwag nises ven watinow va̱gan bawid gamag asisinap kalbaleb, mapuna adibakeim takatoun yak, ‘Kutamanaw, kukow a̱bam, kunoun kun wamven.’”
24404	MRK 4:12	“Mapuna ‘Mites bikines tage nag biwtusis. Tiges biliganes tage nag bikakins. Va̱gan nag bikanavin ninous, nag biwidis asisinap kalbaleb, nag.’”
24712	MRK 11:3	“Kukin teitan gamag bilivan, bilana, ‘Aveiyag wawun kulikus donkiy na̱wen?’ kulansa, ‘Tanuwagan sivinan. Nawotet biyakous, mo biyamen.’”
24753	MRK 12:11	DaGuyaws nawotet towen; bo isom nanouds.’”
24880	MRK 14:57	Iyyokons ee... tayyaweids asteiy mo itamanaws, ilansa, “Yakamey nakaligen anilivan mamagina, ‘Yowbad nabunatum towen gamag niwlules, yey bo bagulek, ikous, kweitoun yam mo bawlulavaw, tage nag namag bawlul.’”
24949	MRK 16:7	“Kuneis kudibakes navamuls sisiy Pita, kulansa, ‘Bo bimgwayeimiy bein waGaliliy, kuneis waGaliliy mo bukukines, ma̱wan nidibakeimiy.’”
25065	LUK 2:23	Peinan Yowbad inakaleiwag waseg anilivan nileles mamagina, “Igaw vin bikop natun kuda̱taw anigavaw waseg, mo bakayus, kudokes ‘Yowbad angamag towen.’”
25098	LUK 3:4	Liva̱nen Yon nises Bukitab, anilivan palopit mtowen Isaya, mamagina: “Aygan mtowen tawkuwak wanawoud mamagina: ‘Kwaleliws daGuyaws inaked, bididumwal. Kadiloka bitadibwanis leg babaw, o bitagiyeilis koy bimamanas. Aveiyag kaydodog mo bitadumwa̱lus, o ked kalbaleb bitagiyeilis bimamanas. Meiveka gamag mo bikines ama̱wan Yowbad bikatinabweids.’”
25136	LUK 4:4	Iw to Yeisuw, ilana, “Liva̱nen nises Bukitab waseg mamagina: ‘Makava kan nag biyamov gamag.’”
25140	LUK 4:8	Iw to Yeisuw, ilana, “Liva̱nen nises Bukitab waseg mamagina: ‘Kadiloka bukukulul wamatan Guyaw Yowbad. Mtowen anmwa̱net bukwanow aygan.’”
25143	LUK 4:11	“Kweitan livan nises mamagina: ‘Nimes waseg binupeims; Mata ge kakeim beiweiy dakul.’”
25144	LUK 4:12	Iw to Yeisuw, ilana, “Livan nises mamagina: ‘Awoum kuyakwen muGuyaw Yowbad.’”
25155	LUK 4:23	Iw to Yeisuw, ilana, “Mounid bukudibakeigs adilivans mamagin: ‘Doket ya̱koum, kuva̱geim tatoneim mo bukubwein!’ Adok bukulana, ‘Bulagam Kapaneyum waseg nakaligen, kuvag ma̱wan, wamven tatoneim.’”
25215	LUK 5:39	“Nag kal beimoum kweiboug wayn mo sivinan kweivaw. Ilana, ‘Peinan kweiboug bwanabwein.’”
25467	LUK 10:35	“Iyam nen ga̱boug, mo ikow akweiy kina, isek tanuwagan bunatum, ilana, ‘Kuvnas gamag towen beibwein; o kukin money towen nag kadilok, igaw ba̱yum bam bamop.’”
25478	LUK 11:4	Kunumlev amasinap kalbaleb, peinan yakamey kanumlev gamag asisinap kalbaleb wasigeis yakamey. Tage awoum bukusenam abiyokon waseg.’”
25595	LUK 13:8	“Ikatimop aygan, ilana, ‘Bweina ga itet bweilim towen. Bakaviyeil leis wadadan palavas, basen bulumakaw pwes. Kukin bweilim wamatads beiwuw wuwan, bo bwein. Kukin nag, mo bateiy.’”
25639	LUK 14:17	Kan ikatineg ikous, mo idibakes natouwats, ilana, “Kukines tasiyas nadawes, kulansa, ‘Kumeis, tamwey bo ikatineg kaeimiy, kumeis kukwams.’”
25688	LUK 15:31	“Taman gog ikatimop aygan, ilana, ‘Gwa, soug yak tasesun yam babaw. Aveiyag gunavavag yey, ma̱wana muvavag yak, peinan natug yak. Awoum kwavikun. Kadiloka tamwa̱saws, peinan bwadam bo imat, nag gog bo imov, tadoki bo ikanig, nag gog bo taba̱nes bo imov.’” Yeisuw ikabebay ma̱wan, peinan asilivan, “Mtowen sivinan tasiyas takalbalebs.”
25697	LUK 16:8	“Ikous, mo natovek iligen liva̱nen mtowen tasilponay, waseg niseib sikawlavag gamag babaw. Tage natovek bo ikaves natouwat towen, ilana, ‘Singay ansinap tawtoun.’” Yeisuw ilana, “Tut towen ven watinow gimgilis bo imugwas, peinan asisinap tawtoun. Yowbad nagamag asisinap igwey.
25720	LUK 16:31	“Iwa̱ge Ebelam, ilana, ‘Kukin nag biliganes Moses siney palopits asilivan, mo takanig teitan beikit binekes, nag gog bisimounids anilivan waseg.’”
25730	LUK 17:10	“Yakamiy ma̱wan, bukuyakousis Yowbad nawotet nilivan, mo bukulansa, ‘Ya̱kids nag natouwats bwein ya̱kids. Bo misinak nilivan nitivag, bo deis.’”
25776	LUK 18:19	Yeisuw idibek, ilana, “Aveiyag wawun kudokeig toubwein yey? Toubwein anmwa̱net, mtowen Yowbad. Adok kukwakin Yowbad nakaleiwag, ‘Awoum kusubwan; awoum kuweiy gamag; awoum kuveinaw; awoum kuyaweid, teitan gamag liva̱nen; kuvna̱ses tamam, inam.’”
25831	LUK 19:31	“Kukin kal bikatiga̱neimiy, bilana, ‘Aveiyag wawun kulikus?’ mo kwatimapus aygan, kulansa, ‘Peinan tanuwagan sivinan.’”
26005	LUK 23:1	Iliganes anilivan, tasiyas babaw itamanaws, itokes Yeisuw, inawes Paylat waseg; mo iyateles, ilansa, “Yakamey min-Yudiy yakamey, o taw towen bimgwayem ked kalbaleb waseg. Nakaligen anilivan, ilana, ‘Awoum kutams Sisal nata̱kis waseg.’ Peinan ilana, ‘Yey Kelis, king yey.’”
26065	LUK 24:5	Vinay aspwa̱yat, ikululs avakaein, migis kakita binek pwepway. Tawaw idibakes, ilansa, “Aveiyag wawun kunineivs towen tamwamov, takanig siven waseg? Kuninuways igaw simiy waGaliliy anilivan, ilana, ‘Teitan gamag bisilkodeig Gimgilitoun yey, va̱gan tasiyas takalbalebs bikatimateigs waklos. Kweitoun yam mo ba̱kit vayuwein.’”
26244	JHN 4:19	Vin mana̱wen ilana, “O guyaw, akakin ya̱koum palopit ya̱koum. Tammwayas bo ikululs wamatan Yowbad koy towen waseg; min-Yudiy yakamiy kulansa, ‘Kadilokeids bitakululs Yelusalem waseg.’”
26290	JHN 5:11	Ikatimop asilivan, ilana, “Teitan gamag niva̱geig mo a̱bwein mtowen bo idibakeig, ilana, ‘Kukow musag, kunoun.’”
26434	JHN 7:37	Yam towen, nakabiyokous sagal waseg, Yeisuw mo itamanaw, aygan avakaein ilana, “Kal yak amdak, kadiloka kumekeig kumoum. Kukin bukusimounid waseg yey, ya̱koum liva̱nen Bukitab nises mamagina, ‘Lay kunus bila̱tays gamag towen wanuwan, soup towen beibwab mwamov silma̱nin.’”
26498	JHN 8:48	Min-Yudiy tasiyas ikatimapus aygan, ilansa, “Adok mounid amalivan, ‘Ya̱koum gum-Samaliy ya̱koum, Baloum bo iweim.’”
26549	JHN 9:40	Palisiy mwasanin sisiy Yeisuw nisesus, mo iliganes anilivan towen, idibakes, ilansa, “Adok nukulivan, kulana, ‘Toukwaw yakamiy.’”
26812	JHN 16:17	Navamul mwasanin sisiyas mo illivans, ilansa, “Aveiyag anilivan towen, ‘Igaw kakit mo balisaweimiy,’ o ‘Tut kakit wankuyeim mo bukukineigs vayuwein,’ o ‘Bo banek Tamag.’”
26915	JHN 19:21	Min-Yudiy babaw mo ivnivins lelel towen: “Min-Yudiy siking,” mapuna tasiyas tanuwgwes lun situwa̱vek mo idibakes Paylat, ilansa, “Awoum kulel: Min-Yudiy siking. Tage kadiloka kulel: Taw towen anilivan, ilana, ‘Min-Yudiy siking yey.’”
26953	JHN 20:17	Iw to Yeisuw ilana, “Awoum kwabikon wa̱woug; awoum. Peinan nag anek Tamag; igaw wankuyeim mo ba̱mwen banek. Nagein kun kudibakes budag agulivan mamagina: ‘Yey bo ba̱mwen banek Tamag, Timamiy, mtowen gunaYowbad, miYowbad, daYowbads babaw ya̱kids.’”
27012	ACT 1:20	“O liva̱nen Yudas nises Bukitab, kweitan Sam waseg, ma̱wana, ‘Kadiloka naven bikalipet; awoum teitan gamag bisik.’ E, kweitan livan nises, ‘Kweitan gamag bikow nawotet.’”
27181	ACT 6:11	Mapun isilkodes; idibakes mwasanin, ilansa, “Igaw ya̱tal waseg kuyaweidsa, kulansa, ‘Nakaligen anilivan kalbaleb taw towen, ilivan mav, Moses liva̱nen, o Yowbad liva̱nen.’”
27234	ACT 7:49	‘Yey a̱bag liba̱lab o kakeig nakabva̱wot wapwepway. Amata-bunatum bukuwlules yey gunbunatum? O amata-bunatum bukuwlules va̱gan bayeiwas wanuwan? Adok nag kadilokeimiy, peinan wanamag bo abun youd tasiyas.’”
27478	ACT 13:47	“DaGuyaws nikalawagem ma̱wan, peinan Bukitab waseg anilivan nises mamagina, ‘Bo akalawageim, vena babaw sikamnat ya̱koum; Va̱gan bukuymoves vena babaw gimgilis wadaban pwepway.’”
27598	ACT 17:6	Iyyokons, bo nag; mapuna itokes Yeson siney Yeisuw nagamag mwasanin, inawes takaliwageins ven wamtes, iwkuwaks, ilansa, “Gamag tasiyas niyagages vena babaw, nagein mo imeis wadavanuys ya̱kids, Yeson anbwabwal tasiyas nisesus. Tawaw tasiyas bo ibwabwes Sisal nakaleiwag, peinan ilansa, ‘King kweitan nises, yagan Yeisuw.’”
27729	ACT 20:35	“Agusinap towen waseg, bo akatimlakeimiy va̱gan kid bukukwakins bweina bitawotets ma̱wan, va̱gan bitalabes sidayas tasiyas tougweys. Kadiloka kid taninuways daGuyaws Yeisuw anilivan mamagina, ‘Soum bisiwyoubum mo bukumwa̱saw; tage bukusiwyoub soum bukumwa̱saw singay avakaein.’”
27793	ACT 22:21	“Guyaw towen mo idibakeig, ilana, ‘Kunoun, bakayabeim bukun kadiveiyov, silma̱nin tobwag ven gimgilis.’”
27807	ACT 23:5	Pawl ilana, “Nag bakakin mtowen tanuwagan lun sitovek avakaein. Akakin Bukitab liva̱nen mamagina, ‘Awoum kuyeg mitovek.’”
27820	ACT 23:18	Itok gwad towen, inekes natovek, ilana, “Tasiwun deil towen Pawl bo idaweig, ilana, ‘Kutok gwad towen kunekes mutovek waseg, anilivan mo bisek.’”
27832	ACT 23:30	“Wankuyeim, mo aligen asisinap ikatilawos idokes kid beiweiys taw towen, mapuna akayeb va̱gan biwekeim yak; o min-Yudiy tasiyas bo adibakes, ‘Kunekes guyaw avakaein Piliks va̱gan bukuyateles taw towen Pawl.’”
27858	ACT 24:21	“Misinaka agusinap towen, sigwey tasiyas nakatamanaw mo awak, alana, ‘Silawun gunya̱tal nagein, peinan asimounid bitakits kanig waseg.’”
27885	ACT 25:21	“Towen gog ilana, ‘Nag. Sivinag datoveks avakaein bikaleiwag.’ Mapuna akaleiwag alana, ‘Ga-bises wa̱deil mo banineiv amata ked waseg baban, mo bakayeb binek datoveks towen Sisal.’”
27914	ACT 26:23	“Ma̱wan tasiyas kweiboug, yey alana, ‘Kadilok a̱ban Kelis bigeg, bikanig, o kanig waseg mtowen biginikit, mo anilivan bwanabwein bimteilis nagamag min-Yudiy, wankuyeim vena babaw.’”
28066	ROM 3:7	Tayyaweids mwasanin ilansa, “Pawl inageiguy mamagina, ‘Bayaweid singay mo bitakakins Yowbad ansinap mounid, mapuna bitakavasis. Adok awoum biyateleig peinan agusinap kalbaleb. Kadiloka beivag adsinap kalbaleb va̱gan kid Yowbad ansinap bwanabwein mo bisap.’” Tayyaweids mwasanin idokes gungeiguy ma̱wan. Kadilok Yowbad bikamta̱nis peinan asilivan ma̱wan.
28249	ROM 9:26	Ven tasiyas nidibakes, ilana, ‘Nag gungamag yakamiy.’ E, ven wunsiyas mo bidokes bilana, ‘Yowbad tamwamov nitun tasiyas.’”
28359	ROM 14:11	Liva̱nen nises mamagina: “DaGuyaws ilana, ‘Peinan yey tamwamov yey, gamag babaw bikululs wamatag. E, babaw gamag wudous waseg mo bikavasigs yey Yowbad.’”
29766	1TI 1:3	Kweiboug gunakaleiwag bo asekeim, mo a̱noy an Masidoniy, alana, “Kusesun ven towen Epesos va̱gan bukuguyes gamag mwasanin kugidamis sikatimlakay kalbaleb; kudibakes, kulana, ‘Awoum bukutaleiliws o bukuta̱kuds sona mikamniman; awoum. Makava taleiliw nag bikatimweisimiy sinapun Yowbad waseg, nag.’”
30073	HEB 3:11	Kapasal nuwag, mo akawtunes, alana, ‘Tasiyas nag kadilok beisiws gunakabyeiwas waseg, nag.’”
30084	HEB 4:3	Ya̱kids gog nitasimounids waseg Yowbad bo bitasiws idakabyeiwas waseg. Tasiyas nag. Anilivan silma̱nin tasiyas kweiboug mamagina: “Kapasal nuwag, atabudabod, alana, ‘Tasiyas nag beisiws sikabyeiwas waseg, nag.’” Kweiboug Yowbad ibun ven babaw ikous, mo iyakous nawotet towen. E, liva̱nen nises mamagina: “Yam kweinim katanok, Yowbad nawotet bo ikous, kwayuwein yam mo iyeiwas.”
30207	HEB 10:7	Mapun alana, ‘O Yowbad, kukineig nam bawtel muwotet, aveiyag sivinam. Ma̱wan liva̱neig nilel Bukitab sinbilibil waseg.’”
30216	HEB 10:16	“Yowbad ilana, ‘Yam tasiyas beikous, mo basek gunakaleiwag towen wasigeis tasiyas. Basen gunakaleiwag wakateis, O balel gunakaleiwag waninous.’”
30792	REV 2:7	“‘Yakamiy tigamiy sam, kadiloka bukuliganes Yowbad Kululuwan anilivan nidibek tayekelesiys wasigeis. Igaw Seitan biyakwaneimiy, kavel yakamiy bitawtoun mo basek anagin kay mwamovan silma̱nin, kay makaywen nitatos Yowbad wanven.’”
30796	REV 2:11	“‘Yakamiy tigamiy sam kadiloka bukuliganes Yowbad Kululuwan anilivan nidibek tayekelesiys wasigeis. Igaw Seitan biyakwaneimiy, kal yakamiy bitawtoun, mo bisesuna bwein, tutan gamag bimta̱mats sivyuwein.’”
30802	REV 2:17	“‘Yakamiy tigamiy sam kadiloka bukuliganes Yowbad Kululuwan anilivan nidibek tayekelesiys wasigeis. Igaw Seitan biyakwaneimiy, kal yakamiy bitawtoun, mo bavakam anamana bo nakawum; e, basek nadakul pwapwa̱kaw, yagan kweivaw balel waseg. Nag tayuwein bikakin yeg towen; misinaka towen basek.’”
30814	REV 2:29	“‘Yakamiy tigamiy sam kadiloka bukuliganes Yowbad Kululuwan anilivan nidibek tayekelesiys wasigeis.’”
30820	REV 3:6	“‘Yakamiy tigamiy sam kadiloka bukuliganes Yowbad Kululuwan anilivan nidibek tayekelesiys wasigeis.’”
30827	REV 3:13	“‘Yakamiy tigamiy sam kadiloka bukuliganes Yowbad Kululuwan anilivan nidibek tayekelesiys wasigeis.’”
30836	REV 3:22	“‘Yakamiy tigamiy sam, kadiloka bukuliganes Yowbad Kululuwan anilivan, nidibek tayekelesiys wasigeis.’”
31008	REV 14:13	Mo aligen aygan teitan walba̱lab, ilana, “Kulel, ‘Tasiyas igaw beimats Yeisuw waseg, mo bimwa̱saws.’” Yowbad Kululuwan ilivan ma̱wan; ilana, “Magen! Igaw mo biyeiwas siwotet waseg, mo bikamat asisinap bwein.”
31095	REV 19:9	Mo idibakeig, ilana, “Kulel, ‘Singay bimwa̱saws tasiyas La̱miy bidawes naveivay amkwamun silma̱nin.’” E, mo idibakeig, ilana, “Livan towen mounid, anilivan Yowbad tonen.”