23239	MAT 2:1	Tutan inan nikop Yeisuw ven Betelem waseg, wawnuwan ven Yudiy, ven babaw siking Elod. Tassinaps mwasanin siven wanuvid mo imeis Yelusalem, ilansa, “Yakamiy min-Yudiy miking kweivaw, avanuy mikopweyas? Peinan nakakin anwutun kweivaw neipel, mwana nakam kid bakakulul wamatan.”
23378	MAT 6:27	“Nag kavel ya̱koum bukuninuway mutawtoun waseg va̱gan ambweilim bibabaw; nag. Aveiyag wawun kuninuwes amikweim? Kukines la̱lan moloubaw nitatos, na-iwotets, na-iba̱lals, nag; tage askakin singaya bwanabwein. Mounid adibakeimiy kay kasiyas la̱lan ikalisow Solomon antubub.
23382	MAT 6:31	“Awoum ninoumiy bibabaw; awoum kulansa. ‘Aveiyag bitakams? Aveiyag bitamoums? Aveiyag bitasikams?’ Tasiyas igaw dadub asisinap ma̱wan; yakamiy awoum. Tamads gog wanakaew ikakin sivinamiy youd tasiyas.
23452	MAT 9:4	Tage Yeisuw ikakin ninous, mapuna idibakes, ilana, “Aveiyag wawun ninoumiy kalbaleb? Bweina balivan, balana, ‘Bawid amsinap kalbaleb beikous,’ o bweina balivan-vak balana, ‘Kutamanaw kunoun.’ Wotet akweiy gagab waseg yey.
23459	MAT 9:11	Tasiyas Palisiy ikines, idibakes navamul, ilansa, “Aveiyag wawun mitovek ikamkwam siney takalbalebs sisiyas tasiyas takaweins ta̱kis? Bo igak!”
23530	MAT 11:2	Misumkwey towen Yon nises wa̱deil, mtowen tabibapta̱ysein gamags, butun Yeisuw inawotet iligen, ikayeb navamul mwasanin inekes Yeisuw, ikatugans, ilansa, “Yowbad bikayeb Mesay beim, mtowen ya̱koum? o nag? tabta teitan bakakayamat igaw beim wankuyeim?”
23535	MAT 11:7	Iyums tasiyas, Yeisuw mo ikatiga̱nes gamag babaw peinan Yon, ilana, “Kweiboug kuneis wanawoud, aveiyag silma̱nin bukukines? Bukukines kay iguwen yag, ne?
23536	MAT 11:8	“O bukukines gamag teitan anakweim mwaynamnabwein ne? Nag, adok tasiyas nisesus guyawaw wasibunatum.
23544	MAT 11:16	Yeisuw mo ilivan, ilana, “Ama̱wan bakabebay mo bukukwakins amisinap? Adok yakamiy mamagina gamagal iwliwals wavtakon ven, idibakes sisiyas, ilansa, ‘Kawaway kup, tage nag kusilasals; ikous mo kalloupid, tage nag kuva̱lams.’
23569	MAT 12:11	Iwa̱ge Yeisuw ilana, “Adok nag teitan yakamiy a̱len sip bikalivatow bein wa̱leg Sa̱bat waseg, bilivan, bilana, ‘Deisa bisiw, peinan Sa̱bat.’ Adok nag. Adok biyous, bikatinob, ne? E, gamag singay imgwayes wasigeis aleimiyas. Mapun bweina bitaleb sod Sabat waseg.”
23585	MAT 12:27	“O kuvtokeigs livan, kulansa, ‘Seitan ileb mo ikayabes baloum,’ o kal ilabes mivamul mo ikayabes baloum? Kuninuways asisinap tasiyas mo bukukwakins bo ibol amilivan.
23705	MAT 15:3	Ikatimop asilivan, ilana, “Yakamiy-vak, aveiyag wawun kunuwes amikikun, mo kusiplaves Yowbad nakaleiwag?
23718	MAT 15:16	Yeisuw ilana, “Adok yakamiy-vak igaw tatagouwaws yakamiy. Tabta kukwakins avei-kan beikoum gamag, kan towen bein watoubun, bininoun ee... igaw simwan mo bisap bein wamnat? Tage aw-sinap gamag binuway wananon, igaw mo bilivan, anilivan towen bisap wawadon mo biyageg gamag kululuwan.
23749	MAT 16:8	Yeisuw go ikakina ninous, ilana, “Adok nag kunmiseigs va̱gan kan basekeimiy bukukwams. Mata kudokes silawun agulivan bled tatonen peinan kunumlaves, nag. Adok nag kunuwes kweinim tawsan tawaw neikams bled kweinim waseg mo kusiyavis kaynad babaw, o nag kunuwes kweivas tawsan tawaw neikams bled kweinim kweiy mo kusiyavis gamwat babaw. Silawun agulivan nag bled tonen. Aveiyag wawun nag kukwakins? Vayuwein badibakeimiy, ‘Kadiloka kupiyaves tasiyas Palisiy asiyist, o tasiyas Sadusiy asiyist.’”
23794	MAT 17:25	Pita itam, ilana, “Oo!” Pita iyum in wasibunatum. Iw to Yeisuw, ilana, “Saymon, wananoum yak, takaleiwags ven watinow nitsiyas bipa̱yins wasigeis timsiyas? o tobwag gamag bipa̱yins adok?”
23817	MAT 18:21	Iw to Pita, ikatigan Yeisuw, ilana, “Guyaw, siva̱vin soug biyagageig, mo bawid ansinap kalbaleb, banumlev? Adok siva̱nim sivay, ne?”
23848	MAT 19:17	Iw to Yeisuw, ilana, “Aveiyag wawun kwatiga̱neig silma̱nin sinap bwein? Anmwa̱net nises ansinap bwein. Magat sivinam mwamovam nag beikous, kadiloka kuvnas nakaleiwag beibwein.”
23920	MAT 21:25	E, Yeisuw mo ikatiga̱nes, ilana, “Kal isek Yon nakaleiwag mo ibapta̱yses gamags? Yowbad? o nag? adok gamag mwasanin?” Bo ibol ninous tasiyas, illivans sisiyas, ilansa, “Kukin bitalivans ‘Yowbad,’ towen gog mo bilivan ‘Aveiyag wawun nukupiyaves aygan?’ Kukin gog bitalivans ‘Gamag mwasanin,’ bo biyagageids gamag babaw, peinan idokes palopit teitan mtowen Yon.”
23923	MAT 21:28	Yeisuw ikabebay, ilana, “Waninoumiy ama̱wan? Tamwey teitan nitun tawaw asteiy. Mo inek kunutaw ilana, ‘Nagein kun gunabag kuwotet.’
23957	MAT 22:16	Illivans ee... sinap kweitan mo iton. Ikous mo ikayabes sivamul mwasanin sisiyas Elod nagamag mwasanin, idibakes Yeisuw, ilansa, “Tamwey yak, kakakin amsinap mounid, kakakin Yowbad nakaleiwag kukwatimlakay mounid, o nag kugoulus guyawaw mwasanin, peinan gamag babaw wamatam bo katanok-wan. Wananoum ama̱wan? kadilokeids bitatams Sisal nata̱kis? o nag? bitapiyaves adok?”
23959	MAT 22:18	Yeisuw gog ikakina asisinap kalbaleb, ilana, “Aveiyag wawun kuyakwaneigs? Tayyaweids yakamiy! Kwatimlakeigs money towen, ta̱kis silma̱nin.” Money katanok mo isekes.
23961	MAT 22:20	Ikow money towen wanaman, ikatimlakes king yagan nises son kululuwan nilel money towen waseg, ikatugan, ilana, “Kavel yagan? kavel kululuwan towen?”
23969	MAT 22:28	“Igaw tutan beikits kanig waseg, vin mana̱wen namwan amtowen? Peinan asibabaw neivays siney.”
23982	MAT 22:41	Tasiyas Palisiy ikatuyouns nimeis, Yeisuw mo ikatiga̱nes, ilana, “Waninoumiy Mesay ama̱wan? kavel tabun?” Iweis tasiyas, ilansa, “Deibid tabun.”
24002	MAT 23:15	“Tayyaweids yakamiy takatimlakeins kaleiwag yakamiy, o yakamiy Palisiy, singay kalbaleb bukulivatus. Kuta̱vins vena babaw, ikous mo kukuks, bwanit kadiveiyov kudopels. Aveiyag wawun? gamag anmwa̱net mo bikow mitapwa̱loul bimlavag gum-Yudiy. Ikous, mo gamag towen kuva̱ges imlavag Seitan angamag, ma̱wana yakamiy, tage bo bilisaweimiy ansinap kalbaleb waseg.
24004	MAT 23:17	“Bo ibol ninoumiy, amisinap nag. Aveiyag imug? Goul towen imug? O Yowbad nabunatum imug? Mounid Yowbad nabunatum imug, peinan goul nises wanuwan.
24006	MAT 23:19	“Bo ibol ninoumiy, amisinap nag. Aveiyag imug? lun towen? o dakabeiluns Yowbad wanbunatum, inalun nises wakunuwatan?
24071	MAT 24:45	“Tamwey inagamag isek inawotet va̱gan tut babaw bivakamus tasiyas wanbunatum nisesus. Yam katanok katanok inawotet towen. Kavel bitoukum nawotet towen waseg? Adok towen ansinap bwein.
24085	MAT 25:8	“Tasiyas nag isinaps idibakes sisiyas, ilansa, ‘Tabta mitagon bukusekemas, ne? Malamp bo imta̱mats.’
24145	MAT 26:22	Singay igeg ninous, katanok katanok mo idibakes, ilansa, “Tamwey, kal bisilkodeim? Yey? o nag? kavel?”
24148	MAT 26:25	Tasilkodein Yeisuw yagan Yudas mo ikatigan, ilana, “Guntovek yak, mtowen kavel? Yey?” Iw to Yeisuw, ilana, “Ma̱wan.”
24178	MAT 26:55	Misiya̱mun towen Yeisuw idibakes asibabaw, ilana, “Yam babaw nases Yowbad wanbunatum akatimlakes gamag, ta-kuyousigs. Nagein gog aveiyag wawun kukokews mipulut, minew, nukumeis kuyousigs mamagina tavveinaw yey? Tage youd towen ikamat peinan tasiyas palopit nilivnakes Bukitab waseg.” Navamul aspwa̱yat ilisawes Yeisuw; mo isawls.
24185	MAT 26:62	Itamanaw tanuwgwes lun sitovek, ikatigan Yeisuw, ilana, “Aveiyag bukwatimop? Aveiyag amsinap towen, tasiyas nillivans?”
24186	MAT 26:63	Yeisuw gog isesuna ikika̱pay. Iwa̱ge tanuwgwes lun sitovek, ilana, “Tamwamov Yowbad iligen amlivan yak; kadiloka kulivan mounid. Tab ya̱koum Yowbad Natun, Mesay? o nag?”
24196	MAT 26:73	Igaw kakit, tasiyas nitomos wadadan ven iwekes Pita, ilansa, “Adok mounid ya̱koum veiyon gum-Galiliy ya̱koum, ne? Peinan aygam ma̱wana aga-Galiliy.”
24215	MAT 27:17	Katikunouks gog gamag babaw, Paylat ikatugan, ilana, “Kal sivinamiy? Kwavtagis yagan mo balik bein wamnat. Tabta sivinamiy Yeisuw Bala̱bas? o adok sivinamiy Yeisuw, mtowen idokes Kelis? Takaleiwag yakamiy.”
24220	MAT 27:22	“Tage aveiyag bavag waseg Yeisuw? Mtowen idokes Kelis.” Ilansa, “Kwatimet waklos.”
24221	MAT 27:23	Iw to Paylat ilana, “Aveiyag wawun? Nag ivag ansinap kalbaleb.” Iweis tasiyas, iwkuwaks, ilansa, “Kwatimet waklos!”
24311	MRK 1:27	Asibabaw ikines, isom ninous, illivans sisiyas wasigeis, ilansa, “Aw-kaleiwag towen? Adok kweivaw sinap, tawtoun. Idibek yeiluw mo ikanow aygan.”
24337	MRK 2:8	Yeisuw wananon ikakina sikanuway tasiyas, idibakes, ilana, “Aveiyag wawun mikanuway ma̱wan? Bweina balivan balana, ‘Bawid amsinap kalbaleb, beikous,’ o bweina balivan-vak balana, ‘Kutamanaw, kukow a̱bam, kunoun.’
24345	MRK 2:16	Tasiyas gog takatimlakeins Palisiy sikaleiwag, ikines Yeisuw nikammutans siney takalbalebs tasiyas takaweins ta̱kis sisiyas takalbalebs mwasanin, mapuna idibakes Yeisuw navamul, ilansa, “Aveiyag wawun ikammutans siney tasiyas takaweins ta̱kis sisiyas takalbalebs mwasanin? Bo igak!”
24361	MRK 3:4	Im, itom, itamanaw wamtes, Yeisuw idibakes, ilana, “Tab kadilok Sa̱bat waseg bitalabes gamags o adok bitayagages gamags? Bitayamoves gamags o adok bitakatimates?” Tasiyas gog isesusa ikka̱pays.
24405	MRK 4:13	Yeisuw mo idibakes, ilana, “Adok nag kukwakins kabebay towen. Ama̱wan bukuwkakes mo bukukwakins kabebay babaw?
24418	MRK 4:26	Wankuyeim ilivan, ilana, “Yowbad nakaleiwag ama̱wan? Adok ma̱wan gamag teitan ilivelov kaytul ininein wa̱bag, iyum in, ises, ee... yam mwasanin ikous, kaytul mo isob, ivakaein; tage nag ikakin silawun.
24432	MRK 4:40	Ikous, mo idibakes tasiyas, ilana, “Wawun amipwa̱yat? Adok nag kusimounids waseg yey, ne?”
24433	MRK 4:41	Singaya igoulus, sisiyas illivans, ilansa, “Amata taw towen? Idibakew yag son kaysay, mo ikanawes aygan.”
24471	MRK 5:38	Isaps tanuwagan sinagog wanven, ikines tavva̱lams ivva̱lams, talloupids illoupids, ages avakaein. Isiw, ilana, “Aveiyag wawun kuvva̱lams, agamiy avakaein? Gwad na̱wen na-ikanig; immasis-wan.”
24478	MRK 6:2	Sa̱bat waseg isilamaw nakatimlakay wasinagog. Tanganegs babaw isom ninous, ilansa, “Ama̱wan singaya isinap taw towen? Kal isek ansinap mo iwotet singay tawtoun wanaman waseg? Adok towen tawtelein amweilok, ne? Inan Meliy, budan tasiyas Yemes, Yoses, Yud, Saymon, sisiyas nunet nitasesus sidayas.” Mapuna mo ipiyaves mtowen Yeisuw.
24514	MRK 6:38	Iwa̱ge, ilana, “Kweivin amibled? Kuneis, kukines.” Ikakins, ivinis, ilansa, “Kweinim bled, son in mwanay.”
24573	MRK 8:4	Iweis navamul tasiyas, ilansa, “Ven to nawoud makaw; ama̱wan bitavakamus gamag tasiyas? Kan gog nag.”
24606	MRK 8:37	“Aveiyag mo bisek maysan silma̱nin mwamovan, ne? Nag.
24628	MRK 9:21	Yeisuw mo ikatigan taman, ilana, “Kweivin tut ankatoun ma̱wan?” Ilana, “Igaw-o wagwa̱din. Tut babaw iwaweiy, ikalivatow in wa̱kov o wayvagam, sivinan bilbaleb. O Tamwey, tabta binok nuwam yakamey? Tabta ikadilokeim bukulabem?”
24675	MRK 10:18	Iw to Yeisuw, ilana, “Aveiyag wawun kudokeig toubwein yey? Toubwein anmwa̱net Yowbad. Adok kaleiwag tasiyas kukwakin: awoum kuweiy gamag, awoum kwanavay mav, awoum kuveinaw, awoum kuyaweid, awoum kusilponay, o kuvna̱ses tamam son inam.”
24736	MRK 11:27	Wankuyeim mo inounas, vayuwein ineis Yelusalem. Ineis Yelusalem, Yeisuw ininoun wanuwan Yowbad nabunatum, mo iweis tasiyas tanuwgwes lun situwa̱veks sisiyas takatimlakeins kaleiwag sisiyas tammwayas, inekes Yeisuw, ilansa, “Aw-kaleiwag towen? Kal isekeim mukwaleiwag silma̱nin muwotet towen?”
24739	MRK 11:30	“E, kudibakeigs silawun Yon inawotet waseg ibapta̱yses gamags. Tabta Tamads walba̱lab isek nawotet towen, o gamag teitan watinow isek nawotet? Kudibakeigs silawun nawotet Yon.”
24756	MRK 12:14	Inekes Yeisuw, idibakes, ilansa, “Tamwey, kakakina ya̱koum amsinap kamnat. Nag bukuvnas gamag teitan mo bukupiyev kid son, nag. Nag kuninuway gamag askakin watoulan, nag. Tage mukwatimlakay mounid, Yowbad inaked silma̱nin. Tab kadilok bitapa̱yins Sisal nata̱kis, ne? Bitatams Sisal waseg o bitapiyaves adok?”
24757	MRK 12:15	Tage Yeisuw bo ikakin tayyaweids tasiyas, idibakes ilana, “Wawun kuyakwaneigs, ne? Money silma̱nin ta̱kis kumeyes bakin.”
24789	MRK 13:3	Inoun in koy yagan Oliv, isin, ikin Yowbad nabunatum palatan-o nises. Siyas Pita siney Yemes, Yon, Andiluw, tasiyas-wan asteivas mo ikatiga̱nes Yeisuw, ilansa, “Asina̱vin biva̱ges ma̱wan? Sivinem bakakakin anatut abivatus towen, bukulivan mo bakakakin youd tasiyas bisaps wadaban pwepway. Kudibakem va̱gan bakakakin.”
24827	MRK 14:4	Mwasanin gog mo ivtokays livan, idibakes sisiyas, ilansa, “Aveiyag wawun iyamkwen tagon towen? Kadiloka bitayamiyis, bitakow lakatutoun kina, mo bitavgen tasekes tasiyas tasimavs.” E, singaya ikawkunes mana̱wen vin.
24860	MRK 14:37	Iyum inekes navamul bo imasis, idibek Pita, ilana, “Bo kumasis, ne? Nag kadilokeimiy tut kadilakus-wan kwaymateigs. Kwaymateigs kunitougs; mata ge bukusiws abiyokon waseg. Ninoumiy waseg bukutawtouns; nag gog, woumiy tougweys.”
24864	MRK 14:41	Sivtounun inoun, initoug, iyum, ilana, “Bo kumasis, kuyeiwas, ne? Bo deis. Datuts bo ikous. Teitan gamag bo bisilkodeig Gimgilitoun yey; tasiyas takalbalebs bo biyousigs. Kukits, tanounas; tasilkodeig bo isap.”
24883	MRK 14:60	Wankuyeim tanuwgwes lun sitovek avakaein mo itamanaw wanuwein, wamatan Yeisuw, ilana, “Nag aveiyag bukwatimop, ne? Aveiyag silawun asilivan tasiyas?”
24899	MRK 15:4	Vayuwein mo Paylat ikatigan, ilana, “Nag bukwatimop, ne? Liva̱neim babaw illivans.”
24924	MRK 15:29	Tasiyas gog inounas wa̱ked, itawyages, asilivan kalbaleb, ilansa, “Ya̱koum tagulekwein Yowbad nabunatum, ne? Kweitoun yam kid bukuwlulavaw, ne? Kubus waklos kum; kwatinabweim tatoneim.”
24980	LUK 1:18	Iw to Sekaliy idibek anelos, ilana, “Ama̱wan bakakin amlivan towen mounide? Peinan bo atovek, o gunakwav bo ivnavek.”
25005	LUK 1:43	“Aveiyag wawun Yowbad nisiwyoubug mo kumekeig, daGuyaws inan ya̱koum?
25023	LUK 1:61	Iweis tasiyas, ilansa, “Aveiyag wawun? Nag ivag amigamag teitan yagan Yon, bukudokes valeyin.”
25090	LUK 2:48	Taman inan ikines, bo isom ninous; inan mo idibek, ilana, “Natug yak, aveiyag wawun nukuva̱gem ma̱wan? Soug tamam nakanineveim, ikubukub nuwem seikwan.”
25091	LUK 2:49	Iwa̱ge, ilana, “Aveiyag wawun kunineveigs? Tabta kukwakins yey nases tamag wanbunatum?”
25154	LUK 4:22	Asibabaw asilivan idokes Yeisuw ansinap bwein. Ikatiliganes anilivan peinan singay bwein, mo isom ninous, ikatugans; ilansa, “Tabta mtowen Yosep natun, ne? Ama̱wan bikakin sinap towen?”
25165	LUK 4:33	Wasinagog towen gamag teitan, yeiluw kalbaleb nises wa̱won. Aygan avakaein iwak, ilana, “Ya! Aveiyag bukunuwakeig ya̱koum gum-Nasalet Yeisuw? Adok bukuyagageig, ne? Akakina yak, Yowbad Natun yak.”
25168	LUK 4:36	Bo isom ninous tasiyas, illivans sisiyas, ilansa, “Aw-sinap towen? Inakaleiwag tawtoun idibakes tasiyas yeiluw kalbaleb mo ikilaves gamags.”
25197	LUK 5:21	Tasiyas takatimlakeins kaleiwag sisiyas Palisiy bo isunasun ninous, ilansa, “Kal mtowen ilivan makaw, kalbaleb? Anmwa̱net Yowbad kadilok biwid sinap kalbaleb beikous.”
25198	LUK 5:22	Yeisuw ikakin ninous, ikatimop asilivan, ilana, “Aveiyag wawun isunasun ninoumiy? Bweina balivan balana, ‘Bawid amsinap kalbaleb; beikous’? O bweina balivan-vak balana, ‘Kutamanaw kunoun’? Wotet akweiy gagab waseg yey.
25218	LUK 6:3	Iw to Yeisuw, ilana, “Adok bo kuvinis liva̱nen Deibid, ne? Peinan asimoun siney nagamag, isiw in wanuwan Yowbad nabunatum, ikow bled towen nisenas wamatan Yowbad, nikatibomes silma̱nin tanuwgwes lun beikams, o towen Deibid nag kadilok beikam. Tage peinan asimoun, ikam, mo isekes siney ikams.”
25224	LUK 6:9	Yeisuw mo ikatiga̱nes, ilana, “Kadeg? Tab kadilok Sa̱bat waseg bitawotet bwein? o kalbaleb? Bitayamov gamag? o bitayageg gamag?”
25256	LUK 6:41	“Aveiyag wawun kukines musamus nises bwadam matan waseg, tage nag kukin amweilok avakaein matam toneim wanuwan?
25257	LUK 6:42	“Aveiyag wawun kudibek bwadam, kulana, ‘Gwade, bo bakablev musamus wamatam’ tage nag kukin amweilok matam toneim wanuwan? Tayyaweid ya̱koum, wanamug kwablev amweilok matam waseg, mo bukukin bunik musamus bwadam wamatan, bukwablev.
25261	LUK 6:46	“Aveiyag wawun kudibakeigs kulansa, ‘Guntovek, guntovek,’ tage nag kwanawes aygag?
25283	LUK 7:19	Yon iligen, idouw navamul asteiy, ikayabes kid binekes Yeisuw bilansa, “Age ya̱koum Mesay? o nag? bakakaymet tayuwein beim?”
25284	LUK 7:20	Tawaw tasiyas inounas, inekes Yeisuw, ilansa, “Tabibapta̱ysein gamag towen Yon nikayabem nakam, kasekeim anilivan, ilana, ‘Age ya̱koum Mesay? o nag? bakakaymet tayuwein beim?’”
25288	LUK 7:24	Yon inavamul iyums ineis, mo Yeisuw isilamaw liva̱nen Yon, idibakes gamag babaw, ilana, “Aveiyag silma̱nin bo kuneis wanawoud? Bukukines amweilok giligil, yag itow mo iguwen, ne? Adok nag.
25289	LUK 7:25	“Tage aveiyag silma̱nin bo kuneis wanawoud? Bukukines taw teitan anakweim maynamnabwein, ne? Adok nag. Peinan tasiyas asikweim singay maynamnabwein, abes bwanabwein king sibunatum wanuwan.
25290	LUK 7:26	“Tage aveiyag silma̱nin nukuneis wanawoud? Adok bukukines palopit, ne? Magen! Peinan mtowen Yon ilisawes tasiyas palopits.
25295	LUK 7:31	Yeisuw mo ilivan, ilana, “Ama̱wan bakabebay va̱gan bukukwakins gudwouvaws yakamiy amisinap ama̱wan? Adok yakamiy ma̱wana gamagal iwliwals wavtakon ven, idibakes sisiyas, ilansa, ‘Kawaway kup tage nag kusilasals; ikous, mo kalloupid tage nag kuva̱lams.’
25339	LUK 8:25	Yeisuw mo idibakes, ilana, “Aveiyag wawun amipwa̱yat? Adok nag kunmiseigs, ne, va̱gan balabeimiy?” Bo iwenes tasiyas, isom ninous, sisiyas wasigeis illivans, ilansa, “Adok kweitan gamag towen, idibakes yag son kaysay, mo ikanawes aygan!”
25342	LUK 8:28	Mtowen im, ikin Yeisuw, mo iwak, ikalivatow, imasis kantukov wamatan Yeisuw, aygan avakaein waseg iyowal, ilana, “Aveiyag bukunuwakeig yey? O ya̱koum Yeisuw, Yowbad Tatawtoun Natun ya̱koum. Beitay! Awoum bukuyagageig, ne?”
25417	LUK 9:47	Tage Yeisuw ikakin sikanuway, mo itok gwad teitan, isen wadadan, idibakes, ilana, “Kal yak bukutam waseg gwad towen peinan agugwamag, bo kutam waseg yey; o kal yak bukutam waseg yey bo kutam waseg towen nikayabeig nam, mtowen Tamag. Kalisiy tamumug wasigeis yakamiy? Mounid siyas takekels bimgwayeimiy; guyawaw nag.”
25485	LUK 11:11	“Tawaw yakamiy, kukin nitimiyas sivines in, bilivans, mwatet bukusekes beikams, ne? O kukin sivines pouw, bilivans, kadilayuy bukusekes, ne? Adog nag. E, takalbaleb yakamiy, kukwakins aveiyag bwein bukusekes nitimiyas. Yowbad ansinap bwein. Bukunitougs waseg mtowen, singay mo bisekeimiy Kululuwan Bwanabwein.”
25493	LUK 11:19	“Amilivan gog ma̱wan, tage kal ilabes mivamul mo ikayabes yeiluw? Kuninuways asisinap tasiyas mo bukukwakins bo ibol amilivan.
25544	LUK 12:16	Kabebay kweitan idibakes, ilana, “Guyaw teitan inabag ivag kan singay babaw. Bo ika̱lawt seigous. Nanon ilana, ‘Aveiyag bavag? Peinan bo ika̱lawt seigous.’
25570	LUK 12:42	Iw to Yeisuw ilana, “Kal natouwat tamwey bisek nawotet va̱gan bimtakavates inagamag, bisekes kaeis bikamkwams? Adok towen tatoukum o tassinap. Igaw natovek beiyum beim o biban inatoukum inawotet waseg, bilana, ‘Kalin nuwag ya̱koum, kadiloka kumtakavet gunwuliyoug babaw.’
25585	LUK 12:57	“Aveiyag wawun nag bukukwakins sinap didumwal?
25605	LUK 13:18	Mapuna idibakes, ilana, “Yowbad nakaleiwag ama̱wan? Aw-kabebay basekeimiy va̱gan bukuliganes o bukukwakins.
25607	LUK 13:20	Vayuwein ilivan, ilana, “Ama̱wan bakabebay va̱gan bukukwakins Yowbad nakaleiwag? Adok ma̱wana yist, na̱tan vin ikow isen waseg pwalaw avakaein, tamkwa̱lan mo ilol.”
25627	LUK 14:5	Mo idibakes tasiyas, ilana, “Tage yakamiy, kukin a̱leim mwanatan bikalivatow bein wa̱leg Sa̱bat waseg, adok donkiy, o bulumakaw, adok bukuyous ne? Sa̱bat waseg, bukunup, bukusem wanakaew?”
25650	LUK 14:28	“Kal yak bukuwlul bunatum bunaveiyov, adok wanamug bukusin, kunuw maysan, kadilokeim? o nag?
25653	LUK 14:31	“E, kuninuways guyaw teitan siney natakanaviy bikanaviys wasigeis tayuwein guyaw siney natakanaviys; adok wanamug bisin binuway, nanon bilana, ‘Guyaw towen natakanaviys sinawey tawsan, o yey guntakanaviys sinawatan tawsan; adok kadilokeig batagagay wasigeis? o nag?’
25672	LUK 15:15	“Anamoun, inek tamwey teitan, ilana, ‘Tabta muwotet nises, yey bawtel, mamagina mutouwat yey?’ Tamwey towen itam, ilana, ‘Bwein, bwaloud aleig nisesus waven, kumtakavates aleig.’ Inoun, iwwotet ee... bo ivag anamoun, peinan nag kal bisek kan beikam. Singay anamoun, sivinan kid bwaloud kaeis beikam; mo idumwal nanon, ilana, ‘O takabala̱wein yey! Tamag wanven natouwat kaeis babaw, yey gog nag; kakita bakanig agumoun. Adok batamanaw banoun banek tamag balana: Tamag, agusinap kalbaleb, waseg Yowbad, o waseg yak. Adok bukupiyaveig natum yey, ne? Tabta bawtel muwotet, mamagina mutouwat yey?’
25691	LUK 16:2	“Natovek mo idow, im, ikatigan, ilana, ‘Aveiyag silawun liva̱neim tasiyas illivans? Kuyamen gunabuk. Bo bakayabeim, peinan muwotet kalbaleb.’