23268	MAT 3:7	La haro isasa e Ioanes hilo egiteu e pariseo usu, egiteu e sadiusi tai usu, egite guvi vikapopo veia ge lolo la valolo tetala, eia goio veia giteu “Amuto la valalua me hatavivile, la vulovulo mutou kama kokora sesele, amuto veia ge hele taro la igototolola ale tivura pepeho te La Uru ale ge sibitala robo amutou. Amuto veia ge hele taroa mai e taive eia hele taro la hohoi ale tululu, veia amuto ge gomai ge vuhi maroka!
23270	MAT 3:9	Amuto umala ge gabutatala marapa te la gabutatalala tamutou veia e tubu mutou e Abraham, eala La Tahalo Uru eia lege sisigi le amutou! Eau vei seselea mutou, La Tahalo Uru eia koramulia ge vikara soio tegiteu la uatati ale tabuli otalo te la magasale, eia ge visibitala egiteu mai e tutubule Abraham, ale eme veia eme e tubule Abraham, ale la golu bulalahu moli.
23374	MAT 6:23	Eala moli mai la mata gatou eia kama matagaga, eia mai ale igo maligoma la vovo gatou tomi, etato kama koramulia ge maroka. Me mai tai ele, mai la mari taume oilo te la gabutatalala taume eia kama la mari ale sesele, mai la matagaga te la kalulu, ale la matamu mai ale masosori moli, eme pou te la maligoma. Tio me la maligoma taume ele eia ge uru pepeho!
23381	MAT 6:30	Eia sesele, igoie la obu eia sese, mai galigeli la sesela ge talulu, egite ge pigia sotalo te la havi. Me amuto gabutala mave, amuto soioge veia La Tahalo Uru eia kama ge abia mutou la tokoromola me la kairobola ale koramuli la mahulila tamutou, veia la vibaumulila tetala soio tamutou eia kama ge kara polo la vibaumulila tetala soio te la sese la obobu, ia? La vuhula amuto kama la golu bulalahu mai egiteu la sese la obobu ale sese moli bakisi goio talulu lou. Amuto kama tahola la tautaulailo ale uru te la gabutatalala tamutou, ouka gologolo, la tautaulailo tamutou eia bisi agi!
23545	MAT 11:17	‘Amite katu la mabu, amuto kama masaga ge tilia! Amite pipigi la tilali, amuto kama taitali!’
23709	MAT 15:7	Maura miteu la tahalo la visigologolola amutoue! La bilalaha e Aisaia eia rovi tigi sesele amutou ale eia vei pala la merera maie:
23716	MAT 15:14	Egiteu e pariseo korale! Egiteu mata keati! Umala lololo egiteu, egite souka viruru amuto! Mai la mata kea isa ge tata e tabarala la mata kea isa lou soio la gauru, egira tomi ge boru sotalo la lulu!”
23718	MAT 15:16	Goio, e Iesus koli la merera tetala mago “Ia, la mari taume so boto, eia soukama uru te la mari tegiteu e tabarabaramu ele!
23724	MAT 15:22	Goio la tavile Kenan isasa ale mou oio vola eia tuga tavu e Iesus, eia tatola soio tetala maie mago “Tahalo Uru, emei e tubule Devit ele, eme ge gogo eaue! e latugu oio kati kokora, la hitu saeti tetala, igo gegerutiae!”
23730	MAT 15:28	Tio, e Iesus loloa mai ele, eia veiala mago “Tavile kokora, eme la tavile la tautaulailo sesele! Eia ge sibitala moli mai ale eme masagea.” Tio oio moli ovolale la hitu hele taro e latula, eia taritigitio.
23764	MAT 16:23	Eala moli e Iesus goio magiri, eia vulo gele tavu e Pita, eia veiala mago “Emei e Satan! Taritigi eme ge hele taro eau. Eme souka ge igo marapa la gabutatalala taku gageie, la vuhula eme kama gabutatala la masasagala te La Tahalo Uru, ouka viruru, eme gabutatala moli la vulovulo te la maututula.”
23786	MAT 17:17	Tio, e Iesus lolo la vikararala tetalale, eia hate mamasi, eia goio igo totolo egiteu la valalua me hatavivilele mago “Ko, amuto la tuvu ale igoie, amuto ouka pasi, eau silaha pepeho seseleti la pulolou taku omai kabili tamutoue! La leavala iriva lou eau ge pou omai tamutou veia eau ge bukeke la tikumu la vulovulo mutou e? Amuto ge puliagu somai e guliliki ele!”
23904	MAT 21:9	Tio la valalua me hatavivile, isahari mamuga, isahari mulimuli, egite mimimi, kakusa, egite tatola maie: La tahalo la vimahuli tegatou guviti, e tubule Devit uru ele! La Tahalo Uru abitiala la vagagarila tetala, eia bahatia somai veia eia ge vimahuli etatou, La Tahalo Uru ge vibalavea, taritigi pepeho soata tetala!
23959	MAT 22:18	Tio, egite tahia mai ele, eala moli e Iesus rovi palatia la visigolola tegiteu soio tetala, eia goio veia giteu mago “Maura miteu, amutou la tahalo la visigologolola sesele! Ilava amuto veia ge tovo lalai veia ge vitiloau mai ele, ia?
24001	MAT 23:14	“Amutou la tahalo la mari te la merera te Moses, amutou tai e pariseo, e maura miteu, amuto ge vilua, la vuhula amutou la tahalo la visigologolola! Amuto pakalikali la luma me la magasa tegiteu e hatavivile la baharu, amuto goio lotu, amuto visigolo la kilaka ale malau veia amuto ge tau robo lou la iruru tamutou. Tiele mulimuli La Tahalo Uru ge vilai sesele amutou, la iligiligi tamutou ge kara polo la iligiligi tegiteu la valalua me hatavivile bulalahu.]
24002	MAT 23:15	“Amutou la tahalo la mari te la merera te Moses, amutou tai e pariseo, e maura miteu, amuto ge vilua, la vuhula amutou la tahalo la visigologoloa! Amuto polo soio la gale ale malau sesele veia ge puli isahari la valalua soilo te la lotu e Iuda, egite isahari goio tilimuli amutou mai ele, egite muga sesele amutou te la vulovulo ale kama kokora ale amuto vimari legiteu ovola.
24004	MAT 23:17	E maura miteu, amuto paua, amuto mata kea! Mave, amuto soioge veia la luma la lotu eia la golu bulalahu moli, me la vuliti ale egite taua oilo vola veia eia ge suli la lotu tegiteu, ale moli ele tikumu, ia? Ouka gologolo. La luma la lotu moli, eia vitikumu la vuliti ale egite taua oilo vola.
24006	MAT 23:19	Amuto veia mai ele, amuto mata kea sesele! Mave, amuto veia la poro ale egite gugutu la vaabila soio te La Tahalo Uru oio vola, eia la golu bulalahu moli, me la vaabila ale egite taua oata ovola, ale moli ele tikumu, ia?
24012	MAT 23:25	“Amutou la tahalo la mari te la merera te Moses, amutou tai e pariseo, e maura miteu, amuto ge vilua, la vuhula amutou la tahalo la visigologolola! Te la vulovulo mutou, amuto hihi tataho la kulikuli la kap tamutou, la plet, veia eia ge maroka sesele, eala moli la rova amuto taua oilo vola veia amuto ge alia? Amuto igo volu molila la vavua la iruru tamutou, mai la pakalila me la ilisu tavu la golugolu te la tahalo isapolo.
24013	MAT 23:26	Amutou e pariseo, amuto mata kea sesele! Taritigi amuto ge igo maroka muga la ilo la kap oilo, mai la tahalo ale la ilola maroka. Mulimuli la kulikuli la kap ale logala, amutou ge igo marokea, mai la tahalo ale tilimuli sesele la imoimo la viputumulila tomi.
24014	MAT 23:27	“Amutou la tahalo la mari te la merera te Moses, amutou tai e pariseo, e maura miteu, amuto ge vilua, la vuhula amutou la tahalo la visigologolola! Amutou mai sesele la liba ale egiteu e hatavivile sapa bibibia, eia maroka. Eala moli la rova sesele tabuli oilo vola? Eia volu la tatuha giteu ale pehoti, la papaga ale mavulu.
24016	MAT 23:29	“Amutou la tahalo la mari te la merera te Moses, amutou tai e pariseo, e maura miteu, amuto ge vilua, la vuhula amutou la tahalo la visigologolola! Amuto igo la simen te la liba giteu la bilalaha te La Tahalo Uru ale pala, veia ge vitokoromo tataho tai la liba giteu la valalua la marokala te La Tahalo Uru.
24118	MAT 25:41	“Eala moli La Uru ge vikara soio tegiteu ale pou oio te la limala e meru, eia ge veia giteu maie ‘Amutou la valalua me hatavivile ale kama kokora, La Tahalo Uru ge vilai sesele amutou! Amuto ge hele taroau gageie, amuto ge gotalo te la havi ale uru, la kaluvula ge ouka, ale La Tahalo Uru raragitia veia ge vilai e Satan vikapopo me egiteu la angelo tetala oio vola.
24169	MAT 26:46	Hiliti, etato ge tuga! Hiloa, la tahalo ale ge veipaleau gageie eia loio sibitalati ele!”
24308	MRK 1:24	“Eme e Iesus la tau Nasaret ele! Eme gomaiti veia eme ge igo la rova tamiteu, e? Eme gomai veia ge igo gegeru amiteu, ia? Eau rovitime, eme la riau ale loata te La Tahalo Uru!”
24309	MRK 1:25	Tio, e Iesus goio mera taro la hitu alele, eia veiala mago “Eme ge makovu! Eme ge hele taro la tahalo ale!”
24311	MRK 1:27	La valalua me hatavivile tomi karutu sesele la pagale, egite marapa sesele. Egite vitahi baololi moliti egiteu mago “Ale la rova e? Ale la vimari isa halaba? La tahalole, eia vagari pasi! Eia koramulia ge kumuli taro la hituhitu, egite ge roromuli molia!”
24353	MRK 2:24	Goio, egiteu e pariseo isahari goio veiale Iesus mago “Ae, eme hilo la valalua taume! Igo mave egite ababi la ilali te la haro tabu?”
24431	MRK 4:39	Tio, e Iesus hiliti, eia mera taro la lolovi me la mago, eia gusiala mago “Eme umalati! Eme ge tabou, eme ge malilo!” Tio la lolovi goio tabou me la mago tai goio malilo.
24632	MRK 9:25	Goio, e Iesus hilo egiteu la valalua me hatavivile mapaiti, egite hari tavua veia ge hiloa, eia goio igo totolo la hitu ele, eia veiala mago “Ae, eme la hitu la igo pauala, eme ge hele taro e guliliki ele! Eme umalati popou lou oio tetala!”
24704	MRK 10:47	Eala moli e Batimeas loloa veia e Iesus la tau Nasaret eia loio, eia goio tolea, mago “Iesus, eme tubule Devit ele! Eme ge gogoau!”
24706	MRK 10:49	Tio, e Iesus goio magiri, eia veia giteu mago “Amuto tolea somai la tahalole.” Tio egite tola la mata keale mago “Eme balavati! Hiliti, e Iesus tolatime!”
24718	MRK 11:9	Goio, la valalua me hatavivile isahari mamuga, isahari mulimuli, egite kakusa, mimimi, egite tatola maie: Taritigi pepeho! La tahalo ale, eia guvi te la igogolu te La Tahalo Uru. La Uru ge vibalavea!
24719	MRK 11:10	Eia ge la uru gatou mai e tubu gatou e Devit pala. Taritigi pepeho soata te La Tahalo Uru!
24771	MRK 12:29	E Iesus koli la tilahi tetala mago “La merera ale muga sesele eia maie ‘Amutou la valalua me hatavivile e Israel, amuto ge loloa somai! La Tahalo Uru, La Uru gatou, eia sekela moli uru.
24787	MRK 13:1	Goio, e Iesus mite me la valalua la vimari tetala, egite tuga taro la luma la lotu, la tahalo la vimari tetala isasa, eia goio veiala mago “Tahalo La Vimari, hilage, eme hilo la lumaluma ururu ale egite tigila la uatati ale marasa! Egiteu taritigi pasi!”
24913	MRK 15:18	Egite vaisale gologolo molia mago “Taritigi sesele! Eme la uru giteu e Iuda!”
24926	MRK 15:31	Goio, egite la mulugaluga tegiteu e pris vikapopo legiteu la tahalo la mari, egite lege vahia, egite vitahi baololi legiteu mago “Eia suli egiteu ale isapolo, eala moli eia kama koramulia ge suli rivu lou eia!
24930	MRK 15:35	Tio egiteu isahari ale oio magirigiri, egite goio vei mago “Hiloa ge! Eia tatola e Lias!”
24948	MRK 16:6	Eala moli la tahalole veia giteu mago “Amuto umala ge karutu. Eau rovia, amuto paa mulimuli e Iesus la tau Nasaret, ale egite katu tolea oata te la tauvalautu. Eia mahuli rivuti lou! Eia oukati omai. Hiloa, ale la mulila moli ale egite vitabulia ovola.
25102	LUK 3:8	Amuto veia ge kai taro la iruru, ge vulo halaba, ia? Ioge, taritigi amuto ge tau la vavua mutou ge koramuli la tahalo ale vulo halabati. Umala amuto ge gabua te la tia mutou maie veia ‘Amiteu e tutubule Abraham’, la vuhula eau vei seselea mutou, ale eme e tubule Abraham, eia kama ge sulime, La Tahalo Uru eia koramulia ge visibitala e tutubule Abraham isahari tegiteu la uatati aleie, otalo te la magasale!
25167	LUK 4:35	Eala moli e Iesus goio gusiala, eia mera taroa mago “Eme makovu! Eme ge hele taro la tahalo ale.” Tio la hitu goio pigi la tahalo ale sotalo la magasa kabili te la mata giteu tomi ele. Eia goio hele taro molia, eia kama igo gegerua.
25257	LUK 6:42	Ilava eme ge veiale tabaramu mai ele mago ‘Tabaragu, eme gomai, eau ge rauvei taro la moromoro oio te la matamu ele.’ Eme ge veiale tabaramu mai ele, me mave eme kama gabutatala la bautu la obu uru oio tabuli robo la matamu ele? Eme la tahalo la visigolola sesele! Eme ge abi taro pala muga la obu ale uru eia tabuli robo la matamu ele, mai la iruru ale mapaiti eme igigoa, tio eme ge matagaga pala muga mai ele, eia koramulia veia eme ge rauvei taro la moromoro ale bakisi eia tabuli te la matale tabaramu ele.
25445	LUK 10:13	“Maura miteu la mautu ilua e Korasin, e Betsaida! Mai eau ge igoti la golu la karutula te la mautu ilua e Saidon me Taia mai ale eau igo palatia kabili tamutoue, la valalua te la mautu ale kama kokora iluale, egite soioge ge vuvulo seseleti.
25513	LUK 11:39	eala moli La Uru veiala mago “Amuto pariseo, la vulovulo mutou mai moli ele! Amuto vuhi la poke la kap me la plet ale logala, eala moli oilo la ilola amuto kama vuhi vei tigia. Mai tai amutou ele, amuto litu la lima mutou, eala moli oilo te la tia mutou eia volu me la vulovulo ale kama kokora!
25514	LUK 11:40	Maura miteu! La Tahalo Uru vipou la vovomu ale logala, me la tiamu oilo tai eia vipoua, eia rovi tomi la vulovulo mutou.
25516	LUK 11:42	“Maura miteu pariseo! Amuto tabari tataho la ilali bisi kokokori mai la lobo, la onion, veia ge mai la galela ge savulu sasa amuto ge abi taro isasasa oio vola ge abia La Uru, eala moli la vulovulo mutou soio tegiteu e tabarabara mutou kama matatata, me amuto kama gabu tikumu tai La Uru. Mai amuto ge puhi tigi La Uru me egiteu e tabarabara mutou, tio amuto ge lagu tavu la imoimo la vulovulo mutou tai ele.
25517	LUK 11:43	“Maura miteu pariseo! Amuto goilo lotu, amuto masagea veia ge pou mamuga te la mata giteu la valalua. Amuto tatuga tai te la tia la mautu veia la valalua ge gabu tikumu amutou, ge laharoa mutou.
25520	LUK 11:46	Eala moli e Iesus goio koliala mago “Meie, maura miteu, amutou tai la tahalo la mari ele! Oio te la merera papaila ale usu tamutou ele, amuto mai ale vauru la tabule ale tikumu soio te la beho giteu la valalua veia egite ge bolea. Eala moli amuto kama masagea veia ge suli legiteu la mari tamutou ele, veia ge bole la tikumu la tabule ale amuto abitia giteu ele.
25521	LUK 11:47	“Maura miteu, amutou ale igo la simen te la liba giteu la bilalaha te La Uru ale pala, eala moli ere bili egiteu? Egiteu moli e tutubu mutou lou ele!
25522	LUK 11:48	Eala, oio te la gabutatalala tamutou, amuto soioge veia la vulovulo giteu e tutubu mutou eia taritigi, la vuhula egite pala bili egiteu la bilalaha, me igoie amuto simen la liba giteu ele!
25526	LUK 11:52	“Maura miteu la tahalo la mari! Amuto abi taroti legiteu la valalua la ki te la mari te La Uru. Amuto kama kope rivu lou amutou soilo, amuto mai ale magiri robo lou egiteu e tabarabara mutou tai ale masagea veia ge goilo ge rovi la pulolou la matagagala te La Uru.”
25548	LUK 12:20	“Eala moli La Tahalo Uru, eia sibitala tavua, eia veiala mago ‘Maura emei! Galogo moli, eau ge abi taro leme la kalulumu, eme ge peho. Tio, tere ge la golugolu taume ele, ale eme raragitia veia eme ge pou la balavala oio ovola?’”
25556	LUK 12:28	Mai La Uru ge visibitala tataho la vitokoromola soio tegiteu la obobu te la hohoi, mai la sese la obobu ale kama tabuli tabaa eia paru lou, egite parara, tio eia ge vauru tai la vitokoromola soio tamutou. Amutou ele, amuto kama gabu tikumu tigi La Uru!
25602	LUK 13:15	Eala moli La Uru goio koliala mago “Maura miteu, amuto la tahalo la visigologolola! Mave, amuto kama ge lube taro la mota loio te la loho la kau me donki tamutou te la haro tabu, veia amuto ge tata egiteu soio te la lalu veia egite ge liu?
25621	LUK 13:34	“Maura, Ierusalem, eme bilibili egiteu la bilalaha te La Uru, eme dudumu legiteu la uatati. Eau vaka usu gabutatalea veia ge tola tavu egiteu e latatumu veia eau ge sigirobo egiteu mai e kukureko eia rara robo legiteu e latatula la palapalala. Eala moli amutou la valalua me hatavivile e Ierusalem kama masaga!
25706	LUK 16:17	Eala moli la merera te Moses soloio! La magasa me la mori ge magiri, la merera te Moses tai ge magiri, kama ge kaluvu. La mata la buk isa bisi tai oio vola, eia kama ge kokovu.
25839	LUK 19:39	Eala moli egiteu e pariseo isahari ale magiri kabili tegiteu, egite veiale Iesus mago “Tahalo La Vimari! Eme ge mera taro egiteu la valalua la vimari taume ele, egite umala ge vigagia mai ele.”
25952	LUK 22:19	Goio, eia abi la bret, eia goio vaisale pala muga La Uru oio vola, eia goio tovia giteu, eia veia giteu mago “Ale la mailigu! [Eau ge sugu taro la mahulila taku soio tamutou. Amuto ge alia, amuto ge gabutatala mulimuliau oio vola.”
25966	LUK 22:33	Tio, e Pita loloa mai ele, eia goio veiala mago “Tahalo Uru, eau raragiti veia mai egite ge vagoilome te la luma la kilisi, eiau ge etalua tomi! Eau ge peho vikapopo leme!”
25979	LUK 22:46	Eia goio palo egiteu, eia goio tahi egiteu mago “Amuto mavuta ilava? Amuto hiliti! Amuto ge kaka vagari veia amuto ge vulo taro la tovolalaila ale ge sibitala tavu amutou gageie!”
26022	LUK 23:18	Goio, la valalua tomi tola soio mago “Ge bili taroa! Eme ge lubea miteu somai e Barabas ele!”
26498	JHN 8:48	Goio, egiteu e Iuda koli la vikararala tetala mago “A ge, amite veia eme la mumugu la tau Sameria moli ge! La hitu ale kama kokora isa oio pou taumele. Eala la vikararala tamiteu palati taumele eia sesele moli, eme la tahalo la pauala moli.”
26539	JHN 9:30	Goma, la tahalole koli loua giteu mago “La paga ale eia isapolo sesele! Amuto kama rovia veia eia sibitala love, eala moli eia igo mata pulalati la matague.
26543	JHN 9:34	Tio, egite lolo la vikararala tetala mai ele, la hate giteu mamasi seseleala, egite goio koli louala mago “A ge, e tilamu savume te la gauru, me eme tai la tahalo la iruru sesele! Ale eme masagea ge vimari amiteue, ia?” Goma egite gusi kaluvu moliala mai ele, egite goio kumuli tarotiao.
26662	JHN 12:13	Tiele egite goio abi la veveve la liliu, me egite goio polo lahea soio te la gauruo. Goio egite tatola mago “Hosana! Etato ge vaisale la isa la tahalo ale visibitala la merera te La Uru! La Tahalo Uru ge balava sesele la mulugaluga tegatou e Israel!”
26894	JHN 18:40	Eala moli egite lolo la vikararala te Pailat mai ele, egite goio tola vagari rivu lou soio tetala mago “Alele ouka! Eme ge lube e Barabas!” Me etato rovia veia e Barabas eia la tahalo isasa eia pala vahiliti la vaubila soio te gavman.
26964	JHN 20:28	Goma, e Tomas koli molitiale Iesus ele mago “Eme La Uru taku! Eme La Tahalo Uru taku sesele!”
26999	ACT 1:7	Eala moli e Iesus loloa mai ele, eia goio veia giteu mago “Ouka, kama mai ele. Eia kama la paga tamutou veia amuto ge rovi la leavala ka la haro ale e Tete ge veipala la masasagala tetala! Ale la tilau tetala moli. Eia sekela moli rovia, isa lou ouka.
27236	ACT 7:51	Tio, e Stiven toi kaluvu la merera te La Buk Tabu Ale Pala mai ele, eia goio gere vulo lou egite ururu ele la merera ale tivura sesele, mago “Amuto tomi ele la tahalo la vareagila! Amuto kama lolo vulai tavu bakisi la merera te La Tahalo Uru, amuto so popou te la maligoma! Mai moli e tutubu mutou lou, amuto tou paipasi la visuli te La Kalulu La Marokala.
27290	ACT 9:5	Goio, e Sol karutu sesele, eia veia mago “Tahalo Uru, eme erei ele?” Tio e Iesus goio baoli molitiala soio mago “Eau moli e Iesus, ale eme viligiligi eaue!
27306	ACT 9:21	Goio, la valalua tomi lolo la valolo tetala mai ele, egite karutu pepeho, egite vitahi baoli egiteu mago “Ko, ale la tahalo moli ale gagima egiteu ale lotu tavu e Iesus oio e Ierusalem! Mave, eia gomai veia eia ge lapu la valalua la lotu te Iesus soio tegiteu la mulugaluga tegite pris, ka ouka ge!”
27342	ACT 10:14	Eala moli e Pita goio veiala mago “Tahalo Uru, ge ouka! Eau kama ge ali la kalia ale eme veitia mite Iuda veia la lelea miteu.”
27347	ACT 10:19	Tio La Kalulu La Marokala goio veiala mago “Egite taho tolu guviti, tahi mulimulime!
27349	ACT 10:21	Tio e Pita goio gali sogala tegiteu, eia veia giteu mago “Eau moli e Pita ale amuto paa mulimuliau! Amuto masaga lava?”
27359	ACT 10:31	La tahalo alele, eia goio veiagu mago ‘Konilias, la kilaka taume, la igogolu taume tomi te la gilogo, La Tahalo Uru hilotia, eia rovitime!
27589	ACT 16:37	Eala moli e Pol goio veia giteu mago “Amilua la iruru ouka, eala moli egite lubi vulo bulalahu moli amilua. Ale la iruru tegiteu, la vuhula amilua la tau Rom. Egite vagoilo bulalahu moli amilua te la luma la kilisi, ale igoie egite veia ge baha taro kokovu moli amilua sogala! Ko, ge ouka viruru! Egite sesele ge gomai, ge puli amilua sogala.”
27679	ACT 19:25	Tio goio la mulugaluga tegite te la igogolu alele, la isala e Dimitrias, eia goio tola vikapopoa egiteu la valalua la igogolu tetala, me egiteu tai isahari ale igogolu mai ele, egite goio tetala, eia goio vikara soio tegiteu mago “Etato tomi rovitia, etato bole moli la mapa uru te la igogolu moli aleie, la igogolu isasa oukati lou veia etato ge abi la mapa ovola!
27760	ACT 21:28	egite tola tavu la valalua mago “Muto la valalua e Israel, maurala ge, la tahalo ale tuga lalahu te la maututula veveia la valalua veia egite ge vile etatou e Iuda, ge gima la merera te Moses, ge vile tai la luma la lotu, la tahalola eiala ge! Hiloa, egite ale kama e Iuda eia puliti egiteu soilo te la luma la lotue, la luma la maroka tegatou eia mumuguti go!
27805	ACT 23:3	Tio e Pol goio veiala mago “La Tahalo Uru ge kue tai emei! Maura emei, eme mata mai ale marokale, egite soioge peli robo tomi la mumugu la vulovulomu ele, ia? Eme magiri te la vigagiala veia ge tovo lalai la vulovulogu veia eau poloti la merera te Moses ka ouka, eala moli ale eme veia giteu veia egite ge sabala la galegue, ale eme poloti la merera ale tikumu te Moses lou ele!”
27811	ACT 23:9	Goio, egite tola kahare lou soata, goio egiteu la tahalo la mari isahari oilo tegiteu e Pariseo, egite goio hiliti, egite giriri mago “Amite kama sivuti isa la iruru oio te la tahalo alele! Soioge eia sesele veia e angelo isasa ka ere eia vikarati soio tetala oio la gauru ale goio e Damaskas ele!”
27984	ACT 28:17	La logo itolu poloti, e Pol goio tola vikapopo egiteu la mulugaluga tegite Iuda oio la mautu e Rom ele. Egite tomi guvi, e Pol goio veia giteu mago “Tabarabaragu, eau kama igo isa la iruru soio te tabaragu isa, eau kama polo tai isasa la merera tegite ururu tegatou e Iuda. Eala moli egite Iuda oio e Ierusalem lao toleau, sugu taroau soio tegiteu e Rom!
28033	ROM 2:3	Ouka, La Tahalo Uru ge vilai amutou, la vuhula amuto tomu sasae la vulovulo giteu e tabarabara mutou ale lobali, eala moli amuto tai, amuto pou tavu la iruru tomi tai ale egiteu igigoa!
28151	ROM 6:15	Tio, ale igoie la merera te La Uru eia kati tomu sasae la vulovulo gatou, etato ge vei mave lou, etato ge veia ge pou tavu la iruru lou? Umala!
28174	ROM 7:15	Me eau, e Pol, eau mai ale kama rovi tigi la vuhu la vulovulogu sesele ale kama kokora, ale eau igigoa! La vulovulo ale taritigi eau masagea veia ge igoa, eau kama igoa. Me la vulovulo ale kama kokora, eau veia eau umala ge igoa, eau goio igo molia!
28183	ROM 7:24	E maura eau! Ere ge vimahuliau taro la masasagala te la vovo ale lapuau soio te la pileho?
28219	ROM 8:35	Eala, eia matagagati veia isa kama koramulia ge vipou baa etatou taro la gilogo te La Tahalo Uru. La vagagari giteu la paga aleie ouka: La iloburukola, la savelela, la viligiligila, la vitolo, la viluala, la pileho tai. La vagagari giteu oiove? Egiteu tomi alele la golu bulalahu! Egite kama koramulia ge vipou baa etatou me La Tahalo Uru.
28352	ROM 14:4	Egiteu e tabarabara mutou ele, ale amuto veia egite ali ruru, egite la bilalaha te La Tahalo Uru. Ilava amuto goio tomu sasae lou la vulovulo giteu? Egite kama la bilalaha tamutou! La Tahalo Uru moli, eia ge rovia maie veia egite igogolu tigi ka ouka. Eala moli egite taritigi moli te La Uru, la vuhula La Uru suli egiteu, egite kama boru.
28502	1CO 4:1	La Uru moli sekela ge mata muli la igogolu tamilua me Apolos, amutou e Korin ge ouka! Taritigi amuto ge gabutatala amilua veia amila la bilalaha moli te Kraist, amila veipala la merera tetala ale pala tabuli kokovu, amila veipalea soio tamutou, igoie amuto matagagati.
28510	1CO 4:9	Mai amiteu la bilalaha ge uru mai amutou! La Tahalo Uru eia soioge sugu taroti amiteu sotigu kililili mai la tahalo la kilisi ale egite ge lapua soio te la pileho. Egiteu la valalua ale vagari robo amiteu, egite mai ale mamuga, egite lapulapu amiteu la bilalaha mai la maroa, la valalua tomi me egiteu la angelo tai, egite malelei amiteu te la mahelala tamiteu ele.
28511	1CO 4:10	La valalua ubi le amiteu la bilalaha te Kraist la merera veia amite kama gabutatala vauru isa la paga lou, e Kraist moli, eala amite mata mai la paua. Eala moli amutou, amuto mata mai la tahalo la mari sesele te Kraist! Amite maveve, amuto vagari! La valalua togo amutou, eala moli egite vile amite.
28524	1CO 5:2	La iruru oio magiriti, eala moli amuto veia ge vei tataho rivu lou amutou veia amuto taritigi, ia? Mai la tia mutou ge volu moli la iloburukola me la tilali! Mai amuto ge pitaro gale la tahalo ale igoti la iruru alele, eia kati ge pou vikapopo le amutou te la lotu te Kraist.
28690	1CO 11:22	Mai amuto ge ali oio te la luma tamutou isasasa! Amuto soioge vile la valalua la lotu te La Tahalo Uru, veia ge igo mahela egiteu e tabara mutou te Kraist ale pou la savelela, ale egite ge hilo la ilali uru amuto alia te la lotu. Me oio vola, eau ge veia mutou mave? Eau kama ge vei tataho amutou, ouka gologolo!
28721	1CO 12:19	Mai la igogolu tegiteu ge isa moli, la vovo gatou eia kamati mata mai la tahalo!
28762	1CO 14:16	Mai eme ge vaisale La Tahalo Uru te la kalulumu moli, mai te la merera ale isapolo, mai egite isahari ale kama rovi la masovala ge oio, egite ge vaisale tai La Uru vikapopo leme mave? Ge ouka ge! La vuhula egite kama rovi la masova la merera taume.
28843	1CO 15:57	Eala moli e Iesus Kraist, La Uru gatou, eia peho robo etatou, eia bolehoho la vagagari la iruru ale kisi tola etatou. Taritigi pepeho soata te La Tahalo Uru!
28866	1CO 16:22	Mai isa kama ge rovi sesele La Uru veia ge pou la tilogo me la gilogo soio tetala, eia ge vilua! La Uru e Iesus, taritigi eme ge gomai hari!
28906	2CO 2:14	Taritigi pepeho soata te La Tahalo Uru! Eia suli bibibi amiteu la bilalaha tetala, amite bolehoho la gima te la vagagarile Kraist moli. Oio te la merera tamiteu la isale Kraist eia sulubula soio te la maututula tomi, mai la malia la malalia, eia mali vivili tataho.
28910	2CO 3:1	Mave, amuto isahari soioge gabutatalea veia eau vauru lou eau te la merera taku, ia? Mave, eau soioge ge guvi vikapopo la merera ale egiteu la mulugaluga isahari te la lotu ge kekesitia veia ge vei tatahoau soio tamutou ovola, ia? Amutou e Korin soioge veia ge suliau te la kekesi la vei tatahola tamutou lou, ale eau ge hiliti taro amutou te la igogolu la valolo, ia? Ouka viruru!
28918	2CO 3:9	La merera te La Tahalo Uru ale pala, etato boru ovola, eia lapu etatou soio te la pileho, la merera alele eia la matagaga, eala moli la merera te Kraist ale vimaroka etatou, eia la matagaga ale uru sesele!