3	GEN 1:3	Tenang Kumponinge karoma aaꞌpuuꞌ, “Araka, tavoꞌdaravai,” eeꞌnoko tenang araka oroꞌparuꞌ.
9	GEN 1:9	Teketa napoꞌ Kumponinge aaꞌpuuꞌ, “Aiaꞌ, ntong paning-koo boong otoing naroꞌ poontarako koverenooꞌ oroꞌparavai,” eeꞌnoko teeꞌ masikaꞌ nkoaruꞌ.
14	GEN 1:14	Teketa napoꞌ Kumponinge aaꞌpuuꞌ, “Aiaꞌ, arakananka tavoꞌdariai meerooꞌnavaro-koo meuꞌke teke paning-koo doong eeꞌnoko muung simpeꞌaareaing, eeꞌnoko teke aing aaꞌning taaꞌniꞌantavaari otoromaatoai: doonanka, kaarananka eeꞌnoko mareꞌnanka.
26	GEN 1:26	Teketa napoꞌ Kumponinge aaꞌpuuꞌ, “Aiaꞌ, naning-namuuꞌ nantoong niiꞌ pinaꞌ oroꞌnuka nkoarampiai, niikaang oroꞌoroꞌnooꞌ siompuioꞌ, eeꞌnoko teinge ookara kapooꞌnanka tanatavaariai, aaꞌning: taviꞌ pirung-koonanka, barenanka auviꞌau-kooning, kauꞌkarenaumo datauraaꞌnanka, eeꞌnoko poraꞌkoonanka, eeꞌnoko napoꞌ teing ookara kapooꞌnanka kansiꞌkoo daue nanaamaing.”
29	GEN 1:29	Eeꞌnoko Kumponinge aaꞌpuretuꞌ, “Oovereko, ninge tee deeꞌ arompesing ookara kapooꞌnanka sinampumaing ookara-koo kansiꞌkoo daue otorinanka; deeꞌ deekaang taamang, ookara baaꞌnanka, koiꞌnanka, keenavaang eeꞌnoko poraꞌkooning naroꞌka.
60	GEN 3:4	Nka teie boruꞌke aaꞌpuuꞌ teni manikuma, “A, deeꞌ bakei doorearooꞌnaang.
95	GEN 4:15	Teka Kumponinge aaꞌpuuꞌ tee, “A, teeꞌ deeaꞌ. Niiꞌnung naninge daꞌ taruma dupisiꞌduaing deekoꞌ, tee naning tee ninge aaꞌnaꞌ dau basinooꞌ kiimata avompaing.” Eeꞌnoko Ovoringe Keiniꞌkoo taaꞌniꞌanta sipuuꞌ naninge tokoa oovura tavuꞌneeng-koo tee.
23233	MAT 1:20	Teka teeꞌ noruꞌarara otoko koosinung˜ narung Ovoring bakaang noone-koo tee-ankoi oroꞌparuꞌ eeꞌnoko aaꞌpuuꞌ, “Josepaꞌ, Deevitaꞌ bauring, aroreaukaꞌ Meeriꞌ boku-koo daꞌaang deemparaaꞌnaang, aiꞌ tee tootoꞌ teni-koo poontoaring˜ tee Tanuaang Meekung-etaing.
23243	MAT 2:5	Teinge makuꞌaama aaꞌpauꞌ, “Beeteleemaꞌke, Judiaꞌkoonooꞌke, aiꞌ aung kara nakaronarai daarivuuꞌnung Daari Meekung-koo, aaꞌpuma,
23282	MAT 4:4	Eeꞌnoko Jiisuuꞌke makuꞌuma aaꞌpuuꞌ, “A, tee Daari Meekung-koo eeꞌ daariari otong, ‘Naning taamang narunge domampari otoaung, teka ookara kara Kumponing-etaning siompui domampari otomaung.’”
23285	MAT 4:7	Teka Jiisuuꞌke makuꞌuma aaꞌpuuꞌ tee, “A, Daari Meekung-koo napoꞌ eeꞌ daariari otong, ‘Diiꞌke tee Ovoring diikaang Kumponing parapaara-koo siperiaukaꞌ.’”
23416	MAT 8:2	Eeꞌnoko narung oramuuꞌpoꞌnung pora Jiisuuꞌkoo uroꞌkanooꞌ kinkinui eentavarama aaꞌpuuꞌ, “Ovoring, daꞌ piarora deekoꞌ dake ning aung oramuuꞌ kuimepeuꞌnung.”
23420	MAT 8:6	“Ovoring, nkaang bautara osie bempari otong siipai sisikeera ninka doota-antavuioꞌ.”
23422	MAT 8:8	Eeꞌnoko teie piatooronuka daakuꞌ tarenarai makuꞌuma aaꞌpuuꞌ, “Ovoring, ning tee makosi deeaꞌ daꞌ nkanooꞌ pava-koo kuung poꞌkoo;
23435	MAT 8:21	Teketa napoꞌ teing siompaakoꞌning-koong narung pora aaꞌpuuꞌ, “Ovoring, ioꞌ tauraꞌmeko mmaꞌ dakoꞌampainooꞌ basinooꞌ mmaꞌ ninka oꞌnoreaing, eeꞌnoko mmaꞌ dakoꞌamiraiꞌnange daꞌ siontampai.”
23439	MAT 8:25	Teketa teinge bakaning barevare-nupoonge berora tanteaama aaꞌpauꞌ Jiisuuꞌ, “Ovoring, pakumeriai, niiꞌ enang keꞌnuruꞌmariiꞌnaang!”
23475	MAT 9:27	Eeꞌnoko teketa nanuko Jiisuuꞌ kenaankai naninkai kaputuꞌkai bokurema siompuretuꞌ aaꞌpurema, “Pankaing, Deevitaꞌ bakanaving-koong, Piaamereaing neeꞌ!”
23476	MAT 9:28	Eeꞌnoko teketa niiꞌnava-koo tumparako tenaanka kaputuꞌka tee-anko poretuꞌ, eeꞌnoko Jiisuuꞌke niaꞌurema aaꞌpuretuꞌ tenaanka, “Deeꞌke ee ning makosi masikaꞌantameresi otong ninge piaroresinaꞌ nkorampeeꞌnaang?” Makuꞌurema aaꞌpuretuꞌ, “Eeꞌ, Ovoring.”
23560	MAT 12:2	Teka teinge Boto Keperuuꞌnavitue˜ teeꞌ ooaarira aaꞌpauꞌ tee Jiisuuꞌ, “Ooveko, dakaning barevare-nupoong mintoomparimaang boto totoꞌpaitaaꞌ Doong Uaanaꞌmung-koong.”
23568	MAT 12:10	Eeꞌnoko teinge Boto Keperuuꞌnavitue turang-koong taung besiꞌaama niaꞌaama aaꞌpauꞌ tee, “Arekeeꞌ, Doong Uaanaꞌmung ee taare-anta nko-koo tauraꞌpari otong?”
23694	MAT 14:28	Teketa Piitai aaꞌpuuꞌ, “Ovoring, daꞌ masikung deekoꞌ bokumeko ning ntong-koo daue nanama daꞌanko meai.”
23696	MAT 14:30	Teka tenang teie doving oovura tee avorouꞌ, eeꞌnoko minki tutumparuꞌ, eeꞌnoko minki tutumparama bokuma aaꞌpuuꞌ, “Ovoring, mooꞌmeai!”
23707	MAT 15:5	Teka diiꞌke aaꞌperimaung, ‘Naninge baumararing kapooꞌkoo apukaꞌpareko, beuringe tering paku-koo kupiꞌora deekoꞌ aaꞌpupeuꞌ, “A, nkaning kapooꞌ arompepeuꞌning teing temuꞌ Kumponing bareantuꞌning.” Eeꞌnoko teeꞌpureta orokoari otoaing teing kapooꞌ baumararing avuꞌkoo.’
23724	MAT 15:22	Teka temeng-koo naning Keenang-naving-koonani Jiisuuꞌanko pora bokuma aaꞌpuuꞌ, “Ovoring, Deevitaꞌ bakanaving-koong, piaameai ning! Nnorang teni maꞌnaang aaꞌnaꞌ masikaꞌ kurumaaꞌaramanani!”
23729	MAT 15:27	Tenie aaꞌpuuꞌ, “Eeꞌ, Ovoring, masikaꞌ, nka tee mosiꞌnankai napoꞌ mukunanka naiaamaung ovoring baurukaaꞌ taamanaamanooꞌketa duaꞌarimaing.”
23794	MAT 17:25	Piitai makuꞌuma aaꞌpuuꞌ, “A, tee aaꞌ duaꞌumaung.” Teketa tenang Piita pava-koo pora mmeꞌ nauvuaruko teie Jiisuuꞌke tutung minkuvuma aaꞌpuuꞌ, “Saimoniꞌ ee, arekeeꞌ noruꞌemaang, ookara dauraronukai kansiꞌkooninge baata-koo taakisi barampaamaung, biurukaaꞌkoo aiꞌ oovuning-koo?”
23817	MAT 18:21	Teketa Piitai pora Jiisuuꞌ niaꞌuma aaꞌpuuꞌ, “Ovoring, ninge naning mmarang-koong arekeeꞌning bateie tontaꞌantavampeuꞌ ning orakaꞌ nkomuko deekoꞌ? Aiꞌ ˜kemuꞌka-taae?”
23841	MAT 19:10	Teketa bakaning barevare-nupoonge aaꞌpauꞌ tee, “Ei, bakei naning baꞌaang ninka teeꞌ nariꞌ daiꞌaresi otoremaatoaing deekoꞌ nantoong nampeesiariaꞌ otoaing-koo tampaꞌ.”
23883	MAT 20:22	Teketa Jiisuuꞌke temainta aaꞌpuretuꞌ, “Deeꞌke noruꞌereaꞌ tee kapooꞌ eentameremaatomaung. Deeꞌke ee teruꞌ ntonaruꞌ orakaꞌ deeꞌnaruꞌ ning naikampainaruꞌ naikirepeuꞌ? Eeꞌnoko tee sisikeera ning meekaꞌantamaravainge ee meekaꞌantararepeuꞌ?” Eeꞌnoko temaintai makuꞌurema aaꞌpuretuꞌ, “Eeꞌ, neeꞌ makosira.”
23884	MAT 20:23	Teketa Jiisuuꞌke aaꞌpuretuꞌ, “Eeꞌ, masikaꞌ deeꞌke naiereaing teruꞌ nkanareng-eta, eeꞌnoko teeꞌ sisikeerai meekaꞌantarareainge ning meekaꞌantamaravainaꞌ, teka tee baꞌnavaꞌnaniꞌ ning-koo tampavine-koo niiꞌnooꞌ mareꞌaanavine-koo ning-koo ninge miruꞌkoo makosi deeaꞌ. Teie Mmaꞌke bampuuꞌnaꞌ baꞌnantareaing.”
23891	MAT 20:30	Kenaanka naninka kaputuꞌka taung miiringe baꞌnanuresi otorekoꞌ, eeꞌnoko tenang tee Jiisuuꞌ teketa tankinuko taaravureta tenaanka bokurema aaꞌpuretuꞌ, “Ovoring, Deevitaꞌ bakanaving-koong, piaamereai neeꞌ.”
23892	MAT 20:31	Teka nantoong karingai akaꞌpaarema dooroompareeꞌnaang botoaaretuꞌ. Teka tenaanka baruꞌ aaꞌnaꞌ bokuretuꞌ aaꞌpurema, “Ovoring, Deevitaꞌ bakanaving-koong, piaamereai neeꞌ.”
23922	MAT 21:27	Teketa Jiisuuꞌ makuꞌaama aaꞌpauꞌ, “Niiꞌke aaꞌ noruꞌampiaꞌ.” Teketa Jiisuuꞌke aaꞌpuruꞌ teing, “Eeꞌ, ninge teeꞌke diiꞌ naurampiarooꞌnaang baa tee ning tauraꞌ amuuꞌnung aing kapooꞌnanka nko-koo.”
23985	MAT 22:44	‘Teie Ovoringe nkaang Ovoring aaꞌpuuꞌ, “Aꞌ, ning-koo tampavine-koo baꞌnaniai bera ninge dakaning kare-nupoong dakaang kauꞌkoo boonavete-koo siparampainooꞌke basi.” ’
24030	MAT 24:4	Teketa Jiisuuꞌke makuꞌurima aaꞌpuruꞌ, “Bakei, tarerariri otoriaing nantoonge poo-antaraariꞌneeng.
24148	MAT 26:25	Teketa tenang teie Judasie eeꞌnunge tooka kompui tee Jiisuuꞌ kare-nupoong-koo tauraꞌpuainge aaꞌpuuꞌ, “Tee ee ning ee, Nau-anta Pankaing?” Jiisuuꞌke makuꞌuma aaꞌpuuꞌ, “Eeꞌ, daꞌ eeꞌnung tee.”
24173	MAT 26:50	Eeꞌnoko Jiisuuꞌke makuꞌuma aaꞌpuuꞌ, “Mmaikoꞌ, kapooꞌ dake nko-koo poing nkoveaing.” Teketa tenang teing nantoong uroꞌkanooꞌ kooꞌarira Jiisuuꞌ bokotaaniaara daiꞌauꞌ tee.
24187	MAT 26:64	Jiisuuꞌke makuꞌuma aaꞌpuuꞌ, “Eeꞌ, teeꞌ eeꞌnaꞌ masikaꞌ minkuemaang. Eeꞌnoko aaꞌdampiiꞌnaang ninge diiꞌ ookara: Damaꞌke tee ning tasiꞌmeriaing ning tee eeꞌnung Tee Naning-naumpoꞌ Paning-etaing Daari Meekunge naururimaung kamoꞌke depeto pora ookara kansiꞌ tarevumaatoainung. Eeꞌ, Kumponing bakaang iriꞌ deto basi ninka moko oomerira tee diiꞌke tenang tasiꞌmeriaing.”
24223	MAT 27:25	Eeꞌnoko ookara nantoonge makuꞌaama aaꞌpauꞌ, “Makosi, bakaang ereng niiꞌkoo biromparavaing eeꞌnoko ookara-koo niurukaaꞌkoo.”
24244	MAT 27:46	Eeꞌnoko kamunooꞌnang Jiisuuꞌ aaꞌnaꞌ karoma osinung karai aaꞌpuuꞌ, “Eloi, Eloi, lama sabakatani,” eeꞌ minkuvuma, “Nkaang Kumponing, nkaang Kumponing, ning dake aming-koo siꞌmeing?”
24277	MAT 28:13	“Aaꞌperiaing, ‘Bakaning barevare-nupoonge muunga aatumpirioꞌ bakiaaꞌaara nkavaing.’
24308	MRK 1:24	Teie uiarama aaꞌpuuꞌ, “Jiisuuꞌ, Nasaretiꞌnung, arekeeꞌ nkomeriiꞌnaang? Daꞌ ee niiꞌ orari-anta-koo poing? Ninge noruꞌdansi oꞌnong daꞌ Kumponing-etaing Naning Meekung.”
24379	MRK 3:22	Eeꞌnoko nariong boto naunuka-koo Jerusalemaꞌketa porouꞌninge aaꞌpaakoꞌ, “Kopeu deeꞌma kurumaaꞌaring.” Eeꞌnoko napoꞌ narionge aaꞌpaakoꞌ, “Eeꞌ, masikung, aiꞌ pa maꞌnari biikaang pankaing bakaang purintoꞌ ninka bataꞌurimatoinge.”
24391	MRK 3:34	Eeꞌnoko nantoong nariꞌ baꞌnaniauꞌning-aape bereꞌarara aaꞌpuruꞌ, “Ooveriko, ninge nkoꞌdovo makosinuka aing.”
24441	MRK 5:8	Eeꞌnoko teeꞌpuko bokuma aaꞌpuuꞌ, “Jiisuuꞌ, Kumponing Deto Basi Bauring, dake ning arekeeꞌ nkomeeꞌnaang piaroing? Daꞌ Kumponinge pote-koo piamomaang ning toraꞌantameꞌneeng-koo.”
24443	MRK 5:10	Eeꞌnoko tanaꞌuma aaꞌpuuꞌ, “Jiisuuꞌ, aing maꞌnari avoraꞌketa bataꞌeriaukaꞌ.”
24469	MRK 5:36	Eeꞌnoko Jiisuuꞌke taaravura nasinuaꞌ dootuuꞌnava tanata aaꞌpuuꞌ, “Aroreaukaꞌ, masikaꞌantaveko naroꞌ!”
24474	MRK 5:41	Eeꞌnoko Jiisuuꞌke teni bonkuꞌ bireng-koo kompura aaꞌpuuꞌ, “Talita kumi.” Kuunooꞌ eeꞌ minkuvuioꞌ, “Okiꞌnani, aaꞌdamaang: Daaꞌdaravai.”
24543	MRK 7:11	Teka diiꞌke aaꞌperimaung, ‘Naninge baumararing kapooꞌkoo apukaꞌpareko, beuringe tering paku-koo kupiꞌora deekoꞌ aaꞌpupeuꞌ, “A, nkaning kapooꞌ arompepeuꞌning teing temuꞌ Kumponing bakaning bareantuꞌning.” Eeꞌnoko teeꞌpura tering baumararing pakuvurearupeuꞌ.’ Eeꞌnoko tering biromparesioꞌ beuring domang bereꞌkoo piavoko diiꞌke tauraꞌperiaunge diikaang toomoi daiꞌerima.
24559	MRK 7:27	Eeꞌnoko Jiisuuꞌke teni aaꞌpuuꞌ, “A, makotuaꞌ! Toireꞌ deekoꞌ ookara piavoroainaꞌ bauꞌnumpoꞌ, eeꞌnoko tee taamang biikaang mosiꞌnanka-anko duaꞌkoo tampaꞌ deeaꞌ.”
24560	MRK 7:28	Eeꞌnoko tenie Jiisuuꞌ bariꞌuma aaꞌpuuꞌ, “Eeꞌ, Ovoring, masikaꞌ, nka tee toireꞌke duaꞌantavaako mosiꞌnankai mukunanka naiaamaung tarepa-koo boonga.”
24561	MRK 7:29	Eeꞌnoko Jiisuuꞌke teni aaꞌpuuꞌ, “Makosi, osi tororaravaing. Tampaꞌ bariꞌmeing. Maꞌnaang tenkenuing daurang-eta.”
24619	MRK 9:12	Eeꞌnoko Jiisuuꞌke bariꞌurima aaꞌpuruꞌ, “Masikung, Daari Meekunge aaꞌpui otong, ‘Eliasi tutung poaing ookara kapooꞌ maamu-antavuaꞌnaang.’ Eeꞌnoko Daari Meekunge napoꞌ ning-koo aaꞌpui otong, ‘Tee Naning-naumpoꞌ Paning-etaing aaꞌnaꞌ sisikeera kompuaing pooreꞌaako.’
24696	MRK 10:39	Eeꞌnoko temaintai makuꞌurema aaꞌpuretuꞌ, “Eeꞌ, neeꞌ makosira.” Eeꞌnoko Jiisuuꞌke aaꞌpuretuꞌ, “Eeꞌ, masikaꞌ, kaapu-koo ninge naikampaing-koo naikireainge, eeꞌnoko meekaꞌantamaravainaꞌ meekaꞌantarareainge.
24704	MRK 10:47	Eeꞌnoko teie taaravura Jiisuuꞌ Nasaretiꞌnung tankinuko boku tutumpuuꞌ aaꞌpuma, “Jiisuuꞌ, Deevitaꞌ bakanaving-koong, piaameai ning.”
24845	MRK 14:22	Eeꞌnoko teeꞌ taamanaama Jiisuuꞌke bereteꞌnu nkavura, biraankevuma, pisiꞌura teing avuruꞌ aaꞌpurima, “Nkaveriai, aung tee nkaang mono makosi.”
24859	MRK 14:36	“Mmaꞌ, Mmaꞌ, daꞌ makosi ookara kapooꞌ nko-koo. Aung kiimata koong kaapu baariꞌantameai, teka kapooꞌ ninka piamomaung makosi deeaꞌ, kapooꞌ daka piaromaung deekoꞌ makosi.”
24860	MRK 14:37	Eeꞌnoko teketa toroaruꞌ. Eeꞌnoko teing beenaumo peꞌnumpuruꞌ aasiaako, eeꞌnoko tee Piita aaꞌpuuꞌ, “Saimoniꞌ, daꞌ ee aasii otong? Daꞌ ee makosi deeaꞌ okiꞌnooꞌ batei tanatarari otoꞌkoo?”
24885	MRK 14:62	Eeꞌnoko Jiisuuꞌke makuꞌurima aaꞌpuruꞌ, “Eeꞌ, ning aaꞌ tee. Eeꞌnoko dueꞌke tee ning tasiꞌmeriaing ning tee eeꞌnung, Tee Naning-naumpoꞌ Paning-etaing Daari Meekunge kamoꞌke depeto pora ookara kansiꞌ tarevumaatoainung naururimaung. Aiꞌ ning teeꞌ nariꞌ moko diiꞌke oomeriaing, Kumponinge tee ninka iriꞌ okoraꞌnooꞌ baꞌnang-antamuioꞌ.”
24899	MRK 15:4	Tuutuaako Pailatiꞌke napoꞌ tanaꞌuma aaꞌpuuꞌ, “Arekeeꞌ, bariꞌearooꞌnaang? Taaraveko mmauꞌ kapooꞌkoo tuumpiraamaang.”
24924	MRK 15:29	Eeꞌnoko nantoong teke tankinaakoꞌninge siisiai tankinaakoꞌ, kooviꞌaama. Eeꞌnoko aaꞌpaakoꞌ, “Ei, daꞌ tee pava dootuuꞌnava pankava pesiꞌera napoꞌ doong beenange kaniepeuꞌnung tantaramaung.
24929	MRK 15:34	Eeꞌnoko kamunooꞌuioꞌ Jiisuuꞌ aaꞌnaꞌ karoma osinung karai aaꞌpuma, “Eloi, Eloi, Lama Sabakatani.” Kuunooꞌ aaꞌpuitaaꞌ, “Nkaang Kumponing, nkaang Kumponing, ning dake aming-koo siꞌmeing?”
25022	LUK 1:60	Teka bauma Sakaraiaꞌ namirimpaavaꞌnaang tampaako baukoi aaꞌpuuꞌnung, “A, teeꞌ deeaꞌ, tee Jooni tang-koong.”
25052	LUK 2:10	Eeꞌnoko koosinunge aaꞌpuruꞌ, “Aroreriaukaꞌ, ninge doorenang tampara poꞌantarerompimang doturotu-koong diiꞌ ookara nantoong-koo basiaravaing.
25057	LUK 2:15	Tenang koosinunanka paning-aape toroaririoꞌ sipisipiꞌ tanatanukai aaꞌpauꞌ biiꞌka kareaama, “Aiaꞌ, Beeteleemaꞌ duꞌmarira, ooampiai tee kapooꞌ nkoaring Ovoringe nau-antamuring niiꞌ.”
25090	LUK 2:48	Eeꞌnoko tee baumararinge oovureta taꞌninuretuꞌ, eeꞌnoko baukoi aaꞌpuuꞌ, “Nnuring, arekeeꞌkoo dake neeꞌ teeꞌ nkomeresi? Aung ee, neeꞌdaring poreꞌmoresing daꞌ besiꞌkoo noruꞌ mankiꞌmoresitaaꞌ.”
25136	LUK 4:4	Eeꞌnoko Jiisuuꞌke makuꞌuma aaꞌpuuꞌnung tee, “A, tee Daari Meekung-koo eeꞌ daariari otong, ‘Naning taamang narunge domampari otoaung, teka ookara kara Kumponing-etaning siompui domampari otomaung.’”
25140	LUK 4:8	Eeꞌnoko Jiisuuꞌke makuꞌuma aaꞌpuuꞌnung, “A, Daari Meekung-koo eeꞌ daariari otong: ‘Diiꞌke Ovoring diikaang Kumponing narung dootuuꞌeriaing, eeꞌnoko niiꞌnung siomperiaꞌ otoriai.’”
25144	LUK 4:12	Eeꞌnoko Jiisuuꞌke makuꞌuma aaꞌpuuꞌ, “A, teka napoꞌ Daari Meekunge aaꞌmurimaung, ‘Diiꞌke tee Ovoring diikaang Kumponing parapaara-koo siperiaukaꞌ.’”
25166	LUK 4:34	“Ei, arekeeꞌ nkomeriiꞌnaang, Jiisuuꞌke Nasaretiꞌnunge? Daꞌ ee niiꞌ bataꞌkoo poing? Ninge noruꞌdansi oꞌnong daꞌ Kumponing-etaing Naning Meekung.”
25167	LUK 4:35	Teka Jiisuuꞌke tee akaꞌpuma aaꞌpuuꞌ, “Kareaukaꞌ, eeꞌnoko daꞌ teietaꞌ bankeꞌdaravai.” Eeꞌnoko teketa maꞌnaange teing-koo meuꞌ teꞌ doonko duaꞌantavura teieta bankeꞌaruꞌnung tokoonaꞌ baikevuaꞌ tee.
25181	LUK 5:5	Eeꞌnoko Saimoniꞌke makuꞌuma aaꞌpuuꞌ, “Ovoring, niiꞌ poreꞌmoring ookutunaꞌmung muunga. Konkampiaꞌ, teka botomeinaꞌkoo dake ninge doonko duaꞌampaing tee sionung.”
25188	LUK 5:12	Jiisuuꞌ niiꞌnavuntuꞌkoo teing-koo osinanka-koo otoko naning narung pouꞌ oramuuꞌke maantoꞌ. Eeꞌnoko tenang Jiisuuꞌ oovura tee kinkinura eentavaruꞌ tee-koo, aaꞌpuma, “Ovoring, daꞌ piarora deekoꞌ dake ning kuimepeuꞌnung.”
25270	LUK 7:6	Eeꞌnoko Jiisuuꞌ teing ninka nariꞌ beuꞌ. Tenang tee pava dueꞌ basiarako teie daakuꞌ tarenarai baꞌmaikoriꞌ niiꞌning botovuruꞌ Jiisuuꞌanko aaꞌpuma, “Ovoring, daka baruꞌ poreꞌantararavaukaꞌ, aiꞌ ning tee makosi deeaꞌ daꞌ nkanooꞌ pava-koo kuung poꞌkoo.
25278	LUK 7:14	Eeꞌnoko teie pora kompuuꞌ tee kave, eeꞌnoko teing nkavaakoꞌning dantavarira donkonai otorouꞌ. Eeꞌnoko teie aaꞌpuuꞌ, “Nemaka, ninge aaꞌdamaang daꞌ, ‘Daaꞌdaravai.’”
25283	LUK 7:19	Eeꞌnoko Joonie kenaankara bakaning-koo barevare-nupoong-koo bokuvureta Ovoring-anko botovuretuꞌnung aaꞌpuma, “Aaꞌpereai, ‘Daꞌ ee tee tavoꞌkuaing-koong, aiꞌ mmeꞌ niiꞌnung nempampiainge?’”
25304	LUK 7:40	Eeꞌnoko Jiisuuꞌke bakaang noruꞌ tasiꞌpura aaꞌpuuꞌnung tee, “Saimoniꞌ, ning kapooꞌ otoꞌmemumang daꞌ nauramaꞌnaang otoing.” Eeꞌnoko teie makuꞌuma aaꞌpuuꞌ, “Aming ee, nau-anta?”
25338	LUK 8:24	Eeꞌnoko teinge berora Jiisuuꞌ tanteauꞌnung aaꞌpaama, “Ovoring, Ovoring, niiꞌ enang keꞌnuruꞌmariiꞌnaang!” Eeꞌnoko tee tantearara piong eeꞌnoko tee booꞌa iꞌnuiꞌnung teing teka akaꞌpuretuꞌ, eeꞌnoko teke bakeareta pirung koontoꞌ tarorovuuꞌ.
25343	LUK 8:29	Eeꞌnoko Jiisuuꞌ taaravura tee bokuma boonko duaꞌarara kinkinuuꞌnung Jiisuuꞌkoo uroꞌkanooꞌ, eeꞌnoko aaꞌnaꞌ karoma aaꞌpuuꞌ, “Jiisuuꞌ, dake arekeeꞌ nkomeeꞌnaang ning, Kumponing Deto Basi Bauringe? Eentamaramaang dake ning toraꞌantameaukaꞌ.”
25359	LUK 8:45	Eeꞌnoko Jiisuuꞌke aaꞌpuuꞌ, “Tee baie ning komung?” Tenang ookara penkempariko Piitai aaꞌpuuꞌ, “Ovoring, daꞌ karingai kororai daꞌkoo iimparimang.”
25364	LUK 8:50	Teka Jiisuuꞌke taaravura tee aung nauvuma aaꞌpuuꞌ, “Aroreaukaꞌ, masikaꞌantaveko naroꞌ teni taarevooꞌnaang.”
25366	LUK 8:52	Eeꞌnoko ookara birong-nupoong biromparima aiꞌnontuꞌariko oovurira aaꞌpuruꞌ, “Birontariaukaꞌ, aiꞌ ani teni booaꞌ, teka tamung aatumaang.”
25419	LUK 9:49	Joonie bariꞌuma aaꞌpuuꞌ, “Ovoring, niiꞌke ooampiring naning narung maꞌnari bataꞌuriko dakaang miring-koo eeꞌnoko niiꞌke poteampiri tee niiꞌ ninka nariꞌ daꞌ siontuaung-koo.”
25424	LUK 9:54	Eeꞌnoko tenang bakaning barevare-naankai oovureta, aaꞌnoko Jeemisi eeꞌnoko Jooni, aaꞌpuretuꞌ, “Ovoring, dake ee neeꞌ pia-antameremang ntaꞌ paning-eta bokuampeko siarara opuri taivuriainaꞌ aing Eliasie nkovuuꞌna?”
25429	LUK 9:59	Napoꞌ Jiisuuꞌke niiꞌnara aaꞌpuuꞌ, “Ning siomeaing dake.” Teka teie aaꞌpuuꞌ, “Ovoring, ioꞌ tauraꞌmeko mmaꞌ dakoꞌampainooꞌ basinooꞌ mmaꞌ ninka oꞌnoreaing, eeꞌnoko mmaꞌ dakoꞌamiraiꞌnange daꞌ siontampai.”
25473	LUK 10:41	Teka Ovoringe makuꞌuma aaꞌpuuꞌ teni, “Maataꞌ, Maataꞌ, daꞌ poreꞌdomaang avitoitoi noruꞌdarama avutevuꞌkoo.
25475	LUK 11:1	Niiꞌnooꞌke tee Jiisuuꞌ niiꞌnaꞌmung kunsiarakoꞌnung. Eeꞌnoko tenang bakearako bakaning barevare-nupoong-koo narunge aaꞌpuuꞌ, “Ovoring, naumeriai kunsi bakanaꞌ Joonie bakaning barevare-nupoong nau-antavuruꞌnaꞌ.”
25502	LUK 11:28	Teka teie aaꞌpuuꞌ, “A, teing oo nantoong biraankeariaining Kumponing bakaang kara taaravaara iꞌmaꞌaavaining.”
25569	LUK 12:41	Piitai aaꞌpuuꞌ, “Ovoring, dake ee tee dikitoꞌ niiꞌkoo miruꞌei naumerimang aiꞌ ookara nantoong-koo?”
25610	LUK 13:23	Eeꞌnoko niiꞌninge aaꞌpauꞌ tee, “Ovoring, teing ee mooꞌariaining okiꞌning?” Eeꞌnoko teie aaꞌpuruꞌ teing,
25732	LUK 17:12	Eeꞌnoko namono-koo osi-koo duparako nantoong nanaiꞌke oramuuꞌpoꞌnupoonge kuneꞌauꞌ. Teketa isipoꞌ donkonai bokiaama aaꞌpauꞌ, “Jiisuuꞌ, Ovoring, piaameriaing niiꞌ.”
25757	LUK 17:37	Eeꞌnoko teinge aaꞌpauꞌ tee, “Ovoring, areꞌka?” Eeꞌnoko Jiisuuꞌke aaꞌpuruꞌ teing, “Areꞌ tokoo deraꞌ otoinooꞌ mareoiꞌnanka tee teꞌ poroma naroꞌarimaung maaꞌaavaꞌnaang tee.”
25794	LUK 18:37	Teinge aaꞌpauꞌ, “Jiisuuꞌ, Nasaretiꞌnung tankinumaang.”
25795	LUK 18:38	Teketa bokuma aaꞌpuuꞌ, “Jiisuuꞌ, Deevitaꞌ bakanaving-koong, piaameai ning!”
25799	LUK 18:42	Eeꞌnoko Jiisuuꞌke aaꞌpuuꞌ tee, “Banteaing, dakaang baitoi tamparuꞌkiing.”
25805	LUK 19:5	Eeꞌnoko tenang Jiisuuꞌ teꞌ basiarama deto ookuma oovura tee aaꞌpuuꞌ, “Sakiasi, iriꞌnarung depeto siraravai, aiꞌ ning dakanavaꞌkoo eꞌmung oꞌnooꞌnaang.”
25842	LUK 19:42	“Bakaꞌe, eꞌmung diiꞌke tasiꞌperi dei tampaꞌ, ninge mooa-koo basi-antarampipeuꞌnaꞌ diiꞌ, teka enang tee diiꞌketa duta-ita bakuꞌaring.
25856	LUK 20:8	Eeꞌnoko Jiisuuꞌke aaꞌpuruꞌ teing, “Eeꞌ, ninge teeꞌke naurampiarooꞌnaang baa tee ning tauraꞌ amuuꞌnung aing kapooꞌnanka nko-koo.”
25966	LUK 22:33	Eeꞌnoko Piitai makuꞌuma Jiisuuꞌ aaꞌpuuꞌ, “Ovoring, ning maamumari oꞌnong daꞌ ninka nariꞌ nanuꞌkoo kiimataroma eeꞌnoko booꞌaape.”
25971	LUK 22:38	Eeꞌnoko daunang kuuntuꞌkai aaꞌpauꞌ teinge, “Ovoring ee, bainatuning keriꞌka aing.” Eeꞌnoko aaꞌpuruꞌ, “Otoaing, makosi.”