54	GEN 2:23	Teketa Aadamai aaꞌpuuꞌ, “Emuꞌ ani eeꞌnani mmaikoꞌ masikani. Bakaang kooꞌ tee ning-koong-eta kooꞌketaing eeꞌnoko bakaang bioꞌ tee ning-koong-eta bioꞌketaing. Ani donkaani-koong-eta kooꞌketa nkoniiꞌnani naning-eta-nani, teꞌkoo manikuma tampampaing.”
23303	MAT 4:25	Eeꞌnoko nantoong karingai aaꞌning-eta Jiisuuꞌ siompai nanaakoꞌ, Kaaleliꞌnupoong, Dekapolis-navete-nupoong, Jerusalemaꞌnupoong, Judiaꞌnavete-nupoong, eeꞌnoko ookara Jooꞌdani-nari-koo aveteraang-nupoong.
23638	MAT 13:30	Siperioꞌ nariꞌ dupureaing bera kavuꞌkoong batei makotuai, eeꞌnoko tenang ninge teing kavuꞌ nkonuka nauarama aaꞌpampai, “Tutung teenanka tonto orarananka bitaꞌerima daiꞌereriai tai-anta-koong, teketa tee uiteꞌnanka kaverira nkanooꞌ pava-koo oosierereriai.’” ’
24010	MAT 23:23	“Bakaꞌ piaaruꞌnuka diiꞌ boto naunuka eeꞌnoko diiꞌ Boto Keperuuꞌnavitu, bakei toraꞌkiriaining diiꞌ ampirinunuka, aiꞌ diiꞌke tee avutevuꞌ napoka dovang okiꞌnarekaꞌ kivoranaꞌ tankaamperima baarauni-koo˜ namanto Kumponing averikooꞌ, sirivitaꞌ dovang koꞌdompuuꞌ, teka teing kapooꞌ boto-koo pankeng damaꞌduerikooꞌ aaꞌning: aarumo koontoꞌnaꞌ simpeꞌ, aarumo piaa unaa-anta-poꞌnung, eeꞌnoko Kumponing masikaꞌantavui kakeꞌiiari otoꞌ. Aing eeꞌning teing diiꞌke naroꞌka nko-koo makosining.
24118	MAT 25:41	“Napoꞌ aaꞌparampaing teing mareꞌaanavine-koo-nupoong, ‘Diiꞌ barakosiꞌnisinuka, beriai ning-ankoita tee-koo ntaꞌkoo otoi otoꞌkoo Sietaniꞌkoo eeꞌnoko bakaning koosinunanka-koo maamu-antanisi-koo.
24306	MRK 1:22	Eeꞌnoko nantoong aaꞌnaꞌ taꞌnimpariruꞌ tee-koo bakaang nau-anta-koo, kara bakaang purintoꞌ deemparioꞌ, teing-pinaꞌ boto naunuka-pinaꞌ deeaꞌ.
24686	MRK 10:29	Eeꞌnoko Jiisuuꞌke aaꞌpuuꞌ, “Masikung naurampimang, naninge aing sipuuꞌnung: pava, baumaraang, baurukaaꞌ, bakaang kansiꞌ sipura ning-koo eeꞌnoko nkaang kara tampara bereng-anta-koo, eꞌmung-eta dau basinooꞌ makuꞌ nkavuaing daakuꞌpinaꞌ anke kansiꞌkoo otoitaaꞌ;
24724	MRK 11:15	Eeꞌnoko Jerusalemaꞌ napoꞌ tavoꞌarira Jiisuuꞌ parang-koo tumparara pava dootuuꞌnava pankava-koong-koo, nantoong sipisipiꞌ dovang parekanumpoꞌ baaveveekoꞌning bataꞌ tutumpuruꞌnung. Aaꞌnoko batanananka mooniꞌ aampariꞌaakoꞌning biikaning eeꞌnoko napoꞌ baꞌnavaꞌnananka kuukuuꞌ baaveaarikoꞌning biikaning teka piakatuꞌuruꞌ.
25033	LUK 1:71	Kumponinge teeꞌ naumuruꞌnung eeꞌnarai dauraronge teꞌnemuriiꞌnaang niikaning kare-nupoong-etaꞌ, teing munteꞌmaarimaing biikaang bireng-eta.
25133	LUK 4:1	Eeꞌnoko Jiisuuꞌ Tanuaang Meekunge maantoꞌura toroaruꞌnung teketa Jooꞌdani-nari-eta, eeꞌnoko Tanuaang Meekunge beꞌantavuuꞌ meeꞌboraꞌ sirakamaaꞌkoo karenaumo kivora doonanka-koo Sietaniꞌke dauaꞌkoo;
25164	LUK 4:32	Eeꞌnoko teke otoi Doong Uaanaꞌmung kara nau-antavuriko aaꞌnaꞌ taꞌninauꞌ tee-koo bakaang nau-anta-koo, kara bakaang purintoꞌ deemparioꞌ;
25603	LUK 13:16	Eeꞌnoko teeꞌ makosi deekoꞌ, aming-koo ani manikuma Eebaraamiꞌ baurang makosi deeaꞌ Doong Uaanaꞌmung-koo unaa-anta-koo, Sietaniꞌke daiꞌuuꞌnani booniꞌantavuma teing-koo mareꞌ kivora-ita ˜beemareꞌpi-taa-koo?”
25698	LUK 16:9	Aꞌnooꞌ kansiꞌnupoonge tamung apupoꞌ uroꞌke noruꞌaama kavokavoro kompaamaung biiꞌka dotu-anta-koo, Kumponing deeaꞌ. Teka ninge eeꞌ botorampimang diiꞌ araka-koo-nupoong, kavokavoro tampaꞌ komperiaing niiꞌning nantoong paku-koo, Kumponinge tampaꞌ oorurira onkeonkeꞌduriainaꞌ paning-koo, teꞌ tampaꞌ otoi otorimaatoainooꞌ.
25700	LUK 16:11	Tee tee teeꞌkoo diiꞌ naurampirinaꞌkoo kakeꞌiirariarura deekoꞌ aung kansiꞌkoong kavokavoro-nanka-koo, baie noruꞌduriaꞌ kapooꞌ masikung oko-antaruripeuꞌ?
25786	LUK 18:29	Eeꞌnoko Jiisuuꞌke aaꞌpuruꞌ teing, “Masikaꞌ naurampimang ninge diiꞌ, baa tee naning aing aaꞌning sipuuꞌnung: pava, baꞌaang, baꞌmarang, niiꞌnooꞌ baurukaaꞌ Kumponing bakaang muuꞌ bereng-anta-koo, napoꞌ tee temuriiꞌ mmauꞌ otoꞌevuaing emuꞌnaroong-koo kansiꞌkoo otoitaaꞌ;
25788	LUK 18:31	Eeꞌnoko bakaning pokaꞌurira nanaiꞌketa kenaanka aaꞌpuruꞌ teing, “Aing ee, Jerusalemaꞌaape deto meriiꞌnaang eeꞌnoko ookutunung kapooꞌnanka ning-koo, Tee Naning-naumpoꞌ Paning-etaing-koo, nakaro-nupoonge teroita minkumaama daariakoꞌning teke dupearaaꞌnaang, aaꞌnora: Juꞌkoong ovontunge siꞌmaavaing Juꞌdeeaing-anko, eeꞌnoko teka teinge akapeuꞌmaama maimaiaꞌnaꞌ nkomaavaing tutupeeꞌmaama.
25845	LUK 19:45	Eeꞌnoko Jiisuuꞌ Jerusalemaꞌ basiararaiꞌnange, parang-koo tumparara pava dootuuꞌnava pankava-koong-koo, nantoong sipisipiꞌ dovang parekanumpoꞌ baaveveekoꞌning bataꞌ tutumpuruꞌnung. aaꞌpurima teing, “Daari Meekung-koo tee eeꞌ daariari otong, ‘Nkaang pava tee pava kunsinava deempari otoainava.’ Teka diiꞌke ‘bakiaaꞌ nkonuka biikanooꞌ’ deeng-antavering.”
25931	LUK 21:36	Teka ookara batei-koo tanatarariri otorimaatoai, kunsirarima aing ookara kapooꞌnanka-koo purintariri divuꞌeriainaꞌ eeꞌnoko ning-koo, Tee Naning-naumpoꞌ Paning-etaing-koo, uroꞌkanooꞌ tampaꞌ donkoniriainaꞌ.”
26011	LUK 23:7	Eeꞌnoko tenang teie Pailatiꞌke Kaaleliꞌnung noruꞌura, teie Jiisuuꞌ Eerotiꞌanko botovurioꞌ beꞌantavauꞌ, tee Siisaꞌke Kaaleliꞌnavaro tarenara deeng-antavuuꞌnung-anko, aiꞌ Eerotiꞌ Kaaleliꞌketa Jerusalemaꞌ beeroꞌui otokoꞌnung tee paroro oo-koo.
26158	JHN 1:45	Eeꞌnoko Pilipiꞌke Natanieloꞌ besiꞌuma oovura nauvuma aaꞌpuuꞌ, “Niiꞌke peꞌnumpampirieeng tee eeꞌnara naning Moosesie buuku-koo daarivuuꞌnung Kumponing bakaang boto-koong-koo, tee eeꞌnara naning nakaro-nupoong urikupoong daariauꞌnung biikaang buuku-koo. Aung bakaang miring Jiisuuꞌ, Josepaꞌ bauring, Nasaretiꞌnung.”
26272	JHN 4:47	Eeꞌnoko teie Jiisuuꞌ Kaaleliꞌaape pouꞌnung Judiaꞌketa taaravuuꞌ. Taaravura tee, Jiisuuꞌanko bera, niaꞌuuꞌ Kapaneumeꞌaape nanuuꞌnaang bauring taare-anta-koo, booꞌke dueꞌuko.
26334	JHN 6:8	Eeꞌnoko niiꞌnunge bakaning barevare-nupoong-koonge, Aanduruꞌke, Saimoniꞌ Piita baaraꞌmaꞌnunge aaꞌpuuꞌ,
26653	JHN 12:4	Eeꞌnoko niiꞌkoong Jiisuuꞌ bakaning barevare-nupoong-koonarunge, Judasi Kerioꞌnunge, teie Jiisuuꞌ damaꞌke kare-nupoong-koo sivuainunge aaꞌpuuꞌ,
26670	JHN 12:21	Eeꞌnoko teing Pilipiꞌanko porouꞌ. Pilipiꞌ Besaida-namono-nung, Kaaleliꞌnameng-koonooꞌnung. Eeꞌnoko teinge aaꞌpauꞌ, “Ee pankaing, niiꞌ Jiisuuꞌ ooampiiꞌnaang piamorimang.”
26967	JHN 20:31	Aing daariampirining otomaung diiꞌke masikaꞌantaveriiꞌnaang Jiisuuꞌ tee Kumponinge Pakoꞌpariꞌniiꞌ niiꞌ domang-anta-koo, Kumponing Bauring eeꞌnara. Eeꞌnoko tee, teeꞌ masikaꞌantaverima diiꞌ domaang-poꞌnupoong otoriiꞌnaang bakaang miring-koo.
27121	ACT 4:30	Eeꞌnoko dakaang bireng tovoroꞌdaravaing nantoong taare-anta-koo, eeꞌnoko taaꞌniꞌantananka taꞌnimpaariiꞌnanka nko-antamemuriai tee dakaang botovotonaaꞌkoo kuunge miring Jiisuuꞌ tampampiko.”
27196	ACT 7:11	“Enang tee peera pankaing tavoꞌkuuꞌ Iisipiꞌnameng-koo eeꞌnoko Keenani-nameng-koo, eeꞌnoko aaꞌnaꞌ toraꞌpauꞌ. Eeꞌnoko niumaraange taamang besiꞌaama ooaavaꞌ.
27215	ACT 7:30	“Teketa tee mareꞌ karenaumo kivora tankinuioꞌ narung koosinung˜ tee-anko pouꞌ teka meeꞌboraꞌ sirakamaaꞌkoo Sainai-namii-ankoa, ntaꞌkoo urung-koo meuꞌke tuuꞌdoiꞌnavari-koo.
27534	ACT 15:23	Karavoto˜ eeꞌ daariniiꞌ nkavai beꞌkoo botoaaruꞌ: “Diiꞌ teing Juꞌdeeaing Karistooꞌkoo baito-nupoong aaꞌning-kooning-Antiokoꞌ, Siiria eeꞌnoko Silisia-nupoong-diiꞌkoo tampara tampampimaang niiꞌke diiꞌmaikororiꞌke aaꞌninge: kara okovuri nkanukai eeꞌnoko Karistooꞌkoonavitu-koo urantanukai.
27666	ACT 19:12	Eeꞌnoko teeꞌkoo Paulaꞌ bakaning ankisipiꞌnanka eeꞌnoko baaronanka maroita nkavai nanaakoꞌ siipa-poꞌnupoong-anko, eeꞌnoko siipai tenang sipurikoꞌ teing, eeꞌnoko maꞌnari orananka bakoarikoꞌ.
28049	ROM 2:19	eeꞌnoko simpeꞌepeuꞌ kapooꞌ orara eeꞌnoko tampara, eeꞌnoko daꞌ naning mutuu siong-anta deekoꞌ, eeꞌnoko araka teing-koo mutaanang-kooning-koo,
28146	ROM 6:10	Tee booꞌ tee booꞌparuꞌnung tee niikaang orakaꞌ nko-koong iriꞌ bake-anta-koo, booꞌparuꞌ totoraꞌpui. Teka tee enanung otootoꞌ tee Kumponing-koo domampari otong.
28149	ROM 6:13	Diikaang mono-koo niiꞌnairu tauraꞌperiaukaꞌ orara aarumo bakaang pia-siong deemparama orara nko-koo, teka diiꞌka arariaing Kumponing-koo teing-pinaꞌ nantoong booꞌketa domang-antaniiꞌnuka-pinaꞌ, eeꞌnoko diiꞌkoo ookanairu Kumponing bakanairu deeng-antaveri otoriai aarumo koontoꞌ siong-koo.
28245	ROM 9:22	Kumponinge bakaang iira siraꞌanta-koo piavoi otong eeꞌnoko tenang ookara nantoonge ooaavaing bakaang purintoꞌ. Teing nantoong orara mooꞌ nka-koo miruꞌniiꞌnuka teroita maamuariri otoromaung orari-anta-koo, teka enang Kumponinge makenge nempuri otong orari-antavuriaꞌ.
28250	ROM 9:27	Napoꞌ Aisaiaꞌke eeꞌ minkuvuuꞌ Isireeli-nupoong-koo, “Ooveriai, Isireeli-nupoong biurukaaꞌkoong deeru tee piisiꞌ pirung-koo makosi, nka tee teing-koo mmauꞌ keraꞌpariko okiꞌning naing otoroi domampariaing.
28256	ROM 9:33	Teeꞌkoo tupampariruꞌ tereꞌkoo Kumponinge tero minkuvuuꞌnaꞌ Daari Meekung-koo, eeꞌpinaꞌ, “Ooveriaing, ninge bempampaing tereꞌ manto-nareꞌ diiꞌkoo meuꞌ Saioni-namono-koo, nantoong tereꞌkoo tupamparira tee puꞌariaing. Nka tee naning tee masikaꞌantavuaing tee sirakuraꞌ oko-antavampaing tee biraanke.”
28278	ROM 11:1	Enang arekeeꞌ, Kumponinge bakaning damaꞌduvuruꞌ ee? Tee aaꞌ teeꞌ deeaꞌ, bakei! Ning tee Isireeli-nupoong-koo narunge, Eebaraamiꞌ bakanaving-kooning-koo, Bensimani bakanamuiaang-koonung.
28375	ROM 15:4	Ninge tenaare-koo noruꞌantarampimang, aiꞌ ookara kara Daari Meekung-koo otoing teing niiꞌ nau-anta-koo, tee Daari Meekung-koo pinkaꞌmariri domang kuaaꞌ ninka miiꞌkampiri tee barenku nempampiainaꞌ.
28610	1CO 9:2	Ning niiꞌning-koo kara-okomui-nka deeaung deekoꞌ ning tee diiꞌkoo siraꞌmari oꞌnopeuꞌnung ning Kumponing-koo kara-okovui-nka, diiꞌ dootuuꞌnupoong deentariruꞌnung-koo, ning taaramerira.
28730	1CO 12:28	Eeꞌnoko Kumponinge bakaning dootuuꞌnupoong-koo aing eeꞌning miruꞌuruꞌ: tutuntoma teing kara okovuri nkanuka, kemuꞌkanaꞌ teing nakaroarimaing˜, beemuꞌpinaꞌ teing kapooꞌ Kumponing-etaning naunuka, teketa teing iriꞌ ninka nko-nko nkoaamaing, teketa teing Tanuaang Meekung bakaang avuavuꞌpoꞌnupoong siipa-poꞌnupoong taare-anta-koong, teing nko-nko pakupaku-poꞌnung nkoaamaing, teing nko-nko tampaꞌ tankaampaamaing nantoong-koo, eeꞌnoko teing kara tasiꞌpaaꞌ oovunara menenge kareaamaing.
28877	2CO 1:9	Bakei booꞌkoo bamuruꞌning-pinaꞌ noruꞌmariruꞌ, teka teie Kumponinge tee arikung niiꞌkoo tauraꞌpuuꞌnung niiꞌ tee narung-koo baitomariiꞌnaang booꞌnuka domang-antavurimaung-koo, eeꞌnoko niikaang puring-koo biꞌmariaꞌ.
28918	2CO 3:9	Aaꞌnomaung: tee temuriiꞌ aarumo Moosesi bakaang, boto sionge nantoong tamung kiimata-antavurimaung miring pankaimpoꞌnung deekoꞌ tee, tee aarumo niiꞌke tareampimaung, nantoong Kumponing-ankoi koong-anta-koong, miring bakei aaꞌnaꞌ deto basi.
28960	2CO 5:15	Eeꞌnoko tee tee ookara-koo booꞌparuꞌnung teing tee-koo napoꞌ domampariaining biiꞌka dotu-anta-koo deeaꞌ, teka Karistooꞌ narung dotu-anta-koo, tee teing-koo booꞌparara napoꞌ domamparuꞌnung.
29048	2CO 10:9	Teka aaꞌdampimang, tee diiꞌ tare-koong iriꞌ Kumponinge amuuꞌnung tee diiꞌ orari-anta-koong deeaꞌ nka diiꞌ puring-anta-koong, nkaang karavoto diiꞌ avoroꞌanta-koong-pinaꞌ noruꞌeriꞌneeng.
29259	GAL 6:4	Niiꞌnung naning ninka mintarama doturarama daangantaravaukaꞌ, teka tutung norunoruꞌdaravaing dakaang nko-nko-koo, tampaꞌ otoing deekoꞌ eeꞌnaꞌkoo doturoturaravai makosi.
29410	EPH 6:6	Nantoonge ooraariiꞌnaang tampaꞌ nariꞌ mintoontariaꞌ otoai akoꞌ dotu-anta-koo, teka diiꞌ Karistooꞌ bakaning botovotonaaꞌnuka deentariko domange tampaꞌ noruꞌeri mintoontariaing Kumponing-koo.
29432	PHP 1:4	Eeꞌnoko nkaang kunsi-koo diiꞌ ookara pakurampima tee ning ookara batei-koo doturotu ninka kunsimaramaung, diiꞌke tampaꞌ pakumerimaung-koo tee doorenang tampara bereng-anta-koo, teketa tutung komperuꞌnooꞌketa bera eꞌmunung doong-koo basinooꞌkoo.
29468	PHP 2:10	Eeꞌnoko ookara nantoong aaꞌnoko paning-koo-nupoong eeꞌnoko kansiꞌkoo-nupoong, napoꞌ kansiꞌkoo boong-nameng-nupoong, teing tee-koo Jiisuuꞌ bakaang miring-koo kinkinaavaing.
29541	COL 1:9	Teeꞌkoo neeꞌke diiꞌkoo tutung taaravampetuꞌnooꞌketa kunsi-koo uaamoreaung diiꞌke noruꞌeriiꞌnaang tee bakaang pia diiꞌke dupe-anta-koo, eeꞌnoko maantoꞌantarariiꞌnaang teie Tanuaang-aapenung noruꞌke eeꞌnoko mataue.
29558	COL 1:26	Tee kapooꞌ makensiꞌnung otomaung mareꞌ mmauꞌkoo eeꞌnoko napoꞌ teing-koo nantoong kansiꞌkoo-nupoong-koo, teka enang asiꞌnamuꞌ siraꞌparing teing-koo bakaning meekupoong.
29641	1TH 2:4	Teeo, Kumponinge tee makosinuka tammurira arooꞌmuri botomuruꞌ tee doorenang tampara bereng-antavampiiꞌnaang. Teeꞌkoo niiꞌke enang siraꞌpampimang Kumponinge niikaang noruꞌ paaramurimaung dotu-anta-koo, niiꞌnung naning dotu-anta-koo deeaꞌ.
29801	1TI 3:3	Tuumpiaa-peuꞌnaꞌ otoaꞌ, nani baꞌung-pinaꞌ otomaung, naikuma deekoꞌ naikuma basiaramanooꞌka bakearamaung, onou sirakaꞌpari otomaung, ovontung-pinaꞌ kaꞌduuroꞌ, naning navunavuroꞌ, sirakaꞌpui nau-anta-nko, purintoꞌnaruꞌke kanuꞌaravaung, daꞌdeng iira deeaung teka banainge otoꞌ, eeꞌnoko tataꞌaravaꞌ okoꞌoko deeaung.
29826	1TI 4:12	Tauraꞌdaravaukaꞌ naninge daꞌ okiꞌnaa-anta-koo daꞌ pankara deeaung deentarako, teka Kumponing baito-nupoonge ooraara dakaang kara-koo biꞌantavariaing deentari otoai, eeꞌnoko nko-nko-koo, piaa-koo, baito-koo eeꞌnoko kiiroraaꞌ aarumo-koo.
29840	1TI 5:10	Eeꞌnoko miring siꞌkoo makosi teni tampani, tampaꞌ nkoaramai tampaamai, teni-pinaꞌ toireꞌ pankaꞌantavurimai-pinaꞌ, onkeonkeꞌ bauko-pinaꞌ, Kumponing bakaning meekupoong kauꞌ duuꞌpevurikoꞌnani-pinaꞌ isipoꞌketa poroko, unaa-antavurimai-pinaꞌ, tampaꞌnko narung-koo matauari otomai-pinaꞌ.
29936	2TI 3:16	Ootukunung Daari Meekung Kumponinge amuruꞌnung, Kumponinge uaampuriko daariauꞌnung, eeꞌnoko tee makosi nau-anta-koo, orara aarumo tasiꞌanta-koo, domang koong-anta-koo, eeꞌnoko tampara aarumo siong-koo kakeꞌiiari.
30137	HEB 7:6	Teka tee aung Melkesedek Eebaraamiꞌketa narung kivora-koo narung nkavuuꞌnung tee deto basi teing ookara-koo, teing-koong deeaꞌ paraparai. Eeꞌnoko napoꞌ Melkesedek-ke pankaimpari tee Eebaraamiꞌ, bane maraka-anta-poꞌnung, biraankevuuꞌ.
30251	HEB 11:12	Tee tee naning narung-eta baruꞌ aaꞌnaꞌ pankara-ita nantoong karinga berempariruꞌ mmauꞌnooꞌ beentoꞌnanka paning-kooning-pinaꞌ, eeꞌnoko napoꞌ piisiꞌnanka pirung tapirue otoromaing-pinaꞌ deeru-paaꞌnanka, teeꞌ nariꞌ Kumponinge napoꞌ maraka-antavuuꞌnaꞌ.
30302	HEB 12:23	Teka diiꞌ meepoꞌ masipoꞌ Saioni-namii-koo poꞌnaꞌ porining, osi pankamono-koo Kumponing Domantooꞌ bakanamono-koo, teꞌ Jerusalemaꞌ paning-koonamono-koo, aing aaꞌning otoromanamono-koo:
30358	JAS 1:25	Teka tee Kumponing bakaang kara koontoꞌ unaa-anta-koong, eeꞌnoko baa tee naning tee kara kuung oovumatoaing kapooꞌ nauvumaung nko-koo ampaꞌoaꞌ, teie tee bakaang nko-nko-koo kuunge biraanke nkavuaing.
30917	REV 9:9	Eeꞌnoko biikaang murukeu-neeꞌ aini-koong-pinaꞌoroꞌ, eeꞌnoko tenang puraanaako kupaꞌkoong aurong kaarisinanka mmauꞌ oosinankai tavutavuꞌkoo kuaꞌparima kurunkurunkaanaamanaꞌ taara.
30940	REV 10:11	Teketa aaꞌmuuꞌ, “Bera napoꞌ tarampeerarama˜ siraꞌpeaing kapooꞌ damaꞌke tavoꞌkuaining teing-koo nantoong mmauꞌkoo osi kante-nupoong-koo, napoꞌ kara amutemuriiꞌkoo eeꞌnoko napoꞌ ookara dauraronanka-koo.”
30946	REV 11:6	Napoꞌ tee tenaanka iriꞌpoꞌnaanka aaꞌning nko-koong: paning avoꞌkoong apoꞌuarooꞌnaang tenang tee doorenang Ovoring bakaang siraꞌpurema nanureko, ntonanka ereng deeng-anta-koong, eeꞌnoko ookara kansiꞌnupoong-koo amutemuriiꞌ doovaang tavoꞌanta-koong beeꞌka piavoreainaꞌ.
30985	REV 13:8	Ookarai nantoonge kansiꞌnupoonge tee biiko dootuuꞌaavaing, aaꞌninge teing Kumponinge biikaang miring daarievuriaruuꞌning tee-koo Buuku Domantooꞌnuka-koong-koo, tee Kampia bakananeꞌkoo, tee kansiꞌ pupuꞌaravaruko-ita Kumponinge miruꞌuioꞌ dupisiꞌauꞌnung.
31004	REV 14:9	Teketa napoꞌ beenaumo-nung koosinunge siompuresi damaꞌke poma bokuma aaꞌpuuꞌ, “Baa tee naning tee biiko-koo dootuuꞌaravaing, eeꞌnoko napoꞌ tee-koong bakaang baka-oo-koo, tee toraꞌpuaing, eeꞌnoko napoꞌ tee tee-koong mooꞌdoꞌanta nkavuaing bakaang oing-koo niiꞌnooꞌ bireng-koo.