26	GEN 1:26	Teketa napoꞌ Kumponinge aaꞌpuuꞌ, “Aiaꞌ, naning-namuuꞌ nantoong niiꞌ pinaꞌ oroꞌnuka nkoarampiai, niikaang oroꞌoroꞌnooꞌ siompuioꞌ, eeꞌnoko teinge ookara kapooꞌnanka tanatavaariai, aaꞌning: taviꞌ pirung-koonanka, barenanka auviꞌau-kooning, kauꞌkarenaumo datauraaꞌnanka, eeꞌnoko poraꞌkoonanka, eeꞌnoko napoꞌ teing ookara kapooꞌnanka kansiꞌkoo daue nanaamaing.”
42	GEN 2:11	Tutunaꞌnari teing-koo miring Piison-nari, Aavila nameng, kooro-poꞌnameng, korovui pomanari.
43	GEN 2:12	Tee kooro temeng-koong tampara eeꞌnoko narung napoꞌ koiꞌ tampaꞌ nuuraaꞌ otomanooꞌ miring deliam. Napoꞌ kapang tampaꞌ oroꞌnanka-poꞌnooꞌ, miring kaneliani, ereng naakiomaing.
44	GEN 2:13	Keriira-nari ntong miring Kiong-nari, Kus-nameng-eta pomanari.
45	GEN 2:14	Beeriiru-nari miring Taikirisi-nari, Asiria-nameensiꞌkoo duaaꞌ pomanooꞌaapeita pomanari. Kareriiru-nari miring Iuperetisi-nari.
48	GEN 2:17	“Ookara koiꞌkoong sinananka mintoong-koo otoining-koong tamung naroꞌketa maaꞌemaatoaing, teka tevari koiꞌnavari noruꞌanta nka-navari teing aaꞌning-koo tampara eeꞌnoko orara dake maaꞌeaukaꞌ tee sinang tevari-koong, aiꞌ teꞌmung daꞌ tevari-koo sinang maaꞌeainaꞌmung daꞌ tee dooaing.”
51	GEN 2:20	Eeꞌnoko tenang Aadamai mirinanka tampuruꞌ teing kauꞌ karenaumo-nanka-koong bauꞌnaananka-koo eeꞌnoko biikoori-koo, napoꞌ ookara barennanka-koo tampuruꞌ, teka tee Aadama bakaang pakupakunung tee-koo makosi otoaruuꞌ.
73	GEN 3:17	Eeꞌnoko napoꞌ Aadama-koo aaꞌpuuꞌ, “Dake teni daꞌaang bakaang kara taaravera tee koiꞌkoong sinang orokoantuꞌnung maaꞌeing-koo, ninge tee kansiꞌ taamang keentoma barakosiꞌansing taamananka tampaꞌ nkoaravaꞌ otoainge, eeꞌnoko daꞌ poreꞌdoma deekoꞌ tee-koo kansiꞌkoo taamanimatoaing ookara batei daꞌ otoaining-koo.
80	GEN 3:24	Tenang Kumponinge tering bataꞌureta, tee-koo tenau-koo Iideniꞌnau-koo duaaꞌ pomanooꞌaapenameng-koo koosinunanka purintoꞌnanka donkong-antavuruꞌ, tee tevung taung koiꞌ domang-anta-aape beꞌnavung paraꞌai otoromaatooꞌnaang, bainatu ntaꞌpinaꞌ urung kompai eevaavaama.
23214	MAT 1:1	Aung aneꞌ tee Jiisuuꞌ Karistooꞌ bakanarempoꞌkoong mirinanka otoing, tee eeꞌnung Deevitaꞌ bakanaving-koong, tee Deevitaꞌ napoꞌ tee Eebaraamiꞌ bakanaving-koong.
23243	MAT 2:5	Teinge makuꞌaama aaꞌpauꞌ, “Beeteleemaꞌke, Judiaꞌkoonooꞌke, aiꞌ aung kara nakaronarai daarivuuꞌnung Daari Meekung-koo, aaꞌpuma,
23244	MAT 2:6	‘Daꞌ Beeteleemaꞌ, Judiaꞌkoonavuntuꞌ osi okiꞌnavuntuꞌ deeaꞌ teing-koo pankeng osi Judiaꞌnavaroi otoromaing-koo, aiꞌ daꞌketa tee narung tanata-nko tavoꞌkuaing nkanavitu Isireeli-nupoong sipisipiꞌnanka-pinaꞌ tanatavuriaing.’”
23251	MAT 2:13	Teing beroioꞌ napoꞌ tee koosinung Ovoring bakaang Josepaꞌankoi oroꞌparuꞌ noone-koo, teketa aaꞌpuuꞌ, “Daaꞌdaravai. Tee tootoꞌ eeꞌnoko bauko bokuereta Iisipiꞌaape mmaririra bera teke otoriko ninge nauranko deekoꞌ tororariai, aiꞌ Eerotiꞌke tee besiꞌuuꞌnaang tee tootoꞌ dupisiꞌuuꞌnaang.”
23270	MAT 3:9	Tamung diiꞌka aaꞌperiaukaꞌ, ‘Eebaraamiꞌ tee niiꞌke niuma otong,’ aiꞌ masikung ninge naurampimang Kumponinge tee Eebaraamiꞌ baurukaaꞌ aing-eta kapananka-ita nkovuripeuꞌ diiꞌ pariꞌanta-koo, domang ivekaꞌdariko deekoꞌ.
23288	MAT 4:10	Teketa Jiisuuꞌke aaꞌpuuꞌ tee, “Tokoi tenkeniai daꞌ Sietaniꞌ ning-ankoita, aiꞌ Daari Meekung-koo eeꞌ daariari otong, ‘Diiꞌke Ovoring diikaang Kumponing narung dootuuꞌeriaing, eeꞌnoko niiꞌnung siomperiaꞌ otoriai.’”
23293	MAT 4:15	“Teinge nantoonge mutaananooꞌ otoromainge pankaing araka ooaavaing teinge Sebulon eeꞌnoko Napitalai beekanavaro-kooninge, teꞌ ookamenta-koo otoromanooꞌ aaꞌnoko pirung-aape danto eeꞌnoko Jooꞌdani-nari-eta eeꞌdaanto, teꞌ eeꞌnooꞌ Kaaleliꞌ, Juꞌdeeaing Biikanooꞌ.
23302	MAT 4:24	Eeꞌnoko doorenang tee-koong Siiria-namenge nanuꞌantavauꞌ, eeꞌnoko teketa ookara siipa amutemuriiꞌpoꞌnupoong tavoꞌaaruꞌ tee-anko, sisikeerai toraꞌantavurikoꞌning, maꞌnarie koriaarikoꞌning, kookoko˜poꞌnupoong, eeꞌnoko dootanuka, eeꞌnoko teꞌ poꞌantavaariko taare-antavurikoꞌ.
23303	MAT 4:25	Eeꞌnoko nantoong karingai aaꞌning-eta Jiisuuꞌ siompai nanaakoꞌ, Kaaleliꞌnupoong, Dekapolis-navete-nupoong, Jerusalemaꞌnupoong, Judiaꞌnavete-nupoong, eeꞌnoko ookara Jooꞌdani-nari-koo aveteraang-nupoong.
23309	MAT 5:6	Biraanke-nupoong teing nantoong peeravoroma nukaaꞌoromaing tee-koo aarumo koontoꞌ siong-koo, aiꞌ teing teing poovuriaining.
23310	MAT 5:7	Biraanke-nupoong teing nantoong piaa-baukonuka, aiꞌ Kumponinge teing piaavuriaing.
23327	MAT 5:24	ioꞌ teka boonturoma uroꞌkanooꞌke sipera tee dakaang avuavuꞌ, tutung bera tee ninka mooa-antareereai, eeꞌnoko teketa tororarara tee dakaang avuavuꞌ darimpeai.
23333	MAT 5:30	Eeꞌnoko napoꞌ dakaang birenge tampavine-aapenunge duaꞌantaruko deekoꞌ orara aarumo-koo, tenaang napuꞌdarara taapoꞌ duaꞌeaing. Tampaꞌnaꞌ daꞌkoo mono-koo navioꞌ paaꞌaravaing dakaang ootukunung mono mosianung-koo naniꞌneenga.
23348	MAT 5:45	Diiꞌke teeꞌ nkoverima Diuma tee paning-koong baurukaaꞌ deentariainaꞌ. Tee eeꞌnung tee bakaang duaaꞌ ookeng-koo araka-antavumaung tampeng-koo eeꞌnoko oreng-koo, eeꞌnoko apoꞌ teeꞌ nariꞌ botovukooꞌ aaꞌning-koo koontoꞌnuka-koo eeꞌnoko koontoꞌnuka deeaing-koo.
23357	MAT 6:6	Tenang diiꞌ kunsirarima diikanavaro-koo avoꞌniiꞌnavaro-koo tuntarima karanaang daꞌperima kunsirarimatoai tee-koo Diuma-koo naninge oo-paaꞌkoo, eeꞌnoko teie Diumai kapooꞌ bakuꞌniiꞌ oovumaunge sirapoꞌke mooꞌduriai diiꞌ tee-koo.
23376	MAT 6:25	“Teeꞌkoo ninge naurampimang diiꞌ, noruꞌ mankiꞌdoriaꞌ otoai aaꞌning-koo taamang tovang ntong domanturiaining eeꞌnoko mononopaꞌnanka. Aming-koo, nnaꞌ, domaang tee taamang-koo biꞌari otoaꞌ eeꞌnoko mono tee baarong-koo ioꞌaravaꞌ.
23377	MAT 6:26	Oovereriai teing barennanka auviꞌau-kooning. Teing teing kapooꞌ keeng noruꞌaavaꞌ, kavaama oosi noruꞌaavaꞌ, koreꞌ noruꞌaavaꞌ pava-koo, teka teing teing Diumai paning-koonge bauꞌurimaing. Enang arekeeꞌ, diiꞌ ee teing-koo dau basinanka deeaꞌ bakaang norunoruꞌkoo?
23381	MAT 6:30	Teka Kumponinge baaꞌnanka teeꞌ nerampurimaung deekoꞌ, teing aaꞌnomaing naꞌmung doong-koo domamparara daunaꞌmung maraꞌoko tai-antavaakooꞌ, tee tee teeꞌ nariꞌ tasiꞌperiaing diiꞌke, masikaꞌanta okiꞌnaa otoꞌderurininge, aiꞌ diiꞌ teing deto basinooꞌ noruꞌduri duaanaruriaining.
23406	MAT 7:21	“Mmauꞌke tee aaꞌmaamaung, ‘Ovoring, niikaang Ovoring,’ nka teing ookara nariꞌ tumpariaukaꞌnung teꞌ muuꞌ paninung-koo, teka teing naing deekoꞌ tee Mmaꞌ paning-koong bakaang pia siompaavaining tumpariaing.
23411	MAT 7:26	Teka teing ookara nantoong nkaang kara tamung taaravaama siompaavarukooꞌ teing teing tee-pinaꞌ naning kanuꞌ tee bakaang pava tamung piisiꞌkoo dau kanivuuꞌnung-pinaꞌ, eꞌmang-antavuaꞌ.
23453	MAT 9:5	Arera kara masikaꞌpoaruko ooverira ning makosi deeaung tammeripeuꞌ aaꞌning-koo eeꞌ minku-koo, ‘Dakaning orarananka tontaꞌderonsing,’ niiꞌnaꞌ eeꞌ minku-koo, ‘Daaꞌdarara naniai.’?
23475	MAT 9:27	Eeꞌnoko teketa nanuko Jiisuuꞌ kenaankai naninkai kaputuꞌkai bokurema siompuretuꞌ aaꞌpurema, “Pankaing, Deevitaꞌ bakanaving-koong, Piaamereaing neeꞌ!”
23484	MAT 9:36	Eeꞌnoko tenang teie teing nantoong karinga oovurira bakaang domang aaꞌnaꞌ piaavouꞌ teing ereananuka eeꞌnoko aruaruꞌnuka deempariri otorokoꞌnung-koo, teing-pinaꞌ sipisipiꞌ tanatanungropanuka-pinaꞌ oroꞌpariko.
23495	MAT 10:9	Aing aaꞌning kapooꞌnanka nkaveriaukaꞌ: mooniꞌnanka kereka-koo kuunga, miku taamang-poꞌnung, niiꞌnooꞌ mononopaꞌ paripariꞌ, eeꞌnoko boonamante˜, napoꞌ donsiꞌ nkaveriaukaꞌ, aiꞌ tee tee pakuereriko diiꞌ napoꞌ teinge pakuraariaing.
23500	MAT 10:14	Naninge onkeonkeꞌduriaukaꞌnung deekoꞌ eeꞌnoko diikaang kara taaravuaukaꞌ teketa teva-ita, niiꞌnooꞌ osi-eta, tenkenirima temono-koong daꞌmong tankaveriaing diikaang peꞌnaaꞌketa temono Kumponing-koo maarekusiꞌnamono taaꞌniꞌantaveri.
23501	MAT 10:15	Masikaꞌ naurampimang ninge, teꞌmung simpeꞌ nkonaꞌmung kiimata temono-nupoong biikaang koontoꞌ bakei dau basi deemparavaing teing-koo temuꞌnupoong oreng-koo biikaang osi Kumponinge paroꞌuuꞌning-koo, aaꞌnoko Sodom eeꞌnoko Komoraꞌ.”
23515	MAT 10:29	“Noruꞌeri otong nantoonge keura barenning okiꞌnarekaꞌ baaveaamaung nau mooniꞌnu-koo, teka bane okiꞌninge, Diumai tauraꞌpuaruko kansiꞌkoo teing-koo nau duaꞌaravarupeuꞌ.
23530	MAT 11:2	Eeꞌnoko Jooni Minkinara kiimata-navaꞌkoo otoi teing kapooꞌnanka Karistooꞌke nkovukoꞌning taaravura teie kenaankara bakaning barevare-nupoong-koo botovuretuꞌ tee Jiisuuꞌanko tee niaꞌurema aaꞌpureeꞌnaang, “Daꞌ ee tee tavoꞌkuaing-koong, aiꞌ mmeꞌ niiꞌnung nempampiainge?”
23549	MAT 11:21	Aaꞌpuruꞌ, “Bakaꞌe piaaruꞌnuka diiꞌ Korasin-nupoong, toraꞌkiriaining. Piaaruꞌnuka diiꞌ Besaida-nupoong, diiꞌ toraꞌkiriaininge, aiꞌ diiꞌ teing kapooꞌnanka iriꞌpoꞌning taꞌnimpaariiꞌnanka diiꞌkoo nkoaruꞌning ooverima bereꞌdariaruuꞌ. Teinge Juꞌdeeaing Saidoniꞌnupoong eeꞌnoko Taiaꞌnupoonge ooaara dei namuꞌke bereꞌaripeuꞌ sipunge pooꞌarima mononopaꞌ orarunsi-koong kurumparipeuꞌ bereꞌariruꞌnung-koo taaꞌniꞌantavarima.
23588	MAT 12:30	Eeꞌnoko diiꞌke tasiꞌmeriarura diiꞌ teing ning-koo kare-nupoong, eeꞌnoko diiꞌ niꞌninka nariꞌ nantoong oosiarampiarura diiꞌ purarenkaꞌ nkonuka Kumponing bakaang muuꞌketa.
23592	MAT 12:34	Diiꞌ borukoporonuka doparopa-poꞌning, diiꞌ teing oreng masikeng siraꞌdarimaing kapooꞌ koontoꞌnaꞌ minku paaꞌerima! Aiꞌ kapooꞌ tee domang-koo otoing piamparako karange minkuerimaung.
23613	MAT 13:5	Eeꞌnoko niiꞌning sinang kansiꞌ aavetaꞌkoo dau duaꞌariruꞌ kapang-koo dau otomaung-koo, eeꞌnoko daꞌdeng narung dupuuꞌ, teꞌ kansiꞌ baruꞌ aavetaꞌnooꞌ deemparako.
23623	MAT 13:15	“Aiꞌ teing aing nantoong biikaang domang poruruorouꞌning˜, biikaang punkange taara-koo baruꞌ makotuaunge eeꞌnoko biikaang duta mutuuariruꞌ. Teeꞌ biiꞌka maroita nkoariruꞌ aaꞌnoꞌneeng-koo, dutai tasiꞌpaama, punkange taaravaama, domange onouaara ning-koo toroariko ninge unaa-antavaramiꞌneeng-koo.’
23624	MAT 13:16	“Teka diiꞌ diikaang duta biraankeniiꞌ teinge ookirimaung-koo, eeꞌnoko diikaang punkang biraankeniiꞌke teinge taarakirimaung-koo.
23640	MAT 13:32	Bane temuriiꞌ mukusiriꞌ ookara-ita, nka tee tenang dupura pankaꞌparama taamang mintoong-kooning divuꞌura koiꞌ pankavari deemparamaung, eeꞌnoko barennanka poroma biikaang bitonanka kaniaamaunge kaumpeꞌnanka-koo.”
23641	MAT 13:33	Napoꞌ teeꞌ nariꞌ niiꞌnung mirumiruꞌ nau-antavuruꞌ, aaꞌpuuꞌ, “Tee muuꞌ paninung tee teu-pinaꞌ parauanu naakoꞌniiꞌnu iisi-poꞌnu-pinaꞌ naninge manikumai nkavura paraua diisi beerentuꞌkoo maantoꞌura naroꞌka bereꞌuko bera teue ookara pangapangavopeuꞌ.”
23660	MAT 13:52	Napoꞌ teie aaꞌpuruꞌ teing, “Ookara teing-koo boto nau-antanuka ning-koo barearimaing muuꞌ paning-aapening-koo teing teing biraanke-nupoong, aiꞌ teinge urikupoong nakaro-nupoong biikaang kara tasiꞌpai otorong eeꞌnoko ning-koo dupearamanaꞌ tasiꞌpai otong tampaꞌ nantoong nau-antavaariiꞌnaang naroꞌka.”
23665	MAT 13:57	Eeꞌnoko teing tee-koo domang orakaꞌ otoroko Jiisuuꞌke aaꞌpuruꞌ, “Mmauꞌ nantoonge niiꞌ nakaro-nupoong pankaing-antamaarimaung. Niikanooꞌnupoonge deekoꞌ pankaing-antamaariaung, niiꞌmarange.”
23680	MAT 14:14	Tenang Jiisuuꞌ bakaning ninka teꞌ duumearira˜ teka nantoonanka mmauꞌ karinga oovurira bakaang domang aaꞌnaꞌ piaavouꞌ teing-koo, eeꞌnoko siipa-nupoong poꞌantavaaruꞌning taare-antavuruꞌ.
23695	MAT 14:29	Jiisuuꞌke aaꞌpuuꞌ, “Poaing.” Teketa tenang Piita doonko siaruꞌ bakaasi-eta, eeꞌnoko ntong-koo daue nanuuꞌ Jiisuuꞌanko bema.
23710	MAT 15:8	‘Teinge ainge nantoonge biikaang beꞌduuꞌke narunge pankaing-antamaamaung, teka biikaang domang ning-koo isipoꞌ otoroi.
23713	MAT 15:11	Tee kapooꞌ naning-koo karang-koo tumparamaunge naning bakaang domang orari-antavuaung Kumponing bakaang duta-koo, teka teie kapooꞌke naning-eta karange doompeto pomaunge naning domang orari-antavumaung.”
23722	MAT 15:20	Aing eeꞌninge kapooꞌnankai naning orari-antavumaung, teka bireng duuꞌparavaꞌ taamang naie naning orari-antavuaung.”
23724	MAT 15:22	Teka temeng-koo naning Keenang-naving-koonani Jiisuuꞌanko pora bokuma aaꞌpuuꞌ, “Ovoring, Deevitaꞌ bakanaving-koong, piaameai ning! Nnorang teni maꞌnaang aaꞌnaꞌ masikaꞌ kurumaaꞌaramanani!”
23759	MAT 16:18	Eeꞌnoko ninge aaꞌdamaang, daꞌ tee eeꞌnung Piita, Manto, eeꞌnoko aung-koo boiaꞌkoo eꞌmaniang-koo ninge tee nkaang dootuuꞌ donkong-antavampaing, mosianung-koonge purintoꞌke puruꞌuaukaꞌnung.
23763	MAT 16:22	Teketa Piitai taapoꞌ beꞌantavura teka potevuma aaꞌpuuꞌ, “Bakei makotuaꞌ daꞌ teeꞌ nko-koo, Ovoring. Teeꞌ daꞌkoo nkoaravaukaꞌnung.”
23765	MAT 16:24	Teketa Jiisuuꞌke aaꞌpuruꞌ teing bakaning barevare-nupoong, “Naning ning siomui pooꞌnaang piavora deekoꞌ, baka bakaang pia iroꞌ doonko tompimparavaing eeꞌnoko bakaang aaꞌbarataꞌ poruꞌui ning siomumaatoaing.
23804	MAT 18:8	“Eeꞌnoko dakaang birenge niiꞌnooꞌ kauꞌke duaꞌantaruko deekoꞌ orara aarumo-koo, napuꞌdarara taapoꞌ duaꞌeaing tenauꞌ. Tampaꞌ masikaꞌ tee daꞌ nanauꞌ kopuꞌdarara deꞌdoonima domaang otoi otoꞌnooꞌ beaing, ookanauꞌka otoi ntaꞌkoo otoi-otoꞌkoong-koo duaꞌduꞌneenga.
23809	MAT 18:13	Eeꞌnoko masikaꞌ minkuamaang, teie daaꞌura deekoꞌ teu, tee tee bakei aaꞌnaꞌ dotuarapeuꞌ teu-koo eeꞌnu-koo sipisipiꞌnu-koo, bane teing niiꞌning mmauꞌ otoroko pooariarupeuꞌning.
23816	MAT 18:20	Aiꞌ areꞌ tokoo beenaumo niiꞌnooꞌ kenaanka naroꞌ poroainooꞌ nkaang miring-koo, ning tee teke teing-ankoi nariꞌ oꞌnoaing.”
23823	MAT 18:27	Eeꞌnoko teie bakaang ovoringe teeꞌ oovura bakaang domang aaꞌnaꞌ piaavouꞌ tee-koo, eeꞌnoko unaa-antavuma tontaꞌevuuꞌ tee bakaang komaaru.
23836	MAT 19:5	Eeꞌnoko aaꞌpui otong Daari Meekung-koo, ‘Teeꞌkoo donkaanie baumararing sipureta baꞌaang ninka pinkaꞌareaing, eeꞌnoko tee tenaanka narung mono deempareaing.’
23845	MAT 19:14	Eeꞌnoko Jiisuuꞌke aaꞌpuuꞌ, “Teing toirekaaꞌ tauraꞌperereriko poroai ning-anko, paraꞌereriaꞌ, aiꞌ tee muuꞌ paninung nantoong amuriiꞌ okovuriaing.”
23884	MAT 20:23	Teketa Jiisuuꞌke aaꞌpuretuꞌ, “Eeꞌ, masikaꞌ deeꞌke naiereaing teruꞌ nkanareng-eta, eeꞌnoko teeꞌ sisikeerai meekaꞌantarareainge ning meekaꞌantamaravainaꞌ, teka tee baꞌnavaꞌnaniꞌ ning-koo tampavine-koo niiꞌnooꞌ mareꞌaanavine-koo ning-koo ninge miruꞌkoo makosi deeaꞌ. Teie Mmaꞌke bampuuꞌnaꞌ baꞌnantareaing.”
23891	MAT 20:30	Kenaanka naninka kaputuꞌka taung miiringe baꞌnanuresi otorekoꞌ, eeꞌnoko tenang tee Jiisuuꞌ teketa tankinuko taaravureta tenaanka bokurema aaꞌpuretuꞌ, “Ovoring, Deevitaꞌ bakanaving-koong, piaamereai neeꞌ.”
23892	MAT 20:31	Teka nantoong karingai akaꞌpaarema dooroompareeꞌnaang botoaaretuꞌ. Teka tenaanka baruꞌ aaꞌnaꞌ bokuretuꞌ aaꞌpurema, “Ovoring, Deevitaꞌ bakanaving-koong, piaamereai neeꞌ.”
23895	MAT 20:34	Jiisuuꞌ bakaang domang aaꞌnaꞌ piaavouꞌ tenaanka-koo, eeꞌnoko beekaang duta kompureko namuꞌke bantoreta ookuretuꞌ. Teketa Jiisuuꞌ siompuretuꞌ.
23900	MAT 21:5	“Bera naueriai teing Saioni-nupoong, aaꞌperiaing, ‘Ooveriaing, diikaang daurarong˜ diiꞌanko dooroompari banainge pomaang, doonkiiꞌnu kampianu-koo dau baꞌnanui, kauꞌ karenaumo-nu dooroompari mankiꞌnanka nkavumau-koo.’”
23909	MAT 21:14	Teketa kaputuꞌnanka eeꞌnoko dootananka tee-anko porouꞌ teꞌ dootuuꞌnava pankava-koo, eeꞌnoko teka taare-antavuruꞌ teing.
23910	MAT 21:15	Teka teing piristiꞌnuka-koo pankenge eeꞌnoko boto naunukai teeꞌ ooaara domang orakaꞌ deeꞌorouꞌ teie kapooꞌ tampeng taꞌnimpaariiꞌnanka nkovuko eeꞌnoko napoꞌ toireꞌke dootuuꞌnava pankava-koo parang-koo kuunga oovavaama aaꞌpaakoꞌnung-koo, “Daangampampimaatoaing tee Deevitaꞌ bauring.”
23932	MAT 21:37	Asiꞌnaꞌmoo masikaꞌmoo teie bauring botovuuꞌ teing tarenuka-anko, eeꞌ noruꞌura, teing tee nnuring-koo amaiaaꞌoroaing.
23962	MAT 22:21	Teinge aaꞌpauꞌ, “Siisaꞌkoong.” Teketa teie aaꞌpuruꞌ teing, “Tee tee averiaing teing kapooꞌ Siisaꞌ bakaning tee-anko, eeꞌnoko Kumponing bakaning Kumponing-aape averiai.”
23973	MAT 22:32	‘Ning tee Kumponing teing aing aaꞌning temuꞌnupoong biikaang: Eebaraamiꞌ, Aisakeꞌ, Jeekopiꞌ. Teing ninka komeeri Oꞌnoi Oꞌnomaung ning.’? Teeꞌ minkuvuuꞌnung-koo tasiꞌpampiri otong ookara bakaning deempariri domantooꞌnuka otorong Kumponing bakaang duta-koo, booꞌnuka deeaꞌ.”
24004	MAT 23:17	Diiꞌ bakei kaputuꞌnuka mutaanang-kooning, arera teing-koo aing-koo aaꞌning-koo dau basi: kooro niiꞌnooꞌ dootuuꞌnava pankava tee kooro meekaꞌantavumanava?
24006	MAT 23:19	Diiꞌ bakei kaputuꞌnuka mutaanang-kooning, arera kapooꞌ pankaing masikung teing-koo, tee kapooꞌ darimpaamaung aiꞌ teꞌ boonturoma tee kapooꞌ teꞌ darimpaamaung meekaꞌantavumaung?
24024	MAT 23:37	“Oi bakaꞌ Jerusalemaꞌnupoong, Jerusalemaꞌnupoong, dupisiꞌerererimaing Kumponing bakaning nakaro-nupoong, eeꞌnoko teing diiꞌkoo botovurimaing kapange tooꞌpererima dupisiꞌerererikooꞌ, arekeeꞌning batei-koo ninge diiꞌ naroꞌkoo karirampimaung kokoreeꞌke baurukaaꞌ kupaꞌkoo boong naroꞌurimanaꞌ, teka diiꞌ arooꞌdariaung.
24029	MAT 24:3	Teketa Jiisuuꞌ teke Oliveꞌpoꞌnamii-koo baka baꞌnanuioꞌ bakaning barevare-nupoong tee-anko porora biiꞌka otoroi niaꞌaama aaꞌpauꞌ, “Naumeriai tee areꞌmoong teeꞌ nkoaravaing, eeꞌnoko taaꞌniꞌanta aming daꞌ poaing-koong, eeꞌnoko aung batei oparavaing-koong taaꞌniꞌanta aminge?”
24032	MAT 24:6	Eeꞌnoko diiꞌke tee karenanka tavoꞌkuko eeꞌnoko tamung minkuaako taaraveriaing, teka diiꞌ eeꞌning tarerariaing diiꞌ domang puraaniriꞌneeng tee-koo, aiꞌ teing teing kapooꞌ teeꞌ oroꞌnanka nkoaravaining, teka botu mmeꞌ basiaravaꞌ.
24050	MAT 24:24	Aiꞌ teing nakaro-nupoong eeꞌnoko pakoꞌpariꞌniiꞌnuka daang Kumponing-etaning tamparimaing porora taaꞌniꞌanta pankenanka taꞌnimpaariiꞌnaꞌ nkoaavaing nantoong tosiaarima Kumponing bakaning naroꞌka papaara-antavaariiꞌnaang, tavoꞌarapeuꞌnung-pinaꞌ.
24056	MAT 24:30	Eeꞌnoko tenang eeꞌnang tee taaꞌniꞌanta Tee Naning-naumpoꞌ Paning-etaing ookara kansiꞌ tare-koo poaing-koong oroꞌparavaing teke paning-koo, eeꞌnoko nantoong ookara kansiꞌkooning tenang eeꞌnang avoreaama orarunsiariaing. Eeꞌnoko teinge ning Tee Naning-naumpoꞌ Paning-etaing taaꞌniꞌmoi moko oomaavaing, purintoꞌ ninka kamoꞌke depeto aaꞌnaꞌ meenaꞌmoi.
24140	MAT 26:17	Doong tutunaꞌnaꞌmung basiarioꞌ tee paroro Juꞌ biikaang bereteꞌ iisiropa-koong, bakaning barevare-nupoong Jiisuuꞌanko porora tee niaꞌaama aaꞌpauꞌ, “Dake areꞌke niiꞌke tee Taamang Baariꞌkoong˜ maamu-antavampira naiampiiꞌnaang piaromaang?”
24178	MAT 26:55	Eeꞌnoko tenang Jiisuuꞌke aaꞌpuruꞌ teing nantoong karinga, “Diiꞌke ee ning tavuꞌ nkoaama bakiaaꞌkamaung deemerima bainatu dovang ninka ankonuꞌ poring ning daiꞌmeriiꞌnaang? Doong kante tee ning oomerioꞌ dootuuꞌnava pankava-koo doonanairu-koo baꞌnamari nau-antamaramaung, teka teke oꞌnoko diiꞌke ning daiꞌmeriaung.
24196	MAT 26:73	Napoꞌ teketa otompuaruko teinge nantoonge teke donkonai otorokoꞌninge Piita-anko masipoꞌ berora aaꞌpauꞌ, “Bakei masikaꞌ daꞌ teie narung teing-koong, aiꞌ daꞌ tee teeꞌ teing-pinaꞌ karema siraꞌdaramang.”
24231	MAT 27:33	Teketa Kolokataꞌ tampaamanooꞌ basi-antavauꞌ, miruꞌnooꞌ Makupiꞌnooꞌ.
24249	MAT 27:51	Eeꞌnoko tenang eeꞌnang tee baarong pava dootuuꞌnava pankava-koong, meekavaro kuꞌnung, meuꞌ keꞌmeꞌaruꞌ aꞌdeiꞌketa depeto dereꞌarama bera aꞌdoong kainuꞌ. Kansiꞌ uꞌmiꞌke aaꞌnaꞌ biruꞌuuꞌ, eeꞌnoko boiaꞌnanka keꞌmeraꞌariruꞌ.
24254	MAT 27:56	Teing-koo niiꞌnani Meeriꞌ Maꞌdala-nani, eeꞌnoko niiꞌnani napoꞌ Meeriꞌ Jeemisi namainta Josepaꞌ beuko, eeꞌnoko napoꞌ Siebedi baurinketa beuko.
24281	MAT 28:17	Eeꞌnoko teinge ooaara kinkinaama pankaing-antavauꞌ, teka niiꞌning keekooꞌariruꞌ.
24318	MRK 1:34	Eeꞌnoko amutemuriiꞌ siipa-poꞌnupoong taare-antavuruꞌ, eeꞌnoko maꞌnari mmauꞌ bataꞌuruꞌ kara potevurima Jiisuuꞌ tasiꞌpaioꞌ.
24325	MRK 1:41	Eeꞌnoko Jiisuuꞌ bakaang domang aaꞌnaꞌ piaavora tee-koo, eeꞌnoko birenge kompuma aaꞌpuuꞌ, “Piamoi oꞌnong. Enang kuiraring!”
24338	MRK 2:9	Arera kara masikaꞌpoaruko ooverira ning makosi deeaung tammeripeuꞌ aaꞌning-koo, aung doota eeꞌ minku-koo, ‘Dakaning orarananka tontaꞌderonsing,’ niiꞌnaꞌ eeꞌ minku-koo, ‘Daaꞌdarara dakaang taniꞌ nkavei naniai.’?
24358	MRK 3:1	Eeꞌnoko Jiisuuꞌ napoꞌ toroaruꞌ dootuuꞌnava-koo, naning teke otoko bireng duuaiꞌ.
24361	MRK 3:4	Eeꞌnoko aaꞌpuruꞌ, “Boto ee Doong Uaanaꞌmung-koo kapooꞌ tampara aiꞌ naning orari-anta nko-koo tauraꞌmuri otong? Aiꞌ domang-antanaꞌmunge, aiꞌ dupisiꞌnaꞌmunge?” Eeꞌnoko teing Boto Keperuuꞌnavitu˜ tenang dooroompariruꞌ.
24364	MRK 3:7	Eeꞌnoko Jiisuuꞌ bakaning barevare-nupoong ninka tenkenauꞌ bera nuaruꞌ Kaaleliꞌ dueꞌ. Eeꞌnoko nantoong miatarai siompauꞌ osi kante-ita porora, nariong Kaaleliꞌnupoong, Judiaꞌnupoong, Jerusalemaꞌnupoong, Idumeaꞌnavaro-nupoong, Taiaꞌnupoong, Saidoniꞌnupoong.
24397	MRK 4:5	Eeꞌnoko niiꞌning sinang dakurakung-koo dau duaꞌariruꞌ kapang-koo dau otomaung-koo, eeꞌnoko daꞌdeng narung dupuuꞌ, teꞌ kansiꞌ baruꞌ aavetaꞌnooꞌ deemparako.
24412	MRK 4:20	Eeꞌnoko sinang kansiꞌ pankauang-koo duaꞌariruꞌning miruꞌnooꞌ eeꞌ oroꞌ: Niiꞌning nantoonge tee kara tariiꞌoroi taaravaako biꞌumaung niiꞌning-koo beenaumo kivora-pinaꞌ, niiꞌning-koo ˜narung-taa kivora-pinaꞌ eeꞌnoko niiꞌning-koo narung daakuꞌpinaꞌ.”
24424	MRK 4:32	Bane temuriiꞌ mukusiriꞌ ookara sinang kansiꞌkoo keempaamaing-eta, teka tenang naninge kansiꞌkoo keempuko dupura pankaꞌparama taamang mintoong-kooning divuꞌura kaumpeꞌnanka tampaꞌ tovoroꞌarapeuꞌ eeꞌnoko amutemuriiꞌ barenge bito kaniaama teke ueemparipeuꞌ.”
24480	MRK 6:4	Eeꞌnoko teing tee-koo domang orakaꞌ otoroko Jiisuuꞌke aaꞌpuruꞌ, “Napoꞌ ookara niiꞌning nakaro-nupoong-koo teeꞌke, nantoonge oovunooꞌka pankaing-antavaarimaung, teka biikanooꞌka deeaꞌ, eeꞌnoko biiꞌmarange deeaꞌ.”
24496	MRK 6:20	Erodiasie napoꞌ domang dupisiꞌkoo piavoko Eerotiꞌ tavuꞌkoo kupiꞌora donkonuꞌuuꞌ avoroitaaꞌ Jooni-koo, aiꞌ Eerotiꞌke Jooni tee tampaꞌ noruꞌui otokoꞌnung, naning koontoꞌ eeꞌnoko meekarai. Eeꞌnoko bane teie, Eerotiꞌke Jooni taaravuma noruꞌ mankiꞌokoꞌnunge, teka tee taara-koo piavokoꞌnung.
24510	MRK 6:34	Eeꞌnoko Jiisuuꞌ bakaasi-eta siarama nantoong karikaꞌ oovuruꞌ eeꞌnoko bakaang domang aaꞌnaꞌ piaavouꞌ teing-koo, sipisipiꞌ tanatanungropanuka-pinaꞌ oroꞌpariko. Eeꞌnoko tenang Jiisuuꞌke kara amutemuriiꞌ nau tutumpuruꞌ.
24538	MRK 7:6	Eeꞌnoko Jiisuuꞌke aaꞌpuruꞌ, “Tee nakaronung Aisaiaꞌ koontoꞌ masikaꞌpari tarampeearuꞌnung˜ diiꞌ ampirinunuka minkururima, Daari Meekung-koo eeꞌ daariari otoinaꞌ, ‘Teinge ainge nantoonge biikaang beꞌduuꞌke narunge pankaing-antamaamaung, teka biikaang domang ning-koo isipoꞌ otoroi.
24558	MRK 7:26	Teninooꞌ Juꞌdeeaing-koonani, Ponisia-nameensiꞌke pontoꞌaruꞌnani, Siiria-nameng-koo. Aaꞌnaꞌ baitoaritaaꞌ Jiisuuꞌ keviꞌuuꞌnani baurang-eta maꞌnaang bataꞌkoo.