67	GEN 3:11	Eeꞌnoko Kumponinge aaꞌpuuꞌ, “Daꞌ baie simpenoiꞌ otoing nauruing? Aiꞌ tee koiꞌkoong sinang orokorantuꞌnavari-koong maaꞌei?”
86	GEN 4:6	Eeꞌnoko Ovoringe aaꞌpuuꞌ tee Keiniꞌ, “Daꞌ aming-koo iirarora oing orakaꞌ oroꞌdaramang?
87	GEN 4:7	Daꞌ tampaꞌ boontunantaravaing deekoꞌ ning daꞌkoo dotumaravaing, apeꞌ aung? Teka tee dake kapooꞌ orara nkoveko deekoꞌ tee orara aarumo maamuari otong daꞌ kurumaaꞌkoo. Nka dake purintarara puruꞌeaing tee.”
90	GEN 4:10	Eeꞌnoko Ovoringe aaꞌpuuꞌ, “Nka dake aming nkoveing? Tee daaraꞌmaꞌnung bakaang ereng-koong aurong tee ning-koo biromparamang kansiꞌketa.
23240	MAT 2:2	“Daurarong Juꞌnupoong biikaang pontoꞌaruꞌnung arerai? Niiꞌke bakaang beentoꞌ taꞌdaꞌpuioꞌ ooampira nanampikotaaꞌ enang moring tee-koo dootuuꞌmariiꞌnaang.”
23316	MAT 5:13	“Diiꞌ teing devaꞌnuka ookara kansiꞌkoo, teka tee devaꞌ tariiꞌnooꞌ paaꞌarapeuꞌnung arekeeꞌ napoꞌ tariiꞌantavupeuꞌ? Tee aaꞌ tee tamunsiꞌnung deemparing. Tamung doonko duaꞌuma nantoonge mmemmeꞌkoo makosi.
23349	MAT 5:46	Eeꞌnoko diiꞌke teing nantoong diiꞌ piaaraarimaing naing piaaverererira deekoꞌ mooꞌ aremuriiꞌ nkaveripeuꞌ Kumponing-eta? Teeꞌ ee deeaꞌ nariꞌ teing oreng taakisi nkanuka nkoarimanaꞌ?
23350	MAT 5:47	Eeꞌnoko diiꞌke teing daꞌmarang naing onkeonkeꞌereriaing deekoꞌ aming kapooꞌ dau basi niiꞌning nkoaamaing-koo nkoveripeuꞌ? Bakei katuaꞌ. Mutaanang-nupoonge ee teeꞌ nkoaavaung?
23377	MAT 6:26	Oovereriai teing barennanka auviꞌau-kooning. Teing teing kapooꞌ keeng noruꞌaavaꞌ, kavaama oosi noruꞌaavaꞌ, koreꞌ noruꞌaavaꞌ pava-koo, teka teing teing Diumai paning-koonge bauꞌurimaing. Enang arekeeꞌ, diiꞌ ee teing-koo dau basinanka deeaꞌ bakaang norunoruꞌkoo?
23378	MAT 6:27	Eeꞌnoko diiꞌkoo baie noruꞌ mankiꞌoma doong naraangaꞌnooꞌ deto beꞌnuꞌantavura teꞌkoo domampari otopeuꞌ? Otoaꞌ.
23379	MAT 6:28	Eeꞌnoko aming-koo napoꞌ diiꞌ baarong tovang-koo noruꞌ mankiꞌdorikooꞌ? Oovereriai teing iiooꞌnanka tamung dupurimanaꞌ, baarong tuaꞌkoo poreꞌoroainge.
23388	MAT 7:3	Aming-koo dake nankiꞌ daaraꞌmaꞌnung-koo duta-koo oovemaunge teka daka noruꞌdaravaꞌ daꞌkoo duta-koo konkinarong otoing?
23394	MAT 7:9	Diiꞌkoo baie bauring taamang-koo eentavuko kapang avupeuꞌ?
23395	MAT 7:10	Niiꞌnooꞌ taviꞌkoo eentavuko ee boruꞌ avupeuꞌ tee? Otoaꞌ.
23401	MAT 7:16	Teka tee-koo biikaang sinananka-koo diiꞌke tasiꞌpereriaing. Aiꞌ nantoonge ee karikauꞌ tooꞌmurintaaꞌpoꞌnavari-koo kavaapeuꞌ? Aiꞌ kiring ee nantong-koo kavaapeuꞌ? Otoaꞌ!
23443	MAT 8:29	Poreta aaꞌpuretuꞌ, “Jiisuuꞌ ee, dake Kumponing Bauringe niiꞌ arekeeꞌ nkomeriiꞌnaang? Aiꞌ niiꞌ toraꞌanta-koo poinge niikaang batei mmeꞌ makotuaruko?”
23452	MAT 9:4	Teketa Jiisuuꞌke biikaang noruꞌ noruꞌura aaꞌpuruꞌ teing, “Diiꞌ aming-koo diikaang domang-koo kuunge teeꞌ munkururarimaang?
23462	MAT 9:14	Napoꞌ Jooni bakaninge barevare-nupoonge porora Jiisuuꞌ niaꞌaama aaꞌpauꞌ, “Daꞌ dakaning daꞌ ninka nanirimaing arekeeꞌkoo dootuuꞌkoong aarumo siompai unkumuariaung? Eeꞌnoko niiꞌ Boto Keperuuꞌnavitu ninka unkumumarikooꞌ.”
23463	MAT 9:15	Eeꞌnoko Jiisuuꞌke makuꞌurima aaꞌpuruꞌ, “Teing nantoong baraneeꞌnavitu nampeesi-koo poromaing naning nampeesinara ninka nariꞌ otoroi arekeeꞌ napoꞌ orarunsiaripeuꞌ tee nampeesinara teke otoko? Batei tee otong tee naning nampeesinara teing-eta tontaꞌaravainaꞌmung, eeꞌnoko tenang teing doong-koo unkumoariaing.
23535	MAT 11:7	Teketa Jooni Minkinara bakanaanka kara-nkara toroareko Jiisuuꞌke kara-nau tutumpuruꞌ nantoong karinga Jooni minkuvuma, eeꞌnoko aaꞌpuuꞌ, “Diiꞌke aremuriiꞌ naning doore taaraverira meeꞌboraꞌ sirakamaaꞌkoo ooveriiꞌnaang berikoꞌ karikaꞌduri? Naning tunsi-paaka onou avitoitoi eeari otoꞌ oo-koo teꞌ beriarupeuꞌ, apeꞌ?
23536	MAT 11:8	Napoꞌ naning nepuꞌarama kirokaiari otomaung oo-koo beriaꞌ, apeꞌ aing? Aiꞌ teing nantoong baarong tampenge nopaꞌarimaing dauraronanka biikaning-koo pava-koo oovereripeuꞌ, meeꞌboraꞌ sirakamaaꞌkoo deeaꞌ.
23537	MAT 11:9	Teka arekeeꞌ masikaꞌ oroꞌ oo-koo berikoꞌ diiꞌ, aiꞌ narung nakaronara? Eeꞌ, tee bakei nakaronara masikung Kumponing-etaing emuꞌ ninge naurampimang diiꞌ. Tee tee aaꞌnung ookara nakaronuka-koo dau basie tee.
23544	MAT 11:16	Teketa Jiisuuꞌke napoꞌ aaꞌpuuꞌ, “Diiꞌ nantoong emuꞌnavarang ninge aminge pa miruꞌdampipeuꞌ? Diiꞌ teing toireꞌpinaꞌ oroꞌnanka baaveroma baꞌnaniai turampeemaing biiꞌka aaꞌpeema,
23561	MAT 12:3	Eeꞌnoko Jiisuuꞌke makuꞌurima aaꞌpuruꞌ, “Diiꞌke aming-koo teeꞌ tuumpimerimaang? Tampaꞌ noruꞌeri otong tee kapooꞌ Deevitaꞌke nkovuuꞌnung tenang tee peeravora, tee Deevitaꞌ eeꞌnoko teing nariꞌ otorokoꞌning ninka.
23569	MAT 12:11	Jiisuuꞌke aaꞌpuruꞌ teing, “Diiꞌkoo niiꞌnung sipisipiꞌnavoroꞌ otoꞌevuing eeꞌnoko tevoroꞌ dinkung-koo duaꞌarapeuꞌ Doong Uaanaꞌmung, eeꞌnoko teie tevoroꞌ teꞌmung kompura ee taaruꞌuarupeuꞌ? Tee aaꞌ taaruꞌupeuꞌ.
23570	MAT 12:12	Eeꞌnoko naning ee sipisipiꞌkoo dau basi deeaꞌ? Tee aaꞌ naning tee sipisipiꞌkoo dau basi. Teeꞌkoo botoi tauraꞌmurimaung Doong Uaanaꞌmung naning tampaꞌ nko-nko.”
23584	MAT 12:26	Eeꞌnoko napoꞌ teie Sietaniꞌke bakanamuiaang bataꞌurira tee tee baka siivenkeꞌarapeuꞌ eeꞌnoko teeꞌkoo arekeeꞌ bakaang muuꞌ donkonui nariꞌ otopeuꞌ?
23585	MAT 12:27	Eeꞌnoko ooveriko diiꞌ siontaarimaing-koo niiꞌning maꞌnari bataꞌaarimaing otorong. Eeꞌnoko ninge Kopeu ninka maꞌnari bataꞌaramaung tamperima deekoꞌ teing siontaarimainge baa ninka bataꞌaarimaung tamperikooꞌ? Arekeeꞌ, teing napoꞌ ning-pinaꞌ nariꞌ Kopeu bakaang purintoꞌke bataꞌaarimaing tamperererimaang ee? Teeꞌ taararaarira teinge tuutunantaariaing diiꞌ, aiꞌ teing teeꞌke niꞌninka nariꞌ nkomarimaing.
23587	MAT 12:29	“Aiꞌ naninge naning purintoꞌ bakanava-koo arekeeꞌ koinura ookara kapooꞌ bakaning nkavupeuꞌ tee naning purintoꞌ tutung daiꞌuaꞌ? Daiꞌura deekoꞌ pariꞌupeuꞌ bakanava-kooning kapooꞌnanka.
23591	MAT 12:33	Sinang tampara tamperiaing deekoꞌ tevari koiꞌnavari teeꞌ nariꞌ tampavari tamperiaing. Sinang orara deemparako deekoꞌ tee koiꞌ tevari oravari tang-koo makosi, aiꞌ ookara koiꞌnanka tee sinang-koo tasiꞌparampimaung. Enang arekeeꞌkoo kapooꞌ tampeng nkoanko Kopeu-etaing tamperimaunge?
23662	MAT 13:54	Bera bakanooꞌ osi masipoꞌ pora nantoong nau-anta tutumpuruꞌ biikanava dootuuꞌnava-koo. Eeꞌnoko teing taꞌninaara aaꞌpauꞌ, “Aunge tee aung noruꞌ areꞌka nkavuuꞌnung, eeꞌnoko teing aing taꞌnimpaariiꞌnanka iriꞌpoꞌning?
23663	MAT 13:55	Aung ee eeꞌnung tee anke pava kani bauring ee deeaꞌ? Bauko miring Meeriꞌ eeꞌnoko baaraꞌmainkaang ainge ee deeaꞌ aaꞌning, Jeemisi, Josepaꞌ, Saimoniꞌ eeꞌnoko Judasi?
23664	MAT 13:56	Baꞌmarikaampi anke ee otoroaꞌ niiꞌ ninka? Areꞌka nkavuuꞌnunge aunge aing kapooꞌnanka?”
23705	MAT 15:3	Teketa Jiisuuꞌke makuꞌuma aaꞌpuruꞌ, “Nka diiꞌke tee Kumponing bakaang boto aming-koo totoꞌperikooꞌ tee diikaang minkunaa sintokosintoi-koong toomo siomperima?
23718	MAT 15:16	Jiisuuꞌke aaꞌpuuꞌ, “Diiꞌ ee teing-pinaꞌ nariꞌ mmeꞌ noruꞌ sirakaꞌdariaꞌ?
23719	MAT 15:17	Arekeeꞌ tasiꞌperiaꞌ tee kapooꞌ naning-koo karange doonko tumparama pakosiiꞌkoo bemaung, eeꞌnoko teketa mono-ita napoꞌ siarakooꞌ domang orarivuaꞌ?
23749	MAT 16:8	Teketa Jiisuuꞌke tee biikaang minkunaa noruꞌura aaꞌpuruꞌ teing, “Diiꞌ baruꞌ masikaꞌantaropanuka, aming-koo diiꞌka minkurarimang taamang nkaveriarura?
23750	MAT 16:9	Koontoꞌ ee mmeꞌ diiꞌke tasiꞌmeriaꞌ ning? Noruꞌeriaꞌ otong teing paꞌnokoꞌnuri bereteꞌ, nantoonge paꞌnokoꞌ kokoreiꞌke naiauꞌning, eeꞌnoko teing-koo arekeeꞌning pekuꞌ oosierira maantoꞌeruꞌ damaꞌke taaꞌparioꞌ?
23751	MAT 16:10	Napoꞌ ee noruꞌeriaꞌ otong teing paꞌnokoꞌketa keura bereteꞌ nantoong karenaumo kokoreiꞌke naiauꞌning eeꞌnoko teing-koo arekeeꞌning pekuꞌ oosierira maantoꞌeruꞌ damaꞌke taaꞌparioꞌ?
23752	MAT 16:11	Arekeeꞌkoo diiꞌke tasiꞌperiaunge? Aiꞌ ninge tee taamang-koo minkuampaung. Teka diiꞌ eeꞌning tanatarariaining tee-koo Boto Keperuuꞌnavitu eeꞌnoko noruꞌ pitunavitu biikaang iisi-koo.”
23767	MAT 16:26	Eeꞌnoko aming kapooꞌ tampara basiarapeuꞌ naning-koo ookara kapooꞌnanka kansiꞌpoꞌ barampuma okovui baka orariarakotaaꞌ domaang paaꞌaravainaꞌ? Eeꞌnoko naning aming avupeuꞌ tee bakaang domaang paaꞌaruꞌnung napoꞌ mooꞌkoo?
23786	MAT 17:17	Eeꞌnoko Jiisuuꞌke makuꞌurima aaꞌpuruꞌ teing, “Nko diiꞌ masikaꞌanta otoriainge, koontariaing, areꞌ basinaroonge diiꞌ ninka nariꞌ oꞌnorimaatoainge dooroontampiri? Poꞌantaveai tee okiꞌnara aꞌ ning-anko.”
23808	MAT 18:12	Arekeeꞌ noruꞌerimang diiꞌke, naning narung daakuꞌ sipisipiꞌ otoꞌevuma otopeuꞌnung eeꞌnoko teing-koo nau pooari dei, teie ee teing niiꞌning mmauꞌ tee-koo mii-koo niiꞌnameng-koo sipurira teu nau besiꞌkoo nanuarupeuꞌ pooarapeuꞌnu?
23817	MAT 18:21	Teketa Piitai pora Jiisuuꞌ niaꞌuma aaꞌpuuꞌ, “Ovoring, ninge naning mmarang-koong arekeeꞌning bateie tontaꞌantavampeuꞌ ning orakaꞌ nkomuko deekoꞌ? Aiꞌ ˜kemuꞌka-taae?”
23835	MAT 19:4	Jiisuuꞌke makuꞌurima aaꞌpuruꞌ teing, “Diiꞌke ee deeruerima tasiꞌperiaung tee Kumponinge pupuꞌuuꞌnang donkaani eeꞌnoko manikuma nariꞌ nkovuretuꞌnaꞌ?
23848	MAT 19:17	Jiisuuꞌke makuꞌuma aaꞌpuuꞌ tee, “Dake aming-koo ning kapooꞌ tampara nkovepeuꞌnung-koo niaꞌmemaang? Aiꞌ Kumponing narung masikung tampara otong. Daꞌ tee domaang oparavaung-koo tuntaraaꞌnaang piarora deekoꞌ dake tee bakaang botonanka siompeaing.”
23883	MAT 20:22	Teketa Jiisuuꞌke temainta aaꞌpuretuꞌ, “Deeꞌke noruꞌereaꞌ tee kapooꞌ eentameremaatomaung. Deeꞌke ee teruꞌ ntonaruꞌ orakaꞌ deeꞌnaruꞌ ning naikampainaruꞌ naikirepeuꞌ? Eeꞌnoko tee sisikeera ning meekaꞌantamaravainge ee meekaꞌantararepeuꞌ?” Eeꞌnoko temaintai makuꞌurema aaꞌpuretuꞌ, “Eeꞌ, neeꞌ makosira.”
23918	MAT 21:23	Teketa tee Jiisuuꞌ pava dootuuꞌnava pankava-koong-koo parang-koo kuung tumparuꞌ, eeꞌnoko teke nau-antavarako piristiꞌkoo ovontung eeꞌnoko nantoong urang-antanuka tee-anko porouꞌ. Porora tanaꞌaama aaꞌpauꞌ, “Tee aung aremuriiꞌ tauraꞌ otoko dake aing kapooꞌnanka nkovemaatoing? Eeꞌnoko napoꞌ baie aruuꞌnunge tee tauraꞌ?”
23920	MAT 21:25	Jooni Minkinara-koo niaꞌdampiiꞌnaang: baie tauraꞌpuioꞌ nantoong ntong-koo minkivurima meekaꞌantavurikoꞌ? Kumponinge, aiꞌ tamung nantoonge?” Teketa teing biiꞌka niaꞌeema aaꞌpeekoꞌ, “Areꞌpampiiꞌnaang? Aaꞌpampiko deekoꞌ, ‘Kumponinge,’ teie aaꞌmuriiꞌnaang, ‘Teka diiꞌke aming-koo Jooni masikaꞌantaveriarukoꞌ?’
23923	MAT 21:28	“Aung minkunaa arekeeꞌ pa noruꞌeriiꞌnaang diiꞌke? Naning narung baurinketa kenaanka otokoꞌnung. Tutunaꞌnung bauring-anko bera aaꞌpuuꞌ tee, ‘Eꞌmung daꞌ bera mintoonau-koo mintoontaravai.’
23959	MAT 22:18	Teka Jiisuuꞌke tee biikaang noruꞌ orara noruꞌura aaꞌpuruꞌ, “Diiꞌke ampirinunukai ning aming-koo dauaꞌmerimaang?
23969	MAT 22:28	Enang teꞌmung asiranaꞌmung booꞌnuka daaꞌariainaꞌmung teni ani arera temaiaꞌkoo paꞌnokoꞌketa kenaanka-koo baꞌaang deemparavainani? Aiꞌ teinge tee ookarai nampauꞌnanie teni.”
24004	MAT 23:17	Diiꞌ bakei kaputuꞌnuka mutaanang-kooning, arera teing-koo aing-koo aaꞌning-koo dau basi: kooro niiꞌnooꞌ dootuuꞌnava pankava tee kooro meekaꞌantavumanava?
24006	MAT 23:19	Diiꞌ bakei kaputuꞌnuka mutaanang-kooning, arera kapooꞌ pankaing masikung teing-koo, tee kapooꞌ darimpaamaung aiꞌ teꞌ boonturoma tee kapooꞌ teꞌ darimpaamaung meekaꞌantavumaung?
24020	MAT 23:33	Diiꞌ borukoporonuka, boruꞌ doparopa-poꞌnung baurukaaꞌ, arekeeꞌ napoꞌ dontaꞌperipeuꞌ tenang Kumponinge tuutunanturira mosianung-koo beꞌkoo tanturiko?
24028	MAT 24:2	Jiisuuꞌke aaꞌpuruꞌ teing, “Aing kapooꞌnanka diiꞌke ee ooverimang? Masikaꞌ naurampimang, teing aing kapananka teing tuurampaavaining. Teinge piatooroi deroaama nareꞌ niiꞌnareꞌkoo daue panteꞌarioꞌ sipaavaukaꞌ.”
24103	MAT 25:26	Bakaang ovoringe makuꞌuma aaꞌpuuꞌ, ‘Daꞌ bakei orara botovotonaaꞌ, kakaruaꞌ. Teeꞌ minkumeinaare ninge enang toro-antavamaꞌnaang daꞌkoo. Masikaꞌ ee noruꞌmei otong ning naning ivekung? Nkaning botovotonaaꞌnuka poreꞌoromatoko damaꞌ mera deramaramaung ee?
24104	MAT 25:27	Teeꞌ noruꞌmei deekoꞌ arekeeꞌkoo nkaang mooniꞌ beeng-koo sipearuuꞌ, toromarara nkaning taakoreꞌning ninka nkavampeuꞌnung?
24114	MAT 25:37	“Teketa tenang teinge koontoꞌnukai makuꞌaama aaꞌpaavai tee, ‘Ovoring, areꞌka peeraroko oorampima bauꞌdampikoꞌ, eeꞌnoko ntong-koo nekeruꞌkiko kapooꞌ nai-koong arompikoꞌ?
24115	MAT 25:38	Napoꞌ areꞌka damisimai deentari otoko oorampima kuung bokurampikoꞌ, eeꞌnoko areꞌka duaana otoꞌderuaruko duaantampikoꞌ?
24131	MAT 26:8	Teeꞌ nkovuioꞌ teinge barevare-nupoonge ooaara iiravorora aaꞌpaakoꞌ, “Aung aming-koo anie tamung keraꞌpumaang?
24133	MAT 26:10	Eeꞌnoko Jiisuuꞌke noruꞌura tee kapooꞌ teinge minkuaakoꞌnung aaꞌpuruꞌ teing, “Diiꞌke aming-koo ani manikuma poreꞌantaverimang? Anie tee kapooꞌ tampara masikung ning-koo nkovuing.
24163	MAT 26:40	Teketa napoꞌ teꞌ bakaning barevare-nupoong otorouꞌnooꞌ toroarara teing aasiaioꞌ oovuruꞌ teka. Eeꞌnoko teketa aaꞌpuuꞌ tee Piita, “Diiꞌ ee donkaang niꞌninka nariꞌ tanatarariri tamung okiꞌnooꞌ batei otoriarupeuꞌ?
24168	MAT 26:45	Teketa napoꞌ barevare-nupoong-anko toroarara aaꞌpuruꞌ teing, “Diiꞌ ee mmeꞌ aasiri otong uaarorima? Ee aing, batei dueꞌumaang ning Tee Naning-naumpoꞌ Paning-etaing tooka kompui naninge simuuꞌnaang nantoong oreng biikaang bireng-koo.
24178	MAT 26:55	Eeꞌnoko tenang Jiisuuꞌke aaꞌpuruꞌ teing nantoong karinga, “Diiꞌke ee ning tavuꞌ nkoaama bakiaaꞌkamaung deemerima bainatu dovang ninka ankonuꞌ poring ning daiꞌmeriiꞌnaang? Doong kante tee ning oomerioꞌ dootuuꞌnava pankava-koo doonanairu-koo baꞌnamari nau-antamaramaung, teka teke oꞌnoko diiꞌke ning daiꞌmeriaung.
24185	MAT 26:62	Teketa tenang piristiꞌnuka biikaang pankainge deto donkonura Jiisuuꞌ aaꞌpuuꞌ, “Daꞌ ee bariꞌnaꞌ otoꞌderuaꞌ? Siraꞌdaravai aung-koo tuumpiramaung-koo!”
24308	MRK 1:24	Teie uiarama aaꞌpuuꞌ, “Jiisuuꞌ, Nasaretiꞌnung, arekeeꞌ nkomeriiꞌnaang? Daꞌ ee niiꞌ orari-anta-koo poing? Ninge noruꞌdansi oꞌnong daꞌ Kumponing-etaing Naning Meekung.”
24311	MRK 1:27	Eeꞌnoko ookara aaꞌnaꞌ taꞌnimpariruꞌ eeꞌnoko tanaꞌeema aaꞌpaakoꞌ, “Aing ee, aming tavoꞌkui? Aung pa nerakung kara! Pankaing-pinaꞌ karomaung. Bakei, maꞌnarie bakaang kara taaravaakooꞌ.”
24336	MRK 2:7	“Aming-koo aung kara menaankavumaang Kumponing bauvaupaaꞌuma? Naning otoaꞌ orara aarumo tontaꞌupeuꞌnung, Kumponing narung deekoꞌ.”
24337	MRK 2:8	Teeꞌ tamung noruꞌaako Jiisuuꞌke namuꞌke iraakavurira aaꞌpuruꞌ, “Aming-koo teeꞌ noruꞌerimang?
24348	MRK 2:19	Eeꞌnoko Jiisuuꞌke bariꞌurima aaꞌpuruꞌ, “Teka ee nantoong baraneeꞌ navitu nampeesi-koo poromaing naning nampeesinara ninka nariꞌ otoroi unkumoaripeuꞌ? Otoaꞌ, aiꞌ nantoong nampeesinara ninka nariꞌ otoroi unkumo-koo makotuaꞌ.
24354	MRK 2:25	Eeꞌnoko Jiisuuꞌke makuꞌurima aaꞌpuruꞌ, “Diiꞌke aming-koo teeꞌ tuumpimerimaang? Tampaꞌ noruꞌeri otong tee kapooꞌ Deevitaꞌke nkovuuꞌnung tenang Abietaꞌke piristiꞌ pankaing deempari otouꞌnang, tenang teing ataꞌai peeravorora, tee eeꞌnoko teing nariꞌ otorokoꞌning ninka;
24361	MRK 3:4	Eeꞌnoko aaꞌpuruꞌ, “Boto ee Doong Uaanaꞌmung-koo kapooꞌ tampara aiꞌ naning orari-anta nko-koo tauraꞌmuri otong? Aiꞌ domang-antanaꞌmunge, aiꞌ dupisiꞌnaꞌmunge?” Eeꞌnoko teing Boto Keperuuꞌnavitu˜ tenang dooroompariruꞌ.
24380	MRK 3:23	Eeꞌnoko Jiisuuꞌke nantoong naroꞌ bokuvurira aung kara mirumiruꞌ nauvurima aaꞌpuruꞌ, “Teka maꞌnaang orarai napoꞌ maꞌnaang orara arekeeꞌ bataꞌupeuꞌ?
24390	MRK 3:33	Eeꞌnoko Jiisuuꞌke aaꞌpuruꞌ, “Baie ninge nkoꞌ? Eeꞌnoko baatai ninge ntaraꞌmainkaang?”
24405	MRK 4:13	Eeꞌnoko Jiisuuꞌke aaꞌpuruꞌ, “Aung mirumiruꞌ ee miruꞌnooꞌ diiꞌke bakei noruꞌeriaꞌ? Arekeeꞌ noruꞌeriainge ookara-koong miruꞌnooꞌ?
24413	MRK 4:21	Jiisuuꞌke aaꞌpuruꞌ, “Naning diiꞌkoonge bakaang araka paroꞌura antonaꞌkoo boong niiꞌnooꞌ batanang-koo boong ee sipupeuꞌ? Aiꞌ dau batanang-koo sipupeuꞌ?
24422	MRK 4:30	“Teka niiꞌke aminge miruꞌampipeuꞌ Kumponing bakaang muuꞌ? Eeꞌnoko aminge mimpama sirakaꞌantavampeuꞌ?
24432	MRK 4:40	Teketa teie makuꞌurima aaꞌpuuꞌ, “Diiꞌ aming-koo arorerining? Diiꞌ ee baitoropanuka?”
24441	MRK 5:8	Eeꞌnoko teeꞌpuko bokuma aaꞌpuuꞌ, “Jiisuuꞌ, Kumponing Deto Basi Bauring, dake ning arekeeꞌ nkomeeꞌnaang piaroing? Daꞌ Kumponinge pote-koo piamomaang ning toraꞌantameꞌneeng-koo.”
24472	MRK 5:39	Eeꞌnoko pava-koo tumparara aaꞌpuruꞌ Jiisuuꞌke, “Diiꞌ aming-koo birontarimang baruꞌ naampaverima? Ani okiꞌnani booaꞌ, teka tamung aatumaang.”
24478	MRK 6:2	Eeꞌnoko Doong Uaanaꞌmung pava dootuuꞌnava-koo daanki tutumpuuꞌ. Eeꞌnoko nantoong karikaꞌke taaravaara sinkaꞌorora aaꞌpauꞌ, “Aung amuriiꞌ kara areꞌka nkavuuꞌnung? Eeꞌnoko aung matau eeꞌ oroꞌ baie avuuꞌnunge? Eeꞌnoko aung taꞌnimpaariiꞌnanka iriꞌpoꞌning arekeeꞌ tavoꞌantavumaunge?
24479	MRK 6:3	Aung ee eeꞌnara tee Meeriꞌ bauring deeaꞌ, tamung anke pava-kani? Jeemisi, Joosesi, Judasi eeꞌnoko Saimoniꞌ aung ninka namaiaꞌ ee deeaꞌ? Eeꞌnoko baꞌmarikaampi anke niiꞌ ninka ee otoroaꞌ?”
24513	MRK 6:37	Eeꞌnoko Jiisuuꞌke bariꞌurima aaꞌpuruꞌ, “Diiꞌke kapooꞌ averereriko naiaavaing.” Eeꞌnoko teinge napoꞌ bariꞌaama aaꞌpauꞌ, “Teka arekeeꞌ? Aiꞌ kenaanka kivora nopaꞌkoo makosininge mooꞌampira bauꞌarampiiꞌnaang?”
24514	MRK 6:38	Eeꞌnoko Jiisuuꞌke napoꞌ tanaꞌurima aaꞌpuruꞌ, “Teka arekeeꞌning bereteꞌ otoꞌderuring? Berira ooveriai.” Eeꞌnoko ooaara Jiisuuꞌ aaꞌpauꞌ, “Tee aaꞌ paꞌnokoꞌ masikeng bereteꞌ otong, eeꞌnoko taviꞌning keura.”
24550	MRK 7:18	Eeꞌnoko Jiisuuꞌke aaꞌpuruꞌ, “Diiꞌ ee napoꞌ teing-pinaꞌ noruꞌdopanuka? Arekeeꞌ, tasiꞌperiaꞌ tee kapooꞌ damaꞌdunung naninge dunkumpuko tanuaang kuꞌmiꞌantavuarupeuꞌ?
24581	MRK 8:12	Jiisuuꞌke eeꞌmaraanura aaꞌpuruꞌ, “Aming-koo diiꞌ avarang taaꞌniꞌanta-koo tanaꞌkirimang? Masikung naurampimang, Kumponinge diiꞌ enanavarang taaꞌniꞌanta nau-koo kasivuaꞌ otong.”
24586	MRK 8:17	Eeꞌnoko Jiisuuꞌke minkuaako noruꞌura aaꞌpuruꞌ, “Aming-koo diiꞌka minkurarimang taamang nkaveriarura? Koontoꞌ ee mmeꞌ diiꞌke tasiꞌmeriaꞌ ning? Aiꞌ diikaang domang kapanukai?
24587	MRK 8:18	Duta otori, teka ee ookiriaꞌ? Punkang otori, teka ee taaraveriaꞌ? Aming-koo noruꞌeriaꞌ?
24605	MRK 8:36	Naninge kapooꞌ ookara kansiꞌkooning barampui okovura bakaang domaang daroveꞌuko teinge arekeeꞌ pakuaapeuꞌ?
24606	MRK 8:37	Eeꞌnoko naning aming avupeuꞌ tee bakaang domaang paaꞌaruꞌnung napoꞌ mooꞌkoo?
24626	MRK 9:19	Eeꞌnoko tenang Jiisuuꞌke aaꞌpuruꞌ, “Nko diiꞌ masikaꞌanta otoriainge, koontariaing, areꞌ basinaroonge diiꞌ ninka nariꞌ oꞌnorimaatoainge dooroontampiri? Poꞌantaveai tee okiꞌnara ning-anko.”
24657	MRK 9:50	Miang tee kapooꞌ tampara, teka miang-koo tariiꞌnooꞌ paaꞌarako arekeeꞌ napoꞌ naninge tariiꞌantavupeuꞌ? Makotuaꞌ! Teeꞌkoo, dau basinaꞌ, ning-koo arooꞌdariri imaꞌdariaing, eeꞌnoko meekupoong masikeng otori pinkaꞌdarima nariꞌ mooarariri otoriai.”
24675	MRK 10:18	Eeꞌnoko Jiisuuꞌke makuꞌuma aaꞌpuuꞌ tee, “Arekeeꞌkoo dake ning tampara tammemang? Niiꞌnara naning tampara otoaꞌ, Kumponing narung tampara.
24695	MRK 10:38	Eeꞌnoko Jiisuuꞌke temainta aaꞌpuretuꞌ, “Deeꞌke tee kapooꞌ eentameresing noruꞌereaꞌ. Deeꞌke ee teruꞌ ntonaruꞌ orakaꞌ deeꞌnaruꞌ ning naikampainaruꞌ naikirepeuꞌ? Eeꞌnoko napoꞌ sisikeera ninka meekaꞌantamaravainaꞌ ee meekaꞌantararepeuꞌ?”
24712	MRK 11:3	Eeꞌnoko naninge tanaꞌdurema aaꞌdureko, “Aung aming-koo teeꞌ nkoveremang? Aaꞌpereai, ‘Ovoring piavoing. Napoꞌ torovuaing namuꞌke.’”
24737	MRK 11:28	Eeꞌnoko tanaꞌaama aaꞌpauꞌ, “Tee aung aremuriiꞌ tauraꞌ otoko dake aing kapooꞌnanka nkovemaatoing? Eeꞌnoko napoꞌ baie tauraꞌ aruioꞌ nkovemaatoinge?”
24739	MRK 11:30	Naumeriai, Jooni baie tauraꞌpuioꞌ nantoong ntong-koo minkivurima meekaꞌantavurikoꞌ, Kumponinge aiꞌ tamung nantoonge? Enang bariꞌmeriai.”
24751	MRK 12:9	Eeꞌnoko Jiisuuꞌke tanaꞌurima aaꞌpuruꞌ, “Enang tenau okonarai arekeeꞌ nkovuriaing? Teie aaꞌ tee teing tare nkonuka-anko pora tavurima opuriaing, eeꞌnoko niiꞌning oko-antavuriaing.
24757	MRK 12:15	Enang aung naumeriaing niiꞌke Juꞌnupoonge ee daurarong˜ pankaing, Siisaꞌ˜, Roomaꞌnung, taakisi avuꞌkoo makosi, aiꞌ makosi deeaꞌ?” Eeꞌnoko Jiisuuꞌke tokompurira aaꞌpuruꞌ, “Aming-koo dauaꞌmerimaang aiꞌ ning taaviꞌmerimaang? Teu mooniꞌnu iroꞌ poꞌantaveriko ooampai.”