57	GEN 3:1	Kraiye el emb itye yelpulamalde. Kraiye ile yarnin inangk mimine. Minye Jehovil tingowir umangk nowaiy inde tak ityan fruitowe lamatyerald.
62	GEN 3:6	Mimine nakkin ile yan lamatyeri, nunkeri itye ellin, winmin ile yan nglemamalde, wunyile yan mimine morokkun fruitowe takkin ile ityan; wunyile yan pempin inangk napalle, takkin ile yan.
68	GEN 3:12	Wunyile korn yarnin, luku. “Mimine yar inde pempir anangk pempir ile ityan anangk, wunyatte takkir ityan.
69	GEN 3:13	Wunyile Jehovah yarnin inangk mimine. Mekimb inde ennir luku. Wunyitye luku mimine kraiye ile yelpulir wunyatte yan takkir.
72	GEN 3:16	Jehovil luku inangk mimine. Multuwarrani inde parpani; nginte parpani yaral inde an pundani porlar; taiyani um mai nape wunyinde ellani in ambe.
2044	EXO 19:17	Wunyil Mosese waiyin an narrinyerar camp an mant; kunguramb ityan Jehovah. Kar tangulun lare muntunt ngurlangk.
2045	EXO 19:18	Ngruwar kraiowe yummun ngurlangk Sinaiangk. Moru itye Jehovah kenungai. Loru itye kraiowe lun ellin grauwe kowandie; ngurle ngoinkun.
2046	EXO 19:19	Yaral itye trumpetowe kaikundun, kaikundun, grauwe kaikundun. Yarnin itye Mosese, wunyitye werentun Jehovah.
2047	EXO 19:20	Puntin itye Jehovah Mount Sinaiangk, itye ngurlangk. Jehovil kaikundun ityan Mosese ngurlangk; loru itye Mosese.
2048	EXO 19:21	Yarnin itye Jehovah Mosesangk, Nginte moru, taiy our an narrinyerar, wunyar nowaiy puntani in angk Jehovah, hil amb ukke tuyuluwarrin ityan; wunyar nowaiy pornani.
2050	EXO 19:23	Luku itye Mosese, nowaiy ar narrinyerar loru ar ngurlangk; nginte taiyir arnan luku, yup our an moerpurmi lare-lare ngurlungai, moerp al ityan.
2052	EXO 19:25	Moru itye Mosese narrinyerungar kitye yarnin anangk.
2071	EXO 20:19	Yarnin ar inangk Mosese luku, nginte yarn our arnangk wunyel arn kungani; nowaiy itye Godowe yarn arnangk; ungunuk itye luku, wunyarn pornani.
2072	EXO 20:20	Luku itye Mosese an angk narar narinyerrar; nowaiy ungune blukkun. Godowe puntir onomangk plepuramb onom, wunyungune blukkani inanyiril, yaral ungune ngullani, kungur ungune ityan, wunyungune nowaiy wirrangwarrin
2073	EXO 20:21	Tangulun ar narrinyerar kuarun, loru itye Mosese inangk Godowe, lewin yonguldyungai.
23331	MAT 5:28	Yarnin atte onomangk; ungunuk korn tuyuluwarrin yan mimine wunyitye pornun ityan, Moruldamalde itye kinanyirungai ngelungai.
23364	MAT 6:13	Nowaiy inde arnan waiyani yangi ar wirrangar nanampundun arnan wirrangwarrin. Moerpun nide arman, wunyarn nowaiy wirrangwarrin. Nginte ellin governorowe piltengi, klartin, kaldowamp. Amen.
23379	MAT 6:28	Mekimb inde multuwarrin wilkun an maiyinggar - Nak our an flowerar - Kar kuringgun, nowaiy ar wilkun an maiyinggar, nowaiy ar ngenempin, nowaiy ar winmin an maiyinggar.
23381	MAT 6:30	Ungunuk ile Jehovah, luku pempir maiyinggar kaiye ald amb, yar itye kuringgun hikkai nungge, ngrekkald itye nyrangkani ovenungai; wunyile onom pem pani maiyinggar. Mekimbe ungune nowaiy wurrwuwarrin ityan.
23382	MAT 6:31	Nowaiy ungune multuwarrin wilkun, nowaiy ungune multuwarrin yarnin, miny arn takkani, minyarn multani? Miny arn ngolani?
23388	MAT 7:3	Mekimb inde an nakkin katthari gelauwanangk pelungai; nowaiy inde yan ngullun ngarrari umanyirungai pelungai.
23390	MAT 7:5	Meng inde yarnin gelauwanangk luku pintam amb atte yan katthari umanyirenend pelenend, ungunuk ngarrari umanyirungai pelungai.
23399	MAT 7:14	Muralappe ellin doorowe, tokoauwe ellin itye yarluke wyirreald; maltaiar pindyin ityan.
26193	JHN 3:4	Nicodemus yarnin ile inangk, Yarild atyan korn winmelin yaral itye yandeorn. Mengy’ itye yappulun mankurangk narkowan, mengy itye pingkani ninkandai.
26199	JHN 3:10	Werentun ile Jesuse, Minge nginte ellin magistrate Israelald, nowaiy inde an nglemin harnakar.
26203	JHN 3:14	Mosese ile yan preppir kraiye ngerak-kangk, lun ellin el ar preppani ityan Porl Kornalde.
26864	JHN 18:10	Wunyile Petere morokkun ityan swordowe, wunyile yan mempin servantowe high priestald, merippin ile yan naitye nunkeri plombe servantald; naitye mitye Malchus.
26871	JHN 18:17	Miminil yarnin inangk Peterangk, “Nginte ellin ngatye Jesusald?” Werentun Peteril, “Nowaiy ap ellin.”
26873	JHN 18:19	High priest ile yan kurrin Jesuse, Nganggar umauwe ngaityar? Minyinde yarnir?
26875	JHN 18:21	Mekimb inde kurrin an? Kurr our an kornar; kar kungir an, yar atte anangk tingowir, kar nglemin yar atte anangk tingowir.
26883	JHN 18:29	Giyin itye Pilate an angk: yarnin itye luku; Mekimbe ungune anangk waiyin hikkai korn.
26892	JHN 18:38	Wunyitye kurrin ityan Pilate, Minyitye katyil? Yaral itye yarnir luku ngoppun itye Jewsungar, wunyitye anangk yarnin, Nowaiy itye wirrangi.
26919	JHN 19:25	Harnakar tangulun tapangk crossawe Jesusald, narkowalle, kinauwe barno, Mary, Cleopald nape, Mary Magdalene.
26920	JHN 19:26	Ungunuk itye Jesuse nakkin al yan narkowalle tangulun tapangk ityan, Jesusald ngaitye tangulun, tapangk, henggengk, tangulun, yarnin itye Jesuse narkowanangk luku. Mimininda nak our ian umauwe porl.
26937	JHN 20:1	Ungunuli itye yammalaitye nungge weekald, puntin itye tombangk Mary Magdalene, ungunuk itye trelin ngreye; nakkin ile yan grauwe marte yelkulun tomb an mant.
26938	JHN 20:2	Wunyitye kldein, puntin itye enggunangk Petere, yamminye ngaitye Jesusald, yar itye Jesuse yan pornun. Wunyitye yarnin enggunanyir Mary Magdalene; kar ityan Masterowre pintamin tomb an mant, ngurn ncwaiy nglemin yangi ar al ityan yuppir.
26947	JHN 20:11	Tangulun itye Mary ngurukwar tombowe, parpin itye. Ungunuk itye parnig tuyuluwarrin itye tombungai.
26949	JHN 20:13	Kengk yarnin inanyir Mary, mimininda mekimb inde parpin. Yarnin ile kenggunanyir. “Hil amb uk ar pintamir ityan anai Masterowe, nowaiy atte nglemin yangi ar al ityan yuppir.
26950	JHN 20:14	Ungunuk itye yarnir luku ngeraggeyelin itye, wunyile yan nakkin Jesuse, tangulun itye naiye: nowaiy itye Marv nglemin ityan Jesuse.
26951	JHN 20:15	Yarnin itye Jesuse inangk, Mimininda, mekimb inde parpin, ngang inde yan wilkun? Mary nuntun ityan Jesuse ellin gardenamalde. Mary il yarnin inangk, Sir ungunuk inde tuppir ityan ande tingow our an, yang inde yuppir ityan, wunyel atte pintamani ityan.
26952	JHN 20:16	Krunkun ile yan Jesuse, Mary, Ngeraggeyelin itye Mary, yarnin itye inangk Jesuse, Masterowe.
26954	JHN 20:18	Tingowun il Mary Magdalene ngaityungar Jesusald, nakkir ill it yan masterowe, Jesusil yarnir inangk luku.
26966	JHN 20:30	Multuwarrin ennin ile Jesuse kin auwe ngaityar nakkin ityan. Nowaiy atte mungaiyulun narar bookungai.
26977	JHN 21:10	Yarnin itye Jesuse. Morok our an mame, hikkai kaldcw an ngerir.
26979	JHN 21:12	Yarnin itye Jesuse, Ngai ouri, tak, Nowaiy ngaityar kurrin ityan, Ngang inde?, kar nglemin ityan Masterowe.
26982	JHN 21:15	Yaral ar takkir, wunyil Jesuse yarnin inanyir Petere luku, Simon porl Jonasald nginte an pornun kai? Werentun ile yan Petere, Yes, Masterowe, nginte nglemin pornun um aa um. Yarnin ile inanyir, Nginte munguwun an anauwe lambar.
26983	JHN 21:16	Wunyil Jesuse kurrin ityan Petere ningkandai, Simon porl Jonasald, nginte an pornun an kai? Werentun ile yan, Yes Masterowe, nginte nglemin pornun um ap um. Jesusil tingowun ityan. Nginte munguwun an anai sheepe.
26984	JHN 21:17	Wunyil Jesuse kurrin ityan nepaldandai, Simon Port Jonasald, nginte pornun an kai? Wunyitye parpin itye Petere, hit amb uk Jesuse kurrin ityan nepaldandai luku. Nginte pornun an kai? Wunyile yan werentun Jesuse, Masterowe, nginte nglemin an ngruwar; nginte nglemin pornun um ap um. Luku it Jesuse, Nginte munguwun an anai sheepe.
26988	JHN 21:21	Wunyil Petere kurrin yan Jesuse Masterowe, yar itye el hityekatye.
26989	JHN 21:22	Yarnin itye Jesuse. Mekimb inde kurrin an, kitye el lewani yaral ao puntani. Nginte waiy our an.