23214	MAT 1:1	Yesu Kilistu afumili mulukolu lwa Dawudi na Dawudi afumili mulukolu lwa Ibulahimu. Alu ndi lulalanda lwa lukolu lwaki.
23217	MAT 1:4	Lami kamulela Aminadabu na Aminadabu kamulela Nashoni na Nashoni kamulela Salumoni na
23220	MAT 1:7	Solumoni kamulela Lehoboamu na Lehoboamu kamulela Abiya na Abiya kamulela Asa,
23221	MAT 1:8	na Asa kamulela Yehoshafati na Yehoshafati kamulela Yolamu na Yolamu kamulela Usia.
23222	MAT 1:9	Na Usia kamulela Yofamu, na Yofamu amlelili Ahasi, na Ahasi kamulela Hezekia.
23223	MAT 1:10	Na Hezekia kamulela Manasi, na Manasi kamulela Amosi, na Amosi kamulela Yosia.
23226	MAT 1:13	Na Zelubabeli kamulela Abyudi, na Abyudi kamulela Eliyakimu, na Eliyakimu kamulela Azoli.
23227	MAT 1:14	Azoli kamulela Sadoki na Sadoki kamulela Akimu na Akimu kamulela Eliyudi.
23254	MAT 2:16	Helodi pamanyili kucha vala vasimanyili ndondwa vaveli vamujanga, akalalili munu. Alayishili vana valulumi vosi mumbwani ya Betelehemu na vala yivaveli mumbali mbali yaki yivaveli na myaka mivili na pasi ya mwaka mivili vawulaghiwi. Agolili nahau ngimu wakashili chipindi cha vala vasimanyili ndondwa pavadashili milandu ya mwana.
23260	MAT 2:22	Lakini papikanishili kucha Alikelau aveli mutwa wa Yudeya badili ya Helodi tatimundu, aveli akutila kuyenda aku. Mweni pavamukayikili mumilotu ayendili mwambu wa Galilaya.
23278	MAT 3:17	Lishu kufuma kumbindi kwa Chapanga lideta, “Ayu ndi mwana wangu yindimtamili mayiliwa na mweni.”
23291	MAT 4:13	Awukili Nasaleti, kayenda kwikala mumbwani ya Kapelinaumu, muluwongu ya lihiva lya Galilaya mumbaka ya wilaya ya Sebuloni na Nafutali.
23292	MAT 4:14	Ayi yagolikili ili chila chilongu chadetili mbuyi wa Chapanga Isaya chivi,
23296	MAT 4:18	“Yesu patyangeyi muluwongu lwa lihiva lya Galilaya, avawonili vandu vavili yivavelili ulongu. Vavelili Simoni yivamkema Petili pamu na Andeleya, vaveli mulihiva vakufuva vasomba kwa lwafu. Veni vaveli vafuva.
23395	MAT 7:10	Awu pakaluva somba, damupi njoka?
23400	MAT 7:15	“Mwikali mesu na vambuyi va udesi. Ava vakwisa kwa yumwi vakuva kucha vafungami kwa kuvalola, lakini mugati fingekembi fikalipili.
23416	MAT 8:2	Ayisili mundu yumu yaveli na ukalava. Kamugondamila padeta, “Bambu, pawudayila ukuwesha kung'ofuwa!”
23431	MAT 8:17	Agolili naha ili fila fyadetili mbuyi Isaya fivi nakaka, “Mweni bahala kawutola usosuvafu wetu kavawusha matami vetu.”
23447	MAT 8:33	Na vala vadima vangubi vatuvili vayenda kumbwani. Aku valandula milandu yosi yigolikili na vandu vala vaveli na finyamkela.
23450	MAT 9:2	Aku vandu vamuyeghilili mundu yumu yapombalili muvili, vamuwonjesha muulili. Yesu pawonili ujumilwa wawu, kamuwombela mundu yula yapombalili, “Mwana wangu wuyikangashi! Kupomiliwa sambi shaku.”
23469	MAT 9:21	Agolili nawula kwanongwa ayihoshili mundima yaki, “Pagufya hela yingwa yaki danani.”
23482	MAT 9:34	Lakini Mafwalisayu vakudeta, “Akuvavinga finyamkela kwa liwovi lya mkomi wa finyamkela.”
23488	MAT 10:2	Matawa va ava Vandundami lilongu na vavili ndi ava, Simoni yivamkema Petili na mlongu mundu Andeleya. Yakobi mwana wa Sebidayu na mlongu mundu Yohani.
23489	MAT 10:3	Filipu na Batulumeyu na Tomasi na Mateyi yaveli msumula mbiya, Yakobi mwana waki Alufayu na Tadeyu,
23538	MAT 11:10	Ayu ndi yivamuhimula mumayandiku vang'alili. ‘Loli, nenga ngumlayisha makungu wangu akulonguleli, mweni dakutandili deha yaku:’
23563	MAT 12:5	Awu musoma duhu muchitabu cha Malawu cha Musa kila lijuva lya kupumulila vatambika vakuvifya Malawu munyumba ya Chapanga, lakini kwahela yaihola kucha vana nongwa?
23575	MAT 12:17	Agolili wula ili fila fyadetili Chapanga kupitila mbuyi wa Chapanga Isaya fivi,
23603	MAT 12:45	Akuyenda kuvatola finyamkela vamonga saba vawafu pitu mweni na vosi vakwisa kumuyingila mundu yula na ngalilu ya mundu yula yikuva ya wafu pitu dahili. topi ndi dayivi kwa vandu ava va wafu.”
23607	MAT 12:49	Pambeli kaholola liwoku lyaki pavavasonyela vanachuli vaki, padeta, “Ava ndi vamawu vangu na valongu vangu!
23643	MAT 13:35	Agolili naha ili chilongu chivadetili vambuyi va Chapanga chivi. “Dadeti nawu kwa filangushilu, Dandivafisulili fifisikili kufumila ulumbi wa mlimawu.”
23652	MAT 13:44	“Wutwa wa kumbindi kwa Chapanga wukwifwana ngimu naha, mundu yumu ayiwonili sanja yiifisili muchitava. Asekilili munu mbaka kayenda kuhemesha fyosi fyaveli nafyu, kachihemela chitava chila.
23658	MAT 13:50	na kuvayasa ava vawafu mutanuli lya motu. Aku davalili na kugelujula minu.”
23662	MAT 13:54	kawuya kuchijiji chaki. Aku avelili akuvawula vandu munyumba ya Chapanga vala vampikanishili vajinga, vayidashili, “Ayu kapata koti luhunja nga alu? Na kapata koti liwovi lya kugola mihilu nga ayi?
23663	MAT 13:55	Ayu mwana wa selimala yula nda? Mamundu Maliya na valongu vaki Yakobi na Yosefu na Simoni na Yuda ng'odu?
23681	MAT 14:15	Payifikili lumihi, vanachuli vaki vamuyendela vamuwombela, “Apa paweka na ngesha yikupela. Topi, wuvaleki vandu ava ili vayendi kufijiji vakayihemileli filivi.”
23713	MAT 15:11	Chindu chimutaya mundu wafu chila chimwingila mugati ha, ila chila chimufuma. Achi ndi chimutaya mundu wafu.”
23722	MAT 15:20	Afi ndi fimutaya mundu wafu. Lakini kulya ngajila kunava mawoku kukumtaya mundu wafu ha.”
23740	MAT 15:38	Ava valili vaveli valulumi elufu mchechi ngajila kuvalanga vadadala na vana.
23748	MAT 16:7	Lakini veni vaveli vakwiwombela, “Akudeta naha kwanongwa tutola ng'odu mibumunda.”
23751	MAT 16:10	Awu yila mibumunda saba yivagayiliwi vala vandu alufu mchechi, mwakungili fitandavala finingi fya mibumunda yisighalili?
23753	MAT 16:12	Apa vanachuli vamanya kucha avawombilili vayivavali na simika ya mibumunda ha, ila na ngulilu sha Mafwalisayu na Masadukayu.
23767	MAT 16:26	Lakini mundu yawuyaghamisha unofu vaki kwanongwa ya nenga dawupati. Ngiba liki mundu paupata unaiza wosi wa mlima awu kunu kauyaghamisha unofu vaki? Awu mundu datoli chindu liki chivi badili ya unofu vaki?
23771	MAT 17:2	Aku Yesu aghalambukili wushu pawulongolu yawu, wushu waki wung'ala kucha lijuva na yingwa shaki siva ngeli kucha lulanga.
23774	MAT 17:5	Paghaveyi akali akudeta afi, lifundi ling'alili livagubika na lishu lipikanika kufuma mulifundi lila, “Ayu ndi Mwana wangu yindimtamili, mayiliwa na mweni. Mumpikanishi.”
23808	MAT 18:12	“Mukuwona wuliwuli? Mundu paghava na vafungami mya, pamuyaghamisha yumu, akugola wuliwuli? Akuvaleka vala milongu tisa na tisa kuchidunda, akuyenda kumusaka yula yayaghamilili.
23863	MAT 20:2	Awombanili nawu kuvahomba mbiya ijala ya lijuva limu, pambeli kavayegha muchitava chaki cha misabibu.
23873	MAT 20:12	Vadeta, ‘Ava vafikili kumbeli vagola chichuku cha kwa lisaa limu hela. Mbona kutugolela tulinganili na veni kunu yufwi twiwunishila tugola chichuku chikomi na lijuva likali lituyakila?’
23904	MAT 21:9	Mipinga ya vandu valongulili na vala vamukovikela valandusha lishu, “Ajumiwi Mwana wa Dawudi! Anemiliwi ayu yayisa kwa litawa lya Bambu! Ajumiwi Chapanga kumbindi!”
23905	MAT 21:10	Yesu paghaveyi akwingila Yelusalemu, mbwani yosi yimema njova. Vandu vakadasheyi, “Ayu ghani?”
23906	MAT 21:11	Vandu mulipinga lila vadeta, “Ayu ndi Yesu, mbuyi wa Chapanga kafuma Nasaleti mkowa wa Galilaya.”
23933	MAT 21:38	Lakini vala valimi pavamuwonili mwana waki vawombana veni kwa veni, ‘Ayu ndi muhala mbala. Tumuwulayi ili tutoli mbala yaki!’
23977	MAT 22:36	Amudashili, “Muwula, amuli liki yiveli ngomi munu pitu shosi mumalawu?”
23979	MAT 22:38	Ali ndi lilawu likomi na lyakwaa.
24022	MAT 23:35	Topi, mbatiwa yosi dayivapati kwanongwa ya mwasi wosi wa vandu goleki wumwayikili muuganga, yina kukandila kumwayika kwa mwasi wa Abeli yaveli ngajila nongwa mbaka yila ya Sakaliya mwana wa Balakiya, yimumuwulayili munyumba ya Chapanga muchumba gati ya pang'alili na pafyalu.
24026	MAT 23:39	Ngukuwombela, dawung'oni kandi ha mbaka pawudeta: ‘Anemiliwi ayu yayisayu kwa litawa lya Bambu.’ ”
24065	MAT 24:39	Vamanyili ha kucha kuna liki mbaka chila lilawa likomi lya njifwa palibwitukili, likuvawona vosi. Ayi dayivi hata chipindi Mwana wa mundu payisa.
24077	MAT 24:51	Damupi asabu ngomi na kumuvika lipinga limu na vafyangu. Aku dalili na kugelujula minu.”
24086	MAT 25:9	Lakini vala yivaveli na luhunja vavawombela, ‘Ava davatukwili ha yufwi na yumwi! Ngiba muyendi kuduka mukayihemileli!’
24091	MAT 25:14	“Chipindechi wutwa wa kumbindi dawuvi kucha mundu yumu yadayileyi kuyenda mwanja. Avakemili vandumindumi vaki, kavahadisha mali shaki.
24092	MAT 25:15	Amupili kila mundu kulinganila na chifwani chaki, yumu amupili mbiya kucha ijala ya mwesi wumu, wingi mbiya kucha ijala ya majuma mavili na wingi kamupa mbiya kucha sha ijala ya lijuma limu, pambeli kayenda mwanja.
24107	MAT 25:30	Na ayu ndumindumi yangajila fwayida, mumuyasi panji muchisi! Aku dalili na kugelujula minu.’
24131	MAT 26:8	Vanachuli vaki pavawonili afi vakalala, vadeta, “Asala ayi ya liki?
24135	MAT 26:12	Ayu mawu kanyitilila mafuta va kunungilila akandalisheyi kwa kusikiwa.
24169	MAT 26:46	Muyimuki, tuyendi. Mloli! Akwisa yula danshengeti.”
24171	MAT 26:48	Ayu yadayileyi kumushengeta Yesu, aveli kavapa kala chilangushilu padeta kucha, “Mundu yula yindimjambusha kwa kumunoneli ndi mweni, mumuvakuli!”
24189	MAT 26:66	Yumwi mukuwona wuliwuli?” Veni vayangula, “Akudayiliwa asovi!”
24216	MAT 27:18	Adetili naha kwanongwa amanyili vamuyeghili Yesu pala kwanongwa ya weyi.
24220	MAT 27:22	Pilatu kavadasha, “Ponopa, ndimugoli liki Yesu yivamkema Kilistu?” Vosi vayangula, “Avangiliwi mulupingika!”
24221	MAT 27:23	Pilatu kavadasha kandi, “Kagola chindu liki?” Veni vayendilela kulandusha lishu, “Avangiliwi mulupingika!”
24235	MAT 27:37	Kumbindi ya mutwi waki vavika tangashu ili vandu vamanyi nongwa yivamuhighililili mulupingika, “Ayu ndi Yesu mutwa wa Vayawudi.”
24241	MAT 27:43	Amwidumbili Chapanga na kudeta, kucha mweni mwana wa Chapanga, topi Chapanga amulowoli kucha akumudayila.”
24245	MAT 27:47	Lakini vala vawolukili pala pavapikanishili naha vacha, “Akumkema Eliya”
24253	MAT 27:55	Pala vavelili wuwowu vadadala vatangalili vakulola kwa kutali. Ava ndi vadala vamukovikelili Yesu kufuma Galilaya pavamkimbanikila.
24255	MAT 27:57	Payiveyi palumihi, kayisa mundu yumu mlundamali mwenikaya wa Alimataya, litawa lyaki Yosefu, mweni wuwowu aveli mwana chuli wa Yesu.
24267	MAT 28:3	Ang'alili kucha lumuli na yingwa shaki shaveli mbuleteee.
24285	MRK 1:1	Achi ndi Chilongu cha Nyanyi cha Yesu Kilistu, Mwana wa Chapanga. Mayandiku vamu va dahili vavahela Mwana wa Chapanga.
24291	MRK 1:7	Kavawombela vandu, “Akwisa mundu yaveli na liwovi kupita nenga. Nenga ngujakwa ha hata kugondama kuwopola ng'oyi sha mikobasi yaki.
24300	MRK 1:16	Yesu patyangeyi muluwongu ya lihiva lya Galilaya, kavawona Simoni pamu na Andeleya mlongu mundu, pavafuva vasomba kwa lwafu.
24311	MRK 1:27	Vandu vosi vayikanganika nendu, vakandili kwidasha, “Achi chindu liki? Ayi ng'ulilu ya shonu na uwesu? Mundu ayu akuwesha kuvalakalila finyamkela na veni vakumpikana!”
24313	MRK 1:29	Tepu pavafumili Munyumba ya kudadavila, Yesu pamu na Yakobi na Yohani vanachuli vaki vayenda kaya ya Simoni na Andeleya.
24319	MRK 1:35	Chilawu yaki linyavagogolu, Yesu kayimuka, kawuka kaya kayenda pangajila vandu. Aku Yesu kamdadavila Chapanga.
24336	MRK 2:7	“Akwidumba liki pawombeyi nawula? Akumjowola Chapanga! Kwa hela mundu yapomela sambi, ila Chapanga weka yaki.”
24338	MRK 2:9	Choti chiveli chipusuka, kumuwombela mundu ayu yapombalili, ‘Kupomiliwa sambi shaku’, Awu kumuwombela, ‘Utoli ulili waku, witwiki yendi’?.
24343	MRK 2:14	Papiteyi kamuwona Lawi mwana wa Alufayu kayikala muofisi ya vasumula mbiya ushulu. Yesu kamuwombela, “Ungovikeli.” Lawi katandamuka kamkovekela.
24355	MRK 2:26	Mumajuva va mtambika mkomi Abyatali, Dawudi ayingilili munyumba ya Chapanga na kulya mibumunda yivikiliwi kwa Chapanga. Chindu achi chigoleka chipindi cha Abyatali aveli mtambika mkomi wa Chapanga. Nayiva vatambika weka yau yivaveli vajumiliwa kulya mibumunda yila. Lakini Dawudi kalya na kavagayila na vayaki.”
24358	MRK 3:1	Pambeli Yesu kayenda kandi Munyumba ya kudadavila. Amu kwavelili na mundu yavelili na liwoku lipombalili.
24362	MRK 3:5	Apa kavalola vosi kwa maya, kunu kavawonela lusungu ndambu ndima shawu sikamalili, Pambeli kamuwombela mundu yula, “Holoshi liwoku lyaku!” Mweni kaholosha liwoku lyaki, bahala pala liwoku lyaki liva kandi linofu.
24367	MRK 3:10	Aveli kavalowola vandu vatangalili na vosi vaveli vatami vakalevanileyi vamugufyi Yesu.
24373	MRK 3:16	Ava lilongu na vavili yavashawulili vaveli Simoni, Yesu amkemili Petili,
24375	MRK 3:18	Andeleya na Filipu na Batulumeyu na Mateyi na Tomasi na Yakobi mwana va Alufayu na Tadeyu na Simoni yayitashila mlima.
24379	MRK 3:22	Vawula va Malawu vafumili Yelusalemu vadeta, “Ayu aveli na Besibuli! Ndi mkomi wa finyamkela yamgayila uwesu wa kuvafumisha finyamkela.”