23364	MAT 6:13	Ama, jꞌaga la jiꞌi, sèna ka jiꞌi baku tao bhabhelu. Aa pakajꞌèu la jiꞌi nèti koasa nidhu, [Te Ama ka Dhèu Aae dhu koasa kapai risi eele. Aa Ama ka dhu mèdꞌu paredha, toke dꞌai mia-mia laꞌe. Sabajꞌa jiꞌi dꞌai sange neꞌe ka, Ama. Amin.]’
23465	MAT 9:17	Jꞌara sèmi èèna kahèi, dènge dhua dhu heka rèti mai nèti kapua, bisa boe bhori asa dꞌara sabha dhui. Te aadꞌo na sabha ne madhore, hèia dhua bhori eele asa rai laꞌe. De dhua dhu hiu hudꞌi bhori ku asa dꞌara sabha hiu, sèna ka dua ra beꞌa taruu!” [Dènge sèmi neꞌe, Yesus nori si, peka na, aꞌajꞌa Na dhu hiu, baku pakihu dènge aꞌajꞌa dhu dhui.]
23728	MAT 15:26	Te ngaa Yesus core lii padhai Na, aku Nèngu na, “Pantas boe tare ngangaꞌa nèti ana-ana, ka hia mi busa.” [Dènge lii dhu pacele, sasoa na, Yesus hudꞌi soru-bara uuru ku dhèu Yahudi Nèngu unu Na, heka bisa ladhe-leru dhèu leo kèna.]
23729	MAT 15:27	Te ngaa ina ne bꞌala, aku nèngu na, “Tareꞌa Ama! Te ngaa busa dhu mate mema ètu roꞌa mei. Rèngu raꞌa kahèi ngangaꞌa dhu bèbhe eele nèti dꞌara pega ana sèra.” [Sasoa na, ropa ana-ana raꞌa, busa kahèi abhu raꞌa. Masi ka Yesus soru-bara dhèu unu Na, te ngaa Nèngu hudꞌi ladhe-leru dhèu Yahudi boe kahèi.]
23790	MAT 17:21	[Te ngaa sanèdꞌe! Nidhu sèmi seꞌe se, mema bhelu titu kèna. Ladhe miu sabajꞌa boe aa puasa boe, ho manèngi mi Ama Lamatua, na, miu babège mere boe nidhu sèmi sèra.”]
23807	MAT 18:11	Mi pangee paie-iie, te Jaꞌa hia lii pakasame èci sèmi neꞌe ka: abhu dhèu èci dhu kahibꞌi-kalèbho na, cangasu ngiꞌu. Ca lodꞌo, ciꞌu nèti kahibꞌi-kalèbho se, kako sala jꞌara. Madhutu ngangee miu, dhèu madhenga ne tao tasamia? Tatu na tèke eele ceo nguru ceo ngiꞌu sèra ètu ledhe, ho laꞌe tenge ciꞌu dhu ele ne. Ladhe na abhu hari, tatu na karejꞌe, ropa na ladhe nèdhi ciꞌu ne, risi nèti kahibꞌi-kalèbho na ceo nguru ceo ngiꞌu dhu ele boe sèra. [Jaꞌa, Dhèu Rai-haha Tareꞌa-reꞌa ne, mai ho hia mamuri mi dhèu dhu kako sale nèti jꞌara dhu mola.]
23939	MAT 21:44	[Jaꞌa peka paledꞌa-ledꞌa dènge miu. Jaꞌa ka, hadhu padhèdi èèna. Dhèu dhu bèbhe lèke hadhu ne, èèna na nèngu laho kao-kao. Aa ladhe hadhu ne bèbhe lèke dhèu, èèna na dhèu ne laho kao-kao.]”
24001	MAT 23:14	[Hee, miu mese-mese agama dènge dhèu-dhèu Parisi! Mema miu dhèu dhu padhai lii leo, tao leo! Bèli-camèdꞌa miu pasae mere mamadhe-mamopo, lula miu dꞌèi kapodꞌe-kabèli bhèni balu, sèna ka parame mere èmu ra. Te ngaa ètu madha dhèu ae, miu paꞌabhe bhabhelu miu, dènge jꞌara sabajꞌa panèbhu-nèbhu, ho dhèu peka na, miu dhèu dꞌara mola. Te ngaa èèna na, Ama Lamatua hia huku dhu bia risi mi miu.]
24351	MRK 2:22	Sèmi èèna kahèi, miu baku edhe dhua pèdꞌu ètu dꞌara sabha dhui. Te aadꞌo na, sabha èèna mae, aa dhua pèdꞌu na bhori eele asa rai.” [Nèti èèna ka Yesus peka dènge si, baku pakihu-kee lii holo-nori Nèngu dhu hiu, dènge lii holo-nori dhèu Parisi dhu dhui.]
24548	MRK 7:16	[Cee dènge roꞌa dhilu, na, nanene.”]
24559	MRK 7:27	Te ngaa Yesus core lii èci, peka na, “Ana-ana hudꞌi raꞌa uuru ku, ho sisa na, ra core hia busa kèna.” [Dènge lii pacele èèna, Yesus hudꞌi soru-bara uuru ku dhèu Yahudi Nèngu, heka dhèu leo kèna.]
24560	MRK 7:28	Te ngaa bhèni èèna bꞌala, aku nèngu na, “Mema tareꞌa Ama. Te ngaa busa mate le ètu roꞌa mei. Nèngu abhu kahèi ngangaꞌa dhu bèbhe nèti dꞌara pega ana iiki sèra.” [Madhutu bhèni èèna, lodꞌo ana raꞌa, na, busa naꞌa kahèi. Masi ka Yesus soru-bara dhèu unu Na, te ngaa Nèngu hudꞌi soru-bara dhèu leo kahèi.]
24651	MRK 9:44	[Naraka èèna, mema era jꞌajꞌèra. Ai na madhe boe. Sèmi èèna kahèi, èru-èru kamoke dènge raꞌa taruu ngaa-ngaa dhu hèu ètu èèna.]
24653	MRK 9:46	[Naraka èèna, mema era jꞌajꞌèra. Ai na madhe boe. Sèmi èèna kahèi, èru-èru kamoke dènge raꞌa taruu ngaa-ngaa dhu hèu ètu èèna.]
24735	MRK 11:26	[Ladhe abhu nèti miu dhu tèka dꞌara dènge dhèu, ho moꞌo boe hia abho, na, tatu Ama miu ètu sorga noꞌo boe pabhèlu eele sasala miu kahèi.”]
24823	MRK 13:37	De, ngaa dhu Jaꞌa peka dènge miu neꞌe, Jaꞌa peka lème dènge dhèu leo kahèi, ‘Miu hudꞌi pajiko paie, ho mi soru mamai Jaꞌa.’ ” [Dꞌai sange neꞌe ka, Lamatua Yesus padhai lii lula-nèti lodꞌo-lodꞌo jꞌajꞌèra dhèu rai-haha, dènge ana madhutu Na sèra ètu ledhe Saitun.]
24891	MRK 14:68	Te ngaa Petrus dhaa, peka na, “Aadꞌo! Nga tao ka èu karèi sèmi èèna! Jaꞌa tadhe boe Dhèu èèna.” Hèia Petrus kalua, ka laꞌe titu ètu hèbꞌa tedhe. [Kabèdhi laa, manu kokotoo.]
24923	MRK 15:28	[Dènge jꞌara ne, rèngu madhutu sama sèmi dhu ra suri tèke ètu dꞌara Sasuri Ama Lamatua, peka na, “Ra tao Ne sama sèmi dhèu bhelu.”]
25213	LUK 5:37	Sèmi èèna kahèi, dhua dhu heka rèti nèti kapua, dhèu bhori boe asa sabha dhui. Te aadꞌo na, sabha madhore eele, aa dhua èèna soli soo-soo asa rai laꞌe. De dhua dhu hiu, hudꞌi bhori ku asa dꞌara sabha hiu. [Sèmi èèna ka, Yesus ajꞌa si, peka na, lii ajꞌa Na dhu hiu bisa boe pabꞌali dènge lii ajꞌa dhu dhui nèti dhèu Parisi.]
25756	LUK 17:36	[Ladhe abhu dhèu dua dhu sabꞌa ètu dꞌara oka, Lamatua mai dedꞌe nèti èci, aa tèke eele ca dhèu.]”
25757	LUK 17:37	Ropa ana madhutu tadèngi rare, hèia ra karèi Yesus, “Ama Mese! Sèra sa bèli-camèdꞌa jꞌajꞌi ètu mia?” Ka Yesus core lii, peka na, “Sèmi neꞌe! Ladhe miu mèdhi ka manu-bhui dhu tema raꞌa sisi badha madhe, ra lela paꞌoru ètu mia, na, miu meꞌa èèna jꞌajꞌi mi tadha, dhu peka na, tatu abhu sisi hèu ètu era èèna.” [Dènge sasoa dhu pahuni, peka na, ladhe Yesus Kristus lèpa hari mai, tadha na dhu mèu aadha-aadha, sadꞌi dhèu reꞌa baca tadha sèra.]
25767	LUK 18:10	“Abhu ama dhèu dua dhu lasi sabajꞌa asa dꞌara Èmu Kapua Manèngi-Mangajꞌi. Ca dhèu nèti partei agama Parisi, aa èci hari dhèu roro bea. [Dhèu Yahudi peka na dhèu Parisi sèra, dhèu dhu mola. Te ngaa ra pangee, na, dhèu roro bea, dhèu karehe.]
25977	LUK 22:44	Lula dꞌara Na jꞌèra titu kèna, toke èi kabhèsu Na suti sèmi raa sa.]
26021	LUK 23:17	Ropa tadèngi sèmi èèna, hèia ra paꞌoo-parodha, peka na, “Bisa boe! Pamadhe Ne! Patabuli Barabas.” [Ra paꞌoo-parodha sèmi èèna, lula tèu mai-tèu mai, dhu tema le, ladhe dꞌai lodꞌo kalela Paska dhèu Yahudi, gubernur patabuli ca dhèu nèti dꞌara bèdho madhutu dadꞌèi rèngu].
26038	LUK 23:34	[Lodꞌo èèna, Yesus sabajꞌa peka na, “Ama! Bhèlu eele sasala dhèu se, te rèngu reꞌa boe ngaa dhu ra adꞌu-ue.”] Èle ka sordadꞌu se ère lot, sèna ka neo reꞌa cee ka dhu abhu mèdha-papake Na.
26283	JHN 5:4	Te ca tèka-tèka, ana pajuu Lamatua nèti sorga maso uru asa dꞌara èi ne, ho na gagèbꞌo èi ne. Ho ladhe cee dhu maso uru asa dꞌara èi ne, papèdꞌa nèngu èle dènge.]
26461	JHN 8:11	Hèia bhèni ne dhaa, aku nèngu na, “Aadꞌo, Ama.” Ka Yesus lii dènge dhèu ne, peka na, “Jaꞌa neo boe huku èu kahèi. Lèpa ka, te ngaa sanèdꞌe. Tao ia ka sasala!”]
27282	ACT 8:37	[Hèia Pelipus dhaa, aku nèngu na, “Ladhe ama tareꞌa-reꞌa parcaya Lamatua Yesus, na, cadhui boe. Mai dua ti puru ho jaꞌa sarani èu.” Ka na dhaa, peka na, “Jaꞌa parcaya tareꞌa-reꞌa, na, Yesus èèna Dhèu dhu Ama Lamatua pajꞌujꞌu nèti uru ka mai. Nèngu èèna, Ana Ama Lamatua.”]
27545	ACT 15:34	[Te ngaa Silas neo pea taruu ètu Antiokia.]
27845	ACT 24:8	Hèia na paredha, peka na, ladhe abhu dhèu dhu neo tao lii langu dènge Paulus, hudꞌi lasi ku asa madha ama gubernur ètu Kaisarea. Madhutu dadꞌèi na, sèna ka ama gubernur unu mu ka dhu uri lii èèna.] Ka limuri ne, jiꞌi mai asa neꞌe, sèna ka ama parisa lii ne. Pe èèna na, ama unu mu meꞌa ngaa dhu jiꞌi lole ne, mema lèke tareꞌa-reꞌa. Dꞌai sange èèna ka. Makasi ae.”
27983	ACT 28:16	Ropa dꞌai Roma, [sordadꞌu sèra pamaso dhèu bèdho sèra asa dꞌara bèdho.] Te ngaa ra pamaso boe Paulus. Ra hudꞌi ne sène, ho bisa sebꞌa èmu cue. Ètu èmu èèna, na pea dènge sordadꞌu dhèu èci dhu jꞌaga ne. Kacui-aai rèngu dua ra, dhu èki pake rate.
27996	ACT 28:29	[Ropa Paulus padhai lii nare sèmi èèna, ka dhèu se lèpa ka. Te ngaa ngangee rèngu paꞌèci boe, lula ra pasisu èci dènge èci.]
28428	ROM 16:24	[Jaꞌa manèngi, sèna ka Kètu èdhi, Yesus Kristus, padꞌelo dꞌara hua iia Na mi miu aaꞌi-aaꞌi mi! Lèke tareꞌa!]
28852	1CO 16:8	Te ngaa jaꞌa neo pea era ètu kota Epesus ne, toke lodꞌo babeꞌa Pantekosta, [nuka lèmi nguru lodꞌo èle kalela Paska].
29475	PHP 2:17	Te ngaa ladhe sèmi jaꞌa dutu paꞌèle aaꞌi mèu-mèu mamuri jaꞌa, ho jꞌajꞌi nuka sèmi korban èi anggor, sèna ka miu bisa parcaya asa èra, aa pakako sasabꞌa Lamatua, jaꞌa sèmi kore mamadhe dènge karejꞌe. [Èèna nuka sèmi ama agama tiko èi anggor ètu mei korban, ho pahaha iisi mi Lamatua.] Dènge jꞌara ne, èdhi bisa sama-sama karejꞌe, lula korban ne, iia dꞌara boe.
30942	REV 11:2	Te ngaa madha Èmu Manèngi-Mangajꞌi èèna, mage mu uku, te era èèna dhu hagꞌe eele le hia suku-suku leo dhu tadhe boe Jaꞌa. Èèna na rèngu mai jꞌajꞌèli leli ho pakajꞌalu kota Jaꞌa ne, dꞌai tèlu tèu dènge cabèka (nuka, 1.260 [ca riho dua ngasu èna nguru] lodꞌo).
30965	REV 12:6	Te ngaa bhèni ne rai laꞌe asa dꞌara mamoo èci dhu Lamatua tao tèke hia ne. Pe ra ladhe-leru ne, toke tèlu tèu dènge ca èta, (nuka, 1.260 [ca riho dua ngasu èna nguru] lodꞌo).
30982	REV 13:5	Ama Lamatua soro tèke badha bhelu ne, sèna ka na padedha iisi na, aa padhai lii pakarehe Lamatua. Hia ne ijin kahèi, ho nèdꞌu paredha toke dꞌai tèlu tèu dènge ca èta (nuka 42 [èpa nguru dua] hèru).