45	GEN 2:14	Kacanga ka tèlu, ngara na Tigris. Kacanga neꞌe ka, jꞌajꞌi mi too rai Asyur re ca bèka dhimu. Kacanga ka èpa, ngara na Efrat.
98	GEN 4:18	Ka Henok matana Irad. Hèia Irad matana Mehuyael. Mehuyael matana Metusael. Aa ana Metusael, Lamek.
144	GEN 6:6	Ka LAMATUA manyasa, lula Na pajꞌajꞌi le rèngu se ho pea ètu rai-haha ne. Tatao rèngu neꞌe ka dhu papèdꞌa dꞌara Lamatua.
145	GEN 6:7	Nèti èèna ka, Na peka na, “Dènge tatao rèngu sèmi èèna na, Jaꞌa huku pamadhe dhèu rai-haha aaꞌi-aaꞌi dhu pajꞌajꞌi kore si le. Manu-bhui dènge badha leo sèra, Jaꞌa palaho aaꞌi si kahèi. Te Jaꞌa manyasa, nèti Jaꞌa ka pajꞌajꞌi si.”
242	GEN 10:7	Ana-èpu Kus, ka: Seba, Hawila, Sabta, Raema dènge Sabteka. Ana-èpu Raema, ka: Syeba dènge Dedan.
246	GEN 10:11	Nèti era sèra, na nare hari Asyur. Ka na patitu kota Niniwe, Rehobot-Ir, Kala,
257	GEN 10:22	Ana-èpu Sem, ka: Elam, Asyur, Arpaksad, Lud dènge Aram.
263	GEN 10:28	Obal, Abimael, Syeba,
303	GEN 12:4	Lodꞌo èèna, umur Abram 75 (pidhu nguru lèmi) tèu. Na nèti dhèu èmu na Sarai, aa dènge ana ari na, Lot, dènge mèdha-panyau ra aaꞌi-aaꞌi, aa dènge dhèu sabꞌa na aaꞌi-aaꞌi dhu na abhu ètu kota Haran. Hèia Abram si lasi ka, tèke eele kota Haran, asa era dhu LAMATUA peka le dènge ne. Ka ra kako taruu, dꞌai rai èci, ngara na Kanaꞌan.
319	GEN 12:20	Hèia dhèu aae paredha dhèu sabꞌa na sèra, babège eele Abram, dhèu èmu na, rèti dènge dhèu aa mèdha-panyau aaꞌi-aaꞌi ra, kalua nèti rai èèna.
320	GEN 13:1	Ka Abram si tèke eele Masir, lasi asa rai Negeb. Laꞌe dènge dhèu èmu na, aa dènge dhèu aa mèdha-panyau aaꞌi-aaꞌi ra. Ana ari na Lot madhutu ra kahèi.
338	GEN 14:1	Tèu èèna, dhèu aae èpa dhu paꞌèci. Rèngu se ka: Amrafel, dhèu aae rai Sinear. Ariok, dhèu aae rai Elasar, Kedarlaomer, dhèu aae rai Elam. Dènge Tideal, dhèu aae rai Goyim.
342	GEN 14:5	Ka maso tèu ka canguru èpa, Kedarlaomer dènge angalai na dhèu aae dhèu tèlu sera, mai dènge sordadꞌu ra. Hèia ra pamusu ka, ka ra segi pèri-pèri rai. Nuka: dhèu Refaim ètu rai Asterot-Karnaim; dhèu Susim ètu rai Ham; dhèu Emim ètu rai Sawe-Kiryataim,
348	GEN 14:11	Ka èpa dhèu aae dhu segi se, lasi parame rèti mèdha-panyau dènge ngangaꞌa-nginu nèti Sodom dènge Gomora. Èèna ka, ra lèpa dènge ka.
349	GEN 14:12	Te ngaa Lot, ana ari Abram, dhu pea ètu Sodom. Ka èpa dhèu aae sèra, ère rèti Lot si, dènge mèdha-panyau ra aaꞌi-aaꞌi.
353	GEN 14:16	Hèia Abram abhu hari Lot, dènge dhèu-dhèu nèngu, aa dènge mèdha-panyau ra aaꞌi-aaꞌi. Na abhu kahèi dhèu-dhèu leo.
356	GEN 14:19	Ka na padhai lii ho hia berkat mi Abram, aku nèngu na, “Jaꞌa sanao sèna ka Ama Lamatua, dhu Dedha Risi Eele èèna, dhu pajꞌajꞌi dedha-liru dènge rai-haha ne, hia mèngi-nale mi dedha èu. Koa-kio Ama Lamatua dhu hia le èu segi musu.” Èle èèna ka, Abram bagi hia Melkisedek ca pala nèti canguru pala mèdha-panyau dhu na abhu hari sèra.
358	GEN 14:21	Hèia dhèu aae Sodom èèna pahaha iisi na mi Abram, peka na, “Ama. Mèdha-panyau dhu èu abhu hari nèti musu jaꞌa sèra, hudꞌi laa ama ku abhu aaꞌi si. Te ngaa dhu jaꞌa manèngi hari, dhoka dhèu-dhèu jaꞌa sèra.”
360	GEN 14:23	na, jaꞌa kore boe mèdha-panyau èu, masi ka ciki èèna ka. Masi ka loa hèngu caꞌèta sa, jaꞌa kore boe. Dènge jꞌara sèmi neꞌe, èu baku peka na, ‘Kakaja Abram sèra mai nèti jaꞌa.’
374	GEN 15:13	Ka Ama Lamatua peka dènge ne, “Abram! Èèna na èu mamuri toke heka bhoro, aa madhe dènge beꞌa, ka ra padhane èu dènge beꞌa. Te ngaa ana-èpu èu, èèna na jꞌajꞌi dhèu tao mai ètu kabarai dhèu. Ho èèna na, dhèu isi rai sèra, tao si sèmi ènu sa, ka ra ènyi aa pajꞌèra si, toke èpa ngasu tèu. Te, ladhe èèna na, Jaꞌa huku si. Ho èèna na, Jaꞌa kèti hari ana-èpu èu nèti era èèna, aa dènge mèdha-panyau ra ae-ae.
497	GEN 20:1	Èle èèna, ka Abraham nèti Mamre, pidha asa rai Negeb, dhu ètu re balèu, ka na pea ètu talora rae Kades, dènge rae Syur. Te ngaa na pea nèbhu boe, ka pidha hari asa rae Gerar.
528	GEN 21:14	Bèli madꞌae aae èèna, Abraham tao gee jꞌara hia Hagar, aa na kadhoe èi dꞌara baboꞌi cue mi kabela-kao na. Hèia na patabuli ka bhèni ne dènge ana na Ismael, ho lasi. Ka ra kako palème dꞌara mamoo dhu dètu dènge Beer-Syeba.
545	GEN 21:31	Lula dua ra dhu paꞌèki le soo-subha ètu èèna, ka era na ra pangare na Beer-Syeba (dhu sasoa na, ‘madha èi soo-subha’).
547	GEN 21:33	Èle èèna ka, Abraham sèle ajꞌu tamareska ca kapua ètu Beer Syeba. Karèi nèti lodꞌo èèna, ajꞌu ne pasanèdꞌe Abraham, lula ètu era èèna ka, nèngu mangajꞌi LAMATUA dhu Mamuri Toke Dꞌai Mia-Mia.
567	GEN 22:19	Èle hèia, Abraham dènge Isak, lèpa hari asa era dhu dhèu sabꞌa na sèra. Ka lasi palere asa Beer-Syeba. Dꞌai nèi, Abraham si pea dènge ka.
573	GEN 23:1	Lodꞌo Sara madhe, umur na 127 (ca ngasu dua nguru pidhu) tèu le. Lodꞌo na madhe èèna, Abraham si pea ètu rae Kiryat-Arba (nuka Hebron), ètu rai Kanaꞌan. Ka Abraham beke aa tangi dhèu èmu na dènge dꞌara pèdꞌa.
594	GEN 24:2	Abraham dhu dènge dhèu èci dhu na lèka ho ladhe-leru mèdha-panyau na. Ca lodꞌo, Abraham paroa nare, ka peka dènge ne, aku nèngu na, “Mu pasa dhilu èu paie-iie! Jaꞌa manèngi sèna ka èu subha madhe dènge kolongara LAMATUA. Nèngu ka, Ama Lamatua dhu tao dedha-liru dènge rai-haha ne. Dhu peka na, èu bisa boe more ana bhèni nèti dhèu Kanaꞌan, ho paleo dènge ana jaꞌa Isak.
624	GEN 24:32	Hèia dhèu sabꞌa Abraham ne, madhutu dènge ka Laban, lasi èmu Betuel. Ka Laban si papuru mèdha-panyau nèti dedha onta se. Èle èèna ka, ra pangaꞌa onta se. Rèti èi, hia dhèu sabꞌa dènge anga na se, ho rase haga.
662	GEN 25:3	Ana Yoksan ka: Seba dènge Dedan. Ana-èpu Dedan nuka, dhèu Asyur, dhèu Letus, dènge dhèu Leum.
664	GEN 25:5	Lodꞌo dhu Abraham mamuri era, na hagꞌe nare le mèdha-panyau hia ana Hagar dènge ana-ana Ketura, èci-èci ka dènge unu na. Èle èèna ka, Abraham pua si lasi pea re bèka dhimu rai Kanaꞌan, sèna ka ra pakajꞌèu nèti ana na Isak. Ka pusaka na aaꞌi-aaꞌi, na pangèdꞌu mi ana na Isak.
672	GEN 25:13	Ana-ana Ismael, mone dhèu canguru dua. Ngara ra dhu madhutu nèti dhu uru tèka dꞌai ana limuri tèka, nuka: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis, dènge Kedma. Ana-ana sèra ka, jꞌajꞌi bèi-baki nèti canguru dua suku, dhu èci-èci ka dènge kabarai ra. Ra pangare kabarai ra èci-èci, madhutu ngara bèi-baki ra.
677	GEN 25:18	Te ngaa ana-èpu na sèra, èci pamusu dènge èci. Ka ra pea pahagꞌa, mulai nèti rai Hawila dꞌai rai Syur, dhu palane dènge rai Masir, toke dꞌai rai Asyur.
706	GEN 26:13	Lula mèdha-panyau na asa ae, ka na kaja titu kèna.
716	GEN 26:23	Ka nèti era neꞌe, Isak si lasi hari era pea asa Beer Syeba.
726	GEN 26:33	Hèia Isak pangare madha èi ne Syeba (dhu sasoa na ‘subha’). Ka ra pangare kota èèna Beer Syeba, toke sange neꞌe.
740	GEN 27:12	Mage dhoka ama ku gꞌagꞌe isi jaꞌa, ladhe na neꞌa na jaꞌa dhu leko-monya na. Hèia na dhoo jaꞌa!”
763	GEN 27:35	Hèia Isak peka, “Ari mu ka monya jaꞌa, ka parame nare berkat dhu pala èu di.”
764	GEN 27:36	Ka aku Esau na, “Nèngu na leko-monya jaꞌa dua hari kèna. Uru èèna, parame nare hak aꞌa. Ka neꞌe ne, parame nare hari berkat dhu madhutu iia-iia na unu jaꞌa. Nèka na, ngara na ‘Yakob’ Te ngaa ele boe ama dhu dènge berkat era, ho hia jaꞌa. Do, aadꞌo heka?” (Yakob sasoa na ‘kèpe hui tèdhu’, te ngaa sasoa dhu leo ‘tuka leko-monya’.)
783	GEN 28:9	Hèia na laꞌe asa ama aae na Ismael, ka leo hari èmu dènge ana bhèni Ismael ca dhèu, ngara na Mahalat. Mahalat ne, ana mone na ka Nebayot.
784	GEN 28:10	Ka Yakob tèke eele Beer Syeba, laꞌe asa Haran.
792	GEN 28:18	Dꞌara madꞌae aae era, Yakob kèdꞌi le èèna. Ka nare hadhu dhu na tao lalaka deo na. Hèia na patitu jꞌajꞌi mi tadha. Ka na bhori èi mènyi asa dedha hadhu èèna, hèia na mangajꞌi mi Lamatua.
861	GEN 30:30	Lodꞌo dhu jaꞌa dhae mai mèka, mèdha-panyau toꞌo ku ae èèna mèka. Te ngaa limuri ne, toꞌo kaja le. Lamatua pala-bagi le toꞌo ku mamèngi, lula sasabꞌa-laꞌa jaꞌa ka. Te dꞌai le lodꞌo na, sèna ka jaꞌa sabꞌa hia ana-dhèu èmu jaꞌa.”
875	GEN 31:1	Ca tèka, Yakob tadèngi lii padhai ana-ana Laban se, aku rèngu na, “Kakaja-sasuꞌi Yakob sèra, lula na kao nare aaꞌi mèdha-panyau ama èdhi.”
887	GEN 31:13	Jaꞌa ne, Ama Lamatua, dhu padꞌelo iisi mi èu ètu Betel èèna. Ètu era nèi, èu patitu hadhu, ka mu bhori èi mènyi ètu dedha na, ka èu sogo-tagu Jaꞌa. Ka èu paꞌèki lii pajaji dènge Jaꞌa ètu nèi. De kèdꞌi ka, tèke eele ka rai neꞌe ne, lamu ka asa kabarai ina-ama èu.’ ”
890	GEN 31:16	De mèdha-panyau dhu Ama Lamatua nare sèra nèti ama jiꞌi Laban, aaꞌi-aaꞌi sèra jꞌajꞌi le unu èdhi dènge ana-ana èdhi se. De ladhe aku Lamatua tasa mera mia, teꞌa dhoka madhutu di!”
891	GEN 31:17	Èle èèna ka, Yakob lalau mèdha-panyau na. Hèia na pacaꞌe ana-dhèu èmu na asa dedha onta lasi, aa na eo nèti badha-manu na aaꞌi-aaꞌi, dènge mèdha-panyau dhu na abhu ètu Padan Aram, ho lasi asa rai Kanaꞌan.
895	GEN 31:21	Na bau nèti aaꞌi mèdha-panyau na, ka ra kako pamèri-mèri, lasi re loko Efrat, asa ledhe Gilead.
911	GEN 31:37	Mèdha-panyau jaꞌa, toꞌo cebꞌe eele si. De mu abhu ngaa? More ka mai tèke mi madha ne, sèna ka aaꞌi-aaꞌi ti tèdhi. Aa hudꞌi laa, dhèu seꞌe ka dhu pamaꞌète mèdha èèna unu cee.
952	GEN 32:24	Ropa ra dꞌai ca bèka loko, ka na hia aaꞌi mèdha-panyau na asa nèi.
970	GEN 33:9	Te ngaa Esau peka, “Jaꞌa dènge mèdha-panyau ae kahèi. De hia ia ka jaꞌa ngaa-ngaa.”
972	GEN 33:11	De jaꞌa manèngi, aꞌa ku sèmi la mèdha-panyau dhu kabꞌua aadꞌo se. Lula Ama Lamatua beꞌa titu kèna dènge jaꞌa ne. Nèti èèna ka, Na hia jaꞌa unu ngaa-ngaa se aaꞌi-aaꞌi.” Lula Yakob pamako taruu, noꞌo do noꞌo boe èèna ka, Esau sèmi nare kahèi.
1004	GEN 34:23	Ladhe èdhi se pabꞌali le dènge rèngu, èèna na badha-manu dènge mèdha-panyau ra jꞌajꞌi unu èdhi. De beꞌa risi èdhi toꞌo la madhutu dadꞌèi ra. Mai sèna ka aaꞌi-aaꞌi ti suna! Moꞌo, sina ma?”
1009	GEN 34:28	Ra parama rèti mèdha-panyau dhèu nèti dꞌara èmu ra, dènge eo rèti badha-manu aaꞌi-aaꞌi ètu dꞌara padꞌa.
1025	GEN 35:13	Lodꞌo Ama Lamatua peka nare, Yakob patitu dènge hadhu ètu era èèna, sèna ka jꞌajꞌi mi tadha ho na baku bhèlu eele lii Lamatua. Ka na bhori èi anggor dènge èi mènyi mi dedha hadhu na, hèia na mangajꞌi mi Lamatua.
1030	GEN 35:18	Lodꞌo Rahel oe maꞌète aꞌae, na pangare ana ne, Ben-Oni, (dhu sasoa na ‘ana nèti jꞌajꞌèra jaꞌa’). Ka heka na madhe kèna. Te ngaa Yakob hia ana ne ngara Benyamin, (dhu sasoa na ‘ana ai gꞌana’).
1036	GEN 35:24	Ana-ana Rahel, nuka: Yusuf dènge Benyamin.
1039	GEN 35:27	Èle èèna ka, Yakob laꞌe ngadꞌo ama na Isak asa Mamre, dhu dètu dènge Kiryat-Arba (dhu limuri ne, ngara na Hebron). Uru èèna, baki na Abraham pea ètu èèna.
1044	GEN 36:3	Esau leo kahèi dènge ana Ismael, ngara na Basmat. Ana mone Basmat, ngara na Nebayot.
1047	GEN 36:6	Ca tèka, Esau pidha asa rai leo cue dhu kajꞌèu nèti Yakob. Laꞌe nèti aaꞌi bhèni-ana niki, dhèu-dhèu sabꞌa, badha-manu, dènge mèdha-panyau na.
1048	GEN 36:7	Esau pacèri dènge Yakob, lula badha-manu ra dènge mèdha-panyau ra ae dꞌai seli. Nèti èèna ka, era pea rèngu katata ètu rai èèna.
1051	GEN 36:10	Ada, dhèu èmu Esau, nara iisi ana mone ca dhèu, ngara na Elifas. Elifas ne, ana mone na, dhèu lèmi, nuka: Teman, Omar, Sefo, Gatam dènge Kenas. Dhèu èmu piara Elifas, ngara na Timna. Nara iisi ana mone ca dhèu, ngara na Amalek. Dhèu èmu Esau, Basmat, nara iisi ana mone ca dhèu, ngara na Rehuel. Rehuel abhu ana mone dhèu èpa, nuka: Nahat, Sera, Syama, dènge Misa.
1058	GEN 36:17	Ana-ana Rehuel, dhu ana nèti Esau, jꞌajꞌi kapala suku nèti suku Nahat, suku Sera, suku Syama, dènge suku Misa. Aaꞌi-aaꞌi se, ana-èpu Esau dènge dhèu èmu na, Basmat.
1065	GEN 36:24	Ana-ana nèti Sibeon, nuka: Aya, dènge Anah. Anah neꞌe ka dhu rage madha èi pana ètu dꞌara mamoo, lodꞌo na madhenga keledꞌei ama na.
1154	GEN 39:4	Nèti èèna ka, komedhaa neꞌe dꞌèi Yusuf, ka na lèka ne. Hèia na dedꞌe ne jꞌajꞌi madho ètu èmu na. Aa, na hia ne paredha dꞌara èmu nèngu, sèmi èèna kahèi, mèdha-panyau na aaꞌi-aaꞌi.
1155	GEN 39:5	Lula Yusuf pea ètu èèna, ka Lamatua hia mamuri hua iia mi lamatua èmu, dhèu Masir èèna. Isi èmu na, mèdha-panyau na, oka-tedhe na, aa sasabꞌa-laꞌa na, jꞌajꞌi dènge beꞌa.
1257	GEN 42:4	Te ngaa Yakob hia boe ari Yusuf dhu ngara na Benyamin, laꞌe dènge aꞌa na si. Te, na pangee, “Mage dhoka, ana neꞌe abhu hari jꞌajꞌèra ètu talora jꞌara.”
1289	GEN 42:36	Hèia Yakob padhai lii dènge si, peka na, “Miu se, paꞌele le ana-ana jaꞌa. Yusuf aadꞌo heka. Sèmi èèna kahèi, Simeon. Neꞌe miu neo mèti hari Benyamin kèna? Miu seꞌe, tareꞌa-reꞌa neo pajꞌèra jaꞌa!”
1290	GEN 42:37	Hèia Ruben peka dènge ama na, aku nèngu na, “Ama, ee! Pangèdꞌu laa Benyamin asa jaꞌa mai. Jaꞌa tago kore. Jaꞌa jaji kèna mi ama ku, èèna jaꞌa kèti hari na mai. Te ngaa ladhe aadꞌo, na jaꞌa hia ana jaꞌa, mone dhèu dua sèra ho ama pamadhe aaꞌi si.”
1291	GEN 42:38	Te ngaa Yakob dhaa hari, peka na, “Bisa boe! Miu bisa boe mèti Benyamin. Te aꞌa na Yusuf, madhe le. Neꞌe, di nèngu ka mesa na. Ladhe na abhu calaka ètu jꞌara, miu tabha babia mi jaꞌa, toke madhe kèti.”
1294	GEN 43:3	Te ngaa Yahuda bꞌala, peka na, “Ama, ca hari na ai gꞌana dhèu aae Masir dhu pasanèdꞌe le jiꞌi, aku nèngu na, jiꞌi bisa boe padꞌelo rèhu mi nèngu, ladhe jiꞌi ngèti boe ari jiꞌi dhu limuri, Benyamin èèna.
1295	GEN 43:4	Nèti èèna ka, ama ku hudꞌi laa hia jiꞌi ngèti Benyamin. Heka jiꞌi bisa laꞌa hèli ngangaꞌa hia ama ku kèna.
1299	GEN 43:8	Ka Yahuda padhai lii hari, aku nèngu na, “Ama hudꞌi patabuli ku Benyamin laꞌe dènge jiꞌi. Jaꞌa jaji mema, ladhe jꞌajꞌi ngaa-ngaa mi ngiꞌu ari jiꞌi neꞌe, jaꞌa ka dhu gati ne. Ladhe jaꞌa kèti heka nèngu mai asa dꞌara kacui-aai ama ku dènge mamuri, hudꞌi laa sasala na ama ku pasae mi dedha jaꞌa toke madhe. Nèti èèna ka, ama ku hia la, ho jiꞌi sama-sama laꞌa dènge ne, te jiꞌi neo pakèdꞌi kèna. De karohe mai lati ka, sèna ka cahagꞌe baku madhe manganga.
1305	GEN 43:14	Jaꞌa sanao-maena, sèna ka, Ama Lamatua dhu dènge Koasa Kapai Risi Eele èèna, sabꞌa mi dꞌara ai gꞌana dhèu aae Masir èèna, sèna ka na sue miu. Aa na hia hari Benyamin dènge Simeon lèpa palere dènge miu. Te, ladhe ana jaꞌa se ele, hudꞌi laa jaꞌa pasae jꞌajꞌèra neꞌe taruu.”
1306	GEN 43:15	Hèia lasi pakaboko tadha mata sèra dènge doi, ka lasi asa Masir. Rèti kahèi dènge Benyamin. Dꞌai nèi ka lasi paraga dènge Yusuf.
1307	GEN 43:16	Ropa Yusuf nèdhi Benyamin dènge aꞌa na si, na pua kapala urusan na, aku nèngu na, “Lere mèti dhèu seꞌe sa èmu jaꞌa! Ho èèna na, pare sapi ciꞌu, mi pananasu ngangaꞌa dhu beꞌa. Sèna ka lodꞌo nètu none, raꞌa dènge jaꞌa.”
1320	GEN 43:29	Hèia Yusuf ladhe palème, ka nèdhi ari na Benyamin. Rèngu dua ra se, ina-ama èci. Hèia, aku nèngu na, “Ooo! Neꞌe ne ka ari miu dhu limuri, dhu ca hari na miu lolo èèna, do?” Ka na lii dènge Benyamin, aku nèngu na, “Ana, ee! Jaꞌa sanao, sèna ka Ama Lamatua hia èu mamuri dènge mera-milu.”
1321	GEN 43:30	Ropa ladhe nèdhi Benyamin ne, dꞌara Yusuf karejꞌe bia, lula na sue ari na ae titu kèna. Na taha nare heka dꞌara na. Ka na kako eele si laꞌe sa dꞌara kama na. Ka na tangi ngobꞌi-ngobꞌi ètu èèna.
1325	GEN 43:34	Yusuf pua dhèu sabꞌa sèra, bagi ngangaꞌa nèti mei nèngu, hia aꞌari na sèra. Aaꞌi-aaꞌi ra abhu ngangaꞌa dhu ae sama. Dhoka Benyamin di abhu ae risi aꞌa na si lèmi hari. Ka raꞌa-rinu dꞌai bècu.
1337	GEN 44:12	Hèia kapala urusan èèna parisa karo sèra èci-èci, mulai nèti karo unu aꞌa na, toke dꞌai ari limuri tèka. Ka nèdhi moo èèna, ètu dꞌara karo Benyamin.
1369	GEN 45:10	Ho èèna na, ama pea ètu rai Gosen padètu dènge nèngu. Era na beꞌa aa taleo. Sèna ka ama bisa piara kahibꞌi-kalèbho, kahibꞌi-kaꞌia dènge sapi aaꞌi-aaꞌi ra. Aa na manèngi kahèi ho ama laꞌe dènge ana-èpu, dènge isi èmu, dènge mèdha-panyau, ho pea taruu mi nèi.
1371	GEN 45:12	Yusuf peka nare hèia, na padhai lii hari, peka na, “Miu unu mi mèdhi le, si? Aa èu kahèi, Benyamin. Jaꞌa neꞌe, tareꞌa-reꞌa Yusuf.
1373	GEN 45:14	Èle èèna ka, liku nare ari na Benyamin, hèia dua ra tangi.
1379	GEN 45:20	Baku ra pangee mèdha-panyau dhu rèngu bisa boe nedhe rèti, te, ngaa-ngaa dhu beꞌa ètu rai Masir ne, èèna na jꞌajꞌi unu rèngu.”
1381	GEN 45:22	Ka Yusuf hia si mèdha-papake dhu hiu, ca dhèu ca pasa. Te ngaa Benyamin, na hia doi iia tèlu ngasu, dènge mèdha-papake dhu hiu, lèmi pasa.
1382	GEN 45:23	Yusuf paꞌadhu mèdha-panyau dhu beꞌa risi nèti Masir hia ama na. Rèngu hua mi dedha keledꞌei canguru ngiꞌu. Sèmi èèna kahèi, na hia are, roti, dènge ngangaꞌa ae-ae, dhu jꞌajꞌi parèko jꞌara, lodꞌo dhu rèngu mulai pakèdꞌi nèti Kanaꞌan asa Masir. Ngangaꞌa se, ra hua ètu dedha keledꞌei dhu leo hari canguru ngiꞌu.
1393	GEN 46:6	Rèti aaꞌi mèu-mèu mèdha-panyau dènge badha-manu dhu jꞌajꞌi kakaja rèngu ètu rai Kanaꞌan. Hèia Yakob dènge ana-èpu na, bhèni-mone aaꞌi-aaꞌi ra pakèdꞌi ka lasi rai Masir.
1400	GEN 46:13	Isaskar, dènge ana-ana na: Tola, Pua, Ayub, dènge Simron.
1406	GEN 46:19	Aa ana-ana nèti Yakob dènge dhèu èmu na bhèni leo hari, ngara na Rahel, nuka: Yusuf dènge Benyamin.
1408	GEN 46:21	Benyamin madhutu hèi lasi Masir dènge ana-ana na: Bela, Beker, Asibel, Gera, Naaman, Ehi, Ros, Mupim, Hupim dènge Aret.
1419	GEN 46:32	Aa, pe jaꞌa peka kahèi dènge ne, miu biasa ani kahibꞌi-kalèbho dènge sapi. Nèti èèna ka, miu mèti dènge badha-manu dènge mèdha-panyau miu nèti Kanaꞌan.
1422	GEN 47:1	Èle èèna ka, Yusuf dènge aꞌari na dhèu lèmi, lasi paraga dènge dhèu aae. Dꞌai madha dhèu aae, ka Yusuf patadha si dènge dhèu aae, ka na peka na, “Ama dhèu aae! Ama ku dènge aꞌari ku mai le nèti Kanaꞌan. Rèngu mai dènge kahibꞌi-kalèbho, sapi, dènge mèdha-panyau aaꞌi-aaꞌi ra. Nuka ra ètu rai Gosen nèi.”
1488	GEN 49:14	Isaskar! Èu ne, sama sèmi keledꞌei dhu èra, te ngaa èu kètu hadhu papake na aadꞌo. Ladhe èu jꞌunu ètu talora jꞌara, dhèu èci sa bisa boe pakèdꞌi èu ho kako taruu. Te ngaa ladhe èu mèdhi rae ètu ca bèka nèi beꞌa, èci sa dhae pua mèka èèna ka, mu pasae mèti le mèdha-panyau èu ho lamu. Tatu èu sama sèmi èèna ka!
1501	GEN 49:27	Benyamin! Babani èu sama sèmi busa hui dhu manganga. Madꞌae aae era, na kèdꞌi le èèna, ho bata-magèla badha hui, ho jꞌajꞌi mi ngangaꞌa na. Aa, ladhe dꞌai ka mèda, laꞌe papala dhu sisa hia mi ana-ana nèngu. Babeꞌa ana-èpu èu sèmi èèna kahèi.”
1531	GEN 50:24	Yusuf peka mi aꞌa na si, aku nèngu na, “Aꞌa ku si ee! Jaꞌa rasa na mamadhe jaꞌa dètu le! Te ngaa jaꞌa parcaya, Ama Lamatua tatu ladhe-leru miu. Bèli-camèdꞌa Nèngu ka dhu lere miu kalua nèti rai neꞌe. Nèngu kahèi dhu nèti hari miu lèpa asa rai dhu Na padhadha le pake lii subha, ho hia mi baki èdhi Abraham, Isak dènge ama èdhi Yakob.”
23220	MAT 1:7	Nèti Daud toke lodꞌo dhu ra babège suku Israꞌel asa Babel, abhu hari 14 (canguru èpa) bèi-baki, nuka: Daud matana Soleman (ina na, uru èèna dhèu èmu Uria). Soleman matana Rehabeam, Rehabeam matana Abia, Abia matana Asaf, Asaf matana Yosafat, Yosafat matana Yoram, Yoram matana Usia, Usia matana Yotam, Yotam matana Ahas, Ahas matana Heskia, Heskia matana Manase, Manase matana Amos, Amos matana Yosias, Yosias matana Yekonya dènge ari na, lodꞌo babège si asa Babel.
23225	MAT 1:12	Lodꞌo babège si asa Babel, toke dꞌai rara iisi Yesus, abhu 14 (canguru èpa) bèi-baki, nuka: Yekonya matana Saltiel, Saltiel matana Serubabel, Serubabel matana Abihut, Abihut matana Elyakim, Elyakim matana Asor, Asor matana Sadok, Sadok matana Akim, Akim matana Eliut, Eliut matana Eliasar, Eliasar matana Matan, Matan matana Yakob, Yakob matana Yusuf, Yusuf ne, dhèu èmu Maria. Maria ne ka dhu nara iisi Yesus Kristus.
23235	MAT 1:22	Jꞌara ne jꞌajꞌi sèmi èèna, lula Ama Lamatua dhu peka mema nèti uru ka, re dhèu nèti lii padhai Na, ngara na Yesaya, dhu suri, peka na,