539	GEN 21:25	Te ngaa èle èèna ka, Abraham lapor dènge dhèu aae, aku nèngu na, “Dhèu-dhèu ama dhèu aae parame rare èi jaꞌa ca madha.”
619	GEN 24:27	Ka na peka, aku nèngu na, “Koa-kio kolongara Lamatua! Ama Lamatua bhoke le jꞌara hia jaꞌa, ka jaꞌa paraga le dènge aꞌari lamatua jaꞌa Abraham ètu kabarai neꞌe. Dènge jꞌara neꞌe, Lamatua padꞌelo sasue Na mi lamatua jaꞌa, Abraham, aa tao madhutu sama sèmi lii pajaji na dènge jaꞌa.”
752	GEN 27:24	na karèi hari era, aku nèngu na, “Èu ne, tareꞌa-reꞌa Esau, do?” Hèia Yakob dhaa, peka na, “Tareꞌa-reꞌa ama. Jaꞌa ne, Esau!”
875	GEN 31:1	Ca tèka, Yakob tadèngi lii padhai ana-ana Laban se, aku rèngu na, “Kakaja-sasuꞌi Yakob sèra, lula na kao nare aaꞌi mèdha-panyau ama èdhi.”
1014	GEN 35:2	Ka Yakob peka dènge isi èmu na aaꞌi-aaꞌi, aku nèngu na, “Aaꞌi-aaꞌi ti lati dènge ka asa Betel. Uru èèna, lodꞌo jaꞌa ètu dꞌara jꞌajꞌèra, Ama Lamatua ka dhu ladhe-leru jaꞌa ètu èèna. Jaꞌa neo tao mei korban ètu nèi. De mi core eele mèdha sogo-tagu miu. Aa mi pamèu iisi mi, ho mi gati mèdha-papake leo, te èdhi neo pahaha iisi mi Ama Lamatua.”
23261	MAT 2:23	ètu rae Nasaret. Dènge jꞌara ne lii padhai Ama Lamatua lèke tareꞌa, nuka sèmi ngaa dhu dhèu rèti lii padhai Na suri tèke, na “Bèli-camèdꞌa dhèu paroa Ne, Dhèu Nasaret.”
23264	MAT 3:3	Uru èèna, ca dhèu nèti lii padhai Ama Lamatua, ngara na Yesaya, suri le lula-nèti Yohanis ne, aku nèngu na, “Bèli-camèdꞌa abhu dhèu paꞌoo-parodha ètu dꞌara mamoo, peka na, ‘Dhèu aaꞌi-aaꞌi paꞌèra sèna ka tao pabeꞌa jꞌara, ho sèmi mamai Ama Lamatua! Tao pamola jꞌara hia Ne!’ ”
23475	MAT 9:27	Èle, hèia Yesus kako taruu. Ètu talora jꞌara, abhu dhèu bèdhu dhèu dua dhu madhutu Ne. Dua ra rodhe, peka na, “Ana-èpu dhèu aae Daud! Sue ku jiꞌi la!”
23641	MAT 13:33	Yesus peka hari lii pakasame èci, aku Nèngu na, “Dhèu-dhèu unu Ama Lamatua, èci èèna ka dènge ragi dhu bhèni èci nare, pabꞌali dènge tarigu ca sak. Hèia roti ne caꞌe toke kapai, lula ragi dhu ciki ooꞌe deo na.”
23724	MAT 15:22	Ètu nèi, abhu ina ca dhèu dhu jꞌajꞌajꞌi na nèti rai neꞌe. Nèngu dhèu Yahudi boe. Ropa na tadèngi nare Yesus mai le asa neꞌe, hèia laꞌe manèngi, peka na, “Ana-èpu dhèu aae Daud! Sue ku jaꞌa la! Te ana bhèni jaꞌa, lèke nidhu tao. Kasia ku jiꞌi la! Te na jꞌèra dꞌai seli.”
24291	MRK 1:7	Ka na peka hari, “Bèli-camèdꞌa dhèu èci mai, dhu kapai risi nèti jaꞌa. Lula jaꞌa ne haha dꞌai seli, neo jꞌajꞌi ana pua-paleha èèna ka, lèke boe sa hèi.
24559	MRK 7:27	Te ngaa Yesus core lii èci, peka na, “Ana-ana hudꞌi raꞌa uuru ku, ho sisa na, ra core hia busa kèna.” [Dènge lii pacele èèna, Yesus hudꞌi soru-bara uuru ku dhèu Yahudi Nèngu, heka dhèu leo kèna.]
24893	MRK 14:70	Te ngaa Petrus pasili hari, ka na peka, “Tao-tao èu hujꞌu! Jaꞌa tadhe boe Dhèu neꞌe!” Nèbhu boe ka, dhèu èci ètu èèna kahèi, peka hari mi Petrus, aku nèngu na, “Èu ne baku pasili, peka na, èu dènge boe dhèu seꞌe se! We! Miu se aaꞌi-aaꞌi mi, dhèu Galilea, si?”
24986	LUK 1:24	Nèbhu boe ka Elisabet dènge babia. Ka na pea dhoka ètu dꞌara èmu toke lèmi hèru. Na peka, aku nèngu na, “Koa-kio Lamatua! Lodꞌo dꞌai kèna, Lamatua padꞌelo dꞌara hua iia Na mi jaꞌa. Ladhe jaꞌa ne dènge ka kolo, dhèu pamakae heka jaꞌa.”
25030	LUK 1:68	“Koa-kio Ama Lamatua dhèu Israꞌel! Te Na mai le ho sui nare dhèu unu Na, sèna ka rèngu baku jꞌajꞌi sèmi ènu sa.
25071	LUK 2:29	“Koa-kio kolongara Lamatua! Lamatua tao le madhutu lii pajaji Na mi dedha jaꞌa. De neꞌe ne Lamatua bisa le patabuli jaꞌa, sèna ka jaꞌa madhe dènge mera-milu,
25563	LUK 12:35	Yesus padhai lii hari, peka na, “Mèda-mèu miu musti bori mema dhari ho lalau Lamatua. Nuka sèmi ènu dhu beke, mate lamatua èmu na lèpa nèti pesta kabꞌi. Ropa lamatua na kadꞌeu babèdho èmu, nèngu bhoke dènge.
25735	LUK 17:15	Rèngu lasi taruu dènge karejꞌe-karae. Te ngaa abhu ca dhèu di, dhu lèpa hari mai asa Yesus. Na paꞌoo, peka na, “Koa-kio Lamatua! Te jaꞌa èle le nèti papèdꞌa!”
25796	LUK 18:39	Hèia dhèu dhu kako uuru nèti Yesus kai ne, sèna ka na mau-mau. Te ngaa asa na hino dènge lii rodhe, peka na, “Ana-èpu dhèu aae Daud, ee! Sue ku jaꞌa laa!”
25920	LUK 21:25	Èle ka Yesus lole mamai hari Na, aku Nèngu na, “Bèli-camèdꞌa ladhe Dhèu Rai-haha Tareꞌa-reꞌa neo mai hari, abhu tadha ètu madha lodꞌo, hèru, dènge hua hètu-hua hètu. Ètu rai-haha ne abhu tadha kahèi, sèmi uli sea, dhasi koꞌa dhu loe boe, aa naha aae lalulu mai. Seꞌe se tao dhèu rai-haha ne, madhaꞌu dènge ele ngangee, toke reꞌa heka tao ngaa-ngaa.
26032	LUK 23:28	Ropa Yesus ladhe bhèni se tangi, hèia Na lii, aku Nèngu na, “Ina-ina nèti Yerusalem. Baku tangi Jaꞌa ne. Tangi hiu ngiꞌu miu mesa mi, dènge ana niki miu.
26134	JHN 1:21	Ka ra karèi hari, peka na, “Ladhe sèmi èèna, èu ne, cee? Elia, do?” Na dhaa, peka na, “Aadꞌo kahèi.” Hèia ra tatuꞌi hari, aku rèngu na, “Tao-tao èu ne, dhèu nèti lii padhai Lamatua dhu Na padhadha tèka èèna, do?” Na dhaa, peka na, “Aadꞌo kahèi.”
26163	JHN 1:50	Yesus karèi ne, peka na, “Tao-tao èu ne lèka Jaꞌa, lula deo na Jaꞌa peka na, ‘Jaꞌa ladhe kèdhi èu, ropa èu dhu ae ètu mamaho ajꞌu èèna,’ si? Sanèdꞌe, te bèli-camèdꞌa pe èu mèdhi jꞌara-jꞌara dhu kapai risi eele hari!
26167	JHN 2:3	Ètu dꞌara pesta kabꞌi ne, nèbhu boe ka èi anggor èle. Hèia ina Yesus laꞌe peka dènge Ne, aku nèngu na, “Soru-bara si ku laa! Te èi anggor rèngu èle le.”
26471	JHN 8:21	Yesus padhai lii tabha hari, peka na, “Bèli-camèdꞌa Jaꞌa tèke eele miu, ho laku asa era leo. Miu èèna na patangi-tenge Jaꞌa, te ngaa mèdhi boe, te miu dhu dènge boe hak sèna ka lami asa era èèna. Aa ladhe miu madhe, miu pasae sasala miu era.”
26972	JHN 21:5	Ka Na paꞌoo, peka na, “Mera iꞌa, do?” Hèia ra dhaa, peka na, “Mola-mèu lao! Ciꞌu sa, aadꞌo hèi.”
27012	ACT 1:20	Petrus tuhu hari lii padhai na, peka na, “Uru-uru sèra, dhèu aae Daud suri tèke le ètu dꞌara sasuri Lii Sodꞌa Koa-kio, peka na, ‘Hudꞌi sène era pea nèngu, jꞌajꞌi mi era dhu paꞌela eele; bisa heka dhèu èci sa pea ètu èèna.’ Aa na suri kahèi, aku nèngu na, ‘Hudꞌi sène, sasabꞌa nèngu ra hia asa dhèu leo laꞌe.’
27151	ACT 5:23	Ra peka na, “Ama-ama si, baku nasa. Ropa jiꞌi dꞌai èmu bèdho, jiꞌi ladhe, na, babèdho dhu patèke. Aa dhèu jꞌaga sèra titu ètu era èèna. Te ngaa ropa jiꞌi pua ra goe babèdho ho jiꞌi laꞌa asa dꞌara, jiꞌi ngèdhi boe dhèu èci sa ètu dꞌara.”
27153	ACT 5:25	Nèbhu boe, hèia dhèu èci mai peka, aku nèngu na, “Ama-ama si, nanene ku laa! Dhèu dhu miu bèdho sèra, ètu liꞌu si, ra titu ho ajꞌa-nori dhèu ètu dꞌara Èmu Kapua Manèngi-Mangajꞌi ne!”
27404	ACT 11:28	Nèti rèngu se, dhèu èci, ngara na Agabus. Roh Lamatua peka dènge ne, aku nèngu na, “Bèli-camèdꞌa abhu lodꞌo manganga-madꞌèu lèke palème toke dꞌai suu-suu rai-haha.” Hèia laꞌe peka hari dènge dhèu-dhèu. (Lii dhu na padhai na, mema jꞌajꞌi tareꞌa, lodꞌo dhèu aae kapai risi ètu Roma, ngara na Klaudius, nèdꞌu paredha. Ra paroa dhèu aae kapai risi ne, Keser.)
27479	ACT 13:48	Ropa dhèu leo dhu dhèu Yahudi boe sèra tadèngi lii neꞌe, rèngu karejꞌe titu kèna. Hèia ra koa-kio Ama Lamatua, peka na, “Koa-kio kolongara Lamatua! Lii Holo-Nori Lamatua beꞌa dꞌai seli!” Aa ètu èèna, abhu dhèu dhu Ama Lamatua pili nare le ho ra mamuri taruu dènge Ne. Ka ra parcaya aaꞌi-aaꞌi ra mi Lamatua Yesus.
27679	ACT 19:25	Ca lodꞌo, hèia Demetrius pakaboko aaꞌi tuka-tuka na, dènge tuka-tuka dhu leo sèra, ka na peka dènge si, aku nèngu na, “Ama-ama dènge aꞌari! Miu meꞌa, na, mamuri èdhi beꞌa sèmi neꞌe ne, lula sasabꞌa neꞌe hia èdhi doi ae.
27816	ACT 23:14	Ropa ra subha rare, ka lasi peka dènge kètu agama Yahudi dènge dhèu heka adꞌa Yahudi sèra, aku rèngu na, “Ama-ama si! Jiꞌi pasubha le, peka na, jiꞌi ngoꞌo boe ngaꞌa-nginu, ladhe jiꞌi pamadhe mèka Paulus.
28108	ROM 4:18	Masi ka Abraham dènge mèka ana, te ngaa na lèka Ama Lamatua, aa tatae Lamatua tao madhutu lii pajaji Na. Nèti parcaya èèna ka, Lamatua tao ne jꞌajꞌi mi “bèi-baki nèti suku ae-ae.” Èèna nuka sèmi dhu suri ètu dꞌara Sasuri Mola-Mèci, na, “Ana-èpu ae-ae bèli-camèdꞌa mai nèti èu.”
28230	ROM 9:7	Nuka sèmi, dhèu ae-ae jꞌajꞌajꞌi ra nèti bèi-baki jiꞌi, Abraham. Te ngaa rèngu aaꞌi-aaꞌi jꞌajꞌi boe ana-èpu dꞌèlu Abraham dhu Ama Lamatua hagꞌe nare. Te Lamatua dhu peka le dènge Abraham, aku Nèngu na, “Ana-èpu èu dhu Jaꞌa tadhe, dhoka rèngu dhu jꞌajꞌi nèti ana mu Isak di.”
28234	ROM 9:11	Lodꞌo Ribka nara iisi mèka ana na si, rèngu se dhae tao mèka jꞌara dhu mola, do dhu bhelu. Masi ka sèmi èèna, te ngaa Lamatua peka uuru le dènge Ribka lula-nèti ana kajari dhu kalua uuru, peka na, “Bèli-camèdꞌa aꞌa ne sabꞌa hia ari na.” Lamatua peka sèmi èèna ho padꞌelo, na, ladhe Nèngu hagꞌe nare le dhèu èci, Nèngu dhu neꞌa le, neo pake dhèu ne sèna ka tao tasa mera mia. Hèia Lamatua pili ari na, jꞌajꞌi dhèu unu Na. Lamatua parluu heka pamata, ho laladhe ari ne neo tao ngaa, lula Lamatua dhu neꞌa mema le.
28303	ROM 11:26	De ladhe dꞌai ka lodꞌo na, pe Lamatua patalale dhèu Yahudi aaꞌi-aaꞌi nèti koasa sasala-sasigo ra. Jꞌara neꞌe jꞌajꞌi, nuka sèmi dhu suri tèke ètu dꞌara Sasuri Mola-Mèci, dhu peka na, “Bèli-camèdꞌa Dhèu èci mai, dhu patabuli èdhi nèti mamadhe-mamopo. Nèngu mai nèti ledhe Sion, nuka kota Yerusalem. Èèna na, Nèngu ka dhu tao ho ana-èpu Yakob ele-hoꞌa. Te rèngu mamuri pusi-pahae boe Jaꞌa, aa ra soro kabodho mi jꞌara mamuri Jaꞌa dhu mola.
28661	1CO 10:26	Lula ètu dꞌara Sasuri Lamatua dhu suri tèke, peka na, “Rai-haha dènge isi na aaꞌi-aaꞌi, unu Lamatua èdhi.”
28705	1CO 12:3	Nèti èèna ka, jaꞌa neo ho miu meꞌa, na, tatu boe abhu dhèu dhu paꞌèki dènge Roh Mola-Mèci Ama Lamatua, peka na, “Dhoo-saseo Yesus èèna!” Aa tatu dhèu dhu paꞌèki boe dènge Roh Mola-Mèci Ama Lamatua peka na, “Yesus èèna, Lamatua jaꞌa!”
29177	GAL 3:8	Lamatua dhu peka tèke le ètu dꞌara Sasuri Mola-Mèci Na, peka na, Nèngu sèmi nare kahèi dhèu nèti suku leo jꞌajꞌi mi dhèu mola, ladhe ra parcaya Ne. Te uru èèna, Na peka mema le mi Abraham Lii Lolo Beꞌa, na, “Bèli-camèdꞌa suku aaꞌi-aaꞌi ètu rai-haha ne, abhu mèngi-nale lula èu ne.”
30305	HEB 12:26	Lodꞌo bèi-baki èdhi titu ètu ledhe Sinai, lii Lamatua dhu mèdhu èèna, tao rai opo. Limuri ne Na moa, na, “Bèli-camèdꞌa Jaꞌa tao ne opo ca tèka hari. Mesa boe rai di opo, te ngaa liru opo kahèi.”
31128	REV 21:6	Ka Na peka hari dènge jaꞌa, na, “Aaꞌi-aaꞌi dhu Jaꞌa pajaji sèra, jꞌajꞌi aaꞌi le. Te Jaꞌa ne, Alpa toke Omega, Aa Jaꞌa ne, A toke Z, Aaꞌi-aaꞌi ra jꞌajꞌi nèti Jaꞌa, karèi nèti uru ka, toke dꞌai èle. Dhèu aaꞌi-aaꞌi dhu koko-kamango, pe Jaꞌa hia ra rinu iia-iia dꞌara, nèti madha èi dhu nèti mamuri hia dhèu, sèna ka dhèu sèra bisa mamuri dènge tareꞌa.
31155	REV 22:6	Ka ana pajuu ne peka dènge jaꞌa, na, “Aaꞌi-aaꞌi dhu jaꞌa peka kore dènge èu seꞌe, lèke tareꞌa-reꞌa. Dhèu aaꞌi-aaꞌi bisa parcaya lii jaꞌa se. Uru èèna, Ama Lamatua pake Roh Na ho peka-padhai Lii Holo-Nori Na mi dhèu rèti lii padhai Na. Te ngaa limuri ne, Na pake ana pajuu Na nèti sorga ho lole mi dhèu unu Na, lula-nèti jꞌara aaꞌi-aaꞌi se dhu nèbhu heka hudꞌi jꞌajꞌi ku.”
31169	REV 22:20	Yesus mesa Na ka dhu bhoke jꞌara aaꞌi-aaꞌi sèra. Na moa le, peka na, “Tareꞌa-reꞌa sèmi èèna! Nèbhu heka, Jaꞌa neo dhiu.” De mai ka, Lamatua Yesus!