325	GEN 13:6	Te ngaa era èèna taleo boe, ho Abram dènge Lot aa dènge kakaja ra bisa pea paꞌèci. Nèti èèna ka, ana madhenge badha Abram dènge Lot sèra jꞌajꞌi patao-palaha, lula jꞌuꞌu ètu era èèna dꞌai boe hia badha rèngu. (Lodꞌo èèna, dhèu Kanaꞌan dènge dhèu Feris, dhu pea ètu èèna era.)
329	GEN 13:10	Hèia Lot ladhe palème. Ka na ladhe nèdhi rai taleo ètu sebhe loko Yarden dhu madha èi ae, toke dꞌai rae Soar. Era ne, rai hèu mèngi sama sèmi oka LAMATUA, dènge rai Masir kahèi. (Lodꞌo èèna, LAMATUA dhae huku mèka kota Sodom dènge kota Gomora. De rai èèna, beꞌa era.)
350	GEN 14:13	Te ngaa dhèu èci rai nèti era èèna. Ka laꞌe lolo dènge Abram, dhèu Ibrani èèna. (Lodꞌo èèna, dhèu Amori èci, ngara na Mamre. Aa Abram pea dètu dènge ajꞌu-ajꞌu aae unu Mamre. Aꞌari Mamre dhèu dua, ngara na Eskol dènge Aner. Rèngu se dhu paꞌanga dènge Abram.)
569	GEN 22:21	Ana uru, ngara na Us. Ari na, Bus. Èle ka, nara iisi hari Kemuel (dhu jꞌajꞌi ama Aram.)
793	GEN 28:19	Ka na pangare era ne Betel, dhu sasoa na ‘Èmu Lamatua’. (Uru èèna, era ne ngara na Lus.)
1063	GEN 36:22	Ana Lotan nuka: Hori dènge Heman. (Ana hèni Lotan, nuka Timna.)
1076	GEN 36:35	Ropa Husam madhe, ra dedꞌe Hadad ho gati na, jꞌajꞌi dhèu aae. Ama na, ngara na Bedad, nèti rae Awit. (Nèngu ka dhu segi dhèu Midian, lodꞌo ra pamusu ètu Moab.)
1459	GEN 48:7	Jaꞌa tao sèmi èèna, sèna ka èdhi sanèdꞌe ina mu Rahel. Lodꞌo jiꞌi mai nèti Mesopotamia asa Kanaꞌan, dꞌai talora jꞌara, ina mu madhe ropa nara iisi aaꞌi. Èèna na, jiꞌi dètu rae Efrata ètu rai Kanaꞌan. Lodꞌo èèna, jaꞌa susa dꞌai seli. Ka jaꞌa padhane ne ètu sebhe jꞌara laꞌe asa rae Efrata.” (Limuri ne, rae èèna ra gati ngara na Betlehem.)
23236	MAT 1:23	“Mi nanene! Bèli-camèdꞌa abhu ana bhèni ca dhèu dhu kalora iisi, teꞌa boe na, nèngu dhu dènge babia le. Èèna na nara iisi Ana Mone ca dhèu. Ka ra pangare Ne, Imanuel.” (Lii Ibrani, ‘Imanuel’ sasoa na: Ama Lamatua bera-bera dènge èdhi.)
24174	MAT 26:51	Te ngaa dhu reꞌa boe, na, dhèu unu Yesus ca dhèu dhu bete hela na, ka seru pamaꞌète rèu dhilu dhèu èci. (Dhèu dhu nuꞌa ne, nuka ca dhèu ènu nèti kètu kapai risi agama Yahudi.)
24216	MAT 27:18	(Gubernur peka sèmi èèna, te neꞌa na kètu agama Yahudi rèti Yesus asa nèngu, lula rèngu se tèka dꞌara dènge Yesus.)
25736	LUK 17:16	Hèia na patitu kètu urutuu na, ho manèngi makasi ae-ae mi Yesus. (Teꞌa boe, te nèngu ne dhèu Yahudi boe. Nèngu ne ca dhèu Samaria dhu loe boe tao lii langu dènge dhèu Yahudi.)
26023	LUK 23:19	(Barabas ne maso bèdho, lula na kakèjꞌi dhèu labꞌa paredha Roma ètu kota Yerusalem, aa na pamadhe dhèu kahèi.)
26070	LUK 24:10	(Ina-ina dhu ètu roꞌa èèna, nuka Maria ina Yakobis, dènge Maria nèti rae Magdala. Abhu kahèi Yohana dènge ina-ina dhèu pèri dhu leo. Rèngu seꞌe ka dhu lasi peka aaꞌi-aaꞌi dènge ana-ana pajuu-paleha Yesus sèra.)
26173	JHN 2:9	Ropa lamatua pesta sèmi nare, ka na ngao. Te ngaa reꞌa rare boe, èi ne dhu jꞌajꞌi le anggor! Dhèu ne malaa, te neꞌa boe, na, dhèu se abhu anggor ne nèti mia. (Te ngaa dhèu sabꞌa se reꞌa.) Ka na paroa nare pengantin dhèu mone.
26419	JHN 7:22	Te ngaa ca tèka-tèka, miu sabꞌa kahèi ètu dꞌara lodꞌo sabajꞌa, nuka sèmi: Musa hia le atora suna, dhu peka na, ladhe dhèu rara iisi ana mone ca dhèu, na, ètu dꞌara lodꞌo ka aru, miu hudꞌi suna ku ana ne. Masi ka lodꞌo ne, lèke dènge lodꞌo sabajꞌa, miu hudꞌi suna ku nèngu. (Te ngaa madhutu mola-mola na, atora ne uru tèka nèti Musa. Te Ama Lamatua dhu hia uru le atora ne mi Abraham.)
26477	JHN 8:27	(Dhu Nèngu padhue-padhai, nuka Ama Na ètu sorga. Te ngaa dhèu se reꞌa rare boe sasoa lii padhai Na.)
26593	JHN 11:1	Abhu dhèu èci, ngara na Lasarus. Nèngu pea ètu rae Betania, sama-sama dènge aꞌa na bhèni dhèu dua, Maria dènge Marta. (Maria neꞌe, ka dhu pakose haga Lamatua Yesus dènge èi hèu mèngi, ka pamèu pake rèu kètu na.) Ca lodꞌo, ka Lasarus pèdꞌa aae.
26682	JHN 12:33	(Na padhai lii sèmi neꞌe, ho peka jꞌara mamadhe Na.)
26864	JHN 18:10	Lodꞌo èèna, Simon Petrus nèti dènge samala iiki èci. Ka na bete ho neo pare dhèu. Kabèdhi laa, na pare pamaꞌète rèu dhilu gꞌana nèti dhèu èci. (Dhèu ne ngara na Malkus. Nèngu ne, ana pua-paleha nèti kètu kapai risi agama Yahudi.)
26907	JHN 19:13	Ka ropa gubernur tadèngi lii padhai dhèu se, hèia na pua rèti Yesus asa liꞌu. Ka gubernur madhèdi ètu kadera pamaꞌète lii, ètu era èci dhu ra pangare na, “Tana Lapang nèti Hadhu Kabela”. (Madhutu lii Aram, ngara na Gabata.)
26911	JHN 19:17	Ka Yesus pasae ajꞌu palolo-palèbha Na laꞌe asa liꞌu kota. Lasi asa era èci dhu ngara na, “Era Rui Kètu”. (Madhutu lii Aram, era ne ngara na, Golgota.)
26929	JHN 19:35	(Jaꞌa neꞌe ka dhu ladhe kèdhi dènge musi madha ku. Jaꞌa kèdhi aaꞌi, aa dhu jaꞌa suri ne lèke tareꞌa-reꞌa. Te jaꞌa keꞌa mèu ngaa dhu jaꞌa lolo ne lèke mola-mola, sèna ka miu bisa parcaya lii padhai jaꞌa.)
26986	JHN 21:19	(Lii padhai Yesus ne, peka mi Petrus, lula-nèti ngaa dhu jꞌajꞌi bèli-camèdꞌa mi dedha nèngu. Te èèna na mamadhe Petrus padꞌelo dadedha Ama Lamatua.) Hèia Yesus lii dènge Petrus, aku Nèngu na, “Mai sèna ka jꞌajꞌi dhèu Jaꞌa!”
27113	ACT 4:22	(Dhèu èèna karuku èpa nguru risi tèu le, ka heka bisa kako kèna.)
27404	ACT 11:28	Nèti rèngu se, dhèu èci, ngara na Agabus. Roh Lamatua peka dènge ne, aku nèngu na, “Bèli-camèdꞌa abhu lodꞌo manganga-madꞌèu lèke palème toke dꞌai suu-suu rai-haha.” Hèia laꞌe peka hari dènge dhèu-dhèu. (Lii dhu na padhai na, mema jꞌajꞌi tareꞌa, lodꞌo dhèu aae kapai risi ètu Roma, ngara na Klaudius, nèdꞌu paredha. Ra paroa dhèu aae kapai risi ne, Keser.)
28064	ROM 3:5	Te ngaa ladhe èdhi tao sala, èèna ka dhu peka paledꞌa mi dhèu aaꞌi-aaꞌi, ngaa dhu Lamatua tao èèna mema lèke tareꞌa. Ladhe sèmi èèna, èdhi peka ngaa hari? Neo peka, na, Lamatua adil boe ladhe Na huku èdhi, do? (Te abhu dhèu cahagꞌe dhu padhai lii sèmi èèna.)
28193	ROM 8:9	Te ngaa miu se, dhèu dhu mamuri bhelu heka, madhutu dadꞌèi dꞌara mi. Te ladhe abhu Roh Lamatua dhu mamuri ètu dꞌara miu, miu tao jꞌara-jꞌara dhu pakarejꞌe dꞌara Nèngu. (Te ngaa ladhe abhu dhèu dhu Roh Kristus pea boe ètu dꞌara na, nèngu jꞌajꞌi boe dhèu unu Lamatua.)
28262	ROM 10:6	Te ngaa Sasuri Mola-Mèci Lamatua padꞌelo jꞌara leo, peka na, dhèu bisa pabeꞌa dènge Ama Lamatua sadꞌi rèngu parcaya Yesus Kristus. Dhu suri tèke, na, “Mage karèi, peka na, ‘Cee ka dhu bisa caꞌe asa sorga?’ ” (Èèna, nuka sèmi dhèu neo caꞌe laꞌe peka dènge Kristus, na, èdhi dhèu rai-haha dꞌèi ladhe Nèngu puru mai sèna ka hia mamuri mi èdhi.)
28263	ROM 10:7	Sasuri Mola-Mèci suri kahèi, peka na, “Mage karèi, na ‘Cee ka dhu neo puru laꞌe asa dꞌara naraka, ètu era dhèu madhe sèra?’ ” (Èèna, nuka sèmi dhèu dhu puru laꞌe ho pacaꞌe Kristus nèti era mamadhe Na, sèna ka hia mamuri mi èdhi.)
28426	ROM 16:22	(Jaꞌa ne, Tertius, ka dhu suri sasuri neꞌe madhutu ngaa dhu Paulus pua jaꞌa suri. Lii mahoꞌo nèti jaꞌa, te jaꞌa ne dhèu unu Kètu èdhi, Yesus Kristus kahèi.)
28447	1CO 1:16	(Ee, jaꞌa heka sanèdꞌe kèna. Jaꞌa sarani isi èmu Stefanus cahagꞌe kahèi. Te ngaa jaꞌa sanèdꞌe heka, abhu dhèu era dhu jaꞌa sarani, do aadꞌo.)
28664	1CO 10:29	Aꞌabhu jaꞌa, na, pangee paie-iie, madhutu ngangee dhèu deo na, bisa kuꞌe do aadꞌo. Baku ngee dhoka dhu beꞌa madhutu ngangee èu mesa mu.) Aa te ngaa, jaꞌa bisa tao madhutu dꞌèi dꞌara jaꞌa. Te ngaa ladhe dhèu leo pangee, na, beꞌa boe ladhe nèngu adꞌu-ue ca madha jꞌara, nga tao ka jaꞌa bebas boe sa hèi tao madhutu dadꞌèi dꞌara jaꞌa, lula beꞌa boe bagi mi dhèu leo?
28687	1CO 11:19	(Mema, lula mamae-manyèla miu èèna ka, bisa teꞌa cee ka dhu tareꞌa-reꞌa nanene Lamatua èdhi, aa mia dhu nanene boe.)
28992	2CO 7:8	Jaꞌa keꞌa, na, isi sasuri jaꞌa uru èèna dhu pasanèdꞌe miu dènge lii sakaa, èèna ka dhu papèdꞌa dꞌara miu. Te ngaa jaꞌa manyasa boe jaꞌa suri sasuri èèna. (Aa te ngaa lodꞌo èèna jaꞌa ako manyasa, ropa keꞌa, na, nèti sasuri jaꞌa ka dꞌara miu pèdꞌa, masi ka nare boe nèbhu.)
29173	GAL 3:4	Lodꞌo hiu-hiu dhu miu parcaya Kristus èèna, miu abhu jꞌajꞌèra ae titu kèna. Mage dhoka jꞌara sèra ele iia dꞌara di! (Te ngaa madhutu mola-mola na, parcaya mi Kristus ele boe iia dꞌara.)
31094	REV 19:8	Ama Lamatua hia ne kodho kabꞌi na nèti bèla alus. Ama Lamatua pangèdꞌu na mèdha-papake dhu pudhi kaleꞌe.” (Mèdha-papake dhu pudhi kaleꞌe èèna, sasoa na, tatao dhu beꞌa nèti dhèu unu Ama Lamatua.)