1646	EXO 5:13	Huan mojmostla itlayacancahua Faraón quinisihuiltiyayaj más huan quinilhuiyayaj: ―Xijtlamichihuaca san se imiyaca nopa soqui ladrillos ipan se tonal queja quema inmechmacayayaj sacatl. Huan nojquiya nopa Egipto tecojme quinmaquiliyayaj israelita tlayacanani huan quinilhuiyayaj: ―¿Quejatza, niyon yalohua, niyon ama, ax inquiaxitijtoque san se imiyaca ladrillos queja achtohuiya inquichihuayayaj?
9699	2KI 6:21	Huan quema nopa tlanahuatijquetl tlen tlali Israel quinitac, quitlajtlani Eliseo: ―¿Notata, tijnequi ma niquinmicti?
9782	2KI 9:22	Huan quema quiitac Joram nopa Jehú, quiilhui: ―¿Jehú, tihuala ica cuali o axtle? Huan Jehú quinanquili: ―¿Tlaque tlen cuali huelis onca quema monana, Jezabel, quisenhuiquilía quinhueyitlalía tlaixcopincayome tlen ax ya Dios huan quisenhuiquilía tetlajchihuía campa hueli ipan totlal?
26528	JHN 9:19	Huan nojquiya quintlajtlanijque: ―¿Nelía, ni imotelpoca? ¿Nelía tlacatqui popoyotzi? Huajca ¿quejatza hueli tlachiya ama?