1923	EXO 15:2	Yahweh te vaheu na laga, mu ku linge na pukuna gaia; Gaia ahei te vavolau. Gaia nigua na God, mu ku holohabaa, ma gaia ghua nina God a tamagu, mi nau ku nia kikinimaa.
1924	EXO 15:3	Yahweh na [mane laga ni veitotoghoni]/malaghai; Yahweh na ahana.
1925	EXO 15:4	Lei nina malaghai Pharaoh, maia nina lei taitakiro, gaia te lulumi lokani tahi; Maia nina malaghai nagho, tara lulumi ghua ilokana na Tahi Sisi.
1926	EXO 15:5	Na tahi lalo te saro horura; mara lulumi horu vagha na vatu tana boro ni horara.
1929	EXO 15:8	Sakai na hola ghuri vamua ighoe, me tuvavoka na tahi; Rua na levu vagha na peo vatu, mana borona ipari te vunga dato mai me mamaha.
1931	EXO 15:10	Hauva ma nimiua na hola ghuri va vamua itadira, mana tahi te kakovo savura; Mara lulumi horu tana tahi, vagha na talihalo.
1934	EXO 15:13	Ma nia nimua na dolo, ko hulira nimua na vure to huiolira; Mo ko hulira nia na lagamu, va saravia na komu tabu to ghaha iga.
1935	EXO 15:14	Na vure tana lei komu/butonikomu kara mataghu tatata, tana bona kara rongovia na tutugu eni; Na vure ni Philistia kara mataghu ghua.
2199	EXO 25:3	Raini gaighi na gegereni na lei totobo ko holopangotighi tughuu inau kara nighi hevei na vure - gold, silver mana bronze;
2200	EXO 25:4	na vuvulu ni sheep te reirei vagha na horara, boibongi pana sisi, na tivi pura utoutoa, na tivi pura tara vauhia nia na ghuighuli ni goat;
2202	EXO 25:6	na kokolo ni olive kara dodoea nia na bulu, na raurau ni ghai na vatei kere ghaiuruuru te gasuva, maia na kokolo tabu me vatei siusiu tinoni, maia kara tabui nia na balu totobo;
2538	EXO 35:6	na vuvulu ni sheep te reirei vagha na horara, boibongi pana sisi, na tivi pura utoutoa, na tivi pura tara vauhia nia na ghuighuli ni goat;
6223	JOS 15:19	Ma gaia te bosa vania, “Ko vaheu na vauto. Ighoe to doloviu mo vaheu tua na pari tana Negev; mi nau nongi ngangatagho geko vaheu ghua na vulavula ni beti”. Ma Caleb tete vahea na ulavula imatanga mi pari.
6364	JOS 19:41	Na lei komu sule ilokana na tunuvana Dan; Zorah, Eshtaol, Ir–shemesh.
6381	JOS 20:7	Mana lei komu sule tara vilighi na vatei sogha polo t vaghai raini i Kdesh ni Galilee, tana ghotu n Naphtali; Sechem, tna ghotu ni Ephraim; mi Kiriath-Arba (gaia keri Hebron itaeni), tana ghotu ni Judah.
6418	JOS 21:35	Dimnah mi Nahalal; ara vati na komu sule kolui nia na lei bonani gehe leghai.
6456	JOS 22:28	Makara bosaa te vaghaa keri ke, “Kay righia eni na vaughilalana nina baravatu Lordtara sonia na lei kukumami. Na mua vatei kere sukaghi pana vatei sukaghi; na vatei ghanagana oli tana tamakulani ighita udolu itatana Lord.
6483	JOS 24:5	“Vaho gu nira vetena Moses ma Aaron, mi nau tu vahera main a lei totoro te dika va I vuvungana Egypt; mi murina vaho keri inau tu lavi rughuhoru ghau vagha rana vure tatavahale.
13945	PSA 1:2	Ma gaira tara lioni vamua na taoniani na lei totobo te lioni a Lord; na bongi mana dani tara ghanaghanai vamua na lei nina vetena.
13947	PSA 1:4	Ma eni gaia te mua utuni itadira rana kiko; A gaira te vaghara na totobo lee vamua, te havukaghini kolilira na ghuri.
13952	PSA 2:3	“Mai ghita ma ka gotia didira na tali halo,” ara ghaghua tara tangi ngangaraha; “Ge ka tatavahale ghita hegheda tana kabu popongo eni.
13961	PSA 2:12	Ko va hea dalena God na puku ni maana, na pukuna ke bei rutu gea; me ke havukaghinigho gea ighobudira tara tangohahi; na pukuna nina rutu ke tangomana ge ke vagha na pagana na vavuna na lake na pile bona vamua. Mi vei vaho te vagha na togotogo vaghana; ke vanira ara hei tara kenea na righitaoni itatana.
13963	PSA 3:2	Aghe Lord, ara subo na ghagua na levunimate; mara subo ghua tara tughuru pungisiu.
13967	PSA 3:6	Inau tu koli horu, mu tu maturu. Mu rarai mai tana maboagu; na pukuna Lord te righitaoniu.
13969	PSA 3:8	Tughuru ghe Lord! Mo ko vavolau, a nigua na God! Tapoi na ngara dira gaira udolu na ghagua na levunimate; mo ko karatai na livo dira tara tangotangodika.
13972	PSA 4:2	Ko bosa tughu vaniu mai tana bona inau ku hoholo, na pukuna God te bosa tateu inau tu tatavahale. Ko lavi kehai a nigua na hahi: mo ko aroviu; mo ko arovighi a nigua na kokoeliulivuti.
13974	PSA 4:4	Ma kau ghilala utoa eni; A Lord te talu keha na uto vania gaia heghena. Ma Lord ke tangomana na bosa tughu tana bona ku holoa.
13976	PSA 4:6	Ko gonia na puku ni sukaghi; mo ko varava ngasi itatana Lord.
13981	PSA 5:2	Aghe Lord, Ko rongoviu tana bona inau ku kokoeliulivuti; ko kabu avehiu ta nigua na tangi.
13983	PSA 5:4	Ko varongohia na talama ni mangagu tana roropo, ghe Lord. Tughu roropo, inau ku lavighi vanigho mai a nigua na nongi; mu ku avehi utoi na lei bosa tughu.
13988	PSA 5:9	Ko huliu tana halautu te maemane ghe Lord, ge na ghaghua na levunimate kara bei laga vuleu. Ko bosa lada utoa na hava ku gonia; mo ko tuhua vaniu vaniu na halautu ku ririu va iga.
13991	PSA 5:12	Ko lubatira agaira tara ungaunga itamua kara lavia na togotogo; lubatira ge kara linge rivurivu nia na holohaba ke va me vaa. Ko pilu pungisira, ge agaira tara datovia na ahamu, ko vonughira nia na togotogo.
13999	PSA 6:7	Inau ku mua pupulu heghegu tana mate. Mana kolobu te podia na ghimegu tughu bongi; na ulungagu te podi ta nigua na tangi.
14000	PSA 6:8	A ghagua na levunimate te hughahugha potou tana dikalio; mana matagu te mua vuha righigho: na pukuna na ghaghua na levunimate.
14002	PSA 6:10	A Lord te rongovia a nigua na kokoe; Ma Lord ke bosa tughui a nigua na kokoeliulivuti.
14005	PSA 7:2	Inau tu mai tamua ghe Lord, nigua na God; ge ko pilupilu. Vavolau itadira tara kisua ghagua na mate. Mo ko lavi kehau.
14012	PSA 7:9	Ma Lord ke tuvalia na dete ivuvungadira na lei kema. Bosa ladaa inau tu maemane ghe Lord; Na pukuna inau tu tatavahale, ghe na puku ni haba.
14018	PSA 7:15	Rana tangotangodika tara loghoa na dika; a gaira tara nia bahe na lei vahola; mara vahui na lei sorisori.
14020	PSA 7:17	A gaira tara gonia na dika; hauva me labu olira so na lake. Mara gonia na padalaghi ni haurakeadira na balu, me kutu oli so tana uludira.
14033	PSA 9:2	Inau ku holoutogho, Lord, na na tobagu udolu; mi nau ku bosa tatei na lei totobo te haeharegha to gonighi.
14035	PSA 9:4	Na ghagua na levunimate kara ririu keha ma kara tona keha; na pukuna gaira tara laga vulera, mara havukaghinira i naghomu.
14036	PSA 9:5	Na pukuna ighoe to dete maemane ta nigua na levu; mi tana malei kabumu, ighoe to nia hevei na dete kaekage.
14037	PSA 9:6	Ighoe to tughuru pungisira na lei kema me havukaghinira na tangohahi; mo ghuduri kehai na ahadira ke va me vaa.
14038	PSA 9:7	Na ghagua na levunimate tara topou nia na mateagu; hauva mana komudira te parihai. Sughua didira na vatei ghanaghana oli tara vuti kehai na lei komu tara sivi.
14039	PSA 9:8	Ma nina uhuhuli Lord ke va me vaa; ma nina dete ke tona haliu tana malei kabuna.
14040	PSA 9:9	Agaia ke detea na maramana nia na maemane; me ke uhulira na lei kema taonia na hava te kaekage.
14055	PSA 10:3	Ma gaira tara talutatei mai didira na lei lio dika; mara holoutora tara lologho au. Mara holoa mai na dika ivuvungana Lord.
14074	PSA 11:4	Ma Lord te ghaha tana valena te Tabu; ma Lord te tona haliu so na huhuli ikokou. Ma gaia te vatogha dutuvighi so na lei totobo me tabotaboa sopasopa sakai tana maramana.
14077	PSA 11:7	Na pukuna Lord te maemane; Keri ge agaia te dolovia na maemane. Agaira arahei tara gonia na maemane, kara righia na matana.
14081	PSA 12:4	Lubatia a Lord ke lavia vanira mai na ghanaghana mava ke sara tana sosokona; ma kara nia kabu vaovarongo didira na talu nagho tana lapidira.
14093	PSA 14:1	Na vure bule tara bosa tana tobadira; “E taho siki God.” Gaira tara vatei sikagha, na nilabudira te dika; me taho ahei itadira ke gehegehe uto!
14094	PSA 14:2	Ma Lord te rei horu mai kokou tana vuvungadira na lei tinoni; gaia te rei mai ge ke righia siki sakai ke loghoa na puku ni manaha, siki sakai te kene taonia God.
14095	PSA 14:3	Hau va me taho, gaira udolu tara ririu keha sania God; Gaira udolu tara vuha dika. Taho ahei tadira ke gehegehe uto!
14096	PSA 14:4	Ivei tea gaira tara gehegehe dika tara mua naunau? Gaira tara goni sokora nigua na vure vaghaa na vanga; ara mua tangomana na kokoeliulivuti va ta God.
14120	PSA 17:5	Inau tu sakutua tana halautumu; inau tu mua turipadi na taoniamu.
14127	PSA 17:12	E vaghara na lion te vitolo, ra liona ge kara pilepilea na huligu; vaghara na lei dalei ni lion tara polopitu ta didira na vatei polo.
14129	PSA 17:14	Vavolau nia na limamu te maana, Ghe Lord, itadira tara liona ge kara loghoi na lei totobo ni maramana. Ko torora nia na vahaghitaili to gonidilaa vanira; Ko nea na dete mana totoro ke tona haliu itadira na lei daledira mana kukuadira.
14132	PSA 18:2	Inau tu dolovigho, Lord; Ighoe a nigua na pilupilu.
14133	PSA 18:3	A Lord, nigua na vatu ngasi, nigua na bona ni polo, ma nigua na vavola; nigua na God a nigua na vatu, itatana tu topoa na pilupilu. Gaia nigua na tako, te pilupiluu me righitaoniu.
14135	PSA 18:5	Na alo ni mate te utu talighutiu; mana tave ni tataghalaghi te ghoghoro i vuvungagu.
14136	PSA 18:6	Na sosodo ni mate te talighutiu; mana ghilu ni mate te talua vaniu na taripiti.
14137	PSA 18:7	Hauva ta nigua na vahaghitaili inau tu tangi vania va Lord, Eo, inau tu kokoeliulivuti vania va nigua na God ge ke hangau. Gaia te rongoviu mai tana bonana te tabu; nigua na tangi te saravia na kulina.
14138	PSA 18:8	Vaho na maramana te anu me kahikahi; na panatani na lei ghotu tara aleale; ara anuanu na pukuna nina rutu God.
14139	PSA 18:9	Na ahu te rughuhoru mai tana ihuna; na lapilapi ni lake mamataghugha te tataghalaghi te sosogha horu mai tana mangana; mana gougovu te bera me vavu te rughuhoru mai tatana.
14140	PSA 18:10	Gaia te hangavia na kokou me horu mai; na pui tana sara ni marevona.
14144	PSA 18:14	Vaho a Lord te kokoe horu mai kokou vagha na viviha; na talama ni mangana te haba vule tara rongovia.
14145	PSA 18:15	Gaia te nighi rana lei nina kuali me havukaghinira na ghana levunimate; me nia vetena vania na viti mara hughuhughu poto.
14150	PSA 18:20	Gaia te uhuliu va tana bona ni kabu mahebo; Gaia te vavolau na pukuna te niu togotogo.
14151	PSA 18:21	A Lord te tabau nia nigua na lutu uto; a Lord te vuevugheu nia nigua na kabu maemane.
14152	PSA 18:22	Na pukuna inau tu taonighi nina na lei vetena Lord; Inau tu mua ririu keha sania nigua na God mu ku taonia te dika.
14154	PSA 18:24	Inau tu maemane tana matana God; inau tu mua lugu na righitaoniu heghegu tana tangotangodika.
14155	PSA 18:25	A Lord te tabau nia nigua na lutu uto; na pukuna te marabu na limagu, te marabu tana matana.
14156	PSA 18:26	Lord, ighoe to utuni vanira rahei tara taluutuni utunigho; mo uto haliu vanira rahei tara maemane.
14159	PSA 18:29	Lord, ighoe to nia hevei mai na marara tana volagu; mo ghuru kehaa na pungi itagua.
14160	PSA 18:30	Ighoe to vaheu na laga ge ku vahaghitailira nia na ghagua na kana; mana maana ge ku lagavulea didira pilupungisi.
14168	PSA 18:38	Inau tu ghurutaonira na ghagua na kana mu lotira; inau tu mua beto koekobe tu lagavulera.
14169	PSA 18:39	Inau tu labu horura ge kara mua tangomana na tughuru dato; gaira tara tumu sara ni marevogu.
14170	PSA 18:40	Ighoe to vaheu na laga ni kisumate; gaia te vaheu na laga ge ku nia vana na baghe halo.
14171	PSA 18:41	Ighoe to nera ge ra ririu mara sama; inau tu taghalaghinira tara niu sika.
14174	PSA 18:44	Ighoe to neu ge u lagavulera tara huru tabou, ighoe to viliu ge ku vunaghidira na lei kema; na vure tu mua ghilalara tara vuha mai kabu i sarana nigua na maana mara lutu vaniu.
14175	PSA 18:45	Na vure tana kema keha tara tongaghi vaniu; Gaira tara taoni vetena tana bona tara rongovia na mangagu.
14176	PSA 18:46	Gaira udolu tara sivilaghinia didira na lio malaghai; mara vuha ghebeghebe tana bona tara ghahara ga pitua na levunimate.
14178	PSA 18:48	Gaia God te vaheu na lagavule tadira na ghagua na levunimate; Gaia te laga vulera na lei kema tana rurughugu.
14180	PSA 18:50	Me vaghaa keri, Ghe Lord, inau ku vahegho na holohaba tana ghobudira na lei kema; mi nau ku linge rivurivu va tana ahamu.
14181	PSA 18:51	Ighoe to vahea na lagavule sule nimua na vunaghi; Ighoe to tatea na dolo te tona haliu vania nimua na tinoni to vilia, vania David mana vinavahuhuna ke va me va.
14184	PSA 19:3	Tana tughu dani tara tona haliu na bosa tateana; mi tana lei dani te bongi tara talutatea gaia.
14185	PSA 19:4	Gaira tara bosa mo ko mua rongovia na talamana na bosa; na talama ni mangadira ko mua rongovia tana parako.
14193	PSA 19:12	Gaira tara bosa dila vanira rahei tara rongovighi; na taba iga vanira rahei tara taonighi.
14209	PSA 21:3	Ighoe to vahea na hava te liona tana tobana; ighoe to mua tabe olia na hava te nongia.
14214	PSA 21:8	Na vunaghi haba te varava a itatana Lord, puku ni maana; Nina dolo na Puku ni Haba te mua tughu ke righitaonia ge ke bei saisarikiba.
14217	PSA 21:11	Ighoe ko taghalaghinira na lei daledira tana maramana; ma kara mua ghoi loghoa na vaivaridira.
14225	PSA 22:5	Na lei kukuamami tara varava itamua; gaira tara varava itamua mo vavolara.
14233	PSA 22:13	Na ghagua na kana tara talighutiu vaghara na ovu ni buluka mane; na lei buluka mane mamataghugha ni Bashan tara kililiu.
14237	PSA 22:17	Na ghagua na kana tara utu talighutiu vaghara na ovu ni kau; na lei tinoni dika tara talighutiu. Ra suki potai na limagu mana tuagu.
14240	PSA 22:20	Ko bei kabu sagauviu, Ghe Lord! Ighoe nigua na laga; mina mai mo ko vavolau.
14241	PSA 22:21	Ko vavolau tana ivi; ko vavolau tana lei kau raini.
14246	PSA 22:26	Inau ku holohabagho tadira na lei tinoni; inau ku goni kalea nigua na baubahu tana matadira tara nigho kikinima.
14253	PSA 23:1	A Lord nigua na vatogha; Inau ku mua kenea na hava te liogu.
14254	PSA 23:2	Gaia te lubatiu ge ku aheahe tana buburu maumauri; me uhuliu va tana daidari ni beti maghora.
14256	PSA 23:4	Sakai vamua ku liu tana pui mana ungaunga ni mate ku mua mataghu; na pukuna ighoe tana lilighigu. nimua na toghona mana tila kara pilupiluu.