23215	MAT 1:2	Maataa, ich jöoi Abrán, Isá aai ajim anaabá; maagwai, Isá jũrr Jacob aai; Jacob jũrr Judá aai. Mamʉ mag Judá ich appai khaba, tagam ich khodnaanpa doce naajim aajem, ich khurau, ich jöoi Jacob chaainpai.
23216	MAT 1:3	Mag ich Judá, Fares aai anaa ĩchab Zara aai ajim aajem; am ãd, Tamar a thʉ̈r sĩejim aajem. Mag Fares, Esrom aai ajim; maagwai chi Esrom jũrr Aram aai.
23217	MAT 1:4	Ich Aram, Aminadab aai ajim aajem; maagwai chi Aminadab jũrr Naasón aai. Naasón jũrr Salmón aai ajim aajem.
23218	MAT 1:5	Chi Salmón, Booz aai ajim aajem, Rahab dʉ̈ím; maagwai chi Booz, Obed aai, Rut dʉ̈ím. Obed jũrr Isaí aai ajim aajem;
23220	MAT 1:7	Salomón, Roboam aai ajim aajem; maagwai Roboam jũrr Abías aai; maimua chi Abías jũrr Asa aai.
23221	MAT 1:8	Ich Asa, Josafat aai ajim aajem; maagwai Josafat jũrr Joram aai; maimua chi Joram jũrr Uzías aai.
23222	MAT 1:9	Uzías, Jotam aai ajim aajem; maagwai chi Jotam jũrr Acaz aai; maimua Acaz jũrr Ezequías aai.
23223	MAT 1:10	Chi Ezequías, Manasés aai ajim aajem; maagwai Manasés jũrr Amón aai; maimua chi Amón jũrr Josías aai.
23226	MAT 1:13	Ich Zorobabel, Abiud aai ajim aajem; maagwai chi Abiud jũrr Eliaquim aai; maimua chi Eliaquim jũrr Azor aai.
23227	MAT 1:14	Ich Azor, Sadoc aai ajim aajem; maagwai chi Sadoc, Aquim aai; maimua chi Aquim jũrr Eliud aai.
23228	MAT 1:15	Chi Eliud, Eleazar aai ajim aajem; maagwai chi Eleazar, Matán aai; maimua chi Matán jũrr Jacob aai.
23229	MAT 1:16	Chi Jacob, José aai ajim aajem. Mag Joseeta, María jaai ajim anaabá; maimua chi María, Jesús ãd. Mag Jesuuta maadëu ich Ẽwandamaucha pʉ̈iwia bëejim aajem ag Jesuu, amach peerdʉ aumkhĩir warrgarwe õrau nʉajerr.
23230	MAT 1:17	Wajapcharan, mag jöoi Abrán khararr sĩerr aigmua ewag pawi David reikha sĩsiju jaar pa nʉm aar, catorce generaciones dichjim anaabá. Mag David sĩsiewaim aigmua ewag nassi pawi maach jöoin israelnaan Babiloniapienau pʉrkha arrtarr jaar pa nʉm aar agjö catorce generaciones dichjim aajem. Mag maach jöoin Babiloniapien durr narr aigmua ich Ẽwandamaucha pʉ̈iju jaaujerr ewag nassi pawi thaabachë nʉm jaar pa nʉm ora agjö catorce generaciones dichjim anaabá; ajapcharan maach Pör Jesús thaabachë nʉm jaarma.
23265	MAT 3:4	Ich chi Juan khajũa camello khaar dënta kha sĩejim aajem; maagwai i ãi jʉ̈ajemjã nemhëu dën ajim aajem. Ichin pabʉ̈ ee asphitjö sim langosta anʉmta pa miel dʉ̈i khö nʉrrʉm iiuta sĩejeejim aajem, tag deeum nem khoojem chukhu aawai.
23270	MAT 3:9	Oob pãrau chikhamnaan dënjö, pãachjã warrgar pãach jöoi Abrán khararrjö Ẽwandam dʉ̈i khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet ajim anaabá. Sĩi mag Abrán chaainkha nʉm gaaimuapaita mag ʉ̈gthar öbeerjem akhiin, mokdau mʉg thʉnʉmjã Ẽwandamau õrag paapʉ̈iwia, mʉkhʉʉnjã ĩchab Abrán chaainau aju aai sim. Mamʉ mag Abrán chaain chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jëeubat ajim anʉm.
23278	MAT 3:17	Magbarm ee ĩchab ʉ̈gtharmua woun iekjö, “Mʉʉta mʉ Chaai mʉchdëu jãsehne wai chitʉmʉu; i gaaimua mʉ onee chiraajemgui” abarmjã ũrjim anaabá.
23288	MAT 4:10	Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Pörön Ẽwandamau; ãba irigpaita jëeubat, maimua ãba i iekpaita ipierraa abat” a sim. Magnaa mag sĩebnaa pʉdëu pʉchta jöpkhaa mʉ aigmua sĩiubaad a chirajim aajem irua. Mag, bʉ̈ʉrjã i ipierraa abajim anaabá Jesuu.
23310	MAT 5:7	’Pãar ar wir aig pãach khapeendamjã dau aug khaug paraa aajem khʉʉn, onee abat; pãachdëu am dʉ̈i jãagjem paran Ẽwandamaujã agjö pãar dau aug khaug paraa ajugui ajim anʉm.
23315	MAT 5:12	Pari pãach dʉ̈i maagwaijã, oob ökhĩirjuu amiet ajim anʉm. Magju khãai warag onee abat; pãar mag nʉm jũrran ʉ̈gtharin pãar athee nem wajapham pöomata thʉnʉm. Ĩs jãg pãar dʉ̈i khaibag thʉnʉmjö aba aajeejieb ajim anʉm warrgarwejã am jöoinau Ẽwandam i jaaujerr khʉʉn dʉ̈i. Pari magtarr ĩs am ʉ̈gthar Ẽwandam dʉ̈i onee naabahab a jaaumajim aajem.
23319	MAT 5:16	Ich jãgta aju aai nʉmgui ajim anʉm pãarjã. Magua pãachdëu nemdam wajapha wau nʉm gaaimua pãachta õtdau phuu dʉnʉmjö abat ajim anʉm, thumaam khʉʉn na arar amkhĩir; mag pãach nem wajapha wau nʉm gaaimua maach Aai ʉ̈gthar chirʉmta thumaam khʉʉnau thömkhĩir.
23324	MAT 5:21	Maimua ich Jesuu magjim aajem: ’Pãrau khaphʉ nʉmgui ajim anʉm, warrgarwejã pãar jöoinau, “Oob õor thõom; chi õor thõo simʉn ich agjö thõopʉ̈iju aai sim” a jaaujeejim.
23325	MAT 5:22	Pari mua mag chirʉmgui ajim anʉm: Õor thõoba awiajã sĩi dich khapeendam dʉ̈i meeukha nʉmpaijã ich agjö pekaukha öbër sim. Sĩi dich khapeer meeukhamkhĩir i khĩir iekha nʉmjã pekauu; chi mag iekha sim khʉʉn, thethemnaanau khaibag waupi jaauju. Maimua ar sĩi chikham thõp iekha simjã ya sĩi khĩmie durr barpʉ̈ijuuta sim; õor thõoba ab mamʉ ich agjö sĩebahab ajim anʉm, pekauta wau sĩewai.
23326	MAT 5:23	’Maguata mag chirʉm: Pʉ, Ẽwandamag nemchaaita ofrendakha deenaa jëwaan mam; pari mag mam ee pʉ khĩir ee dʉnʉisim, ãbmua pʉch dʉ̈i iekkhõrdam paraa sim.
23339	MAT 5:36	Wa dich pör igwia khãijã oob mag iekhamiet; magʉmjã pekauu. Pãach iphithur mag iekhawiajã pãrau pãach pörbʉ̈ ãbjã bäphä paa auba ni phʉisijã paa aubamgui ajim anʉm, ich Ẽwandamaupaita magpiejeewai. Mag nem parhooba igwiata iekha nʉm aig, Ẽwandam igwiata pãar mag iekha nʉm khabahab, nem thum ichdëuta omparr aawai.
23341	MAT 5:38	’Pãrau khaphʉ nʉm ĩchab, warrgarin pãar jöoinau jaauwai, “Chikhamnau pʉch dau suawai puajã agjö i dën suju aai sim” a jaaujeejim; wa “Chikhamnau pʉ khierr ãb khãijã buathẽupäaiwai pʉchdëujã i dën agjö aju aai sim” a jaaujeejim.
23347	MAT 5:44	Pari ĩs mua mag chirʉmgui ajim anʉm ich Jesuu: Pãach kha ukhurm khʉʉnjã daupii abat; maimua agjö mʉ iek gaaimua pãach khaibag wauju ẽkhaajem khʉʉn kõitjã warag Ẽwandamagta jëeubat.
23369	MAT 6:18	bigaaum khʉʉnau mag pãach sʉrkha nʉm ni ãbmuajã khap am ugua. Pãrau magta amʉn, ãba maach Aai pãar dʉ̈i simuapaita khap aju; maagwai ichdëuta ĩchab pãar eeg oojugui ajim anaabá.
23370	MAT 6:19	’Mʉig eegarwe chan oob phatkhon wa nem inag pöm khãijã paarpaju ẽkhamiet. Mʉiguin nem thum polieu ãrnaa khukhungaujã jẽeumaajem; mag nʉm dʉ̈i nem jĩgmienaujã sĩi dubwia jĩgkhamaajemgui a jaaumajim anʉm.
23390	MAT 7:5	Khĩirjug chukdam, nacha dich dau eem pasurta noi auba aajeeb ajim anʉm, wajapha oog; maimuan chadau jũrr dich khapeer dau eemjã agjö noipʉ̈i nʉm. Magua dichta nacha khĩirjuba aajeeb chikham jawaag. Dichjã agjö chirʉm chan pöd dich khapeen jaauju khabam ajim anʉm.
23392	MAT 7:7	Maimua ĩchab ich Jesuupai magjim anʉm: ’Pʉaba jëeubat; pãachdëu nem igbarm Ẽwandamau deeju. Pãrau i jʉrmʉn, i baauju; i sim aar dubaag pãach weeu aupi jëeumʉn, irua pãar weeu auju ajim anʉm.
23393	MAT 7:8	Pãrau khaphʉ nʉmgui ajim anʉm, ar õor nem jëeu paraam khʉʉnagan deeb khaba deejem; ar amachdëu nem inag ig nʉm pʉaba jʉr nʉm khʉʉnau baaujem; maagwai ĩchab chi puertdi sirbaichëm khʉjã weeu auwia dubpiejem a jaaumajim aajem.
23417	MAT 8:3	Magbaa Jesuu i gaai pʉrnaa, —Mua pʉ monaaupʉ̈im khõsi chirʉm; monaau chirsí magan ajim anʉm irig. Magbarm bʉ̈rre chi phĩe kha dodos chirarr monaau sĩsiewai mor wajappha aadëjim anaabá.
23421	MAT 8:7	Magbaawai Jesuu jũrr irig, —Oob khĩirjum; mua pʉ chog monaaupäain majugui ajim anʉm.
23423	MAT 8:9	Muajã mʉch gaaita khaphʉ chitʉmgui ajim anʉm, mʉchjã ĩchab mʉch pörnaan jua eegarpai chiraawai. Mag chirab mamʉ, mʉchdëujã ĩchab soldaaun mʉch jua eegar phë wai chirʉm. Makhʉʉn ee ãbamʉg khãijã mua “Pet” aawai maajem, mʉ ipierraa; maimua deeumʉgjã “Pidú” aawai bëejem. Wa mʉch chogag khãijã “Mʉgta abá” aawai mʉ ipierr aajem. Magua, maupaimua pua monaaupi jaaumʉn chadcha monaauju khaphʉ chirʉmgui ajim anʉm irig.
23427	MAT 8:13	Mag iekhapʉ̈iwi deeu chi capitanag eerpanaa, —Pʉch diig petá; pʉchdëu ãba mua pʉch chog monaaujupaita khĩirju sĩewai chadcha pʉ chog monaaujugui a ajim anʉm irig. Mag Jesuu “Pʉ chog monaauju” abarm bʉ̈rre mam warp mor mas khërarrta chadcha monakkha aadëjim anaabá.
23434	MAT 8:20	Magbaa jũrr Jesuu irig, —Pʉchdëu mag mʉ dʉ̈i mam khõsi chirʉm khai, marrau magan; mamʉ pʉrʉg jaaukhimgui ajim anʉm: Mʉ khãyau pabʉ̈ eem nemchaain amach khãaijem jẽbdi paraam; nem ichpanjã kheeupaawai amach khãaijem khãidu wai sĩsidʉm. Mamʉ mʉch chi Emkhooi Iewaa chan mʉg chitʉm aig khëubaadeewai khãyaag wajapha werba chiraju didamjã chukhu chitʉmgui ajim anʉm. Pʉjã mʉjö magta chitam khõsi chirʉm khai, marrau magan ajim anʉm.
23460	MAT 9:12	Pari amau mag jëeubaichëm ich Jesuujã ũr sĩerr aawai amag magjim: —Chi kha monakha nʉm khʉʉnau chan doctor igba aajem; mor masi nʉm khʉʉnauta doctor iigjem ajim amag.
23465	MAT 9:17	Mʉg mʉ iek ʉ̈kha nʉmʉn vino nemhëu iiur ee pʉajemjöta simgui ajim. Pãrau khaphʉ nʉm, vino õrr pöd nemhëu jöoi ya chi pʉajem ee pʉju khaba sim. Mag pʉkhiin, chi vino õrr achpabaadeewai, chi nemhëu jöoiraa sĩewai, ãwatba jẽgdʉbaadee, chi vinojã ãrbaadëm dʉ̈i chi nemhëujã ya tag serbiiba sĩsijugui ajim. Maguata vino õrran agjö nemhëu iiur eeta pʉajem; maagwai nemhëujã jẽgdʉba, chi vinojã ãrbamgui ajim, mag ichig jëeuchëtarr khʉʉnag.
23470	MAT 9:22	Pari mag ich gaai pʉrbaichëmjã khaphʉ sĩerr aawai ich chi Jesuu irig ewag phʉʉrba oonaa, —Oob chigaa am; mua pʉch monaauju khaphʉ mʉ gaai pʉrchëtarr gaaimua, ʉ̈u pʉ monaauwi peerdʉjã peerdʉ ʉisibahab ajim chi ʉʉirag. Mag, chadcha Jesuu magbarm bʉ̈rre mag ʉʉi monaau sĩsijim.
23475	MAT 9:27	Mag Jairo kha deeu iiu auwia petaau, dau khĩsu khithëem khʉʉnta numí i ẽudee ääag wëtjim. Mag ääakhamua, —Jesús, pʉʉta rey David khachitarr ag chaain ewagam khʉʉn Iewaa marau nʉ narr; maar apdurrum maar dau aug khaugbahur aajeejim, amach dau monaaupäain bëemkhĩir.
23483	MAT 9:35	Jesús phöbörpierr nʉrrʉmua didam khapan khaba khëkhëdʉm eem magwe phʉʉrdʉ nʉrraajeejim. Mag nʉrrʉmua Ẽwandam iek jaaujem deg dubwi maach peerdʉajem iek jaaumamua, “Ẽwandamta maach thumaam khʉʉn Pörkhaimʉʉ sim; magua irigta idëu pãach thãar ajaug paapibat” a jaaujeejim. Mag nʉm dʉ̈i ĩchab õor khamor machagjã khĩirpierr monaaumaajeejim, kha mamachdögpa.
23488	MAT 10:2	Mag maach ich iek jaaumkhĩir ichdëucha doce jʉr autarr khʉʉn mʉkhʉʉn ajim: Simón, (ichpai Pedro a thʉ̈ʉrjem); Andrés, chi Simón eeum; Santiago, jöoi Zebedeo iewaa, (ichpai ĩchab Jacobo aajem); Juan, agjö jöoi Zebedeo iewaa, Santiago eeum;
23489	MAT 10:3	Felipe, Bartolomé, Tomás, Mateo, gobierno dëbpaar jëeumie arr, (ajapcharan mʉchma, mʉchpai ĩchab Leví aajem); Santiago, jöoi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̈ʉrjem;
23490	MAT 10:4	Simón, celotenaan ee sĩerr; maimua Judas Iscariote. Maagwai maadëu khaphʉ chirarr akhiin, iin mag Judas Iscarioteeuta thethem khʉʉnag Jesús pʉr deeju ajima, i thõomkhĩir.
23493	MAT 10:7	Mag wënʉrrʉmua amag, “Ẽwandamta thumaam khʉʉn Pörkhaimʉʉ sim; pãar peerdʉju khai, irigta ʉdʉraa pãach Pörkhapibat” a jaaupetat ajim marag.
23514	MAT 10:28	Amau pãar chi ʉ̈rʉmʉn chadcha thõoju awiajã thõoju; pari pãar akhaar chan pöd thõo aubam. Magʉm khʉʉn oob ögkhamiet ajim. Magarrau ögkhaju awiajã pãach chi ʉ̈rʉmjã thõowia pãach akhaarjã khĩmie durr ich mag sĩerramkhĩir barpʉ̈yaagjã jua theeg simʉn chadau, chadcha ökhö abat ajim, Ẽwandam igwi.
23517	MAT 10:31	Magua, oob atcha pãach khĩirjumiet; pãarta nemchaain khãaijã ʉ̈rcha balee naabahab ajim.
23527	MAT 10:41	Ẽwandamau ich iek jaaumkhĩir jʉr auwi pʉ̈itarrta ʉ̈u amach aig au nʉm khʉʉn dʉ̈in, mag ichdëu pʉ̈i sim dʉ̈i ajapha abarmjö aju am dʉ̈ijã; maimua sĩi woun wajapham khãijã agjö amach aig aumʉn, i dʉ̈i ajapha arrjö ajugui ajim ĩchab am dʉ̈ijã.
23557	MAT 11:29	Idëu mʉrʉgta ʉdʉraa pãachig nem jaaupibat; muan ökhar ithũuta jaaumaajem. Pãrau mua jaau chirʉm ipierraata amʉn, ʉ̈u pãar khĩir meeu nʉisiju.
23588	MAT 12:30	Magua, mua mag chirʉm: Ar chi mʉ igar khaba sim wounan ichta dösãt igar sim; maimua Ẽwandam iek ʉ̈khapi awaag mʉ ipierr õor ãbamʉg jʉr phëba simuan waragta jʉr wërp simjö simgui ajim.
23590	MAT 12:32	Mʉch chi Emkhooi Iewaa igwiata khaigba khãijã iekha nʉm pekaun ʉ̈u chugpaaju; mamʉ chaig pãrau mua mag Ẽwandam Akhaar juapaau khaba Beelzebú jua theegauta mepeenjã jʉr wërp chitʉm anarr chan mʉig eegarjã chugpaaba, ni mʉg atag Ẽwandamau deeu jẽb iiur ompaabarm gaaijã chugpaaba ich mag sĩsijugui ajim, Ẽwandam Akhaar igwiata mag iekha naawai.
23605	MAT 12:47	ãbmua chi Jesuug, —Pʉ ãd pʉ eeugpeen dʉ̈i daaugajãr nʉmwai; am iek pʉ dʉ̈i iekham khõsi nʉm aajem a jaaujim.
23616	MAT 13:8	Mamʉ tagam ʉ̈u jẽb wajaug ee burrtarran, wajapha öbërwia ʉ̈u nem wajaug phur jopjim anaabá, nem bich dapag maimuajã bich thʉʉ, maimua pogkha bich daii; mamʉ mag sĩsidʉm chan bʉ̈ʉrjã chi vano chukhu.
23623	MAT 13:15	Mʉkhʉʉn wounaan khĩirjugan sĩita ãr sim; kachjã khĩnaa daupata khĩ sĩsidʉm. Mag naawai pöd ũrjã ũrba ni oojã ooba, ni mʉrʉgjã amach pekau chugpaapi jëeuba nʉm, amach peerdʉ aumkhĩir.”
23624	MAT 13:16	Mag iekhapʉ̈inaa deeu maragta, ’Pari pãar onee abat ajim; pãrau pãach daúacha mua nem wau chitʉm oonaa pãach jʉ̈gʉucha mʉ iekjã ũurjeewai makhʉʉn jöoi Isaiaau jaautarrjö khaba nʉmgui ajim.
23640	MAT 13:32	Iin chadcha tagam nemjĩir dau khãaijã ichta bʉ̈rʉʉcha khitʉm. Mamʉ mag khitʉmʉn nem bãau khaphí bãauwia, nem bʉ̈ pöm ãdëe aadeewai, sĩi nemchaaindam bëewi ag gaai di ëucheejemgui ajim. Ich agjöta sĩebahab ajim ĩchab mʉg Ẽwandam iek mua pãrag jaau chitʉmjã: Mʉʉgwaiwe chan khapan khabata ʉ̈kha durrum; pari mag durrumuata warag nem pöm aaidʉbapäaiwai õor khapankham khʉʉnau ʉ̈khajugui ajim.
23657	MAT 13:49	Ich jãgta ajugui ajim ĩchab Ẽwandamau pãar dʉ̈ijã, mʉg durr ichdëu i agkhabarm ed. Ẽwandamau ich chognaanag õor khaigbam khʉʉn chi wäjäaun eemua khĩet theerpi jaauju;
23664	MAT 13:56	I ʉ̈phʉʉin thum mʉig maach dʉ̈i ich mʉg phöbör ee naajem; maagwai ichjã maadëu khaphʉ nʉmgui ajierram, ich mʉiguim aawai. Mag simta, ¿jam khaugthurwiata jãg nem jaau khaauga ichdëu jaaumaajẽma? aajeejim jũrram khʉʉnau.
23668	MAT 14:2	ich dʉ̈i ãbam degam khʉʉnag, —Maan Juan chi õor pör choomie khararrta deeu iiu phiidʉwia mag nʉrrʉmgui ajim anʉm; maguata mag õor mor masim khʉʉnpa monaau nʉrrabahab ajim anaabá.
23673	MAT 14:7	ich bãaurrag, “Pʉchdëu nem khõsim mʉrʉg jëeubá; mʉch imeerba mua deeb khaba deejugui” ajim anaabá.
23674	MAT 14:8	Mamʉ magbarm chi ãdaujã ũrtarr aawai ich chaai wawí sĩujim anʉm. Magbaawai chi chaairau ich bãaurr jöoyag, “Magan mʉ athee Juan chi õor pör choomie pörta thëp ee audeebá; jãata mua khõsi ʉmgui” ajim anʉm.
23681	MAT 14:15	Mag nʉm ee, ya kheeuraa aadeewai maach garmuata irig, —Mʉg õorjã chukag eeta ya kheeuraa aadëm; amag wëtpi jaaubá, phöbör ee wëtwi amach athee khöjudam për aumkhĩir anaajim.
23693	MAT 14:27	Pari magbaawai ich Jesuu, —Keena, oob jãphierrmiet; mʉ khabahab ajim marag.
23711	MAT 15:9	“Jãg nʉm aiguin parii pãach iphithur pãrau irig jëeuju. Pãrau jaau nʉmjã sĩi wir aig pãach khĩirjugpaiu; jã i iek khabamgui” ajim Jesuu amag, warrgarwe Ẽwandamau jaautarr igwia.
23717	MAT 15:15	Magbaawaita maar eem ãb Pedro aajemua irig, —Señor, cha pʉchdëu jaaubapʉ̈im deeu marag wajapha jaaubá; marau pöd khaugba abarmgui ajim irig.
23743	MAT 16:2	Pari Jesuu am ipierraajã khaba, warag sĩi amag, —¿Khan jãgwi pãrau kheeurag edau dubmamua edjã phur waau thʉnʉm oowia, “Nan edau wärjäphä aju” aajẽ;
23752	MAT 16:11	¿Jãga jãg pãrau bʉ̈ʉrjã khaug auba nʉ ajim, mua pãachig, “Fariseonaan bën saduceonaan bën dʉ̈i levadurajö simta pãach gaai dʉrbapimiet” aawai? Mua mag chirʉm aig chan pan chaar igwiata pãrag mag iekhaba chirʉm; wajapcharan muan maiguin, oob amjö chikham khĩir aawaipaita chadam iekjö iekhamiet a chirʉmʉu ajim marag.
23755	MAT 16:14	Magbaawai marau irig, —Am iek pʉ Juan chi õor pör choomie aajem; deeum khʉʉnau jaauwai pʉʉta Elías aajem, warrgar Ẽwandam i jaaujerr; wa magba Jeremías khabam khai, dewam khãijã aajem, agjö Ẽwandam i jaaujerr.
23771	MAT 17:2	Mag mam wëtwi am dakhĩirta Jesús khĩir chaaupabaadëjim aajem. I khĩir oowai mʉg edau ãsdawam khĩirjöta bʉ̈ʉ thʉnʉisijim aajem; maagwai i khajũa chará phuumjö aadëjim aajem, ich bäpgau.
23784	MAT 17:15	—Señor, mʉ chaai wai chirʉm thõthõrrsö khitʉm. Mʉ ap chitʉm mʉ chaai dau aug khaugwia monaaubapʉ̈i aichëjim. Jãg khitʉmʉn nem theegta baarjem. Khar chará ooju chukhu aawai barbaadëmua õt eejã burrjem; wa magbamʉn dö eejã sĩi dobojo aimaajemgui ajim.
23825	MAT 18:29	Pari magbaawai ichdëu reíg atarrjö warmuajã i bʉ̈khʉrr phõbkhanaa chaigpa khitʉmua, “Pua khõs akhiin, idëu oo athá akham; ökhar phagmamua mua pʉ dëbpaardam thum phagpʉ̈ibajupa” aajeejim anʉm.
23842	MAT 19:11	Magbaa jũrr ich Jesuu marag, —Thumaam khʉʉnau chan cha mua jaau chirʉm iek pöd khaugbam; ãba ich Ẽwandamau khaugpi sim khʉʉnaupaita khap ajugui ajim.
23848	MAT 19:17	Magbaawai Jesuu irig, —¿Khanthee mag nem wajaphamta wawaag pua mʉrʉg jëeu chirʉ́? Nem wajaphamʉn ãba ãbpaita sim; ma Ẽwandamau. Mamʉ pʉ chadcha ʉ̈gthar öbërm khõs chirʉm khai, Ẽwandamau ich iek phãnaa Moiseeg deetarr gaai jaau sim ipierraa abá ajim irig.
23849	MAT 19:18	Magbaa, —Pari ag gaai jaau sim eem, ¿chijãg igwiata pua mag jaau sĩ? ajim, chi ẽwan mag i dʉ̈i iyʉ̈ʉ aan berrau. Magbaa Jesuu irig magjim: —Oob õor thõo chitam; oob pʉch õor khabam dʉ̈ijã khapes a chitam; nem jĩgkham; sëukhajã chikham ëugar nem jaau chitam;
23865	MAT 20:4	Magbaa makhʉʉnagjã, “Pãarjã ĩchab mʉ phidag ee phidkhabamit; mua pãrag pãach phidkhabarmpierr phagjugui” ajim anʉm. Magbaa makhʉʉnjã ĩchab phidkhaan wëtjim aajem.
23939	MAT 21:44	Maimua mag mua dihãd a chirʉmjã mʉch igwiapaita mag chirʉmgui ajim. Chi mʉ iek ʉ̈khaba sim wounan, juau ogthom mag dibig ʉ̈r burrwi ichdëupai ich gaai mas wau simjöta sim; maimua mag ʉ̈khaba nʉrrʉmta meemʉn, jũrr mʉ mag dibig pömaamjö chirʉmta i ʉ̈r buudimamjö ajugui ajim. Jesuu mag sĩerran mag i iek ʉ̈khaba sim meebaadeewai warre khĩmie durr barpʉ̈ijuuta jaau sĩejim.]
23945	MAT 22:4	Magbaawai jũrr deeum khʉʉn pʉ̈iwia amag, “ ‘Thachin ya sĩi khöjupaita sim, mʉch nemchaain õtpaa wai chirarr khëch auwi aata wau thʉnʉm; jua pʉr nʉm phiesta ee wëttarrau’ a jaaubat” a jaaupʉ̈imajim aajem amag.
23949	MAT 22:8	Maimuan chadau deeu ich chognaanag, “Nemen thum khĩir khaug thʉnʉm, jua pʉrju phiesta athee; pari chi thʉ̈rpʉ̈itarr khʉʉn chadcha chi bëeju khʉʉn khaba arr aawai am bëebajierramgui” ajim.
23996	MAT 23:9	Pãar Aaijã ãbpaita wai nʉm; ma ʉ̈gthar sĩejemʉu. Magua, mʉig eegar chan pãach garmuajã oob parhoobam khʉʉnag Ẽwandamagamjö “aai” ichëmiet ajim.
23999	MAT 23:12	Mua mag chirʉmʉn, ar amach thöwia chikham dʉ̈i athuu aajem khʉʉn mʉg atag paawai jũrr Ẽwandamag chaigpa oo sĩsid aju aawaita mag chirʉm; maimua ar mag amach dʉ̈i athuu nʉmjã bʉ̈ʉrjã am ichaaur aba sĩi warag serbiibamjö aajerr khʉʉnta jũrr Ẽwandamau warm khʉʉn khãaijã ʉ̈rpai apiju aawaita mag chirʉmgui ajim ich Jesuu.
24001	MAT 23:14	’¡Ë, apdurr, pãar chi machnaan dʉ̈i Moiseeu phã pʉarr iek ajapcha ʉʉrkhaajem aajem khʉʉn! Pãraun sĩita khoopaa ʉʉin juagam nemdamjã khechthʉg aumaajerramgui ajim; magnaata sëukha warag am kõit Ẽwandamag jëeu nʉʉ aajerram, juau ogthom pãach magba nʉm amkhĩir. Mamʉ pãach jãg nʉm paar jũrr Ẽwandamau ĩchab pãar gaai jua khʉabajugui a jaaujim.]
24006	MAT 23:19	¡Khaugabnaan! ¿Magan pãragan chi nasãd khãaijã chi ofrendata wajapcha sĩeb? Nemchaai ich appai chan wajaug chukhu simgui ajim; ãba mag nasãd gaai ausĩubaawaita wajaug aadëp sĩebahab, Ẽwandamau ich dënkha athaawai.
24014	MAT 23:27	’¡Ë, pãar Moiseeu ley phã pʉarr ajapcha ʉʉrkhaajem aajem khʉʉn ag ley jawaag chi machnaan dʉ̈i! Pãran sĩi õor aukhërtarr jẽbdijöta sĩsidʉm. Sĩi daaugajãrpai oowain wajapha jarnaa ooimʉ wau sĩsidʉm; pari mag sim ag ee ierr wa ookhiin, sĩi maach inaa pa appaita thuphãau nʉnʉidʉm.
24015	MAT 23:28	Pãarjã magta thʉnaabahab ajim: Sĩi khĩir eerpaawain õor wajaauga thʉnʉm; pari pãar thãran khaibagauta sĩi ãr sĩsidʉm.
24021	MAT 23:34	Khaphʉ abat: Mua pãar ee mʉch i jaaumien pʉ̈iwia khĩirjug khaugkham khʉʉnjã maestronaan dʉ̈i pʉ̈iju. Pari mag mua am pʉ̈ibaawai ãaur khʉʉn pãrau khëchpʉ̈iwia ãaur khʉʉn sĩi pakuls gaaijã bʉʉrnaa khëchmaju; ãaur khʉʉn pãrau pʉrnaa pãach Ẽwandam iek jaaujem deg wʉjã wʉmaju; maagwai ãaur khʉʉn amach pʉr aupiba deeum phöbör ee khãijã dʉr wënʉrraawai agpierr pãrau am ẽudee khoojem nem ẽudeemjö ẽkhaju.
24030	MAT 24:4	Magbaawai jaaubaadëmua ichdëu marag, —Khĩir khaphʉ aajeet keena; oob chikhamnag ʉdʉraa pãach khũgurpimiet ajim.
24049	MAT 24:23	’Mamagkham ee ãbmua khãijã pãachig, “Oobat, chamʉʉta warrgarwe Ẽwandamau pʉ̈iju aajerrauwai”, wa magbam khai, “Pãadë oobat, ar sĩ; jãata aruuwai” aawai oob ʉ̈khamiet.
24054	MAT 24:28	Pãrau khaphʉ nʉm, nemmí sim aig ãkõs ich khĩrau jupcheejem. Ich agjöta abajup ajim ĩchab muajã mʉch iek ʉ̈kha nʉm khʉʉn dʉ̈i; am phë arraag mʉch bëem ed am aigta dau daau urum thumaam khʉʉnau mʉ oojugui a jaaumajim ich Jesuu.
24083	MAT 25:6	Mag am khãidʉtkha thʉnʉm eeta, ya edacha pamamua, “Ya pãrau nʉ narr wounan urum; phiidʉtkhabathʉ̈ i khĩirphee oon maag” ajim anʉm ãbmua.
24097	MAT 25:20	Nacha chi cinco mil autarr bëejim aajem. Mag bëewi ag ʉ̈r ichdëu cinco mil gan autarr chi papag deechëwia irig, “Señor, pua mʉrʉg cinco mil werpʉarrau ag ʉ̈r mua agjö cinco mil gan aujim; cha khërʉm pʉ phatkhon” ajim anʉm.
24098	MAT 25:21	Magbaawai chi patrón jöoirau irig, “Ʉ̈u khërʉmgui” ajim anʉm. “Pʉ chadcha piyón wajaphamʉu; pua mua jaautarr thum agjö abarm. Mʉg phatkhon pöm khaba deetarrau pua jãgbarpí, jãgtarr jũrr mua pʉrʉg warag ʉ̈r deekhimgui” ajim anʉm. Magnaa irig, “Ierrag dubwia mʉ dʉ̈i onee abá” ajim aajem.
24099	MAT 25:22	Mag khur dos mil autarr bëewi maguajã agjö, “Señor, pua mʉrʉg dos mil deetarr ʉ̈r muajã agjö dos mil gan aujim; cha khërʉm pʉ phatkhon” aichëjim anʉm.
24100	MAT 25:23	Magbaawai chi patronau magʉgjã, “Pʉjã chadcha piyón wajaphamʉu; pua mua jaautarr thum agjöo abarmgui” ajim anʉm irig. “Phatkhondam pöm khaba deetarrau pua ʉ̈u jãgbarm khai, ag jũrr mua pʉrʉg warag ʉ̈r deejugui” ajim anʉm. “Jãgbarpí pʉjã ĩchab ierrag dubwi mʉ dʉ̈i onee abá” ajim aajem magʉgjã agjö.
24112	MAT 25:35	Magnaa amag, “Pãrauta mʉ jãsöo jẽedʉ khitaawaijã ʉ̈u mʉrʉg thachdam deejierramgui” aju anaabá; “öbichaaga thʉnaawaijã ʉ̈u mʉrʉg dödam döpijierram; mʉch maba aajem khʉʉn ee chitaawaijã pãrauta pãach aig jẽramkhĩir ʉ̈u mʉrʉg didam jaaujierramgui” aju anʉm;
24113	MAT 25:36	“khajũadam chukkhu chiraawaijã pãrauta ʉ̈u mʉrʉg deekhërjierram; mʉ mor mas chiraawaijã pãrauta ʉ̈u mʉ oothurjierram; cárcel deg preso chiraawaijã agjö pãrauta ʉ̈u mʉ oothurjierramgui” aju anaabá ich Jesuucha, am khĩir jãsenkha iekhamamua.
24119	MAT 25:42	Mag iekhamamua ĩchab amag amach khĩircha, “Pãrau chan mʉ jãsöo jẽedʉ khitaawaijã mʉrʉg thachdam khöpibajierram; öbichag khitʉmjã maachig, ‘Cha khërʉm dödam döju khai’ abajierram” aju anʉm amag.
24120	MAT 25:43	“Õor mʉch khaugbam khʉʉn eemjö phʉʉrdʉ chitaawaijã pãrau mʉrʉg didam deebajierram, pãach aig jẽermkhĩir. Khajũadam chukkhu daaupamaa aawaijã put sördamjã deeba; mor massi chiraawaijã mʉ oon wëtba; ni cárcel deg chiraawaijã mʉ oon wëtbajierramgui” aju anʉm amag amach khĩircha.
24148	MAT 26:25	Magbaawai Judaau ichdëu khabajim amkhĩir, —Maestro, ĩsin mua khãijãa agam ajim. Magbaa Jesuu irig, —Chadcha pʉchdëu khabá pua khaphʉ jaaubapʉ̈im; pʉchdëu khabahab ajim.
24150	MAT 26:27	Maimua jũrr vino jarrdam auwi, ag paarjã agjö Ẽwandamag ʉ̈u ajim anaa deeu marag ʉapʉ̈ijim. Magnaa, —Döbat, mʉʉn mʉ bagau; ich jãg ãbam jarr eepai döpetat ajim.
24161	MAT 26:38	Mag simua amag, —Mʉʉn dëgölp gaai machgau ökhĩirjuuga aadëm; ãba mʉch thõjuuta khĩirju chirʉmgui ajim. Pãar mʉig nʉisit, mamʉ mʉ dʉ̈i daukhana abat. Oob khãimiet ajim anʉm.