23218	MAT 1:5	Chi Salmón, Booz aai ajim aajem, Rahab dʉ̈ím; maagwai chi Booz, Obed aai, Rut dʉ̈ím. Obed jũrr Isaí aai ajim aajem;
23253	MAT 2:15	Mammua da bëeba, ya chi Erodes meebaadëm a ũrbaawaita deeu bëejierram aajem. Pari mam mag chaai arrtarran, maan maach Pör Ẽwandamau ich i jaaumie Oseas khararrag jaaupitarrjö amkhĩir ajiebma. Magju igwiata chi Oseas khararrag Ẽwandamau, “Egipto durrmuata mua mʉch Chaai thʉ̈rpʉ̈iju” a phãpijim.
23270	MAT 3:9	Oob pãrau chikhamnaan dënjö, pãachjã warrgar pãach jöoi Abrán khararrjö Ẽwandam dʉ̈i khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet ajim anaabá. Sĩi mag Abrán chaainkha nʉm gaaimuapaita mag ʉ̈gthar öbeerjem akhiin, mokdau mʉg thʉnʉmjã Ẽwandamau õrag paapʉ̈iwia, mʉkhʉʉnjã ĩchab Abrán chaainau aju aai sim. Mamʉ mag Abrán chaain chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jëeubat ajim anʉm.
23320	MAT 5:17	’Oob pãrau mua mag Moiseeu ley phã pʉatarr warre isegpäain wa sĩi warrgar Ẽwandam i jaaujerr khʉʉnau nem jaaujerr khãijã isegpäainta bëejim amiet ajim anʉm Jesuu. Magju khãai muan warag chadcha ag gaai jaau sim thumaa wawaanta bëejim.
23324	MAT 5:21	Maimua ich Jesuu magjim aajem: ’Pãrau khaphʉ nʉmgui ajim anʉm, warrgarwejã pãar jöoinau, “Oob õor thõom; chi õor thõo simʉn ich agjö thõopʉ̈iju aai sim” a jaaujeejim.
23330	MAT 5:27	Mag iekhamamua ich Jesuupai amag magjim aajem: ’Pãrau khaphʉ nʉmgui ajim anʉm ĩchab, warrgarwejã pãar jöoinau, “Oob pãach õor khabam dʉ̈i khapes amiet” a jaaujeejim.
23337	MAT 5:34	Pari ĩs mua pãrag mag chirʉmgui ajim anʉm ich Jesuu: Oob bʉ̈ʉrjã nem inagdam igwia khãijã mag gaaimuata nem wauju a iekhamiet. Edjã Ẽwandam khu juupjem aawai oob edjã igwiajã mag gaaimuata nem wauju amiet.
23364	MAT 6:13	Oob pua ʉdʉraa chan maar pekau ee burrpi chiram. Mag khãai warag maar thʉa wai chirsí, phithurg chukhu dösãtau maar ichig paa aum ugua. [Ẽwandam, pʉchdëuta nem thʉnʉmʉn thum khap chirʉm. Pʉchta chi jua thierriu, maagwai pʉchpaita thumaam khʉʉnau thö iekhaju aai nʉm, mʉg atag pawiajã ich mag.]” ’Magta jëeubat ajim anaabá ich Jesuu.
23376	MAT 6:25	Mag nem khĩir pogkhe jajawagmamua magjim anʉm ich Jesuu: ’Oob pãrau “¿khani khöju wa khanta döjuuta maach mʉg nʉma?” a khĩirjumiet. Wa magbam khai, ya khajũa chukhu nʉm “¿Khani jũajuuta mʉg nʉmua?” a khãijã khĩirjumiet ajim anʉm. Pãarta nem khoojem nem khãaijã wajapchanaa khajũa khãyaujã Ẽwandam dau na ʉ̈rʉʉcha balee sĩsid aawai, irua pãrag oobamjöo abajugui ajim anaabá.
23378	MAT 6:27	Oob atcha pãachdëu nem ig nʉmta khĩirju nʉʉ amiet. Mag pãrau pãachdëu khõsimta ig nʉʉ akhiinjã, ¿khaíuta mʉg nʉm aig mag ichdëu khĩirju sim gaaimuapai ich meeju arr ʉ̈r oradam ãbpai khãijã ich iiupiju aai sĩ? ajim anʉm.
23382	MAT 6:31	Oob atcha “¿khanta khoogáwa?” wa “¿khanta doogáwa?”, wa magbam khai, “¿khandamta jũabaraag khai?” amiet ajim anaabá.
23385	MAT 6:34	Oob atcha “¿Khanta nan khöbarju wa khanta jũabarju?” a khĩirjumiet. Ag nawe khĩirjuwiajã par khabahab ajim anʉm. Phithurgan ãspapakhampierr oojem. Magua maadëu ag nawe khĩirjuba awiajã, ichiita maadëu nem ig nʉm chan chuk khabajugui ajim anaabá, magʉm khĩirjuju aag.
23421	MAT 8:7	Magbaawai Jesuu jũrr irig, —Oob khĩirjum; mua pʉ chog monaaupäain majugui ajim anʉm.
23450	MAT 9:2	Mag i barbaichëm khaug athaawai woun ãb sĩi khapá jʉser khitʉmta pa bʉʉrkham gaai i aig aibëejierram aajem. Mag ich aig aaunaan wai barbaichëm oowia, chi wounaan ö akhaar ãba iruata amach aaunaan monaaupʉ̈iju khaphʉ sĩerr aawai, chi khapá jʉser khitʉmʉgta, —Onee abá, pʉ pekau ya thum chugpaa sĩsimgui ajim anʉm.
23470	MAT 9:22	Pari mag ich gaai pʉrbaichëmjã khaphʉ sĩerr aawai ich chi Jesuu irig ewag phʉʉrba oonaa, —Oob chigaa am; mua pʉch monaauju khaphʉ mʉ gaai pʉrchëtarr gaaimua, ʉ̈u pʉ monaauwi peerdʉjã peerdʉ ʉisibahab ajim chi ʉʉirag. Mag, chadcha Jesuu magbarm bʉ̈rre mag ʉʉi monaau sĩsijim.
23495	MAT 10:9	Mag jajawagmamua, ’Oob agʉmua nem përkhoog awi phatkhon khãijã arrmiet.
23520	MAT 10:34	’Oob pãrau, mʉʉn sĩi mʉg durr gaai õor khõinaa bibigagjã chukhu apiegta bëejim amiet. Mʉ chan pãar khõinaa apieg khaba, warag iek phithurg apiegjöta bëejimgui ajim ich Jesuu.
23637	MAT 13:29	Mamʉ magbaa chi nemjĩir khʉ jöoirau, “Oob jẽwaan wëtmiet” ajim anʉm, “magba akhiin eeu pãrau chi trigo khaardampa khãijã thʉrrëudukham.
23715	MAT 15:13	Magbaawai jũrr ichdëu maachigta iekhamamua, —Oob am iek asekasmiet ajim. Pãrau khaphʉ nʉm, nemjĩir ee phũak khaigbam öbeerwai thʉrrëupäaijem. Ich jãgta ajugui ajim mʉ Ayau am dʉ̈i. Am ichdëu jʉr au sim khʉʉn khaba aawai nemjĩir ajapham eemua phũak chi khaarpa thʉrrëunaa barbapʉ̈imjöta ajugui ajim.
23849	MAT 19:18	Magbaa, —Pari ag gaai jaau sim eem, ¿chijãg igwiata pua mag jaau sĩ? ajim, chi ẽwan mag i dʉ̈i iyʉ̈ʉ aan berrau. Magbaa Jesuu irig magjim: —Oob õor thõo chitam; oob pʉch õor khabam dʉ̈ijã khapes a chitam; nem jĩgkham; sëukhajã chikham ëugar nem jaau chitam;
23896	MAT 21:1	Mag wëtumua ya Jerusalén dakha Olivo durrsĩ gaai deeum phöbördam Betfagé anʉm paaukhabaimaawai ich Jesuu maach ich dʉ̈i wënʉrraajerr khʉʉn eem numí thʉ̈rnaa amag,
23916	MAT 21:21	Magbaa ichdëu marag magjim: —Pãrau pãachdëu Ẽwandamag jëeuwaijã pãachdëu jëeubarmjö aju khĩirjunaata jëeukhiin, mua mʉg pabʉ̈ phuapibarmjöpaijã khaba, ag khãai phithurcharam nemjã wauju. Jãgkhiin pãrau mʉg Olivo durrsĩigjã, “Mʉigmua mawia jũrr phũas ee ierrpabaad” akhiinjã, chadcha pãachdëu iekhabarmjö ajugui ajim, pãar ipierr.
24029	MAT 24:3	Mag Aai i jëeujem degmua öbërwi ërëubaadeeu jũrr Olivo durrsĩig wëtjim. Maimua barwi maar na jupbaimaawai maach chi khapeenjã dʉ̈i i bigaau ohood aimajim. Maimuata marau irig jëeu naajim: —¿Jãagwaichata mag pʉchdëu jaau simjö mag Aai i jëeujem di pogueupʉ̈ijuma? Maimua mag pʉ deeu bëeju anʉmjã, ¿khan gaaimuata mag pʉ deeu bëeju dakpapakhamjã marau khap ajuma? anaajim.
24049	MAT 24:23	’Mamagkham ee ãbmua khãijã pãachig, “Oobat, chamʉʉta warrgarwe Ẽwandamau pʉ̈iju aajerrauwai”, wa magbam khai, “Pãadë oobat, ar sĩ; jãata aruuwai” aawai oob ʉ̈khamiet.
24147	MAT 26:24	Magnaa ichdëu, —Oo nʉm dau eyaa Emkhooi Iewaa chadcha Ẽwandam iek phã sĩsidʉm gaai jaau simjö wajappha dau aug wawaagpaama ajim. Pari apkhiitʉ mʉ mag aphʉʉ amkhĩir wir aig mʉ përtarr woun. Jãgʉm wounaan thaababa arr akhiin ʉ̈ucha akhamgui ajim.
24153	MAT 26:30	Mag maach ich dʉ̈i ãba wënʉrraajerr khʉʉn ich dʉ̈i ãba mes gaai iyʉ̈ʉ thach khö aaipawi, meukhaarjã Ẽwandam iek Salmos anʉm gayam auwia, Olivo durrsĩig wëtjim.
24161	MAT 26:38	Mag simua amag, —Mʉʉn dëgölp gaai machgau ökhĩirjuuga aadëm; ãba mʉch thõjuuta khĩirju chirʉmgui ajim. Pãar mʉig nʉisit, mamʉ mʉ dʉ̈i daukhana abat. Oob khãimiet ajim anʉm.
24269	MAT 28:5	Pari mag chi soldaaun thuphãau aphöbaadëm ee, chi Ẽwandam chogau chi ʉʉinag, —Oob jãphierrmiet ajim anʉm. Mua khaphʉ chirʉmgui ajim anʉm, pãrau Jesuuta jʉr wënʉrrʉm, ar amau pakuls gaai meerphë thõotarr.
24274	MAT 28:10	Magbaawai ichdëu amag, —Oob nem ökhö amiet ajim anʉm. Jãg jãphierr wënʉrraju khãai, mʉ khapeen aar wëtwi Galileaag wëtpi jaaubat, nau jamta amau mʉ ooimaju a jaaubaimat ajim anʉm.
24469	MRK 5:36	Pari Jesuu amau mag jaaubaichëmjã asekasba, chi Jairoogta, —Oob khĩirjum; sĩi mag khãai warag pʉch chaai oo wai chitaju khĩirjugta wai chirsí ajim anʉm irig.
24472	MRK 5:39	Magbaa ich Jesuu ierr mag am sereu thʉnʉm aar dubwia amag, —¿Khantheeta mag atcha sereu thʉnʉ́ma? ajim anʉm. Oob bĩemiet. Chaai meeba sĩi khãi khërʉm khabahab ajim anʉm amag.
24584	MRK 8:15	Mag ërëu phöbaadëwia khodjörröm ee, Jesuu ich khapeenag, —Khĩir khaphʉ wënʉrrat ajim anʉm. Oob fariseonaan bën maimua Erodes bënjã jãg levadurajö sim pãach gaai dʉrbapimiet ajim anʉm.
24676	MRK 10:19	¿Pua khaphʉ sĩebá ajim anʉm, Ẽwandamau ich iek Moiseeg phãpitarr gaai: “Oob dich õor khabam dʉ̈i khapes am; oob õor thõom; oob nem jĩgkham; oob chikham ëugarjã sëukha nem ĩgkham; oob sëukha chikhamnaanjã khũgurm; maimua pʉch dënnaanjã jãsene abá” a sim?
24710	MRK 11:1	Jesús ich khapeen dʉ̈i mamua durrsĩ Olivo anʉm gaai naaimajim aajem, phöbör numí ãba dakha nʉm khĩirphee. Mag phöbör numí ãba dakha narr thʉ̈r, ãb Betfagé ajim, maagwai ãbakhai Betania. Maig durrsĩ gaai nʉmua ich khapeen numí thʉ̈rkha auwi pʉ̈yaagpamua magjim aajem:
24789	MRK 13:3	Maigmua ërëubaadeeu mag Aai i jëeujem di khĩirphee durrsĩ Olivo anʉm gaai sĩeimajim aajem, ich khapeen dʉ̈i. Maimua barwi ya i jẽkhʉt jupbaimaawai Pedroou, Santiago, Juan maimua Andrés dʉ̈imua amach jayapam khʉʉnau irig jëeumamua magjierram anʉm:
24807	MRK 13:21	’Magbaadëm ee õrau pãachig, “Oobat, chamʉʉta warrgarwe Ẽwandamau pʉ̈iju aajerrauwai” aawai, oob ʉ̈khamiet. Wa magbam khai, “Ar simta ichiuwai” aawaijã, oob ʉ̈khamiet ajim anʉm.
24849	MRK 14:26	Jesús mag ich khapeen dʉ̈i ãba mes gaai iyʉ̈ʉ thach khö naawia, meukhaarjã Ẽwandam iek Salmos anʉm gaaim auwia, Olivo durrsĩig ërëujim aajem.
24857	MRK 14:34	Ich magbaadeewai ichdëu amag magjim anʉm: —Mʉʉn dëgölp gaai machgau ökhĩirjuuga aadëm; ãba mʉch thõjuuta khĩirju chirʉmgui ajim anʉm. Pãar mʉig nʉisit, mamʉ daukhana abat. Oob khãimiet ajim anʉm amag.
24948	MRK 16:6	Mag ʉʉin jãphierr phöbaadëm oowi chi woun khajũa bäpphä jũa sĩerrau amag, —Oob jãphierrmiet ajim anʉm. Mua khaphʉ chirʉm, pãrau Jesús Nazaretpierr ar pakuls gaai meerphë thõotarrta jʉr wënʉrrʉm. Pari i mʉig khaba sĩebahab ajim anʉm, ya iiu phiidʉwi petarr aawai. Pãadë oobat i aukhërtarr ee sĩi khãidu parii simgui ajim anʉm.
24990	LUK 1:28	Mag ich chogbapäaiwai chi Ẽwandam chog bëewi chi daupeer sim aar dubwia irig, —¿Jãgpai ʉ María? Onee abá aichëjim anʉm. [Ẽwandamau nem ajapha aag ʉʉin khapan thʉnʉm ee pʉʉta jʉr atham.] María, chadcha Ẽwandam maach Pöröu pʉʉta eeg oobarmgui ajim anʉm irig.
24992	LUK 1:30	Magbaawai chi Ẽwandam chogau, —Oob khĩirjum, pʉʉta Ẽwandamau ʉ̈u eeg oobarbahab ajim anʉm.
25052	LUK 2:10	Magbaa chi Ẽwandam chogau amag, —Oob jãphierrmiet. Mʉʉn sĩi pãrag iek ajapham jawaanta bëejimgui ajim anʉm. Mʉg murua pãrag iek jaaubarmua pãar israelnaan thum onee ajurau, pãachdëu ũrmampierr. Murua pãrag iek jawaan bëetarran mʉgaugui ajim anʉm:
25102	LUK 3:8	Sĩi pãach pör choopi nʉmuapai chan irua pãar aubam. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jëeuwia, chadcha Ẽwandam iek ʉ̈khaajem khʉʉnjö abat ajim anʉm, pãach khapeen dʉ̈ijã. Oob pãrau chikhamnaan dënjö, pãachjã warrgar pãach jöoi Abrán khararrjö Ẽwandam dʉ̈i khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet. Sĩi mag Abrán chaainkha nʉm gaaimuapaita mag ʉ̈gthar öbeerjem akhiin, mokdau mʉg thʉnʉmjã Ẽwandamau õrag paapʉ̈iwia makhʉʉnjã ĩchab Abrán chaainau aju aai sim. Abrán chaai chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jëeubat ajim anʉm.
25107	LUK 3:13	Magbaawai ichdëu amag, —Oob leíu jaau sim khãyau athuucha õor jua eem phatkhon jëeumiet ajim anʉm.
25108	LUK 3:14	Maimua jũrr soldaaun bëewia, makhʉʉnaujã irig, —Magbaa maraujã ¿jãgajuma? aichëjierram anʉm. Magbaa ich Juanau magjim anʉm chi soldaaunag: —Oob tag chikham jua eem nem ajués khechthʉg aumiet. Wa pãachta emkhooin awia chikham khũgur jãphierrpinaa khãijã chikham phatkhondam au chithëe amiet. Maimua oob pãrau, “Mʉrʉgan bʉ̈rʉʉta phaagjem, muan waragta ig chirʉm” amiet ajim anʉm. Pãachig phag nʉmdam dʉ̈ipai onee nʉisit a jaaumajim aajem.
25126	LUK 3:32	Natán David iewaa; David Isaí iewaa; Isaí Obed iewaa; Obed Booz iewaa; Booz Sala iewaa; Sala Naasón iewaa; Naasón Aminadab iewaa;
25236	LUK 6:21	Onee abat ajim anʉm, pãar ar Ẽwandamau waupim khõsim nem wawaagta jãsöomjö nʉm khʉʉn. Jãgtarr jũrr mʉg atag pãar bʉ̈ʉrjã augchëba wënʉrrajugui ajim anʉm. Onee abat, pãar mʉ gaaimua dauhi paraa durraajem khʉʉn; mʉg atag pãar ökhĩirjug khaugba wënʉrrajugui ajim anʉm.
25237	LUK 6:22	Onee abat ajim anʉm, mʉch chi Emkhooi Iewaa iek ʉ̈kha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.
25252	LUK 6:37	’Oob chikham ĩgkham khõchgaupai chan chikham pekau phëmiet, eeu Ẽwandamau pãach chach nʉm ed magʉm iek igdukham pãach dʉ̈i. Oob “Jãg wounan chad khaibag ee pʉ̈iju aai sim” amiet, eeu pãach iek gaaimuapai Ẽwandamau pãachta khaibag ee pʉ̈idukham. Chikhamnau pãach dʉ̈i khaigba aawai sĩi warag ich mag khĩir akhoobapʉ̈it, tag magʉm iekjã igba. Pãrau pãach khapeen dʉ̈i magmʉn, magan Ẽwandamaujã pãar dʉ̈i agjö ajugui ajim anʉm.
25277	LUK 7:13	Maimua aar barwia maach Pör Jesuu khoopaa ũan ich chaai athee dau aphʉʉ khërʉm oobaawai irig, —Oob bĩem ajim anʉm.
25314	LUK 7:50	Mamʉ amau mag khĩirju nʉmjã igba warag chi ʉʉiragta, —Oob khĩirjum. Ʉ̈u pʉ peerdʉ ʉisimgui ajim anʉm, pʉchdëu ʉ̈khatarr gaaimua. Pʉch diig maju aai ʉmgui ajim anʉm.
25342	LUK 8:28	Mag wounau Jesús oo athaawai dëgölp wiiu a i bʉ̈khʉrr phõbkhabaimawia chaigpamamua thet irig magjim anʉm: —Jesús, Cha Ʉ̈gthaa Phuu Nʉm Iewaa, ¿khantheeta pua mʉ mʉgbaichëma? Oob mʉ chig a chiram ajim anʉm, chi mepeer garmua Jesuu ichig woun mor eemua öbërpi jaaubaawai. Mag chi mepeer ajap thierrpa sĩerr aawai ʉ̈iba baarjeejim anaabá. Mag barbaadeewai parii cadenau jʉ̈naa grillos anʉm eejã bʉ̈ khõokha sĩsiukhamjã i atheem khaba aajeejim anʉm. Sĩi warag caden thʉrrëupʉ̈iwia õor chukag aar warp warrjeejim anaabá, chi meperau.
25345	LUK 8:31	Magbaawai chi mepeen woun mor ee mag thʉnarrau Jesuug, —Oob warre khĩmie durr chan maar pʉ̈i chiram.
25362	LUK 8:48	Magbaawai Jesuu irig, —Oob chigaa am ajim anʉm. Mua pʉch monaauju khaphʉ mʉ gaai pʉrchëtarr gaaimua ʉ̈u pʉ monaauwia peerdʉ ʉisim. Pʉch diig maju aai ʉmgui ajim anʉm irig.
25364	LUK 8:50	Mag jaaubaichëm ũrbaawai Jesuu magjim anʉm chi Jairoog: —Oob khĩirjum. Pua pʉch chaai ʉ̈u oo wai chitaju. Sĩita ãba murua pʉch chaai monaauju khĩirjugta wai chirsí ajim anaabá.
25366	LUK 8:52	Mag barwia ooimaawai, thumaam khʉʉn sereeu icharaucha bĩe nʉm dʉ̈i ĩchab ʉ̈apëpërkhamta ooimajim anaabá. Mag oobaimaawai Jesuu amag, —Oob bĩemiethʉ̈. I meeba sĩita i khãi sĩebahab ajim anʉm.
25455	LUK 10:23	Maimua amach ap pawia ich khapeenag eerpa eerpanaa amag, ’Onee abat ajim anʉm, pãach jʉ̈gʉucha mʉ iek ũr nʉm khʉʉn.
25456	LUK 10:24	Cha mua nem wau chitʉm pãrau pãach daujãau oo nʉmjö, warrgarwe Ẽwandam i jaaumienau reinaan dʉ̈imua amach daúacha oom iigjeejim, mamʉ pöd oobajierram. Amach jʉ̈gʉucha pãrau ũr nʉmjö ũrm iigjeejim, mamʉ pöd ũrbajierram. Mamʉ pãrau magba pãach daúacha oonaa pãach kachiucha ũr nʉm. Magua mua pãrag “Onee abat” a chirʉmgui ajim anʉm.
25478	LUK 11:4	maimua ar marau maach dʉ̈i khaigba abarm khʉʉn dʉ̈i tag magʉm iek igba ich mag khĩir okhoopäaijemjö maar dënjã khĩir okhoobapʉ̈i. Oob pua ʉdʉraa chan maar pekau ee burrpi chiram. [Mag khãyau warag maar thʉa wai chirsí, phithurg chukhu dösãtau maar ichig paa aum ugua]” a jëeubat a jaaujim anʉm amag.
25503	LUK 11:29	Warag õor pöm ich aig phẽeudʉdʉkham ee, Jesuu amag iekhamamua magjim aajem: —Ĩsim khʉʉn chan warag chi ajaugjã chukhuta thʉnʉm. Oo nʉmjömta warágata amachdëu nem ooba aajempata khĩirpierr ompaa aupi jaau nʉm. Mamʉ mua pãar ipierraa nem waubamgui ajim anʉm. Mag khãyau Ẽwandamau Jonás dʉ̈i arrjö abarm gaaimuata mʉch jua theeg oopiju.
25522	LUK 11:48	Mamʉ mua pãrag jaaukhimgui ajim anʉm: Jãg nʉm aig pãrau, “Oobat Ẽwandam i jaaumien maar jöoinau khëchtarr. Mʉʉgwaijã agtha ich jãg wënʉrrʉm akhiin, maraujã agjö khëchju nʉm” a jaau nʉm khabahab ajim anʉm. Magaagta pãar dën warag am jã ʉ̈rjã nem ooimʉ waunaa sirppapiba aba aajeeb ajim anʉm, pãachdëu khëchbajim awia.
25529	LUK 12:1	Mag nʉm ee warag õor pöoma phẽeudʉdʉkhamua jũrr chikhaman bʉ̈pa khiuthʉgmaajeejim anʉm. Am mamagkham ee, Jesuu ich khapeen ich dʉ̈icha ogdʉba wënʉrraajerr khʉʉnag magjim anʉm: —Khĩir khaphʉ wënʉrrathʉ̈; oob fariseonaan bën levadurajö sim pãach gaai dʉrbapimiet. Mua mag chirʉm aiguin pãrag, “Oob amjö chikham khĩir aawaipaita chadam iekjö iekhanaa pãach ap aadeewai jũrr pãachdëu jaaujemjö khaba nem waumiet” a chirʉmʉugui ajim anʉm. Pãrau am igar phũrrbamʉn, pãach gaai dʉrbabaadeewai sĩi amjö nʉisijugui ajim anʉm amag.
25543	LUK 12:15	Maimua ĩchab thum aig narr khʉʉnagpa magjim anʉm: —Khĩirjug paraa aajeet. Oob pãrau sĩi nem khĩir thum paarpaju appaita khĩirjumiet ajim anʉm. Pãrau nem thum wai naawia khãijã pãar ëu meebamgui ajim anʉm.
25550	LUK 12:22	Maimua mag ich dʉ̈icha ogdʉba wënʉrraajerr khʉʉnagta, ’Mua pãrag jaaukhimgui ajim anʉm: Oob pãrau “¿khani khöjuuta maach mʉg nʉma?” awia ökhĩirjuu amiet. Wa magbam khai, ya khajũajã chukhu nʉm, “¿khani jũajuuta mʉg nʉma?” a khãijã khĩirjumiet ajim anʉm.
25553	LUK 12:25	Oob atcha pãachdëu nem ig nʉmta khĩirju nʉʉ amiet ajim anaabá. Mag pãrau pãachdëu khõsimta ig nʉʉ akhiinjã, ¿khaíuta mʉg nʉm aig mag ichdëu khĩirju sim gaaimuapai ich meeju arr ʉ̈r oradam ãbpai khãijã ich iiupiju aai sĩ? ajim anʉm.
25777	LUK 18:20	¿Pua khaphʉ sĩebá ajim anʉm, Ẽwandamau Moiseeg ich iek phãpitarr gaai: “Oob dich õor khabam dʉ̈i khapes am; oob õor thõom; oob nem jĩgkham; oob chikham ëugarjã sëukha nem ĩgkham; maimua pʉch aai jãsenkhanaa pʉch ãdjã jãsene abá” a sim?
25829	LUK 19:29	Mag mamua phöbör Betfagé anʉm dʉ̈i ãb agjö Betania anʉm dakha durrsĩ Olivo anʉm aar barbaimaawai ich khapeen eem numí thʉ̈rkhanaa pʉ̈yaagpamua amag magjim aajem:
25837	LUK 19:37	Maimua ya durrsĩ Olivo anʉm aigmua ʉʉrba nʉm dakha aadëm ee, õor pöm i ẽudee onee pos wëdurum khʉʉnau amachdëu ag na mag nem ooba aajempa Jesuu waumaajem oojem khĩirjunaa Ẽwandamag jëeu nʉmua ĩchab “Ʉ̈u ajim” a serereu khaphöbaadëjim aajem.
25932	LUK 21:37	Mag jaau simua ãsdaaupain sĩi Jesuu Aai i jëeujem deg õrag jaaujeejim aajem, Ẽwandam iek. Maimua edaar paawaita jũrr durrsĩ Olivo anʉm gaai mawia ich mam ëejeejim aajem.
25972	LUK 22:39	Maigmua öbërdʉtkhaau Jesús Olivo durrsĩig petajim aajem, kheeupierr mawia mag durrsĩ gaaimua ich Ayag jëeujerr aawai. Mag i mam dʉ̈i ĩchab i khapeenjã i dʉ̈i wëtjim aajem.
25984	LUK 22:51	Magbaawai Jesuu ich khapeenag, —Oob jãgmiet; idëu mʉ dʉ̈i amachdëu ampierr apibat ajim anʉm. Magnaa chi kach deeu ich sĩerrjöo khaarpi sĩujim anaabá.
26096	LUK 24:36	Mag agtha am ich ag iekpai jũrr jaauphöo thʉnʉm ee chi Jesús am jãrr dʉnʉʉuchëwia, —¿Jãgpai nʉ keena? Oob jãphierrmiet, mʉ khabahab aichëjim anʉm amag.
26216	JHN 3:27	Magbaawai Juanau amag, —Oob iekkhõr waumiet ajim anʉm. Ẽwandamauta ichdëu khap õrag jaauba aajeeb, ichdëu khõsi simjöta nem waumkhĩir. Mag sĩewai ichdëuta juau irig jãgpi sĩebahab ajim anʉm.
26275	JHN 4:50	Magbaa, —Oob atcha khĩirjum, pʉ chaaidam nauwe monaaubajup ajim Jesuu. Ichig magbaawai ich chaai meejujã khĩirjuba, Jesuu ich chaai monaaupʉ̈ijuuta ãba khĩirjumamua ich diig petajim.
26278	JHN 4:53	Magbaawai chi ayau ich ödegpai, “Magan mag orata Jesuu mʉrʉg ‘Oob atcha khĩirjum, pʉ chaai monaaubajup’ a iekhajiebma” ajim aajem. Mag ich chaaidam monaaubapʉ̈im oobaawai ichdëujã ʉ̈khanaa i deg dʉ̈i ãba naajerr khʉʉnaujã thum chadcha Jesuuta Ẽwandam Iewaa warrgarwe ichdëu pʉ̈iju aajerrau awia i iek ʉ̈kha nʉisijim aajem.
26281	JHN 5:2	Mag Jerusalén phöbör ee dubaag “Ovejanaan Puertdi” a thʉ̈r sim dakha thʉ̈rrdö juau wautarr estanque anʉm sim. Mag thʉrrdö thʉ̈r ebreonaan meúa Betesda aajem. Mag thʉ̈rrdö igaau pórticos anʉm cinco naajim.
26324	JHN 5:45	Oob pãach jãg nʉm paar muata Ẽwandamag pãach khaibag waumkhĩir irig nem ĩgkha thʉnʉʉuju amiet ajim amag. Chi Ẽwandamag pãar ĩgkhajuun Moiseeuta pãar ĩgkhabajup, sĩi irua phã pʉarr iek wajapha ʉʉrkha nʉmuata pãach ʉ̈gthar öbërpiju anʉmta chadcha irua phã pʉarr thum ipierraajã khaba naawai.
26346	JHN 6:20	Pari mag maar jãphierr phöbaadeewai ichdëu marag, —Oob jãphierrmiet, mʉ khabahab ajim.
26451	JHN 8:1	Mag amach diig ërëubaadeewai ich Jesús jũrr Olivo durrsĩig petajim.
26533	JHN 9:24	Magbaawai i iek chi thethemnaanau deeu ichchata thʉ̈r aunaa, —Chadcha Ẽwandam dakhĩir meerba marag jaaubá ajierram anʉm. Oob Jesuuta pʉch monaaujim am. Marau khaphʉ nʉmgui ajierram anʉm, jãan pekau pöm sĩerrʉm.
26636	JHN 11:44	Magbaawai maach chi meem arrta chadcha dawag öbërchëjim. Oowai ich aukhërtarr ich mag bʉ̈ aarmua khĩeb mor thum dĩes baúa pʉrëunaa ödi aigmua ʉ̈gthaag pörpa khĩir jãarjemua pʉrëu simta öbërchëjim. Mag öbërbaicheewai aig narr khʉʉnag, —Jãimua jãg put ẽerkhabapʉ̈it ajim, idëu ich diig mamkhĩir.
26668	JHN 12:19	Pari maagwain jũrr chi fariseonaanau amach khapeenagpaita, —Keena, pãrau oo nʉm, jãg sĩi amag iekha nʉmuapai chan maadëu pöd maachig paa aubamgui aajeejim. Magnaa, Oojurauma, jãg thumaam khʉʉnta sĩi i igar paaukhamamgui aajeejim.
26725	JHN 13:26	Magbaawai ich Jesuu mʉrʉg, —Oobá, pʉrʉg oomkhĩir mua pan omnaa agʉgcha deekhimgui ajim. Magnaa chadcha pan khõreunaa, omnaa, Judaagta deejim, woun ãb Simón Iscariote anʉm ag iewaag.
26738	JHN 14:1	Maimua maach thumaam khʉʉnag, —Oob jãg tag ökhĩirjuunaa atcha khĩirju nʉʉ amiet ajim. Mʉ chan chadcha tag pãar khĩir chitabaju; pari mua pãach pʉabajeewai oob Ẽwandamaujã pãach iseg sim amiet. Magju khãai mua pãachig jawaagpamta khĩir eyaa abat ajim.
26828	JHN 16:33	Oob khĩirjumiet, mua ag nawe thum pãrag mag jaau chirʉmʉn, pãach warag mʉ dënkha wënʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wënʉrraju; pari khĩirdam onee abat ajim; mua mʉch garmuata mʉg durr gayam jua theeg thum pödpʉ̈iwia pãar eeg oo wai chitajugui ajim.
26953	JHN 20:17	Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉ̈i wënʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉ̈i ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.
26955	JHN 20:19	Ich ag edpai ya edau khëubaadëm ee, maar ich Jesús dʉ̈icha wënʉrraajerr khʉʉn ãbam aig ãba biirdʉ naajim. Pari mag biirdʉ nʉmjã judionaan chi thethemnaan ökgau puertdi phãarkha wai naajim. Mag nʉm eeta, dubbaichëmjã ooba arrta, dëgölp ich Jesuuta maar jãrr dʉnʉʉubaichëwia, —¿Jãgpai nʉ keena? Oob jãphierrmiet; mʉ khabahab aichëjim.
26963	JHN 20:27	Mag iekhachëwia, Tomaag eerpanaa, i thʉ̈rcha thʉ̈rnaa, —Pʉdë mʉ jua ee clab meerphëtarr oobá; ag eecha juau jʉrkha oobahur ajim. Magnaa mʉ ãi thutkhërëu sutarr eejã agjö jʉrkha oobá ajim. Magnaa, Jãgbaawai khaita ʉ̈khaju. Oob tag ʉ̈khabam a chitamgui ajim irig.
27004	ACT 1:12	Mag amach dʉ̈i ãba sĩewia petam oobaawai, durrdam Olivo Durrsĩ anʉm gaai naawi ich aigpaimua Jerusalenag wëtjim aajem. Mag durrsĩ Jerusalenmua warpcha khaba, peer kilómetro ãbpaím sim aajem.
27067	ACT 3:2	Mag Aai i jëeujem deg dub nʉm puertdi aigcha ed ëepierr woun ãb aphʉʉ khitʉm jup kheeujeejim aajem. Mag woun bi eewe bʉ̈ ãkhãraa khitʉmta thaabatarr aawai pödjã ich appai dʉrdʉr aba, sĩi õrauta jiir aubëewia mag puertdi “Chi Ooimʉg” anʉm aig juppi sĩiujeejim aajem, õor ag ee dub nʉm khʉʉnag phatkhondam jëeumkhĩir.
27070	ACT 3:5	Mag Pedroou ichig “Oobá” abaawai ichig nemdamta deegpampii awia amag eerpa oo sĩsijim aajem.
27075	ACT 3:10	I mag nʉrrʉm oowia dauderraa naajieb mamʉ, thumaam khʉʉnau, “Jã chadcha ar Aai i jëeujem deg dub nʉm puertdi Chi Ooimʉg a thʉ̈ʉrjem aig oo simua õor dich nʉm khʉʉnag phatkhondam jëeujerr woun khabahab” aajeejim aajem jũrram khʉʉnau.
27277	ACT 8:32	Mag chadcha jupimawi irua Ẽwandam iek thʉ̈r jörrarr gaai oowai mag sĩejim aajem: “Ovejadam chi thõojem di aar arrjemjö thõopäain arrjierram. Mamʉ jãg ovejadam khĩeb ich khaar thar arrumjã khĩuu khëraajemjö, ich jãg bʉ̈ʉrjã i ãaba khitajim iek chigaa iekhaag.
27348	ACT 10:20	Ʉʉrbawia am dʉ̈i petá ajim anʉm. Oob khĩirjum, jãkhʉʉn wounaanan mʉchdëuta pʉ jʉraan pʉ̈i chirʉmʉugui ajim aajem Ẽwandam Akharau irig.
27635	ACT 18:9	Magbaawai biek ãb edaar maach Pör Jesuu Pablo khãai khõrkhapi auwia dawamjö irig, “Oob mʉ iek õrag jaauju ögkha chiramgui” ajim anʉm. “¡Warag ikhʉaba amag jaaunaa!
27704	ACT 20:10	Magbaawai Pablo ʉʉrbawia, mag chi meem ʉ̈r eeg thʉkhöonaa, warag ö pʉr wai phiidʉnaa, chi aig narr khʉʉnag, —Oob jãphierrmiet, mʉg chaai meeba sĩebahab ajim.
27745	ACT 21:13	Mamʉ mag mapimapha nʉm ee, jũrr ich Pabloou marag magjim: —¿Khantheeta jãg pãar dauhi paar thʉnarráma? Oob khĩirjumiet ajim. Pãar ich jãgta nʉmʉn magan mʉchpata ökhĩirjuu apiju ẽkha nʉmgui ajim. Jerusalén pabaimaawai amau mag mʉ ibʉʉrwiajã, maach Pör Jesús gaaimua khai, idëu mag sim. I gaaimuan mʉʉn magʉmjã aba thõju chirʉmgui ajim Pabloou.
27949	ACT 27:26	Oob khĩirjumiet; maachin ichiita jerrba parhoobam morr gaai phũu sir werbajugui ajim Pabloou thumaam khʉʉnag.
27957	ACT 27:34	Maagwai mua pãrag thach khöbat a chirʉmgui ajim keena. Magba aawaita jãg warag pãach kha thũu pamabahab. Oob döjãrr pãach dau aphʉʉ aju chan khĩirjumiet. Maachin thumaa chig aba peerdʉjugui ajim.
28166	ROM 7:7	Mag khai, ¿magan Ẽwandamau ley deetarran pekaupá? Mag khabam. Ẽwandamau ley deetarr chan pekau khabam. Pari mag ley khurau khabamuan, mʉch pekau paraa chirʉmjã khaugba chirakham. Mag ley gaai “Oob chikham nemta pʉch dën apim khõsi am” aba sĩekhiin, mua bʉ̈ʉrjã khaugba chitakham, magpai nʉmua pekaukha öbër sim.