23216	MAT 1:3	Mag ich Judá, Fares aai anaa ĩchab Zara aai ajim aajem; am ãd, Tamar a thʉ̈r sĩejim aajem. Mag Fares, Esrom aai ajim; maagwai chi Esrom jũrr Aram aai.
23489	MAT 10:3	Felipe, Bartolomé, Tomás, Mateo, gobierno dëbpaar jëeumie arr, (ajapcharan mʉchma, mʉchpai ĩchab Leví aajem); Santiago, jöoi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̈ʉrjem;
23549	MAT 11:21	—¡Ë, apdurr, Corazinpien! ¡Ë, apdurr, Betsaidapienjã agjö, Ẽwandamau am i agkham ed! Am ee nem ooba aajem nem wau nʉmua Ẽwandamau ich juapá oopitarr Tiro phöbör eeta wa Sidón phöbör ee khãijã wautarr amuan, nawe amau amach khĩirjug khaigbam isegwi sʉrkhakhamgui ajim anʉm. Magtarr amuan amau theerju theerwia, ʉ̈r jupnaa, putiu pör börrnaa, khoopa nʉm khʉʉn sʉrkhaajemjö sʉrkhakham. Mag nʉmua amau amach mor ãsie ewag khĩirjuwia Ẽwandamag jëeukham, amach khaibag chugpamkhĩir.
23550	MAT 11:22	Pari cha mʉ iekha chirʉm iekhau Ẽwandamau mʉg durr i agkham ed Corazinpienta Betsaidapien dʉ̈i irua am gaai masiicha waupʉ̈ijugui ajim anʉm, Tiropien dʉ̈i Sidonpien khãaijã, amachdëu ũrtarrta ʉ̈khaba arr gaaimua.
23553	MAT 11:25	Ich mag jaar ĩchab ich Jesuu ich Ayag jëeumamua, —Tata, mua pʉrʉg ʉ̈u ajim a chirʉmgui ajim anʉm, pʉchta ʉ̈gtharm magwe nem thum mʉg wëjöm Pör aawai. Mʉ onee chirʉmgui ajim anʉm, õor amach khĩirjug khaug thöwia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjö khithëem khʉʉnagta ʉ̈u khaugpibaawai.
23554	MAT 11:26	Chadcha puata nem wajapha waaujem Tata, pʉchdëu juau am dʉ̈i magju atarr aawai ajim aajem mag jëeumamua.
23723	MAT 15:21	Maigmua igbaadeeu jũrr phöbör numí Tiro Sidón dʉ̈i nʉmʉg petaawai maarjã i dʉ̈i wëtjim.
23796	MAT 17:27	Mamʉ amag maach ëugar iekham ugua maadëujã ichiita phagju aai nʉmgui ajim Pedroog. Maimua, Thʉrrdö ee dö ʉabamí ajim. Nau nacha pʉch jua gaai khöbaichëm pua jiir atham ö ee phatkhon sĩeju. Mag phatkhonau ʉ̈u pua mʉ kõitjã phagwi, pʉch dënjã phagpʉ̈ijugui ajim Jesuu Pedroog. Magbaawai Pedroou chadcha ichig jaautarrjö ajim.
23842	MAT 19:11	Magbaa jũrr ich Jesuu marag, —Thumaam khʉʉnau chan cha mua jaau chirʉm iek pöd khaugbam; ãba ich Ẽwandamau khaugpi sim khʉʉnaupaita khap ajugui ajim.
23945	MAT 22:4	Magbaawai jũrr deeum khʉʉn pʉ̈iwia amag, “ ‘Thachin ya sĩi khöjupaita sim, mʉch nemchaain õtpaa wai chirarr khëch auwi aata wau thʉnʉm; jua pʉr nʉm phiesta ee wëttarrau’ a jaaubat” a jaaupʉ̈imajim aajem amag.
23979	MAT 22:38	Tagam ley ʉʉrkhapi jaau nʉm khãaijã maata chi wajapcharamʉugui ajim.
24156	MAT 26:33	Magbaawaita Pedroou jũrr irig, —Thumaam khʉʉnau pʉch ap barpʉawiajã mua chan pʉ barpʉabamgui ajim.
24162	MAT 26:39	Amag mag jaau pʉawi ichin am bigaau am warphaapai sĩeimajim aajem. Magnaa jẽkhʉt thʉkhöonaa khĩeb jẽb gaai dagau dʉrnaa ʉ̈gthaag jëeumamua, “Tata, pua khõs akhiin, atcha mʉ dau aphʉʉ apibakhamgui” ajim anʉm. “Deeum nem waubarmuajã agjö õor peerdʉ auju ayaa akhiin, mʉ gaai machag mʉgcha ãwatbakham. Pari mʉchdëu khõsi chirʉmjö khaba, pʉchdëu khõsimjöta mʉ dʉ̈i abá” a jëeumajim aajem.
24165	MAT 26:42	Maimua ichin deeu ũwaai mawia jëeubaadëmua ich Ayag, “Tata, pua mʉ mʉg dau aug waupibaju ayaa akhiin ʉ̈u akhamgui” a khitaajeejim anʉm; “mamʉ ichiita mʉ aphʉʉ aju aai chirʉm khai, agjö ʉ̈u sim. Mʉ dʉ̈i pʉchdëu am aig abá” a jëeumajim aajem.
24365	MRK 3:8	Jesuu mag õor mor masim khʉʉn monaau nʉrrʉm a ũrphöbaadeewai õor pöoma i aig bëe thʉnʉisijim anaabá: Jerusalenpien, phöbör Idumea anʉm aram khʉʉn, döjã Jordán anʉm ee edau öbeerjem garm khʉʉn, maimua phöbör Sidón anʉm dʉ̈i Tiro dakha phöbördam nʉnʉidʉm eem khʉʉnpa bëejierram aajem.
24375	MRK 3:18	Andrés, Felipe, Bartolomé, Mateo, (ichpai Leví a thʉ̈r sĩejim); Tomás, Santiago, chi Alfeo iewaa, (ichpai agjö Jacobo a thʉ̈r sĩejim); Tadeo, (ichpai Judas anaa Lebeo aajeejim); Simón chi Cananista, maimua
24431	MRK 4:39	Magbaa Jesús phiidʉwia mag phũ theeg thʉnʉmʉg meeurrau sĩunaa ĩchab phũas meeukha thʉnʉmʉgjã “Thumbabaad” abaawai, warre döjã meuu sĩsijim anaabá.
24474	MRK 5:41	Mag chi binaandam aar dubwi, i juadam gaai pʉr aunaa irig, —Talita, kum ajim anʉm. (Mag sim aiguin maach meúan, “Ʉʉikhaardam, phiidʉbaad” a simʉu.)
24551	MRK 7:19	Thachdam khö nʉmʉn sĩi buch eepaita sĩeimaajem, thãar eejã dubba. Mag buch eepai sĩewi chëbapäaiwai deeu chukhu aadeejemgui a jaaumajim aajem. Irua mag sĩerr aiguin Ẽwandamau maachig nem khömkhĩir deetarr chan ni ãbjã khaigba khaba sĩsidʉm a sim ajim.
24553	MRK 7:21	¿Khan jãgwia mag sĩ? Thãar eeta magʉm khĩirjugjã thum ompaa auwia mammuata dawag öbër thʉnaawaima ajim anʉm. Mammuata öbër thʉnʉm: dich ʉʉi khabam dʉ̈i khapes aju khĩirjug, nem jĩgkhaju khĩirjug, maimua õor thõoju khĩirjug.
24556	MRK 7:24	Jesuu maig õrag jaau sĩewia petajim aajem, Tiro durr Sidón dʉ̈i nʉmʉg. Mag mawia õor aig jẽerimajim aajem. Mamʉ mag ich deg pabaimamjã õrag khaugpimapha sĩejim anaabá.
24563	MRK 7:31	Mag chaai monaaupʉ̈itarr khur Jesús majim aajem, Tiromua Galilea thʉrrdöog. Mag mamua Sidón phöbör ee dichwia Decápolis durrjã agjö dichjim aajem.
24588	MRK 8:19	ar pandam cincopai narrau mua õor cinco mil narr jãogtarr? Thumaam khʉʉn khö dichwia imie phöbaadeewai, ¿thʉbʉt kharr ipiirkha aujĩ, chi sob? Amachig mag jëeubaa i khapeenau, —Thʉbʉt khapan docen ãb ipiirkha aujimgui ajierram anʉm irig.
24589	MRK 8:20	Magbaawai deeu ichdëu amag, —Maimua agjö ar pandam sietepai narrau mua õor cuatro mil narr jãogtarr edjã, ¿amau khötarr sob thʉbʉt kharr phë aujĩwi? ajim anʉm. Magbaawai, —Thʉbʉt siete ipiirkha aujimgui ajierram anʉm.
24657	MRK 9:50	Thakharan chadcha nem wajaphamʉu. Mamʉ mag sim nakha aadëkhiin, ¿khaíu magʉm thakhaar igju khai? ajim anʉm. Jãg thakharauta nem thum sĩpha apiejemjö abat, pãach khapeen dʉ̈i nem wajapha wau nʉmua agdaujö thumaa khõinaa wënʉrraag a jaaumajim aajem.
24703	MRK 10:46	Mag wëtumua Jericó phöbör ee barimajierram aajem. Maig khũchpai naawia deeu am ërëubaadëm dʉ̈i õor pöm wëtjim aajem. Maimua ya am phöbör eemua öbërwi wëtumta khʉd bigaau woun ãb dau khĩsu khitʉm Bartimeo anʉmta õor ërëu dich nʉm khʉʉnag nemdam jëeuwai oo khërʉm ooimajierram aajem. Mag woundam jöoi Timeo anʉm iewaa ajim aajem.
24795	MRK 13:9	’Pãach mordam wir aig ʉʉrkhabathʉ̈. Thethem khʉʉnag pãar pʉr deewi judionaan Ẽwandam iek jaaujem degjã pãar gaai amau mas deemaju. Mʉ gaaimua pãar khaibag waumkhĩir amau pãar gobernadornaan aarjã warrwi reinaan aarjã warrmaju. Mamʉ magʉm khʉʉn aar pãar warrwaita warag pãrau mʉ iek jaauwímʉcha amag jaaujugui ajim anʉm.
24859	MRK 14:36	—Tata, pʉ ithee chan bʉ̈ʉrjã phithurm nem chukhum. Pua khõs chirʉm khai mʉ peerdʉ athá ajim anʉm, mʉ dau aphʉʉ aju nawe. Pʉrʉg mua jëeu chirʉm, mamʉ mʉchdëu khõsi chirʉmjö khaba pʉchdëu khõsimjöta abá mʉ dʉ̈i a jëeumajim aajem.
24963	LUK 1:1	Teófilo, khapeer wʉ̈jʉ̈u: Mʉg ẽsap gaai murua pʉrʉg jawaagpam Jesuu õrag iekhamatarr dʉ̈i irua nem waumatarrpa ãba. Pua khaphʉ sim, jũrram khʉʉnau ich mʉg iekpai phã ẽkha nʉm warrpem irua nem waubaaderr aarmua irua nem jaaumatarrpa. Maadëu khaphʉ nʉm, magʉm thum chadcha ajim. Maagwai õraujã thum ich ag iekpai maach ee khakhapdö wëjöm,
24965	LUK 1:3	Maguata muajã ĩchab phãju khĩirjubaadëjim, pʉ athee. Mamʉ mʉg phãju nawe, sĩi año khapan i dʉ̈i ãba wënʉrraajerr khʉʉn dʉ̈i khaar aarmua khĩeb ö nʉm aar estudie chirʉʉ awia ĩsta pʉrʉg phã deepʉ̈i chirʉm jöoi Teófilo.
25065	LUK 2:23	Mag Moisés iek gaai Ẽwandamau mag sim: “Thum emkhöi chaai chi nacha oomamdam pãrau mʉrʉg deemaju.”
25095	LUK 3:1	Woun Tiberio anʉm reikhabaaderr aigmua quince años aadëm ee, gobernadornaan jayap naajim aajem: Judea durr: Poncio Pilato Galilea durr: Erodes Iturea durr Traconite durr dʉ̈i: Felipe (Erodes naam, aai gaaimua) Abilinia durr: Lisanias
25128	LUK 3:34	Judá Jacob iewaa; Jacob Isá iewaa; Isá Abrán iewaa; Abrán Taré iewaa; Taré Nacor iewaa;
25230	LUK 6:15	Mateo, (ichpai Leví a thʉ̈r sĩejim); Tomás, Santiago, (chi Alfeo iewaa; ichpai agjö Jacobo a thʉ̈r sĩejim); Simón, (Celotenaan ee sĩerr);
25231	LUK 6:16	Judas, (ichpai Tadeo anaa Lebeo a thʉ̈ʉrjerr, deeum agjö Santiago aajerr eeum); maimua Judas Iscariote, (ich maguata ewag pawi chi thethem khʉʉnag Jesús pʉr deeju ajima i thõomkhĩir).
25232	LUK 6:17	Maimua ich Jesús dʉ̈i durrsĩe narr khʉʉnpa thum ãba ʉʉrba bëewia phëeurëgdam ee naaichëjim aajem. Maig agjö ich dʉ̈i wënʉrraajerr khʉʉn khapan biirdʉ thʉnʉm ee, ĩchab deeum durram khʉʉnpa õor pöm thʉnaajim anaabá: Judea durrmua bëetarr khʉʉn, Jerusalenmua bëetarr khʉʉn, maimua phũas igaau phöbör Tiro anʉm dakha naajerr khʉʉn dʉ̈i Sidón perasöm khʉʉnpa thʉnaajim aajem. Ãaur khʉʉn i iek ũrm khõchgau, maagwai tagam khʉʉn sĩi amach monaaupʉ̈i mamkhĩirta mag bëewi naajim aajem.
25413	LUK 9:43	Mag Jesuu chaai monaaubarm oowia thum aig narr khʉʉn dauderraa nʉisiwia Ẽwandamagta, “Ẽwandam, pʉchta chadcha mepeen khãyaujã chi jua thierriu. Mepeenau chan pöd pʉ dʉ̈i barbam” ajierram aajem. Tagam khʉʉn mag dauderraa thʉnʉm ee, Jesuu ich khapeenag magjim aajem:
25445	LUK 10:13	Mag ich iek iseg nʉm khʉʉn igwia, ’¡Ë, apdurr Corazinpien! ajim anʉm. ¡Ë, apdurr Betsaidapienjã agjö, Ẽwandamau am i agkham ed! Am ee nem ooba aajem nem wau nʉmua Ẽwandamau ich juapá oopitarr Tiro phöbör eeta wa Sidón phöbör ee khãijã wautarr amuan, nawe amau amach khĩirjug khaigbam isegwia sʉrkhakham. Magtarr amuan, amau theerju theerwia ʉ̈r jupnaa, putiu pör börrnaa, khoopa nʉm khʉʉn sʉrkhaajemjö sʉrkhakham. Magnaa amau amach mor ewag ãsie khĩirjuwia Ẽwandamag jëeukhamgui ajim anʉm, amach khaibag chugpaamkhĩir.
25446	LUK 10:14	Magua Ẽwandamau mʉg durr i agkham ed Corazinpienta Betsaidapien dʉ̈i irua masiicha waupʉ̈ijugui ajim anʉm am gaai, Tiropien dʉ̈i Sidonpien khãyaujã, amachdëu ũrtarrta ʉ̈khaba arr gaaimua.
25453	LUK 10:21	Mag ich Jesuu pʉ̈itarr khʉʉn deeu bëewia ichig onee nem ĩgkhabaichëm ũrbaawai ĩchab ich Jesujã Ẽwandam Akharau onee apijim aajem. Mag ich onee aadeewai Ẽwandamag jëeumamua magjim anʉm: —Tata, mua pʉrʉg ʉ̈u ajim a chirʉm, pʉchta chadcha ʉ̈gtharm magwe nem thum mʉg wëjöm Pör aawai. Mʉ onee chirʉmgui ajim anʉm, õor amach khĩirjug khaug thöwia nem thum khaphʉm khaphʉm aajem khʉʉnaujã amach peerdʉju iek khaugba arrta jũrr pua khĩirjugdam meraa chaainjö khithëem khʉʉnagta ʉ̈u khaugpibaawai. Chadcha puata nem ajapha waaujem Tata ajim anʉm, pʉchdëu juau am dʉ̈i magju atarr aawai.
25576	LUK 12:48	Mamʉ ãbmuata khaugba aawai nem khaigba waumʉn, Ẽwandamau i gaai mas ab khaba mas ajup mamʉ, agpierrpai deejugui ajim anaabá. ¿Pãrau oowai ar nem dʉ̈rrcha deetarrag agjö ich deetarrpierr dʉ̈rrcha jëeuba aajẽ? ajim anʉm. Mua pãrag magkhimgui ajim anʉm: Thumaam khʉʉnau Ẽwandam athee nemdam bʉ̈rʉʉm awiajã wauju aai nʉm. Ar chi ʉ̈rʉʉcha wauju khaphʉ nʉm khʉʉnag irua ich agpierr dʉ̈rrcha jëeujem. Maimua ar ich athee nem dʉ̈rrcha wauju pödba nʉm khʉʉnag irua agjö ich agpierr bʉchkhunpai jëeujemgui a jaaumajim aajem.
25656	LUK 14:34	Mag amach nem isegmapham khʉʉn igwi iekhakhagmamua ĩchab, ’Thakharan chadcha nem ajaphamʉugui ajim anʉm; mamʉ mag sim nakha aadëkhiin, ¿khanthee serbiiju? Pöd bʉ̈ʉrjã agua nem phöju khaba,
25669	LUK 15:12	Khãai ãb chi iewaa chi ẽudeemua ich ayag, “Tata, pʉ meebaadeewai marau jʉ̈aju nem warre magan mʉrʉg mʉch jua ee dee chirbá” ajim anʉm. Magbaawai jöoirau chadcha amag jigbaadëjim aajem, amachpierr.
25675	LUK 15:18	“Mʉg chirabnaa mʉ majugui” ajim anʉm “mʉch aai aar. Maimua barimawia mua irig ‘Tata, chadcha mua Ẽwandam dakhĩir pekau wauwia pʉ dʉ̈ijã khaigba abarm’ aimaju.
25678	LUK 15:21	Magbaawai chi chaairau ich ayag, “Tata, chadcha mua Ẽwandam dakhĩir pekau wauwia pʉ dʉ̈ijã khaigba abarmgui ajim anʉm. Mag gaaimua warramjö pua mʉrʉg pʉch chaai aju khaba chirʉm” ajim aajem ich ayag.
25820	LUK 19:20	Thumaam khʉʉnag mag jëeukha oomam aawai deeum thʉ̈rpʉ̈ijim aajem. Magua paawai bëewia magchëjim anʉm: “Rey, pua mʉrʉg phatkhon deetarr mua sĩi putdam ee pʉrëunaa ãkha khërjim, akhoom ugua. Magtarr aawai cha sim” ajim anʉm “pʉ phatkhondam, ich agpierrpai.
25861	LUK 20:13	Magbaawai ich jöoi chi uvadö ag papau khĩirju sĩi awia, “¿Mua jãga abarkhiina?” ajim anʉm. Mag khĩirju sĩi awia, “Ãa, jãgan mua mʉch iewaa mʉchdëujã chig aba aajemta pʉ̈ijugui” ajim anʉm, “Tale amau mʉ chaai oophöbaadeewai i ögkhawia i chig abaju” awia. Mag chadcha ich chaai pʉ̈ijim aajem.
25971	LUK 22:38	Magbaawai amachdëu irig oopinaa, —Señor, ya marau mʉig espaar numí wai nʉmgui ajierram anʉm. Magbaawai ichdëu, —Tag mʉ iekhabam, idëu ich magpai sĩujugui ajim.
25975	LUK 22:42	Mag jëeumamua, —Tata ajim anʉm, pua khõs akhiin, atcha mʉ dau aphʉʉ apibakham. Deeum nem waubarmuajã agjö õor peerdʉ auju ayaa akhiin, mʉ gaai machag mʉgcha ãwatbakhamgui aajeejim anʉm. Mamʉ pʉchdëuta khap chirʉm; mʉchdëu khõsi chirʉmjö khaba, pʉchdëu khõchagpierrta mʉ dʉ̈i abá a iekhamajim aajem.
26026	LUK 23:22	Mamʉ pʉaba ya biek thãrjupamua Pilatoou deeu amag, —¿Pari khan nemta irua khaigba waujĩma ajim anʉm, i thõopäaig? Mua chan bʉ̈ʉrjã i khaibag ooba chirʉmgui ajim anʉm, i thõopäaig. Thõoju khãai sĩi wʉnaa i pʉapʉ̈iju jãg sĩ ajim anʉm.
26038	LUK 23:34	[Maagwai pakuls gaaimua Jesuu, —Tata, õrau mʉ dʉ̈i mʉg nʉm idëu sĩi ich jãg khĩir okhoobapʉ̈i. Amau amachdëu nem wau nʉmjã khaugba naawaita mʉg mʉ dau aphʉʉ wau nʉm aajeejim aajem.] Maagwai chi soldaaunau amach appai, “Magan ¿khaíuta chi khajũa jʉ̈aju khai?” awia, mokdaudam bar nʉmua gan aumajierram aajem.
26050	LUK 23:46	Mag edau khĩbaadeewai Jesuu thet, —¡Tata! Nau mʉ chaaupabaadeewai puata mʉ akhaardam khap chirʉmgui ajim anʉm. Mag iekha khitʉm ee warag maach chaaupabaadëjim aajem.
26078	LUK 24:18	Magbaawai ãb Cleofas aajerrau irig, —Maadëu khan iek agájã amapha simgui ajim anʉm. Thumaam khʉʉnau khakhapdö thʉnʉm, jãgajĩ Jerusalén phöbör ee. Pʉjã ĩchab ag phöbör ee mʉg nemkhoo dichtarrta, ¿ãba pʉchdëupaita khaugba chirʉ́? ajim anʉm.
26110	LUK 24:50	Maimua ãbmiecha paawai phöbör eemua ich Jesuu am phë arrjim aajem phöbör Betania anʉmʉg khʉdau ma sim ee. Mam phöbör igaau pabaimaawai ʉ̈gthaag jua ʉanaa Ẽwandamag jëeumamua, —Tata, puata mʉg atagjã mʉkhʉʉn wounaan ich jãg ʉ̈u am phë wai chitajugui ajim anʉm.
26174	JHN 2:10	irig magjim: —Thumaam khʉʉnau vino chi wajapcharamta nacha õrag jiigjerram; maimua mag dö nʉʉ awiata jũrr parhoobam vino jiigjerramgui ajim. Pari pua magba ewaata chi wajapcharam jigaagpamgui ajim irig, mag dö atarrta vinoog paa simjã khaugba.
26327	JHN 6:1	Magtarr khur deeu Jesús petajim, ag khĩirpheepai thʉrrdö pöm Galilea a thʉ̈r sim ee. Ich ag thʉrrdöpai ĩchab Tiberias a thʉ̈ʉrjem.
26349	JHN 6:23	Mag nʉm ee ich ag thʉrrdö eepai phöbör Tiberias anʉm aarmua bote bëewia, mag ag noram Jesuu pan cinco ich jua ee aunaa ag paar ʉ̈u ajim anaa õrag khöpitarr dakha jopdʉtkhachëjim aajem.
26363	JHN 6:37	Thum mʉ Ayau mʉ iek ʉ̈khapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.
26608	JHN 11:16	Mag irua oon wëttarrau abaawai maar eem ãb maar khapeer am dën ibʉʉr wauwia Meís a thʉ̈ʉrjerrau, —Keena, magan maachjã i dʉ̈i wëttarrau ajim, i dʉ̈i ãba khëchimaag. Irua mag sĩerran, Judeapienau peer ich Jesús thõotarr aarta deeu ögkhaba maagpam igwiata mag sĩejim. Mag Meís anʉm, i thʉ̈r chaar Tomás ajim. Mag, chadcha Jesús mam dʉ̈i maarjã i dʉ̈i wëtjim.
26633	JHN 11:41	Mag chi mok chawag pʉrëupi jaautarr aawai chadcha chawag pʉrëupʉ̈ijierram. Magbaawai Jesuu ʉ̈gthaag eerpanaa Ẽwandamag, —Tata, mua pʉrʉg ʉ̈u ajim a chirʉmgui ajim, mʉg mʉchdëu jëeu chirʉm pua ʉ̈u mʉ iek ʉ̈khabaawai.
26676	JHN 12:27	Maimua mag jaaumamua ĩchab, ’Ĩs chadcha thumaa khĩirjuwia mʉ ökhĩirjug pöoma chirʉmgui ajim, chikhamnau mʉch thõoju dakkha pamaawai. Mag chirab mamʉ am jua ee thõmaaugaujã mua mʉch Ayag, “Tata, mʉ peerdʉ athájã” abamgui ajim, warrjã mag atheeta mʉ bëetarr aawai.
26677	JHN 12:28	Maimua sĩi ich Ayag, —Tata, muan mʉch gaaimuata sĩi thumaam khʉʉnaujã pʉrʉgta ãba ee apim khõsi chirʉmgui ajim. Pari irua magbaawai ʉ̈gtharmuata woun iekjö, —Ya pʉ gaaimua õrau mʉrʉg ee abarm; pari ichiita warag mʉchig ee apijugui ajim.
26700	JHN 13:1	Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdëu mʉg durr werpʉawi deeu ich Aai dʉ̈i ãba sĩeimaju ed pabaadëm. Thum mʉg jẽb gaai maar ich dënkha durrarr khʉʉnan bʉ̈ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdëu maar khõsi sim khaphʉ apijim.
26742	JHN 14:5	Magbaawai maar eem ãb maar khapeer Tomás aajerrau jũrr irig, —Señor, marau khaugba nʉmgui ajim, pʉ jamagta ma; mag nʉm, ¿jãga marau pʉ aar barjujã khap abarju? ajim.
26829	JHN 17:1	Maimua mag jaau dichwia ʉ̈gthaag eerpanaa ich Ayag magjim: “Tata, ya ag ora pabaadëm. Mʉg pʉch ipierraa chirʉm gaaimua chadcha pʉch Iewaakha chirʉm õrag khaphʉ apibá ajim, magbaawai muajã ĩchab pʉchta amag thö iekhapieg.
26837	JHN 17:9	Mag iekhakhagmamua warag, ’Tata, mʉg mʉch dʉ̈i durrum khʉʉn kõitta muan pʉrʉg jëeu chirʉmgui ajim. Mua chan sĩi mʉg durr gaai sĩi mʉch iekjã ʉ̈khaba nʉm khʉʉn kõit jëeuba, pʉchdëu mʉrʉg deewia pʉch iek ʉ̈khapi autarr khʉʉn kõitta jëeu chirʉmgui ajim, amjã ĩchab pʉ dënkha durraawai.
26839	JHN 17:11	Magnaa, ’Tata, mʉ chan tag mʉg durr gaai chitabajugui ajim, deeu pʉ dʉ̈i ãba chiraag ũwaai pʉ aar maagpaawai. Pari mʉ khapeen chan wëtba, ich mʉig eegar nʉisijugui ajim, maar igwia. Maagwai pʉrʉgta am kõit mua jëeu chirʉmgui ajim, pʉchpaita thumaam khʉʉnau ee aju aai naawai. Pʉch iekhau pua am chig apiba, pʉchdëu mʉrʉg deetarr jua theegau am thʉa wai chirsí ajim, ich jãg maach numijã ö ãba nʉmjö amjã ich mag ö ãba wënʉrramkhĩir.
26841	JHN 17:13	Mag ich Ayag jëeumamua, ’Tata, mʉ ũwaai deeu pʉ aar mam, pari mua mag am kõit jëeu chirʉmgui ajim, amach dakhĩircha. Mʉig agtha am dʉ̈i eegar chirʉwe mag jëeu chirʉmgui ajim, amach jʉ̈gʉucha ũr naawai mʉch onee chirʉmjö ĩchab amjã onee nʉisimkhĩir.
26844	JHN 17:16	Tata, pua khaphʉ simgui ajim, mʉ mʉig eegarm khaba chirʉm. Magua mʉ khapeenjã ya sĩi mʉig eegar parhoobam khʉʉnjö khaba thʉnʉm, am mʉ dʉ̈ita wënʉrraawai.
26845	JHN 17:17	Magua mua pʉrʉgta am kõit jëeu chirʉmgui ajim, pʉch iek jaau nʉm phidag gaaita am phë wai chitamkhĩir. Magnaa, Tata, ãba pʉch iekta chadam iekhaugui ajim.
26848	JHN 17:20	’Tata, mua mʉg pʉrʉg jëeu chirʉm chan sĩi cha mʉch dʉ̈i wënʉrrʉm khʉʉn kõitpai khaba, mʉg atag amau jaau wëtum ũrwia mʉch iek ʉ̈khaju khʉʉn kõitpata pʉrʉg jëeu chirʉmgui ajim.
26849	JHN 17:21	Tata, jãg maach numijã ö ãba naajemjö, ich agjö ĩchab amjã maach dʉ̈i ö ãbata phë wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉ̈ijim.
26852	JHN 17:24	Magnaa deeu ũwaai, ’Tata, mua khaphʉ chirʉmgui ajim, mʉ ũwaai pʉ aar chiraimaawai ich jãg warr mʉg jẽb ompaaju nawe pua chadcha mʉ khõsi pʉch dʉ̈i ãba chi jua thierrkha wai chirarrjö deeu pua mʉrʉg ich ag jua theeg deeju. Pari mag pʉ aar chiraimaawai mʉch khapeenjã ĩchab mʉch chirʉm aigta mʉch dʉ̈i phë wai chitam khõsi chirʉmgui ajim, mag jua theeg pua deeu mʉrʉg deebarm amag oomkhĩir.
26853	JHN 17:25	Tata, puata thumaam khʉʉn dʉ̈i chadcha nem agcha waaujeewai pʉrʉgta jëeu chirʉmgui ajim. Ar pʉ iek ʉ̈khaba nʉm khʉʉnau chan pʉ khaugba nʉm, mag amachdëu ʉ̈khaba nʉm gaaimua. Pari õor pöm sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉ̈i durrum khʉʉnaujã puata mʉ pʉ̈itarr khaphʉ nʉmgui ajim ĩchab.
26863	JHN 18:9	Jesuu mag “Idëu mʉ khapeen wëtpibat” atarran, ag nawe ichdëu maar igwia, “Tata, pʉchdëu mʉ iek ʉ̈khapitarr khʉʉn chan ãbjã okhooba abarm” atarr aawai ajim, maar eem khʉʉn ãbjã chig am ugua.
26960	JHN 20:24	Mag Jesuu marag ich oopiewai maar khapeer Tomás am dën irig Meís aajerr maar aig khaba sĩejim.
26961	JHN 20:25	Mag aig khaba sĩerr aawai ag khur marau irig maachdëucha maach Pör ootarr jaau naajim. Pari magbaawai ich Tomaau ʉ̈khamaaugau warag, —Mua mʉch daúacha oobam aigjã ʉ̈khabamgui ajim. Mua ʉ̈khajuun, i jua ee clabou meerphëtarrjã mʉch daúacha oonaa, ag ee mʉch juaucha jʉrkha jʉrkhanaa, i ãi thutkhërëu sutarr eejã mʉch juaucha jʉrkha oobaawain chadau ʉ̈khajugui ajim.
26962	JHN 20:26	Maimua magtarr khur seman ãb dichwia ẽudeem domighed deeu maar ich ag degcha ãba podpa naajim. Mag ed paawai ich Tomás maar dʉ̈i aig sĩejim. Mag edjã napemjö puertdi phãarkha wai naajim. Pari mag sĩerrta, deeu ũwaai chukhu sĩerr eemuata dëgölp Jesús maar jãrr dʉnʉʉuchëwia, —¿Jãgpai nʉ keena? aichëjim.
26963	JHN 20:27	Mag iekhachëwia, Tomaag eerpanaa, i thʉ̈rcha thʉ̈rnaa, —Pʉdë mʉ jua ee clab meerphëtarr oobá; ag eecha juau jʉrkha oobahur ajim. Magnaa mʉ ãi thutkhërëu sutarr eejã agjö jʉrkha oobá ajim. Magnaa, Jãgbaawai khaita ʉ̈khaju. Oob tag ʉ̈khabam a chitamgui ajim irig.
26964	JHN 20:28	Magbaawaita Tomaau ichigcha, —Señor, pʉʉta mʉ Pör anaa mʉ Ẽwandamaugui ajim.
26968	JHN 21:1	Magtarr khur deeu ũwaai mag thʉrrdö pöm sim Tiberias anʉm igaau marag ich oopijim. Mag ich oopitarr mʉg ajim:
26969	JHN 21:2	Maar maig naajim: Simón Pedro, Tomás am dën i Meís a thʉ̈ʉrjerr, Natanael chi Galilea durr phöbördam Caná anʉm eem, Santiago, mʉ, maimua mag tag maar khapeen agjö ich Jesús khapeen numí naajim.
26993	ACT 1:1	Jöoi Teófilo, ¿jãgpai chirʉ́? Pʉch khapeer ajapham Lucaauta pʉrʉg mʉg ẽsap phã deepʉ̈i chirʉm. Nacharam ẽsap phã deepʉ̈itarr gaai mua pʉrʉg jaau chirajim, Jesuu warrcha ich phidkhabaadeewaiwe nem waunaa jaaujerr aigmua khĩeb i ʉ̈gthar matarrpa.
26997	ACT 1:5	Juanaun chadcha dödamaupaita õor pör choojeejim, mamʉ mʉgtarr khur pömcha khaba nʉm ee, jũrr Ẽwandamau ich Akhaarta pãrag deejugui ajim anʉm. Mag ich Akhaar deebarmuata, chadcha pãar pör choo chaar pör choo nʉisijugui ajim aajem Jesuu amag. Teófilo, maach Pör Jesuu mag iekhatarr aawai, chadcha ichdëu iekhatarrjö, jãga mag Ẽwandam Akhaar bëejĩ a khap amkhĩirta ĩs mua deeu pʉrʉg mʉg ẽsap phã deepʉ̈i chirʉm. Maimua mag bëewi, jãga mag ich Jesuu ichdëucha jʉr autarr khʉʉn ee sĩeichëwi, amag nem waupimarrjã agjö mua pʉrʉg jaaupäaigpam.
27005	ACT 1:13	Mag wëtwia phöbör ee paaukhabaimaawai ʉ̈gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jöoi Alfeo iewaa, Simón ibʉʉr wauwia Celote a thʉ̈ʉrjem, maimua Judas, woun ãb deeum agjö Santiago anʉm dʉ̈i ãbam khʉʉn.
27056	ACT 2:38	Magbaawai Pedroou amag magjim aajem: —Thum agdaujö pãach mor ewag khĩirjuwia Ẽwandamag pãach khaibag chugpaapi jëeubat ajim anʉm. Magnaa chadcha Jesucristo iek ʉ̈khanaa pãach pör choopibat ajim anʉm. Pãrau magmʉn, Ẽwandamau pãar khaibag chugpaapʉ̈iwia jũrr ich Akhaarta pãrag deejugui ajim aajem, ichdëu deeju a jaautarrjö.
27131	ACT 5:3	Mag amach aar deebaimaawai Pedroou chi Ananiaag magjim anʉm: —Ananías, ¿Jãgwi jẽb përtarr param phatkhon pua thum deechëba, ag eem pãach athee autarrta, “Thum deechëjim” a chirʉ́? ajim anʉm. Pʉch jãg sëukha simua Ẽwandam Akhaarpata pua khũgur auju ẽkha sĩebahab ajim anʉm.
27164	ACT 5:36	Pãrau khaphʉ nʉm, ar na woun Teudas anarr agjö jãg nʉrrarr. Ich iiupain, woun thethem a jaau nʉrrajimgui ajim anʉm, ich igwia. Magbaawai õor pöm cuatrocientojö i dʉ̈i khapeerkhajierram. Mamʉ wërbʉ nʉm ee warm khʉʉnau juau thõobapäaiwai mag i dʉ̈i wënʉrrarr khʉʉn thum sĩi aaidʉwia tagjã abajierramgui ajim anʉm.
27175	ACT 6:5	Amau mag iekhabarm ĩchab warm khʉʉn khapan aig thʉnarr khʉʉnaujã thumaam khʉʉnau jʉ̈gaagaa ũrjierram aajem. Magbaawai woun ãb Esteban a thʉ̈r sĩerr jʉr aujierram aajem. Mag wounau Ẽwandam Akhaar ich gaai phẽsnaa nem waauwaijã ãba Ẽwandam gaaipai khĩirjunaata waaujeejim aajem. Mag tag i dʉ̈i ãba jʉr autarr khʉʉn thʉ̈r mʉkhʉʉn ajim aajem: Felipe, Prócoro, Nicanor, Timón, Parmenas maimua Nicolás. Chamʉg Nicolás anʉm deeum durram phöbör Antioquía anʉm ee thaabatarrta Jesús iek ʉ̈khaju nawe judionaan igar theerbawi sĩejim aajem.
27296	ACT 9:11	Magbaa maach Pör Jesuu irig, —Phiidʉbá ajim anʉm, maimua kaaijã Chi Khajapham a thʉ̈ʉrjem ee woun Judas anʉm deg Saulo Tarsopierr jëeubaimá; maig mag wounau mʉrʉg oraa simgui ajim anʉm.
27315	ACT 9:30	Mag amau i thõoju dakhãu wai nʉm chi Ẽwandam iek ʉ̈kha durrum khʉʉnau ũrphöbaadeewai deeum phöbör Cesarea anʉm aar i arrwi maigmua jũrr ich durr phöbör Tarso anʉmʉg pʉ̈ijierram aajem.
27321	ACT 9:36	Ich mag jaar ĩchab phöbör Jope anʉm ee ʉʉi ãb Jesús iek ogdʉba ʉ̈kha khitʉm sĩejim aajem. Mag ʉʉi thʉ̈r ebreonaan meúa Tabita aajeejim aajem, maagwai griegonaan meúata Dorcas aajeejim aajem. Mag ʉʉi thumaam khʉʉn dʉ̈i nem ö wajaugnaa aphʉʉm khʉʉndamau nem iigwaijã magʉmjã aba amag deejeejim aajem.
27325	ACT 9:40	Magbaawai ich Pedroou õor thum dawag jʉrkhʉʉipʉ̈iwi, kanieu phõbkhanaa, Ẽwandamag oraajim aajem. Mag oraa aaipawi chi binaanag oonaa, —Tabita, phiidʉbá ajim anʉm. Magbaawai chadcha chi binaanau dau ẽe oowia Pedro khĩir eerpa athaawai phiidʉ oo sĩsijim anaabá.
27326	ACT 9:41	Maig Pedroou i jua gaai pʉrkhanaa warag ʉ̈gthaag dʉnʉʉupi athajim anʉm. Magnaa Ẽwandam iek ʉ̈kha nʉm khʉʉn thum khoopaa ʉʉin chi bĩe narr khʉʉnpa thʉ̈rkhanaa amag Tabita monakkha deeu oopijim anʉm, meeba arrjö.
27371	ACT 10:43	Mag, warrgar Ẽwandam i jaaujerr khʉʉnaujã ĩchab Jesús igwia, “Thum i iek ʉ̈khawia ãba irigpaita amach peerdʉ aumkhĩir jëeu nʉm khʉʉn khaibagan Jesús gaaimua Ẽwandamau chadcha chugpaapʉ̈iju” a jaaumajim aajem Pedroou, warr Ẽwandam i jaaumienau jaaujerr igwia.
27401	ACT 11:25	Maig sĩi awi ich Bernabé jũrr Tarsoog majim aajem, Saulo jʉraan. Mag mawia aig oobaimaa, ich dʉ̈i ëeurrwi Antioquiaag arrjim aajem.