23244	MAT 2:6	“Pãar, Judá durram phöbördam Belenpien, pãran chadcha khapan khaba durrum. Mag durrab mamʉ, pãar ee ãb thaababarmuata israelnaan mʉ õorkha thʉnʉm khʉʉn gobernaaju aawai, pãach durr agjö phöbör thʉnʉm ee pãar phöbör chan chi serbiibam khabam” a phã simgui ajierram anʉm, chi Erodeeg.
23360	MAT 6:9	Magju khãai pãachdëu irig jëeuwai mʉgta jëeubat ajim anʉm: “Ẽwandam, pʉʉta maar Aai ʉ̈gthar chiraajemʉu. Pʉch appaita chadcha pekau chukhu chitʉm.
23406	MAT 7:21	Mag iekhakhagmamua Jesuu magjim anʉm ĩchab: ’Ar mʉrʉg “Señor, Señor” aajem khʉʉnjã thum chan Ẽwandamta thumaam khʉʉn Pörkha sim aar öbërbam. Chi öbërju khʉʉnan, ar mʉ Aai ʉ̈gthar simua nem jaau sim ipierraa aajem khʉʉnpaita i sim aar öbërjugui ajim anʉm.
23407	MAT 7:22	Mag ed paawai õor pöm thʉnʉm eemua mʉrʉg par amach iphithur, “Señor, pua maar khaugbata sĩeba. Pʉ thʉ̈r gaai marau pʉ iek õrag jaauba aajeejieb. Pʉ juapaau khabajieb, marau õor mor eem mepeerjã jʉr wërpnaa ag na õrau ooba aajem nempa waaujerr. ¿Magtarrta pua maar khaugba chirʉ́?” ajurau ajim anʉm.
23481	MAT 9:33	Mag ich aig waipierrwai mag bënjã Jesuu jẽu werbajim. Magbaa mag meu meraa sĩerrta nem meu öphërg ich mʉg iekha sĩsijim. Magbarm oowi õor dauderraa nʉm iekhau, “Keena, mʉig Israel durr chan maach ee ag na maadëu mʉg ooba aajerr ĩsta chadcha maadëu mʉg oo nʉmwai” aajeejim jũrram khʉʉnau.
23635	MAT 13:27	Magbaadëm chi chognaanau oo athaawai amach patrón aar wëtwi irig, “Patrón, pua jĩirwai trigo appai jĩirtarrta, ¿jãga ĩs jãg phũak khaigbampata ag ee bich baupa wëjö?” ajim anʉm.
23636	MAT 13:28	Magbaawai chi papkhʉʉu, “Jã, maach dʉ̈i iekkhõr paraam khʉʉnau khãijã ag ee phũak dau phöwia khabahab” ajim anʉm. Magbaa chi chognaanau deeu pʉaba irig, “¿Pua oowai marau ag appai chi khaarpa jẽu wërphoon maju aai nʉ?” ajierram anʉm.
23710	MAT 15:8	“Pãran, sĩi par iekhaupaita Ẽwandam iek ʉ̈kha nʉm ʉ̈kha nʉm aajemgui” ajim Jesuu amag. “Pari mag nʉm chan par chadcha thãraucha ʉ̈khabamta mag sĩerrjëem. Pãach mag nʉm gaaimua pãar thãar chan i dakhajã khaba, sĩi i warpta thʉnʉmgui” ajim.
23822	MAT 18:26	Magbaawai chi chogau chi rey bʉ̈khʉrr phõbkhanaa chaigpa jöchkhërʉmua, “Señor, idëu oo athá. Mua ökhar phagmamua pʉ dëbpaar thum öbeerpʉ̈ibajupa” aajeejim anaabá.
23904	MAT 21:9	Maagwain na wëtum khʉʉnaujã serereu khaawai ẽudee wëdurum khʉʉnaujã serereukhamua, “Ʉ̈ucha abarm Ẽwandam. Rey David khararr ag iewaajöm chan chukhukhum” aajeejim. “Ẽwandam, ich mʉʉta pʉchdëu pʉch jũrr pʉ̈ibarmʉu. Mʉg Rey pʉ̈ibarm gaaimua ʉ̈gtharm magwe onee aju aai nʉm” aajeejim jũrram khʉʉnau.
23923	MAT 21:28	Mag ichig jaauba abaawai mʉg nem ĩgkhaadam jaaujim: —Woun ãb chaain numí wai sĩejim aajem. Biek ãb chi jöoirag, “Iewaa, ĩs mʉ uvadö ee phidkhabamí” ajim anʉm chi ayau.
23933	MAT 21:38	Pari warm khʉʉnau mag i ögkhajujã khĩirjuba, sĩi warag amach aar barpinaa, “Keena, chamʉʉta chi iewaa aawai mʉguata mʉg atagjã jũrr ich aai nemjĩir jʉ̈aju khabahab” ajierram anʉm. “Jãg sĩpí warre maadëu i thõopʉ̈iju, mʉg uvadö jũrr maach dënkha awaag” ajierram anʉm, amach appai.
24049	MAT 24:23	’Mamagkham ee ãbmua khãijã pãachig, “Oobat, chamʉʉta warrgarwe Ẽwandamau pʉ̈iju aajerrauwai”, wa magbam khai, “Pãadë oobat, ar sĩ; jãata aruuwai” aawai oob ʉ̈khamiet.
24085	MAT 25:8	Magbaawai mag cinco khĩirjug chukhumjö narr khʉʉnau ʉ̈u amach khãai khĩirjugdam paraa narr khʉʉnag, “Keena, pãach aceitedam eem marag bʉchkhun choo deebat, ya maar lámpara thõogpam” ajierram anʉm.
24088	MAT 25:11	Maimua ag khur nʉʉ awiata mag cinco amach lámpara athee aceite jʉraan wëttarr khʉʉn bëewi, “Señor, Señor, maar weeu athá, ya maar bëejimgui” ajierram anʉm.
24097	MAT 25:20	Nacha chi cinco mil autarr bëejim aajem. Mag bëewi ag ʉ̈r ichdëu cinco mil gan autarr chi papag deechëwia irig, “Señor, pua mʉrʉg cinco mil werpʉarrau ag ʉ̈r mua agjö cinco mil gan aujim; cha khërʉm pʉ phatkhon” ajim anʉm.
24099	MAT 25:22	Mag khur dos mil autarr bëewi maguajã agjö, “Señor, pua mʉrʉg dos mil deetarr ʉ̈r muajã agjö dos mil gan aujim; cha khërʉm pʉ phatkhon” aichëjim anʉm.
24101	MAT 25:24	’Maimua milpai autarrjã bëejim aajem. Pari magua chan warm khʉʉn dënjö phidkhawi gan auba arr aawai sĩi warag, “Señor, mua pʉ khaphʉ chitʉmgui ajim anʉm, pʉ õor dʉ̈i atcha sĩerrʉm. Mua pʉ phatkhonau phidkhawi gantarr akhiin, pua sĩi chi ʉ̈rʉm mʉ jua eem khecheu aukhamgui” ajim anʉm, “pʉ dën sĩi chikham jua phithur atarrta pʉch dënjö aajeewai.
24111	MAT 25:34	Magnaa mag ich juachaar gar nʉm khʉʉnag ichta Rey aawai ichdëuta amag, “Pãar, mʉ Ayau ʉ̈u abarm khʉʉn, ierrag dubbat mʉ dʉ̈i jooba wënʉrraag” aju anaabá. “Mʉg durr ompaa nʉwe mʉch Aai dʉ̈imua pãrag nem deeju atarr ĩsta chadcha mʉ Ayau pãachigcha deegpamgui” aju anʉm, “pãachdëu mʉ dʉ̈i ʉ̈u atarr jũrr.”
24114	MAT 25:37	Mag amachig magbaawai mag i juachaar gar nʉm khʉʉnau jũrr irig “Señor, ¿jãagwai mag pʉ jãsöo khitʉm marau pʉ jãogjĩ?” a jëeuju anaabá, amachdëu i khĩircha ooba aajerr aawai. “¿Jãagwai mag pʉ öbissi khitʉm oobaawaijã marau pʉrʉg dödam döpijĩ?
24121	MAT 25:44	Pari amachig magbaawai jũrr amau irig, “Señor, ¿jãagwai mag pʉ jãsöo öbissinaa pʉch maba aajem eeta jẽerju dijã chukkhu khitʉm marau bʉ̈ʉrjã pʉ asekasbajĩ?” aju anʉm. “¿Jãagwai mag pʉ khajũadamjã chukkhu daaupamam marau pʉ oojĩ? ¿Jam mag pʉ mor massi marau oojĩ, wa cárcel deg sim khãijã marau pʉ oon wëtbajĩ?” aju anaabá, amachdëu magbajim amkhĩir.
24145	MAT 26:22	Mag ũrbaawai, chadcha maar ökhĩirjuu aphöbaadëjim. Mag nʉm iekhau jũrram khʉʉnau irig, “Señor, ĩsin mua khãijãa agam” aajeejim.
24162	MAT 26:39	Amag mag jaau pʉawi ichin am bigaau am warphaapai sĩeimajim aajem. Magnaa jẽkhʉt thʉkhöonaa khĩeb jẽb gaai dagau dʉrnaa ʉ̈gthaag jëeumamua, “Tata, pua khõs akhiin, atcha mʉ dau aphʉʉ apibakhamgui” ajim anʉm. “Deeum nem waubarmuajã agjö õor peerdʉ auju ayaa akhiin, mʉ gaai machag mʉgcha ãwatbakham. Pari mʉchdëu khõsi chirʉmjö khaba, pʉchdëu khõsimjöta mʉ dʉ̈i abá” a jëeumajim aajem.
24165	MAT 26:42	Maimua ichin deeu ũwaai mawia jëeubaadëmua ich Ayag, “Tata, pua mʉ mʉg dau aug waupibaju ayaa akhiin ʉ̈u akhamgui” a khitaajeejim anʉm; “mamʉ ichiita mʉ aphʉʉ aju aai chirʉm khai, agjö ʉ̈u sim. Mʉ dʉ̈i pʉchdëu am aig abá” a jëeumajim aajem.
24244	MAT 27:46	Magbaadëm ee Jesuu thet, “Elí, Elí, ¿lema sabactani?” ajim anaabá. Mag sim aig maach meúan, “Aay, Ẽwandam, ¿khantheeta pua mʉ mʉg dau aphʉʉ chirʉmjã mʉrʉg oobamjöo aadëma?” a khitʉm ajim.
24286	MRK 1:2	Warr jöoingar Ẽwandam i jaaumie Isaías khararrag Ẽwandamau ich iek phãpiewai ich Chaai pʉ̈ijuuta jaaujim anaabá. Pari mag ich Chaai pʉ̈iju na deeum igwia ich Chaairagta magjim anʉm: “Iewaa, mua pʉ na mʉch iek jaaujem pʉ̈iju. Mag wounauta pʉ na pʉ maju ee õrag pʉ barju jajawagmaju, thumaam khʉʉnau pʉ iek ũrm khõsi sĩi pʉ nʉ naamkhĩir” ajim anʉm.
24295	MRK 1:11	Magbarm ee ĩchab ʉ̈gtharmua õor iekjö, “Iewaa, pʉʉta mʉ Chaai mʉchdëu jãsehne wai chitʉmʉu; pʉ gaaimua mʉ onee chiraajem” abarmjã ũrjim aajem.
24341	MRK 2:12	Magbaawai ag bʉ̈rre chadcha phiidʉwia, ich wai bëetarr pa bʉʉrkham dʉ̈i ich putpa ãbamʉg phë auwia, thumaam khʉʉn dakhĩir nem moná dawag öbërbaadëjim anaabá. Mag öbërbaadëm oowi aig narr khʉʉn dauderraa nʉisijim anʉm. Mag nʉm iekhau Ẽwandam thö iekhamamua, “Ẽwandam, ag na marau bʉ̈ʉrjã mʉg nem ooba aajemta ĩsta chadcha pua marag pʉch jua theeg oopibarm. Pʉchta chadcha chi jua thierriu Ẽwandam” anaajim aajem, irig jëeumamua.
24433	MRK 4:41	Jesuu amach dakhĩir mag phũas dʉ̈i phũpa meeukha thʉnarr thumba atham oowia dauderraa nʉm iekhau, “Keena, ¿mʉʉn khanim wounta jãg phũujã phũas dʉ̈imua i ipierraa nʉma?” a jëjëeu aajeejim anaabá amach wir aigpai.
24474	MRK 5:41	Mag chi binaandam aar dubwi, i juadam gaai pʉr aunaa irig, —Talita, kum ajim anʉm. (Mag sim aiguin maach meúan, “Ʉʉikhaardam, phiidʉbaad” a simʉu.)
24740	MRK 11:31	Amachig mag jëeubaawai sĩi warag jaaujujã khaugba, amach wir aigpai iyʉ̈ʉ nʉmua, —Maadëu irig, “Juan õor pör choomien Ẽwandamauta pʉ̈ijim” akhiin, jũrr irua maachig, “Magʉmta, ¿khan jãgwia pãrau irua jaau nʉrrarr ʉ̈khabajierrá?” ajugui ajim anʉm.
24749	MRK 12:7	Mamʉ par ich jöoi iewaa ãba sĩi amach aar barpinaa amach wir aigpai, “Keena, chamʉʉta chi iewaa aawai mʉguata mʉg atagjã jũrr ich aai nemjĩir jʉ̈aju khabahab” ajierram anʉm. “Jãg sĩpí warre maadëu i thõopʉ̈ijugui” ajierram anʉm, mʉg uvadö jũrr maach dënkha awaag.
24807	MRK 13:21	’Magbaadëm ee õrau pãachig, “Oobat, chamʉʉta warrgarwe Ẽwandamau pʉ̈iju aajerrauwai” aawai, oob ʉ̈khamiet. Wa magbam khai, “Ar simta ichiuwai” aawaijã, oob ʉ̈khamiet ajim anʉm.
24825	MRK 14:2	Amach ödegpain mag i thõopʉ̈iju khĩirju naajieb mamʉ, jũrr tagam khʉʉnau, “Keena, mʉg nemkhoo ee maadëu i thõoba sĩuju. Magba akhiin õor pöm mʉg wëjöm maach dʉ̈ita meeukhaju” aajeejim anʉm.
24868	MRK 14:45	chadcha ich dʉ̈i wënʉrrʉm khʉʉn dakhĩraa ichdëu jaautarrjö Jesús dʉ̈i ãba dʉnʉʉuwimawia irig, “Maestro, ¿jãgpai chirʉ́?” anaa i khĩir ʉ̈ʉ athajim anaabá.
24929	MRK 15:34	Ich mag edau khĩbaadëm ee Jesuu thet äa a khitawia, “Eloi, Eloi, ¿lema sabactani?” ajim anʉm. Mag sim aig maach meúan: “Aay Ẽwandam, ¿khantheeta pua mʉ mʉg dau aphʉʉ chirʉmjã mʉrʉg oobamjöo aadëma?” a simʉu.
25008	LUK 1:46	Magbaawai Mariaau Ẽwandamag jëeumamua magjim aajem: “Ẽwandam, pʉchta ãba maar Pör aawai mʉch thãrauchata pʉrʉg ʉ̈u ajim a ʉm.
25030	LUK 1:68	“Ẽwandam, ʉ̈uhcha pua pʉch chaain eeg oowia ĩsin chad maar peerdʉ awaagpam. Magua maar onee nʉmgui ajim anʉm.
25034	LUK 1:72	“Ẽwandam, pʉchdëu maar jöoin israelnaan dʉ̈i iek deetarr bʉ̈ʉrjã khĩir akhooba, ʉ̈u pua maar dau ee aug khaugbarm.
25038	LUK 1:76	Mag nacha Mariaau chaai ooju igwia iekha dichtarr khur jũrr ich chaai igmamuata jöoirau magjim anʉm: “Iewaadam, pʉʉta Cha Ʉ̈gthaa Phuu Nʉm ag i jaaumie a thʉ̈rju. Puata maach Pör maju ee i na õrag, ‘Maach peerdʉajem ya bëeimʉʉ sim’ a jaaumaju, ya mag jaaubarm ũrwia õrau i pierrwai amach thãraucha khõsi i iek ʉ̈khamkhĩir;
25056	LUK 2:14	“Ẽwandam, ʉ̈u abarm ʉ̈gtharm magwe. Ʉ̈u pua pʉch Iewaa pʉ̈ibarmgui” anaajim anʉm. “Mʉg pʉchdëu i pʉ̈ibarm gaaimua mʉg durr jöoi gaaijã pʉchdëu jʉr aumam khʉʉnan pʉ dʉ̈i khõinaa wënʉrraju” anaajim anaabá, Ẽwandamag jëeumamua.
25062	LUK 2:20	Mag chi nemchaain thʉamienau amach daúacha oonaa amach jʉ̈gʉucha ũrtarrpa ig wëtumua, onee Ẽwandam thö iekhakhag wëtumua, “Ẽwandam, ĩsin chadau purua ʉ̈u abarm. Pʉjö wajaugkham chan õor chukhum” a serereug wëtwia deeu amach nemchaain aar phʉʉrsã ee naaimajim aajem.
25064	LUK 2:22	Maimua ĩchab magtarr khur ed ãbjö aadëm ee, Jerusalén phöbör ee Aai i jëeujem deg chi Jesudam aibëejierram aajem phadëg oopien, Moiseeu Ẽwandam iek phãtarr gaai jaau simjö ag ipierr. Mag aibëewia Ẽwandamag i kõit ʉ̈u ajim anaa warag irig jëeumamua, “Ẽwandam, cha khërʉm maar chaaidam; puata i khap chirʉm mʉg atagjã. I dʉ̈i pʉchdëu ampierr abá” ajierram anʉm, “pʉchigpai khĩirju bãaumkhĩir.” Mag amau jëeutarran amach chaai Ẽwandamag deeg ajim, warrgar Moiseeu jaautarrjö.
25071	LUK 2:29	“Ẽwandam, mʉʉn pʉ chogau” ajim anʉm, “maagwai pʉ mʉ Pöröu;
25116	LUK 3:22	Ẽwandam Akhaar duburjö khitʉmta dau daau bëewia i ʉ̈r jupchëjim anʉm. Mag jupbaichëm dʉ̈i edjã eemua woun iekjö, “Iewaa, pʉʉta mʉ Chaai mʉchdëu jãsehne wai chitʉmʉu, pʉ gaaimua mʉ onee chiraajem” abarmjã ũrjim anaabá.
25215	LUK 5:39	Mag iekhakhagmamua, Pãrau khaphʉ nʉmgui ajim anʉm, chi vino ach doo khaug nʉm khʉʉnag am döphö thʉnʉm aig chi õrr deeimakhiin, amau “Ʉ̈ʉ̈, maraun chi achta ig nʉm, jãata marag ajapcha sim” aju. Ich agjöta pãrau mʉ iek ũrmapha, warag pãach iita pʉaba wënʉrram khõsi nʉmgui ajim anʉm.
25280	LUK 7:16	Magbaawai thumaam khʉʉn jãphierr nʉm iekhau Ẽwandamag jëeumamua, “Chadcha Ẽwandam, ʉ̈u pua maar eeg oo chirʉm. Ʉ̈u pua jãg chaai chi meem arr phiriu atham” ajierram anʉm. Magnaa ĩchab amach wir aigpai, “Keena, ĩsin chadchata maach ee jöoingarmjö Ẽwandam i jaaumie sĩeichëchëm” khajierram aajem.
25293	LUK 7:29	’Pãrau khaphʉ nʉmgui ajim anʉm, chi Juanau jaau nʉrrʉm ũr narr khʉʉn ee thumaam khʉʉnau dëbpaar jëeujem khʉʉnaupa amach khaibag ãsie ewag khĩirjuwia irig pör choopi nʉmua Ẽwandamagta, “Ẽwandam, chadcha puata maar thãar khap chirʉm. Ʉ̈u pua Juanag jaaupiwia marag pʉch iek khaugpibarm” aajeejim.
25379	LUK 9:9	Mag bĩi wëjöm ũrwia chi Erodeeu ich ödegpai, “Keen, magaag Juanan mua ö thʉappʉ̈ipitarrau. Magan, ¿khai ajuma õrau mag bĩi thʉnʉm?” aajeejim anʉm. Mamʉ parhooba mag jaau thʉnʉm gaaimua ichdëuchata i dʉ̈i oom khõchag sĩejim anaabá.
25396	LUK 9:26	Ãb khãijã mʉ gaaimua wa mʉ iek jaauju khãijã õor dakhĩir chigaa amʉn, mag mʉch chi Emkhooi Iewaajã thumaam khʉʉn Pörkhanaa mʉch Aai dʉ̈i ʉ̈gthar i chognaan thʉnʉm khʉʉnpa mʉg durr chachaan bëem edjã muajã ĩchab ich khĩircha eerpanaa chigaa warag, “Mua, bʉ̈ʉrjã pʉ khaugba chitʉm” ajugui ajim
25413	LUK 9:43	Mag Jesuu chaai monaaubarm oowia thum aig narr khʉʉn dauderraa nʉisiwia Ẽwandamagta, “Ẽwandam, pʉchta chadcha mepeen khãyaujã chi jua thierriu. Mepeenau chan pöd pʉ dʉ̈i barbam” ajierram aajem. Tagam khʉʉn mag dauderraa thʉnʉm ee, Jesuu ich khapeenag magjim aajem:
25416	LUK 9:46	Maimua wëtwia amach appai aphöbaadeewai, “Keena, magan mʉg nʉm aig, ¿chijãata ʉ̈rʉʉcha sim khai?” a iyʉ̈ʉ aphöbaadëjim aajem.
25465	LUK 10:33	Maimua mag warm khʉʉn ërëu dichtarr ẽudee agjö maa ajim aajem Samariapierrdam, ich ag khʉd eepai. (Samariapien judionaan dʉ̈in agdaujö jũrr chikham kha khõchkhaba aajeejim. Mamʉ maagjerrta magʉmjã igba,) maguan chadau ichdëu mag oobaimaawai, “Ë, ¿jãan chijãg woundamta jãg dau aphʉʉ jẽer khërʉm?” awia, warag aar mawia, ich athee nemkhau pabʉ̈ olivo anʉm dën vinodampa wai nʉrrarrau bënhëkha i mor mag pepethor sĩsidʉm ee phuurkhanaa, put ee pʉrëunaa, ich cabaai gaai athaadëjim anʉm, ich dʉ̈i ãba. Mag arrwia, õor jẽerjem deg ag dʉ̈i sĩeimajim aajem.
25476	LUK 11:2	Magbaawai ichdëu amag magjim aajem: —Pãach Ẽwandamag jëeuwai magbat: “Ẽwandam, pʉʉta maar Aai ʉ̈gthar chiraajemʉu. Pʉch appaita chadcha pekau chukhu chitʉm. Pʉrʉgta marau maach dʉ̈i pʉchdëu ampierr apinaa pʉchta thumaam khʉʉn Pörkhapim khõsi nʉm. [Ʉ̈gtharjã jãg pʉchdëu nem waupi jaau nʉm appai waaujemjö, mʉg jẽb gaaijã thum pʉchdëu jaau simjöta apim khõsi nʉm.]
25480	LUK 11:6	“Kakë, mʉ aig mʉ khapkhʉʉndam barbaichëmʉg nemdam deejujã chukhu chiraawai pʉ aig thachdam jëeu awaan bëejim” aimaawai,
25512	LUK 11:38	Mamʉ mag chi Jesús ëeurrtarr wounau oowai Jesús jua ʉbata thach khöbaadëjim anaabá. Magbaa ich ödegpai, “Waa, idëu maach jöoinau jaaujem khaugbamjö jua sũgbata thach khö chitabaa” ajim anʉm.
25600	LUK 13:13	“Mua pʉ monaaukhim” anaa, i ʉ̈r jua ausĩubarm bʉ̈rre phõ thʉrrkha khajappha oo dʉnʉisijim anaabá, monakkha. Mag ich monaaubapäaiwai onegau Ẽwandamag, “Ẽwandam, ĩsin chadau pua mʉ ʉ̈uta abarm. Pʉjö jua theegkham chan mʉg jẽb gaai chukhum. Ʉ̈u abarmgui” ajim anʉm.
25612	LUK 13:25	Pãrau dubaag ẽkhawiajã ya chi dikhʉ jöoyau phãarbapʉ̈im chan, par pãrau daaugajãrmua, “Señor, maar weeu athá” awiajã, jũrr ierrmua irua pãrag, “¿Pãar jamaam khʉʉnauma? Pãar chan mʉ aiguim khʉʉn khabamgui” aju, warag weeu aubaju aawai.
25631	LUK 14:9	Mag pãachta sie ajapcharam gaai ohoodö nʉm aig, chi jua pʉr chirʉm wounau bëewi pãrag “Phiidʉtkhabat, mʉg sie deeum khʉʉn atheemʉu” aicheewai, eeu dëgölp pãar khĩir naauwia jũrr õor ëugarcha khĩir naa ohoodö aimadukham ajim anʉm, tagam khʉʉn dakhĩir.
25632	LUK 14:10	Magju khãai ãbmua khãijã ich jua pʉr nʉm phiesta ee pãach thʉ̈r aauwai pãachta warm khʉʉn ëugarcharam sie gaai jupbat ajim anaabá. Pãar mam ohoodö nʉm oobaawai, chi jua pʉr chirʉm wounau pãrag, “Keena, jũrr mau na jupbahut” abaawai, chigag chukhu pãachta warm khʉʉn na ohoodö aimaju.
25663	LUK 15:6	Maimua di aig pachëwiajã, ¿khaíuta ich khapkhʉʉn dʉ̈i ich di dakha naajem khʉʉnpa thʉ̈rkhanaa, “Keen, mʉ onee chirʉm, mʉch oveja okhootarrdam oo athaawai” abaju khai?
25666	LUK 15:9	Maimua mag baau athaawai, ¿chijãg ʉʉirauta ich khapeen ich di dakha naajem khʉʉn thʉ̈rkha auwia, “Keena, ĩsin mʉʉn onee ʉm, mʉch phatkhondam okhoo wai ʉarr baau athaawai” abaju khai? ajim anʉm.
25669	LUK 15:12	Khãai ãb chi iewaa chi ẽudeemua ich ayag, “Tata, pʉ meebaadeewai marau jʉ̈aju nem warre magan mʉrʉg mʉch jua ee dee chirbá” ajim anʉm. Magbaawai jöoirau chadcha amag jigbaadëjim aajem, amachpierr.
25678	LUK 15:21	Magbaawai chi chaairau ich ayag, “Tata, chadcha mua Ẽwandam dakhĩir pekau wauwia pʉ dʉ̈ijã khaigba abarmgui ajim anʉm. Mag gaaimua warramjö pua mʉrʉg pʉch chaai aju khaba chirʉm” ajim aajem ich ayag.
25693	LUK 16:4	Maimua ich ödegpai, “Ãa, ya mua khĩirju atham” ajim anʉm, “jãga aju mʉch mʉigmua jʉrbapäaiwai õrau amach deg mʉch öbeerpimkhĩir.”
25697	LUK 16:8	Magbarm khaug athaawai chi patrón jöoirau ich nem aair aba arr woun igwia ich ödegpai, “Jöo, wounan chadcha khĩirjug khaphʉta chirʉma” ajim anʉm. Maimua jũrr ich iek ũr narr khʉʉnagta magjim aajem, ich Jesuu: ’Chadcha Ẽwandam iek ʉ̈khamaaugau amach khõchagpierr wënʉrraajem khʉʉnta Ẽwandam iek ajapha ʉ̈kha khithëem khʉʉn khãyaujã khĩir ubʉcha sĩerrjëemgui ajim anʉm, amach gar õor thereu awaag.
25719	LUK 16:30	Magbaawai chi khĩmie durr simua magjim anʉm: “Ʉ̈ʉ̈, mag khabam jöoi Abrán. Sĩi phã sim gaaipai chan amau ʉ̈khabam. Mamʉ ãb meetarrta deeu am aar öbërimawia amag jaauwimakhiin chadau, warre amau amach khaibag isegjurau” ajim anʉm.
25735	LUK 17:15	Amach mag oobaawai, ãbmua deeu ewag khaphig urumua onee, “Ẽwandam, ĩsin chadau puan mʉ dʉ̈i ʉ̈uta abarm; pʉjö jua theegkham chan mʉg jẽb gaai chukhum” a ijẽjẽbag bëejim aajem, ich appai.
25741	LUK 17:21	Mua nem wau chirʉm gaaimua pãrau khaphʉ aju aai nʉm, Ẽwandam ya pãach ee sim; magua irua ich jua oopi simgui ajim anaabá, chadcha ichta thum ich iek ʉ̈kha nʉm khʉʉn Pörkha sĩeichëm khap amkhĩir. Maagwai õrau mʉʉgwaiwe chan, “Mʉgá, ar nʉrrʉ́,” wa “Achum ar sĩ” abajugui ajim anʉm.
25743	LUK 17:23	Mʉg atag õrau pãachig, “Mʉgá, ar nʉrrʉ́, ya bëejimwai,” wa magbam khai “Achum sim” aawai, oob ʉ̈khawia aar oon wëtmiet ajim aajem. Magua pãachig nem jaauwaijã oob am iek ʉ̈khamiet.
25768	LUK 18:11	Chi ajapcha Moiseeu phã pʉatarr iek ʉʉrkhaajemua bʉ̈jãaupai oo dʉnʉmua, Ẽwandamag jëeu nʉm anʉmta, ichpai thö iekhamamua magmajim aajem: “Ẽwandam, pʉrʉg ʉ̈u ajim a chirʉm, ʉ̈uta jãg mʉ chikhamnaanjö khaba chitʉm. Mʉ amjö nem jĩignemjã khaba, pekau pömjã khaba, ni deeum ʉʉinjã wauba chitʉmgui” ajim anʉm. “Mʉ chan gobiernoog õrau dëbpaar paraa nʉm khʉʉnag jëeujem ar achum simjöjã khaba chitʉm” a iekhamajim anʉm, ichdëupai ich ajaug thöwia.
25769	LUK 18:12	Maimua warag mag jaaupʉ̈pʉ̈igmamua magjim aajem: “Ẽwandam, mʉʉn semanpierr khãai numí thach khöba sʉrkha chiraajem, pʉrʉg jëwaag. Mag nʉm dʉ̈i ĩchab mʉch phatkhondam oopierr ag eem deeb khaba pʉrʉg dee khitaajemgui” ajim anʉm.
25770	LUK 18:13	Maagwai jũrr chi gobiernoog paar nʉm khʉʉnag jëeujemdam ich appai ag warphaa oothẽu khërʉmua agjö Ẽwandamag jëeu sĩejim aajem. Mamʉ maan, jũrr ichdëupaijã ich pekau pöm khitʉm khaphʉ sĩerr aawai, gaai machgau warag eeg ʉ̈thʉnaa pör jõjõikhamuata maagjeejim anʉm Ẽwandamag: “Ẽwandam, mʉch chadcha pekau pöm chitʉm khap, pʉrʉg jëeu chirʉm; mʉ ap chitʉm mʉ eeg oobá” aajeejim anʉm.
25816	LUK 19:16	Magbaawai chi nacha deetarr bëewi, “Rey, cha khërʉm pʉ phatkhondam. Pua mʉrʉg deetarrau jũrr mua ag ʉ̈r diez veces gan aujim” ajim anʉm.
25818	LUK 19:18	Magbaawai ãbmuajã bëewia, irig, “Rey, cha khërʉm pʉ phatkhon” aichëjim anʉm. “Mʉrʉgjã pua dee pʉatarrau cha mua ag ʉ̈r cinco veces gan wai chirʉm” ajim anʉm.
25820	LUK 19:20	Thumaam khʉʉnag mag jëeukha oomam aawai deeum thʉ̈rpʉ̈ijim aajem. Magua paawai bëewia magchëjim anʉm: “Rey, pua mʉrʉg phatkhon deetarr mua sĩi putdam ee pʉrëunaa ãkha khërjim, akhoom ugua. Magtarr aawai cha sim” ajim anʉm “pʉ phatkhondam, ich agpierrpai.
25825	LUK 19:25	Magbaawai chi aig narr khʉʉnau chi reíg, “Rey, mamʉ ya irua nem pöm wai sim. ¿Khanthee tag irig deeju aai sĩ?” ajierram anʉm.
25861	LUK 20:13	Magbaawai ich jöoi chi uvadö ag papau khĩirju sĩi awia, “¿Mua jãga abarkhiina?” ajim anʉm. Mag khĩirju sĩi awia, “Ãa, jãgan mua mʉch iewaa mʉchdëujã chig aba aajemta pʉ̈ijugui” ajim anʉm, “Tale amau mʉ chaai oophöbaadeewai i ögkhawia i chig abaju” awia. Mag chadcha ich chaai pʉ̈ijim aajem.
25970	LUK 22:37	Mua pãrag mag chirʉmʉn, Ẽwandam iek phã sim gaai jaau simjö ya mʉch thõimʉʉ paawaita mag chirʉmgui ajim anʉm. Ẽwandam iek phã sim gaai mʉ igwia jaauwai, “Iin, õor thõomiejöta wai naaju” a sim. Mʉ igwia ich mag phã sim aawai chadcha thum ichdëu jaau sim eyaa öbëbërg maju a jaaumajim aajem.
25994	LUK 22:61	Mag ãthãrr bĩebaawai maach Pör Jesucristoou ewag phʉʉrba oo nʉʉ ajim aajem, Pedroog. Maigta Pedroou khĩir eyaa aadëjim anaabá, maach Pöröu ichig, “Pedro, ãthãrr bĩeju nawe õrau pʉchig jëeuwai biek thãrjup pua bʉ̈ʉrjã mʉ khaugba chitʉm a iekhaju” a jaautarr.
26064	LUK 24:4	Mag amachdëu ooba abaawai, “Keena, ¿jãga abarmta mʉg maadëu oochëba abarma?” anaajim anʉm. Mag nʉm ee oowai, emkhooin numí sĩi khajũa bʉ̈ʉmjö jũa sĩsidʉmta am khĩirphee dʉnʉʉutkhabaichëjim anaabá.
26094	LUK 24:34	Maigjã ũrimaawai amach thumaam khʉʉnau, “Keena, chadchata maach Pörön iiu phiidʉbarmwai; ya Simonagjã ich oopibarm” a jaau nʉmta ũrimajierram anaabá.
26181	JHN 2:17	Irua mag iekhabaawai maar khĩir ee dʉnʉisijim, Ẽwandam iek phã sim gaai, “Ẽwandam, pʉrʉg jëeujem di kõitan mʉʉn nem aneeme chitaawai ag gaaimua mʉʉn õor jua ãwatab khaba ãwatju” a phã sim.
26386	JHN 6:60	Jesuu mag jajawagmam ũrwia õor pöm i ẽudee wënʉrraajerr khʉʉn ee ãaur khʉʉnau, “Keena, mʉg wounan dau lökta nem jaau nʉrrʉm, ¿khaíu i ipierr abarju?” aajeejim.
26409	JHN 7:12	Mag nʉm dʉ̈i ĩchab sĩi bigaaum khʉʉnaujã i igwia, “Jãg wounan ãba nem wajaphampaita wau khitaajem” a iyʉ̈ʉ aawai, jũrr ãaur khʉʉnau, “Ʉ̈ʉ̈, ¿jãga õor wajapham abarju jãg sĩi õor khũgur nʉrraajem?” aajeejim aajem jũrram khʉʉnau.
26438	JHN 7:41	Maagwai ãaur khʉʉnau jũrr, “Keena, jãan warrgarwe ich Ẽwandamau pʉ̈iju aajerr wounauwai” anʉm ee, tagam khʉʉnau, “Ʉ̈ʉ̈, mag khabam; jãg woun chadcha cha jaau nʉmjö warrgarwe ich Ẽwandamau pʉ̈iju jaaujerr akhiin, Galileapierr khabakham” aajeejim.
26518	JHN 9:9	Magbaawai ãaur khʉʉnau, “Chadcha, ichma” anʉm ee, jũrr bigaaum khʉʉnau, “Ãã, jã chan ar khabam, sĩita arjöo simgui” aajeejim aajem. Pari magbaawai amau mag nʉm ee, jũrr ichdëu, “Mʉ ich ar khabahab” aajeejim anʉm.
26664	JHN 12:15	“Sionpien, onee abat. Pãadë oobat: ar pãar Rey sĩi parhoobam khʉʉnjö burrodam gaaita urum” a sim.
26676	JHN 12:27	Maimua mag jaaumamua ĩchab, ’Ĩs chadcha thumaa khĩirjuwia mʉ ökhĩirjug pöoma chirʉmgui ajim, chikhamnau mʉch thõoju dakkha pamaawai. Mag chirab mamʉ am jua ee thõmaaugaujã mua mʉch Ayag, “Tata, mʉ peerdʉ athájã” abamgui ajim, warrjã mag atheeta mʉ bëetarr aawai.
26687	JHN 12:38	Pari mag amau ʉ̈khamapha narran, ich Ẽwandam i jaaumie Isaías khararrau phã pʉarr eyaa öbërmkhĩir ajim. Irua phã pʉarr mʉg ajim: “Señor, parii pʉ iek jaau nʉmjã õrau ʉ̈khamapha ajugui” ajim. “Amau khaug aubajugui” ajim, “mag nem wau nʉm gaaimua puata pʉch jua theeg oopi sim.”
26829	JHN 17:1	Maimua mag jaau dichwia ʉ̈gthaag eerpanaa ich Ayag magjim: “Tata, ya ag ora pabaadëm. Mʉg pʉch ipierraa chirʉm gaaimua chadcha pʉch Iewaakha chirʉm õrag khaphʉ apibá ajim, magbaawai muajã ĩchab pʉchta amag thö iekhapieg.
26863	JHN 18:9	Jesuu mag “Idëu mʉ khapeen wëtpibat” atarran, ag nawe ichdëu maar igwia, “Tata, pʉchdëu mʉ iek ʉ̈khapitarr khʉʉn chan ãbjã okhooba abarm” atarr aawai ajim, maar eem khʉʉn ãbjã chig am ugua.
26952	JHN 20:16	Magbaawai Jesuu ich thʉ̈r gaaichata irig, —María ajim anʉm. Mag ich thʉ̈rcha ich thʉ̈rbaawaita wajapcha deeu ewag phʉʉrbanaa irig ich meúata, “Raboni, pʉchpama” awia, khaug athaawai onegau i gaai pʉrjopbaimajim aajem. Mag Raboni aawai maar judionaan meúa Maestro aawaiu.
27016	ACT 1:24	Mag numí jʉr auwia Ẽwandamag jëeumamua magjierram aajem: “Ẽwandam, pʉchdëuta chadcha õor thumaam khʉʉn thãar khaphʉ chitaawai, marau pʉrʉg jëeu nʉm, marag jaaubá” ajierram anʉm, “mʉg numí nʉm aig chijãata pʉchdëu ig chirʉm agá.
27112	ACT 4:21	Magbaawai chi thethem khʉʉnau sĩi am ajap dakhãunaa chig aba pʉapʉ̈ijierram aajem, õor pöm thʉnʉmuajã warag am kõit iekhamjö Ẽwandamta thö iekha nʉrrjëe thʉnarr aawai. Mag bʉ̈ ãkhãraa khitarr monaautarr paar, thumaam khʉʉnau Ẽwandamag, “Ẽwandam, pʉjöm chan mʉg jẽb gaai chukhumgui” anaajim aajem irig.
27211	ACT 7:26	Maimua agtarr noram deeu dau numí jũrr amach israelnaan appai jãau nʉm ooimajim aajem. Magbaa tag jãaum ugua, khecheu auwi ithũu amag, “Keena, dich meeun appai ¿khantheeta pãar jãagjerrá? Jãg chan ʉ̈u khaba simgui” ajim anʉm.
27217	ACT 7:32	“Moisés, mʉʉta pʉ jöoin warrgarm khʉʉn Ẽwandamaugui” ajim anʉm: “Abrán khararr Ẽwandam, Isá khararr Ẽwandam, maimua Jacob khachitarr Ẽwandam.” Ẽwandamau ichig magbarm ũrbaa Moisés jãphierr ajaugau kha duui thʉnʉmua pöd mag õtdau uu thʉnʉmʉgjã tag oobajim anaabá.
27227	ACT 7:42	Magbaawai Ẽwandamau warran am dʉ̈i sĩerrjã tag amag ooba, warag amachdëu ampierr apibaawai, edaúgjã jëeunaa phĩdagagpa jëeuphöbaadëjim aajem. Amachdëu ag nawe mag nem parhoobamʉg jëeujerr aawaita ich Ẽwandamaucha amag, “Israelnaan, ¿pãar cuarenta años sĩi õor chukag durr pãach ap aajeewai pãrau nemchaain khëchwia mʉrʉgta jëeujeejĩ?” a iekhajim anʉm.
27306	ACT 9:21	Mag irua jaaumam ũrwi thumaam khʉʉn jʉ̈gderraa naajeejim aajem. Mag nʉm iekhau amach wir aigpai jũrr amach khapeenag, “Keena, ¿ich mʉg woun khabajĩ Jerusalén phöbör ee ar Jesuug jëeu durrum khʉʉn dajẽk wai nʉnʉʉu aajerr? Mawaam khʉʉnjã agjö pʉrkhanaa phadnaan chi pörnaan aar preso phë arraan a bëetarrta, ¿jãga ĩs jãg ich paarmua warag am ipierr ich ag iekpai dʉ̈i jaau nʉrrʉ́ma?” aajeejim aajem jũrr amach eepai.
27384	ACT 11:8	Magbaawai mua, “Señor, mua chan mʉg chitʉm aig mʉch erraawe nem parhoobam chan bʉ̈ʉrjã mʉch i ee auba chitʉm. Magʉm jãg maach inaam chará mua khöbamgui” a chirajim, “warrgarwejã maach jöoinau khöpiba jaaujerr aawai.”