23264	MAT 3:3	Mamʌ maan Juanau mag jaau nʌrraju higwiata chi Hẽwandam hi jaaumie Isaías k'ararrau Hẽwandam hiek p'ãawaijã mag p'ãjiebma: “Woun hãb hajappai hõor barba haajem haar sĩejemuata, hich haar hõor barbaimaawai, ‘Maach Pörön ya bëeimʌʌ sim’ ha jaau nʌrraju. ‘Hi bëeju nawe pãach t'ãar k'ĩir k'augbat’ haju, ‘t'ãraucha k'õsi hi hiek hʌ̈k'aag’ ” ha p'ã sim.
23334	MAT 5:31	’Pãrau k'ap'ʌ nʌmgui hajim hanʌm hĩchab, pãar jöoinau jaauwai, “Hãbmua k'ãijã hich hʌʌi pʌagpam k'ai, warre hẽsap gaai ‘Mua pʌ pʌa chirʌm’ ha p'ãnaata hirig deeju haai sim” ha jaaujeejim.
23579	MAT 12:21	Magbaawai durrpierram k'ʌʌnau hi higwia, ‘Jãguata chadcha hʌ̈u maach peerdʌ hauju k'abahab’ hajurau” ha sim Hẽwandamau hich hiek gaai.
23900	MAT 21:5	“Jerusalenpienag jaaubat: ‘Pãrau warrgarwe nʌajerr Reita sĩi parhoobam k'ʌʌnjö k'ĩir machag chuk'u burrodam hagt'a chi jöoicha k'aba k'itʌm gaaita ya pãar haig hurum’ ” ha p'ã sim.
23985	MAT 22:44	¿Pãrau k'augba nʌ, hich Hẽwandamaucha hiek'atarr Daviiu p'ãtarr? Mag hirua p'ãtarr gaai mag sim: “Maach Pör Hẽwandamau mʌ Pörög, ‘Mʌch hiek t'eeg chirʌmjö haag mʌ dʌ̈i hãba mʌ juachaar gar jupbá’ hajim ‘pʌch hoomap'a haajem k'ʌʌn t'um mua pʌch jua hee pʌrk'a dee nʌm hora.’ ”
24119	MAT 25:42	Mag hiek'amamua hĩchab hamag hamach k'ĩircha, “Pãrau chan mʌ jãsöo jẽedʌ k'itaawaijã mʌrʌg t'achdam k'öpibajierram; höbichag k'itʌmjã maachig, ‘Cha k'ërʌm dödam döju k'ai’ habajierram” haju hanʌm hamag.
24287	MRK 1:3	“Mag woun hajappai hõor barba haajem haar sĩejemuata hich haar hõor barbaimaawai pʌ jaaumamua, ‘Ya maach Pör bëeimʌʌ sim’ ha jaaumaju, pʌ higwia. Mag pʌ higmamua, ‘Hi bëeju nawe pãach t'ãar k'ĩir k'augbat’ ha jaaumaju, t'ãraucha k'õsi pʌ hiek hʌ̈k'amk'ĩir.” Magta hajim haajem Hẽwandamau hich Hiewaag, Juan higwia.
24778	MRK 12:36	Hich Daviiuchajã Hẽwandam Hak'arau hichig hiek'apibaawai hich hag Mesías higwiapai “maach Pör” habajieb. Hante hirua p'ã pʌarr gaai mag simgui hajim hanʌm: “Maach Pör Hẽwandamau maach Pörög ‘Mʌch hiek t'eeg chirʌmjö haag mʌ dʌ̈i hãba mʌ juachaar gar jupbá hajim, pʌch hoomap'a haajem k'ʌʌn t'um mua pʌch jua hee pʌrk'a dee nʌm hora.’ ”
25033	LUK 1:71	Hamau jaauwai mag ‘Pʌchdëu pʌ̈ibarmuata maar peerdʌ hauju’ haajeejim, ‘t'um maach hoomap'a haajem k'ʌʌn jua heemua, maimua hĩchab chi dajãumie maach k'ũgurwia pekau hee burrpieg hẽk'a sĩerraajem jua heemuajã hagjö.’ Maagjerr hĩsta hʌ̈u hag hed pabaichëmgui” hajim hanʌm.
25038	LUK 1:76	Mag nacha Mariaau chaai hooju higwia hiek'a dichtarr k'ur jũrr hich chaai higmamuata jöoirau magjim hanʌm: “Hiewaadam, pʌʌta Cha Hʌ̃gt'aa P'uu Nʌm hag hi jaaumie ha t'ʌ̃rju. Puata maach Pör maju hee hi na hõrag, ‘Maach peerdʌajem ya bëeimʌʌ sim’ ha jaaumaju, ya mag jaaubarm hũrwia hõrau hi pierrwai hamach t'ãraucha k'õsi hi hiek hʌ̈k'amk'ĩir;
25098	LUK 3:4	Hi mag nʌrraju higwia warrgarwe Hẽwandam hi jaaumie Isaías ha t'ʌ̃ʌrjerrau mʌg p'ã pʌajim: “Woun hãb hajappai hõor barba haajem haar sĩejemuata hich haar hõor barbaimaawai, ‘Maach Pör ya bëeimʌʌ sim’ haju. ‘Hi bëeju nawe pãach t'ãar k'ĩir k'augbat’ haju, ‘t'ãraucha k'õsi hi hiek hʌ̈k'aag.
25099	LUK 3:5	Pari mag hʌ̈k'aagan pãach k'aibagau pãach t'ãar jãg sĩi durr dapag heem dö k'õrgjö hãk'ãrag sĩsidʌmjã jẽb dau dʌ̈ii paa nʌmjö hajaug paapʌ̈ipetat’ haju. ‘Pãach k'ĩirjug k'ʌd jũjũrk'imjö sĩsidʌmjã k'ʌd k'ajap'a wʌʌinaa bubuchdög dau dʌ̈ii jiirt'ẽubapʌ̈imjö habat’ haju.
25150	LUK 4:18	“Hẽwandamauta mʌ jʌr hautarr haawai hich Hak'aar mʌ gaai p'ẽs wai sim, hap'ʌʌm k'ʌʌnag jãga hichdëu ham peerdʌ hauju ha jaaumk'ĩir. Hirua mʌ pʌ̈itarran, hõor hamach k'aibag hee presonaanjö nʌm k'ʌʌnag, ‘Ya pãar höbërm hiek höbërju haai nʌm’ ha jaaumk'ĩir hajim; dau k'ĩsumjö nʌm k'ʌʌnagjã, ‘Ya pãrau wajap'a hooju haai nʌm’ ha jaaumk'ĩir; chik'amnau dau hap'ʌʌ waaujem k'ʌʌn dau haug k'augwia peerdʌ haumk'ĩir;
25151	LUK 4:19	maimua hõrag, ‘Hĩs chad mʌg jaarta Hẽwandamau pãar dʌ̈i nem hajapcha haju hed barbaichëm’ ha jaaumk'ĩirta mʌ pʌ̈ijim” hajim hanʌm, t'ʌ̃rmamua.
25676	LUK 15:19	‘Mag gaaimua warramjö pua mʌrʌg pʌch chaai haju k'aba sim. Mʌrʌg hiewaa haju k'ãyau sĩi mʌrʌg pʌch piyón habá; mʌ pʌ hat'ee hich mag p'idk'a chitaju’ ha hiek'aimaju” k'ĩirju hat'ajim hanʌm.
25890	LUK 20:42	hich Daviiuchajã hichdëu hẽsap p'ãtarr Salmos hanʌm gaai hi higwi “maach Pör” ha hiek'atarrta? ¿Pãrau k'ĩir hee paba nʌ, Hẽwandamau hich hiek'atarr Daviig p'ãpitarr? Mag hirua p'ãtarr gaai mag sim: “Maach Pör Hẽwandamau magjim maach Pörög: ‘Mʌch hiek t'eeg chirʌmjö haag mʌ dʌ̈i hãba mʌ juachaar gar jupbá hajim,
26278	JHN 4:53	Magbaawai chi hayau hich hödegpai, “Magan mag horata Jesuu mʌrʌg ‘Hoob hatcha k'ĩirjum, pʌ chaai monaaubajup’ ha hiek'ajiebma” hajim haajem. Mag hich chaaidam monaaubapʌ̈im hoobaawai hichdëujã hʌ̈k'anaa hi deg dʌ̈i hãba naajerr k'ʌʌnaujã t'um chadcha Jesuuta Hẽwandam Hiewaa warrgarwe hichdëu pʌ̈iju haajerrau hawia hi hiek hʌ̈k'a nʌisijim haajem.
27278	ACT 8:33	Hi dʌ̈i hamachdëu hampierr hajierram, mamʌ hãbmuajã, ‘Jãan woun hajap'amʌu; hidëu hi k'ajap'a sĩujujã’ habajim. Mag chaai chuk'u k'itʌm t'õopʌ̈itarr haawai, ¿jãga hewag pawijã mag ‘Jãk'ʌʌn hi chaainau’ habarju?” ha p'ã sĩejim haajem. Maata mag wounau t'ʌ̃r jörrajim haajem.
28063	ROM 3:4	Magju habá. T'umaam k'ʌʌn nem sëunem hawiajã hich Hẽwandam chan sëu chuk'u sĩerraawai hichin hiin nem hagchata jaaujem. Maach k'aibag jawaagjã hich mag sĩerrʌm higwi jöoi David k'ararrau Hẽwandam hiek gaai magjim: “Pua hõor k'aibag jaauwaijã hamau, ‘Puan nem hagchata jaaubarm’ haju. Chad k'abam nem hõrau pʌch gaai t'ʌawaijã pʌchdëuta ganab k'aba ganju” ha p'ãjim, “pʌchta hagpierraa chitaawai.”
28333	ROM 12:20	Maimua hagjö, “Pʌch k'a huk'urm woun k'ãijã jãsöo k'itʌm hoowai wajap'a hi jãhogbapʌ̈i; wa höbisi k'ãijã k'itʌm k'ai, k'ũwagdam wa dödam k'ãijã döpibapʌ̈i” ha sim. “Pua mag wajap hich jãhogbapäaiwai hich garmua pʌ dʌ̈i mag sĩerr k'ĩirjuwia, ‘Jãg mʌch dʌ̈i wajap'a hajuuta mua jãgjujã k'ĩirjuba jãg hi k'a huk'ur haajeebma’ hawi k'ĩir naauju” ha sim hĩchab Hẽwandam hiek gaai.
30072	HEB 3:10	Maguata chadcha ham dʌ̈i meeuk'awi, hirua magjim hamag: ‘Pãran sĩi parhooba pãachdëu hampierr ham k'õchgau hok'oota wënʌrrʌm; mamʌ mag nʌm mua nem jaau chirʌm chan waumap'a nʌmgui’ ha hiek'ajim.
30284	HEB 12:5	Mamʌ mag hi dau haug wautarrjöcha k'aba nʌmta, Hẽwandamau hich hiek gaai maach wawí simjã ya pãrau k'ĩir hak'oo wai nʌm. Pãadë hũrbat hichdëucha hich hiek gaai maach wawimamua hiek'atarr hiek. Mag sim: “Hiewaa, muan mʌchdëu k'õsim k'ʌʌnan nem k'aigba haawaijã hajap'ata wawiejem; maimua mʌch chaaink'abaadëm k'ʌʌn gaaijã mas deejem, mʌch dak'ĩir k'aigba haawai. Maagjeewai hiewaa, mua pʌch gaai mas deewai, wa sĩi pʌchig nem hagcha k'ãijã jawaag pʌch dau haug waupiewai, hoob hiseg chitam; pʌch k'aigba habarm paar mua pʌchig meeuk'a hiek'aawaijã hoob warag, ‘Mag pʌchdëu jaau simjö chan mua pödbam’ ha hiek'am” ha sim Hẽwandamau maachig hich hiek p'ã sim gaai.
30860	REV 5:13	Hẽwandam chognaanau mag meuk'aar hau dichdimaawai, hĩchab t'umaa hich Hẽwandamau nem wautarr hedjã hee t'ʌnʌm k'ʌʌnau, mʌg jẽb gayam k'ʌʌnau, k'ëchwia ya jẽb hee nʌm k'ʌʌnau, maimua nem t'um p'ũas hee t'ʌnʌm k'ʌʌnaupa hĩchab hö hãba meuk'arau hʌ̃ʌrbabapʌ̈imjã mua hũrjim. Mag hamau hʌ̃ʌrbapʌ̈itarr meuk'aar mʌg hajim: “Har pörk'au gaai Jöoi jup simʌg maimua Corderodamagjã hagjö hãba pãragpaita mʌg hatag paawaijã hich mag t'umaam k'ʌʌnau jëeunaa hee haju haai nʌm” hajierram. “Pãar wajaugpaita t'umaam k'ʌʌnau t'ö hiek'aju haai nʌm. Magnaa, ‘Pãachta mʌg hatag pawiajã t'umaam k'ʌʌn k'ãaijã hich mag jua t'eeg nʌm’ haju haai nʌm” hahaug majierram meuk'araupai.
31069	REV 18:7	Jãg hichdëupai hich t'öwi parhooba hichdëu k'õchagpierr haajerr paar, hich hagjö hi gaai mas waunaa hi dau haug waupibat” hajim. “Hiruan hichdëupai hich higwi, ‘Mʌʌn mʌiguin rey hʌʌijöta hʌm, mʌ chan k'oopaa hʌʌi k'abam; mʌg hʌrrʌm chan mʌ chan bʌ̃ʌrjã dau hap'ʌʌ hʌrrabaju’ ha hiek'aajem.