23603	MAT 12:45	Jo ewamei gido dodo wosedo ponda mambudo asisi biae mi asisi bebegae nenei 7 awodo budo mando ainda daga atorase bugadira. Edo asisi biae awa biae ra awarate asisi bebegae nenei 7 awa be bebegae be bebegae ra. Edo embo asisi biae uso joda atima isira awa giti da awa biae atima isira te boroko awa biae be biae atira. Emboro eiedo awa embo bebegae boroko atera ainda bugadira.”
23736	MAT 15:34	Setero Iesu ungoda yei sedo gosisira, “Ingoda yei ambe ingari roinge atiri?” Setiri ungoi mina sisera, “Nango da yei ambe ingari 7 edo wo memeia de ra.”
23738	MAT 15:36	Anumbetero Iesu ambe ingari 7 edo wo de awa Mamo da yei ategari ititisira. Ategari itido Iesu mi ambe de wo de awa gavedo memeia edo memeia itido isira awa ambojimbi da itiri ambojimbi mi embo da yei itido isera.
23739	MAT 15:37	Itero embo berari mi indido embo inono be isera. Edo ungoi indido atae etero indari buso doturisera awa ambojimbi mi dada isera edo kandea 7 awodo awa beda isera.
23751	MAT 16:10	Edo ingo kotevita ainda amboda ambe ingari 7 mi embo 4,000 awodo awa nanemi undetena mo gosevita? Edo iji ainde indari buso mi kandea roinge siritavi?
23817	MAT 18:21	Peter mi Iesu da yei bugudo sisira, “Bada embo nei mi naso yei iji berari biae ari mo iji roinge na umo kotembedo doeni? Iji 7 awodo kotembedo doenita?”
23818	MAT 18:22	Setiri Iesu mi mina sisira, “Awodo aera iji 7 aera te ajigari da aera te iji berari kotembedo doio.
23966	MAT 22:25	Boroko imo nangoda ge ingio. Nanonamendi 7 einda atima isera. Edo bego mi aro jimbusira te evetu awa kinapeina ingae. Edo mei bego awa betetiri uso namendi mi namendi da aro rori awa jimbusira awarate sekago evetu awa kinapeina ingae.
24574	MRK 8:5	Setero Iesu ungoda yei nganega isira, “Ambe ingari ingoda yei roinge atiri?” Setiri ungoi mina sisera, “7 awodo atiraeire.”
24578	MRK 8:9	Edo ungo inono etero ambojimbi momono awa dada isera. Edo dada etero indari awa kandea 7 beda isira.
24589	MRK 8:20	Setero Iesu mi nganega isira, “Ingo na ambe 7 awa embo 4,000 da yei ititisena edo iji ainde ingo kandea roinge indari buso mi sirisevi?” Setiri ungoi mina sisera, “Nango kandea 7 awodo sirisera.”
24762	MRK 12:20	Boroko nangoda ge eiawa ingio. Nanonamendi 7 einda atima isera. Edo mei bego aro jimbusira te evetu awa kinapeina ingae.
24764	MRK 12:22	Edo namendi awa daedo bebetisira edo nanonamendi 7 berari da awodo isera. Edo ambo be amboda evetu awa kinapeina bae bebetisira.
24765	MRK 12:23	Awasedo embo bebetegedo era awa wasiri de sekago eradera iji ainde evetu amomo anda aro ri? Edo nanonamendi 7 berari busu einda atise evetu awa dada jimbusera awasedo evetu amomo anda aro eiri?”
24951	MRK 16:9	Sunday sipo be de Iesu erido umo Mary Magdalene asisi bebegae 7 ondetiri bugusera ainda yei giti ujiji etiri gosisira.
25078	LUK 2:36	Edo iji ainde binga sari evetu Anna ainda atima isira. Edo uso mamo Phanuel awa Asher da orobe ra. Anna awa matu be awa iu jimbari rate gaeko 7 atae etiri uso iu awa bebetisira. Betetiri umo rori awodo atise gaeko 84 atae isira. Edo umo evetu ogo isira te umo Jew embomei da tumondebain ari oro awa nanjigo doae iji de ta tumba de awa neta ise edo tumondebain edo isira edo Mamo kera edo isira.
25316	LUK 8:2	Edo Iesu matu asisi bebegae embo evetu nenei da jo da awa ondise edo embo evetu ainda karu awa etiri jebugurisera emboevetu awa daedo Iesu ga mambusera. Edo emboevetu ainda teda awa Mary Magdalene ra. Iesu mi matu asisi bebegae 7 uso jo da atima isera awa ondisira.
25433	LUK 10:1	Amboda Iesu buro embobo seka 70 awodo kataburisira. Edo itiri giti nati berari umo mambadi dipapa ira ainda etoto etoto awodo mambusera.
25449	LUK 10:17	Edo embo 70 Iesu mi itiri mambusera awa asisi bebegae ungoda goroba tuda atisera awasedo jo iaviri de engenembedo Iesu da yei sisera, “Bada nango iso jawo da asisi bebegae ro orase setera iji ainde etera.”
25500	LUK 11:26	Edo awa gido umo mambudo uso asisi bebegae otatao 7 biae umo inge aerate bebegae be bebegae awa budo bugudo daedo ainda atadira. Edo ungo awodo oro embo awa umo matu atima edo isira awodo atadi aerate umo biae be atadira.”
25724	LUK 17:4	Edo iso namendi iji da amimi iso yei wasiri bebegae 7 awodo adira awarate iji berari iso yei bugudo sadira na naso wasiri biae doadena sadira awa iji berari kotembedo doio.”
25877	LUK 20:29	Boroko nangoda ge ingio. Nanonamendi 7 atima isera. Edo namendi bego awa jimbusira te uso aro awa ero ra.
27172	ACT 6:2	Awasedo Iesu da binga atopatari embobo 12 amimi setero Iesu ge be ari embobo dada isera. Edo ungo dada etero Iesu da binga atopatari embobo mi ungoda yei sisera, “Nango God da ge sari doadera amone biae ra awasedo nanonamendi ingodenaso teda embo 7 Asisi Kotopu de edo jiro gari mi beda ari awa eura ewo. Edo awo ingode ganu kando ari buro awa ungoda yei itoro ore.
27176	ACT 6:6	Edo setero embobo 7 awa Iesu da binga atopatari embobo da diti da bugero ungo God manunugedo ingo beo da itido buro eiawa orase ititisera.
27199	ACT 7:14	Awasedo Joseph binga itiri uso mamo Jacob da yei mambusira edo uso orobe ainda ajigari 75 awa budo Egypt busu da bugarase.
27450	ACT 13:19	God mi Canaan busu da embo orobe 7 awa usibesi edo busu awa Israel embobo da yei ititisira.
27668	ACT 19:14	Edo Jew embobo da priest da gitijigari nembodiba uso jawo Sceva da memei 7 amimi awodo edo isera.
27740	ACT 21:8	Edo sipo nei yei awa dodo Caesarea nati da mambusera. Edo ainda bugudo nango Philip da mando da mambudo ainda ungae da atisera. Edo Philip awa embo 7 awodo Jerusalem ainda kataburisera awa ra edo umo awa God da binga ewamei sari embo ra.
27825	ACT 23:23	Edo isoro embobo da gitijigari nembodiba mi setiri uso isoro embo da gitijijigegari etoto awodo uso yei bugero ungoda yei sisira, “Seio isoro embobo 200 awodo edo embo 70 wo horse da tamo da vitido era ainde edo embo 200 gi mi embogo edo gari awa sia edo tumba 9 P.M. awa yei eiawa dore.
27960	ACT 27:37	Edo embo nga ainda joda atisera awa ajigari 276 awodo ra.
28281	ROM 11:4	Edo umo awodo setiri God uso yei mina ro sirira? God uso yei sisira, “Embo 7,000 kotari god jawo Baal awa tumondebain ae era awa nanemi ungo goseno ungo atera.”
30085	HEB 4:4	Edo iji 6 awa atae edo 7 awa ingode jiwari da ajigedo gido era, “Edo iji 6 awa atae etiri God uso buro awa atae edo iji 7 awa umo jango indisira.”
30090	HEB 4:9	Awasedo ingode eiawa be gore. Jango indari God mi uso embo mi borase sisira jango indari amone atira. Edo iji 6 atae etiri God iji 7 da jango indisira da awodo umo ingodenanemi jango indorase dipapa ira.
30269	HEB 11:30	Edo Israel embobo tumonda ari mi Jericho nati da puga ganuma mi edo inda vitari awawa jiroroka jiroroka etero iji 7 atae etiri puga awawa wowosisira.
30572	2PE 2:5	Edo God embo matu be matu atima isera awa jo ae edo ungoda rovi ravi usibesi edo isira. Edo God mi umo nembodiba itiri bojisira edo umo Noah atari ewamei da binga minonu sedo isira ainde edo embo nenei 7 awodo de awa soregurisira te embo nenei busu da atima isera awa wasiri bebegae edo isera umo da indido ambusera.
30769	REV 1:4	Na John mi ge eiawa ingo Iesu gebe ari embobo diti 7 Asia busu berari da ainda jivena. God awa boroko atira. Edo umo iji berari atima ira edo umo matawa atadira. Edo God da gitijigari da anumba da awa asisi ewamei 7 awodo atera.
30776	REV 1:11	Edo na dengoro eno ge javi mi sisira, “Imo ro gadi esa awa jiveio. Edo jivedo gido ove awa itio Iesu gebe ari embobo diti 7 Ephesus nati da, Smyrna nati da, Pergamum nati da, Thyatira nati da, Sardis nati da, Philadelphia nati da edo Laodicea nati da mambare.”
30777	REV 1:12	Edo embo amemi naso yei da ge siri awa gadi sedo na wareregurisena. Edo wareregedo na goriwo esegari rora berari 7 awodo gosisena. Edo goriwo esegari rora 7 awa ganuma mina nembodiba jawo gold mi egari ra.
30778	REV 1:13	Edo goriwo esegari rora 7 ainda soropu da awa embo gari teta God da mei embo isira awa inge derido atisira. Edo bo ribori be ombiri edo wosedo uso tei da dorisira. Edo sini auri gold mi ari awa uso oka da edo tamo da didigurisira.
30781	REV 1:16	Edo umo damana 7 awodo awa uso ingo be mi jijigurisira edo kasiwo teta wo dangoro da di inge awa uso be da ra. Edo uso dombu awa teta waiko beo da edo batitibedo janibedo ira da awodo janiburisira.
30785	REV 1:20	Edo damana 7 naso ingo be da gosesa edo rora goriwo esegari rora gold mi ari 7 gosesa ainda be awa unjugari ra awarate ainda be awa nanemi ujugadena. Damana 7 amone Iesu gebe ari embobo diti 7 ainda gitijijigegari ra. Edo goriwo esegari rora 7 amone Iesu gebe ari embobo diti 7 awa ra.”
30787	REV 2:2	Edo binga Iesu mi sisira eire. “Embo damana 7 uso ingo be mi jigido edo goriwo esegari rora 7 ainda teda tembira amimi ingoda yei sira, ‘Na ingo ro ewowa awawa gari ra. Edo na gosena ingo begogo ae buro nembogamo doae edo ewa awa. Edo na gosena embo bebegae mi ari bebegae eoro ingo mi sedo ewa amone biae ra sedo ewa. Edo embo nenei ungo awa Iesu da binga atopapotegari embobo seoro ingo mi ungo itido gido ungo ge busera awa gido ewa.
30815	REV 3:1	Iesu Keriso mi naso yei da sisira, “Binga nanemi sadi ena awa jiveio. Edo jivedo gido binga awa Iesu gebe ari embobo da gitijigari Sardis nati da ainda atira ainda itio.” Edo binga Iesu mi sisira eire. “Embo God da asisi ewamei 7 de damana 7 de awodo jigido atira embo amimi ingoda yei sira, ‘Na ingo ro ewa awa gosena. Edo na gosena embo mi ingo wasiri de atari sera te ingo awa bebetegari embobo mi atarago ewa.
30841	REV 4:5	Edo gitijigari embo ainda anumba soropu da atisira ainda edo birigi biri jara iri edo binga barara diviri edo javi neinde kainde bugusira. Edo gitijigari da anumba soropu da atisira ainda dombu da awa goriwo 7 awodo benibedo ewuse atisira. Edo goriwo 7 awa God da asisi ewamei 7 awa ra.
30848	REV 5:1	Na ove jiwari rora ruwari embo gitijigari da anumba da anumbedo atisira amimi uso ingo be mi jigido atiri gosisena. Edo ove jiwari rora ainda be etoto awa ove mi beda ari ra. Edo umbaka vibu 7 awodo mi ove jiwari rora awa gajedo gogowo ari ra.
30853	REV 5:6	Edo na gitijigari da anumba de rora wasiri de 4 ainde gitijijigegari embobo 24 gitijigari da anumba jiroroka edo atisera awa gosise edo soropu da wo sheep da mei jawo Lamb awa gosisena. Edo Lamb ungo mi matu dorisera te umo betedo edo wasiri de sekago eririsira. Edo Lamb ainda kopiri da gi awa 7 edo uso dombu da ajigari awa daedo 7 na. Edo Lamb ainda diti 7 awa God da asisi ewamei 7 God mi itiri busu berari da mambusera awa ra.
30897	REV 8:2	Edo iji awa atae etiri na asisi ewamei 7 awodo God da joda dederigedo atero gosisena. Edo na goseno ungo da da puin burisera.
30901	REV 8:6	Edo asisi ewamei 7 puin kumbusera awa ungo puin pusadi sia baia isera.
30932	REV 10:3	Edo umo gogo dimbiri binga barara 7 awodo uso ge mina gogo de sisera.
30933	REV 10:4	Edo ungo ge mina sero na ungo ro sisera awa gaiadi isena te ge javi utu da siri ingisena. Edo na ingeno ge javi mi sisira, “Duberi 7 mi ro setera awa jiwose ta ungoda ge awa unjugari da doio atare.”
30953	REV 11:13	Edo ungo vitero didira nembodiba isira. Edo didira etiri edo nati da oro mando diti nembodiba da awa usibesi etiri edo diti 9 awodo awa atiri edo embo 7,000 awodo bebetisera. Edo awodo etiri embo nenei berari oju mi biae edo ungo God utu da atima ira awa jasiga isera.
30962	REV 12:3	Edo utu da na rora nei na matu gae awa gido duduku be isena. Edo na rora wo ingaba inge nembodiba gosisena. Edo wo ainda tamo da ove awa kokoi edo uso kopiri awa 7 edo kopiri da gi awa 10 edo kopiri dada ainda awa gitijigari embo da gobe ra.
30978	REV 13:1	Edo ditini eno wo nembodiba ewa tuda edo vivitisira. Edo wo nembodiba ainda kopiri da gi awa 10 edo uso kopiri awa 7. Edo gitijigari embo da gobe awa wo ainda kopiri da gi berari 10 ainda dada atisira edo kopiri 7 ainde daedo atisira edo jawo bebegae mi isibari ge bebegae God da jawo da sisera awawa ainda gaisera atira.
31016	REV 15:1	Edo na utu da rora da na matu gae awa gido na kove be isena. Edo anela 7 awodo memesi berari 7 awodo awa jigido edo busu da itoro wosedo embo jiwae be usibesi orase sedo derido sia isera. Edo memesi 7 ambo be ambo awa bugadira awa God da tini gambari awa atae adira.
31021	REV 15:6	Edo asisi ewamei 7 memesi 7 awodo jijigurisera awa God da tumondebain ari oro da edo bugusera. Edo ungo awawa bo seka awawa ombudo edo esi gold mi ari awawa emi tu da didigigedo bugusera.
31022	REV 15:7	Edo ungo bugero rovi ravi wasiri de 4 ainda da mi aga 7 awodo gold mi ari awawa asisi ewamei 7 ainda ititisira. Edo aga ungoda yei ititisira awa God da tini gambari matawa atima ira awara.
31023	REV 15:8	Edo God da tumondebain ari oro joda awa God da goroba de usasa de da umbosi mi beda isira. Edo embo tumondebain ari oro da joda torari awawa inono ae isira. Awarate memesi 7 anela 7 mi kumbudo bugusera memesi 7 awawa atae ari awa iji ainde embo mi tumondebain ari oro da toradera.
31024	REV 16:1	Ge javi nembodiba God da tumondebain ari oro da gogo dimbiri ingisena. Edo ge javi amimi asisi ewamei 7 da yei sisira, “Mambudo God da tini gambari aga 7 da awa jojawo busu da wosare.”
31045	REV 17:1	Edo asisi ewamei 7 aga 7 jigido atisera ainda teda da mi naso yei bugudo sisira, “Puio nanemi inia ge mi nati nembogamo umo jiwae da be da didigurisera ainda riroga kumbadera awa isaga ano gase. Edo nanemi nati eiawa da jawo da ge sadena awa teta evetu wasiri bebegae edo ira ainda ge sarago adena.
31047	REV 17:3	Edo umo awodo sedo Asisi Kotopu naso joda goroba edo gitijijigurise edo asisi ewamei mi na kumbudo yei embo atae da mambusira. Edo umo na kumbudo mambiri edo evetu wo kokoi da tamo da anumbedo atiri gosisena. Edo wo ainda tamo da awa jawo bebegae neinde kainde mi isibari ge bebegae God da jawo da sisera awawa gaisera atisira. Edo wo ainda kopiri awa 7 edo uso kopiri da gi awa 10 awodo.
31051	REV 17:7	Edo asisi ewamei mi na nganega edo sisira, “Imo roedo kove be esi? Nanemi evetu einda inia ge da be de edo wo kopiri 7 de gi 10 de evetu eiawa budo tembira ainda be awa iso yei isaga adena.
31053	REV 17:9	“Edo embo jiro embobo mi ge einda be awa gadera. Edo kopiri 7 awa doriri 7 evetu mi anumbedo atira awa ra. Edo kopiri 7 awa daedo gitijijigegari embobo nembogamo 7 awa ra.
31055	REV 17:11	Edo wo nembodiba matu wasiri de atisira te bebetisira awa gitijijigegari embobo nembogamo 7 ainde da dada ari ungoda ajigari awa 8 adira. Edo wo nembodiba awodo adira awarate uso yei da usibesi ari bugadira.
31131	REV 21:9	Asisi ewamei 7 aga 7 awodo memesi 7 awodo jigido atisera ainda teda asisi ewamei da mi bugudo naso yei sisira, “Puio, Iesu gebe ari embobo Lamb simba era teta evetu mi jimbadi sia edo iu simba arago era awa itano gase.”
31139	REV 21:17	Edo asisi ewamei tega bari rora embo mi ungoda mando da tega kumbudo era awa jingama edo nati gajari rora da tega awa kumbusira. Edo inda vitari da tega awa 72 metres ra.