606	GEN 24:14	Pwen pe yo andre kupwai kiyata hamou pihindrahin kupa, ‘Hiyan para awiri pwendran tam kisa pe kuyin?’ Pe kapa kipa, ‘Hiyan, ayin, pe andre kuhang ndran kiyatahu kamel tam i.’ pwen andre kupahasaniy tehe pihindrahin ara ko anpwaingni yiy para kiyata yau tam, Yisak. Iya lohongai ara ko, ayinganiy tehe koyum ara isikirani namandran to, Apraham.”
634	GEN 24:42	Pwen lang nepo usarayah usa ndrikou yoro, pe utohun upa, ‘YAPAN, Ngindrai ta yapane Apraham, wou ambusi mbulen to kirayah hiyan.
638	GEN 24:46	Pwen pe yiy ileheleh para kisoli pwendran iro pwesen isa pwan pe ipa, ‘Ayin, pe yo andre kumwe ndran kiyatahu kamel tam i.’ Pwen uyin pe yiy iyuk iyatahu kamel ato yi.
949	GEN 32:21	Pe wawu andre kapwai kapa, ‘Ehe, ndramat para pwandrendres tam, Yakop, ara ita mulan.’ ” Yakop ipa tehen toro, paratesah, iro lohonge pe ipa, “Lohongai para yukyuk to nakimu, ara para kurambumbuni nali kaliy, pe kamulan kunime yiy, ara matisan koyun kisikirani yo.”
1286	GEN 42:33	Pwen pe ndramat namandran ara ipwai ipa, ‘Kiya, kapa wawu tora pwai ndrokonan, pwen hamou ta wawu ara andre kiro. Pe wawu masih ara akakun mbuwa youyou pe wawu kayau kaya kili hu ta wawu mepo hu kontora mundrui.
1298	GEN 43:7	Yihu pwai iya kili yiy hupa, “Pe ndramat ara isok yowu soyon iya, ipa ‘Kiya, tama wawu imirandron? Pe nali wawu hamou ita ndron?’ Yiy isok yowu toro pe yowu somwi yiy o. Yowu ara, kanpahasani pwi tehe yiy andre kipa, ‘Wawu kawiri nali wawu kisa.’ ”
1345	GEN 44:20	Pe yowu pa, ‘Ehe, tama yowu ara kinna parangoloh. Pe yiy kinna parangoloh pwen pe iyki nali yowu hamou kopwan. Yiy kopwan ara iyera, pe nalin hamou ara kinmat; tina hilu ara hamou o. Pe taman ara inamili yiy namandran iya.’
1368	GEN 45:9	Mahapo akahalleh kaya kili tomo pe akapwai katan toro: ‘Yo, norum Yosep, uiki nongan iye isa kili wou: Ngindrai imbusi yo urayah yapane kol namandran Yisip. Pe mbuna alonge, wou ahaleh asa kili yo.
1524	GEN 50:17	Pe yiy ipwai isatowu para kaiki nongan iye kisa kili wou: ‘Yosep, upwai satam para atali hu pakut pe kultuw mwomwan namandran mepo yihu mbusiy isa kili wou.’ Mahapo yowu ndramira Ngindrai ta tama worou, ara yowu sikei para atali hu pakut mwomwan mepo yowu kanmbusiy kinsa kili wou.” Pe Yosep ihilingi nongna nalin hu pe iyerang o.
23406	MAT 7:21	Wawu mbuna akapa ndre hu mepo hu ngara kayoh yo: ‘Yapan, Yapan,’ ara andre hu kasong kaya kolo king para kol paingan yang. Pwi yoh! Hapeko hu ndramat mepo ngara hu koro ndruwa namiliwa Tomo ita kol paingan yang, ara yihu kopu andre kasong kaya aliy.
23407	MAT 7:22	Pwen kiro mwonen lenge tamwaniye, hu ndramat soyon, ara andre hu kapwai, kapa toro: ‘Yapan, Yapan, iyau ngalam, yowu wong tehe hu poropet; pe iyau ngalam, yowu rapiyani hu payit; pe iyau ngalam, yowu mbusi hu ndraikiya pwoke soyon.’
23545	MAT 11:17	‘Yowu, yowu ra ndramiya wawu, hapeko mbuwali wawu ndraniyai; yowu pwandreundreu, hapeko mbuwali wawu para akarang mali wawu.’
23635	MAT 13:27	Pwen hu ndramat para poya mbulya mbukena piyang, ara huya kili yiy, pe hupa, ‘Namandran, wou apiye hu peke wit hiyan opu iya pingem, ndre? Pwen paratapeh pe hu ndromwindriu aripo, ara hu topo lek iye?’
23868	MAT 20:7	Pe husomwi yiy, hupa, ‘Paratesah, hamou kinsa sok yowu para kayapo mbulen pwi.’ Pwen ipwai iya kili hu, ipa, ‘Kiya, wawu yi, akayapo mbulen kaya pinge wain to.’
23874	MAT 20:13	Pe isomwi hamou tahu, ipa, ‘Kowase, yo kunpakarawani wawu pwi. Talu pa hiyan para apo mbulen, pe kusowani wou kiya kenne ndramat para lang sih sesek, ndre?
23900	MAT 21:5	“Akapwai kiya kili hu ndramat para kol namandran Sayon, akapa, ‘Akanimei, King tawawu itapo isa, nakisa kili wawu. Kultuwayin waison, pe itampwan ndrita tongkiy hamou, ita ngaplani noru tongkiy hamou.’ ”
23908	MAT 21:13	Pwen pe ipwai iya kili hu, ipa, “Pwayan kinpwai tehe, ‘Suwe, ara hu ngara kapohowei yumwa totohun.’ Hapeko wawu kanmbusiy kintayah ndrohona kokohon tahu ndramat para pahana.”
23923	MAT 21:28	“Wawu lohongani tapeh? Ndramat hamou iyen, pe manorun kamai malmou. Pwen iya kili hamou na, pe ipwai iya kili yiy, ipa, ‘Noru, lang nepo, ayapo mbulen aya pinge wain.’
23925	MAT 21:30	Pwen ndramat ara, iya kili norun hamou i, pe ipwai tehen aliy opu iya kili yiy. Pe norun isomwiy, ipa, ‘Ehe, Tomo, andre kuya,’ hapeko kinna pwi.
23953	MAT 22:12	Pwen isok, ipa, ‘Kowase, paratapeh asa nondriyan iye, pe ansuluye wou kinna koiwe yesou pwi?’ Pe ndramat ara inun o iro.
24097	MAT 25:20	Pwen ndramat mepo kinwiri singayai mapuyimingui ara, ara isaikiy iyapolo mapuyimingui mepo ipo suran ara, pe ipa, ‘Namandran, animei na! Wou aiki mapuyimingui isa nimo, pe uyapo mbulen iya aliy, pe uposuran irayah mapuyimingui yi.’
24099	MAT 25:22	Pwen ndramat mepo iwiri singayai mapulungui ara isa yi, pe ipa toro: ‘Namandran, animei na! Wou aiki mapulungui isa nimo, pe uyapo mbulen iya aliy, pe uposuran irayah mapulungui yi.’
24101	MAT 25:24	Pwen ndramat mepo iwiri singayai mapusongui ara, ara isa, pe ipa, ‘Namandran, upahasaniy tehe wou ara ndramat hamou ngandrahan, mepo ngara ayapo anandrinai mepo anhohas pwi. Pe wou ngara ayambultani peke anandrinai mepo anhopiye pwi.
24114	MAT 25:37	Pwen hu ndramat hu mwonen, ara andre hu kasomwi yiy, hu kapa, ‘Yapan, yowu nime wou amundrui, pe yowu hang wou anandrinai, kahaleh? Ndre koyum isapak, pe yowu hang wou hapesah para ayin, kahaleh?
24121	MAT 25:44	Pe andre hu kasomwi yiy, hu kapa, ‘Yapan, yowu nime wou amundrui, ndre koyum isapak, ndre wou lah hamou, ndre androisi koyau, ndre amwa, ndre aro nondriya kou, pe yowu kansopwat wou pwi, kahaleh?’
24338	MRK 2:9	Sehe nongan, ara waison para kupwai kiya kili ndramat sangin imat? Ara waison para kupa, ‘Kuntali hu pakut mwomwan tam,’ ndre kupa, ‘Atine, awiri nokum pe arakai’?
24726	MRK 11:17	Pwen ipwahanou hu, pe ipa, “Nongna Ngindrai mepo hu kantatuluwiy, ara pwayan ipa toro, ndre? Ngindrai ipa, ‘Suwe, ara andre kapohowei tehe yumwa totohun tahu ndramat masih para kol pwan masih, para hu katohun kisa kili yo.’ Hapeko wawu kanmbusiy kintayah ndrohona kokohon tahu ndramat para pahana.”
25155	LUK 4:23	Pwen Yesu ipwai iya kili hu, ipa, “Matisan wawu pakatiyani paya nongan sahin iye kisa kili yo: ‘Ndrokta, asopwoyani wou mbukenam!’ Tesah mepo anmbusiy pwen iro Kapernawum, ara ambusiy tehen aliy opu kiro kolom imwonen iye.
25261	LUK 6:46	Paratapeh pe wawu ngara kayoh yo, ‘Yapan, Yapan,’ hapeko wawu konho ndruwa nongno pwi?
25291	LUK 7:27	Pwayan hu kantatuluwiy mepo itiyani yiy ara iye: ‘Animei, yo andre kupwandrisa ndramat para sapiya nongan to kiho mu kili wou, pe andre kiho mu kili wou, pe andre kiramwaniyani meresayam.’
25296	LUK 7:32	Yihu tehe hu mbunah ngara hu kampwan ndroho pehei pe hutora yoh iya kili hu hamou-hamou toro: ‘Yowu, yowu ra ndramiya wawu, hapeko wawu mbuwali wawu ndraniyai; yowu pwandreundreu, hapeko mbuwali wawu para karang mali wawu.’
25476	LUK 11:2	Pwen ipwai iya kili hu, ipa, “Kapa wawu nakatohun, ara wawu kapa: ‘Tomo, ngalam ara haiyan. Kultuwayi kolo king tam kisa.
25479	LUK 11:5	Pwen ipwai iya kili hu, ipa, “Kapa hamou tawawu ara makowasen, pe kiho ndrokolo put kiya kili hamou, pe kipa, ‘Kowase, aiki ndrinanohun matipai kisa kili yo;
25595	LUK 13:8	Pwen ndramat ara isomwi yiy, ipa, ‘Namandran, aikiy kihou hayou sih na, pe andre kuro talon pwan kurakayani ndroiyin, pe kurorahun ndre tutut kiya aliy.
25612	LUK 13:25	Kapa mbukena seu kitine pe kiwari papai, pwen andre wawu koro tine ngawan pe akaralikiri papai, pe andre arakamam pe andre akapa, ‘Namandran, atipe papai kili yowu.’ Hapeko andre kisomwi wawu, kipa, ‘Yo ukowu tawawu, pe tono hapeleheh wawu yau aliy wawu sa pwi.’
25632	LUK 14:10	Hapeko kapa hu kanpwanos wou para asa namnam, ara aya pire ndrohonokum aya ndruwan masih. Pwen kapa mbukena kowase yesou kisa, ara andre kipwai kisa kili wou, kipa, ‘Kowase, atali ndrohonoku mipwan tam ara, pe asa pe aya wiri ndrohonoku mipwan tam hiyan hira mu.’ Pwen andre kihaiyani wou kiro mbulmara hu ndramat masih ipwanos hu, pe husa ara.
25639	LUK 14:17	Pwen isa rahihini lang para yon, pwen ipwandrisa ndramat para poya mbulyan, para kiya pwai kiya kili hu ndramat mepo kinpwanos hu pwen para hu kasa ara, ara kipa, ‘Akasa, melit masih kinmwoimwoi pwen iripo.’
25644	LUK 14:22	Pwen ndramat para poya mbulyan ipa, ‘Namandran, tesah anpwandrandrahani yo kinna aliy, ara kunmbusiy, hapeko honga nondriya seu, ara iripo ndron.’
25669	LUK 15:12	Pwen norun kopwan, ara ipwai iya kili taman, ipa, ‘Tomo, ataingani menmenam, pe ato haroh, ara unamiliy para aikiy kisa kili yo.’ Pwen pe itainganiy mwalinga hilu.
25678	LUK 15:21	Pe norun kamai ipwai iya kili yiy, ipa, ‘Tomo, yo ara umbusi pakut mwomwan iya kili Ngindrai pe isa kili wou i. Pwen kinna hiyan para apohowe yo tehe norum pwi.’
25688	LUK 15:31	Pe taman ipa, ‘Noru, wou ara aripo sura yo lang masih, pe hu melto masih kene, ara atam!
25696	LUK 16:7	Pwen isok yiy mepo iho ndruwan ara, ipa, ‘Wou, nahanah tam masahayeh?’ Pe ipa, ‘Nopwaran para nahanah to, ara tehe wit mandropwa sangat.’ Pe ipwai iya kili yiy, ipa, ‘Ahaleh pe ayampwan, pe awiri pepa mepo hu kanratuluwi nongan para nahanah tam ita aliy, pe aratuluwi nahanah tam kiya mandrolngui opu.’
25714	LUK 16:25	Hapeko Apraham ipwai iya kili yiy, ipa, ‘Noru, alohongani mipwan tam kinna, ma aro ndron mwalen, ara awiri hu melit tam hiyan opu; hapeko Lasarus, ara iwiri hu melit tan mwomwan opu. Hapeko mahapo, yiy ara iripo mwoimwoi iye, pe wou ata nondriya ngandran namandran.
25768	LUK 18:11	Parisiy aro, itine pe iro tohun iyatan mbukenan, ipa toro: ‘Ngindrai, yo urawuloh tehe yo ara tehe hu ndramat hayah pwi. Yihu ngara kapahana, pe karandroindroi, pe kapo pilah. Hapeko yo, ara pwi! Pe yo tehe ndramat para poya takis aro pwi yi.
25770	LUK 18:13	Hapeko ndramat para poya takis ara iro tine mwanan hape. Yiy mbuwalin para maran kitandras kiya kol paingan yang. Hapeko iti wiyineren, pe ipa, ‘Ngindrai, koyum kisikirani yo. Yo ndramat pakut to mwomwan.’
25816	LUK 19:16	Pwen ndramat hamou imu isa, pe ipa, ‘Yapane, yo uwiri sombule pat masongui, pwen kunpo suran pe kintayah tehe masongui yi.’
25818	LUK 19:18	Pe hamou i iro mulan isa, pe ipa, ‘Yapane, yo uwiri sombule pat masongui, pe kunpo suran pe kintayah tehe mayimbut i.’
25820	LUK 19:20	Pwen pe ndramat hamou i para poya mbulyan isa, pe ipa, ‘Yapane, singayai tam iye; kunkulaniy kinna koyau hasai pe iripo mwonen.
25825	LUK 19:25	Hapeko yihu pwai, hupa, ‘Yapan, yiy ara, atan malungui pwen!’
25846	LUK 19:46	Pe ipwai iya kili hu, ipa, “Pwayan kinpwai pwen, kinpa, ‘Suwe, ara yumwa totohun.’ Hapeko wawu kanmbusiy kintayah ndrohona kokohon tahu ndramat para pahana.”
27211	ACT 7:26	Pwen iya lang sih i, yiy isarayah pe inime hilu Yisrayel malmou hiluro tamate hilu. Pwen ihinonou para kiramwanye hilu. Pwen ipa, ‘Malmou, walu, ara walu nali walu aro, paratapeh pe walu tora tamate walu?’
27359	ACT 10:31	Pe ipwai isa kili yo, ipa, ‘Korneliyus, Ngindrai ara kinhilingi totohun tam, pe ita lohongani hu yukyuk tam kinna kili hu ndramat mepo hundroisiy.
27384	ACT 11:8	Pe usomwiy, upa, ‘Yapan, pwi yoh! Handra melit nonombun ndre pwalan iya mbulmaram, ara kinhopo kinna poho pwi masih.’
27780	ACT 22:8	Pe usomwi yiy, upa, ‘Yapan, wou hiyeh?’ Pe ipa, ‘Yo ara Yesu para Nasaret mepo ata tandroyani yo.’
27782	ACT 22:10	Yo usok, upa, ‘Yapan, yo nakumbusi tesah?’ Pe Yapan ipwai isa kili yo, ipa, ‘Atine, pe aya nondriya kol Tamaskus. Aya aro, pe hamou andre kipwai kisa kili wou kiya sehe melit yo kuntakinimam pwen para nambusiy.’
27785	ACT 22:13	Yiy isa pe iro tine ngilse pe ipwai isa kili yo, ipa, ‘Sol, nali, maram kitandras!’ Pwen o, iro mwonen ariya ko, moro itandras o unime yiy.
27791	ACT 22:19	Pwen usomwi yiy, upa, ‘Yapan, yihu ndramat aripo ara hupahasaniy tehe yo ara ngara kuya payumwa totohun hawum kiya hawum, para kumbultuwe hu ndramat hupwotisingi lohongahu isa kili wou, pe ngara kuiki hu kaya kou pe kamwiri hu.
27793	ACT 22:21	Pwen Yapan ipwai isa kili yo, ipa, ‘Aya, andre kupwandrisa wou aya mwanan-mwanan iya, kili hu Ndramira Lah.’ ”
27906	ACT 26:15	Pwen usok, upa, ‘Yapan, wou hiyeh?’ Pe ipwai isa kili yo, ipa, ‘Yo ara Yesu mepo ata tandroyani yo.
27947	ACT 27:24	Pe ipwai, ipa, ‘Pol, mbuna anoh! Wou andre aro tine nongan mbulmara Sisar. Pe animei, Ngindrai kiniyki mwoiwahu masih mepo topo sura wou nondriya ndroi iye, ara andre hu koro hiyan.’