59	GEN 3:3	hapeko Ngindrai kinpwai kinsa kili youlu kinpa, ‘Kei hakou opu, iripo ndrokolo piyang, ara nonombun para walu kayan mbuwan ndre kambultuwei; kapa walu kambusiy tehen tora, andre walu kamat.’ ”
311	GEN 12:12	Mahapo kapa takayarayah kaya Yisip, andre hu ndramat para Yisip kanime wou, pe hu kapa, ‘Pihin hira nambuyu Apram.’ Pwen pe andre hu karayi yo kumat pe wou ayen.
360	GEN 14:23	tehe, yo andre kunpo handra meltam pwi masih. Matisan kamulan apa, ‘Yo ko umbusi Apram pe iya ndramat hamou namandran pe meltan soyon!’
438	GEN 18:13	Pwen YAPAN isike Apraham ipa, “Paratapeh Sarah ihai pe ipa, ‘Yo andre kupo mbunah tapeh, mepo yo kunna pihi parangoloh pwen?’
509	GEN 20:13	Tandrohonga Ngindrai iyoh yo pe utali wum ta tomo pe hu yowe, ara upwai iyata Sarah upa, ‘Kapa talu kaya kol hakol-hakol, ara ayoh yo wayim. Pwen lohongai ara andre kiyinganiy tehe wou ara anamili yo namandran iya.’ ”
521	GEN 21:7	Pwen Sarah ipwai porosih i ipa, “Koluw hiyeh ilahiy para kipwai kiyata Apraham toro: ‘Pihin tam Sarah ara andre kimwalahiy kiyata mbunah hamou, pe kiyuk sus kiyatan?’ Apraham kinna parangoloh pwen, hapeko yo umwalahiy iyata norun hamou kamai.”
564	GEN 22:16	“YAPAN ipwai ipa, ‘Yo mbukeno urandragan iya ngolo, toro: wou nerem kinnata norum pwi, pe apaiki yiy masih kisa kili yo;
606	GEN 24:14	Pwen pe yo andre kupwai kiyata hamou pihindrahin kupa, ‘Hiyan para awiri pwendran tam kisa pe kuyin?’ Pe kapa kipa, ‘Hiyan, ayin, pe andre kuhang ndran kiyatahu kamel tam i.’ pwen andre kupahasaniy tehe pihindrahin ara ko anpwaingni yiy para kiyata yau tam, Yisak. Iya lohongai ara ko, ayinganiy tehe koyum ara isikirani namandran to, Apraham.”
629	GEN 24:37	Pwen yapane iyki nongan pwokeyan sato toro: ipa, ‘Mahapo uropo kol Kenaan, hapeko mbuna akah hamou pihi Kenaan kiya nambuyu noru, pwi yoh!
631	GEN 24:39	Pwen pe upwai iya kili yapane upa, ‘Kapa pihindrahin ara mbuwalin para kisapolo yo, pwen andre tehen tapeh?’
632	GEN 24:40	Pe yiy isomwiy ipa ‘Yo ara ndramira YAPAN pe ngara kuhulingi nongnan. Pwen pe yiy andre kipwandrisa angelou tan kiyapolo wou para kimbusi mbulyam kirayah hiyan. Pe wou andre awiri nambuyu noru kamai kiro kili yowe tomo hu.
637	GEN 24:45	Pe yo uro totohun manau, pe Repekah isarayah. Yiy ikuni pwisindran iro pwesen pe isapwen iyamwe ndran iya ndrikou. Pe yo upwai iyatan upa, ‘Hiyan para hape ndran ita pwendran tam kisa pe kuyin?’
639	GEN 24:47	Pe yo usike yiy, ‘Wou noru hiyeh?’ Pwen pe yiy ipwai ipa, ‘Tomo ara Petuwel, yiy noru Nahor pe Milkah.’ Pwen pe yo uiki soyou iya ndrohongun pe mbunahai iya mbunahan.
735	GEN 27:7	‘Awiri hamou yohou pe aruwaniy kiyapolo hayah anandrinai pe awiriy kisa kili yo. Andre yo kuiniy kihipwen, pwen andre yo kuiki lomwes to kisa kili wou kiya mara YAPAN; kiyamulan andre kumat.’”
903	GEN 31:29	Yo uhungoruwe pwoke to ara ilahiy para kumbusi mwomwan kisa kili wou. Hapeko pinge ping Ngindrai ta tamam ipwai isa kili yo ipa, ‘Mbuna apa hapesah hiyan ndre mwomwan kiya kili Yakop.’
933	GEN 32:5	Pwen ipwai iya kili hu ipa, “Iye ara nongno para akaya pwai kiyata yapane Esau. Akapa toro: ‘Yo Yakop, pwandrendres tam. Uro sura Lapan ipoo iya matne mahapo, pe nakumui kusa ara.
938	GEN 32:10	Pwen Yakop itohun pe ipa, “O Ngindrai ta tumbu Apraham pe tomo Yisak, wou YAPAN mepo apwai sato apa, ‘Amui aya kolom pe yowem hu pe andre kumbusi hiyan satam;’
941	GEN 32:13	Wou alohongani tapaniu tam hiyan mepo anpwai pwen kinsa kili yo: ‘Pe ndrayem hu kamulan ara andre kasarayah soyon iya, tehe kalayeng ita poholeng.’ ”
946	GEN 32:18	Pe Yakop ipwandrandrahaniy iya kili ndramat para poya mbulyan iye mu ipa, “Kapa nali Esau kipohonani wou pe kipa, ‘Wou ara ndramat para pwandrendres ta hiyeh? Pe wou nayaleheh? Yihu kan masih huyera mu ara ata hiyeh?’–
947	GEN 32:19	pwen, kapa kisike wou, apwai kiya kili yiy toro, apa, ‘Yihu kan masih kene ara ata pwandrendres tam Yakop. Yiy ita mulan, pe iyki hu satam tehe yukyuk.’ ”
1101	GEN 37:17	Pe ndramat ara ipwai iyatan ipa, “Yihu kantali kol aripo. Uhulingi huro wong hupa, ‘Tukaya kol Totan.’ ” Pwen Yosep iho ndruwa nalin hu pe iya nime hu huro kol Totan.
1142	GEN 38:22	Pwen Hirah imui iya kili Yutah pe ipa, “Yo ara kunnime yiy pwi. Pe usok hu ndramira Enayim pe hupa, ‘Hamou pihin tehen tora kinto aripo pwi.’ ”
1283	GEN 42:30	Hupa, “Tomo, ndramat imu iya pohon tahu Yisip ara, iwong pwokeyan iya isa kili yowu ipa, ‘Wawu ndra pakasa tandrihindrih kasa kolo yowu?’
1284	GEN 42:31	Pe yowu pa, ‘Yowu ara ndramat para tandrihindrih pwi yoh, yowu ara ndramat para nongan ndrokonan o.
1296	GEN 43:5	Hapeko kapa aniyki yiy kinsa sura yowu pwi, ara andre yowu kanna pwi, paratesah, ndramat ara ipwai isa kili yowu ipa, ‘Kapa nali wawu kinsa sura wawu pwi, pwen andre kunnime wawu pwi.’ ”
1298	GEN 43:7	Yihu pwai iya kili yiy hupa, “Pe ndramat ara isok yowu soyon iya, ipa ‘Kiya, tama wawu imirandron? Pe nali wawu hamou ita ndron?’ Yiy isok yowu toro pe yowu somwi yiy o. Yowu ara, kanpahasani pwi tehe yiy andre kipa, ‘Wawu kawiri nali wawu kisa.’ ”
1329	GEN 44:4	Pwen nalin hu ara hutali kol namandran pe hu kanna mwanan mapwi, pe Yosep ipwai iyata ndramat imu para pohombulen ipa, “Atine pe ahaleh aro ndruwa hu ndramat ara. Ayarayah aya kili hu, pe asike hu toro: ‘Yowu kanmbusi hiyan kinsa kili wawu, pe paratesah wawu mbusi kultuw ara isa kili yowu?
1344	GEN 44:19	Yapane, koluw wou asike yowu tehe toro: ‘Wawu ma tama wawu pe ma nali wawu ndre pwi?’
1348	GEN 44:23	Hapeko wou apwai isa kili yowu apa, ‘Kapa nali wawu kinsa sura wawu pwi, pwen andre wawu kanlahiy para kasa mbulmoro iye pwi.’
1351	GEN 44:26	Pe yowu pwai yatan yowu pa, ‘Kapa nali yowu kopwan ara kinto sura yowu pwi, pwen yowu kanlahiy para kanna pwi. Kinlahiy para yowu kayarayah kaya mbulmara ndramat namandran ara pwi, kipoo yowu kaya kapolo nali yowu kopwan.’
1352	GEN 44:27	Pe tama yowu, ndramat para pwandrendres tam, ara ipwai isa kili yowu ipa, ‘Wawu pahasani tehe nambuyu imwalahiy iyata noru kamai malmou opu.
1357	GEN 44:32	Yo ara upwatisingiy iya kili tomo tehe andre kuro pwokarani kopwan pe kuwiri yiy kimui kiya kili yiy. Pe yo upa, ‘Kapa yo kunwiri yiy kimui pwi, pwen andre momwan ara kiro ndrito lang masih.’
1376	GEN 45:17	Pe king ipwai iyata Yosep ipa, “Aya pe apwai kiyata nalim hu toro: ‘Wawu kamwaniyani wawu kapolo hu tongkiy, pe akamui kaya kol Kenaan.
1418	GEN 46:31	Pwen Yosep ipwai iyata nalin hu pe hu para wum ta taman masih ipa, “Mahapoko andre kuya pe kupwai kiyata King tahu Yisip kupa, ‘Tomo pe nali hu ara hu kantali Kenaan pe hu masih kansarayah kansa kili yo topwei.
1421	GEN 46:34	pwen wawu kapwai kapa, ‘Yapane yowu, yowu ara ndramat para kapwokerani hu sipsip pe hu mbulmwakau. Yowu ngara kambusi mbulen tehen toro mambunah towu ipoo isa mannen mahapo; paratesah, tama yowuhu koluw ngara hu kambusiy tehen aliy.’ Kapa wawu kapwai kiyata king toro, pwen andre kiyki wawu kampwan kol mendreheh Kosen, paratesah, hu ndramat para Yisip ara mbuwalihu para hu kanime hu ndramat para pwokereya hu sipsip.”
1456	GEN 48:4	pe ipwai sato ipa, ‘Yo andre kuiki norum hu karayah soyon, pe ndromweya ndraye norum hu ara andre kisahon soyo-soyon iya. Pe andre kuiki pwan iye kiya kili ndrayem hu pe andre kiro pwanehu lang masih.’
1472	GEN 48:20	Iyki lomwes iya kili hilu lang ara, pe ipa, “Yo Yisrayel andre kupwai mahapo, pe kiyamulan kapa hiyeh nakiyki lomwes kiyata hamou andre kipwai tehen toro: ‘Ngindrai andre kimbusi wou asarayah tehe Eprayim hilu Manasseh.’ ” Iya lohonge tehen tora pe Yakop iyki Eprayim ara isa mu iya kili Manasseh.
1512	GEN 50:5	‘Tomo kinmat mapu, pe ipwatisingi nongnan pwokeyan isato ipa, “Kapa kumat andre kakuni nombuwe pe kaya roni yo kuya ngare imwonen, mepo kunmbusiy pwen ita pwan para Kenaan.” Pwen pe kapa welem kiso to, nakuya roni tomo; kihipwen, kamulan andre kumui.’ ”
23244	MAT 2:6	‘Wawu ndramira Petlehem, tora pwan para Yutah, wawu, mbuna akapa ndre ngala wawu pwi ita mwalinga hu kol para Yutah, paratesah, andre pohon hamou kiyau kili wawu, pe yiy andre kipwokarani ndramiro hu para Yisrayel.’ ”
23264	MAT 3:3	Yohanes, ara yiy ndramat mepo poropet Yisayah kinwong pwen kinna tan toro: “Ngasa mbulukoyu hamou ita yoh iyau kol ndrohoyin, ita pa, ‘Karamwaniyani saya Yapan, pe kasani meresayan kiro mwonen.’ ”
23270	MAT 3:9	Pe wawu mbuna akahaterena wawu pe akapa, ‘Apraham ara tumbu yowu.’ Yo upwai isa kili wawu tehe, iyau kili hu pat aripo, Ngindrai ilahiy para kimbusi hu karayah hu tumbu Apraham.
23282	MAT 4:4	Hapeko Yesu isomwi yiy, ipa, “Pwayan kinpwai pwen kinna, ara ipa toro: ‘Taleh ta ndramat andre kinyau anandrinai o, ara pwi, hapeko ngara kawiri taleh kiya hu nongna Ngindrai masih mepo ngara kiyau pohon.’ ”
23284	MAT 4:6	Pwen ipwai iya kili yiy, ipa, “Kapa wou Noru Ngindrai ndrokonan, pwen apiyani wou aya pwan. Paratesah, pwayan kinpwai pwen toro: ‘Yiy andre kipwandrandrahani hu angelou tan, pe andre hu kasopwari wou kiho nima hu, pwen pe andre antuwani ndrikam kinna pat sih pwi yoh.’”
23285	MAT 4:7	Yesu isomwi yiy, ipa, “Pwayan handra yi, ara ipa toro: ‘Wou mbuna anohonou Yapan, Ngindrai atam.’”
23288	MAT 4:10	Pwen Yesu ipwai iya kili yiy, ipa, “Sinai! Aya mawen kili yo! Paratesah pwayan, ara kinpwai pwen toro: ‘Atohun kiya kili Yapan Ngindrai atam, pe aro pahandra yiy hamou opu.’”
23324	MAT 5:21	Wawu kanhilingiy tehe nongan para pwahanou kinpwai pwen kinna kili hu tumbu wawu hu koluw kinna, ipa toro: ‘Mbuna atingundru ndramat kimat, pe kapa hiyeh kitingundru ndramat hamou kimat, ara andre kiro tine nongan.’
23325	MAT 5:22	Hapeko upwai isa kili wawu: kapa ndramat hamou ndrinan kilokuh kiyata nalin, yiy andre kiro tine nongan. Pe ndramat hiyeh kipwati nalin, pe kipwai, kipa, ‘Lohongam pwi!’, ara andre kiro tine mbulmara hu Sanhetrin. Pe ndramat hiyeh kipwai kiya kili ndramat hamou, kipa, ‘Wou tehe ngou!’, ara pakeh nakiya nondriya kol mwomwan mepo mwan ita yat aliy.
23330	MAT 5:27	Wawu kanhilingiy tehe nongan para pwahanou kinpwai pwen kinna, ipa toro: ‘Mbuna apo pilah.’
23334	MAT 5:31	Nongan para pwahanou, kinpa toro: ‘Kapa sehe ndramat pakitali nambuyun kiyau, hiyan para kiratuluwi nongan para yesou kimut, pe kiykiy kiya kili nambuyun.’
23336	MAT 5:33	Wawu kanhilingiy tehe nongan para pwahanou kinpwai pwen kinna kili hu tumbu wawu hu koluw kinna, ipa toro yi: ‘Mbuna arandrangan kiya paingan, pe kiyamulan anto ndruwa nongnam pwi; hapeko aro ndruwa tesah mepo antandrangan pwen kinna kili Yapan.’
23341	MAT 5:38	Wawu kanhilingiy tehe nongan para pwahanou kinpwai pwen kinna, ipa toro: ‘Kapa hamou kirapwasingi mara hamou, ara wawu karapwasingi maran i, pe kapa hamou kiranonoke yaha hamou, ara wawu karanonoke yahan i.’
23346	MAT 5:43	Wawu kanhilingiy tehe nongan para pwahanou kinpwai pwen kinna, ipa toro: ‘Ndriyam kimbuluhi hiyeh para pakeh kili wou, pe amwisnani yoyou atam mepo imwisnani wou.’
23382	MAT 6:31	Pe lohonga wawu mbuna kimwa, pe akapa, ‘Andre yowu kaini tesah?’ ndre ‘Andre yowu kaimwi tesah?’ ndre ‘Andre yowu kasuluye yowu kiya tesah?’
23389	MAT 7:4	Tehen tapeh apa pwai kiya kili nalim, apa, ‘Nakute konu kei ita maram,’ hapeko akowu tehe kei hamwat ita maram mbukenam?
23408	MAT 7:23	Pwen andre kupwai ngawan kiya kili hu, kupa toro: ‘Yo ukowu ta wawu. Wawu ndramat para takultuw mwomwan, akaya mawen kili yo!’
23423	MAT 8:9	Upwai tehen toro, paratesah, yo ara ndramat hamou uta pahandra namandran hamou ihohin isato, pe hu ndram hayah topo pahandro yi. Kapa kupwai kiya kili hamou, kupa, ‘Aya,’ pwen andre kiya; pe kapa kupwai kiya kili hamou yoro, kupa, ‘Asa,’ pwen andre kisa. Pe kapa kupwai kiya kili ndramat para poya mbulyo, kupa, ‘Ambusiy iye,’ pwen andre kimbusiy.”
23453	MAT 9:5	Tesah waison eh, para kupa, ‘Kuntali hu pakut mwomwan tam,’ ndre kupa, ‘Atine pe arakai’?
23461	MAT 9:13	Pwen akaya pe akakahi ndroiyi nongan iye: ‘Unamili koisirai; ara ihohin iya kultuw para yukyuk.’ Paratesah, yo kunsa para kuyoh hu ndramat kultuwayi hu imwonen pwi, hapeko usa, ara para kuyoh hu ndramat mepo pakut tahu mwomwan.”
23493	MAT 10:7	Akaya, pe akoro pohowe nongan aro: ‘Kolo king para kol paingan yang, ara kinsa pakeh.’
23521	MAT 10:35	Paratesah, usa, ara para kumbusiy, pe ‘mbunah kamai andre kihingas ana taman, pe andre mbunah pihin kihingas ana tinan, pe andre mbuyunorun kihingas ana mbuyungundran.
23538	MAT 11:10	Yohanes ara yiy ndramat ara, mepo pwayan kinpwai pwen, ipa toro: ‘Yo andre kupwandrisa ndramat para sapiya nongno, kiho mu kili wou, pe andre kiramwaniyani meresayam.’
23546	MAT 11:18	Paratesah, Yohanes isa, pe kinho namnam soyon pwi, pe kinho yin wain pwi. Hapeko hupa, ‘Payit ita ndritan.’
23547	MAT 11:19	Hapeko Noru Ndramat isa pe iro namnam, pe iro yin wain, pe hupa, ‘Akanime yiy! Yiy ara komkom, pe ndramat para kuimwa wain. Yiy ara kowase hu ndramat para poya takis, pe hu ndramat pakut tahu mwomwan.’ Hapeko yihu hiyeh huwiri lohongai waison ta Ngindrai, ara hupwainganiy tehe lohongan, ara ndrokonan masih.”
23565	MAT 12:7	Kapa wawu kanpahasani ndroiyi nongan iye, ‘Unamili koisirai; ara ihohin iya kultuw para yukyuk,’ pwen wawu ara kanlahiy para karasusut nongan kiya kili hu ndramat mepo kanmbusi hapesah mwomwan pwi.
23602	MAT 12:44	Pwen andre kipa, ‘Yo andre kumui kuya seu mepo kuntaliy mamu ara.’ Pe kiro mwonen kiyarayah, ara andre kinimei tehe seu ara, ara iro ko mwaihei, pe yihu kanpwasiliy kinna hiyan pe iro mwoimwoi.
23621	MAT 13:13	Pwen tehen tora ko, urupo wong hu nongan pwandritiye iya kili hu: ‘Ngara hu koro nimei, hapeko tehe hu kannimei pwi; pe ngara hu koro hilingiy, hapeko tehe hu kanhilingiy pwi, pe lohongahu kanileu pwi.’
23622	MAT 13:14	Pe nongan sahin ta poropet Yisayah, ara irayah mannan isa kili hu ndramat aripo, ara ipa toro: ‘Lang masih wawu andre koro hilingiy, hapeko lohonga wawu, ara andre kinileu pwi. Pe lang masih andre wawu koro nimei, hapeko tehe wawu kanyirowei pwi.
23636	MAT 13:28	Pe isomwi hu, ipa, ‘Yoyou hamou ara imbusi aro.’ Pe hu ndramat para poya mbulyan husok yiy, hupa, ‘Wou anamiliy para yowu kaya pe kaloli hu?’
23706	MAT 15:4	Paratesah, Ngindrai kinpa, ‘Wou ahaiyani tamam hilu tinam,’ pe ‘hiyeh kiten ana taman ndre tinan, ara andre katingundrun kimat.’
23707	MAT 15:5	Hapeko wawu, ngara wawu kapa, ‘Kapa ndramat hamou kiwong kiya kili taman ndre tinan, kipa, “Tesah yo pakusopwat walu kaliy, ara yukyuk mepo kunhaiyaniy para kuikiy kiya kili Ngindrai,”
23710	MAT 15:8	‘Yihu ndramat aro, ara hu haiyani yo iyau poho hu ko, hapeko ndriyahu, ara ita mawen kili yo.
23743	MAT 16:2	Pe Yesu isomwi hu, ipa. “Iro mwonen kol iro piyah, wawu ngara kapa, ‘Lang andre kiya hiyan, paratesah, yang ara ilam.’
23744	MAT 16:3	Pe kiya mandroulang ara wawu ngara kapa toro: ‘Lang nepo, ara andre mbulou manohayen, paratesah, yang ara ilam pe mara kol ilokuh.’ Pwen wawu pahasaniy para karanonoye nimnim para mara kol, hapeko akanlahiy para karanonoye hu kaipisa hu lang para mahapo pwi.
23789	MAT 17:20	Pe ipwai iya kili hu, ipa, “Paratesah, wawu pwotisingi lohonga wawu, ara hape ko. Yo upwai ndrokonan isa kili wawu, kapa lohongai ndrisiyon tawawu ara mendreheh tehe peke mbuwa mastet sih, pwen wawu lahiy para akapwai kiya kili ngondron iye, akapa, ‘Atali iye pe aya yoro’, pwen andre kises. Pe melit masih, ara andre wawu kawenei para akambusiy.”
23812	MAT 18:16	Hapeko kapa mbuwalin para kihilingi wou, pwen awiri ndramat hamou ndre malmou i, hilkaya suram; pwen ‘titiye para tamwaniye masih ara, ara ndramat malmou ndre matimou, ara andre hu karayah ndramat para kapwokeyani nongan.’
23822	MAT 18:26	Pwen ndramat para poya mbulen ara, ara itukuruhu iya mbulmaran, pe irakamam iya kili yiy ipa, ‘Alonge hape na, pwen andre kupo soiwi melit masih kimui.’
23824	MAT 18:28	Hapeko iro mwonen ndramat para poya mbulen ara iya ngawan, pwen iya kahi ndramat hamou para poya mbulen iyawule, mepo nahanah tan iro kili yiy ara masangat. Pe imbultuwe tahatini yiy pe niman indrek koyun pe irakekeyani yiy, ipa, ‘Apo soiwi nahanah tam iripo kili yo!’
23825	MAT 18:29	Pwen ndramat para poya mbulen ara, ara itukuruhu iya kili yiy pe irakamam, ipa, ‘Alonge hape na, pwen andre kupo soiwin kimui.’
23828	MAT 18:32	Pwen namandran ara iyoh ndramat para poya mbulyan ara, isa nondriyan. Pe ipa, ‘Wou pwassi ndramat para poya mbulen! Yo kuntali nahanah tam masih, paratesah, arakamam isa kili yo.’
23836	MAT 19:5	Pwen Ngindrai ipwai, ipa, ‘Pwen tunan ara ko, andre kamai kitali taman hilu tinan, pe hilu pihin tan andre karayah hapat, pe nombuwe hilu kirayah hamou o,’ ndre?
23849	MAT 19:18	Pe ndramat ara, ipwai, ipa, “Hu sehe nongan para pwahanou eh?” Pe Yesu isomwi yiy, ipa, “ ‘Mbuna atingundru ndramat kimat, pe mbuna apo pilah, pe mbuna apahana, pe mbuna apwandrandraman,
23865	MAT 20:4	Pe ipwai iya kili hu, ipa, ‘Wawu yi, ara akayapo mbulen kaya pinge wain to, pe andre kusowani wawu, ara kiwene mbulya wawu ko.’
23867	MAT 20:6	Pe iya piyahon, paramwandrai iho tehe mayimah, pwen iya ngawan, pe inimei tehe hu hayah i, ara huro tine ko mwaihei. Pe isok hu, ipa, ‘Paratapeh pe lang sih sesek wawu topo tine ko mwaihei?’
23869	MAT 20:8	Pwen kol ipiyah pe mbukena pinge wain, ara ipwai iya kili ndramat mepo imu iya pohomara mbulyan ara, ipa, ‘Ayoh hu ndramat para poya mbulen hu kasa, pe aiki kenne hu kiya kili hu. Aiki kenne hu mepo husa mulan kimu na, pwen aiki kenne hu mepo husa mu.’
23873	MAT 20:12	Pwen hupa, ‘Hu ndramat mepo husapo mbulen mulan, ara hupo mbulen iho nondriya paramwandrai sih opu. Hapeko aniyki kennehu, ara ihisoule ko tehe kenne yowu, mepo yowu po mbulen ngandrahan iya, pe mwandrai isingi yowu.’
23911	MAT 21:16	Pe husok Yesu, hupa, “Wou ahalingi sehe melit hu mbunah iye hutora pwai, ndre pwi?” Pe Yesu isomwi hu, ipa, “Wawu kannime nongan iye pwi, ndre? ‘Iyau poho hu mbunah mendreheh pe hu mbunah malaman, ara Ngindrai kintakinimahu para hu kahari ngalan.’”
23916	MAT 21:21	Pe Yesu isomwiy, ipa, “Yo upwai ndrokonan isa kili wawu, kapa akapwotisingi lohonga wawu, pe lohonga wawu kinhindrundru pwi, pwen sehe melit mepo kintayah mahapo, ara andre kintayah kinna kili kei pik o, ara pwi, hapeko ilahiy para akapwai kiya kili ngondron iye, akapa, ‘Aya pe ayapiyani wou aya nondriya ndras,’ pwen andre kirayah tehe wawu pwai.
23920	MAT 21:25	Yohanes ngara kisumuluwani hu ndramat, pe wawu pa ndre kultuw para paptais ta Yohanes ara, ara iyau aleheh? Iyau kol paingan yang, ndre iyau kili ndramat opu?” Pe huro panguluwaniy mwalingahu ko, huro pa, “Kapa, tukapa, ‘Iyau kol paingan yang,’ pwen andre kisok, kipa, ‘Pwen tehen tapeh pe lohonga wawu kinpwotisingi nongnan pwi?’
23921	MAT 21:26	Hapeko kapa tukapa, ‘Iyau kili hu ndramat,’ pwen andre tukanoh tahu ndramat, paratesah, hu masih ara hupa ndre Yohanes ara yiy poropet hamou.”
23932	MAT 21:37	Pe iyamulan masih, ipwandrisa norun kamai iya kili hu. Pe ipa, ‘Andre hu karanuhuyani noru.’
23933	MAT 21:38	Hapeko iro mwonen hu ndramat huropo mbulen iya piyang, ara hunime norun, pwen hamou ipwai iya kili hamou, hupa, ‘Iye ara norun, soiwi taman; pe yiy andre kiwiri hu meltan masih. Kiya, tukatingundrun, pe tukawiri menmena taman masih kiya mbukenan worou.’
23937	MAT 21:42	Pe Yesu ipwai iya kili hu, ipa, “Wawu kannime nongan iye mepo ita Nongna Ngindrai pwi, ndre? ‘Pat mepo yihu ndramat para puliya seu hulowaniy, ara kintayah pat para sotuna seu. Yapan kinmbusi melit aro kintayah, pe ara mwayih iya, iya mara tou.’
23945	MAT 22:4	Pwen ipwandrisa hu ndramat para poya mbulyan hayah i, ara ipa, ‘Akayapwai kiya kili hu mepo kunpwanos hu para hu kasa ara, tehe yo kunponokulani anandrina kowase yon to pwen. Hu mbulmwakau pe hu kan ato mepo sangihu imuh, ara kanitingundruhu, pe hu melit masih, ara kinmwoimwoi o iripo. Wawu kasa kowase yon para yesou.’
23949	MAT 22:8	Pe ipwai iya kili hu ndramat para poya mbulyan, ipa, ‘Yon para kowase yesou ara kinmwoimwoi iripo, hapeko yihu mepo upwanos hu, ara hu kantewihiy para hu kasa pwi.
23954	MAT 22:13	Pwen king ipwai iya kili hu ndramat para poya mbulyan, ipa, ‘Akawasi tiriyi niman pe ndrikan, pe akasoyau kiya tan kiya ngawan kiya nondriya kol lokuhan, mepo ngara hu koro rang malihu pe koro yandrisingi koltahu.’
23973	MAT 22:32	Ipwai, ipa, ‘Yo urupo Ngindrai ta Apraham, pe urupo Ngindrai ta Yisak, pe urupo Ngindrai ta Yakop.’ Akanimei! Yiy ara Ngindrai tahu ndramat mepo hu kanmat, ara pwi. Hapeko yiy ara Ngindrai tahu ndramat hutopo mwalen, tehe Apraham, Yisak pe Yakop.”
23978	MAT 22:37	Pe Yesu isomwi yiy, ipa, “ ‘Ndriyam kimbuluhi Yapan Ngindrai tam kiya ndriyam masih kene, pe kiya mwoiwam masih kene, pe kiya lohongam masih kene.’
23980	MAT 22:39	Pe nongan para pwahanou luhin para aliy i, ara ipa toro: ‘Ndriyam kimbuluhi hiyeh para pakeh kili wou, tehe ndriyam ngara kimbuluhi wou mbukenam.’
23985	MAT 22:44	‘Yapan ipwai iya kili Yapan to, ipa, “Asampwan kapwen te nimo mot, kipoo kuiki hu hiyeh huhingasi wou, ara hu kaya pahandra ndrikam.” ’
23994	MAT 23:7	Hu ndramat aro, ara hunamiliy para hu ndramat karawulohani hu koro hu ndroho pehei, pe hu ndramat kapohowe hu ‘Ndramat para Hinonou.’