7137	RUT 1:8	A' mzli lcde, Naomi tekqtr-moule drtwrde, x sc tqrpipebzle mz Opa x Rut kx, “Yzlutx-mouamu mz ma nyzmu badr lxemung. X krka'-ngrne kx Yawe namrlztile nimu da kc tqwaisr-ngrnamu ncblo ngrmung x ninge.
7138	RUT 1:9	X naokatrle nimu mz nzmnc-zpwx-krmu badr ncblo kx nangi mou ncblo ngrmung.” Zbz sc tqtcngitipeng Naomi x sc tzyrni-katopeng badr.
7139	RUT 1:10	X nzrpibzlr bade kx, “Trtingr, navzbzku mz lr mrnyzmqng.”
7140	RUT 1:11	A' rpibz Naomi kx, “Bzkq vz-nqblqmamu ninge, kx inyxngeng. ?Murde nike naokatr-ngrne nimu? ?Ninge la narmika-moux doa ncblo kx nangi ncblo ngrmung?
7142	RUT 1:13	a' rblxbz bamu nzaenzli-krmu nidr, vz vz mzli kx nznginidr ncblo x sc tqyrlzti-ateamu nidr. Da amrlx rblxm bange myaszlzle nzrblx-krbz da bamu. Murde Yawe atrkatile ninge mz zmatq ngrde. Bzkq vz-nqblqmamu ninge, murde da amrlx ma tqrblx-kzpz bamu.”
7144	RUT 1:15	Rpibz Naomi bade kx, “Obqbz, ilem yzlupebz mz kxnginideng x mz gct ngrdrng. Yzluamu rlirmu.”
7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7146	RUT 1:17	Drlve ke nabz-ngrn, nabz-kzx elr x nayrtzmq-kznge elr. Nzmu kx tqrlaszx nim, Yawe na-ayrplapx-zlwzle ninge. Nzbzngr txpwz kx na-aki-lzbq-ngrgi.”
7148	RUT 1:19	Olvz lcng nzling nzvzng nzvzng mzli kx nzkrlz-ngrbzlr mztea Betleem. Kx nzkaputrpzlr kc Betleem, lr mztea kc sc tzabrtzlvzpelr nidr x tzyrlwrlvzpelr nidr. Olvz lr mrkc sc tzrpipelr kx, “Doa lcng, Naomi yzlupem!”
7149	RUT 1:20	A' rpibz Naomi badr kx, “Bzkq rpimamu ninge Naomi, murde drtwr ngr Naomi ‘mrlzvxi.’ A' kqle-ngrmamu ninge Mara, drtwr ngrde ‘rblx.’ Murde Gct kc Tqaclvele da amrlx batrple nzrblxkr da amrlx bange.
7150	RUT 1:21	Murde mz nzvz-krgr kc kqlukr, a' mz nzvzmi-mou-krpqng Yawe lc ninge, vz-nrbalqpemc. Delc bzkq rpi-ngrmamu ninge Naomi kxmrlzvxi. Murde Yawe kc Tqaclvele da amrlx aetqpemle drtqnge, mz nzrpi-krde kx vz-rbrx.”
7153	RUT 2:2	Mz zbq kzble mz nourla, Rut rpibzle mz Naomi kx, “Rlr-ngrm bange nzvz-krnge mz lclr bali. Mwx kzdq ncblo kxmrlz sa na-abrtzlvzle nzrmikatine-krnge drpwr nra bali kxyrlwrtxo mrnyzde.” Rpibz Naomi bade kx, “Vz inyxnge, sa tqmrlz ye.”
7155	RUT 2:4	Mz nourla lcdepwz, Boas rkalzm Betleem x kaputrpz mz lclr bali nyzde. X sc tqrpipebzle mz kxnzawz nedeng amrlx kx, “Nimu la.” X nzayzlu-ngrbzlr natqde kx, “Nim la.” X rpi-mopwzle kx, “Rlxtibo mz Yawe kx naokatrle nimu.” X nzrpi-kzpzlr kx, “X nim kz!”
7156	RUT 2:5	Boas kc tqveapebz mz ncblo kc tqaclvele kxnzawzng, rpibzle kx, “?Doa olvz lcmonr ne neke?”
7157	RUT 2:6	Rpibz ncblo kc kx, “Krla doa olvz lr Moab, kx nzvzmqng mz Naomi, mz nzyzlu-krmle kc Moab.
7158	RUT 2:7	Rpimle bange kx, ‘?Nzmu rlr-ngrme bange nzrmikatine-krbo nra bali mz nibrdr kxnzawzng?’ X sa tqbrngzti-zpwxle nzrmikatingr nra bali abzo-pnzle kcma mz nourla, x sa tqvzbe. A' amapx-ngrmle matelq mzli kx mrbcne.”
7159	RUT 2:8	Zbz sc tqrpibz Boas mz Rut kx, “Lalztqm bange, kx inyxnge. Rpix naokatrpo nim. Bzkq rmikatiq nra bali mz nrlc nyz ncblo kzble x bzkq rlaszq mrka. A' mncamu badr olvi kxnzawz nengeng.
7160	RUT 2:9	Mcpwz mrkc tzrpakingr ncblo lcng bali, x nim kc tqrmikanebzme mz nibr olvi kcng tzrtalvzng. Pipebo badr ncblo lcng kx bzkq nzesotrpzng bam. X drtwrm kx tqbrlxkzle, vz, x rmnqtr mz belue kcng tzangqbatipe ncblo kcng.”
7161	RUT 2:10	Zbz, Rut yrngzobz bade mz drtc' mz nzamrluengr. X sc tqrpipebzle kx, “?Memule tqmrlzti-zlwz-ngrn ninge x tqamrlue-ngrn ninge? Murde ninge olvz lr narnrlc.”
7162	RUT 2:11	Ayzlu-ngrbz Boas natqde kx, “Da amrlx kcng tqalebzme mz lxem Naomi, mz nibr nzbzkr mrlxde kc tqngi ncblo ngrm, nzyapwxtipem bange bq mz nibr nzkaputr-krmamu. X kxmu nzrlasz-krme trtem x lxem x mrnyzm, x vzme mz nzmnc-krmu badr leplz kx nqmq krdr blepx.
7163	RUT 2:12	Rlxtibo mz Yawe, Gct rgr, kx na-ayzlubzle bamu nike aletiqng, mz nzamrlz-zlwz-krde nim. Nide ka tqmnclzpebzme bade mz nzvz-krme lc, x nide me rlakitrq, mz nzapu-krm nei kio kx mnclzbz mz nabx lxede.”
7164	RUT 2:13	Rpibz Rut kx, “Trtenge, yc zlwz mz drtwrm ninge. X awxopeme nabznge mz nzycmne-nivzlrpe-krme lc bange, kxmule-esz' trmatqnewxu myaszlzle olvi nem kcng tzwztrpzng bam.”
7165	RUT 2:14	Mzli kc namupengr bea, rpibz Boas mz Rut kx, “Vzm namupeku. X leo kz bret nam mz waen lc pipz.” Mzli kc Rut tqwxbutr-ngrbzle mz olvi kcng, Boas kabzle bade kcng bali kx nztqngq, mz nzapusr-krde nide kxmnctrpz bade. Rut mu x nelzde krlc. X nade kcng ycpwz.
7166	RUT 2:15	Mzli kc Rut tqvz-ngrde mz nzrmika-mou-krde nra bali, rpibz Boas badr ncblo nedeng kx, “Nzmu kx tqrmika-abeanetrpzle me yrlwr ngr rtalvz ngr bali, bzkq amyabzmu drtqde, murde rlr-ngrbo bade.
7167	RUT 2:16	A' vecpxbzmu du bali mz rtalvz ngrde kx namikatile x bzkq lclvzbzmu.”
7170	RUT 2:19	Naomi rveabz kx, “?Mzbq ka drlve kc tqrmika-ngrn bali? Krka'-ngrne kx Gct na-amrlzle ncblo kc tqokatrle nim.” Zbz sc tqpipebz Rut mz lxede kx, “Drtq ncblo kc tqngi nyzde lclr bali kc tqwz-ngrne kcma, Boas.”
7171	RUT 2:20	Rpibz Naomi bade kx, “Eu, rlxtibo mz Yawe kx na-amrlzle nide. Murde tresakiu nzbatr-krbzle nzrmrlznr-krde leplz kxnzlubeng x kxnzbzpeng. Ncblo la tqngi Boas, ngi kzdq kxnginigu kx takitrde nzxpepx-krde drtc' nyzgu x nzaopx-krde nqvi lr ncblo ngrgu.”
7172	RUT 2:21	Zbz rpi-mopwz Rut kx, “Boas rpi-kzple bange kx, ‘Mncamu badr kxnzawz nengeng nakrlz-zpwxbzle nzyrkrpxkr nzrkqngr bali x wit.’”
7173	RUT 2:22	Naomi rpibzle kx, “Inyxnge, mrlzvxitx nzvzne-krmu badr olvi nedeng, murde ma tzatrkam mz nrlc nyz ncblo kzble, mz nzngini-krm lr narnrlc kx esz'trpz badr.”
7175	RUT 3:1	Mzli lcde, rpibz Naomi mz lvxbqde kx, “Inyxnge, mzli ka namcpo dq ncblo kx nayrlztiq. Kx na-amncle nim brma x na-aclvele nim.
7178	RUT 3:4	Aokztipwz mrkc navzkile mz nzmwi-krde. X mzli kc tqmwipe-ngrde, vz-kzpz x kalvxlzbz lrpz kc tqkq-ngrde, x ayrbq-lxlr-ngrbz nanycde x sc tqmnztrpebzme mz nanycde. X mzli kc nabaongr nanycde, sa nadwalzm x napibzle da kx na-aleq.”
7179	RUT 3:5	Rpibz Rut kx, “Sa na-alex nikeng pitime.”
7183	RUT 3:9	Boas kc tqveapebz kx, “?Nim neke?” Rpibzle kx, “Ninge kxnzawz nem Rut. Kawxpx lrpz la x akq-bubz ninge, nangi rkx kx suti drtwrm nzyrlzti-krm ninge. Murde nim kx kxnginigr kx takitrde nzxpepxngr drtc' nyzgr x nzaopx-krbzle nqvi lr ncblo rnge.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7187	RUT 3:13	A' mwi txpwz mrka mz nrlckxbq ka. X sa naycmne-krlzpwzkr bade mz nourla. Nzmu kx tqrpile nayrlztile nim, mrlz. A' nzmu kx tqpx-ngrdele, esalz-ngrbo bam mz drtq Yawe kx tqlu, kx nayrlztipex nim. Mnzpwz mrlc nakrlzbzle mzli kc tqprtz-ngrm paglxnrlc.”
7188	RUT 3:14	Rut mwilzbz mz nanycde krlzbzle mzli lcde, mzli lc trnzrglxkangr leplz. X Boas rpile mz nide esz'-krde kx, “Bzkq kx rkrlzti nzmnckr olvz lc mrka.”
7189	RUT 3:15	X rpi-kzpzle bade kx. “Aolz nzkq scm kc tqrmnrtr-ngrbz x prlxo mrlc.” Prlxtxole x yrngiobz Boas elr bali nzkqlu-krde esolzbz mz kilo kx nzpnu-tq (30). Petxbz Boas x sc tqglqlzpebzle mz nabx Rut, x sc tqvzpe mz mztea.
7190	RUT 3:16	Mzli kc Rut tqkrlz-ngrbzle brma, Naomi sc tqveapebz kx, “?Myx kxmu mz nzvz-krm kc, kx inyxnge?” Zbz sc tqpipebzle da kcng amrlx tqalebz Boas bade.
7191	RUT 3:17	X rpi-kzpzle kx, “Boas ka-kzple bali lc tqtwzmc, x rpimle bange kx, ‘Bzkq vz-nrbalqbzme mz lxem, a' twzbz bali lc bade.’”
7192	RUT 3:18	Zbz sc tqrpipebz Naomi kx, “Inyxnge, aenzlipwz. Bzkq nabzm talvzo. Murde Boas nzmu trmnc-nrwx-ngru mzbq ka kx tqmnc-nrwxpe-ngrde da tubqpe.”
7193	RUT 4:1	Mz nourla lcde, Boas vz mz naobz ngr taon lc x sc tqwxbupe elr, murde krlc me nzatubqtingr lrtzlvz ngrdr da. X kxnginide kc tqesotr-zlwzbz, krkc tqpibzle mz Rut, sc tqmcpele nzvz-krde. X sc tqkqlepxpele nzrpi-krbzle kx, “Vz-kaip mrka, kx mzlenge, x wxbu kai mrlc.” Ncblo kc vzbz, sc tqwxbupe.
7194	RUT 4:2	Zbz Boas kapxmle lrtzlvz nzpnu-esz' kx nzmncng mrlcde. X rpibzle badr kx, “Nawxbuku ena x okatrpa'mu nigr.”
7195	RUT 4:3	Zbz Boas sc tqrpipebzle mz mzlede lc kx, “Naomi kc tqyzlupem Moab, sc tqamwale drtc' nyz mzlegu Elimelek.
7196	RUT 4:4	Vzdzm mz drtwrnge nzpi-krbole bam. Kx tqsuti drtwrm nzxpengr drtc' lc, e xpe mzli ka tzmncngr lrtzlvz ngrgu lcng, badr mrlx lcng. Kx tqsuti drtwrm naxpepxqle murde nayzlu-mop mz nqvi lrgu, ale. A' nzmu kx trtingrde, pim bange, murde trpnzngr kx takitrde nzxpepxngr drtc' lc, a' nim txpwz, x krali ninge.” X ayzlubzle natqde kx, “Sa naxpepxbo.”
7197	RUT 4:5	Rpi-mopwz Boas kx, “Mzli kc naxpepx-ngrbzme drtc' lc mz Naomi, yrlzti kz Rut kc Moab, olvz r mzlegu kc tqbz. Murde mrlxmu ncdr Rut kalr nalolvzle drtc' nyz Malon kc tqbz x nqvi lrde bzkq mztr.”
7198	RUT 4:6	Rpibz mzlede lc kx, “Mz nzmu-krde lcde, trpengr nzxpepx-krnge drtc' lc, murde ma tqamnctxpxle ninge x trpnzngr da kx na-aprcbo mz mrlxngeng. A' xpepxpe, murde trtakitrpepleu ninge.”
7201	RUT 4:9	Boas sc tqycmnepebz mz lrtzlvz x leplz kcng mrkc, mz nzrpi-krbzle kx, “Mzbq ka mcpeamu x xlrpeamu kx sa naxpepxbo mz Naomi drtc' nyz Elimelek kc tqbzszbzle mz mrlxdeng Kilion x Malon, kcng tzbzpe-kzng.
7202	RUT 4:10	X nayrlzti-kzx Rut kc Moab tqbzsz Malon, nangi olvz rnge. Murde mrlxgr kc kai ncdr Rut kalr nalolvzle drtc' nyz Malon x nqvi lrde bzkq mztr, a' drtqde nadcpxpwz mz mztea nyzgu. Mzbq ka sc tqmc-lxblrpeamu.”
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
7204	RUT 4:12	X krka'-kz-ngrgr kx doa kx nakabz Yawe bam, navzpxmqng mz olvz lc, nakqlu-zlwzng na-apule doa neng melrmqgu Peres, mrlx Judz badr Tama, lr mrkzble.”
7206	RUT 4:14	Nzrpibz olvz kcng tzmncng mrkc mz blrkq mrlx Rut kx, “Naomi, takitrde nzrglqlzngr Yawe, murde rkabz nem doa ncblo mzbq ka. Krka'-ngrgr kx doa lc nakrlzti lr Israel nide.
7207	RUT 4:15	X rlxtibzkr mz Yawe kx doa ncblo lc na-aelalzmle drtwrm x naokatrle nim mzli ka nzngini-krm blang. Murde lvxbqm, kc tqmrlzti-zlwzle nim mikale nide. X kxmule-esz' narnginem doa ncblo kxnzkqlung, a' nzokatr-krdr nim trmyaszpxleu nzokatrkr Rut lc nim.”
7209	RUT 4:17	Olvz lr Betleem nzrpilr kx, “Naomi nepede kc doa ncblo.” X nzyrlqbzlr drtqde Obed. Obed lc nide kc tqngi trte Jesi kc tqngi trte King Devet.
13952	PSA 2:3	Nzrpilr kx, “Na-axtxbzku nzmnclz-krbzku mz zmatq ngrdr, Mz nznikitx-krgu nqvi kc tzpe-ngrdr nigu, murde drtqgu naopx.”
13955	PSA 2:6	Murde rpile kx, “Yrlqpex King kc tqmcpxpex Jerusalem Mrkc Saeon, newz kxtr nyznge.”
13956	PSA 2:7	X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.
13958	PSA 2:9	Sa na-aovxioq mrnyzdr mz nzxplr-zlwz-krm, Kc na-apule bz kc tqrniglc botol.’” Natq kx pibz Yawe mz Mevalu nede delcng.
13964	PSA 3:3	Nzrpilr mz nzyapwxti-krdr ninge kx, “Gct trtxpnzngr nzokatr-krde nide.”
13969	PSA 3:8	Murde krka'-ngrne kx, “Yawe, Gct rnge, vzm arlapx ninge, X katxpxbz zmatq ngrdrng.”
13977	PSA 4:7	Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?” Delc tqkrka'-ngrbo kx na-amrlzq nigr.
14058	PSA 10:6	c tqrpipele kx, “Trpnzngr da kxtrka kx naprtzm bange, X trpnzngr nzodatingr ninge kalr.”
14063	PSA 10:11	z-rbr kxdrka'ngr mz nzrpi-krde kx, “Gct trobqpepuu bange. zx a' trkrlzleu da kcng trka tqalex.”
14065	PSA 10:13	ai-ngrdele kxdrka'ngr pxtxpx-ngrde nim. rpile kx, “Gct trtxpnzngr nzayrplapx-krde ninge.”
14071	PSA 11:1	Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.
14073	PSA 11:3	Trpengr doa x da kx na-abrkitrku drtwrgu, X nigu kxnabzdr lqngi, trpengr da kx na-aleku.”
14082	PSA 12:5	Murde nzrpilr kx, “Naogr nalctwz txpwz mz nztwz-krgr da kx suti drtwrgr. X trpnzngr kx naetum bagr.”
14083	PSA 12:6	A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”
14093	PSA 14:1	Leplz kxnzngqngung mz drtwrdr nzrpilr kx, “Trpnzngr Gct.” Leplz lcng nzvz-rbrng x nzale-txpwzng da kxtrka zlwz. Trpnzngr leplz lcng kxtubq.
14096	PSA 14:4	Delc tqrpingr Yawe kx, “Leplz lcng tztrkang nznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14229	PSA 22:9	Nzrpimlr kx, “Abrtrpzme drtwrm mz Yawe, a' namckr ena nzarlapxkr Gct nim mzli ka. Murde trokatrleu nim, kxmule-esz' rpiq kx mrlzti-zlwzle nim.”
14244	PSA 22:24	Murde sa napipxbo badr kx, “Nigu kxnzawz neng Yawe, naglqlzku nide! Eu. Nigu lr Israel na-amrlueku nide mz nzamatq-zvz-krgu nide!
14245	PSA 22:25	Kxmule-esz' nigu kxnzobqszong, a' Gct trobqszoleu nzkxpu-krgung, Murde trpxtxpx-ngrdeu nzayzlu-krmle natqgung.”
14252	PSA 22:32	Mz nzrpi-krbzkr badr kx, “Yawe arlapx-zvzle leplz nedeng.”
14310	PSA 27:8	Mzli kc tqrpi-ngrme kx, “Vzm mz nzangio-krm ninge.” X ayzlubo natqm kx, “Eu, ninge la navzbo.”
14334	PSA 29:9	Natq Yawe apule nenq kc tqrkqtuti nc yrni x krlxpqtile leu rdr. X kxnzangiong amrlx mz Mangr-nzangiongr nzrpilr kx, “Gct, nzmyalz-esz'ngr-krm glqlz-ngrgr nim!”
14343	PSA 30:7	Yawe, mzli kc tqmnc-zpwx-ngrne, rpi-zvzx kx, “Trpengr doa x da kx namwxlrtix.”
14346	PSA 30:10	Rpibo bam kx, “Bzkq rlrpx-ngrn nzvzo-krnge mz gq, Murde trpnzngr da kx mrlz kx naprpxm mz nzbz-krnge. X rblxpe nzyapwxtipx-krbo mz leplz mz nzangidati-krm, Nzmu namibilzpemc mz drtc'.
14347	PSA 30:11	Yawe, xlrm natqnge mz nzyckr drtwrm ninge. Kxetu rnge, okatrp ninge.”
14382	PSA 32:8	Rpim Yawe kx, “Sa na-aelwa-ngrbo bam lrpzki kc nao-zliq, Mz nzmailz-krnge nim.
14383	PSA 32:9	A' bzkq apuq hcsi kx narde mqngi, Kx vz-nqblqle me pnz drtwr ncblo mz nqvi kcng tzpetrpz bade.”
14440	PSA 35:10	X mz nabznge atwrnrngr, sa narpix kx, “Trpnzngr kx apule nim. Murde arlapxq kxtrnzxplrung mz mq kxnzxplrng, X kxtrpnzngr scdr zmatq mz kxnzrngiscng zmatq.”
14451	PSA 35:21	X nzpibqti-kzlr ninge mz nzrpi-krdr kx, “Eke! A' mcpekr da kxtrka kc tqaleq.”
14457	PSA 35:27	A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim, Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”
14460	PSA 36:2	Gct, nzmncngr kxtrka vzdz-zvzm mz nabz kxdrka'-ngrng, X sc tqrpipebzle badr kx, “Bzkq amrlueamu Gct.”
14539	PSA 39:5	“Yawe, nzlu-krnge mrbcnepwz. ?Memule tqpxlavxpx-ngrbzme nzkxpu-krnge? ?Myx mzli kx naesakingr trnzmnc-zpwx-krpwc'u lc?”
14556	PSA 40:8	Delc tqrpi-ngrbo bam kx, “Ninge kape. Na-atutrx natq kcng tqyclzm mz Nzryrngrkxtr.
14557	PSA 40:9	Gct rnge, abrtzlvzx nzale-krnge me pnz drtwrm, Murde nabznge lolvz-amqngipele nzalvztr-krmqng.”
14565	PSA 40:17	A' amrlz krkcng tzbrti drtwrdr nim Mz rka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”
14572	PSA 41:6	Enqmi rngeng nzpibqtilr ninge, Nzrpilr kx, “?Myx mzli kx nabz-ngrde, murde namrbrtxtr mz drtwr nide?”
14575	PSA 41:9	Nzrpi-awalr kx, “Mrlztxpe! Mzli ka prtilz-zlwzpe zyagox kxtrka, X mzli trnaboiu x sc tqbzpe.”
14584	PSA 42:4	Mz zbq kang kqlu yrni-zvzx x mnqtxpwo drlemzke' kx piz. A' enqmi rngeng nzyrpalelvzlr ninge, nzrpimlr kx, “?Memule Gct rm trokatrpe-ngrdeu nim? ?Bzpe?”
14591	PSA 42:11	Nzrpi-zvzmlr bange kx, “?Memule Gct rm trokatrpe-ngrdeu nim? ?Bzpe?” X sc tqvz zvz nzngzlilvzti-krdr ninge natq kxtrka.
14653	PSA 46:11	X rpile kx, “Bzkq ota-zvzamu. A' metxpemamu bange murde ninge txpwz Gct. X ninge txpwz kx myatxlzbz mz neidu amrlx mz nrlc tulvzo.”
14705	PSA 50:5	X rpibzle mz lr Heven kx, “Vzmimamu krkcng tzlxngitilr ninge, X drtwrgr badr tqesz'ti mz nzangc-krmlr bange blz krdr, murde nayrlwr-ngalelvzlr ninge.”
14706	PSA 50:6	X lr Heven nzrpilr kx, “Gct, nzaclve-krm rsakrlrngr. Murde tubqq mz nzryrlq-krm drtwr.”
14707	PSA 50:7	Rpi Gct kx, “Leplz nengeng, xlrmamu natqnge. Murde ninge Gct rmu x na-aelwa-ngrbo mrkc tqvz-rbrtiamu.
14715	PSA 50:15	X mrlz nzkrka'-krmamu bange mzli kc tqkxpu-ngrnamu, Murde naglqlzamu ninge kalr mz nzarlapx-krnge nimu.”
14716	PSA 50:16	A' rpibz Gct mz leplz kxdrka'-ngrng kx, “Trtakitrdeu nzyapwxti-zvz-krmu Loukxtr scnge, Mz nzycmnetr-krmu Nzryrngrkxtrng.
14722	PSA 50:22	“Mzli ka natekqtramu nqmq krmu, Murde ma tqodatitxne nimu X sc trpengr kx na-arlapxle nimu. X bzkq mrbrtr mz drtwrmu nzamatq-krmu ninge.
14723	PSA 50:23	Blz angidr nangi nzawi-krmamu bange. Murde narmctiamu nzarlapx-krnge nimu, mz nzvz-nqblq-krmu ninge.”
14753	PSA 52:9	“Mcamu ena ncblo kc trmnc-xgleleu Gct. A' axplr-lzbq mz nzatrkati-krde leplz x nztwz-krde trau kxkqlu mz zmatq ngrde.”
14757	PSA 53:2	Leplz kx nzngqngung mz drtwrdr nzrpilr kx, “Trpnzngr Gct.” Leplz lcng nzvz-rbrng x nzale-txpwzng da kxtrka zlwz. Trpnzngr leplz lcng kxtubq.
14760	PSA 53:5	Delc tqrpingr Gct kx, “Leplz lcng tztrkang tznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14778	PSA 55:7	X rpix mz drtwrnge kx, “Nzmu nabxnge naycbzle, da kc tqwai bona, Nalvcx x nartangrx me namnc-zpwx-ngrne.
14780	PSA 55:9	Na-anitxpwo nzrtangrti-krnge me narlakitrx Mz tewa x nounenq.”
14833	PSA 58:12	X sa napibzkr bam kx, “Gct, da zpwxtx! Sa nakabzme da kxmrlzting mz leplz kxnztubqng, Murde nzaclve-krm lr nrlc tubq-esz'ngr.”
14859	PSA 60:8	Gct, natqmqng nzvzpxmqng mz Mangr-nzangiongr, mz nzrpi-krdr kx, “Mzli kc na-aovxio-ngrne, sa na-akipxbo mz leplz nengeng Drtc' kcng mz nrlar LueJodzn rlilr.
14861	PSA 60:10	A' enqmi rmung trna-aovxiolru nimu. Murde lr Moab sa nawztrpqng bange X lr Edom sa nametxmqng bange. X sa namalqlvzx nzmilxtxo-krnge lr Filistia.”
14887	PSA 62:13	X da kx myapxbz, nzaodu-krde nigu tresakiu. Rpimle kx, “Mzli lcde, nzayzlu-krbo da mz doa navz-nqblqle da kx aleleng mz nrlc ka.”
14905	PSA 64:6	Nzapqtrlr drtwrdr mz drtwr kxtrka kx nzyrlqlr. X nzamyatxlzpwzlr nzrkrlzkr leplz, Mz nzrpi-lxblr-krdr kx, “Na-amwiku trtxki mz nzesabrti-krgu leplz. X nzbrngztio-krgu lc da kxvz-rbr trpnzngr kx narmc x kx narkrlzti.”
14927	PSA 66:3	X narpibzku bade kx, “Da amrlx kcng tqaleqng nzkctitxpxng. X enqmi rmqng nzmetxpebzng bam mz nzetu-zlwzkr zmatq ngrm.
14928	PSA 66:4	X lr nrlc amrlx nzangiolr nim, Mz nzglqlz-krdr nim x nzarmyalz-krdr drtqm.”
14965	PSA 68:13	“King x ami nedrng nzdwang. X nigr olvz akitikr dztu enqmi kcng tztwz ncblo ngr vea negrng.
14967	PSA 68:15	Murde Gct kc tqrninr milxtxole king kcng, X namz ngrdr nztwzbene-krdr apule lrdz kx lvxlz nrc mepz.”
14968	PSA 68:16	Mzli kc King Devet tqyrlq-ngrde Mzteadau nyzde mz Newz Saeon, Newz Basan apule ncblo kx angya drtwrde nzyckr Mzteadau mrlc. A' Devet ayzlubzle natqde mz nzrpi-krbzle kx, “Newz Basan, kxmule-esz' matq-esz'ngrn x myatxlzq, X nra nyzmqng ngi rtrngr,
14969	PSA 68:17	A' bzkq obqszoq newz kc tqmcpx Yawe kx namnc-ngrde, Murde sa namnc alo elr.”
14975	PSA 68:23	Rpimle bagu kx, “Kxmule-esz' enqmi rmung nzdwalzng mz newz O drlve keng mz nzakitikr nrlc nidr, a' sa nayzlutibong.
14976	PSA 68:24	Murde navznenamu mz nzrnzlvzo-krmu mepyr ngrdrng, X kuli nemqng drtwrdr naesatxpx zpwx mz nzrmnq-krdrle.”
14979	PSA 68:27	Kxmu nzngr-krdr nide sele, “Naglqlzku Yawe, nigu leplz nedeng, mz nzyrlwr-lxblr-krgu. Naglqlzku Yawe, nigu kcng tqngi nqvi lr Jekop.”
14990	PSA 69:2	Gct, pi-zvzbo bam kx, “Arlapx ninge!” Murde nzkxpu-krngeng nzaetunepxpeng. X apupex rplz kc namrbropebz mz nrlr.
15030	PSA 70:5	A' amrlz krkcng tzbrti drtwrdr nim Mz nzrka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”
15042	PSA 71:11	Mz nzrpi-krdr kx, “Gct sc tqrlaszpele nide. Vzmamu, nalolvzpeku murde trpengr kx na-arlapxle nide.”
15070	PSA 72:15	Leplz amrlx sa nakrka'-ngrdr nide Murde Gct na-amrlz-zvzle nide, Mz nzrpi-krdr kx, “Gct, king lc nalu angidr zvz. X lr Arabia narkabzng gol kxpnapr bade.”
15076	PSA 73:1	Kxmule-esz' rpiku kx, “Gct mrlzti nivz lrde nigu lr Israel, X amrlzle kx nabzdr lq,”
15086	PSA 73:11	Nzrpibzlr badr kx, “Vz-nqblqmamu nigr, Murde Gct kc Heven trtxpnzngr nzmc-krde nimu.”
15088	PSA 73:13	Gct, mz nzmc-krnge nidr, rpix esz'-krnge kx, “Mane nzalqti-lzbq-krnge. X mane nzyrlqpx-lzbq-krnge mz alwx.
15089	PSA 73:14	Murde drtqnge etq zvz mz zbq kalvz, mz nzkxpu-zlwz-krnge.” A' trvz-nqblqwxu natq kxdrka'-ngrng, Mz nzrpi-krdr kx trmcwq alwx ngrgrng, Murde ma tqmailzx leplz nemqng mz nzvz-rbr-krdr.
15129	PSA 75:3	Gct rpile kx, “Yrlqpex mzli kx napipx-ngrne doa kx tubq x kx vz-rbr. X nzayzlu-krbo da badr narsakrlrngr.
15131	PSA 75:5	Pibo mz kxnzglqpx-lzbqng kx bzkq nzglqpx-lzbqng Mz nzbilvz-krdr zmatq ngrdr. X pi-kzpo mz kxdrka'-ngrng kx bzkqpe nzarmyalz-lzbqng, Mz nzailvzo-krdr kztedrng.”
15137	PSA 75:11	Murde rpile kx, “Sa naodatix zmatq ngr kxdrka'-ngrng, A' zmatq ngr kxnztubqng sa na-aetunepxbo.”
15190	PSA 78:19	Nzpibqtilr Gct, nzrpilr kx, “Kxmule-esz' luplxtrle rplz x lue yrlepx-katom elr, A' rblxbz bade nzrka-krmle nagu dakxnzng, Mz nzaclve-krde nigu leplz nedeng.”
15253	PSA 79:10	Mz nzrpi-krmlr bagr kx, “?Myxpe Gct rmu?” A' rlr-ngrm nzmc-krgr nzayrplapx-krm leplz lcng, Mz nzayzlu-krbzme badr nznibqti-krbzlr leplz nemqng.
15283	PSA 81:7	Rpimle kx, “Sc tqrkatxobo da kxmrlepu kcng tqglqamu. X aopxbo drtqmu mz nzwz-kato-krmu Ijipt.
15284	PSA 81:8	Mzli lc tqkxpu-ngrnamu, kqleamu ninge, x sc tqarlapxpex nimu. X sc tqokatrpele nimu tqvzmc mz bzlrmei. X ni-kznge kc tqabzle nimu mrkc lzke Mz aulz ngr Meriba.”
15285	PSA 81:9	“Naxlrmamu da kx narngidrlvz-ngrbo bamu, kx leplz nengeng. X nalalztqmamu mz natqnge.
15293	PSA 81:17	A' na-amrlzx nimu leplz nengeng, Murde na-abrtz-zlwzamu mz nzmnc-zpwx-krmu.”
15295	PSA 82:2	Rpibzle badr kx, “Nzaclve-krmu leplz narsakrlrngr. A' bzkq okatramu kxdrka'-ngrng nzmyaszpx-krdr kxnztubqng.
15300	PSA 82:7	Kxmule-esz', a' mrbrtr mz drtwrmu Kx zmatq kc tqwz-xgleamu nzkrlz nzrkatxpx-ngrbz, Da kc tzwai nzrkatxpxpe-ngrbz zmatq mz kzdung kxnzetung. X nabz-kzamu da kc tzwai leplz amrlx mz nzbz-krdr.”
15306	PSA 83:5	Nzrpilr kx, “Naodatitxbzku mrnyzdr, Murde drtq Israel namrbrtxtr alo mz drtwr.”
15314	PSA 83:13	Murde leplz lcng pnz nzrpilr kx, “Natwzku Israel, drtc' nyz Gct, nangi nyzgu.”
15368	PSA 87:4	Gct rpile kx, “Mzli kc na-aplxtipx-ngrbo leplz nengeng, lr mrkzble kcng tzmnc-ngalelr Israel sa naprtr-kzng mz dzbede nenge, Krlcng Ijipt, Bxbilon, Filistia, Taea, x Itiopia.
15371	PSA 87:7	X mzli lcde, leplz nengeng lcng amrlx sa naelang x narpilr mz nzngr-krdr kx, ‘Mztea nyzgu, Jerusalem, ngi narlue ngr me vzkipxm da kxmrlzting amrlx.’”
15395	PSA 89:5	Rpibzme bade kx, “Ncblo kcng tzvzpxmqng mz neidu lrm, sa nanginipwzlr king, Murde nqvi lrm na-aclve alo.”
15404	PSA 89:14	Mz nzrpi-krdr kx, “Nim kc tqmatq-esz'ngr, X nzxplr-krm etu-esz'ngr.
15405	PSA 89:15	Nou nzaclve-krm nrlc nidr seleng: Nztubqngr, nzrsakrlrngr, nzaodu-zvzngr, x nzangidatingr.”
15410	PSA 89:20	Mzli kc bqnc, mz nzyrlq-krm Devet nzngini-krde king, vzme mz profet nemqng, X rpibzme mz nzrmwiblengr kx, “Aprcbo zmatq mz kzdq ngrlrvea kx xplr, Mz nzarmyalz-krnge nide mz leplz txneng, murde nanginide king.
15420	PSA 89:30	X nzyrlq-krbo nzaclvekr nqvi lrde tqyc tqyc, Da kc tqwai nzyc-alokr bongavz.”
15421	PSA 89:31	X rpi-mopwz Gct kx, “A' nzmu doa nedeng naesablqtilr loukxtr scnge, Mz trnzlolvz-amqngi-krdru nzalvztr-krnge
15427	PSA 89:37	X nzaclvekr nqvi lrde tqyc tqyc, Da kc tqwai nzti-alokr nepi x nzprtz-krm temz x nztao-krde.”
15446	PSA 90:3	Rpime bagr kx, “Yzlu-mouamu,” X mz nzbz-krgr yzlu-moukr mz drtc' kc tqwz-ngrn nigr.
15462	PSA 91:2	X narpibzme mz Gct kc tqrninr kx, “Nim Gct rnge kc tqabrkitrx drtwrnge, Mz nzapu-krme bange lrpalvc kx rlakitrx.”
15474	PSA 91:14	Murde Yawe Gct rpile kx, “Sa na-arlapxx doa kx mrlztile ninge, X sa na-aclvex nide mz nzmnc-xgle-krde ninge.
15476	PSA 91:16	X doa lc sa namcle nzarlapx-krnge nide, X nakabo bade nzlungr kxboi kx na-abrtz-ngrde.”
15504	PSA 94:7	Nzrpilr kx, “Trtxpnzngr nzmckr Yawe nigu. X trycneu mz drtwr Gct rdr da lcng tqaletikung.”
15528	PSA 95:8	“Bzkq nabzmu mqngipe, da kc tzwailr melrmqmung. Murde kxmule-esz' nzmc-zvzlr nzrkati-krbo da kxmrlzting badr, Mz nzmnc-krdr mrkc lzke, a' otablrkr badr mrkc Meriba, X nzatalzlr ninge mrkc Masa, mz nzxpqbrlr-krdr ninge.
15531	PSA 95:11	X mz nzangya-krmlr drtwrnge, sc tqesalzpex kx, Trtxpnzngr nzprtr-krdr mz nzmnc-zpwxngr kc nakabo badr.”
15612	PSA 102:25	A' rpibo bam kx, “Gct rnge, nzlu-krm tqyc tqyc. Suti drtwrnge nakrlz-zpwxbo nzngi-lrtzlvz-krnge, x ninge kc tqbz-atex.
15616	PSA 102:29	Delc doa negrng sa namnc-zpwxng mz nrlc, Murde sa na-aclve-angidrq nidr.”
15684	PSA 105:11	Rpibzle badr kx, “Sa nakabo bamu drtc' kc Kenan Murde nangi drtc' nyzmu.”
15688	PSA 105:15	Mz nzrpi-krbzle badr kx, “Bzkq atrkatibzmu leplz nengeng kx mcpxx. X bzkq aetqbzmu drtq menrpa nenge lcng.”
15766	PSA 106:48	Naglqlzku Yawe, Gct rgu, nigu lr Israel, Tqvzpe, tqvzpe. Naglqlzku Yawe. Leplz narpilr kx, “Eu, angida!” Naglqpxku Yawe.
15774	PSA 107:8	Rkabz lue mz kxnzbrlxkzng, X dakxnzng kxmrlzting mz kxnzbrtaleng. “Awi Yawe, mz nivz lrm kc tqyc tqyc, eu. Okatr-zvzq nigr. Awi Yawe, mz nivz lrm.”
15781	PSA 107:15	Zmatq ngrde myaszpxle naonrx ngr presin, Mz nzodati-atwrnr-krdele. “Awi Yawe, mz nivz lrm kc tqyc tqyc, eu. Okatr-zvzq nigr. Awi Yawe, mz nivz lrm.”
15787	PSA 107:21	“Awi Yawe, mz nivz lrm kc tqyc tqyc, eu. Okatr-zvzq nigr. Awi Yawe, mz nivz lrm.
15788	PSA 107:22	Abrtz-zlwz-ngrgr nim nzkatxpx-krbzme Nzkxpu-krgrngq. Abrtz-zlwz-ngrgr nim. Naglqpx-zvzkr nim mz nzngr-krgr nabz, X mz nzale-krgr blz. Naglqpx-zvzkr nim.”
15797	PSA 107:31	“Awi Yawe, mz nivz lrm kc tqyc tqyc, eu. Okatr-zvzq nigr. Awi Yawe, mz nivz lrm.
15798	PSA 107:32	Napipxbzkr nimq mz mz lrtzlvzng, X mz leplz amrlx. Napipxbzkr nimq.”
15817	PSA 108:8	Gct, natqmqng nzvzpxmqng mz Mangr-nzangiongr, mz nzrpi-krdr kx, “Mzli kc na-aovxio-ngrne, sa na-akipxbo mz leplz nengeng Drtc' kcng mz nrlar LueJodzn rlilr.
15819	PSA 108:10	A' enqmi rmung trna-aovxiolru nimu. Murde lr Moab sa nawztrpqng bange X lr Edom sa nametxmqng bange. X sa namalqlvzx nzmilxtxo-krnge lr Filistia.”
15855	PSA 110:1	Yawe rpibzle mz King kc tqngi Kxetu rnge kx, “Wxbu mrlc tqmatq-esz'ngr mz nrlarnge kxrtc, Navz nakrlz-zpwxbzle mzli kc nangi-batr-ngrbo mz enqmi rmqng nzmetx-krbzlr bam.”
15858	PSA 110:4	X Yawe esalz-ngrde drtqde x trnatekqtrleu drtwrde. Rpile kx, “Nim King nenge, nangini-alo-kzp pris mz nzvz-nqblq-krde nzwzkr Melkesidek.”
15900	PSA 115:2	Delc trtakitrdeu lr mrkzbleng nzrpi-zvz-krmlr bagu kx, “?Myxpe Gct rmu?”
15920	PSA 116:4	Sc tqkqlepex nide mz nzrpi-krbo bade kx, “Yawe, arlapx ninge!” Sc tqkqlepex nide.
15931	PSA 116:15	X napipxbo badr kx, “Drtwr Yawe vztx zlwz Mz nzmc-krde nzbzkr kzdq doa nedeng. Delc tqmrlz-ngrbzle bade nzarlapx-krde nigu, Tqmyaszpx-ngrde nzrlrpx-krde nzbz-krgu.”
15939	PSA 118:2	Aodu-zvzle nigu. Lr Israel amrlx Napipxku kx, “Aodu-zvzle nigu.”
15940	PSA 118:3	Aodu-zvzle nigu. X nimu pris nedeng Napipxamu kx, “Aodu-zvzle nigu.”
15941	PSA 118:4	Aodu-zvzle nigu. X nimu kcng tzaxvctrmqng, Napipx-kzamu kx, “Aodu-zvzle nigu.”
15952	PSA 118:15	Mz nzmnc-krdr matelq ngr vea nyzdr, Ncblo ngr vea nedeng nzngr-abrtz-ngrdr nzaovxio-krde, nzrpi-krdr kx, “Yawe, oa ngr vea, kc tqaovxio zvz Mz zmatq ngrde. Yawe, oa ngr vea.”
15956	PSA 118:19	King malqtrpz yz, rpile kx, “Lvxpxm bange naonrx ngr Mangr-nzangiongr Yawe, Murde navztrx elr mz nzawi-krbo bade.”
15957	PSA 118:20	X pris neng Yawe nzayzlubzlr natqde kx, “Krlc naonrx nyz Yawe, X kxnztubqng txpwz kx navztrng elr.”
15958	PSA 118:21	Mz nzvztrkr King elr, rpile kx, “Yawe, awi-zvzbo bam murde ayzlu-ngrme nzkrka'-krnge, Mz nzarlapx-krme ninge mz mq enqmi rngeng.”
15959	PSA 118:22	Leplz amrlx kcng tzyrlwr-lxblrng Mangr-nzangiongr nzrpilr kx, “Rplz kc etu tzpxtxpx-ngrdr ncblo kcng tzrwz-ngrng ma, Nzaelwapxngr kx nide nou rplz kc tqmyatxpx-zlwzbz.”
15962	PSA 118:25	Ayzlu-ngrmle natqgu kx, “Yawe, arlapx nigr Mz nzokatr-krm nzaovxio-krgu.”
16144	PSA 120:2	Rpibo bade kx, “Yawe, arlapxbz ninge Mz leplz kxnzpokiang x nzesabrng.”
16158	PSA 122:1	Drtwrnge elalzm mz nzrpi-ngrm bange kx, “Navzdzpeku mz Mangr-nzangiongr Yawe.” Zbz sc tqvztrpekr mz naobz ngr mzteadau nyzde.
16163	PSA 122:6	Delc, nakrka'-ngrgu Jerusalem mz nzrpi-krgu kx, “Gct rgr, aclve zpwx nigr lr Jerusalem, Murde leplz nemqng kcng tzmrlztilr nim Namnc-zpwxng mz ma nyzdr, X narmctilr nrwx mz nzmncpx-krmlr mz drkq ngr mzteadau nyzm.
16165	PSA 122:8	Yawe, rlxtibzkr bam Kx na-aclve-kzpzme lr mrnyzgr x kztegrng kcng tzmncng elr. Amrlz zvz leplz amrlx kcng tzmncng elr Mz nzmrlzti-krdr Mangr-nzangiongr nim. Eu, angida.”
16185	PSA 126:2	Mzli lcde, yrpale-twzku x ngr-katoku, mz nzabrtz-zlwz-krgu. Zbz sc tzrpipe lr mrkzbleng kx, “Yawe rwz-ngrbz da kxetuting kx okatr-ngrde nidr.”
16208	PSA 129:8	X bzkq rlrpx-ngrn nzrpi-krbz badr kx, “Amrlzkr nimu mz drtq Yawe!”
16222	PSA 132:3	Rpibzle kx, “Yawe, trtxpnzngr nzvz-krnge ma nyznge o mz nelvq nyznge, X trtxpnzngr nzama-krnge x nzmwi-krnge,
16224	PSA 132:5	A' nawzti-kaix dq ma kx namnc-ngrn, Mz nzngini-krm Gct r Jekop.”
16226	PSA 132:7	X sc tzrpipelr kx, “Naglqpeku Bokis lc mz Tentkxtr nyz Yawe. Mz nzangio-krgu nide mrkc tqwxbu-ngrde mz tron.”
16227	PSA 132:8	X sc tzrpipebzlr mz Gct kx, “Yawe, vzm mz Tentkxtr nyzm, Murde namnc-zvzq mrkc tqycngr Bokis ngr zmatq ngrm.
16228	PSA 132:9	Murde pris nemqng nayapwxtipxbzlr nztubq-esz'ngr-krm mz leplz nedrng, Kcng na-angrlvzlr nim.”
16230	PSA 132:11	Murde esalz-ngrbzme bade da kx trnzkatxu, Mz nzrpi-krbzme bade kx, “Sa nayrlqbo dq mrlxm kx nanginide king kx na-aclvele lr Israel mz nibrm.
16231	PSA 132:12	X nzmu mrlxdrng nayrlq-angidrlr nzesz'tikr drtwrgr badr, X navz-nqblqlr natqnge kc tqkapxbo badr, Sa nangini-zvzdr king, Badr mrlxdrng, tqyc tqyc.”
16233	PSA 132:14	Mz nzrpi-krm kx, “Krlc mztea kx namnc-alo-ngrne, Mz nzvz-nqblq-krde me pnz drtwrnge.
16237	PSA 132:18	Sa na-amyalzx nide mz nzalao-krbo kraon mz narde, A' sa nabatrpo nzmyakr drtq enqmi rdeng.”
16293	PSA 137:3	Krkcng tzlolvztilr nigr, tzxtrnga-ngrdr nigr, nzrpimlr bagr kx, “Ngr-ngrmamu du bagr nabz kxtr nemung.”
16294	PSA 137:4	A' mz drtwrgr rpikr kx, “Rblx nzngr-abrtz-krbzkr mz Yawe, Mz nzmnc-krgr mz mztea nyz kxtrnzrlxngitiung.