7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7149	RUT 1:20	A' rpibz Naomi badr kx, “Bzkq rpimamu ninge Naomi, murde drtwr ngr Naomi ‘mrlzvxi.’ A' kqle-ngrmamu ninge Mara, drtwr ngrde ‘rblx.’ Murde Gct kc Tqaclvele da amrlx batrple nzrblxkr da amrlx bange.
7163	RUT 2:12	Rlxtibo mz Yawe, Gct rgr, kx na-ayzlubzle bamu nike aletiqng, mz nzamrlz-zlwz-krde nim. Nide ka tqmnclzpebzme bade mz nzvz-krme lc, x nide me rlakitrq, mz nzapu-krm nei kio kx mnclzbz mz nabx lxede.”
7170	RUT 2:19	Naomi rveabz kx, “?Mzbq ka drlve kc tqrmika-ngrn bali? Krka'-ngrne kx Gct na-amrlzle ncblo kc tqokatrle nim.” Zbz sc tqpipebz Rut mz lxede kx, “Drtq ncblo kc tqngi nyzde lclr bali kc tqwz-ngrne kcma, Boas.”
13948	PSA 1:5	Delc trnatu-amqngi-ngrdru mzli kc na-ayzlu-ngrbz Gct da mz leplz. X trnaprtrpwzung mz kxnztubqng.
13956	PSA 2:7	X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.
13964	PSA 3:3	Nzrpilr mz nzyapwxti-krdr ninge kx, “Gct trtxpnzngr nzokatr-krde nide.”
13969	PSA 3:8	Murde krka'-ngrne kx, “Yawe, Gct rnge, vzm arlapx ninge, X katxpxbz zmatq ngrdrng.”
13972	PSA 4:2	Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.
13981	PSA 5:2	Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.
13984	PSA 5:5	Yawe, trnginipqu Gct kx abrtzlvzle da kxtrka. X trmnc-lxblrwamuu mz kxdrka'-ngrng.
13990	PSA 5:11	Gct, plzpx alwx ngrdr x ayrplapx nidr, Mz nzprtz-mou-krdr mz trtxki scdr. Mapulrpxngr nidr mz nzkqlukr alwx ngrdrng, Murde nzpxtxpx-zvz-ngrdr nim.
14005	PSA 7:2	Yawe, Gct rnge, arlapxbz ninge mz mq ncblo kcng tzayotilr ninge. Murde nim me rlakitrx.
14007	PSA 7:4	?Yawe, Gct rnge, nike ale-rbrx? ?Mqnge alele dq da kxtrtubqu?
14014	PSA 7:11	Gct kxmyatxlz, nim temz ngr lomrnge kc tqyrputrngr nipna. X arlapxq krkcng nabzdr tqlq.
14049	PSA 9:18	z nzesablqti-krdr Gct, abz-ngrdr leplz ngr nrlc.
14050	PSA 9:19	zmu nakxpung, trtxpnzngr nzmrbrtitrkr drtwr Gct nidr. zobqtipxngr kxtrnzrngiscung trtxpnzngr nzbotxpx-krde.
14056	PSA 10:4	blx nzrtangrti-krde Gct murde glqpx-lzbq. blx nzrmcti-krde Gct murde mz drtwrde trtxpnzngr Gct.
14063	PSA 10:11	z-rbr kxdrka'ngr mz nzrpi-krde kx, “Gct trobqpepuu bange. zx a' trkrlzleu da kcng trka tqalex.”
14065	PSA 10:13	ai-ngrdele kxdrka'ngr pxtxpx-ngrde nim. rpile kx, “Gct trtxpnzngr nzayrplapx-krde ninge.”
14066	PSA 10:14	lqkqamu nimu kxdrka'-ngrng, murde Gct mcle da kxtrka lcng amrlx tqaleamu. oliqtile nzokatr-krde kxnzkxpung kcng tzrtangrtilr nide. lrle nidr murde nide kc tqokatr zvz kxnzobqszong.
14077	PSA 11:7	A' krkcng nabzdr tqlqngi sa namncng badr, Murde Gct tubq-esz'ngr x mrlz bade da kxtubq.
14093	PSA 14:1	Leplz kxnzngqngung mz drtwrdr nzrpilr kx, “Trpnzngr Gct.” Leplz lcng nzvz-rbrng x nzale-txpwzng da kxtrka zlwz. Trpnzngr leplz lcng kxtubq.
14095	PSA 14:3	A' nzesablqtilr Gct amrlx ngrdr x drtwrdr esz'ti mz nzale-krdr da kxtrka. Trpnzngr nidr kxesz' kxtubq.
14097	PSA 14:5	A' narngidrtio-lzbqng x namwxlrlvzti-lzbqng, Murde Gct tedr badr kxnztubqng.
14099	PSA 14:7	Sutitx zlwz drtwrnge kx Gct rgu kc Saeon na-arlapxle leplz nedeng. Murde mzli kc nayzlu-mou-ngrmle, namnc-zpwxku badr. X nigu lr Jekop drtwrgu sa naelalzm. X nigu lr Israel sa na-abrtz-ngrgu da lc.
14103	PSA 15:4	Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.
14108	PSA 16:4	Nzkxpukr krkcng tzangiolr kxtrngiu Gct angidr sa nartxlvzlz zvz. A' trna-angiowxu gct rdr kxnzmncng mzlilxlr, X trnakrka'pou badr. X trtxpnzngr nzpulio-krnge mepyr ngr blz mz olta nyzdr.
14121	PSA 17:6	Gct, krka'bo bam murde lalztq-zvzme bange. Kxetu, xlrm natqnge.
14133	PSA 18:3	Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.
14138	PSA 18:8	Mzli kc Yawe nakaputr-ngrmle, zmatq ngrde myalz apule nengq. Nrlc ycngrlr-atwrnrngr x wai-kzle nou newzng. Murde Gct ngyati zlwz drtwrde enqmi rngeng.
14152	PSA 18:22	Vz-nqblq-zvzx nqmq kr Gct rnge, X tresablqtiwxu nide.
14160	PSA 18:30	Gct, rka-zvzme bange zmatq ngr nzota-krgr badr enqmi rngeng. X axplr-zvzq ninge mz nzdwa-ngaletr-krbo nabxbz ngr lrpalvc nyzdr.
14162	PSA 18:32	Yawe nide txpwz Gct angidr, X butqbr nyzgu.
14163	PSA 18:33	Nide Gct kc tqaxplr-zvzle ninge, X tzbzle lrpzki rnge kxtubq kx nao-zlix.
14177	PSA 18:47	Yawe, nim Gct kx lu. Glqpxx nim murde nim butqbr nyznge. Glqlz-zvz-ngrne nim murde arlapx-zvzq ninge.
14180	PSA 18:50	Gct, sa naglqlzx nim mz mzlir lr drtqbrng amrlx, Mz nzangrlvz-krnge nim.
14183	PSA 19:2	Nzmyalzkr Gct nzmc mz bongavz, X dalr bongavz amrlx.
14186	PSA 19:5	A' nrpa scdr vzpx, krlzbzle leplz amrlx mz nrlc tulvzo. Gct yrlqbzle nrlckxbq nangi ma nyz nepi kx mwipx-ngrmle.
14190	PSA 19:9	Natq Gct aelalzmle drtwr kxnzrvz-nqblqng mz nztubq-krde. Aelwapx-ngrde da kx yc-kapq mz nzobqplx-krde nabz.
14198	PSA 20:2	Yawe, nim Gct r melrmqgr Jekop. X krka'-ngrgr kx na-ayzlume natq king rgr. X mzli kc nakxpu-ngrde okatrpz nide.
14202	PSA 20:6	X sa namalqlvzkr nzaovxio-krde. X naglqlzkr nim, Gct rgr. Yawe, ayzlum natqdeng amrlx. Eu, angida.
14204	PSA 20:8	Kzdung leplz nzabrtrpzlr drtwrdr mz ami nedrng, X kzdung mz dalr nzotangr. Da lcdeng trnaokatrlru nidr x nztaong mz vea. A' Yawe Gct rgr, tu-amqngi-zvzkr, murde abrtxtrpwzkr drtwrgr bam.
14222	PSA 22:2	Gct! Gct o! ?Memule tqvzszpe-ngrn ninge? ?X memule tqpxtxpx-ngrn nzokatr-krm ninge x trlalztqpepqu mz nzkrka'-krnge?
14229	PSA 22:9	Nzrpimlr kx, “Abrtrpzme drtwrm mz Yawe, a' namckr ena nzarlapxkr Gct nim mzli ka. Murde trokatrleu nim, kxmule-esz' rpiq kx mrlzti-zlwzle nim.”
14230	PSA 22:10	Yawe, yzuo mz zbq kc tzmcngr mzke', krlzmle mzli ka, Abrtr-zvzbo drtwrnge bam mz nzngini-krm Gct rnge. Murde aclve-angidrq ninge mz nzrmcngr mzke', X mz nzyq-krnge neyr lxenge.
14245	PSA 22:25	Kxmule-esz' nigu kxnzobqszong, a' Gct trobqszoleu nzkxpu-krgung, Murde trpxtxpx-ngrdeu nzayzlu-krmle natqgung.”
14263	PSA 24:5	Leplz kxnzmulr lcng nztubqbzng mz nzobqkr Yawe. X Gct r Jekop lc sa na-amrlzle x na-arlapxle nidr.
14269	PSA 25:1	wi Yawe mz nzngini-krm Gct rnge. brtr-zvzbo drtwrnge bam mz nzkrka'-krbo bam. zkq rlr-ngrbzme mz enqmi rngeng nzaovxio-krdr ninge. zkq nzamyatimlr drtqnge.
14273	PSA 25:5	lalvzx nzokatr-krme ninge mz nzvz-nqblq-krnge natqm. u. Murde nim Gct rnge kc tqarlapxle ninge, x tqabrkitr-zvzx drtwrnge nim.
14334	PSA 29:9	Natq Yawe apule nenq kc tqrkqtuti nc yrni x krlxpqtile leu rdr. X kxnzangiong amrlx mz Mangr-nzangiongr nzrpilr kx, “Gct, nzmyalz-esz'ngr-krm glqlz-ngrgr nim!”
14355	PSA 31:6	Yawe, aprcbo mqngrnge mz mqm. Murde nim Gct kc tqbrti drtwr mz nzxpepx-krm ninge.
14364	PSA 31:15	A' Yawe, nim Gct rnge, X abrtrpo drtwrnge bam.
14397	PSA 33:12	Sa namrlzbz mz lr drtqbr kcng tzangiolr Yawe murde nide Gct rdr. Murde leplz kcng tqmcpxle kx nangi nedeng nzabrtz-zvzng.
14439	PSA 35:9	Gct, mzli lcde sa na-abrtzlvzx nim, X drtwrnge elalzm mz nzarlapx-krm ninge.
14460	PSA 36:2	Gct, nzmncngr kxtrka vzdz-zvzm mz nabz kxdrka'-ngrng, X sc tqrpipebzle badr kx, “Bzkq amrlueamu Gct.”
14466	PSA 36:8	Gct, nzaodu-krm leplz mrlz-zlwzm bagr, Murde apusr-ngrm nigr nei kio kcng tzwxbulvzong lxedr.
14494	PSA 37:23	blamzngeng, bztipex nzmncngr, x ninge ka tqnginipenge lrtzlvz. X mcx kx nqmq kr ncblo kxtubq nide sele. katr-zvzle leplz mz nzrlr-nrbalq-krde dztudeng, x doa nedeng ngi da kxmrlz kx kabz Gct bade. Yawe okatr-zvzle nide x doa nedeng trnzyrnitrpwzung nadr dakxnzng. q mz drtwr Yawe nzaelwa-krbzle mz leplz lrpzki kx nao-zlilr, X mailz-zvzle krkcng tzabrtz-ngrdr nqmq krde. ipxle kx kxmule-esz' nanycdr miglqpx, a' trnztaoung, Murde sc tqlolvz-amqngileng.
14501	PSA 37:30	akitrde kx ncblo kxmrlz dekc tqvzkipxm natq ngr nzyrplapxngr, X nikeng pitileng tubq. akitr-kzde nzkrlz-angidr-krde Lou amrlx sc Gct rde, X nzlolvz-amqngi-zvz-krdeleng. z zvz kxdrka'-ngrng nzaukzti-krdr leplz kxnzmrlzng, Murde nanibqlrng. z zvz Yawe nzkapx-krmle ncblo kxmrlz mz mq enqmi rdeng, X mzli kc natwz-ngrdr nide mz kot, trnzaovxiolru nide.
14527	PSA 38:16	Murde nim Yawe kx na-ayzlubzle nike nzalemlr bange, Mz nzngini-krm Gct rnge kc tqabrtrpo drtwrnge bade.
14554	PSA 40:6	Yawe, nim Gct rgr x trpnzngr kx apule nim. Aleme bagr da kxkqlu mz nzatutr-krm drtwr kx yrlqq mz nzamrlz-krm nigr. Drtwrnge yrpz'trpz nzrlwxngr da lcng amrlx, Murde nzkqlu-zlwzng.
14557	PSA 40:9	Gct rnge, abrtzlvzx nzale-krnge me pnz drtwrm, Murde nabznge lolvz-amqngipele nzalvztr-krmqng.”
14565	PSA 40:17	A' amrlz krkcng tzbrti drtwrdr nim Mz rka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”
14580	PSA 41:14	Naglqpxku Yawe, Gct r lr Israel. Mzli ka x tqyc tqyc, naglqpxku Yawe.
14582	PSA 42:2	Gct, nzmingrti-zlwzkr drtwrnge nim Apule animol kc drtwrde tqbrlxkz mqde lue.
14583	PSA 42:3	Nim Gct kc tqlu x nzsutikr drtwrnge nim apule nzbrlxkztikr drtwrnge lue kxbao. ?Myx mzli kx naxngi-ngrbo nzmnc-krme bange?
14584	PSA 42:4	Mz zbq kang kqlu yrni-zvzx x mnqtxpwo drlemzke' kx piz. A' enqmi rngeng nzyrpalelvzlr ninge, nzrpimlr kx, “?Memule Gct rm trokatrpe-ngrdeu nim? ?Bzpe?”
14585	PSA 42:5	Gct, mzli ka drtwrnge yrnibutx zlwz. A' dcpx mou mz drtwrnge mzli kc ena tqmailztr-ngrne leplz Mangr-nzangiongr nim. Mzli lcde abrtz-zlwzkr x ngr-katokr mz nzglqlz-krgr nim.
14587	PSA 42:7	Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.
14589	PSA 42:9	Murde vz zvz nzpulio-krme nivz lrm mz zbq kang kqlu. X ngrbo bam mz nrlckxbq vzmi nzkrka'-krnge murde nim Gct kx rkam nzlungr bange.
14590	PSA 42:10	Gct, nim butqbr nyznge. ?Memule tqmrbrtitrpengr drtwrm ninge? ?X memule tqkxpu-zvz-ngrne Mz nzaetqti-krm enqmi rngeng drtqnge?
14591	PSA 42:11	Nzrpi-zvzmlr bange kx, “?Memule Gct rm trokatrpe-ngrdeu nim? ?Bzpe?” X sc tqvz zvz nzngzlilvzti-krdr ninge natq kxtrka.
14593	PSA 43:1	Gct, pipxbz mz krkcng trnzangiolru nim kx trvz-rbrwxu. Arlapx ninge mz mq krkcng tztrkating x tzpokiang.
14599	PSA 44:2	Gct, xlrpekr nrpa ngr da kxetuting kcng tqalebzme mz melrmqgrng mzli kc bqnc, Mz nzpi-krmlrle bagr mzli kc.
14602	PSA 44:5	Gct, nim King rnge. Nim kx rngi-batrp nzaovxio-krgr, nigr neidu lr Jekop.
14618	PSA 44:21	Gct rgr, nzmu navecpx-lzbqmgr bam, Mz nzangio-krgr gct kzble,
14624	PSA 44:27	Gct, vz-anim x okatrp nigr. Arlapx nigr murde aodu-zvzq nigr.
14627	PSA 45:3	Nzobq-krm lqngipx-esz'ngr. X natq ngr nzamrlzngr ngqpx-zvzm mz naom. Delc tqamrlz-zvz-kzngr Gct nim.
14631	PSA 45:7	Nzyrlqkr Gct lc nzngini-krm King tqyc tqyc, Mz nzaclve-krm leplz nemqng mz nzmncngr kx tubq-esz'ngr.
14632	PSA 45:8	Mrlzbz bam da kxtubq, a' px-ngrn da kxtrka. Dekc Yawe, Gct rm, tqmcpxpe-ngrde nim mz nzmyaszlz-krm kztemqng. X tqglqlz-ngrde nim, Murde na-aelule nim tolo ngr nzabrtzngr.
14644	PSA 46:2	Gct kc tqmyatxlz, nide me rlakitrku x axplrle nigu, X mz nzkqle-krgu nide mz mzli kx nzkxpungr, okatrle nigu.
14645	PSA 46:3	Kxmule-esz' nengq aycngrlrle nrlc, x newz nzbrkaong prla, X kxmule-esz' dxvo votrp x nrc oda, X newz nzycngrlr-ngrdr kz nzyrpukr nrc kxetuting, A' trmwxlrkuu murde abrtrpzku drtwrgu mz Gct.
14647	PSA 46:5	Gct kc tqmyatxlz mnc mz mztea kxtr nyzde, Jerusalem, Mrkc tqpulio-ngrmle nzabrtzngr bagu, Mz nzngini-krgu lr mrnyzde. Nzvzo-krmle bagu apule lue kx yrle-kato.
14648	PSA 46:6	X rblx nzodatingr Jerusalem murde Gct mncm bagu, X naokatrle nigu mz zbq kxmrna.
14653	PSA 46:11	X rpile kx, “Bzkq ota-zvzamu. A' metxpemamu bange murde ninge txpwz Gct. X ninge txpwz kx myatxlzbz mz neidu amrlx mz nrlc tulvzo.”
14656	PSA 47:2	Nigu leplz amrlx na-ayrlewzku da Mz nzngr-abrtz-kato-krbzku mz Yawe, Gct rgu.
14661	PSA 47:7	Nangr-katobzku mz Yawe Gct rgu. Murde nide King rgu, nangr-katobzku bade.
14664	PSA 47:10	Kxnzmailzlr lr mrkzbleng nzaxvctr-lzbqmqng bagu, nigu leplz neng Gct r Ebraam. Murde Gct kc tqmyatxlz-esz'ngr myaszpxle king amrlx mz nrlc.
14668	PSA 48:4	Gct aelwapxpe-ngrde kx trpnzngr da kx nakx mz drtqgu, Mz nzmncpx-krmgu badr mz lrpalvc nyzdeng mz mzteadau lc.
14673	PSA 48:9	X mzli lcpwz, tqmnc-ngrgu mzteadau nyz Gct rgu, Sc tqmcpe-kzku kx Yawe nide Gct kc tqrninr. X atu-amqngi-zvzle mzteadau lc, Da kc tzwai nzyapwxtipxkr melrmqgung le mzli kc.
14674	PSA 48:10	Gct, aoti zvz drtwrgr nzaodu-krm Mz nzvztr-krgr Mangr-nzangiongr nim.
14677	PSA 48:13	Nigu leplz neng Gct, naolvxtiku Jerusalem, X nabrti mzku mrkcng tztu-ngrdr kxnzaukz nedeng.
14679	PSA 48:15	Nzmyalzkr Gct rgu sc tqaelwapx-lzbqngr mz mzteadau lc. X sc tqmailzle nigu tqyc tqyc.
14687	PSA 49:8	A' trpnzngr kxrkrlz nzxpepx-krde nzlu-krde esz'-krde. Murde ncblo trtakitrdeu nzkapx-krde narncbr ngr nzlu-alongr kx yrlq Gct, Kxmule-esz' ka-atwrnr-ngrde trau x dztudeng amrlx. Murde rblx nzxpe-krde da kx na-arlapxle nide mz gq.
14695	PSA 49:16	A' Gct sa naxpetrle ninge mz zmatq ngr nzbzngr, Mz nzarlapx-krde ninge mz gq.
14701	PSA 50:1	Yawe, nide Gct kc tqxplr esz'ngr. X zluli rde pnamilxtile mzteadau Jerusalem kc tqlqngi. A' nrlc ycngrlrlzm mz nzvz-krmle, Murde nyr wounepx kai mz nzangc-krde da amrlx, X nounenq o-ngalelvzle nide. X kqlele lr Heven mz nzayrlwr-lxblr-krdr leplz amrlx mz nrlc.
14706	PSA 50:6	X lr Heven nzrpilr kx, “Gct, nzaclve-krm rsakrlrngr. Murde tubqq mz nzryrlq-krm drtwr.”
14707	PSA 50:7	Rpi Gct kx, “Leplz nengeng, xlrmamu natqnge. Murde ninge Gct rmu x na-aelwa-ngrbo mrkc tqvz-rbrtiamu.