7210	RUT 4:18	Krlc nqvi lr ncblo kx vzpxm mz Peres. Peres mrlxde Hesron.
7211	RUT 4:19	Hesron mrlxde Ram, Ram mrlxde Aminadab.
13953	PSA 2:4	A' King Yawe kc tqmncom Heven yrpalelvzle nidr, X xtrnga-ngrde drtwr kcng tzyrlqlr.
14011	PSA 7:8	Ayrlwr leplz mz nrlc tulvzo murde natu-ngalelvzlr nim, Mz nzaclve-krm nidr Heven.
14027	PSA 8:6	Murde wz-ngrn leplz vzo kxpipz mz lr Heven, X kabzme badr zmrlue x nzamatqngr.
14074	PSA 11:4	Bzkq kxmu nzycmne-krmamu lc bange, murde Yawe kc tqmncbe mz Mangr-nzangiongr nide, X sc tqwxbube mz tron nyzde Heven mz nzobqplx-krde nabz leplz amrlx.
14094	PSA 14:2	Yawe mncom Heven, x sc tqmcomle leplz amrlx, Mz nzmc-krde neke yrplapx mz nzrtangrti-krde nide.
14203	PSA 20:7	Yawe, ninge king kc tqmcpxq. X mzli ka krlzpex kx okatrq ninge mz nzaovxiongr. X sa na-ayzluome natqnge mrla tqmnc-ngrn Heven kxtr, X nakame bange zmatq ngr nzngini-krnge Ngrlrvea.
14326	PSA 29:1	Nimu enjrl ngr Heven nayrngzobzmu mz Yawe, Mz nzmc-krmu nzmyalz-krde x zmatq ngrde.
14398	PSA 33:13	Yawe obqom mrkc tqwxbuo-ngrmle mz tron nyzde Heven, Mz nzmco-krmle leplz amrlx mz nrlc ka.
14587	PSA 42:7	Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.
14701	PSA 50:1	Yawe, nide Gct kc tqxplr esz'ngr. X zluli rde pnamilxtile mzteadau Jerusalem kc tqlqngi. A' nrlc ycngrlrlzm mz nzvz-krmle, Murde nyr wounepx kai mz nzangc-krde da amrlx, X nounenq o-ngalelvzle nide. X kqlele lr Heven mz nzayrlwr-lxblr-krdr leplz amrlx mz nrlc.
14705	PSA 50:5	X rpibzle mz lr Heven kx, “Vzmimamu krkcng tzlxngitilr ninge, X drtwrgr badr tqesz'ti mz nzangc-krmlr bange blz krdr, murde nayrlwr-ngalelvzlr ninge.”
14706	PSA 50:6	X lr Heven nzrpilr kx, “Gct, nzaclve-krm rsakrlrngr. Murde tubqq mz nzryrlq-krm drtwr.”
14758	PSA 53:3	Gct mncom Heven, x sc tqmcomle leplz amrlx, Mz nzmc-krde neke yrplapx mz nzrtangrti-krde nide.
14813	PSA 57:4	Sa na-ayzlume natqnge Heven mz nzarlapx-krm ninge. X na-amyatibzme drtq krkcng tzrnzlvzolr ninge. Murde aodu-zvzq ninge, X angidati-zvzq natqm.
14815	PSA 57:6	Lr Heven namclr nzmyalz-esz'ngr-krm. X lr nrlc namclr nzaovxio-krm.
14821	PSA 57:12	Lr Heven namclr nzmyalz-esz'ngr-krm, X lr nrlc namclr nzaovxio-krm.
15084	PSA 73:9	Nzycmne-atrkatilr Gct kc Heven, X nzrpilr kx nidr kxnzetu r leplz mz nrlc mz nzrka-krbzlr natq badr.
15086	PSA 73:11	Nzrpibzlr badr kx, “Vz-nqblqmamu nigr, Murde Gct kc Heven trtxpnzngr nzmc-krde nimu.”
15092	PSA 73:17	Zbz kx vztrx Mangr-nzangiongr nim mz nzmnc-lrpi-krnge, Sc tqkrlz-atex kx kxdrka'-ngrng lcng trpnzngr nzmnctr-krbzlr bam Heven.
15100	PSA 73:25	Trpnzngr da kx wz-ngrn Heven x nrlc Kx suti drtwrnge, a' nim txpwz, Trte.
15146	PSA 76:9	Gct, mzli kc tqpio-ngrme Heven nzvz-rbrkr lr nrlc, Mz nzarlapx-krm kxnzobqszong, Lr nrlc lcng amrlx nzmwxlr-zlwzng X nzmnc-lrpitxng.
15194	PSA 78:23	Kxmule-esz', a' lvxpxbzle bongavz, Mz nzatwzlro-krmle badr dakxnzng ngr Heven.
15222	PSA 78:51	Nibqtibzle doa ncblo kx ayrnrngr nedrng, Nidr kcng tzvzpxmqng mz nqvi lr Ham, doa ne Noa.
15240	PSA 78:69	Mrlc dekc tqwztio-ngrde Mrkc Tqtr murde nayc alo elr, Da kc tqwai nzyc-alokr Heven x nrlc.
15271	PSA 80:15	Gct kc tqrninr, obqom bagr Heven. X okatr-mop nigr mz nzapu-krgr nqvi lr grep nyzm,
15307	PSA 83:6	Enqmi kcng tzmnc-ngalelr Israel drtwrdr esz'ti Mz nzprtr-krbzlr mz lr Amcn x lr Mcab, neidu lcng li nzvzpxmqng mz nqvi lr Lot. Kxnztupeng badr me esz' nidr seleng: Nqvi lr Isc, nqvi lr Ismael, neidu lr Haga, x neidu lr Amalek, Lr mztea Taea, lr Gebal, x lr Filistia. X lr Asiria kxnzxplrng nzngi tedr kz badr.
15396	PSA 89:6	Yawe, lr Heven nzglqpxlr nzangidati-krm, Mz nzangrlvz-krdr da kxnzkctipx kcng tqaleq. Enjrl amrlx nzamrlue-zlwzlr nim, Murde trpnzngr lr Heven kx apule nim, kc tqmyaszlzle nidr amrlx.
15550	PSA 97:6	Lr Heven amrlx nzpipxlr nztubq-esz'ngr-krde, X lr nrlc amrlx nzmclr nzmyatxlz-zlwz-krde.
15607	PSA 102:20	Kxnamu nzyr-krgule sele: Yawe mnc Heven, Mz ma nyzde kc tqtr tqmyalz, x sc tqobqom mz nrlc.
15635	PSA 103:19	King Yawe wxbu mz tron nyzde Heven, Mrkc tqaclve-ngrde nrlc atwrnrngr.
15637	PSA 103:21	X nimu ami ngr Heven kcng tzwztrpzng bade mz nzatutr-krbzmu me pnz drtwrde, Naglqpx-kzamu nide.
15815	PSA 108:6	Lr Heven namclr nzmyalz-esz'ngr-krm, X lr nrlc namclr nzaovxio-krm.
15838	PSA 109:15	Mrkc Heven nadcpx zvz mz drtwrm alwx ngrdrng, A' mz nrlc enqmi lcng namrbrtr alo mz drtwr.
15886	PSA 113:5	Trpnzngr kx apule Yawe kc tqngi Gct rgu, Mz nzwxbutxlz-krde mz tron nyzde Heven.
15901	PSA 115:3	Murde Gct rgu mncom Heven, X rngisc zmatq ngr nzale-krde nikeng suti drtwrde.
15912	PSA 115:14	Krka'-ngrne kx Yawe kc tqwz-ngrde Heven x nrlc Na-amrlz-ebir-ngrde nimu badr doa nemung.
15914	PSA 115:16	Heven mztea nyz Yawe, A' kamle bagu, nrlc ka.
16055	PSA 119:89	atqm tqyc, tqyc, X yc amqngi zvz Heven.
16167	PSA 123:1	Yawe, mnc-xglex nim Mz nzwxbu-krm mz tron nyzm Heven.
16290	PSA 136:26	Aodu-zvzle nigu. Glqlzku Gct kc Heven, X awibzku bade, aodu-zvzle nigu.
16315	PSA 139:8	X kxmule-esz' vzdzx Heven, a' sc tqmncq elr. X kxmule-esz' bzx x nzyrtzmqnge, a' sc tqmnc-kzq elr.
16442	PSA 148:1	Glqlz-zvzamu Yawe, nimu lr Heven amrlx. Nimu enjrl nedeng, glqlz-zvzamu Yawe.
16465	PSA 150:1	Naglqlzku Yawe mz nzmnc-krde Mangr-nzangiongr, X nzmnc-krde Heven kc tqmyalz.
23216	MAT 1:3	Judz mrlxde Peres x Seera, lxedr kxtrngiulrJiu, drtqde Tama. Peres mrlxde Hesron, x Hesron mrlxde Ram.
23222	MAT 1:9	Yusaea mrlxde Jotam. Jotam mrlxde Eas. Eas mrlxde Hesekaea.
23223	MAT 1:10	Hesekaea mrlxde Manase. Manase mrlxde Amon. X Amon mrlxde Josaea.
23239	MAT 2:1	Jiszs mzte nzmc mz taon kc Betleem mrkc Judiz provins mzli kc Herot Kc Tqmyalz tqngini-ngrde King. Mzli trboiu kzdung ncblo kx nzkrlz-angidrlr drtwr ngr vri sc tzvzpemqng Jerusalem. Ncblo lcng nzvzmqng rlru me prkilzm nepi.
23241	MAT 2:3	King Herot mz nzxlrpe-krde nrpa lc, nabzde kc tqtalvzope, murde king lc mzte tzmc ate ma tqmyaszlzle nide. X nabz lr Jerusalem amrlx talvzo kz, murde nzmwxlrtilr nzngyakr drtwr King Herot.
23242	MAT 2:4	Herot ayrlwrtr-lxblrle kxnzetu rdr pris x kxnzalvztrng mz Lou sc Mosis mz nzveati-krbzle badr kx, “?Drlve ke nzpi profet neng Gct namcngr mz Kxnzmcpx?”
23245	MAT 2:7	Zbz King Herot esz'-krde sc tqkqlepele ncblo kcng tzvzkimlr mrkc tqprkilzm nepi x nzpi-angidrbzlr bade mzli kx nzmc-ayrnr-ngrdr vri kc.
23246	MAT 2:8	A' rngidrtx-ngrbzle mz nzrpi-krbzle badr kx, “Vzamu Betleem x rtangrtiamu doa la topwz. X kx tqmcamu nide, sutitx zlwz drtwrnge nzyzlu-mou-kramu bange, murde navz-kzpo mz nzangio-krnge nide.” King Herot kc tqkxmu nzycmne-krbzle lc badr murde naesabrtile nidr.
23250	MAT 2:12	Mz nzyzlupe-mou-krdr mrnyzdr nzo-zli-alzulr kc lrpzki kzble, murde Gct ycmnebz badr mz nzrmwiblengr kx bzkq nzyzlupebzng mz King Herot.
23251	MAT 2:13	Mz nibr ncblo kcng nzvzpe-krdr, enjrl ne Yawe kc tqadcpx-lzbqpe-mopwz mz Josip mz nzrmwible-krde. Rpibzle kx, “King Herot sa na-atwzlrpx-ngrde kzdung ncblo mz nzrtangrti-krdr doa ncblo lc topwz mz nznibq-krdrle. Mz nzmu-krde lc, tutxlz-anipwzmu badr doa la x lxede, x plc-aniamu mrkc Ijipt. Mnc-txpwzmu elr. X napi-zpwxbo mzli r nzrlasz-mou-krmule.”
23253	MAT 2:15	Nzmncng Ijipt krlz-zpwxbzle mzli kx Herot bz-ngrde. Dekc Yawe tqatutrle nike pi-pnzbzle mzli kc bqnc mz profet Hosia, mz nzrpi-krde kx, “Ninge Yawe, kqletrx mrlxnge mz nzvzpx-krmle Ijipt.”
23254	MAT 2:16	Mzli kc Herot tqkrlzpe-ngrde kx ncblo kcng tzvzkimlr mrkc tqprkilzm nepi nzangqngutitrpelr nide, drtwrde kc tqngyape. Zbz sc tqpipebzle mz ncblo ngr vea nedeng nanibqtilr doa ncblo amrlx kx yiz ngrdr libe x kxnztopwztx-zlwzbeng tzmncng Betleem x kzdung kz mztea kxnzesotrpzng. Murde drtwr lc vz-nqblqle natq ncblo kcng mz nzpi-krbzlr bade mzli kx vri kc aelwapx-lzbq-ayrnr-ngrbzle badr.
23257	MAT 2:19	Zbz Herot kc tqbzpe, x enjrl ne Yawe sc tqadcpx-lzbqpe-mopwz mz nzrmwiblekr Josip, mzli kc tqmncbe-ngrde Ijipt.
23260	MAT 2:22	Mzli kc Josip tqxlrpe-ngrde kx mrlx King Herot, drtqde Akelezs kc tqnginipede king r Judiz Provins, sc tqmwxlrpe nzmnc-mou-krdr mrlcde. X Gct ycmne-mopwz bade mz nzrmwiblengr nike na-alele, x sc tqvzkipele Gzlili Provins.
23273	MAT 3:12	Mz nzvz-krmle naoliqtinemle nzrpipx-krde nqmq kr leplz. Nakapxmle leplz kx nzmrlzng mz leplz kx nztrkang, mz nzamnc-angidrpe-krdeleng Heven. A' leplz kxnztrkang sc tqangcpeleng mz nyr kx ngc alo.”
23277	MAT 3:16	Mz nibr nzwrkxtrkr Jiszs, mzli kcpwz tqvzdz-ngrmle mz lue kc, Heven lvxpx-lzbqbz bade. X mcle Mqngrkxtr vzom bade apule nran, x wxbuobz bade.
23278	MAT 3:17	Zbz kzdq natq rpiomle Heven kx, “Mrlx lc nide Mrlxnge Kxnzmrlzti. X abrtzlvz-zlwzx nide.”
23319	MAT 5:16	Mz nqmq lcpwz, na-aelwapx-ngrbzmu mz leplz nztubqkr nqmq krmu, kc navz-nqblqbzlr mz Trtemu kc Heven, mz nzglqlz-krdr nide.”
23325	MAT 5:22	A' rpibo bamu kx Gct sa na-ayrplapx-kzle mrlx kc tqngyati drtwrde kztede, kxmule-esz' tratrkatileu nide. X nide kc tqrpibzle mz kztede kx, ‘Nim dcvi r leplz,’ o ‘Nim brmrda ngr leplz,’ sa navzmi nide mz Kansrl. X nekc mz drtwrde rpile kztede takitrde Hxl, mz nzrpi-krbzle bade kx, ‘Nim bo-ngqngu,’ takitrde Gct nzrtctr-krde nide mz nyr ngr Hxl.
23332	MAT 5:29	“Mz nzmu-krde lcde, aclveti-lzbq kz. Bzkq rlr-ngrbzme mz alwx nzaclve-krde nim. A' mz mzli r nzatalzngr arlapx-lzbq. X katxpx-lzbqm mz nzatalzngr kx batrpzle nztao-zvz-krm. Murde nzwz-kato-krm mz nzmncngr kxtubq mzli ka, x nzmnc-zvz-krm Heven kalr, myaszpx-zlwzle nzaxtx-krbzme nzrlxngiti-krm mzli ka, x nzmnc-zvz-krm mz Hxl kalr.”
23337	MAT 5:34	A' rpibo bamu kx bzkq yrlqq nzesalz-krm mz kzdq da, murde rblxbz bam nzatutr-krm natqm, a' da amrlx yc mz mq Gct. Bzkq yrlqq nzesalz-krm mz Heven murde ngi me mncngr Gct.
23348	MAT 5:45	Murde mz nzale-krmu da lc, sa nanginimu mrlxng Gct Trtemu kc Heven x na-apuamu nide. Murde mrlztile leplz kxmule-esz' kxdrka'-ngrng o kxnzmrlzng, mz nzati-krbzle nepi x nzadc-krbzle tewa mz leplz amrlx.
23351	MAT 5:48	Mz nzmu-krde lcde, namrlztiamu leplz amrlx, da kc tqwai Trtemu kc Heven nzmrlzti-zlwz-krde leplz amrlx.”
23352	MAT 6:1	Jiszs rpibzle kx, “Bzkq glqpx-lzbqq mz nzale-krm da kxmrlz me nzyrlwr-lxblrngr, kx muq naglqpxngr leplz nim. Murde nzrglqpxngr lc sa nangipepwz da kx natwzq, a' trtxpnzngr nztwz-mou-krm da kx nakabz Trtem kc Heven.
23353	MAT 6:2	Mz nzmu-krde lc, mzli kznike rka-ngrn da mz nzokatr-krm leplz, bzkq aleq mz mz leplz kxnzkqlung, da kc tzwai leplz kx narpi-rbz kxnzrlxngiting. Nzalelr da lc murde naglqlzngr leplz nidr. A' napi-angidrbo bam kx trpengr da kx natwz-moulr kx nakabz Trtem kc Heven, a' ngi txpwz nzglqlzkr leplz nidr.
23355	MAT 6:4	Murde Trtem kc Heven tqrkrlz angidr da amrlx sa nakabzle bam da mz nzabrtzlvz-krde da kc tqale-kapqq.”
23361	MAT 6:10	x nzmnclz-krbzkr bam mz nzngini-krm King rgr. Murde navz-nqblq-kzkr me pnz drtwrm, da kc tzwai lr Heven.
23365	MAT 6:14	Jiszs rpi-mopwzle kx, “Murde nzmu naipqq krkcng tzaletrpzng da kx vz-rbr bam, e Trtem kc Heven sa naipq-kzle nim.
23366	MAT 6:15	A' nzmu trnaripqwq leplz, e Trtem kc Heven tripq-kzleu nim.”
23371	MAT 6:20	A' na-atamutilzq nzrngisc-krm da Heven, mrkc trpnzngr da kx atrkati da, x trpnzngr kx pna da elr.
23383	MAT 6:32	X bzkq apuamu kxtrnzrlxngitiung kx nzaoti txpwz drtwrdr da lcng. Murde trnzkrlzlru kx Gct rkale doa nedeng da kx tryctrpwzu badr. A' nadcpx mz drtwrmu kx Trtemu kc Heven krlzle da kx trycpwzu bamu.
23396	MAT 7:11	Nimu kcng trnztubq-zvzung krlzamu nzale-krmu da kxtubq mz nzrka-ngrbz da kxmrlz mz doa nemung. A' myapx-mopwz, Trtemu kc Heven krlzle nzale-krde da kxtubq mz nzrka-zvz-krbzle da kxmrlzti zlwz mz krkcng tzrlxbzng bade da.
23398	MAT 7:13	Jiszs rpi-mopwzle kx, “Mz nqmq lcpwz, naprtrq mz naonrx kxtotaki mz nzkrlz-krbzme lrpzki kc tqvz Heven. A' nakrlzq kx naonrx lc tqtotaki x lrpzki lc tqtopwzne rblx nzo-zlingr. Leplz trnzkqluung kx nzrmctilr naonrx lc. A' bzkq prtrq mz naonrx kc tqetu, murde ma tqrmctiq lrpzki kc tqvzkile mrkc tzodatingr leplz mz Hxl. Leplz kxnzkqlung nzvz-rbrng mz nzo-zli-krdr lrpzki lc tqyryz murde tr-rblxu nzo-zlingr.”
23406	MAT 7:21	Jiszs rpibzle kx, “Leplz kcng amrlx tzrpimlr bange kx ninge Kxetu Lod rdr trnaprtrung amrlx ngrdr Heven, a' nangi txpwz krkcng tzvz-nqblqlr me pnz drtwr Trtenge kc Heven.
23426	MAT 8:12	A' nimu lr Jiu kcng tqrpiamu kx sa naprtramu Heven, sa nartctxtrngr Gct nimu mz nzlo ngr Hxl, murde trvz-nqblqwamuu nqmq krde. X mz nzmnc-krmu mrlcde, sa nayrni-aloamu mz nzetqkr drtqmu x sa namadqtiamu nqngimu mz zngya, murde mnc-rlrupebzmu bade.”
23514	MAT 10:28	Bzkq mwxlrtiamu nzrnibqkr leplz. Murde krla tznibq-txpwzlr nrkrdrtqmu. A' namwxlrti-txpwzmu Kxetu kc tqodatile nrkrdrtq x mqngr leplz kxnztrkang mz Hxl.
23518	MAT 10:32	“Murde doa kx abrtzlvzle ninge mz mz leplz mz nrlc ka, sa na-abrtzlvz-kzx nide mz mz Trtenge mrkc Heven.
23551	MAT 11:23	X agrmplz nimu lr Kzpznizm murde pxtxpx-ngrnamu ninge. Kxmule-esz' glqlz-lzbqamu wq murde rpiamu natakitrmu Heven, a' Gct sa na-adwatrle nimu mz Hxl! Lr Sodom kxdrka'-ngrng nzmyaszpxlr nimu. Murde nzmu rkx lcng na-alepx-pnzmlr mz taon nyzdr, e lr taon lcde natekqtrlr nqmq nr drtwrdr x taon lc naycbe mzbq ka.
23553	MAT 11:25	Mzli lc tqkrka'ngr Jiszs, rpile kx, “Trte, Kxetu r lr Heven x lr nrlc! Awibo bam murde aelwapx-ngrbzme mz doa kcng tzavzo-lzbqng da kcng tqyrlq-kapqbzme mz ncblo kcng tzsiklung x tzrpilr kx nzyrplapxng.
23608	MAT 12:50	Murde doa kcng tzvz-nqblqlr me pnz drtwr Trtenge kc Heven, nidr lang mzlengeng x inwengeng x lxenge angidrng.”
23650	MAT 13:42	X leplz lcng amrlx sa nartclz-ngrng mz nyr mz Hxl, mrkc nayrni-alo-ngrdr mz nzetqkr drtqdr x namadqtilr nqngidr mz zngya.
23651	MAT 13:43	A' Trte sa navzmile doa nedeng Heven mrkc tqngini-ngrde King. X sa nayzlrpxng nzapulr nepi murde nztubq-esz'ngrng. Doa kx yrplapx, na-abzle nztwz-krde drtwr ngr natq lc.”
23658	MAT 13:50	X kxdrka'-ngrng amrlx sa nartclz-ngrng mz nyr mz Hxl, mrkc nayrni-alo-ngrdr mz nzetqkr drtqdr x namadqtilr nqngidr mz zngya.”
23667	MAT 14:1	Mzli lc King Herot Antipas, kc tqaclvele lr Gzlili, xlrle nrpa ngr da kcng tqaleti Jiszs.
23669	MAT 14:3	Nzbzkr Jon kxmule sele. Herot twzle olvz r mzlede Filip. X Filip lc sc tqlube, kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngibz alwx mz nzobqkr Gct mz nzyrlzti-krde olvz r mzlede. Zbz Herot atwzlr-ngrbzle ncblo ngr vea nedeng, nzlolvzlr Jon x na-adwatrlr mz presin.
23671	MAT 14:5	Herot rpile nanibqle Jon, a' rblx murde mwxlrtile leplz kxkqlu ma tzotablrng. Murde mz drtwrdr, Jon nide profet ne Gct.
23672	MAT 14:6	Zbz mz zbq kc tqkaputr-ngrm nzrmcngr mz Herot, alebzle kc nzmungr mz ncblo nedeng. Zbz abrtzlvzle inyx Herodizs, mz nzela-krbzle badr mz nzelangr kx batrpzle ncblo nzrkcmnzngr nide.
23673	MAT 14:7	Rpibz Herot bade kx, “Nike narlxtime bange, esalz-ngrne kx sa nakabo bam!”