7130	RUT 1:1	Mzli kc tqngi trgalr king r Israel, kzdq kc ncblo drtqde Elimelek, nide nqvi lr Efrata, x mnc Betleem mz nrlarnrlc kc Judz, nidr mz olvz rde, drtqde Naomi, x mrlxdr nzling, drtqdr Malon x Kilion. Mzli lcde tao kc dzbi mrkc Israel, murde trpnzngr tewa. Mz nzmu-krde lcde, nzvzng mz kandre kc Moab mz nzmnc-krpwzlr elr.
7135	RUT 1:6	Mz nibr kzdung mzli, Naomi xlrle kx Yawe okatr-moule lr Israel mz nzrka-kr-mopwzle nzkqlukr dakxnzng. Kx xlr Naomi nrpa lc, sc tzoliqpeng badr lvxbqde kcng nzling, nzvz-krdr badr Israel. X sc tzrkalzpemqng.
7173	RUT 2:22	Naomi rpibzle kx, “Inyxnge, mrlzvxitx nzvzne-krmu badr olvi nedeng, murde ma tzatrkam mz nrlc nyz ncblo kzble, mz nzngini-krm lr narnrlc kx esz'trpz badr.”
7175	RUT 3:1	Mzli lcde, rpibz Naomi mz lvxbqde kx, “Inyxnge, mzli ka namcpo dq ncblo kx nayrlztiq. Kx na-amncle nim brma x na-aclvele nim.
7192	RUT 3:18	Zbz sc tqrpipebz Naomi kx, “Inyxnge, aenzlipwz. Bzkq nabzm talvzo. Murde Boas nzmu trmnc-nrwx-ngru mzbq ka kx tqmnc-nrwxpe-ngrde da tubqpe.”
7199	RUT 4:7	X sc tqkapxpele sadol scde tqkapebzle mz Boas. Murde mzli kc tqprtzngr da lc, nqmq kr lr Israel mz nzxpepxngr x nzaprcngr dztu, kxmule sele. Kzdq ncblo nzmu kapxle sadol scde x kabzle mz mrlx kztede, aelwapx-ngrde kx drtwrdr rlilrdr esz'ti mz nike nzaolvzlr.
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
7206	RUT 4:14	Nzrpibz olvz kcng tzmncng mrkc mz blrkq mrlx Rut kx, “Naomi, takitrde nzrglqlzngr Yawe, murde rkabz nem doa ncblo mzbq ka. Krka'-ngrgr kx doa lc nakrlzti lr Israel nide.
14099	PSA 14:7	Sutitx zlwz drtwrnge kx Gct rgu kc Saeon na-arlapxle leplz nedeng. Murde mzli kc nayzlu-mou-ngrmle, namnc-zpwxku badr. X nigu lr Jekop drtwrgu sa naelalzm. X nigu lr Israel sa na-abrtz-ngrgu da lc.
14224	PSA 22:4	Nim King rgr kxtr-esz'ngr kc tqaclvele nigr lr Israel. X angio-zvzkr nim.
14244	PSA 22:24	Murde sa napipxbo badr kx, “Nigu kxnzawz neng Yawe, naglqlzku nide! Eu. Nigu lr Israel na-amrlueku nide mz nzamatq-zvz-krgu nide!
14290	PSA 25:22	matq ngrm, navzm mz nzarlapx-krbzle nigr lr Israel mz trkang amrlx kcng tqrmctikr mzli ka.
14569	PSA 41:3	Sa na-aclvebzle nzlu-krdr. X trtxpnzngr nzrlr-krbzle nidr mz mq enqmi rdrng. Delc tzrpi-ngrbz kx Yawe amrlzpele lr mrnyzdr Israel.
14580	PSA 41:14	Naglqpxku Yawe, Gct r lr Israel. Mzli ka x tqyc tqyc, naglqpxku Yawe.
14587	PSA 42:7	Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.
14676	PSA 48:12	X nigr lr Israel amrlx nzabrtz-ngrgr kz Nztubqkr da kx pipxq.
14733	PSA 51:10	Ipq ninge murde na-abrtzx, X drtwrnge kc tqavzbzme naelalz-mop.
14762	PSA 53:7	Sutitx zlwz drtwrnge kx Gct rgu kc Saeon na-arlapxle leplz nedeng. Murde mzli kc nayzlu-mou-ngrmle, namnc-zpwxku badr. X nigu lr Jekop drtwrgu sa naelalzm. X nigu lr Israel sa na-abrtz-ngrgu da lc.
14839	PSA 59:6	Yawe, nim Gct kc tqrninr, Gct r lr Israel. Dwalzm mz nzayrplapx-krm lr mrkzbleng. X bzkq ycngr drtwrm krkcng tzryrlqng drtwr kxtrka.
14847	PSA 59:14	Odati nidr mz nzmilxtxo-krm nidr mz zngya ngr drtwrm. Murde leplz nakrlzlr kx nim Gct kc tqaclvele lr Israel x lr nrlc tulvzo.
14960	PSA 68:8	Mz nzrlaszkr leplz ne Gct Ijipt, vzmitrleng lzke. X mz nzmailz-krde nidr, mncpxm mz nyr x dcbz.
14961	PSA 68:9	Nide Gct r lr Israel kc tqaelwapxle zmatq ngrde mz Newz Saenae. Murde mz nzvz-krmle, nengq x tewa kxnzetung nzvz-kzpqng.
14983	PSA 68:31	Ayrplapx Ijipt kc tqapule trmwzlogo kc tqmnc-kapqpxm mz nabr kc tqlvcpulzm mz nqlvi lr Lue Nael, Ayrplapx nidr badr kztedeng murde mrlz-zvzbz badr nzotangr. Aodali lr mrkzble lcng, Navz navz nakrlzbzle mzli kc tzyrngzo-ngrbzlr bam.
14984	PSA 68:32	Murde kxnzetung ngr Ijipt navzmqng bam, Nidr badr lr narnrlc amrlx kcng tzaxvctrng badr, X naxpeng trau, silvz, x da kxlqlwx Mz nzaovxio-krm nidr mz vea.
14987	PSA 68:35	Napipxku zmatq ngr Gct, kc tqaelwapx-ngrde mz dcbz, X mz nzaclve-krde nigu lr Israel.
14995	PSA 69:7	Yawe, nim Ngrlrvea r ami nem, X nim Gct r lr Israel. Nzatrkatilr ninge murde lxngitix nim, X nzamyati-zvz-ngrm drtqnge. A' bzkq rlr-ngrme bange nzamyati-krbo drtq leplz nemqng, Kcng tzlxngitilr x tzangiolr nim.
15053	PSA 71:22	Gct rnge, nim Gct rgr, nigr lr Israel, x sa nangrbo bam mz nzayrni-krbo gita x ukzlele. Tr-esz'ngrn x sa naglqlzx nim murde ngida angidrme bagr.
15076	PSA 73:1	Kxmule-esz' rpiku kx, “Gct mrlzti nivz lrde nigu lr Israel, X amrlzle kx nabzdr lq,”
15116	PSA 74:13	Sc tqakipxq Prla Bla mz zmatq ngrm. X tqtamyrnr-ngrn nardr mepwz kc tqngi Ijipt.
15139	PSA 76:2	Lr Israel nzangiolr Gct. X drtqde nzkrlz-zlwzlr.
15176	PSA 78:5	Yawe yrlqbzle loukxtr scde mz lr Israel, Mz nzka-krbzle natqde mz nqvi lr Jekop. X rngidrlvz-ngrbzle mz melrmqgu lcng Kx na-alvztr-ngrdr doa nedrng mz lou lcng.
15180	PSA 78:9	Mzli kc bqnc kzdung lr Israel, ncblo ngr vea nedrng nzoliq-angidrpeng mz popz' x nipna scdrng, A' mz zbq kc navecpengr, sc tzdwapeng.
15182	PSA 78:11	Kxmule-esz' nzmcpelr zmatq ngr Gct, A' trmatqu mz drtwrdr da kxnzkctipxng kcng tqaleleng mrkc Ijipt.
15214	PSA 78:43	Mzli kc tqale-ngrde da kxnzkctipxng Mz nzvzmipx-krde nidr Ijipt.
15215	PSA 78:44	X mzli kc tzmnc-ngrdr Ijipt, ngi-batrpzle lue kxetung nzlrtipx-krdr mepyr, Murde lr Ijipt ma tzrmnqng lue.
15220	PSA 78:49	X mz nzngyati-zlwzkr drtwrde lr Ijipt kcng tzakxputilr leplz nedeng, Atwzlr-ngrmle enjrl kxnzkqlung mz nzpulio-krmlr nyr mz nzayrplapx-krdeleng.
15223	PSA 78:52	Mz nibrde sc tqrtwayzpebz mz leplz nedeng mz nzrlasz-krdr Ijipt. X mailztrle nidr lzke mz nzapu-krdr sip nedeng.
15226	PSA 78:55	Maneutipxle leplz kxnzmnc-mrbrng mrlcde, mz nzvztrkr leplz nedeng mz drtc' lc. X sc tqakipxpebzle drtc' lc mz neidu lr Israel kcng nzpnu-esz'-nrade-li, x nzmncpx-alzupq'ng mz ma nyzdr.
15241	PSA 78:70	X mcpx-kzle Devet kx nawztrpz bade. X kapxmle nide mz nzaclve-krde sip neng trtede, Murde nanginide king r lr Israel, Mz nzaclve-krde leplz neng Gct.
15258	PSA 80:2	Gct, myaszlzq enjrl kxnzetung. X aclve-zvzq nigr doa neng Josip, Mz nzapu-krgr sip nemqng. Lalztqm bagr, nigr doa neng Israel.
15265	PSA 80:9	Apusr-ngrn nigr nqvi lr grep ngr nrlanc nyzm. Murde mz nzvzmipx-krme nigr Ijipt, Apule kx bolvztipeq leplz kxnzmnc-mrbrng mrkc Kenan, Murde nqvi lr grep nyzm natu-amqngi mz drtc' lc.
15281	PSA 81:5	Murde krlc natq kx kam Gct bagu, nigu lr Israel, Mz nzka-krbzle loukxtr scde mz nqvi lr Jekop.
15282	PSA 81:6	Pipxbzle mz melrmqgung, nidr neidu lr Josip, Mzli kc tqatrkati-ngrde lr Ijipt. X ninge Asaf, mzli kc nzryr-krnge tqkrlzpe-ngrbzle me tavau, Xlrx kc natq kx trglxwxu, a' mz nibrde sc tqglx-atex.
15283	PSA 81:7	Rpimle kx, “Sc tqrkatxobo da kxmrlepu kcng tqglqamu. X aopxbo drtqmu mz nzwz-kato-krmu Ijipt.
15287	PSA 81:11	Murde ninge Yawe, Gct rmu, Kc tqvzmile nimu mz nzrlasz-krmu Ijipt. X sa na-amrlzx nimu mzli kx abrtrmamu drtwrmu bange.
15306	PSA 83:5	Nzrpilr kx, “Naodatitxbzku mrnyzdr, Murde drtq Israel namrbrtxtr alo mz drtwr.”
15307	PSA 83:6	Enqmi kcng tzmnc-ngalelr Israel drtwrdr esz'ti Mz nzprtr-krbzlr mz lr Amcn x lr Mcab, neidu lcng li nzvzpxmqng mz nqvi lr Lot. Kxnztupeng badr me esz' nidr seleng: Nqvi lr Isc, nqvi lr Ismael, neidu lr Haga, x neidu lr Amalek, Lr mztea Taea, lr Gebal, x lr Filistia. X lr Asiria kxnzxplrng nzngi tedr kz badr.
15314	PSA 83:13	Murde leplz lcng pnz nzrpilr kx, “Natwzku Israel, drtc' nyz Gct, nangi nyzgu.”
15335	PSA 85:2	Yawe, yc ngr drtwrm lr Israel mzli kc pnz, Mz nzamnc-zpwx-mou-krm nidr mz drtc' nyzm.
15366	PSA 87:2	X mzteadau lc nzmrlzba-krdele Myaszpxle mztea kc-kzng ngr Israel.
15368	PSA 87:4	Gct rpile kx, “Mzli kc na-aplxtipx-ngrbo leplz nengeng, lr mrkzble kcng tzmnc-ngalelr Israel sa naprtr-kzng mz dzbede nenge, Krlcng Ijipt, Bxbilon, Filistia, Taea, x Itiopia.
15370	PSA 87:6	X sa nayrox drtq leplz amrlx kcng tzbrti drtwrdr ninge, Mz nzprtr-krdr mz neidu lr Israel.
15559	PSA 98:3	X aodule nigu lr Israel mz nzatutr-zvz-krde natqde. Murde leplz mz nrlc tulvzo nakrlzlr kx arlapxle nigu.
15623	PSA 103:7	Aelwa-ngrbzle me pnz drtwrde mz Mosis, X zmatq ngrde mz lr Israel.
15690	PSA 105:17	A' atwzlr-kai-ngrde kzdq ncblo Ijipt kx nangibz lrpzki badr. Krlcde Josip, mrlx Jekop, kc tzamwalr murde nanginide kxnzawz-nrbalq.
15692	PSA 105:19	Vz vz x natqde sc tqyokaetipxpele nzrmwiblekr king r Ijipt, Mz nzpipx-krde natq angidr kc tqkabz Yawe bade.
15693	PSA 105:20	Zbz king r Ijipt kc tqaclvele mrkcng kqlu, Aopxbzle drtq Josip mz nzkapx-krmlele mz presin.
15694	PSA 105:21	X sc tqyrlqpele Josip nzngini-krde kxetu elr, Murde na-aclvele dalr Ijipt amrlx.
15696	PSA 105:23	Mz nibrde Jekop badr doa nedeng sc tzvzpeng Ijipt, Mz nzmnc-krdr elr, murde dzbi lc tqtaope mz drtc' nyzdr.
15697	PSA 105:24	Nqvi lr Jekop nzmncting Ijipt trtqki r yiz, x Yawe batrpzle nzkqlunepx-krdr. X nzxplr-krdr myaszpxle lr Ijipt, enqmi rdrng.
15698	PSA 105:25	Delc lr Ijipt tzngyatingr drtwrdr leplz nedeng kcng tzangiolr nide. X sc tzatrkatipelr nidr mz nzawz-nrbalq-krdrleng x sc tznibqtipe-kzpzlr doa ncblo nedrng mzli kc mztr tzmc-ngrdr.
15699	PSA 105:26	Delc Yawe tqatwzlr-ngrbzle Mosis kxnzawz nede, Nidr mz Eron kc tqmcpxle, murde naokatrlr leplz nedeng Ijipt.
15701	PSA 105:28	Awx-nzlo-ngrbz Yawe mrnyzdr, A' natqde trnzvz-nqblqpwzlru lr Ijipt.
15709	PSA 105:36	Zbz Yawe sc tqnibqtipe-kzle doa ncblo kx ayrnrngr Mz ma nyz lr Ijipt amrlx.
15710	PSA 105:37	Mz nibrde sc tqmailzpele lr Israel mz nzrlasz-krdr Ijipt, nzrtwzng silvz x gol. X trpnzngr nidr kxnzyagoxng, a' nzxplrng.
15711	PSA 105:38	X lr Ijipt nzabrtzlvzlr nzrlasz-krdr nidr. Murde nzmwxlrtilr da kx naprtzbz badr mz nzlolvz-mou-krdrleng.
15725	PSA 106:7	Mzli kc tzmncngr melrmqgrng Ijipt, Trnzkrlz-zpwxlru rkx kcng tqaletiqng, X trnzaotiu drtwrdr nzwrde kcng kqlu tqaelwa-ngrbzme nivz lrm badr. X mrkc Prla Bla nzrnzlvzolr nim kc tqmyalz-esz'ngr.
15728	PSA 106:10	Arlapxq nidr mz nzaopx-krbzme drtqdr mz mq lr Ijipt, Enqmi rdr kcng tzpxtxpx-ngrdr nidr.
15739	PSA 106:21	Trycneu mz drtwrdr nim kc tqarlapxle nidr. Tqrtrngzbz rkx kxmatq mrkc Ijipt, Tqwz-ngrde da kcng tqmrlzvxing elr, X tqalele da kcng tzkctipxng mrkc Prla Bla.
15766	PSA 106:48	Naglqlzku Yawe, Gct rgu, nigu lr Israel, Tqvzpe, tqvzpe. Naglqlzku Yawe. Leplz narpilr kx, “Eu, angida!” Naglqpxku Yawe.
15891	PSA 114:1	Mzli kc lr Israel nzrlasz-ngrdr Ijipt, Mz nzngini-krdr lr mrkzbleng elr,
15892	PSA 114:2	Lr Judz lcng tznginipedr leplz kxnztrng ne Yawe, Mz nzaclve-krde drtc' nyzdr, Israel.
15897	PSA 114:7	Da kcng tqwzngr Yawe nzvz-nqblqlr natqde. Nzelalvzlr nzaelwapx-krde zmatq ngrde, mz nzngini-krde Gct r lr Israel.
15907	PSA 115:9	Nimu kcng tzaxvctr-lzbq-kzpqng bagr mz nzangio-krgr Yawe, X nimu pris nedeng mz nqvi lr Eron, X nigu lr Israel amrlx na-abrtrpzku drtwrgu bade. Murde nide temz ngr lomrgu kc tqyrputrngr nipna.
15910	PSA 115:12	Yc zvz mz drtwrde nigu x sa na-amrlz-zvzle nigu. A' sa na-amrlzle nimu kcng tzaxvctr-lzbqmqng mz nzangiongr nide, X nimu nqvi lr Eron, x nigu lr Israel amrlx. Kxmule-esz' nigu leplz txneng o kxnzetung,
15939	PSA 118:2	Aodu-zvzle nigu. Lr Israel amrlx Napipxku kx, “Aodu-zvzle nigu.”
16022	PSA 119:56	Iklr ninge murde nabznge napq, X na-ale-zvzx nzalvztr-krmqng.
16152	PSA 121:3	Da zpwx! Murde Yawe obq zvz, X aclve-angidrle nigu lr Israel, Mz nzapu-krgu sip nedeng. A' tramau x trmwiu, murde ma tqtaoku.
16161	PSA 122:4	Nigu neidu lr Israel vzmgu mrlcde mz nzawi-krbzku mz Yawe, Da kc tqwai nzpi-krdele.
16171	PSA 124:1	Nigu lr Israel nakrlz-angidrku Kx Yawe ngi-te-zvzku badr mz nzotangr.
16182	PSA 125:4	Delc Yawe, krka'-ngrgr kx na-amrlzq nigr lr Israel kxnztubqng Mz nzyrlq-angidr-krgr natqm.
16199	PSA 128:5	Yawe, mz nzmncpx-krme Mangr-nzangiongr, Amrlz nigr lr Israel, murde namnc-zpwxkr. X trtegr lcng namc-zvzlr da kxmrlzting kcng tqaleme bagr, nigr lr Jerusalem. X namc-kzlr nzmnckr doa ne doa nedrng, x sc tzbz-ateng.
16201	PSA 129:1	Nigu lr Israel nadcpx mz drtwrgu kx enqmi rgung nzatrkatilr nigu Yzuo mzli kc tqpipzbe-ngrgu mrnyzgu.
16215	PSA 130:7	X nigu lr Israel, na-abrtrpzku drtwrgu mz Yawe, murde aodu-zvzle nigu. X oliq zvz nzarlapx-krde nigu.
16219	PSA 131:3	X nigu lr Israel navz zvz nzabrtr-krbzku drtwrgu mz Yawe, Murde namnc-zpwx-kzku.
16230	PSA 132:11	Murde esalz-ngrbzme bade da kx trnzkatxu, Mz nzrpi-krbzme bade kx, “Sa nayrlqbo dq mrlxm kx nanginide king kx na-aclvele lr Israel mz nibrm.
16247	PSA 135:4	Murde mcpxle nqvi lr Jekop, nigu lr Israel, Mz nzngini-krgu leplz nedeng.
16251	PSA 135:8	Sc tqnibqtile ncblo kx ayrnrngr Ijipt, Kr neng leplz x kr neng animol.
16255	PSA 135:12	X drtc' nyzdrng katimleng bagu, Nigu lr Israel, da kc tqwai nzpi-krmlele bagu.
16262	PSA 135:19	A' Nigu nqvi lr Israel, naglqlzku Yawe. X nimu pris, nqvi lr Eron, na-amrlue-kzamu nide.
16274	PSA 136:10	Aodu-zvzle nigu. Nibqtile enqmi rgung, Kxmztr nzmc kai ne lr Ijipt. Aodu-zvzle nigu.
16275	PSA 136:11	Aodu-zvzle nigu. Rkamilzmle nigu Lr Israel mz mzlir lr Ijipt. Aodu-zvzle nigu.
16279	PSA 136:15	Aodu-zvzle nigu. A' rtco-ngrde prla King x ami r lr Ijipt. Aodu-zvzle nigu.