7130	RUT 1:1	Mzli kc tqngi trgalr king r Israel, kzdq kc ncblo drtqde Elimelek, nide nqvi lr Efrata, x mnc Betleem mz nrlarnrlc kc Judz, nidr mz olvz rde, drtqde Naomi, x mrlxdr nzling, drtqdr Malon x Kilion. Mzli lcde tao kc dzbi mrkc Israel, murde trpnzngr tewa. Mz nzmu-krde lcde, nzvzng mz kandre kc Moab mz nzmnc-krpwzlr elr.
7132	RUT 1:3	Kx nzmncng kc Moab, Elimelek sc tqbzszpele Naomi x mrlxde kcng nzling.
7133	RUT 1:4	Zbz mrlxdeng nzyrlzng rlilrdrng Moab. Kilion yrlztile Opa x Malon yrlztile Rut. Nzmnctilr Moab yiz nzpnu-esz'.
7134	RUT 1:5	Zbz mzle-lzbq lcng, Malon x Kilion nzbz-kzng elr. Mzli lc Naomi trpengr ncblo ngrde x trpe-kzngr mrlxde.
7135	RUT 1:6	Mz nibr kzdung mzli, Naomi xlrle kx Yawe okatr-moule lr Israel mz nzrka-kr-mopwzle nzkqlukr dakxnzng. Kx xlr Naomi nrpa lc, sc tzoliqpeng badr lvxbqde kcng nzling, nzvz-krdr badr Israel. X sc tzrkalzpemqng.
7148	RUT 1:19	Olvz lcng nzling nzvzng nzvzng mzli kx nzkrlz-ngrbzlr mztea Betleem. Kx nzkaputrpzlr kc Betleem, lr mztea kc sc tzabrtzlvzpelr nidr x tzyrlwrlvzpelr nidr. Olvz lr mrkc sc tzrpipelr kx, “Doa lcng, Naomi yzlupem!”
7151	RUT 1:22	Krlc be angidr ngr Naomi mz nzyzlu-krmle Moab nidr mz lvxbqde Rut, kc tqngi olvz lr Moab. Nzkaputrpqng Betleem mz zbq kc kai tzrkqngr nra nabr kc tqngi bali mz nzbrpe-krde. Nra bali nzkqti-txpwzle zbq tq o pwx.
7157	RUT 2:6	Rpibz ncblo kc kx, “Krla doa olvz lr Moab, kx nzvzmqng mz Naomi, mz nzyzlu-krmle kc Moab.
7170	RUT 2:19	Naomi rveabz kx, “?Mzbq ka drlve kc tqrmika-ngrn bali? Krka'-ngrne kx Gct na-amrlzle ncblo kc tqokatrle nim.” Zbz sc tqpipebz Rut mz lxede kx, “Drtq ncblo kc tqngi nyzde lclr bali kc tqwz-ngrne kcma, Boas.”
7175	RUT 3:1	Mzli lcde, rpibz Naomi mz lvxbqde kx, “Inyxnge, mzli ka namcpo dq ncblo kx nayrlztiq. Kx na-amncle nim brma x na-aclvele nim.
7176	RUT 3:2	Rmikatiq bali vz-nqblqq olvi kcng tzwztrpzng mz Boas. X krlzq nzngini-krde kxnginigu. Koma mz nrlckxbq sa na-akipxle be bali mrkc tzrtaklrpxngr nra bali.
7177	RUT 3:3	Kipotx x aeluti-lzbq tolo kx ngi pzpium. X pxingr lrpzm kxmrlz, x vz mrkc tzrtaklrpxngr nra bali. A' bzkq krlztile nzmnc-krm mrlcde, mzli kc tryrkrpxkangr nzmu-krde x nzrmnq-krde waen.
7181	RUT 3:7	Mz nibr nzmukr Boas x nzrmnq-krde, drtqde otxpx. Sc tqvzkiopebzle mz nrlarde kc tzayrlwrngr nra bali, tqmnzope mz nzmwipengr. Mzli trboiu Rut kc tqprngeipebz mrkc tqmwingr Boas. Kalvxlzbzle lrpz mrkc tqobqkio nanycde x sc tqmnzlzpebz elr.
7183	RUT 3:9	Boas kc tqveapebz kx, “?Nim neke?” Rpibzle kx, “Ninge kxnzawz nem Rut. Kawxpx lrpz la x akq-bubz ninge, nangi rkx kx suti drtwrm nzyrlzti-krm ninge. Murde nim kx kxnginigr kx takitrde nzxpepxngr drtc' nyzgr x nzaopx-krbzle nqvi lr ncblo rnge.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7196	RUT 4:4	Vzdzm mz drtwrnge nzpi-krbole bam. Kx tqsuti drtwrm nzxpengr drtc' lc, e xpe mzli ka tzmncngr lrtzlvz ngrgu lcng, badr mrlx lcng. Kx tqsuti drtwrm naxpepxqle murde nayzlu-mop mz nqvi lrgu, ale. A' nzmu kx trtingrde, pim bange, murde trpnzngr kx takitrde nzxpepxngr drtc' lc, a' nim txpwz, x krali ninge.” X ayzlubzle natqde kx, “Sa naxpepxbo.”
7199	RUT 4:7	X sc tqkapxpele sadol scde tqkapebzle mz Boas. Murde mzli kc tqprtzngr da lc, nqmq kr lr Israel mz nzxpepxngr x nzaprcngr dztu, kxmule sele. Kzdq ncblo nzmu kapxle sadol scde x kabzle mz mrlx kztede, aelwapx-ngrde kx drtwrdr rlilrdr esz'ti mz nike nzaolvzlr.
7201	RUT 4:9	Boas sc tqycmnepebz mz lrtzlvz x leplz kcng mrkc, mz nzrpi-krbzle kx, “Mzbq ka mcpeamu x xlrpeamu kx sa naxpepxbo mz Naomi drtc' nyz Elimelek kc tqbzszbzle mz mrlxdeng Kilion x Malon, kcng tzbzpe-kzng.
7206	RUT 4:14	Nzrpibz olvz kcng tzmncng mrkc mz blrkq mrlx Rut kx, “Naomi, takitrde nzrglqlzngr Yawe, murde rkabz nem doa ncblo mzbq ka. Krka'-ngrgr kx doa lc nakrlzti lr Israel nide.
7209	RUT 4:17	Olvz lr Betleem nzrpilr kx, “Naomi nepede kc doa ncblo.” X nzyrlqbzlr drtqde Obed. Obed lc nide kc tqngi trte Jesi kc tqngi trte King Devet.
7210	RUT 4:18	Krlc nqvi lr ncblo kx vzpxm mz Peres. Peres mrlxde Hesron.
13951	PSA 2:2	King rdrng x kxnzrmailz rdrng nzyrlwr-lxblrng Mz nzoliqti-krdr nzota-krdr badr Yawe x Kxnzmcpx nede.
13953	PSA 2:4	A' King Yawe kc tqmncom Heven yrpalelvzle nidr, X xtrnga-ngrde drtwr kcng tzyrlqlr.
13955	PSA 2:6	Murde rpile kx, “Yrlqpex King kc tqmcpxpex Jerusalem Mrkc Saeon, newz kxtr nyznge.”
13956	PSA 2:7	X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.
13958	PSA 2:9	Sa na-aovxioq mrnyzdr mz nzxplr-zlwz-krm, Kc na-apule bz kc tqrniglc botol.’” Natq kx pibz Yawe mz Mevalu nede delcng.
13968	PSA 3:7	Kxmule-esz' nztu-ngalelvzlr ninge siu ngr enqmi, A' trtxpnzngr nzmwxlr-krnge.
13981	PSA 5:2	Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.
13983	PSA 5:4	Kxetu, mz nourla kang kqlu natqnge sa navzbz bam. X nakrka'-zvzbo bam, mz nzaenzli-krbo natqm kxmrlz.
13995	PSA 6:3	Kxetu, nayc mz drtwrm ninge murde yangrngapex. X axplr mou nrkrdrtqnge murde yagox-zlwzx.
14003	PSA 6:11	Krka'-ngrne kx drtq enqmi rngeng namya x narnrcti-lzbq-kzng mz zmwxlr, X naplc-aning mz nzaovxio-krnge nidr.
14018	PSA 7:15	Kxdrka'-ngrng nzpetilr rtq da kxtrka. X lvclzm nc nzodatingr. X nrade yrlqbzle ngi nzpokiangr.
14023	PSA 8:2	Yawe, nim Kxetu rgr. Drtqm myalz-esz'ngr mz nrlc tulvzo. X nzmyalz-krm myaszlzle bongavz.
14025	PSA 8:4	Kxrpalz, mzli kc tqobqlz-ngrne mz bongavz, Mclzx nzlulikr temz x vri kcng tqwz-ngrnqng.
14031	PSA 8:10	Yawe, nim Kxetu rgr, Drtqm myalz-esz'ngr mz nrlc tulvzo.
14039	PSA 9:8	u, a' Yawe ngini-alom King. lalvzx nzwxbuo-krme mz tron nyzm murde nzayzlu-krbzme da mz leplz tubq.
14054	PSA 10:2	bqm! Kxdrka'ngr glqpx-lzbqmile nzayoti-krde leplz kxnzkxpung. nz drtwrnge kx sa namwati-lzbq mz br scde.
14068	PSA 10:16	awe, nim King. c zvz nzaclve-krm nrlc. rlqtxpx mz drtc' nyzm krkcng trnzangiolru nim.
14071	PSA 11:1	Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.
14085	PSA 12:8	Kxmule-esz' leplz lcng trmya-ngru drtqdr nzglqpx-lzbq-krdr, X nzrglqlz-krdr da kxtrka mz nrlc tulvzo, A' lxngitikr kx sa na-aclve-zpwxq nigr, X sa na-arlapx-zvzbzme nigr mz mq leplz lcng tzdrka'ngr.
14090	PSA 13:4	Yawe, obqm bange x ayzlum natqnge. Ka-mop bange nzxplr-krnge murde ma tqbzx.
14103	PSA 15:4	Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.
14104	PSA 15:5	Narlxtile kxnzrbilqngr kx takitrde trau scde kc tqrlrpx-ngrde. Bzkq pokiatitrle mrlx kxtubq, Kxmule-esz' leplz nzrpilr naxpelr nide. Doa kx vz-nqblqle natq lcng sa natu-amqngi zvz.
14106	PSA 16:2	Nim Kxetu rnge X nou da kxmrlzting amrlx kcng tqngiscngeng.
14121	PSA 17:6	Gct, krka'bo bam murde lalztq-zvzme bange. Kxetu, xlrm natqnge.
14128	PSA 17:13	Yawe, otaamu badr enqmi rngeng x aovxiong. Kapxm ninge mz mq kxdrka'ngr lcng mz zmatq ngrm. Arlapx ninge x ayrkrtxtr nidr. Murde nzabrtz-krdr yc txpwz mz nrlc ka. Ayrplapx leplz ngr nrlc mz zvetq kc tqoliqtipeq nakabzme badr, Navz navz nakrlzbzle doa nedrng x doa ne doa nedrng.
14134	PSA 18:4	Kqle-zvzx nim kc tqtakitrde nzrglqlzngr, X vzme arlapxq ninge mz mq enqmi rngeng.
14148	PSA 18:18	Kxmule-esz' yangrngatrpo mz nzxplrkr enqmi rngeng, A' sc tqvz zvz nzarlapx-krde ninge.
14185	PSA 19:4	Kxmule-esz' bongavz trpnzngr naode x nepi trycmneu, X trpnzngr natq kxnztwz temz x vri,
14194	PSA 19:13	Kxetu Yawe, ipq ninge mz alwx kznikeng yc-kapqtrp bange, Murde rblxm bange nzmc-krngeleng.
14195	PSA 19:14	X lolvz-amqngi ninge, Murde ma tqvz zvz nzale-krnge alwx Kcng tqotr ngr drtwrnge nzale-krngeleng. Murde nabznge natr x natubqbo mz nzobq-krm.
14196	PSA 19:15	Yawe, nim butqbr kx rlakitrx. Krka'-ngrne kx natqngeng x nzaotikr drtwrnge navz-nqblq-zvzlr me pnz drtwrm.
14201	PSA 20:5	Kabz bade da kcng tqsuti drtwrde, X angidatibz nepu nr drtwrdeng amrlx.
14204	PSA 20:8	Kzdung leplz nzabrtrpzlr drtwrdr mz ami nedrng, X kzdung mz dalr nzotangr. Da lcdeng trnaokatrlru nidr x nztaong mz vea. A' Yawe Gct rgr, tu-amqngi-zvzkr, murde abrtxtrpwzkr drtwrgr bam.
14212	PSA 21:6	Leplz kxkqlu nzxlrlr nrpa ngr drtqnge, murde okatr-zvzq ninge. X nzamatqlr ninge, murde armyalzq ninge mz nzngini-krnge King.
14224	PSA 22:4	Nim King rgr kxtr-esz'ngr kc tqaclvele nigr lr Israel. X angio-zvzkr nim.
14237	PSA 22:17	Kxdrka'-ngrng nztu-ngalelvzlr ninge, nzapulr kuli kx namaneutilr ninge, X sc tzmaplxtitrpebzlr mqngeng x nanycngeng.
14245	PSA 22:25	Kxmule-esz' nigu kxnzobqszong, a' Gct trobqszoleu nzkxpu-krgung, Murde trpxtxpx-ngrdeu nzayzlu-krmle natqgung.”
14249	PSA 22:29	Mz nzngini-krm King kx matq-esz'ngr Kc tqaclve-zvzle nidr.
14256	PSA 23:4	Nctoko scm tzmle nzti bange. X bz scm abrmle drtwrnge mz da kx prtz. Kxmule-esz' vztrx mz nzlo, a' trtxpnzngr da kx namwxlrtix. Murde nim Yawe, kc tqmncme bange.
14258	PSA 23:6	Krlz-angidrx kx sa naka-zvzme bange zmrlz ngrm x nivz lrm, X sa namnc-zvzx ma nyzm.
14260	PSA 24:2	Murde nide Kxrpalz kc tqwz-ngrde nrlc, X yrlqbzle prla x drtc' mz zmatq ngrde.
14265	PSA 24:7	Lvxpxbzmu bade naonrx ngr Jerusalem, X naonrx ngr Mangr-nzangiongr kcng tqblzlongr, Murde King kc Tqmatq navztrp.
14266	PSA 24:8	?King kznilc tqmatq? Krlc Yawe, kc tqrninr, tqxplr. Krkc tqaovxio zvz mz vea.
14267	PSA 24:9	Lvxpxbzmu bade naonrx amrlx, X naonrx kcng tqblzlongr, Murde King kc Tqmatq navztrp.
14268	PSA 24:10	?King kznilc tqmatq? Krlc Yawe, Ngrlrvea ngr ami nedeng. Nide King kc Tqmatq.
14305	PSA 27:3	Kxmule-esz' ami kxetu navzm mz nzoti-krmlr ninge, a' trpnzngr nzmwxlr-krnge. X kxmule-esz' otakr badr, a' drtwrnge sc tqabrtr-zvzbo bam.
14312	PSA 27:10	Kxmule-esz' trtenge x lxenge nzaxtxtxdr ninge, A' nim la tqaclve-angidrq ninge.
14320	PSA 28:4	Ayzlu-mopwz mz nzayrplapx-krm nidr mz da kxtrka x nzrtrkalrngr kcng tzalelr, Kabz badr da kx takitrde nzvz-rbr-krdrng.
14335	PSA 29:10	Nubla ngr tewa kxetu yclzbz mz zmatq ngr Yawe, Mz nzngini-krde King kc tqaclve alo.
14342	PSA 30:6	Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.
14347	PSA 30:11	Yawe, xlrm natqnge mz nzyckr drtwrm ninge. Kxetu rnge, okatrp ninge.”
14356	PSA 31:7	Kxetu, abrtxtrpo drtwrnge bam, A' pxtxpx-ngrne krkcng tzangiolr mqngr da txneng kx nzlz.
14361	PSA 31:12	Enqmi rngeng nznelvztilr ninge X kxnzmnc-aepztrpqng bange nzobqszopelr ninge. Kxkrlzti-lzbqkr badr nzapusr-ngrdr ninge da kxtrka X krkcng tzmclr ninge mz lrpzki nzdwa-ngrdr ninge.
14363	PSA 31:14	Mnc-zvzx mz zmwxlr mz nzxlr-krnge nzlc-awakr enqmi rngeng, Kcng tzyrlqlr drtwr kx nanibq-ngrdr ninge.
14368	PSA 31:19	X na-aesakile natq kxnzpokiang x kxnzglqpx-lzbqng, Kcng tzxtrnga-ngrdr kxnztubqng.
14383	PSA 32:9	A' bzkq apuq hcsi kx narde mqngi, Kx vz-nqblqle me pnz drtwr ncblo mz nqvi kcng tzpetrpz bade.”
14384	PSA 32:10	Kxdrka'-ngrng sa na-ayrplapxng mz alwx ngrdrng. A' nigu kcng tqbrti drtwrgu Yawe sa namcku kx aodu-zvzle nigu.
14393	PSA 33:8	Nigu leplz amrlx mz nrlc, ncblo, olvz, x doa kxnztopwzng, Na-amrlueku x na-amatqku Yawe, Kxrpalz.
14401	PSA 33:16	King traovxiou mz nzxplrkr ami nede. X ncblo ngr vea tr-rlapx-kzu mz nzxplr-krde x hcsi nede.
14407	PSA 33:22	Krka'ku kx Yawe na-aodu-zvzle nigu Mz nzbrtikr drtwrgu nide.
14437	PSA 35:7	Kxmule-esz' trpnzngr da kxtrka kx alebo badr, A' se tzatu-kapqng br scdr x tzekqng gq mz nzlolvz-krdr ninge.
14442	PSA 35:12	Alebo badr da kxmrlz, a' nzayzlu-ngrmlr mz da kxtrka, Kx talvzongr nabznge.
14456	PSA 35:26	Amyatibz drtqdr krkcng tzabrtzlvzlr nzetqkr drtqnge. Krkcng tzobqszolr ninge drtqdr nzmu namya-zlwzng mz mz leplz x namanepeng.
14468	PSA 36:10	X nim narlue r nzlu-krgr, Kc tqapu-zvzmle bagr nzyrlelz-krm aulz.
14479	PSA 37:8	u, bzkq drtwrm ngya x nabzm talvzo Murde da lcng li ma tzrkatrpzng bam drtwr kxtrka. u, murde kxnzabrtrpzlr drtwrdr mz Yawe sa nangi nyzdr drtc' kc tqpile nakabzle badr, A' kxdrka'-ngrng sa namaszlrtxpx-ngrng. lqpx Yawe kx mzli trnaboipeu x kxdrka'-ngrng sc tzmrbrpeng. Kxmule-esz' rtangrtiq nidr a' trpengr nzmc-krmleng. ct rlr-ngrbzle drtc' nyzde mz kxnzavzo-lzbqng. X sa na-abrtzng mz nzmnc-zpwx-krdr elr.
14483	PSA 37:12	li! Kxnztubqng x kxtrnzrngiscung na-aclvetio-lzbqng Murde kxdrka'-ngrng nzglalzpelr toki r vea x popz' scdr. li! A' kxdrka'-ngrng na-aclvetio-lzbq-kzng murde toki r vea scdr sa nanibq-moule nidr, X Yawe sa naplameitibzle popz' scdr. zs Yawe krkcng tzryrlqng drtwr kx na-atrkati-ngrdr kxnztubqng X nzmadqti-zvzbzlr nqngidr badr. zsle nidr mz nzodati-krde nidr, X yrpalelvz-zvzle nidr murde trpnzngr nzxplr-krdr.
14523	PSA 38:12	Kztengeng nzngangrpe-ngrdr ninge murde kxsqki rngeng. X kxnginingeng trnzesotrpepqngqu bange.
14524	PSA 38:13	Krkcng tzrpilr nanibqlr ninge, Nzamwipelr trtxki rnge. X krkcng tzaetqmlr drtqnge, sc tzrpilr naodatilr ninge. X sc tzryrlq-zvzng drtwr mz nzatrkati-krdr ninge.
14534	PSA 38:23	Kxetu, vz-anim mz nzokatr-krm ninge, Murde nim Mevalu rnge.
14542	PSA 39:8	?Kxetu nike naobqtipxx mz nzmnc-krnge lc tqngi brmrda? Mwx namrlz nzbrti-zvzkr drtwrnge nim.
14553	PSA 40:5	Namrlzbz mz leplz kcng tzabrtrpzlr drtwrdr bam, Krkcng trnzprtrpwzung mz leplz kcng tzglqpx-lzbq-ngrdr x tzpokiang.
14562	PSA 40:14	Yawe, vz-anim mz nzarlapx-krm ninge. Kxetu, rnekim mz nzokatr-krm ninge.
14566	PSA 40:18	Kxetu, trxplrwxu x trpnzngr scnge zmatq. Bzkq mrbrtr mz drtwrm ninge. Murde nim txpwz Mevalu rnge. Bzkq asaq nzokatr-krm ninge.
14573	PSA 41:7	Kzdung leplz lcng tzoklatimlr ninge, nzpokiatilr kx nzyc mz drtwrdr ninge. A' nzrpilr nakrlzlr kxmu nzkxpu-krnge, murde nayapwxtinedr mz mztea amrlx.