7159	RUT 2:8	Zbz sc tqrpibz Boas mz Rut kx, “Lalztqm bange, kx inyxnge. Rpix naokatrpo nim. Bzkq rmikatiq nra bali mz nrlc nyz ncblo kzble x bzkq rlaszq mrka. A' mncamu badr olvi kxnzawz nengeng.
7185	RUT 3:11	Mzli ka, kx inyxnge, bzkq drtwrm li. Sa na-alebo da kcng amrlx tqrlxtiq. Leplz amrlx mz mztea ka nzkrlzlr kx nim olvz angidr kxmrlzvxi.
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
13945	PSA 1:2	A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe, X mz nzaoti-zvzkr drtwr natqde ngrlx x nrlckxbq.
13946	PSA 1:3	Leplz lcng nzapulr nounc kcng dzbrdr tzkrlzobzlr lue, X leu rdr trnzbloung. X nzdo-zlwzng mz nzvz-krm nrpr angidr. Da kx nzalelr nradr yc-zvzbz.
13950	PSA 2:1	Lr mrkzbleng nzngqngung mz nzngyatikr drtwrdr Yawe. Murde mane nzyrlqtingr drtwr mz nzatrkatingr nide.
13985	PSA 5:6	Leplz kx nzglqpx-lzbqng trtxpnzngr nzmnctr-krbzlr bam, Murde rblxbz mz leplz kx mrlz-zvzbz badr nzale-krdr alwx nztutr-krbzlr mz mzpq.
14080	PSA 12:3	Leplz amrlx mz nrlc nzapokiati-lzbqng. Nzalqngitilr nzycmnengr mz drtwr kx xlva.
14093	PSA 14:1	Leplz kxnzngqngung mz drtwrdr nzrpilr kx, “Trpnzngr Gct.” Leplz lcng nzvz-rbrng x nzale-txpwzng da kxtrka zlwz. Trpnzngr leplz lcng kxtubq.
14096	PSA 14:4	Delc tqrpingr Yawe kx, “Leplz lcng tztrkang nznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14107	PSA 16:3	Leplz nemqng kcng tztrng mrka mz nrlc, Nzmyalz-zlwzng x mrlz bange nzmnc-krgr badr.
14140	PSA 18:10	Lvxpxle bongavz, X vzom tuom mz dcbz kx botapz'.
14153	PSA 18:23	Yrlq-angidrx Lou kxtr scdeng, X aoti zvz drtwrnge natqdeng.
14212	PSA 21:6	Leplz kxkqlu nzxlrlr nrpa ngr drtqnge, murde okatr-zvzq ninge. X nzamatqlr ninge, murde armyalzq ninge mz nzngini-krnge King.
14262	PSA 24:4	Leplz kx nabzdr lq x nzmnc-krdr tubq Nztakitrdr nzodutr-lxblr-krbzlr mz Yawe. Natqdr nzangidati-zvzlr. X trnzangiolru mqngr da kx nzlz.
14263	PSA 24:5	Leplz kxnzmulr lcng nztubqbzng mz nzobqkr Yawe. X Gct r Jekop lc sa na-amrlzle x na-arlapxle nidr.
14264	PSA 24:6	Leplz lcng nzrtangrtilr me pnz drtwrde, X suti drtwrdr nzxngi-krbzlr nzulrde mz Mangr-nzangiongr nide.
14265	PSA 24:7	Lvxpxbzmu bade naonrx ngr Jerusalem, X naonrx ngr Mangr-nzangiongr kcng tqblzlongr, Murde King kc Tqmatq navztrp.
14267	PSA 24:9	Lvxpxbzmu bade naonrx amrlx, X naonrx kcng tqblzlongr, Murde King kc Tqmatq navztrp.
14296	PSA 26:6	Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm, X naprtrpo mz leplz nemqng mz nzvz-ngale-krgr olta nyzm.
14362	PSA 31:13	Leplz amrlx mrbrtinetrpe drtwrdr ninge, opxm kx bzpex. Apunepebo badr brmrda.
14370	PSA 31:21	Leplz nemqng nzrlapxng mz drtwr kx nzyrlq enqmi rdrng x nznelvztingr nidr, Murde amnc-aepztrpzme nidr bam.
14418	PSA 34:11	aion kx nzxplrng nzkrlzlr nzbrtalengr, Leplz kx nzvz-nqblqlr Yawe, trpnzngr da kx mrbrpxm badr.
14445	PSA 35:15	A' mzli kx mnc-ngrne mz nzkxpungr, Nzyrlwr-lxblrng mz nzyrpalelvz-krdr ninge. Leplz kxtrkrlzwxung delcng tzatrkati-zvzlr ninge.
14449	PSA 35:19	Leplz lcng nzpxtxpx-krdr ninge trpnzngr noude. Bzkq rlr-ngrbzme badr nzabrtzlvz-krdr nzkxpu-krngeng, X nzyrpalelvz-krdr nzvzkr drtwrnge.
14501	PSA 37:30	akitrde kx ncblo kxmrlz dekc tqvzkipxm natq ngr nzyrplapxngr, X nikeng pitileng tubq. akitr-kzde nzkrlz-angidr-krde Lou amrlx sc Gct rde, X nzlolvz-amqngi-zvz-krdeleng. z zvz kxdrka'-ngrng nzaukzti-krdr leplz kxnzmrlzng, Murde nanibqlrng. z zvz Yawe nzkapx-krmle ncblo kxmrlz mz mq enqmi rdeng, X mzli kc natwz-ngrdr nide mz kot, trnzaovxiolru nide.
14587	PSA 42:7	Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.
14611	PSA 44:14	Lr mrkzbleng kcng tzmnc-aepztrpqng bagr nznelvzlr nigr mz nzamyati-krmlr drtqgr, X nzxtrnga-ngrdr nigr.
14622	PSA 44:25	Lxlvrm bagr, Mz nzdcpxkr mz drtwrm nzetqkr drtqgr x nzkxpu-krgr.
14633	PSA 45:9	Lrpzmqng nzaeluti zvz mz tolo kx mnrte mrlzvxi. X ncblo sc tzayrnibzng gita bam Murde na-aelalzmle drtwrm, Mz nabz ma nyzm kx mzte luli-esz'ngr.
14635	PSA 45:11	Nim la nanginim Kwin. Lalztqm bange x aclvetio-lzbq. Mzli kznike ncblo ngrm suti-zlwzngr drtwrde nim mz nzlqngivxikr mzpq, Mnclzbz bade mz nzngini-krde King x Kxetu rm. X bzkq matq-zlwzpe mz drtwrm trtem x kxnginimqng.
14675	PSA 48:11	Leplz amrlx mz nrlc tulvzo sa naglqlzlr nim mz nzxlr-krdr nzmyalz-krm. Murde nzaclve-angidr-krm tubq.
14681	PSA 49:2	Lalztqmamu x xlrmamu natqnge, nimu neidung mz nrlc tulvzo, Kxmule-esz' nimu kxnzetung, leplz txneng, bcnyrng, x kxtrnzrngiscung.
14690	PSA 49:11	Leplz amrlx sa nabzng, kxmule-esz' kxnzyrplapxng o kxnzngqngung. X dztudrng amrlx sa nabzszbzlr mz kzdung kz leplz.
14692	PSA 49:13	Da amrlx kcng tqmatq mz drtwrdr sa nayrkrpx-kzng. Leplz sa nabzng da kc tzwai animol amrlx.
14693	PSA 49:14	Lrpzki r kxnzngqngung kcng tzabrtrlr drtwrdr mz nidr esz'-krdr x mz dztudrng, Yrkrtxpxpwz mz nzbzngr.
14700	PSA 49:21	Da amrlx kcng tqmatq mz drtwrdr mane x nardr tryrplatrpwzu. Leplz sa nabzng da kc tzwai animol amrlx.
14707	PSA 50:7	Rpi Gct kx, “Leplz nengeng, xlrmamu natqnge. Murde ninge Gct rmu x na-aelwa-ngrbo mrkc tqvz-rbrtiamu.
14716	PSA 50:16	A' rpibz Gct mz leplz kxdrka'-ngrng kx, “Trtakitrdeu nzyapwxti-zvz-krmu Loukxtr scnge, Mz nzycmnetr-krmu Nzryrngrkxtrng.
14729	PSA 51:6	X myapxbz nim kc tqxpqbrlr-ngrne Mz nzrnzlvzo-krnge Loukxtr scm. Delc, tubqq mz nzrpi-krme bange kx vz-rbrx, X mz nzyrlq-krm nzayrplapxngr ninge.
14757	PSA 53:2	Leplz kx nzngqngung mz drtwrdr nzrpilr kx, “Trpnzngr Gct.” Leplz lcng nzvz-rbrng x nzale-txpwzng da kxtrka zlwz. Trpnzngr leplz lcng kxtubq.
14760	PSA 53:5	Delc tqrpingr Gct kx, “Leplz lcng tztrkang tznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14774	PSA 55:3	Lalztqm bange x ayzlum natqnge, Murde nabznge tropxpeu mz nztalvzo-krde.
14815	PSA 57:6	Lr Heven namclr nzmyalz-esz'ngr-krm. X lr nrlc namclr nzaovxio-krm.
14821	PSA 57:12	Lr Heven namclr nzmyalz-esz'ngr-krm, X lr nrlc namclr nzaovxio-krm.
14859	PSA 60:8	Gct, natqmqng nzvzpxmqng mz Mangr-nzangiongr, mz nzrpi-krdr kx, “Mzli kc na-aovxio-ngrne, sa na-akipxbo mz leplz nengeng Drtc' kcng mz nrlar LueJodzn rlilr.
14883	PSA 62:9	Leplz nengeng, mz nzangidati-krbzle da kx yc mz drtwrmu, na-abrtxtrpwzmu drtwrmu bade. Murde nide txpwz me rlakitrku.
14910	PSA 64:11	Leplz kxnztubqng sa na-abrtzlvzlr Yawe x sa na-abrtrpzlr drtwrdr bade. Leplz kx nabzdr lq sa na-awibzng bade.
14916	PSA 65:6	Mevalu rgr, mzli kc tqyrni-ngrbzkr bam, ayzlume natqgr Mz nzbatr-krme nzaovxio-krgr. Lr mrkzbleng nzmncng drtc' x trmctu mz nrlc tulvzo. X sc tzabrtr-kzpzlr drtwrdr bam.
14925	PSA 66:1	Lr nrlc amrlx Namalqlvzlr Gct,
14930	PSA 66:6	Akipxle Prla Bla x aesakile nzyrlekr LueJodzn Mz nzyrlq-krbzle me mingrng kx navzki melrmqgung. X mzli ka na-awi-ngr-kzpzku bade da lcng.
14977	PSA 68:25	Leplz amrlx nzmclr nzvztr-krmqng leplz neng Gct Mrkc Tqtr, Mz nzangrlvz-krdr Gct x King rdr.
14983	PSA 68:31	Ayrplapx Ijipt kc tqapule trmwzlogo kc tqmnc-kapqpxm mz nabr kc tqlvcpulzm mz nqlvi lr Lue Nael, Ayrplapx nidr badr kztedeng murde mrlz-zvzbz badr nzotangr. Aodali lr mrkzble lcng, Navz navz nakrlzbzle mzli kc tzyrngzo-ngrbzlr bam.
15001	PSA 69:13	Lr mztea nzpikitinedr ninge. X ncblo kxnzrmnqng nzngr-xtrnga-ngrdr ninge.
15033	PSA 71:2	Lalztqm bange mz nzokatr-krm ninge. X arlapx ninge murde tubq-esz'ngrn.
15063	PSA 72:8	Nzaclve-krde yzutrle mz Lue Yufretis, Nakrlzbzle mz nrlc tulvzo.
15070	PSA 72:15	Leplz amrlx sa nakrka'-ngrdr nide Murde Gct na-amrlz-zvzle nide, Mz nzrpi-krdr kx, “Gct, king lc nalu angidr zvz. X lr Arabia narkabzng gol kxpnapr bade.”
15071	PSA 72:16	Krka'-ngrgr kx nrlanc nyzgrng nalvc-angidrngr dakxnzng. X nounc nyzgrng nadobeting na-apule nounc ngr drtc' kc Lebanon. X taon nyzgrng nayrbu mz leplz Na-apule nzyrukr nabr ngr nardzng.
15080	PSA 73:5	Leplz lcng trpnzngr zyagox kx prtzbz badr, X trnzrmctilru nzkxpungr.
15118	PSA 74:15	Sc tqaglqwiq mrkc tqrpnakilzm aulz x narlue. X apz-kzq me nakawicngr LueJodzn.
15139	PSA 76:2	Lr Israel nzangiolr Gct. X drtqde nzkrlz-zlwzlr.
15146	PSA 76:9	Gct, mzli kc tqpio-ngrme Heven nzvz-rbrkr lr nrlc, Mz nzarlapx-krm kxnzobqszong, Lr nrlc lcng amrlx nzmwxlr-zlwzng X nzmnc-lrpitxng.
15148	PSA 76:11	Leplz amrlx sa naglqlz-ngrdr nim Mz nzaovxio-krm enqmi rmqng kcng tzngyati drtwrdr nim. Murde ncblo ngr vea kcng trnibqtiwqng tzmetxbzng bam, Nzpipxbzlr kx nanginipedr ncblo nemqng.
15172	PSA 78:1	Leplz nengeng, lalztqmamu mz nzalvztr-krnge, Mz nzxlr-angidr-krmamu natqngeng.
15228	PSA 78:57	Leplz lcng nzapulr melrmqdr kcng bqnc mz nzesablqti-krdr nide x nzvecpx-lzbq-krmlr bade. Mz nzmu-krde lcde, trpengr kx brti drtwrde nidr.
15247	PSA 79:4	Lr mrkzbleng kcng tzmnc-aepztrpqng bagr nznelvzlr nigr mz nzamyati-ngrm drtqgr, X nzxtrnga-ngrdr nigr.
15258	PSA 80:2	Gct, myaszlzq enjrl kxnzetung. X aclve-zvzq nigr doa neng Josip, Mz nzapu-krgr sip nemqng. Lalztqm bagr, nigr doa neng Israel.
15267	PSA 80:11	X bz ngr nrlanc kc tqoliqtime bagr yzutr mz drtc' ngr Lebanon, Vz krlzbzle Lue Yufretis. X vzki-kzple mz newz kxnzetung, Vz x krlzbzle Prla Meditrenia.
15270	PSA 80:14	Lr mrkzbleng nzapulr poi kzpeto kcng tzayabetilr nrlanc, Mz nzapusr-krdr nigr dakxnzng nadr.
15307	PSA 83:6	Enqmi kcng tzmnc-ngalelr Israel drtwrdr esz'ti Mz nzprtr-krbzlr mz lr Amcn x lr Mcab, neidu lcng li nzvzpxmqng mz nqvi lr Lot. Kxnztupeng badr me esz' nidr seleng: Nqvi lr Isc, nqvi lr Ismael, neidu lr Haga, x neidu lr Amalek, Lr mztea Taea, lr Gebal, x lr Filistia. X lr Asiria kxnzxplrng nzngi tedr kz badr.
15311	PSA 83:10	Gct, aovxio kz enqmi lcng mzli ka, da kc tqwai pnz nzaovxio-zvz-krm enqmi r melrmqgrng. Ayrplapx nidr, da kc tqwai nzayrplapx-krm ami ne Jabin, King r lr Kenan x Ngrlrvea nede Sisera, Mzli kc tqmilxtxo-ngrn nidr mz Lue Kison kc tqyc-aepztr mztea Endo, X namz ngrdr mibio mrlcde mz mzli nyz Profet Debra. X rlxti-kzpzkr nanibqti-kzq enqmi rgrng, da kc tqwaisr-ngrn mz lr Midizn mz nznibq-krm Oreb x Seeb, ngrlrvea ngrdrng. X maneuti nidr da kc tqwai nzmaneuti-krm king rdr, Sebz x Salmuna, mz nznibq-krm nidr mz mq profet Gidion.
15416	PSA 89:26	Sa nakabo bade zmatq ngr nzaclve-krde Prla Meditrenia, Navz nakrlzbzle Lue Yufretis.
15484	PSA 92:8	Leplz kxdrka'-ngrng nzetu-krdr Nzapulr nabztqkr betepu kc tqwou mzli kx mrbcnepwz. X da kxtrka kcng tzalelr nradr trnayc-zvzu, A' nzodati-krdr tqvzpe tqvzpe.
15489	PSA 92:13	Leplz kxnztubqng kcng tztung ma nyz Yawe, X nzyrlwr-lxblrng mz makoa nyzde nzapulr nounc kxetung. X nzmnc-zpwxng x nzxplrng Murde dzbrdr nzvzong mz drtc' kc tqngi natqde.
15497	PSA 93:5	Yawe, Loukxtr scmqng tqvzpe, tqvzpe. X Mangr-nzangiongr nim nztr-zlwz-krde tqyc, tqyc.
15515	PSA 94:18	A' mzli kc tqkqle-ngrne nim mz nzkxpu-krnge, Lolvz-amqngiq ninge mz nivz lrm.
15536	PSA 96:5	Lr mrkzbleng nzangio-txpwzlr mqngr da kxnzlz, A' Yawe txpwz kx rwzngr bongavz x nrlc atwrnrngr.
15550	PSA 97:6	Lr Heven amrlx nzpipxlr nztubq-esz'ngr-krde, X lr nrlc amrlx nzmclr nzmyatxlz-zlwz-krde.
15568	PSA 99:3	Leplz amrlx naglqlzlr drtqde, Murde nide kc tqtr-esz'ngr.
15648	PSA 104:10	Wz-ngrn aulz, nzaulzmqng mz nabzlwa amrlx, Lue lcng nzvzong x lue kxetung nzyrleng mz mzlir newz amrlx.
15659	PSA 104:21	Laion nzyrni-katong mz nzrtangr-krdr dakxnzng Kx nakabzme badr.
15664	PSA 104:26	Lcsu kxnzkqlung nzvoneng prla. X nc kxbe kc tqwz-ngrn drtqde besilr ayone kz elr.
15727	PSA 106:9	Lclvzq Prla Bla x sc tqakipx-lzbqpe x noude pzlz-kzp. X sc tqmailzpeq leplz nemqng elr.
15763	PSA 106:45	Leplz lcng nemqng, dekc tqycngr mz drtwrm Nzesz'tikr Drtwrmu Badr, X trayrplapx-zvzwq nidr, murde aodu-zvz-kzq nidr.
15766	PSA 106:48	Naglqlzku Yawe, Gct rgu, nigu lr Israel, Tqvzpe, tqvzpe. Naglqlzku Yawe. Leplz narpilr kx, “Eu, angida!” Naglqpxku Yawe.
15815	PSA 108:6	Lr Heven namclr nzmyalz-esz'ngr-krm, X lr nrlc namclr nzaovxio-krm.
15817	PSA 108:8	Gct, natqmqng nzvzpxmqng mz Mangr-nzangiongr, mz nzrpi-krdr kx, “Mzli kc na-aovxio-ngrne, sa na-akipxbo mz leplz nengeng Drtc' kcng mz nrlar LueJodzn rlilr.
15892	PSA 114:2	Lr Judz lcng tznginipedr leplz kxnztrng ne Yawe, Mz nzaclve-krde drtc' nyzdr, Israel.
15893	PSA 114:3	Prla Bla akipx-lzbq x pzlzm. X LueJodzn lvxpxbzle lrpzki badr.
15895	PSA 114:5	?Myx kxmule, Prla Bla tqakipx-lzbq-ngrde, X LueJodzn tqlvxpx-ngrde lrpzki?
15898	PSA 114:8	Murde batrpzle nzyrlepx-krm lue mz rplz, Lue lc tqngi aulz mz rplz.
15906	PSA 115:8	Leplz kcng tzrwz-ngrng mqngr drka' lcng tzlz X krkcng tzangiolr nidr nzapu-kzlr nidr mz trnzrngisc-krdru zmatq. Nznabung, mztr mwi, nradrtqdr ngq, trnzycngrlrung, Trnzrtcngiung da, trnzxngitrung, x trnzvzneung.
15939	PSA 118:2	Aodu-zvzle nigu. Lr Israel amrlx Napipxku kx, “Aodu-zvzle nigu.”
15956	PSA 118:19	King malqtrpz yz, rpile kx, “Lvxpxm bange naonrx ngr Mangr-nzangiongr Yawe, Murde navztrx elr mz nzawi-krbo bade.”
15959	PSA 118:22	Leplz amrlx kcng tzyrlwr-lxblrng Mangr-nzangiongr nzrpilr kx, “Rplz kc etu tzpxtxpx-ngrdr ncblo kcng tzrwz-ngrng ma, Nzaelwapxngr kx nide nou rplz kc tqmyatxpx-zlwzbz.”
15967	PSA 119:1	wi Yawe! Namrlzbz mz leplz kx trnzvz-rbrung, A' nzvz-nqblqlr Loukxtr scm,
15979	PSA 119:13	Natqnge etu zvz Mz nzpipx-krnge Loukxtr scm.
15984	PSA 119:18	Okatrp ninge mz nzrmcti-krnge Da kxmrlzting kx nzprpxmqng mz Loukxtr scm.