7160	RUT 2:9	Mcpwz mrkc tzrpakingr ncblo lcng bali, x nim kc tqrmikanebzme mz nibr olvi kcng tzrtalvzng. Pipebo badr ncblo lcng kx bzkq nzesotrpzng bam. X drtwrm kx tqbrlxkzle, vz, x rmnqtr mz belue kcng tzangqbatipe ncblo kcng.”
7189	RUT 3:15	X rpi-kzpzle bade kx. “Aolz nzkq scm kc tqrmnrtr-ngrbz x prlxo mrlc.” Prlxtxole x yrngiobz Boas elr bali nzkqlu-krde esolzbz mz kilo kx nzpnu-tq (30). Petxbz Boas x sc tqglqlzpebzle mz nabx Rut, x sc tqvzpe mz mztea.
7204	RUT 4:12	X krka'-kz-ngrgr kx doa kx nakabz Yawe bam, navzpxmqng mz olvz lc, nakqlu-zlwzng na-apule doa neng melrmqgu Peres, mrlx Judz badr Tama, lr mrkzble.”
7210	RUT 4:18	Krlc nqvi lr ncblo kx vzpxm mz Peres. Peres mrlxde Hesron.
14012	PSA 7:9	Yawe, nim kx rpibz mz leplz kx nztubqng o nzvz-rbrng. Pipxbz mz leplz kx mnctr-zpwxpebo bam murde nabznge opx x tubq.
14295	PSA 26:5	Pxtxpx-ngrne nzngi-te-krgr badr kxnzaleng alwx. X drtqnge sa nzmnc-krgr badr kxdrka'-ngrng.
14379	PSA 32:5	Pnzpe drtwrnge kx naplzpxbo alwx rngeng bam. X mz nzplzpx-krboleng, trpnzngr kx yrlq-kapqbo bam. Delc tqipqpe-ngrn ninge, X katxpx-ngrbzme nzmrlepukr alwx rngeng amrlx.
14652	PSA 46:10	Aesakile vea amrlx mz nrlc tulvzo. Plameitile popz' x nipna x dalr vea amrlx x rtclz-ngrdeng mz nyr.
14720	PSA 50:20	Pikiti-zvzamu kztemung, X pibqti-kzamu mzlemung.
14930	PSA 66:6	Akipxle Prla Bla x aesakile nzyrlekr LueJodzn Mz nzyrlq-krbzle me mingrng kx navzki melrmqgung. X mzli ka na-awi-ngr-kzpzku bade da lcng.
15116	PSA 74:13	Sc tqakipxq Prla Bla mz zmatq ngrm. X tqtamyrnr-ngrn nardr mepwz kc tqngi Ijipt.
15131	PSA 75:5	Pibo mz kxnzglqpx-lzbqng kx bzkq nzglqpx-lzbqng Mz nzbilvz-krdr zmatq ngrdr. X pi-kzpo mz kxdrka'-ngrng kx bzkqpe nzarmyalz-lzbqng, Mz nzailvzo-krdr kztedrng.”
15170	PSA 77:20	Kxmule-esz' trpnzngr kxrmc nabzlvz r nanycm x lrpzki rm, A' sc tqkawicpeq meboongr ngr Prla Bla.
15184	PSA 78:13	Akipxle Prla Bla x mz nrlarde rlilr atule apule nztukr drkq, Mz nzmailzo-krde leplz nedeng elr.
15235	PSA 78:64	Pris nedrng nzbzti-kzng mz vea, X olvz ngrdr nzmwxlr-zlwzng x trpnzngr mzli kx nayrnimi-ngrdr namz ngrdr.
15267	PSA 80:11	X bz ngr nrlanc kc tqoliqtime bagr yzutr mz drtc' ngr Lebanon, Vz krlzbzle Lue Yufretis. X vzki-kzple mz newz kxnzetung, Vz x krlzbzle Prla Meditrenia.
15282	PSA 81:6	Pipxbzle mz melrmqgung, nidr neidu lr Josip, Mzli kc tqatrkati-ngrde lr Ijipt. X ninge Asaf, mzli kc nzryr-krnge tqkrlzpe-ngrbzle me tavau, Xlrx kc natq kx trglxwxu, a' mz nibrde sc tqglx-atex.
15311	PSA 83:10	Gct, aovxio kz enqmi lcng mzli ka, da kc tqwai pnz nzaovxio-zvz-krm enqmi r melrmqgrng. Ayrplapx nidr, da kc tqwai nzayrplapx-krm ami ne Jabin, King r lr Kenan x Ngrlrvea nede Sisera, Mzli kc tqmilxtxo-ngrn nidr mz Lue Kison kc tqyc-aepztr mztea Endo, X namz ngrdr mibio mrlcde mz mzli nyz Profet Debra. X rlxti-kzpzkr nanibqti-kzq enqmi rgrng, da kc tqwaisr-ngrn mz lr Midizn mz nznibq-krm Oreb x Seeb, ngrlrvea ngrdrng. X maneuti nidr da kc tqwai nzmaneuti-krm king rdr, Sebz x Salmuna, mz nznibq-krm nidr mz mq profet Gidion.
15416	PSA 89:26	Sa nakabo bade zmatq ngr nzaclve-krde Prla Meditrenia, Navz nakrlzbzle Lue Yufretis.
15517	PSA 94:20	Px-ngrn nzngi-te-krmu badr kxnzetung kxdrka'-ngrng Mz nzrnzlvzo-krdr loukxtr scm.
15525	PSA 95:5	Prla x drtc' nyzdeng Murde wz-ngrde mz nzngini-krde Kxrpalz.
15646	PSA 104:8	Prla pzneom mz nar-newzng, vzo krlzobzle nabzlwang, Vzo mrkc tqyrlqbzme kx nalrlz-ngrmle.
15725	PSA 106:7	Mzli kc tzmncngr melrmqgrng Ijipt, Trnzkrlz-zpwxlru rkx kcng tqaletiqng, X trnzaotiu drtwrdr nzwrde kcng kqlu tqaelwa-ngrbzme nivz lrm badr. X mrkc Prla Bla nzrnzlvzolr nim kc tqmyalz-esz'ngr.
15727	PSA 106:9	Lclvzq Prla Bla x sc tqakipx-lzbqpe x noude pzlz-kzp. X sc tqmailzpeq leplz nemqng elr.
15739	PSA 106:21	Trycneu mz drtwrdr nim kc tqarlapxle nidr. Tqrtrngzbz rkx kxmatq mrkc Ijipt, Tqwz-ngrde da kcng tqmrlzvxing elr, X tqalele da kcng tzkctipxng mrkc Prla Bla.
15746	PSA 106:28	Zbz mz Newz Peo, leplz nemqng nzprtr-kzpzng mz nzangio-krdr gct kc drtqde Baal. X nzmu-kzng blz krde, kxmule-esz' nide gct kxbz kxnzlz.
15752	PSA 106:34	Mz nzprtrkr leplz nemqng mz drtc' nyzm Pibzme badr kx nanibqtilr lr Kenan kcng tzmncng elr. A' nzpxtxpx-ngrdr nzvz-nqblq-krdr natqm, Mz nzrlr-krbzlr nzrlapx-krdr.
15893	PSA 114:3	Prla Bla akipx-lzbq x pzlzm. X LueJodzn lvxpxbzle lrpzki badr.
15895	PSA 114:5	?Myx kxmule, Prla Bla tqakipx-lzbq-ngrde, X LueJodzn tqlvxpx-ngrde lrpzki?
15926	PSA 116:10	Kxmule-esz' ycpe pipz nzmwxlrti-lzbq-krnge, A' mzli kc tqkxpu-zlwz-ngrne, Pipxx murde abrtrpo drtwrnge mz Yawe, X krlzx kx mane nzbrtikr drtwrnge leplz.
15986	PSA 119:20	Pq zvz mz drtwrnge Nzkrlz-krnge nqmq krm.
15996	PSA 119:30	Pnzpe drtwrnge kx navz-nqblq-zvzpex nim, Mz nzale-zvz-krnge me pnz drtwrm.
16078	PSA 119:112	Pnzpe drtwrnge kx navz-nqblq-zvzx me pnz drtwrm, Murde nzokatrngr kx vzpxm elr vztx alo.
16084	PSA 119:118	Pxtxpx-ngrn krkcng tzpxtxpx-ngrdr Nzryrngrkxtr. Murde nzesabrng x nzpokiang.
16124	PSA 119:158	Pxtxpx-ngrne kx drtwrdr litrpz bam, Murde trnzlxngitilru da kxtubq mz nzobq-krm.
16239	PSA 133:2	Nzesz'tikr drtwr lqngipx apule nzyrleokr tolo mz nar Eron x nrpnr naode, krlzo-kzpzle lrpzde, Mzli kc tzaelu-ngrde tolo mz nzngini-krde Nardr Pris.
16276	PSA 136:12	Aodu-zvzle nigu. Mz zmatq ngrde kx xplr, Akipxle Prla Bla. Aodu-zvzle nigu. Aodu-zvzle nigu. X mailzkimle nigu, Leplz nedeng mz nzti rde. Aodu-zvzle nigu.
16381	PSA 144:6	Atwzlro-ngrm bzlrpc mz nzaodaliti-krm enqmi rngeng. Pnzting nidr mz nipna scmqng murde navotxng.
23216	MAT 1:3	Judz mrlxde Peres x Seera, lxedr kxtrngiulrJiu, drtqde Tama. Peres mrlxde Hesron, x Hesron mrlxde Ram.
23260	MAT 2:22	Mzli kc Josip tqxlrpe-ngrde kx mrlx King Herot, drtqde Akelezs kc tqnginipede king r Judiz Provins, sc tqmwxlrpe nzmnc-mou-krdr mrlcde. X Gct ycmne-mopwz bade mz nzrmwiblengr nike na-alele, x sc tqvzkipele Gzlili Provins.
23262	MAT 3:1	Mzli lcde, Jon Kxawrkxtr vzpxm lzke ngr Judiz Provins, x sc tqryapwxpebz mz leplz.
23274	MAT 3:13	Mzli lcde Jiszs rkalzm Gzlili Provins x vzm mz Jon mrkc mz LueJodzn mz nzawrkxtrkr Jon nide.
23284	MAT 4:6	Sc tqrpipebzle kx, “Kx tqnginim Mrlx Gct, e atao-lzbq mrka. Trpnzngr nztakr-krm murde Nzryrngrkxtr rpile kx, ‘Pipebz Yawe mz enjrl nedeng nzaclve-krdr nim. Nzglqlr nim mz mqdr, murde nanycm ma tqtcprtr mz rplz.’”
23290	MAT 4:12	Zbz kzdq ncblo adcpxbzle mz Jiszs kx Jon Kxawrkxtr nzadwatrpe mz presin. Zbz Jiszs sc tqrkalzpem Judiz Provins tqyzlupe Gzlili Provins.
23296	MAT 4:18	Kzdq zbq Jiszs kx o-zlile kc nabz drta' ngr Dxbu Gzlili, rmctile ncblo nzling kx nzmwang. Saemon kc tqngi kz drtqde Pita, x mzlede Adru. Sc tzapoong br Dxbu Gzlili.
23303	MAT 4:25	Mzli lc, zbo ngr leplz kxetu sc tzma-nqblqtipelr Jiszs, kxmule-esz' nznginidr lr Jiu o kxtrngiulrJiu, murde namclr da kx na-alele. Leplz lcng nzprpxmqng mz nrlarnrlc kcng mz taon kcng nzpnu-esz', mz Provins kc Gzlili, Provins kc Judiz, x mzteadau Jerusalem x mz nrlar LueJodzn kc tqprkilzm nepi.
23407	MAT 7:22	Murde mz Mzli Kxmatq kc na-ayzlu-ngrbz Gct da mz leplz, leplz kxnzkqlung narpimlr bange kx, ‘Kxetu Lod! Plzpxbzkr mz leplz natq Gct mz drtqm, x rmaszlrpxkr drka', x ale-kzkr da kxmatqng kxkqlung mz drtqm!’
23422	MAT 8:8	A' rpibz kxetu kc mz Jiszs kx, “Eke, Kxetu! Bzkq kxpuneme nzvz-ngrm ma nyznge. Murde trtakitrpwc'u nzdwatr-krme ma nyznge. Krlzx kx rngiscm zmatq kxmyalz zlwz. Pi txpwz dq ye natq, x ncblo nenge sc tqmrlzpe.
23428	MAT 8:14	Jiszs badr ncblo nedeng nzvzng mz ma nyz Pita. Jiszs kx dwatrpzle kc brma, sc tqmcpele kzdo Pita kc tqngi olvz, sc tqmnz me mnz-ngrde murde drtqde pqpxm.
23446	MAT 8:32	Zbz sc tqrpipebz Jiszs mz drka' kcng kx, “Prpxamu!” X drka' kcng kx nzprpxlr, nzdwasz-pnzlr poi kcng. X nrtrq r poi kc, sc tzvopxpeng mz nqngitrlqli, nztaong mz nabz dxbu kc, x nzbzting amrlx ngrdr mz lue.
23488	MAT 10:2	Drtqgr nigr aposol kcng nzpnu-esz'-nrade-li (12) nidr seleng: kx ayrnrngr Saemon, kc kzdq drtqde Pita, x mzlede Adru, Jemes mrlx Sebedi, nidr mz mzlede Jon,
23529	MAT 11:1	Mz nibr Jiszs nzalvztr-krde nigr aposol kcng nzpnu-esz'-nrade-li (12) mz da kx napibzkr mz leplz, nigr kc tqvzpekr. Zbz Jiszs rkalz-kzp mrlcde, x sc tqvzpe mz nzalvztr-krde x nzryapwxpx-krde mz kzdung kz mztea ngr Gzlili Provins.
23532	MAT 11:4	Ayzlu-ngrbz Jiszs natqdr kx, “Yzluamu x pibzmu mz Jon da kcng tqxlramu x tqmcamu mrka mz nzatutr-krnge natq Profet Asaea mz nzycmnetr-krde Kxnzmcpx.
23694	MAT 14:28	Zbz Pita rpibzle bade kx, “Kxetu, kx tqngini-zpwxm la, pim bange napoobo mz lue x navzbo bam.”
23695	MAT 14:29	Rpibz Jiszs bade kx, “Vzm!” Zbz Pita poom mz bot x sc tqvzpebz mz Jiszs mz lue.
23697	MAT 14:31	Mzli kcpwz Jiszs vzbz, otibzle mqde, x sc tqveclzpemle. X sc tqrpipebzle mz Pita kx, “?Memule tqrnrc-ngrn x trbrti-ngru drtwrm ninge? ?X memule nzlxngiti-krm ninge tqtopwzbe-ngrde?”
23717	MAT 15:15	Zbz Pita rpibzle bade kx, “Yokaetipxm bagr nzycmne-ebzpx-krm mz da kcng tzvzpxmqng mz nao leplz.”
23723	MAT 15:21	Zbz rlaszkr badr Gzlili Provins, x sc tqvzkipekr mz nrlarnrlc kc Fonisiz mrkc Siriz Provins, mz taon kcng etu Taea x Saedon. Provins lc nyz leplz kxtrngiulrJiu.
23754	MAT 16:13	Rlaszkr badr Gzlili Provins x sc tqvzdzpekr, vztrkr mz nrlarnrlc kc tqycngr taon kc Sisaria Filipae. Mzli kc tqkaputrpe-ngrbzkr, Jiszs rveam bagr kx, “?Myx kxmu nzglxkr leplz ninge, Mrlx Leplz?”
23757	MAT 16:16	Rpibz Saemon Pita kx, “Nim Mrlx Gct kc tqlu alo, x Mevalu kc tqmcpxle.”
23759	MAT 16:18	X mz nzmu-krde lcde, pibo bam kx nim Pita. Drtqm drtwr ngrde rplz. X natqm lc apule nou rplz murde sa na-axvctr-ngrmc leplz mz lrmakxtr. X rblxbz mz zmatq ngr nzbzngr nzlolvz-amqngi-krde leplz kcng tzlxngitilr natq angidr lc.
23763	MAT 16:22	A' katxpxm Pita bagr x sc tqvzmitxpxpele rlru kxpipz. X rpibzle bade kx, “Bzkq kxmu nzycmne-krm lc. Murde da kxmule lc nzmu trnawaisr-ngrpqngqu!”
23764	MAT 16:23	A' Jiszs lxlvrbz x sc tqpnanatipele Pita. Rpibzle kx, “Esopx Pita! Bzkq apume bange Setzn, mz nzrpwa'-krme bange nzvz-nqblq-krnge me pnz drtwr Gct. Murde nzrkrlz-krm vz-nqblqle drtwr leplz.”
23770	MAT 17:1	Mz nibr zbq kcng esz'mz, Jiszs vzmile Pita, Jemes x mzlede Jon, x sc tzvzdzpeng mz kzdq newz kxetu mz nzmnc-krdr esz'-krdr.
23773	MAT 17:4	Zbz sc tqrpipebz Pita mz Jiszs kx, “Kxetu, mrlztx angidr nzmnc-krgu mrka. Mwx nawztibo du matelq natq, nangi nyzm dq, nangi nyz dq Mosis, x nangi nyz dq Elaeja.”
23783	MAT 17:14	Mzli kc Jiszs badr Pita, Jemes x Jon tzkrlz-ngrmlr mrkc tqmnc-ngrgr badr zbo ngr leplz kcng, kzdq ncblo vzm mz Jiszs x yrngzobz bade.
23791	MAT 17:22	Zbz yrlwr-lxblr-moukr badr Gzlili Provins. X Jiszs sc tqrpipemle bagr kx, “Ninge Mrlx Leplz sa na-aprcbz mz zmatq ngr kxnzmwati drtwrdr ninge.
23793	MAT 17:24	Mzli kc tqkaputr-ngrmgr badr mz taon Kzpznizm, kzdung ncblo kcng tzatakqting takes ngr Mangr-nzangiongr Yawe Jerusalem nzvzbzng mz Pita. X nzrpibzlr kx, “?Myx kxmule, kxakrlz ngrmu xpe kz takes ngr Mangr-nzangiongr?”
23794	MAT 17:25	Pita ayzlu-ngrbzle natqdr kx, “Eu, xpe kz.” Mzli kc Pita tqvztr-ngrbzle brma, Jiszs sc tqycmnepe-kaipz bade. Rpibzle kx, “?Saemon, myx kxmu nzkrlz-krmle? ?King nzatakqtibz trau mz mrlxdrng o mz leplz kcng tzmnclzbzng badr?”
23795	MAT 17:26	Pita ayzlu-ngrbzle natqde kx, “Kxnzmnclzbzng mz king.” Rpibz Jiszs kx, “Mz nzmu-krde lcde, mrlxng king trnzxpelru takes.
23817	MAT 18:21	Zbz Pita vzm mz Jiszs, rpibzle kx, “?Kxetu, nzwrde natqlvr kx naipq-ngrne kztenge kx alem da kxtrka bange? ?Nzwrde kxrlimz mrlz?”
23832	MAT 19:1	Jiszs kx yrkrpxbz kc nzalvztr-krde, sc tqrlaszpekr badr Gzlili Provins x tqvztrpekr Judiz Provins mz nrlar LueJodzn kc tqprkilzm nepi.
23858	MAT 19:27	Zbz rpibz Pita bade kx, “Rlaszpekr dztugr amrlx mz nzvz-nqblq-krgr nim. ?A' nike natwzkr kalr?”
23899	MAT 21:4	Da lc atutrle nzrpikr Profet kx,
23900	MAT 21:5	“Pibz mz lr Jerusalem kx, ‘King rmu dese tqvzpem mz nrwx, votrp mz nei dcngki.’”
23926	MAT 21:31	Pimamu ena bange. ?Kznike tqotibzle nzwzngr kc tqpibz trtedr?” Kxnzetu r lr Jiu kcng nzrpibzlr kx, “Krkc tqetu.” Zbz rpibz Jiszs badr kx, “Da kx napi-angidrbo bamu desele. Mz nqmq lcpwz, srlx x kxnzatakqting takes nztekqtrlr nqmq nr drtwrdr, nzmnclzbzng mz Gct x sa naprtr-kaing Heven. A' nimu kc tqvz-zvzbeamu nzpxtxpx-krmu nide.
23954	MAT 22:13	Rpibz king mz kxnzawz nedeng kx, ‘Peamu mrlx lc x rtcpx-ngrnamu yz, mrkc tqtungr nzlo x tzyrningr leplz mz nzetqkr drtqdr x tzmadqti-ngrdr nqngidr mz zngya.’”
24029	MAT 24:3	Kx krlzbzkr kc Newz ngr Nc Olivi, Jiszs sc tqwxbupe elr, mrlcde nzmcpz Mangr-nzangiongr. Zbz kzdung kztegrng sc tzvz-lrpipebzng mrkc tqwxbu-ngrde. Nzrpibzlr kx, “Pim ena bagr mzli kc naodatingr Mangr-nzangiongr, x rkx kznikeng namc nakrlztingr mzli r nzyzlu-krme mzli kc nayrkrpx-ngrbz nrlc.”
24126	MAT 26:3	Kxnzetu rdr pris x lrtzlvzng r lr Jiu nzyrlwr-lxblrng mz ma kc etu nyz Kaefzs, kc tqngi Nardr Pris.
24156	MAT 26:33	A' Pita rpibzle kx, “Trtxpnzngr nzdwasz-krnge nim mzli kc nalolvzngr nim, kxmule-esz' kztenge lcng nzdwang amrlx!”
24157	MAT 26:34	Jiszs rpibzle mz Pita kx, “Napi-angidrbo bam, koma mz nrlckxbq, nzwrde natq nzrpi-krm trkrlzwq ninge x kio kc tqkya' ate.”
24158	MAT 26:35	A' Pita rpi-kzpzle bade kx, “Trtxpnzngr nzrpi-krnge kx trkrlzwxu nim! Kxmule-esz' nzabzminge nim!” X pi-kzpzkr nigr kztede kcng amrlx.
24160	MAT 26:37	Vzmile Pita, x mrlx Sebedi kcng nzling. Mzli lc nabz Jiszs talvzope x mrlepupe-ngrde nzvzkr drtwrde.
24163	MAT 26:40	Mz nibr nzkrka'-krde, yzlum mz ncblo kcng nztq, a' sa tzmwing. Sc tqrpiopebzle mz Pita kx, “?Rblx-zlwzbz bam nzobq-krm ninge mz nabz nepi kxesz'?
24174	MAT 26:51	A' kzdq nigr kx tu mrlcde yrlqbzle toki r vea scde x lakitxpxbzle kzdq nradrtq kxnzawz-nrbalq ne Nardr Pris.
24180	MAT 26:57	Kx nzlolvzlr kc Jiszs nzvzmilr mz ma nyz Kaefzs, kc tqngi Nardr Pris, mrkc tzyrlwrpx-lxblr-ngrdr lrtzlvzng x kxnzalvztrng mz Lou sc Mosis.
24181	MAT 26:58	Pita kc tqma-nqblqnebzle nidr. X dwatr-kzpz mz makoa ngr ma kc, sc tzwxbu-lxblrpeng badr pulis ngr Mangr-nzangiongr mz nzmc-krde nike naprtz.
24185	MAT 26:62	Zbz Nardr Pris tulzm, sc tqveapebz mz Jiszs kx, “?Myx kxmule, trpnzngr natq kx na-ayzlu-ngrbzme natq ncblo lcng?”
24186	MAT 26:63	A' Jiszs anabu txpwz. Zbz Nardr Pris rpi-mopwzle kx, “Mz drtq Gct kc tqlu, napi-angidrme bagr. ?Ngini-angidrm Kxnzmcpx? ?Nim Mrlx Gct, o trtingr?”
24188	MAT 26:65	Zbz Nardr Pris sc tqpesali-zlwzpele nzkq scde, x sc tqrpipebzle mz Kansrl kx, “Pivxipele Gct! Trpengr nzrtangr-krgu ncblo kx narpim bagu da kx vz-rbrti mrlx lc! Murde sa tqxlrpebzmu natq kx pivxiti-ngrde Gct!
24192	MAT 26:69	Mzli kc Pita tqmnclz-ngrmle mz makoa ngr ma kc, kzdq olvz kxnzawz vzm mrkc tqwxbu-ngrde. X sc tqrpipebzle bade kx, “Nim dq kz kx mnctrpz mz Jiszs kc Gzlili.”
24193	MAT 26:70	A' Pita pokiatxbz, rpibzle kx, “Trkrlzwxu da la tqycmnetr-ngrn.”
24194	MAT 26:71	Zbz tulzm x sc tqtutrpe mz naonrx. Kzdq kz olvz kx mcle Pita, sc tqrpipebzle mz leplz kxnztung mrkc kx, “Mrlx lc nide dq kz ncblo ne Jiszs kc Naszret.”
24195	MAT 26:72	Zbz Pita pokia mou. Rpibzle kx, “Naesalzbo bamu kx da zpwx lc tqpibo bamu. Trkrlzwxu ncblo la tqpimamu bange.”
24196	MAT 26:73	Zbz mzli trboiu kzdung leplz kx nztung mrkc nzvzmqng mz Pita nzrpi-kzpzlr kx, “Krlztx-angidrkr kx nim kzdq nidr, murde rblx nzyrlq-kapq-krm nzngini-krm lr Gzlili.”
24197	MAT 26:74	Zbz rpibz Pita kx, “Naesalzbo bamu kx nangi bongavz, da zpwx lc tqpibo bamu. Trkrlzwxu ncblo la. Nzmu kx tqpokiabo na-ayrplapx zvz Gct ninge.” X mzli kcpwz kio kc tqkya'pe.
24198	MAT 26:75	X sc tqdcpxpe mz drtwr Pita nzrpi-krbz Jiszs bade kx, “Napibo bam, nzwrde natq nzrpi-krm trkrlzwq ninge, x kio kc tqkya' ate.” Zbz Pita sc tqvzpxpe, x tqbztipele nzyrningr.
24200	MAT 27:2	Nzpetxbzlr mqde x sc tzvzmipelr tzaprcpebzlr mz mq Pcntizs Paelzt, lr Rom kc tqaclvele Judiz Provins.