7133	RUT 1:4	Zbz mrlxdeng nzyrlzng rlilrdrng Moab. Kilion yrlztile Opa x Malon yrlztile Rut. Nzmnctilr Moab yiz nzpnu-esz'.
7137	RUT 1:8	A' mzli lcde, Naomi tekqtr-moule drtwrde, x sc tqrpipebzle mz Opa x Rut kx, “Yzlutx-mouamu mz ma nyzmu badr lxemung. X krka'-ngrne kx Yawe namrlztile nimu da kc tqwaisr-ngrnamu ncblo ngrmung x ninge.
7143	RUT 1:14	Mz nzycmne-krbzle lc, sc tzyrnipe-moung. Zbz Opa tcngitxde lvxbqde x sc tqarlrpele. A' Rut lolvz-amqngile Naomi, x tr-rlaszleu nide.
7144	RUT 1:15	Rpibz Naomi bade kx, “Obqbz, ilem yzlupebz mz kxnginideng x mz gct ngrdrng. Yzluamu rlirmu.”
7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7147	RUT 1:18	Naomi kx krlztr-zpwxpebzle kc mz Rut nzsuti-zlwzkr drtwrde nzvz-krdr ncdr, sc tqmetxpebz x trycmnepepwzu bade.
7151	RUT 1:22	Krlc be angidr ngr Naomi mz nzyzlu-krmle Moab nidr mz lvxbqde Rut, kc tqngi olvz lr Moab. Nzkaputrpqng Betleem mz zbq kc kai tzrkqngr nra nabr kc tqngi bali mz nzbrpe-krde. Nra bali nzkqti-txpwzle zbq tq o pwx.
7153	RUT 2:2	Mz zbq kzble mz nourla, Rut rpibzle mz Naomi kx, “Rlr-ngrm bange nzvz-krnge mz lclr bali. Mwx kzdq ncblo kxmrlz sa na-abrtzlvzle nzrmikatine-krnge drpwr nra bali kxyrlwrtxo mrnyzde.” Rpibz Naomi bade kx, “Vz inyxnge, sa tqmrlz ye.”
7154	RUT 2:3	Zbz Rut kc tqvzpe tqrmikatipe drpwr nra bali kx nzrlasztipe leplz kxnzawzng. Mz lclr bali lc, kzdung leplz nzrpakilzmqng bali, x kzdu-kzng leplz nzvz-nqblqlr nidr mz nztalvz-krdrleng. X mz nibr nzrtwz-krdr rtalvz kcng, nzkrlz leplz nzrmikatingr nra bali kxyrlwrtxo. Mz zbq lcdepwz, sc tqkrlztipele kx lclr bali kc nyz Boas.
7155	RUT 2:4	Mz nourla lcdepwz, Boas rkalzm Betleem x kaputrpz mz lclr bali nyzde. X sc tqrpipebzle mz kxnzawz nedeng amrlx kx, “Nimu la.” X nzayzlu-ngrbzlr natqde kx, “Nim la.” X rpi-mopwzle kx, “Rlxtibo mz Yawe kx naokatrle nimu.” X nzrpi-kzpzlr kx, “X nim kz!”
7157	RUT 2:6	Rpibz ncblo kc kx, “Krla doa olvz lr Moab, kx nzvzmqng mz Naomi, mz nzyzlu-krmle kc Moab.
7158	RUT 2:7	Rpimle bange kx, ‘?Nzmu rlr-ngrme bange nzrmikatine-krbo nra bali mz nibrdr kxnzawzng?’ X sa tqbrngzti-zpwxle nzrmikatingr nra bali abzo-pnzle kcma mz nourla, x sa tqvzbe. A' amapx-ngrmle matelq mzli kx mrbcne.”
7159	RUT 2:8	Zbz sc tqrpibz Boas mz Rut kx, “Lalztqm bange, kx inyxnge. Rpix naokatrpo nim. Bzkq rmikatiq nra bali mz nrlc nyz ncblo kzble x bzkq rlaszq mrka. A' mncamu badr olvi kxnzawz nengeng.
7161	RUT 2:10	Zbz, Rut yrngzobz bade mz drtc' mz nzamrluengr. X sc tqrpipebzle kx, “?Memule tqmrlzti-zlwz-ngrn ninge x tqamrlue-ngrn ninge? Murde ninge olvz lr narnrlc.”
7163	RUT 2:12	Rlxtibo mz Yawe, Gct rgr, kx na-ayzlubzle bamu nike aletiqng, mz nzamrlz-zlwz-krde nim. Nide ka tqmnclzpebzme bade mz nzvz-krme lc, x nide me rlakitrq, mz nzapu-krm nei kio kx mnclzbz mz nabx lxede.”
7164	RUT 2:13	Rpibz Rut kx, “Trtenge, yc zlwz mz drtwrm ninge. X awxopeme nabznge mz nzycmne-nivzlrpe-krme lc bange, kxmule-esz' trmatqnewxu myaszlzle olvi nem kcng tzwztrpzng bam.”
7165	RUT 2:14	Mzli kc namupengr bea, rpibz Boas mz Rut kx, “Vzm namupeku. X leo kz bret nam mz waen lc pipz.” Mzli kc Rut tqwxbutr-ngrbzle mz olvi kcng, Boas kabzle bade kcng bali kx nztqngq, mz nzapusr-krde nide kxmnctrpz bade. Rut mu x nelzde krlc. X nade kcng ycpwz.
7166	RUT 2:15	Mzli kc Rut tqvz-ngrde mz nzrmika-mou-krde nra bali, rpibz Boas badr ncblo nedeng kx, “Nzmu kx tqrmika-abeanetrpzle me yrlwr ngr rtalvz ngr bali, bzkq amyabzmu drtqde, murde rlr-ngrbo bade.
7168	RUT 2:17	Rut rmika bali mz lclr bali lc vz-krlzbzle milzpq. Zbz sc tqtalqtipele drpwr bali kcng tqmikatile. Nulvzole mz bxli x yrbulzm. X bxli lc takitr kilo kx nzpnu-esz'-nrade-tq.
7169	RUT 2:18	Zbz sc tqglqpele bali kc mz mztea, x Naomi mcle bxli r bali kc etu tqglqmle. X ka-kzpz Rut dakxnzng kcng tqmutr-ngrde mzli kc bea.
7170	RUT 2:19	Naomi rveabz kx, “?Mzbq ka drlve kc tqrmika-ngrn bali? Krka'-ngrne kx Gct na-amrlzle ncblo kc tqokatrle nim.” Zbz sc tqpipebz Rut mz lxede kx, “Drtq ncblo kc tqngi nyzde lclr bali kc tqwz-ngrne kcma, Boas.”
7171	RUT 2:20	Rpibz Naomi bade kx, “Eu, rlxtibo mz Yawe kx na-amrlzle nide. Murde tresakiu nzbatr-krbzle nzrmrlznr-krde leplz kxnzlubeng x kxnzbzpeng. Ncblo la tqngi Boas, ngi kzdq kxnginigu kx takitrde nzxpepx-krde drtc' nyzgu x nzaopx-krde nqvi lr ncblo ngrgu.”
7172	RUT 2:21	Zbz rpi-mopwz Rut kx, “Boas rpi-kzple bange kx, ‘Mncamu badr kxnzawz nengeng nakrlz-zpwxbzle nzyrkrpxkr nzrkqngr bali x wit.’”
7174	RUT 2:23	Mz zbq kang kqlu, Rut sc tqmnctr-zvzbz badr olvi kxnzawz ne Boas, mz nzrmikati-krde, vz vz mzli kx yrkrpxngr nzrkqngr bali x wit. X nzmncpwzng mz lvxbqde Naomi.
7176	RUT 3:2	Rmikatiq bali vz-nqblqq olvi kcng tzwztrpzng mz Boas. X krlzq nzngini-krde kxnginigu. Koma mz nrlckxbq sa na-akipxle be bali mrkc tzrtaklrpxngr nra bali.
7179	RUT 3:5	Rpibz Rut kx, “Sa na-alex nikeng pitime.”
7180	RUT 3:6	Zbz Rut kc tqvzope mrkc tzrtaklrpxngr nra bali, tqalepele da amrlx kcng tqpibz lxede.
7181	RUT 3:7	Mz nibr nzmukr Boas x nzrmnq-krde, drtqde otxpx. Sc tqvzkiopebzle mz nrlarde kc tzayrlwrngr nra bali, tqmnzope mz nzmwipengr. Mzli trboiu Rut kc tqprngeipebz mrkc tqmwingr Boas. Kalvxlzbzle lrpz mrkc tqobqkio nanycde x sc tqmnzlzpebz elr.
7183	RUT 3:9	Boas kc tqveapebz kx, “?Nim neke?” Rpibzle kx, “Ninge kxnzawz nem Rut. Kawxpx lrpz la x akq-bubz ninge, nangi rkx kx suti drtwrm nzyrlzti-krm ninge. Murde nim kx kxnginigr kx takitrde nzxpepxngr drtc' nyzgr x nzaopx-krbzle nqvi lr ncblo rnge.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7188	RUT 3:14	Rut mwilzbz mz nanycde krlzbzle mzli lcde, mzli lc trnzrglxkangr leplz. X Boas rpile mz nide esz'-krde kx, “Bzkq kx rkrlzti nzmnckr olvz lc mrka.”
7189	RUT 3:15	X rpi-kzpzle bade kx. “Aolz nzkq scm kc tqrmnrtr-ngrbz x prlxo mrlc.” Prlxtxole x yrngiobz Boas elr bali nzkqlu-krde esolzbz mz kilo kx nzpnu-tq (30). Petxbz Boas x sc tqglqlzpebzle mz nabx Rut, x sc tqvzpe mz mztea.
7190	RUT 3:16	Mzli kc Rut tqkrlz-ngrbzle brma, Naomi sc tqveapebz kx, “?Myx kxmu mz nzvz-krm kc, kx inyxnge?” Zbz sc tqpipebzle da kcng amrlx tqalebz Boas bade.
7193	RUT 4:1	Mz nourla lcde, Boas vz mz naobz ngr taon lc x sc tqwxbupe elr, murde krlc me nzatubqtingr lrtzlvz ngrdr da. X kxnginide kc tqesotr-zlwzbz, krkc tqpibzle mz Rut, sc tqmcpele nzvz-krde. X sc tqkqlepxpele nzrpi-krbzle kx, “Vz-kaip mrka, kx mzlenge, x wxbu kai mrlc.” Ncblo kc vzbz, sc tqwxbupe.
7197	RUT 4:5	Rpi-mopwz Boas kx, “Mzli kc naxpepx-ngrbzme drtc' lc mz Naomi, yrlzti kz Rut kc Moab, olvz r mzlegu kc tqbz. Murde mrlxmu ncdr Rut kalr nalolvzle drtc' nyz Malon kc tqbz x nqvi lrde bzkq mztr.”
7198	RUT 4:6	Rpibz mzlede lc kx, “Mz nzmu-krde lcde, trpengr nzxpepx-krnge drtc' lc, murde ma tqamnctxpxle ninge x trpnzngr da kx na-aprcbo mz mrlxngeng. A' xpepxpe, murde trtakitrpepleu ninge.”
7202	RUT 4:10	X nayrlzti-kzx Rut kc Moab tqbzsz Malon, nangi olvz rnge. Murde mrlxgr kc kai ncdr Rut kalr nalolvzle drtc' nyz Malon x nqvi lrde bzkq mztr, a' drtqde nadcpxpwz mz mztea nyzgu. Mzbq ka sc tqmc-lxblrpeamu.”
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
7205	RUT 4:13	Zbz Boas sc tqyrlztipele Rut. Nzmwi-lxblrng x okatr Yawe nidr mz nzyrkr Rut. X rmika nede doa ncblo.
7206	RUT 4:14	Nzrpibz olvz kcng tzmncng mrkc mz blrkq mrlx Rut kx, “Naomi, takitrde nzrglqlzngr Yawe, murde rkabz nem doa ncblo mzbq ka. Krka'-ngrgr kx doa lc nakrlzti lr Israel nide.
7207	RUT 4:15	X rlxtibzkr mz Yawe kx doa ncblo lc na-aelalzmle drtwrm x naokatrle nim mzli ka nzngini-krm blang. Murde lvxbqm, kc tqmrlzti-zlwzle nim mikale nide. X kxmule-esz' narnginem doa ncblo kxnzkqlung, a' nzokatr-krdr nim trmyaszpxleu nzokatrkr Rut lc nim.”
7208	RUT 4:16	Naomi brlcle doa kc. Zbz sc tqokatrpele Rut nzabutingr.
7211	RUT 4:19	Hesron mrlxde Ram, Ram mrlxde Aminadab.
13956	PSA 2:7	X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.
13957	PSA 2:8	Rlxtim bange x sa nakabo bam zmatq ngr nzaclvengr neidung amrlx, Murde leplz mz nrlc tulvzo nangi nemqng.
13981	PSA 5:2	Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.
13996	PSA 6:4	?Rnrcti-lzbqtrpo bam mz zmwxlr, X aenzli-alopex nzokatr-krm ninge?
14081	PSA 12:4	Rlxtibo bam nzaesaki-krm natq leplz kxnzpokiang, X odati nidr mz nzglqpx-lzbq-krdr.
14145	PSA 18:15	Rpna-ngrbzle nipna x aodalitile enqmi rngeng. Vz-nqblqbz bzlrpc x nzvo-alo-ngrdr.
14211	PSA 21:5	Rlxtibo nzlungr bam, X kapeme bange nzlungr lc tqboi.
14346	PSA 30:10	Rpibo bam kx, “Bzkq rlrpx-ngrn nzvzo-krnge mz gq, Murde trpnzngr da kx mrlz kx naprpxm mz nzbz-krnge. X rblxpe nzyapwxtipx-krbo mz leplz mz nzangidati-krm, Nzmu namibilzpemc mz drtc'.
14382	PSA 32:8	Rpim Yawe kx, “Sa na-aelwa-ngrbo bam lrpzki kc nao-zliq, Mz nzmailz-krnge nim.
14707	PSA 50:7	Rpi Gct kx, “Leplz nengeng, xlrmamu natqnge. Murde ninge Gct rmu x na-aelwa-ngrbo mrkc tqvz-rbrtiamu.
14777	PSA 55:6	Rnrcti-lzbqpenge mz zmwxlr, X nrkrdrtqnge esz'pe-ngrde.
14870	PSA 61:5	Rlr-ngrm bange nzmncpx-alo-krmc mz ma nyzm. Murde na-apux nei kio kx mnc-kapqlzbz mz nabx lxede.
14879	PSA 62:5	Ryrlqamu drtwr ngr nzapotxo-krmamu ninge me matq kc tqmnco-ngrmc. X abrtzlvzamu nzpokiatitr-krmu ninge. Murde nivz lr naomu prlxmamu bange, A' mz nabzmu la, ngyati drtwrmu ninge.
14887	PSA 62:13	X da kx myapxbz, nzaodu-krde nigu tresakiu. Rpimle kx, “Mzli lcde, nzayzlu-krbo da mz doa navz-nqblqle da kx aleleng mz nrlc ka.”
14937	PSA 66:13	X ayzlu-kzpe' natqnge mz mzlir nzkxpu-krngeng, X delc naka-ngrbo bam da kcng tqpibo. Rtwzmc animol kxncblongr kx oliqtix mz olta nyzm, Mz nzangc-krbzlr bam mz Mangr-nzangiongr. Murde zsikapu ngrdr navzdzbz, Nangi dalr nzawi-krbo bam.
14975	PSA 68:23	Rpimle bagu kx, “Kxmule-esz' enqmi rmung nzdwalzng mz newz O drlve keng mz nzakitikr nrlc nidr, a' sa nayzlutibong.
15015	PSA 69:27	Rlxtibo bam da lcng murde ayrplapxpeq ninge, A' nzrtxlvzlz-moplr nzetqkr drtqnge.
15091	PSA 73:16	Rblxm bange nzkrlz-krnge drtwr ngr nzrlr-krbzme mz kxnztubqng nzkxpu-krdr, A' trayrplapxwq kxdrka'-ngrng.
15231	PSA 78:60	Rlasz-pnzle Tentkxtr nyzde kc mztea Saelc, mz drtc' nyz Efrem. Mrkc tzmnc-kai-ngrdr badr leplz nedeng.
15233	PSA 78:62	X mz nzngyati-zlwzkr drtwrde leplz nedeng, Rlr-ngrbzle mz enqmi rdrng nznibqti-krdr nidr.
15263	PSA 80:7	Rlrtx-ngrpwzme mz lr mrkzbleng kcng tzmnc-ngalelr nigr nzyrpalelvz-krdr nigr X nzotalvz-krdr drtc' nyzgr kx neke nartwz.
15283	PSA 81:7	Rpimle kx, “Sc tqrkatxobo da kxmrlepu kcng tqglqamu. X aopxbo drtqmu mz nzwz-kato-krmu Ijipt.
15295	PSA 82:2	Rpibzle badr kx, “Nzaclve-krmu leplz narsakrlrngr. A' bzkq okatramu kxdrka'-ngrng nzmyaszpx-krdr kxnztubqng.
15330	PSA 84:10	Rlxtibo bam Kx amrlz-zvzbz king rgr kc tqmcpxq.
15378	PSA 88:7	Rtcope-ngrn ninge mz gq kx vzo la, X tutx-ngrpwz nzlo.
15395	PSA 89:5	Rpibzme bade kx, “Ncblo kcng tzvzpxmqng mz neidu lrm, sa nanginipwzlr king, Murde nqvi lrm na-aclve alo.”
15446	PSA 90:3	Rpime bagr kx, “Yzlu-mouamu,” X mz nzbz-krgr yzlu-moukr mz drtc' kc tqwz-ngrn nigr.
15653	PSA 104:15	Rkame waen kx na-aelalz-ngrm drtwrgr, X tolo kx na-alqngr nrkrdrtqgr, X dakxnzng kx naxplrngr nigr.
15684	PSA 105:11	Rpibzle badr kx, “Sa nakabo bamu drtc' kc Kenan Murde nangi drtc' nyzmu.”
15759	PSA 106:41	Rlrpx-ngrn nzaovxiokr kxnzmnc-mrbrng nidr, Murde na-aclvepeng enqmi rdrng.
15774	PSA 107:8	Rkabz lue mz kxnzbrlxkzng, X dakxnzng kxmrlzting mz kxnzbrtaleng. “Awi Yawe, mz nivz lrm kc tqyc tqyc, eu. Okatr-zvzq nigr. Awi Yawe, mz nivz lrm.”
15839	PSA 109:16	Rlxtibo bam da lcng murde mrlx lc trpnzngr kx mrlzti nivz lrde, A' armzkiti x rnibqti leplz txneng kxtrnzrngiscung x kx drtwrdr talvzo zlwz.
15858	PSA 110:4	X Yawe esalz-ngrde drtqde x trnatekqtrleu drtwrde. Rpile kx, “Nim King nenge, nangini-alo-kzp pris mz nzvz-nqblq-krde nzwzkr Melkesidek.”
15959	PSA 118:22	Leplz amrlx kcng tzyrlwr-lxblrng Mangr-nzangiongr nzrpilr kx, “Rplz kc etu tzpxtxpx-ngrdr ncblo kcng tzrwz-ngrng ma, Nzaelwapxngr kx nide nou rplz kc tqmyatxpx-zlwzbz.”
16086	PSA 119:120	Rnrcti-lzbqnge mz nzmwxlrti-krnge nim, Murde ma trtubqwxu mz nzobq-krm.
16144	PSA 120:2	Rpibo bade kx, “Yawe, arlapxbz ninge Mz leplz kxnzpokiang x nzesabrng.”
16173	PSA 124:3	Rblxbz badr nzmilxtxo-krdr nigu Mz nzngyati-zlwzkr drtwrdr nigu.
16222	PSA 132:3	Rpibzle kx, “Yawe, trtxpnzngr nzvz-krnge ma nyznge o mz nelvq nyznge, X trtxpnzngr nzama-krnge x nzmwi-krnge,
16252	PSA 135:9	Rwzngr da kxnzkctipxng kxkqlu mrlcde, Mz nzayrplapx-krde king rdr x kxnzetu nedeng.
16275	PSA 136:11	Aodu-zvzle nigu. Rkamilzmle nigu Lr Israel mz mzlir lr Ijipt. Aodu-zvzle nigu.
16294	PSA 137:4	A' mz drtwrgr rpikr kx, “Rblx nzngr-abrtz-krbzkr mz Yawe, Mz nzmnc-krgr mz mztea nyz kxtrnzrlxngitiung.
16424	PSA 147:3	Rka-mopwz nzabrtzngr mz leplz lcng drtwrdr tqtalvzo, Mz nzawxo-krbzle drtwrdr apule kx pnutibzle kxsqki rdr.
16430	PSA 147:9	Rkabz dakxnzng mz animol amrlx, X aputrle nei utc amrlx mz nzyrni-krbzlr bade mz dale ngr nelzdr.
23216	MAT 1:3	Judz mrlxde Peres x Seera, lxedr kxtrngiulrJiu, drtqde Tama. Peres mrlxde Hesron, x Hesron mrlxde Ram.
23217	MAT 1:4	Ram mrlxde Aminadab, Aminadab mrlxde Nason, x Nason mrlxde Salmon.
23218	MAT 1:5	Salmon mrlxde Boas. Boas lc lxede drtqde Reab, kxtrngiulrJiu. X Boas mrlxde Obed, x lxede drtqde Rut, kxtrngiulrJiu kz, murde vzkimle mz drtc' ngr Moab. X Obed mrlxde Jesi.
23220	MAT 1:7	Devet x Batsibz mrlxdr King Solomon. Batsibz nide kc tqngi kai olvz ngr Yuriz mzli kc trnznibqka-ngrde. Solomon mrlxde Reoboam. X Reoboam mrlxde Abaeja. X Abaeja mrlxde Asa.
23251	MAT 2:13	Mz nibr ncblo kcng nzvzpe-krdr, enjrl ne Yawe kc tqadcpx-lzbqpe-mopwz mz Josip mz nzrmwible-krde. Rpibzle kx, “King Herot sa na-atwzlrpx-ngrde kzdung ncblo mz nzrtangrti-krdr doa ncblo lc topwz mz nznibq-krdrle. Mz nzmu-krde lc, tutxlz-anipwzmu badr doa la x lxede, x plc-aniamu mrkc Ijipt. Mnc-txpwzmu elr. X napi-zpwxbo mzli r nzrlasz-mou-krmule.”
23256	MAT 2:18	“Kzdq kc natq tzxlrtrpz mztea Rama, x krlc natq ngr nzyrningr mz drtwr kx vz zlwz. Resel tqyrnimile doa nedeng. Rblx nzamnc-lrpingr nide, murde doa nedeng nzbztipeng.”