7135	RUT 1:6	Mz nibr kzdung mzli, Naomi xlrle kx Yawe okatr-moule lr Israel mz nzrka-kr-mopwzle nzkqlukr dakxnzng. Kx xlr Naomi nrpa lc, sc tzoliqpeng badr lvxbqde kcng nzling, nzvz-krdr badr Israel. X sc tzrkalzpemqng.
7137	RUT 1:8	A' mzli lcde, Naomi tekqtr-moule drtwrde, x sc tqrpipebzle mz Opa x Rut kx, “Yzlutx-mouamu mz ma nyzmu badr lxemung. X krka'-ngrne kx Yawe namrlztile nimu da kc tqwaisr-ngrnamu ncblo ngrmung x ninge.
7138	RUT 1:9	X naokatrle nimu mz nzmnc-zpwx-krmu badr ncblo kx nangi mou ncblo ngrmung.” Zbz sc tqtcngitipeng Naomi x sc tzyrni-katopeng badr.
7139	RUT 1:10	X nzrpibzlr bade kx, “Trtingr, navzbzku mz lr mrnyzmqng.”
7141	RUT 1:12	Yzlutxpeamu mrnyzmung. Murde nipenge blang mz nzryrlzti-moungr kzdq ncblo. X kxmule-esz' yrlzti-moux dq ncblo kcma mz nrlckxbq x rnginegr doa ncblo,
7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7154	RUT 2:3	Zbz Rut kc tqvzpe tqrmikatipe drpwr nra bali kx nzrlasztipe leplz kxnzawzng. Mz lclr bali lc, kzdung leplz nzrpakilzmqng bali, x kzdu-kzng leplz nzvz-nqblqlr nidr mz nztalvz-krdrleng. X mz nibr nzrtwz-krdr rtalvz kcng, nzkrlz leplz nzrmikatingr nra bali kxyrlwrtxo. Mz zbq lcdepwz, sc tqkrlztipele kx lclr bali kc nyz Boas.
7155	RUT 2:4	Mz nourla lcdepwz, Boas rkalzm Betleem x kaputrpz mz lclr bali nyzde. X sc tqrpipebzle mz kxnzawz nedeng amrlx kx, “Nimu la.” X nzayzlu-ngrbzlr natqde kx, “Nim la.” X rpi-mopwzle kx, “Rlxtibo mz Yawe kx naokatrle nimu.” X nzrpi-kzpzlr kx, “X nim kz!”
7158	RUT 2:7	Rpimle bange kx, ‘?Nzmu rlr-ngrme bange nzrmikatine-krbo nra bali mz nibrdr kxnzawzng?’ X sa tqbrngzti-zpwxle nzrmikatingr nra bali abzo-pnzle kcma mz nourla, x sa tqvzbe. A' amapx-ngrmle matelq mzli kx mrbcne.”
7160	RUT 2:9	Mcpwz mrkc tzrpakingr ncblo lcng bali, x nim kc tqrmikanebzme mz nibr olvi kcng tzrtalvzng. Pipebo badr ncblo lcng kx bzkq nzesotrpzng bam. X drtwrm kx tqbrlxkzle, vz, x rmnqtr mz belue kcng tzangqbatipe ncblo kcng.”
7161	RUT 2:10	Zbz, Rut yrngzobz bade mz drtc' mz nzamrluengr. X sc tqrpipebzle kx, “?Memule tqmrlzti-zlwz-ngrn ninge x tqamrlue-ngrn ninge? Murde ninge olvz lr narnrlc.”
7162	RUT 2:11	Ayzlu-ngrbz Boas natqde kx, “Da amrlx kcng tqalebzme mz lxem Naomi, mz nibr nzbzkr mrlxde kc tqngi ncblo ngrm, nzyapwxtipem bange bq mz nibr nzkaputr-krmamu. X kxmu nzrlasz-krme trtem x lxem x mrnyzm, x vzme mz nzmnc-krmu badr leplz kx nqmq krdr blepx.
7164	RUT 2:13	Rpibz Rut kx, “Trtenge, yc zlwz mz drtwrm ninge. X awxopeme nabznge mz nzycmne-nivzlrpe-krme lc bange, kxmule-esz' trmatqnewxu myaszlzle olvi nem kcng tzwztrpzng bam.”
7165	RUT 2:14	Mzli kc namupengr bea, rpibz Boas mz Rut kx, “Vzm namupeku. X leo kz bret nam mz waen lc pipz.” Mzli kc Rut tqwxbutr-ngrbzle mz olvi kcng, Boas kabzle bade kcng bali kx nztqngq, mz nzapusr-krde nide kxmnctrpz bade. Rut mu x nelzde krlc. X nade kcng ycpwz.
7168	RUT 2:17	Rut rmika bali mz lclr bali lc vz-krlzbzle milzpq. Zbz sc tqtalqtipele drpwr bali kcng tqmikatile. Nulvzole mz bxli x yrbulzm. X bxli lc takitr kilo kx nzpnu-esz'-nrade-tq.
7169	RUT 2:18	Zbz sc tqglqpele bali kc mz mztea, x Naomi mcle bxli r bali kc etu tqglqmle. X ka-kzpz Rut dakxnzng kcng tqmutr-ngrde mzli kc bea.
7174	RUT 2:23	Mz zbq kang kqlu, Rut sc tqmnctr-zvzbz badr olvi kxnzawz ne Boas, mz nzrmikati-krde, vz vz mzli kx yrkrpxngr nzrkqngr bali x wit. X nzmncpwzng mz lvxbqde Naomi.
7176	RUT 3:2	Rmikatiq bali vz-nqblqq olvi kcng tzwztrpzng mz Boas. X krlzq nzngini-krde kxnginigu. Koma mz nrlckxbq sa na-akipxle be bali mrkc tzrtaklrpxngr nra bali.
7177	RUT 3:3	Kipotx x aeluti-lzbq tolo kx ngi pzpium. X pxingr lrpzm kxmrlz, x vz mrkc tzrtaklrpxngr nra bali. A' bzkq krlztile nzmnc-krm mrlcde, mzli kc tryrkrpxkangr nzmu-krde x nzrmnq-krde waen.
7178	RUT 3:4	Aokztipwz mrkc navzkile mz nzmwi-krde. X mzli kc tqmwipe-ngrde, vz-kzpz x kalvxlzbz lrpz kc tqkq-ngrde, x ayrbq-lxlr-ngrbz nanycde x sc tqmnztrpebzme mz nanycde. X mzli kc nabaongr nanycde, sa nadwalzm x napibzle da kx na-aleq.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7186	RUT 3:12	Da zpwxtx, ninge kxnginim kx takitrde nzale-krnge da lc. A' kzdq kc ncblo kx ngi kxnginigu kx esotr-zlwzbz bam myaszpxle ninge. X nide kx na-alele da lc, nzmu kx tqaolvzlele.
7187	RUT 3:13	A' mwi txpwz mrka mz nrlckxbq ka. X sa naycmne-krlzpwzkr bade mz nourla. Nzmu kx tqrpile nayrlztile nim, mrlz. A' nzmu kx tqpx-ngrdele, esalz-ngrbo bam mz drtq Yawe kx tqlu, kx nayrlztipex nim. Mnzpwz mrlc nakrlzbzle mzli kc tqprtz-ngrm paglxnrlc.”
7188	RUT 3:14	Rut mwilzbz mz nanycde krlzbzle mzli lcde, mzli lc trnzrglxkangr leplz. X Boas rpile mz nide esz'-krde kx, “Bzkq kx rkrlzti nzmnckr olvz lc mrka.”
7189	RUT 3:15	X rpi-kzpzle bade kx. “Aolz nzkq scm kc tqrmnrtr-ngrbz x prlxo mrlc.” Prlxtxole x yrngiobz Boas elr bali nzkqlu-krde esolzbz mz kilo kx nzpnu-tq (30). Petxbz Boas x sc tqglqlzpebzle mz nabx Rut, x sc tqvzpe mz mztea.
7191	RUT 3:17	X rpi-kzpzle kx, “Boas ka-kzple bali lc tqtwzmc, x rpimle bange kx, ‘Bzkq vz-nrbalqbzme mz lxem, a' twzbz bali lc bade.’”
7193	RUT 4:1	Mz nourla lcde, Boas vz mz naobz ngr taon lc x sc tqwxbupe elr, murde krlc me nzatubqtingr lrtzlvz ngrdr da. X kxnginide kc tqesotr-zlwzbz, krkc tqpibzle mz Rut, sc tqmcpele nzvz-krde. X sc tqkqlepxpele nzrpi-krbzle kx, “Vz-kaip mrka, kx mzlenge, x wxbu kai mrlc.” Ncblo kc vzbz, sc tqwxbupe.
7194	RUT 4:2	Zbz Boas kapxmle lrtzlvz nzpnu-esz' kx nzmncng mrlcde. X rpibzle badr kx, “Nawxbuku ena x okatrpa'mu nigr.”
7196	RUT 4:4	Vzdzm mz drtwrnge nzpi-krbole bam. Kx tqsuti drtwrm nzxpengr drtc' lc, e xpe mzli ka tzmncngr lrtzlvz ngrgu lcng, badr mrlx lcng. Kx tqsuti drtwrm naxpepxqle murde nayzlu-mop mz nqvi lrgu, ale. A' nzmu kx trtingrde, pim bange, murde trpnzngr kx takitrde nzxpepxngr drtc' lc, a' nim txpwz, x krali ninge.” X ayzlubzle natqde kx, “Sa naxpepxbo.”
7199	RUT 4:7	X sc tqkapxpele sadol scde tqkapebzle mz Boas. Murde mzli kc tqprtzngr da lc, nqmq kr lr Israel mz nzxpepxngr x nzaprcngr dztu, kxmule sele. Kzdq ncblo nzmu kapxle sadol scde x kabzle mz mrlx kztede, aelwapx-ngrde kx drtwrdr rlilrdr esz'ti mz nike nzaolvzlr.
7202	RUT 4:10	X nayrlzti-kzx Rut kc Moab tqbzsz Malon, nangi olvz rnge. Murde mrlxgr kc kai ncdr Rut kalr nalolvzle drtc' nyz Malon x nqvi lrde bzkq mztr, a' drtqde nadcpxpwz mz mztea nyzgu. Mzbq ka sc tqmc-lxblrpeamu.”
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
7204	RUT 4:12	X krka'-kz-ngrgr kx doa kx nakabz Yawe bam, navzpxmqng mz olvz lc, nakqlu-zlwzng na-apule doa neng melrmqgu Peres, mrlx Judz badr Tama, lr mrkzble.”
7205	RUT 4:13	Zbz Boas sc tqyrlztipele Rut. Nzmwi-lxblrng x okatr Yawe nidr mz nzyrkr Rut. X rmika nede doa ncblo.
7207	RUT 4:15	X rlxtibzkr mz Yawe kx doa ncblo lc na-aelalzmle drtwrm x naokatrle nim mzli ka nzngini-krm blang. Murde lvxbqm, kc tqmrlzti-zlwzle nim mikale nide. X kxmule-esz' narnginem doa ncblo kxnzkqlung, a' nzokatr-krdr nim trmyaszpxleu nzokatrkr Rut lc nim.”
7209	RUT 4:17	Olvz lr Betleem nzrpilr kx, “Naomi nepede kc doa ncblo.” X nzyrlqbzlr drtqde Obed. Obed lc nide kc tqngi trte Jesi kc tqngi trte King Devet.
13944	PSA 1:1	Nzmnc-zpwxngr trvzpxpuu mz nzvz-nqblqngr nqmq kr kxdrka'-ngrng, X nztu-ngrbz mz lrpzki nyz kxnzaleng alwx. X trvzpxpuu mz nzprtr-ngrbz mz kxnzxtrnga-ngrdr Yawe.
13945	PSA 1:2	A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe, X mz nzaoti-zvzkr drtwr natqde ngrlx x nrlckxbq.
13946	PSA 1:3	Leplz lcng nzapulr nounc kcng dzbrdr tzkrlzobzlr lue, X leu rdr trnzbloung. X nzdo-zlwzng mz nzvz-krm nrpr angidr. Da kx nzalelr nradr yc-zvzbz.
13948	PSA 1:5	Delc trnatu-amqngi-ngrdru mzli kc na-ayzlu-ngrbz Gct da mz leplz. X trnaprtrpwzung mz kxnztubqng.
13953	PSA 2:4	A' King Yawe kc tqmncom Heven yrpalelvzle nidr, X xtrnga-ngrde drtwr kcng tzyrlqlr.
13954	PSA 2:5	Ycmne-zngyabz badr, X nzmwxlr-ngrdr natqde kxpq.
13956	PSA 2:7	X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.
13959	PSA 2:10	Delc nimu king x kxnzrmailzng mz nrlc nayrplapxamu, X nalalztq-angidramu, mzli ka tqycbe-ngrbz mzli.
13960	PSA 2:11	Narnrctrpzmu mz nzamrlue-krmu Yawe, X mz nzwztr-krbzmu bade.
13963	PSA 3:2	Yawe, enqmi rngeng nzkqlu-zlwzng, X nztutitr zvz nardr ninge.
13966	PSA 3:5	Delc tqrlxti-ngrbo nzokatr-krm ninge, X ayzluome natqnge mz newz kxtr nyzm.
13969	PSA 3:8	Murde krka'-ngrne kx, “Yawe, Gct rnge, vzm arlapx ninge, X katxpxbz zmatq ngrdrng.”
13970	PSA 3:9	Yawe, nim nou nzarlapxngr, X da kxmrlzting amrlx kabzme mz leplz nemqng.
13972	PSA 4:2	Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.
13973	PSA 4:3	?Nimu leplz, myx mzli kx naesakingr nzatrkati-krmu nzmyalz-krnge? ?X myx mzli kx naesakingr nzmrlzkr bamu da kx ngi brmrda x nzpokiangr?
13974	PSA 4:4	Murde nakrlzamu kx Yawe mcpxle nigr leplz kxnztubqng kx nanginedeng. X mzli kc nakrka'-ngrbo bade, sa na-ayzlumle natqnge.
13976	PSA 4:6	Zbz na-abrtrpzmu drtwrmu bade, X nakabzmu bade blz, mz nzvz-nqblq-krgu natq kc tqkapxmle bagu.
13981	PSA 5:2	Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.
13983	PSA 5:4	Kxetu, mz nourla kang kqlu natqnge sa navzbz bam. X nakrka'-zvzbo bam, mz nzaenzli-krbo natqm kxmrlz.
13984	PSA 5:5	Yawe, trnginipqu Gct kx abrtzlvzle da kxtrka. X trmnc-lxblrwamuu mz kxdrka'-ngrng.
13986	PSA 5:7	Odatiq kxnzpokiang, X obqszo-zvzq kxnzrnibqng x kxnzesabrting.
13987	PSA 5:8	A' mz nzaodu-zvz-krm, delc navztr-ngrne Mangr-nzangiongr nim, X nayrngzobo mz nzamatqngr nim.
13988	PSA 5:9	Yawe, mailz ninge mz nqmq krm kxtubq, murde enqmi rnge nzkqlu-zlwzng. X aelwa-zpwx-ngrm bange me pnz drtwrm.
13989	PSA 5:10	Da angidr trvzpxpuu mz nao enqmi rngeng. Murde mz nabzdr la nzodatingr txpwz. X mz nzycmne-krdr nzmailzlr leplz Mz nzbatr-krbzlr nzbz-krdr esz'-krdr.
13991	PSA 5:12	A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.
13992	PSA 5:13	Yawe, amrlz-zvzq kxnztubqng. X nivz lrm o-ngalelvzle nidr Mz nzapu-krde temz ngr lomrdr kc tqyrputrngr nipna.
13995	PSA 6:3	Kxetu, nayc mz drtwrm ninge murde yangrngapex. X axplr mou nrkrdrtqnge murde yagox-zlwzx.
13996	PSA 6:4	?Rnrcti-lzbqtrpo bam mz zmwxlr, X aenzli-alopex nzokatr-krm ninge?
13998	PSA 6:6	Murde mz nzbzngr trpengr nzrglqlzngr nim. X mz gq nzangiongr nim kc tqyrkrpxpebz.
13999	PSA 6:7	Drtqnge mewepe mz nzkrka'-zvz-krbo bam. X mz nrlckxbq kang kqlu, nqni x pilo pnrnge nzlrpr-ngrdr drle mzke'.
14002	PSA 6:10	Xlrpemle nike rlxtibo, X sa na-ayzlumle natqnge.
14003	PSA 6:11	Krka'-ngrne kx drtq enqmi rngeng namya x narnrcti-lzbq-kzng mz zmwxlr, X naplc-aning mz nzaovxio-krnge nidr.
14006	PSA 7:3	Murde ma tzkivztibzlr nrkrdrtqnge mz nzapu-krdr laion, X nzkilznedr ninge me trpnzngr kx naokatrle ninge.
14009	PSA 7:6	Nzmu kx tqmule lcde, sa tqmrlz nzrlr-krbzme ninge mz mq enqmi rngeng, Mz nzmaneuti-krdr ninge mz nzapu-krdr kuli x nzlolvz-krdr ninge. X natabrtilr ninge x narnzbrtiolr ninge mz drtc', X na-ayrbqtxdr namz rnge elr.
14014	PSA 7:11	Gct kxmyatxlz, nim temz ngr lomrnge kc tqyrputrngr nipna. X arlapxq krkcng nabzdr tqlq.
14015	PSA 7:12	Tubqq mz nzryrlq-krm drtwr. X pipxq kx takitrde nzayrplapxngr kxnzvz-rbrng.
14016	PSA 7:13	Nzmu kx trnztekqtrlru nqmq krdr kxtrka, sa nayrlamzq toki r vea scm, X nalalvzq popz' scm mz nzpnz-krm nidr mz nipna kxngc.
14018	PSA 7:15	Kxdrka'-ngrng nzpetilr rtq da kxtrka. X lvclzm nc nzodatingr. X nrade yrlqbzle ngi nzpokiangr.
14020	PSA 7:17	Drtwr ngr nzkxpungr kcng tzesabrti-ngrdr leplz, sa nangq-moulr nidr. X nzodangr kc tzalelr sa naetq-moungr drtqdr.
14021	PSA 7:18	Nangrx mz nzglqlz-krnge Yawe kc tqmyalz-esz'ngr! X na-awibo bade murde tubq-esz'ngr!
14023	PSA 8:2	Yawe, nim Kxetu rgr. Drtqm myalz-esz'ngr mz nrlc tulvzo. X nzmyalz-krm myaszlzle bongavz.
14024	PSA 8:3	Mz nzvz-nqblq-krde me pnz drtwrm, doa kxnztopwzng nzglqlzlr nim. X natqdr ailvzole nzrpibqtikr enqmi rmqng x awx-nabule nidr.
14026	PSA 8:5	?A' memule tqmatq-ngrgr mz drtwrm? ?X memule tqmrlzti-ngrn nigr leplz txneng?
14027	PSA 8:6	Murde wz-ngrn leplz vzo kxpipz mz lr Heven, X kabzme badr zmrlue x nzamatqngr.
14028	PSA 8:7	Yrlqq nidr mz nzaclve-krdr da kcng tqwz-ngrn, X da amrlx nzyclzbzng mz zmatq ngrdr.
14029	PSA 8:8	Nzaclvelr animol krbzq, X animol kzpeto kz.
14030	PSA 8:9	X nidr kxnzetung r utc x nc, X da amrlx kx nzwrneng prla.
14057	PSA 10:5	lr! Xplrmi-zlwzle nzmncngr kxtrka, a' pxtxpx-ngrde me pnz drtwrm. uti txpwz drtwrde nzyrpalelvz-krde enqmi rdeng.
14058	PSA 10:6	c tqrpipele kx, “Trpnzngr da kxtrka kx naprtzm bange, X trpnzngr nzodatingr ninge kalr.”
14073	PSA 11:3	Trpengr doa x da kx na-abrkitrku drtwrgu, X nigu kxnabzdr lqngi, trpengr da kx na-aleku.”
14074	PSA 11:4	Bzkq kxmu nzycmne-krmamu lc bange, murde Yawe kc tqmncbe mz Mangr-nzangiongr nide, X sc tqwxbube mz tron nyzde Heven mz nzobqplx-krde nabz leplz amrlx.
14075	PSA 11:5	Yawe sc tqobqtr zvz mz nzmnckr kxnztubqng x kxdrka'-ngrng. X pxtxpx-ngrde nzrmcngr kxnzrnibqng.
14076	PSA 11:6	X mz nzayrplapx-krde nidr, sa nartctio-ngrbzle badr muli rplz kxngc na-apule nzdckr tewa. X sa na-abxutile nidr mz nzulr nenq kxpq.
14081	PSA 12:4	Rlxtibo bam nzaesaki-krm natq leplz kxnzpokiang, X odati nidr mz nzglqpx-lzbq-krdr.
14082	PSA 12:5	Murde nzrpilr kx, “Naogr nalctwz txpwz mz nztwz-krgr da kx suti drtwrgr. X trpnzngr kx naetum bagr.”
14083	PSA 12:6	A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”
14085	PSA 12:8	Kxmule-esz' leplz lcng trmya-ngru drtqdr nzglqpx-lzbq-krdr, X nzrglqlz-krdr da kxtrka mz nrlc tulvzo, A' lxngitikr kx sa na-aclve-zpwxq nigr, X sa na-arlapx-zvzbzme nigr mz mq leplz lcng tzdrka'ngr.
14089	PSA 13:3	?Nelznge navzdz-alopem? ?X drtwrnge navz-alope? ?X namnclz-alopebo mz zmatq ngr enqmi rngeng?
14091	PSA 13:5	Bzkq rlr-ngrbzme mz enqmi rngeng nzpi-krdr kx nzaovxiopelr ninge. X bzkq rlr-ngrbzme nzabrtzlvz-krdr nzrnrcti-lzbq-krnge.
14092	PSA 13:6	Murde abrtrpo drtwrnge mz nzaodu-krm kc tqyc tqyc. X sa na-abrtz-zlwz-ngrne nzarlapx-krm ninge. Yawe, sa nangrbo bam murde amrlz-zlwzpeq ninge. Mz da amrlx kx kame bange, Yawe, sa nangrbo bam.
14096	PSA 14:4	Delc tqrpingr Yawe kx, “Leplz lcng tztrkang nznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14099	PSA 14:7	Sutitx zlwz drtwrnge kx Gct rgu kc Saeon na-arlapxle leplz nedeng. Murde mzli kc nayzlu-mou-ngrmle, namnc-zpwxku badr. X nigu lr Jekop drtwrgu sa naelalzm. X nigu lr Israel sa na-abrtz-ngrgu da lc.
14100	PSA 15:1	?Yawe, neke navztrpz Mangr-nzangiongr nim? ?X neke takitrde nzangio-krde mz newz kxtr nyzm?