7135	RUT 1:6	Mz nibr kzdung mzli, Naomi xlrle kx Yawe okatr-moule lr Israel mz nzrka-kr-mopwzle nzkqlukr dakxnzng. Kx xlr Naomi nrpa lc, sc tzoliqpeng badr lvxbqde kcng nzling, nzvz-krdr badr Israel. X sc tzrkalzpemqng.
7137	RUT 1:8	A' mzli lcde, Naomi tekqtr-moule drtwrde, x sc tqrpipebzle mz Opa x Rut kx, “Yzlutx-mouamu mz ma nyzmu badr lxemung. X krka'-ngrne kx Yawe namrlztile nimu da kc tqwaisr-ngrnamu ncblo ngrmung x ninge.
7141	RUT 1:12	Yzlutxpeamu mrnyzmung. Murde nipenge blang mz nzryrlzti-moungr kzdq ncblo. X kxmule-esz' yrlzti-moux dq ncblo kcma mz nrlckxbq x rnginegr doa ncblo,
7142	RUT 1:13	a' rblxbz bamu nzaenzli-krmu nidr, vz vz mzli kx nznginidr ncblo x sc tqyrlzti-ateamu nidr. Da amrlx rblxm bange myaszlzle nzrblx-krbz da bamu. Murde Yawe atrkatile ninge mz zmatq ngrde. Bzkq vz-nqblqmamu ninge, murde da amrlx ma tqrblx-kzpz bamu.”
7144	RUT 1:15	Rpibz Naomi bade kx, “Obqbz, ilem yzlupebz mz kxnginideng x mz gct ngrdrng. Yzluamu rlirmu.”
7146	RUT 1:17	Drlve ke nabz-ngrn, nabz-kzx elr x nayrtzmq-kznge elr. Nzmu kx tqrlaszx nim, Yawe na-ayrplapx-zlwzle ninge. Nzbzngr txpwz kx na-aki-lzbq-ngrgi.”
7150	RUT 1:21	Murde mz nzvz-krgr kc kqlukr, a' mz nzvzmi-mou-krpqng Yawe lc ninge, vz-nrbalqpemc. Delc bzkq rpi-ngrmamu ninge Naomi kxmrlzvxi. Murde Yawe kc Tqaclvele da amrlx aetqpemle drtqnge, mz nzrpi-krde kx vz-rbrx.”
7155	RUT 2:4	Mz nourla lcdepwz, Boas rkalzm Betleem x kaputrpz mz lclr bali nyzde. X sc tqrpipebzle mz kxnzawz nedeng amrlx kx, “Nimu la.” X nzayzlu-ngrbzlr natqde kx, “Nim la.” X rpi-mopwzle kx, “Rlxtibo mz Yawe kx naokatrle nimu.” X nzrpi-kzpzlr kx, “X nim kz!”
7163	RUT 2:12	Rlxtibo mz Yawe, Gct rgr, kx na-ayzlubzle bamu nike aletiqng, mz nzamrlz-zlwz-krde nim. Nide ka tqmnclzpebzme bade mz nzvz-krme lc, x nide me rlakitrq, mz nzapu-krm nei kio kx mnclzbz mz nabx lxede.”
7171	RUT 2:20	Rpibz Naomi bade kx, “Eu, rlxtibo mz Yawe kx na-amrlzle nide. Murde tresakiu nzbatr-krbzle nzrmrlznr-krde leplz kxnzlubeng x kxnzbzpeng. Ncblo la tqngi Boas, ngi kzdq kxnginigu kx takitrde nzxpepx-krde drtc' nyzgu x nzaopx-krde nqvi lr ncblo ngrgu.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7187	RUT 3:13	A' mwi txpwz mrka mz nrlckxbq ka. X sa naycmne-krlzpwzkr bade mz nourla. Nzmu kx tqrpile nayrlztile nim, mrlz. A' nzmu kx tqpx-ngrdele, esalz-ngrbo bam mz drtq Yawe kx tqlu, kx nayrlztipex nim. Mnzpwz mrlc nakrlzbzle mzli kc tqprtz-ngrm paglxnrlc.”
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
7204	RUT 4:12	X krka'-kz-ngrgr kx doa kx nakabz Yawe bam, navzpxmqng mz olvz lc, nakqlu-zlwzng na-apule doa neng melrmqgu Peres, mrlx Judz badr Tama, lr mrkzble.”
7205	RUT 4:13	Zbz Boas sc tqyrlztipele Rut. Nzmwi-lxblrng x okatr Yawe nidr mz nzyrkr Rut. X rmika nede doa ncblo.
7206	RUT 4:14	Nzrpibz olvz kcng tzmncng mrkc mz blrkq mrlx Rut kx, “Naomi, takitrde nzrglqlzngr Yawe, murde rkabz nem doa ncblo mzbq ka. Krka'-ngrgr kx doa lc nakrlzti lr Israel nide.
7207	RUT 4:15	X rlxtibzkr mz Yawe kx doa ncblo lc na-aelalzmle drtwrm x naokatrle nim mzli ka nzngini-krm blang. Murde lvxbqm, kc tqmrlzti-zlwzle nim mikale nide. X kxmule-esz' narnginem doa ncblo kxnzkqlung, a' nzokatr-krdr nim trmyaszpxleu nzokatrkr Rut lc nim.”
13944	PSA 1:1	Nzmnc-zpwxngr trvzpxpuu mz nzvz-nqblqngr nqmq kr kxdrka'-ngrng, X nztu-ngrbz mz lrpzki nyz kxnzaleng alwx. X trvzpxpuu mz nzprtr-ngrbz mz kxnzxtrnga-ngrdr Yawe.
13945	PSA 1:2	A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe, X mz nzaoti-zvzkr drtwr natqde ngrlx x nrlckxbq.
13949	PSA 1:6	Murde lrpzki rdr tutr me nzayrplapxngr. A' Yawe aclvebzle nzti r leplz kxnztubqng.
13950	PSA 2:1	Lr mrkzbleng nzngqngung mz nzngyatikr drtwrdr Yawe. Murde mane nzyrlqtingr drtwr mz nzatrkatingr nide.
13951	PSA 2:2	King rdrng x kxnzrmailz rdrng nzyrlwr-lxblrng Mz nzoliqti-krdr nzota-krdr badr Yawe x Kxnzmcpx nede.
13953	PSA 2:4	A' King Yawe kc tqmncom Heven yrpalelvzle nidr, X xtrnga-ngrde drtwr kcng tzyrlqlr.
13954	PSA 2:5	Ycmne-zngyabz badr, X nzmwxlr-ngrdr natqde kxpq.
13955	PSA 2:6	Murde rpile kx, “Yrlqpex King kc tqmcpxpex Jerusalem Mrkc Saeon, newz kxtr nyznge.”
13956	PSA 2:7	X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.
13958	PSA 2:9	Sa na-aovxioq mrnyzdr mz nzxplr-zlwz-krm, Kc na-apule bz kc tqrniglc botol.’” Natq kx pibz Yawe mz Mevalu nede delcng.
13960	PSA 2:11	Narnrctrpzmu mz nzamrlue-krmu Yawe, X mz nzwztr-krbzmu bade.
13961	PSA 2:12	Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.
13963	PSA 3:2	Yawe, enqmi rngeng nzkqlu-zlwzng, X nztutitr zvz nardr ninge.
13965	PSA 3:4	A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.
13969	PSA 3:8	Murde krka'-ngrne kx, “Yawe, Gct rnge, vzm arlapx ninge, X katxpxbz zmatq ngrdrng.”
13970	PSA 3:9	Yawe, nim nou nzarlapxngr, X da kxmrlzting amrlx kabzme mz leplz nemqng.
13974	PSA 4:4	Murde nakrlzamu kx Yawe mcpxle nigr leplz kxnztubqng kx nanginedeng. X mzli kc nakrka'-ngrbo bade, sa na-ayzlumle natqnge.
13977	PSA 4:7	Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?” Delc tqkrka'-ngrbo kx na-amrlzq nigr.
13981	PSA 5:2	Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.
13984	PSA 5:5	Yawe, trnginipqu Gct kx abrtzlvzle da kxtrka. X trmnc-lxblrwamuu mz kxdrka'-ngrng.
13988	PSA 5:9	Yawe, mailz ninge mz nqmq krm kxtubq, murde enqmi rnge nzkqlu-zlwzng. X aelwa-zpwx-ngrm bange me pnz drtwrm.
13992	PSA 5:13	Yawe, amrlz-zvzq kxnztubqng. X nivz lrm o-ngalelvzle nidr Mz nzapu-krde temz ngr lomrdr kc tqyrputrngr nipna.
13994	PSA 6:2	Yawe, kxmule-esz' drtwrm ngya, A' bzkq pnanatiq x ayrplapxq ninge.
13997	PSA 6:5	Yawe, tekqtr drtwrm x arlapx ninge, Mz nzaodu-krm kc tqyc tqyc.
14001	PSA 6:9	Nimu leplz kxdrka'-ngrng amrlx, dwaszpeamu ninge! Murde Yawe sa tqlalztqpem mz nzyrni-krnge.
14005	PSA 7:2	Yawe, Gct rnge, arlapxbz ninge mz mq ncblo kcng tzayotilr ninge. Murde nim me rlakitrx.
14007	PSA 7:4	?Yawe, Gct rnge, nike ale-rbrx? ?Mqnge alele dq da kxtrtubqu?
14010	PSA 7:7	Yawe, tumilzm zngya x aesaki leplz kcng tzngyati drtwrdr ninge. Okatr ninge murde yrlqpeq mzli r nzpipx-krm nztubqkr leplz amrlx o nzvz-rbr-krdr.
14012	PSA 7:9	Yawe, nim kx rpibz mz leplz kx nztubqng o nzvz-rbrng. Pipxbz mz leplz kx mnctr-zpwxpebo bam murde nabznge opx x tubq.
14021	PSA 7:18	Nangrx mz nzglqlz-krnge Yawe kc tqmyalz-esz'ngr! X na-awibo bade murde tubq-esz'ngr!
14023	PSA 8:2	Yawe, nim Kxetu rgr. Drtqm myalz-esz'ngr mz nrlc tulvzo. X nzmyalz-krm myaszlzle bongavz.
14028	PSA 8:7	Yrlqq nidr mz nzaclve-krdr da kcng tqwz-ngrn, X da amrlx nzyclzbzng mz zmatq ngrdr.
14031	PSA 8:10	Yawe, nim Kxetu rgr, Drtqm myalz-esz'ngr mz nrlc tulvzo.
14033	PSA 9:2	wi Yawe! Naglqpx-atwrnr-ngrne nim. le-zvzq da kcng tzkctipxng, x napipxxng.
14039	PSA 9:8	u, a' Yawe ngini-alom King. lalvzx nzwxbuo-krme mz tron nyzm murde nzayzlu-krbzme da mz leplz tubq.
14043	PSA 9:12	toto x nigu amrlx napipxbzku mz kxnzmnc-mrbrng da kcng tqale Yawe. erusalem ngi mzteadau nyzde mrkc tqmnc-ngrde. Na-angrlvzku nide.
14047	PSA 9:16	alztqmamu! Yawe aelwapx-lzbqngr mz nztubqkr nzayzlu-krbzle da mz leplz. urde lr mrkzbleng nztao-moung mz gq kx nzekqtilr. z br kx nzatu-kapqlr, nzdwatr-moung elr. z trtxki kx nzamwilr, nzprtz mou kxdrka'-ngrng elr.
14051	PSA 9:20	atulzme Yawe, mz nzaryplapx-krm lr mrkzbleng amrlx. a-aelwapx-ngrn kx drtwr kxnzetung amrlx ngi brmrda.
14053	PSA 10:1	pxm kx mncme rlru, Yawe. pxm kz kx mnc-kapqq mzli kc tqkxpu-ngrgr.
14055	PSA 10:3	ipxle kx nzaotikr drtwrde da kxtrka zlwz ngi da kxmrlz mz nzbilvz-zvz-krdele. ivxile Yawe x pxtxpx-ngrde nide, a' amrlzle leplz kx nztrkibrng.
14064	PSA 10:12	ztitxpxbz nzwzkr ncblo kxdrka'ngr, kx Yawe, mz nzayrplapx-krm nide. ai-ngrn da lc murde bzkq mrbrtr mz drtwrm kxnzkxpung.
14071	PSA 11:1	Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.
14074	PSA 11:4	Bzkq kxmu nzycmne-krmamu lc bange, murde Yawe kc tqmncbe mz Mangr-nzangiongr nide, X sc tqwxbube mz tron nyzde Heven mz nzobqplx-krde nabz leplz amrlx.
14075	PSA 11:5	Yawe sc tqobqtr zvz mz nzmnckr kxnztubqng x kxdrka'-ngrng. X pxtxpx-ngrde nzrmcngr kxnzrnibqng.
14079	PSA 12:2	Yawe, okatrp ninge murde trpengr mrlx kxtubq kx mnc mzli ka. Murde mz nrlc tulvzo leplz kxnzmrlzng nzayrkrtxtrpeng.
14083	PSA 12:6	A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”
14084	PSA 12:7	Yawe, abrtrpzkr drtwrgr mz natqm lcng, tqtubq tqlq. Murde nzopx-krdr apule silvz kc tzayrleni-ebirngr mz nyr.
14088	PSA 13:2	?Yawe, myx kxmule, namrbrtitr-alope drtwrm ninge? ?Namnc-rlru-alopeme bange?
14090	PSA 13:4	Yawe, obqm bange x ayzlum natqnge. Ka-mop bange nzxplr-krnge murde ma tqbzx.
14092	PSA 13:6	Murde abrtrpo drtwrnge mz nzaodu-krm kc tqyc tqyc. X sa na-abrtz-zlwz-ngrne nzarlapx-krm ninge. Yawe, sa nangrbo bam murde amrlz-zlwzpeq ninge. Mz da amrlx kx kame bange, Yawe, sa nangrbo bam.
14094	PSA 14:2	Yawe mncom Heven, x sc tqmcomle leplz amrlx, Mz nzmc-krde neke yrplapx mz nzrtangrti-krde nide.
14096	PSA 14:4	Delc tqrpingr Yawe kx, “Leplz lcng tztrkang nznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14098	PSA 14:6	Vz zvz nzrpwa'-krbzlr me pnz drtwr kxnzrlxngiting. A' Yawe mnc-ngalelvzle leplz nedeng.
14100	PSA 15:1	?Yawe, neke navztrpz Mangr-nzangiongr nim? ?X neke takitrde nzangio-krde mz newz kxtr nyzm?
14103	PSA 15:4	Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.
14105	PSA 16:1	Yawe, arlapx ninge, Murde nim kx abrkitrx drtwrnge.
14109	PSA 16:5	Yawe, apume bange drtc' kxmrlz nyznge x tzme bange lrpzki kx nao-zlix. X nzlu-krnge yctrpz bam.
14111	PSA 16:7	Yawe, naglqlz-zvzx nim mz nzmailz-krm ninge. Murde mz nrlckxbq aopxme nabznge mz nzaongr drtwr kxmrlz.
14116	PSA 17:1	Yawe, lalztqm mz nzrlxti-krbo nztubqngr. Xlrm natqnge murde nzkrka'-krbo bam trvzpxpuu mz naonge, a' vzdz-zpwxm mz nabznge.
14128	PSA 17:13	Yawe, otaamu badr enqmi rngeng x aovxiong. Kapxm ninge mz mq kxdrka'ngr lcng mz zmatq ngrm. Arlapx ninge x ayrkrtxtr nidr. Murde nzabrtz-krdr yc txpwz mz nrlc ka. Ayrplapx leplz ngr nrlc mz zvetq kc tqoliqtipeq nakabzme badr, Navz navz nakrlzbzle doa nedrng x doa ne doa nedrng.
14132	PSA 18:2	Yawe, mrlztix nim Murde axplrq ninge.
14135	PSA 18:5	Yawe, mzli ka tqkxpu-ngrne kqlex nim mz nzokatr-krm ninge. Murde ycpe pipz nzbz-krnge. Opxm kx zmatq ngr nzbzngr sa na-aovxiole ninge, Mz nzpe-amqngi-krde ninge. A' krlzx kx sa naxlrme ninge mz Mangr-nzangiongr nim, Mz nzayzlu-krme natqnge.
14138	PSA 18:8	Mzli kc Yawe nakaputr-ngrmle, zmatq ngrde myalz apule nengq. Nrlc ycngrlr-atwrnrngr x wai-kzle nou newzng. Murde Gct ngyati zlwz drtwrde enqmi rngeng.
14144	PSA 18:14	Yawe myatxlz-esz'ngr, ngi-batrpzle nzyrpupxkr bzlrmei. X natqde nzxlr mz nrlc tulvzo.
14146	PSA 18:16	Mzli kc Yawe tqpnanati-ngrde enqmi rngeng, Natqde apzlzmle me boo-ngrng, X atu-lxlr-ngrde nou nrlc.
14147	PSA 18:17	Yawe rtrngztiomle ninge mz nzokatr-krde ninge Apule kx veclzmle ninge me boongr prla.
14149	PSA 18:19	Nzvzmqng mz nzota-krgr badr mzli kc tqprtilz-ngrde ninge nzkxpu-ngrng. A' Yawe sc tqtum mz nibrnge.
14151	PSA 18:21	Yawe rka-zvzm bange da kxmrlzting mz nzvz-nqblq-krde nztubq-krnge. X ayzlu-ngrmle da bange murde nabznge lqngi.
14153	PSA 18:23	Yrlq-angidrx Lou kxtr scdeng, X aoti zvz drtwrnge natqdeng.
14155	PSA 18:25	Yawe ayzlu-ngrmle da bange mz nztubq-krnge, Murde nabznge lqngi mz nzobq-krde.
14156	PSA 18:26	Yawe, yrlq-zvzbz natqm mz krkcng tzyrlqbzlr natqdr bam. X amrlzq krkcng nqmq krdr tqmrlz.
14159	PSA 18:29	Yawe, nim nou nzlu-krnge, mz nzapu-krm kxrtekatr lam pnrnge. X ayrkrpxq da kxtrka amrlx mz nzmnc-krnge, mz nzapu-krm zyzlr x nyr kxpq.
14161	PSA 18:31	Nqmq kr Yawe tubq-esz'ngr, x natqde ngi da angidr zvz. X nginibzle lrpalvc nyzdr krkcng tzrlatrpzng bade.
14162	PSA 18:32	Yawe nide txpwz Gct angidr, X butqbr nyzgu.
14166	PSA 18:36	Yawe, apume bange temz ngr lomrnge kc tqyrputrngr nipna. X zmatq ngrm ngi popz' ngr nibrnge. Vzome murde namyalzx.
14172	PSA 18:42	Nzbztidr nzyrningr kx naokatrng. Nzkqlelr Yawe. A' trpnzngr kx arlapxle nidr.
14177	PSA 18:47	Yawe, nim Gct kx lu. Glqpxx nim murde nim butqbr nyznge. Glqlz-zvz-ngrne nim murde arlapx-zvzq ninge.
14179	PSA 18:49	Mz nzarlapx-krm ninge mz mqdr. Yawe, ngi-batrpe' nzaovxio-krnge enqmi rngeng. X tu-zvzme mz nibrnge mzli kc ncblo nzrpilr naota-ngrgr badr.
14181	PSA 18:51	Yawe, ninge Devet, king nem, x okatr-zvzq ninge mz nzaovxio-krngeng. Aodu-zvzq ninge kc tqmcpxq x leplz ngr nqvi lrnge, tqyc, tqyc.
14188	PSA 19:7	Nepi lc prtzm mz nzngrlr-krde mz bongavz. Ngrlr, krlzbzle nrlarde kc tqtakiole. X zyzlr ngrde yzlro-ngrm mz da amrlx. Da kc tqwai Natq Yawe mz nzyzlro-krmle mz leplz amrlx.
14189	PSA 19:8	Natq Yawe amrnale nzlukr nabz leplz mz nzmrlzvxi-krde. Akrlztrle kxnzngqngung murde trycngrlru.
14191	PSA 19:10	Nzamrluengr Yawe tqyc tqyc murde lq-esz'ngr. Natq Yawe rsakrlrngr murde da angidr zvz.