7137	RUT 1:8	A' mzli lcde, Naomi tekqtr-moule drtwrde, x sc tqrpipebzle mz Opa x Rut kx, “Yzlutx-mouamu mz ma nyzmu badr lxemung. X krka'-ngrne kx Yawe namrlztile nimu da kc tqwaisr-ngrnamu ncblo ngrmung x ninge.
7140	RUT 1:11	A' rpibz Naomi kx, “Bzkq vz-nqblqmamu ninge, kx inyxngeng. ?Murde nike naokatr-ngrne nimu? ?Ninge la narmika-moux doa ncblo kx nangi ncblo ngrmung?
7142	RUT 1:13	a' rblxbz bamu nzaenzli-krmu nidr, vz vz mzli kx nznginidr ncblo x sc tqyrlzti-ateamu nidr. Da amrlx rblxm bange myaszlzle nzrblx-krbz da bamu. Murde Yawe atrkatile ninge mz zmatq ngrde. Bzkq vz-nqblqmamu ninge, murde da amrlx ma tqrblx-kzpz bamu.”
7143	RUT 1:14	Mz nzycmne-krbzle lc, sc tzyrnipe-moung. Zbz Opa tcngitxde lvxbqde x sc tqarlrpele. A' Rut lolvz-amqngile Naomi, x tr-rlaszleu nide.
7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7149	RUT 1:20	A' rpibz Naomi badr kx, “Bzkq rpimamu ninge Naomi, murde drtwr ngr Naomi ‘mrlzvxi.’ A' kqle-ngrmamu ninge Mara, drtwr ngrde ‘rblx.’ Murde Gct kc Tqaclvele da amrlx batrple nzrblxkr da amrlx bange.
7150	RUT 1:21	Murde mz nzvz-krgr kc kqlukr, a' mz nzvzmi-mou-krpqng Yawe lc ninge, vz-nrbalqpemc. Delc bzkq rpi-ngrmamu ninge Naomi kxmrlzvxi. Murde Yawe kc Tqaclvele da amrlx aetqpemle drtqnge, mz nzrpi-krde kx vz-rbrx.”
7158	RUT 2:7	Rpimle bange kx, ‘?Nzmu rlr-ngrme bange nzrmikatine-krbo nra bali mz nibrdr kxnzawzng?’ X sa tqbrngzti-zpwxle nzrmikatingr nra bali abzo-pnzle kcma mz nourla, x sa tqvzbe. A' amapx-ngrmle matelq mzli kx mrbcne.”
7159	RUT 2:8	Zbz sc tqrpibz Boas mz Rut kx, “Lalztqm bange, kx inyxnge. Rpix naokatrpo nim. Bzkq rmikatiq nra bali mz nrlc nyz ncblo kzble x bzkq rlaszq mrka. A' mncamu badr olvi kxnzawz nengeng.
7161	RUT 2:10	Zbz, Rut yrngzobz bade mz drtc' mz nzamrluengr. X sc tqrpipebzle kx, “?Memule tqmrlzti-zlwz-ngrn ninge x tqamrlue-ngrn ninge? Murde ninge olvz lr narnrlc.”
7167	RUT 2:16	A' vecpxbzmu du bali mz rtalvz ngrde kx namikatile x bzkq lclvzbzmu.”
7171	RUT 2:20	Rpibz Naomi bade kx, “Eu, rlxtibo mz Yawe kx na-amrlzle nide. Murde tresakiu nzbatr-krbzle nzrmrlznr-krde leplz kxnzlubeng x kxnzbzpeng. Ncblo la tqngi Boas, ngi kzdq kxnginigu kx takitrde nzxpepx-krde drtc' nyzgu x nzaopx-krde nqvi lr ncblo ngrgu.”
7177	RUT 3:3	Kipotx x aeluti-lzbq tolo kx ngi pzpium. X pxingr lrpzm kxmrlz, x vz mrkc tzrtaklrpxngr nra bali. A' bzkq krlztile nzmnc-krm mrlcde, mzli kc tryrkrpxkangr nzmu-krde x nzrmnq-krde waen.
7183	RUT 3:9	Boas kc tqveapebz kx, “?Nim neke?” Rpibzle kx, “Ninge kxnzawz nem Rut. Kawxpx lrpz la x akq-bubz ninge, nangi rkx kx suti drtwrm nzyrlzti-krm ninge. Murde nim kx kxnginigr kx takitrde nzxpepxngr drtc' nyzgr x nzaopx-krbzle nqvi lr ncblo rnge.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7186	RUT 3:12	Da zpwxtx, ninge kxnginim kx takitrde nzale-krnge da lc. A' kzdq kc ncblo kx ngi kxnginigu kx esotr-zlwzbz bam myaszpxle ninge. X nide kx na-alele da lc, nzmu kx tqaolvzlele.
7187	RUT 3:13	A' mwi txpwz mrka mz nrlckxbq ka. X sa naycmne-krlzpwzkr bade mz nourla. Nzmu kx tqrpile nayrlztile nim, mrlz. A' nzmu kx tqpx-ngrdele, esalz-ngrbo bam mz drtq Yawe kx tqlu, kx nayrlztipex nim. Mnzpwz mrlc nakrlzbzle mzli kc tqprtz-ngrm paglxnrlc.”
7191	RUT 3:17	X rpi-kzpzle kx, “Boas ka-kzple bali lc tqtwzmc, x rpimle bange kx, ‘Bzkq vz-nrbalqbzme mz lxem, a' twzbz bali lc bade.’”
7195	RUT 4:3	Zbz Boas sc tqrpipebzle mz mzlede lc kx, “Naomi kc tqyzlupem Moab, sc tqamwale drtc' nyz mzlegu Elimelek.
7196	RUT 4:4	Vzdzm mz drtwrnge nzpi-krbole bam. Kx tqsuti drtwrm nzxpengr drtc' lc, e xpe mzli ka tzmncngr lrtzlvz ngrgu lcng, badr mrlx lcng. Kx tqsuti drtwrm naxpepxqle murde nayzlu-mop mz nqvi lrgu, ale. A' nzmu kx trtingrde, pim bange, murde trpnzngr kx takitrde nzxpepxngr drtc' lc, a' nim txpwz, x krali ninge.” X ayzlubzle natqde kx, “Sa naxpepxbo.”
7197	RUT 4:5	Rpi-mopwz Boas kx, “Mzli kc naxpepx-ngrbzme drtc' lc mz Naomi, yrlzti kz Rut kc Moab, olvz r mzlegu kc tqbz. Murde mrlxmu ncdr Rut kalr nalolvzle drtc' nyz Malon kc tqbz x nqvi lrde bzkq mztr.”
7198	RUT 4:6	Rpibz mzlede lc kx, “Mz nzmu-krde lcde, trpengr nzxpepx-krnge drtc' lc, murde ma tqamnctxpxle ninge x trpnzngr da kx na-aprcbo mz mrlxngeng. A' xpepxpe, murde trtakitrpepleu ninge.”
7201	RUT 4:9	Boas sc tqycmnepebz mz lrtzlvz x leplz kcng mrkc, mz nzrpi-krbzle kx, “Mzbq ka mcpeamu x xlrpeamu kx sa naxpepxbo mz Naomi drtc' nyz Elimelek kc tqbzszbzle mz mrlxdeng Kilion x Malon, kcng tzbzpe-kzng.
7202	RUT 4:10	X nayrlzti-kzx Rut kc Moab tqbzsz Malon, nangi olvz rnge. Murde mrlxgr kc kai ncdr Rut kalr nalolvzle drtc' nyz Malon x nqvi lrde bzkq mztr, a' drtqde nadcpxpwz mz mztea nyzgu. Mzbq ka sc tqmc-lxblrpeamu.”
7207	RUT 4:15	X rlxtibzkr mz Yawe kx doa ncblo lc na-aelalzmle drtwrm x naokatrle nim mzli ka nzngini-krm blang. Murde lvxbqm, kc tqmrlzti-zlwzle nim mikale nide. X kxmule-esz' narnginem doa ncblo kxnzkqlung, a' nzokatr-krdr nim trmyaszpxleu nzokatrkr Rut lc nim.”
13945	PSA 1:2	A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe, X mz nzaoti-zvzkr drtwr natqde ngrlx x nrlckxbq.
13947	PSA 1:4	A' kxdrka'-ngrng trnzwailru. Nzapulr leu kxglr kcng tztakitrpwzlr nzngcngr.
13949	PSA 1:6	Murde lrpzki rdr tutr me nzayrplapxngr. A' Yawe aclvebzle nzti r leplz kxnztubqng.
13953	PSA 2:4	A' King Yawe kc tqmncom Heven yrpalelvzle nidr, X xtrnga-ngrde drtwr kcng tzyrlqlr.
13961	PSA 2:12	Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.
13965	PSA 3:4	A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.
13968	PSA 3:7	Kxmule-esz' nztu-ngalelvzlr ninge siu ngr enqmi, A' trtxpnzngr nzmwxlr-krnge.
13975	PSA 4:5	Bzkq nabztq ngr nelzmu mailzle nimu mz alwx. A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq.
13987	PSA 5:8	A' mz nzaodu-zvz-krm, delc navztr-ngrne Mangr-nzangiongr nim, X nayrngzobo mz nzamatqngr nim.
13991	PSA 5:12	A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.
13994	PSA 6:2	Yawe, kxmule-esz' drtwrm ngya, A' bzkq pnanatiq x ayrplapxq ninge.
14000	PSA 6:8	Mzke' vaotxtrpebz x tropxpeu, Murde nzyrni-krnge lc nzngi-batrplr enqmi rngeng.
14016	PSA 7:13	Nzmu kx trnztekqtrlru nqmq krdr kxtrka, sa nayrlamzq toki r vea scm, X nalalvzq popz' scm mz nzpnz-krm nidr mz nipna kxngc.
14039	PSA 9:8	u, a' Yawe ngini-alom King. lalvzx nzwxbuo-krme mz tron nyzm murde nzayzlu-krbzme da mz leplz tubq.
14055	PSA 10:3	ipxle kx nzaotikr drtwrde da kxtrka zlwz ngi da kxmrlz mz nzbilvz-zvz-krdele. ivxile Yawe x pxtxpx-ngrde nide, a' amrlzle leplz kx nztrkibrng.
14057	PSA 10:5	lr! Xplrmi-zlwzle nzmncngr kxtrka, a' pxtxpx-ngrde me pnz drtwrm. uti txpwz drtwrde nzyrpalelvz-krde enqmi rdeng.
14063	PSA 10:11	z-rbr kxdrka'ngr mz nzrpi-krde kx, “Gct trobqpepuu bange. zx a' trkrlzleu da kcng trka tqalex.”
14068	PSA 10:16	awe, nim King. c zvz nzaclve-krm nrlc. rlqtxpx mz drtc' nyzm krkcng trnzangiolru nim.
14071	PSA 11:1	Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.
14077	PSA 11:7	A' krkcng nabzdr tqlqngi sa namncng badr, Murde Gct tubq-esz'ngr x mrlz bade da kxtubq.
14083	PSA 12:6	A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”
14085	PSA 12:8	Kxmule-esz' leplz lcng trmya-ngru drtqdr nzglqpx-lzbq-krdr, X nzrglqlz-krdr da kxtrka mz nrlc tulvzo, A' lxngitikr kx sa na-aclve-zpwxq nigr, X sa na-arlapx-zvzbzme nigr mz mq leplz lcng tzdrka'ngr.
14095	PSA 14:3	A' nzesablqtilr Gct amrlx ngrdr x drtwrdr esz'ti mz nzale-krdr da kxtrka. Trpnzngr nidr kxesz' kxtubq.
14097	PSA 14:5	A' narngidrtio-lzbqng x namwxlrlvzti-lzbqng, Murde Gct tedr badr kxnztubqng.
14098	PSA 14:6	Vz zvz nzrpwa'-krbzlr me pnz drtwr kxnzrlxngiting. A' Yawe mnc-ngalelvzle leplz nedeng.
14102	PSA 15:3	A' bzkq rpibqti leplz. Bzkq atrkatile kztede. X bzkq pikitile kxnzesotrpzng bade.
14103	PSA 15:4	Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.
14108	PSA 16:4	Nzkxpukr krkcng tzangiolr kxtrngiu Gct angidr sa nartxlvzlz zvz. A' trna-angiowxu gct rdr kxnzmncng mzlilxlr, X trnakrka'pou badr. X trtxpnzngr nzpulio-krnge mepyr ngr blz mz olta nyzdr.
14109	PSA 16:5	Yawe, apume bange drtc' kxmrlz nyznge x tzme bange lrpzki kx nao-zlix. X nzlu-krnge yctrpz bam.
14115	PSA 16:11	A' aelwa-zvz-ngrm bange drtwr ngr nzmnc-zpwxngr: Nzabrtz-zlwzngr kxmyalz vzpxm mz nzxngi-ngrbz nim. X da kxmrlzting nzvzpx-zvzmqng mz mqm.
14116	PSA 17:1	Yawe, lalztqm mz nzrlxti-krbo nztubqngr. Xlrm natqnge murde nzkrka'-krbo bam trvzpxpuu mz naonge, a' vzdz-zpwxm mz nabznge.
14118	PSA 17:3	X krlz-zvzq nzao-krnge drtwrnge X obqplxq nabznge mz nrlckxbq. A' trpnzngr da kx vz-rbr kx rmctiq. X pnzpe drtwrnge kx naonge trna-akawi-ngrwxu alwx.
14125	PSA 17:10	Trpnzngr nzrycngr mz drtwr kx ycbz badr. A' nzglqpx-lzbq-zvzng.
14130	PSA 17:15	A' krlzx kx sa namcx mzpq mz nzvz-nqblq-krde nztubq-krnge. X mzli kc natulz-ngr-mopwc', sa na-abrtz-ngrne nzmnc-krbo bam.
14135	PSA 18:5	Yawe, mzli ka tqkxpu-ngrne kqlex nim mz nzokatr-krm ninge. Murde ycpe pipz nzbz-krnge. Opxm kx zmatq ngr nzbzngr sa na-aovxiole ninge, Mz nzpe-amqngi-krde ninge. A' krlzx kx sa naxlrme ninge mz Mangr-nzangiongr nim, Mz nzayzlu-krme natqnge.
14148	PSA 18:18	Kxmule-esz' yangrngatrpo mz nzxplrkr enqmi rngeng, A' sc tqvz zvz nzarlapx-krde ninge.
14149	PSA 18:19	Nzvzmqng mz nzota-krgr badr mzli kc tqprtilz-ngrde ninge nzkxpu-ngrng. A' Yawe sc tqtum mz nibrnge.
14154	PSA 18:24	Trvz-rbrwxu mz nzmnc-krnge, A' yrlqpx-lzbqnge mz nzalengr alwx.
14157	PSA 18:27	Tubqbzme mz krkcng nabzdr tqtubq. A' lolvzq mz br scm krkcng tzesabrng.
14166	PSA 18:36	Yawe, apume bange temz ngr lomrnge kc tqyrputrngr nipna. X zmatq ngrm ngi popz' ngr nibrnge. Vzome murde namyalzx.
14172	PSA 18:42	Nzbztidr nzyrningr kx naokatrng. Nzkqlelr Yawe. A' trpnzngr kx arlapxle nidr.
14174	PSA 18:44	Arlapxbzme ninge mz mq leplz kx nzmwati drtwrdr ninge. X yrlqq ninge mz nzaclve-krnge drtc' nyzdrng, Murde lr mrkzbleng namnclzmqng mz zmatq rnge.
14186	PSA 19:5	A' nrpa scdr vzpx, krlzbzle leplz amrlx mz nrlc tulvzo. Gct yrlqbzle nrlckxbq nangi ma nyz nepi kx mwipx-ngrmle.
14204	PSA 20:8	Kzdung leplz nzabrtrpzlr drtwrdr mz ami nedrng, X kzdung mz dalr nzotangr. Da lcdeng trnaokatrlru nidr x nztaong mz vea. A' Yawe Gct rgr, tu-amqngi-zvzkr, murde abrtxtrpwzkr drtwrgr bam.
14223	PSA 22:3	Yrniti-zvzbo bam ngrlx x nrlckxbq, A' trmnc-zpwxwxu murde trayzlumeu natqnge.
14227	PSA 22:7	A' nzapusrngr ninge brmrda. Nzngangr-ngrdr ninge mz nzobqszo-krdr ninge.
14229	PSA 22:9	Nzrpimlr kx, “Abrtrpzme drtwrm mz Yawe, a' namckr ena nzarlapxkr Gct nim mzli ka. Murde trokatrleu nim, kxmule-esz' rpiq kx mrlzti-zlwzle nim.”
14235	PSA 22:15	Nzxplr-krnge yrkrpxpe apule lue kc tzpulio mz drtc' kx mingr. Mrkcng tzaxvctrngr nrvr rngeng nzbxplctipeng, x nqmq nr nabznge baonepe.
14240	PSA 22:20	Yawe, bzkq mncme rlru. A' vz-anim mz nzokatr-krm ninge.
14245	PSA 22:25	Kxmule-esz' nigu kxnzobqszong, a' Gct trobqszoleu nzkxpu-krgung, Murde trpxtxpx-ngrdeu nzayzlu-krmle natqgung.”
14256	PSA 23:4	Nctoko scm tzmle nzti bange. X bz scm abrmle drtwrnge mz da kx prtz. Kxmule-esz' vztrx mz nzlo, a' trtxpnzngr da kx namwxlrtix. Murde nim Yawe, kc tqmncme bange.
14260	PSA 24:2	Murde nide Kxrpalz kc tqwz-ngrde nrlc, X yrlqbzle prla x drtc' mz zmatq ngrde.
14271	PSA 25:3	lvebz doa kc tqabrtr-zvzbzle drtwrde bam, murde drtqde ma tzamyatibz. lveti-lzbq zvz doa lc, a' mrlx kx ani txpwz nzota-krmu ncdr, mrlz nzmyakr drtqde.
14281	PSA 25:13	lvz x ncblo lcng sa namnc-zpwxng. liqtibz drtc' kc tqpibzme, murde doa nedrng namnc-kzng elr.
14305	PSA 27:3	Kxmule-esz' ami kxetu navzm mz nzoti-krmlr ninge, a' trpnzngr nzmwxlr-krnge. X kxmule-esz' otakr badr, a' drtwrnge sc tqabrtr-zvzbo bam.
14308	PSA 27:6	Sa nabatrpe' nzaovxio-krnge enqmi lcng tztu-ngalelvzlr ninge. X sa namalq-zlwzx nzka-krbo bam blz mz Mangr-nzangiongr nim. X nangr-ngrbo bam nabz ngr nzawingr.
14312	PSA 27:10	Kxmule-esz' trtenge x lxenge nzaxtxtxdr ninge, A' nim la tqaclve-angidrq ninge.
14316	PSA 27:14	Mzlengeng, na-abrtr-ngrbzku drtwrgu mz Yawe. X naxplrku mz nzlxngiti-krgule. Bzkq matitr drtwrgu nide, A' drtwrgu na-abrtr-zvzbzku bade.
14319	PSA 28:3	Bzkq apusr-ngrn ninge kxdrka'-ngrng kcng tzrtrngz-zvzbzng da kxtrka. X nzrpilr kx nidr ncblo ngr nivz, a' trtingr.
14342	PSA 30:6	Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.
14344	PSA 30:8	Murde xngibo nzamrlz-krm ninge, mz nzapu-krm rtabu kx xplr kx tu-ngalelvzle ninge. A' mzli kc tqprtz-ngrm da kxtrka bange, opxm kx esablqtime ninge, sc tqmwxlr-zlwzpex.
14349	PSA 30:13	X rblxm bange nzmnc-lrpi-krnge. A' navz zvz nzangrlvz-krnge nim. Awi kxetu, Yawe!
14351	PSA 31:2	Yawe, nim me rlakitrx. Bzkq rlrpx-ngrn nzaovxiokr enqmi rngeng ninge. A' arlapx ninge, murde ale-zvzq da kxtubq.
14356	PSA 31:7	Kxetu, abrtxtrpo drtwrnge bam, A' pxtxpx-ngrne krkcng tzangiolr mqngr da txneng kx nzlz.
14358	PSA 31:9	X tr-rlr-ngrpwzmeu ninge mz mq enqmi rngeng, A' amnc-nrwx-ngrbzme nabznge mz nzvzne-krnge.
14359	PSA 31:10	Yawe, nayc mz drtwrm ninge murde nabznge talvzo. Mzke' vaotxpe-ngrde nzyrni-zlwz-krnge x nrkrdrtqnge mewetxpengr.
14364	PSA 31:15	A' Yawe, nim Gct rnge, X abrtrpo drtwrnge bam.
14367	PSA 31:18	Yawe, bzkq rlrpx-ngrn nzkqle-krnge nim nzamyati-ngrm drtqnge. A' amyatibz drtq kxdrka'-ngrng murde napwrkilvc-ngrdr nzbz-krdr.
14372	PSA 31:23	Mwxlrx murde opxm kx maszlrpx-ngrn ninge. A' xlrme nzkqle-krnge nim kx naokatrq ninge.
14373	PSA 31:24	Nigu leplz neng Yawe naka-lzbqbzku bade. Murde aclvele kxnzvz-nqblq-zpwxlr nide, a' ayrplatipxle kxnzglqpx-lzbqng.
14374	PSA 31:25	Bzkq nabzgu tzprlzm, a' natu-amqngiku Mz nzbrtikr drtwrgu nide.
14376	PSA 32:2	Murde mz nzobqkr Yawe trvz-rbrpeu. A' plzpxle alwx rdeng murde ma tqyc-kapq da kxtrka mz nabzde.
14383	PSA 32:9	A' bzkq apuq hcsi kx narde mqngi, Kx vz-nqblqle me pnz drtwr ncblo mz nqvi kcng tzpetrpz bade.”
14384	PSA 32:10	Kxdrka'-ngrng sa na-ayrplapxng mz alwx ngrdrng. A' nigu kcng tqbrti drtwrgu Yawe sa namcku kx aodu-zvzle nigu.
14396	PSA 33:11	A' drtwr kx yrlqleng ngidati zvz, X nqmq nr nabzde tqvzpe tqvzpe.