7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7146	RUT 1:17	Drlve ke nabz-ngrn, nabz-kzx elr x nayrtzmq-kznge elr. Nzmu kx tqrlaszx nim, Yawe na-ayrplapx-zlwzle ninge. Nzbzngr txpwz kx na-aki-lzbq-ngrgi.”
7174	RUT 2:23	Mz zbq kang kqlu, Rut sc tqmnctr-zvzbz badr olvi kxnzawz ne Boas, mz nzrmikati-krde, vz vz mzli kx yrkrpxngr nzrkqngr bali x wit. X nzmncpwzng mz lvxbqde Naomi.
7178	RUT 3:4	Aokztipwz mrkc navzkile mz nzmwi-krde. X mzli kc tqmwipe-ngrde, vz-kzpz x kalvxlzbz lrpz kc tqkq-ngrde, x ayrbq-lxlr-ngrbz nanycde x sc tqmnztrpebzme mz nanycde. X mzli kc nabaongr nanycde, sa nadwalzm x napibzle da kx na-aleq.”
7181	RUT 3:7	Mz nibr nzmukr Boas x nzrmnq-krde, drtqde otxpx. Sc tqvzkiopebzle mz nrlarde kc tzayrlwrngr nra bali, tqmnzope mz nzmwipengr. Mzli trboiu Rut kc tqprngeipebz mrkc tqmwingr Boas. Kalvxlzbzle lrpz mrkc tqobqkio nanycde x sc tqmnzlzpebz elr.
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7187	RUT 3:13	A' mwi txpwz mrka mz nrlckxbq ka. X sa naycmne-krlzpwzkr bade mz nourla. Nzmu kx tqrpile nayrlztile nim, mrlz. A' nzmu kx tqpx-ngrdele, esalz-ngrbo bam mz drtq Yawe kx tqlu, kx nayrlztipex nim. Mnzpwz mrlc nakrlzbzle mzli kc tqprtz-ngrm paglxnrlc.”
7193	RUT 4:1	Mz nourla lcde, Boas vz mz naobz ngr taon lc x sc tqwxbupe elr, murde krlc me nzatubqtingr lrtzlvz ngrdr da. X kxnginide kc tqesotr-zlwzbz, krkc tqpibzle mz Rut, sc tqmcpele nzvz-krde. X sc tqkqlepxpele nzrpi-krbzle kx, “Vz-kaip mrka, kx mzlenge, x wxbu kai mrlc.” Ncblo kc vzbz, sc tqwxbupe.
13959	PSA 2:10	Delc nimu king x kxnzrmailzng mz nrlc nayrplapxamu, X nalalztq-angidramu, mzli ka tqycbe-ngrbz mzli.
13963	PSA 3:2	Yawe, enqmi rngeng nzkqlu-zlwzng, X nztutitr zvz nardr ninge.
13972	PSA 4:2	Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.
13979	PSA 4:9	Mzli kc tqyrbq-ngrne, mwi-angidrx mz nrlckxbq, Murde nim kx aclve-zpwxle ninge.
14028	PSA 8:7	Yrlqq nidr mz nzaclve-krdr da kcng tqwz-ngrn, X da amrlx nzyclzbzng mz zmatq ngrdr.
14047	PSA 9:16	alztqmamu! Yawe aelwapx-lzbqngr mz nztubqkr nzayzlu-krbzle da mz leplz. urde lr mrkzbleng nztao-moung mz gq kx nzekqtilr. z br kx nzatu-kapqlr, nzdwatr-moung elr. z trtxki kx nzamwilr, nzprtz mou kxdrka'-ngrng elr.
14097	PSA 14:5	A' narngidrtio-lzbqng x namwxlrlvzti-lzbqng, Murde Gct tedr badr kxnztubqng.
14103	PSA 15:4	Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.
14117	PSA 17:2	Mzli kc napipx-ngrn neke vz-rbr, mnc mz nrlarde nyznge, Murde nim kx rkrlz nike tubq.
14138	PSA 18:8	Mzli kc Yawe nakaputr-ngrmle, zmatq ngrde myalz apule nengq. Nrlc ycngrlr-atwrnrngr x wai-kzle nou newzng. Murde Gct ngyati zlwz drtwrde enqmi rngeng.
14146	PSA 18:16	Mzli kc Yawe tqpnanati-ngrde enqmi rngeng, Natqde apzlzmle me boo-ngrng, X atu-lxlr-ngrde nou nrlc.
14154	PSA 18:24	Trvz-rbrwxu mz nzmnc-krnge, A' yrlqpx-lzbqnge mz nzalengr alwx.
14155	PSA 18:25	Yawe ayzlu-ngrmle da bange mz nztubq-krnge, Murde nabznge lqngi mz nzobq-krde.
14159	PSA 18:29	Yawe, nim nou nzlu-krnge, mz nzapu-krm kxrtekatr lam pnrnge. X ayrkrpxq da kxtrka amrlx mz nzmnc-krnge, mz nzapu-krm zyzlr x nyr kxpq.
14199	PSA 20:3	Mz nzmnc-krm Newz Saeon mz Mangr-nzangiongr, Aclve x axplr nide.
14245	PSA 22:25	Kxmule-esz' nigu kxnzobqszong, a' Gct trobqszoleu nzkxpu-krgung, Murde trpxtxpx-ngrdeu nzayzlu-krmle natqgung.”
14296	PSA 26:6	Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm, X naprtrpo mz leplz nemqng mz nzvz-ngale-krgr olta nyzm.
14299	PSA 26:9	Mz nzmilxtxo-krm leplz kcng tztakitrdr nzayrplapxngr, Bzkq apusr-ngrn ninge kxnzaleng alwx, x kxnzrnibqng, X kxdrka'-ngrng kcng tzrtwz-zvzng dalr nzamcti-rbrngr,
14324	PSA 28:8	Yawe, nim lrpalvc nyzgr kx rlakitrkr. X nim nzxplr-krnge, ninge king kc tqmcpxbzme.
14340	PSA 30:4	Mzli kc tqycpe pipz nzbz-krnge, Arlapxq ninge x nrkrdrtqnge trnavzopeu mz gq.
14346	PSA 30:10	Rpibo bam kx, “Bzkq rlrpx-ngrn nzvzo-krnge mz gq, Murde trpnzngr da kx mrlz kx naprpxm mz nzbz-krnge. X rblxpe nzyapwxtipx-krbo mz leplz mz nzangidati-krm, Nzmu namibilzpemc mz drtc'.
14368	PSA 31:19	X na-aesakile natq kxnzpokiang x kxnzglqpx-lzbqng, Kcng tzxtrnga-ngrdr kxnztubqng.
14379	PSA 32:5	Pnzpe drtwrnge kx naplzpxbo alwx rngeng bam. X mz nzplzpx-krboleng, trpnzngr kx yrlq-kapqbo bam. Delc tqipqpe-ngrn ninge, X katxpx-ngrbzme nzmrlepukr alwx rngeng amrlx.
14382	PSA 32:8	Rpim Yawe kx, “Sa na-aelwa-ngrbo bam lrpzki kc nao-zliq, Mz nzmailz-krnge nim.
14394	PSA 33:9	Murde wz-ngrde nrlc mz nzycmne-krde, X mz nzrkapx-krde natq dekc tqycngr.
14414	PSA 34:7	ct, mzli kc nzmnc-krnge tqtrka-ngrde, arlapxq ninge, Mz nzatutr-krm nzkrka'-krnge.
14415	PSA 34:8	li! Enjrl ne Yawe arlapxle leplz mzli kc drtqdr tqetq-ngrde, Murde aclvele krkcng tzmyatitrlr Yawe.
14424	PSA 34:17	a napnanatile krkcng tzale-zvzng da kxtrka. Trobqpwzu badr x mzli kc nabz-ngrdr, ani txpwz nzmrbrtrkr mz drtwr nidr.
14443	PSA 35:13	Mz nzyagox-krdr, vzti drtwrngeng. X axtx-zvzx dakxnzng, X biox narnge mz nzkrka'-krnge nidr, Da kc tqwaisr-ngrne mzlengeng x kztengeng. Murde yc-zlwzngr drtwrnge nidr, Apule kx vzngr drtwrnge x yrnitix lxenge mzli kc tqbz-ngrde.
14449	PSA 35:19	Leplz lcng nzpxtxpx-krdr ninge trpnzngr noude. Bzkq rlr-ngrbzme badr nzabrtzlvz-krdr nzkxpu-krngeng, X nzyrpalelvz-krdr nzvzkr drtwrnge.
14457	PSA 35:27	A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim, Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”
14468	PSA 36:10	X nim narlue r nzlu-krgr, Kc tqapu-zvzmle bagr nzyrlelz-krm aulz.
14471	PSA 36:13	Murde brti drtwrnge nzaovxio-krm kxdrka'-ngrng. X mz nztao-krdr, trpengr nztulz-mou-krmlr.
14476	PSA 37:5	lveti-lzbq, x aenzli-lrpi mz nzabrtr-krbzme drtwrm mz Yawe. Bzkq nabzm talvzo mz nzrmc-krm leplz kxnzrngiscng nzvz-nqblq-krdr nqmq krdr kxtrka. a kx na-aleq, mnc-xgle txpwz Yawe, X abrtrpz drtwrm bade, murde sa naokatrle nim. elc sa na-aelwapx-ngrbzle nzopxkr nztubq-krm, Mz nzapu-krde nilz r nepi kc tqvz-esz'ngr mzli kc bea.
14494	PSA 37:23	blamzngeng, bztipex nzmncngr, x ninge ka tqnginipenge lrtzlvz. X mcx kx nqmq kr ncblo kxtubq nide sele. katr-zvzle leplz mz nzrlr-nrbalq-krde dztudeng, x doa nedeng ngi da kxmrlz kx kabz Gct bade. Yawe okatr-zvzle nide x doa nedeng trnzyrnitrpwzung nadr dakxnzng. q mz drtwr Yawe nzaelwa-krbzle mz leplz lrpzki kx nao-zlilr, X mailz-zvzle krkcng tzabrtz-ngrdr nqmq krde. ipxle kx kxmule-esz' nanycdr miglqpx, a' trnztaoung, Murde sc tqlolvz-amqngileng.
14522	PSA 38:11	Mzli ka drtqnge mewepe x nzycmini-krnge vz-ebirpengr, X mzke' obqkipele mrkzble.
14536	PSA 39:2	Yawe, pnzpe drtwrnge kx namnc-lrpitxpwo, a' bzkq alex alwx mz nzlctr-krbz drtwrnge bam mz nzkxpu-krngeng. Murde kxdrka'-ngrng lcng tzmnc-aepztrpqng bange, ma tzxtrnga-ngrdr nzlqngi-krm.
14538	PSA 39:4	X mz nzaotikr drtwrnge nzkxpu-krngeng, nztalvzokr nabznge mrilvzole ninge. X mzli kc tqrblxm bange nzmnc-lrpi-krnge, sc tqrpipebo bam kx,
14552	PSA 40:4	Alvztrpe' bange kc nabz kxmrna mz nzrglqlzngr nim. X mzli kc naxlrngr leplz nzngr-krngele, sa na-angiolr nim x na-abrtrpzlr drtwrdr bam.
14565	PSA 40:17	A' amrlz krkcng tzbrti drtwrdr nim Mz rka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”
14572	PSA 41:6	Enqmi rngeng nzpibqtilr ninge, Nzrpilr kx, “?Myx mzli kx nabz-ngrde, murde namrbrtxtr mz drtwr nide?”
14573	PSA 41:7	Kzdung leplz lcng tzoklatimlr ninge, nzpokiatilr kx nzyc mz drtwrdr ninge. A' nzrpilr nakrlzlr kxmu nzkxpu-krnge, murde nayapwxtinedr mz mztea amrlx.
14595	PSA 43:3	Atwzlr-ngrm bange zyzlr ngrm x nzalvztrngr angidrng, Mz nzmailz-mou-krdr ninge Saeon, mz newz kxtr nyzm. Murde nakrlzlzbo Mangr-nzangiongr kc tqmnc-ngrn,
14601	PSA 44:4	Melrmqgr lcng trnzaovxiolru enqmi rdrng mz toki r vea scdr x mz zmatq ngrdr esz'-krdr. A' leplz nemqng nzaovxiong mz zmatq ngrm, mz nzxplr-krm, x mz nzmnc-krbzme badr mz nzaodu-krm nidr.
14602	PSA 44:5	Gct, nim King rnge. Nim kx rngi-batrp nzaovxio-krgr, nigr neidu lr Jekop.
14621	PSA 44:24	Kxetu rgr, bzkq esablqme. ?Memule tro-lxlvr-ngrpwe'u bagr? Vz-anim, x bzkq pxtxpx-ngrn nigr.
14660	PSA 47:6	Mzli kc Yawe tqwxbuo-ngrmle mz tron nyzde Mangr-nzangiongr, Sc tqrvxupeku trpu x tqmalq-katopeku mz nzabrtzlvz-krgu nide.
14694	PSA 49:15	Apule kx nzbzngr nide kxetu rdr kc tqmailzle nidr mz gq lrdr, Mz nzapu-krdr sip. X kxnztubqng sa navzneng wq mrkc tzyrtzmqngr namz ngrdr. X mz nzmibi-krdr, nzyc-rlrubzng mz ma nyzdr.
14698	PSA 49:19	Kxmule-esz' bcnyrng nzabrtz-zvzng mzli kc tzlube-ngrdr, X nzamatq leplz nidr murde sc tzakqlunepx-zvzlr dztudrng,
14701	PSA 50:1	Yawe, nide Gct kc tqxplr esz'ngr. X zluli rde pnamilxtile mzteadau Jerusalem kc tqlqngi. A' nrlc ycngrlrlzm mz nzvz-krmle, Murde nyr wounepx kai mz nzangc-krde da amrlx, X nounenq o-ngalelvzle nide. X kqlele lr Heven mz nzayrlwr-lxblr-krdr leplz amrlx mz nrlc.
14715	PSA 50:15	X mrlz nzkrka'-krmamu bange mzli kc tqkxpu-ngrnamu, Murde naglqlzamu ninge kalr mz nzarlapx-krnge nimu.”
14729	PSA 51:6	X myapxbz nim kc tqxpqbrlr-ngrne Mz nzrnzlvzo-krnge Loukxtr scm. Delc, tubqq mz nzrpi-krme bange kx vz-rbrx, X mz nzyrlq-krm nzayrplapxngr ninge.
14733	PSA 51:10	Ipq ninge murde na-abrtzx, X drtwrnge kc tqavzbzme naelalz-mop.
14748	PSA 52:4	A' ryrlq-zvzq drtwr kx na-atrkati-ngrn leplz. X mzli kc tqycmne-ngrn, natqm apule toki kx malc, mz nzpibqti-krm nidr.
14754	PSA 52:10	A' ninge sa na-apux nc olivi kc dzbrde tqtu-amqngi mz nzmncpx-krmc Mangr-nzangiongr, Murde vz zvz nzbrtikr drtwrnge nzaodu-alokr Gct.
14776	PSA 55:5	Nelznge vzdz-zlwzm, Murde ycpe pipz nzbz-krnge.
14784	PSA 55:13	Kztenge, mzli kc ryapwx-angidrki mz nzodu-krgi, X vztr-lxblrki mz Mangr-nzangiongr Gct. A' mzli ka trngiu enqmi rnge kc tqxtrnga-ngrde ninge, A' krlc nim, kc tqmuki me esz' x line-zvzki. X trngiu kxpxtxpx-ngrde ninge kc tqyrpalelvzle ninge, A' krlc nim, mrlxkztenge. Mz nzatrkatikr enqmi rnge ninge Nabznge trtalvzou x krlzx nzmnc-kapqngr, A' nzamwa-krm lc ninge, kx mzlenge, Delc tqvztx-zlwzngr drtwrnge.
14799	PSA 56:4	A' mzli kznike mwxlr-ngrne, Abrtrpo drtwrnge bam.
14803	PSA 56:8	Bzkq rlr-ngrbzme nzdwa-krdr, A' ayrplapxng mz zngya ngr drtwrm.
14806	PSA 56:11	Trmwxlrtiwxu zmatq ngrdr murde abrtrpo drtwrnge mz natqm, Yawe, nim Gct kc tqglqlz-zvzx, x brti drtwrnge natqm amrlx.
14827	PSA 58:6	X apu-kzamu kxnradrtqdr ngq murde pxtxpx-zvz-ngrnamu nzxlr-krmu nzyrni-krdr, X nzayzlu-krbzmu natqdr.
14831	PSA 58:10	Gct, mzli kc tzlube-ngrdr, apusrngr nidr nabr kc tzikzti, Mz nzodati-krm nidr mz zngya ngr drtwrm.
14843	PSA 59:10	Gct rnge, abrtr-zvzbo drtwrnge mz nzxplr-krm, Murde nim lrpalvc nyznge.
14858	PSA 60:7	Mz zmatq ngrm, arlapx nigr kcng tqaodu-zvzq, X ayzlu-ngrm natqgr.
14859	PSA 60:8	Gct, natqmqng nzvzpxmqng mz Mangr-nzangiongr, mz nzrpi-krdr kx, “Mzli kc na-aovxio-ngrne, sa na-akipxbo mz leplz nengeng Drtc' kcng mz nrlar LueJodzn rlilr.
14867	PSA 61:2	Gct, xlrm nzyrni-krnge, X lalztqm mz nzkrka'-krnge.
14933	PSA 66:9	Murde nide kc tqaclve-zvzbzle nzlu-krgr, X tr-rlrpx-ngrdeu nzaovxiokr enqmi nigr.
14937	PSA 66:13	X ayzlu-kzpe' natqnge mz mzlir nzkxpu-krngeng, X delc naka-ngrbo bam da kcng tqpibo. Rtwzmc animol kxncblongr kx oliqtix mz olta nyzm, Mz nzangc-krbzlr bam mz Mangr-nzangiongr. Murde zsikapu ngrdr navzdzbz, Nangi dalr nzawi-krbo bam.
14961	PSA 68:9	Nide Gct r lr Israel kc tqaelwapxle zmatq ngrde mz Newz Saenae. Murde mz nzvz-krmle, nengq x tewa kxnzetung nzvz-kzpqng.
14969	PSA 68:17	A' bzkq obqszoq newz kc tqmcpx Yawe kx namnc-ngrde, Murde sa namnc alo elr.”
14980	PSA 68:28	Neidu lcng tzvz-kzpqng, Benjamin, Judz, Sebyulon, x Naftzli. Neidu ne Benjamin krkc tqtopwz rtwayzbz badr, X mz nibrdr kxnzetung r Judz x leplz nedrng. X rmnr-ngrbz neidu kx nzmncomqng mz nort, kxnzetu r Sebyulon x Naftzli.
14991	PSA 69:3	X apu-kzx kx twznede ninge drlr ngr nrc. X mz nzboo-krnge, nabzpex, murde trpnzngr me nakcblztr-ngrne.
15014	PSA 69:26	X batrpz nzbz-krdr, Murde ma nyzdr namznrtx-alongr.
15030	PSA 70:5	A' amrlz krkcng tzbrti drtwrdr nim Mz nzrka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”
15031	PSA 70:6	Yawe Gct, trxplr-zvzwxu, x trpnzngr scnge zmatq. Vz-anim, kx Gct. Murde nim txpwz Mevalu rnge. Bzkq asaq nzokatr-krm ninge.
15046	PSA 71:15	Kxmule-esz' da kcng tqaleq nzkqlu-zlwzng, A' mz zbq kang kqlu sa nayapwxtipxx nztubq-krm, x zmatq ngrm mz nzarlapx-krm leplz.
15051	PSA 71:20	X kxmule-esz' batrpe' nzetukr nzkxpu-krngeng, a' krlzx kx sa na-amrna-mowq nzlu-krnge, Mz nzarlapx-krm ninge mz gq.
15054	PSA 71:23	Sa namalq-katox mz nzabrtz-krnge, X mz nabznge atwrnrngr sa nangrbo bam murde arlapxpeq ninge.
15058	PSA 72:3	X nigr amrlx sa namnc-zpwxkr, Mz nzmnclz-krbzkr mz nztubqkr nzaclvekr king rgr.
15064	PSA 72:9	Enqmi rdeng sa na-aovxioleng, X nayrngzobzng bade.
15065	PSA 72:10	King mz nrlc tulvzo sa nartwzmqng bade dalr nzrle-kangr, Myapxbz king r trmctung, x Arabia, x Afrika, murde namnc-lxblrng badr mz nrwx.
15091	PSA 73:16	Rblxm bange nzkrlz-krnge drtwr ngr nzrlr-krbzme mz kxnztubqng nzkxpu-krdr, A' trayrplapxwq kxdrka'-ngrng.
15101	PSA 73:26	Kxmule-esz' nabznge ngrgo, a' nim nzxplr-krnge, X namncme bange, tqvzpe tqvzpe.
15102	PSA 73:27	Gct, krkcng tzpx-ngrdr nim, trnamnctrpzu bam mz nibr nzbz-krdr, Murde sa naodatiq kxtrnzabrtrpzlru drtwrdr bam.
15114	PSA 74:11	Bzkq mnc-lrpitxn, A' odati nidr mz nzokatr-krm nigr.
15131	PSA 75:5	Pibo mz kxnzglqpx-lzbqng kx bzkq nzglqpx-lzbqng Mz nzbilvz-krdr zmatq ngrdr. X pi-kzpo mz kxdrka'-ngrng kx bzkqpe nzarmyalz-lzbqng, Mz nzailvzo-krdr kztedrng.”
15153	PSA 77:3	Mzli ka tqkxpu-ngrne, glalzbo mqnge mz Kxetu. Kxmule-esz' krka'tix nzwr nrlckxbq, a' trxngipwc'u nzamqtr-ngrm drtwrnge.
15167	PSA 77:17	Gct, mzli kc tqvz-ngrme, prla rnrcti-lzbq, X wai-kzle meboo-ngrng.
15172	PSA 78:1	Leplz nengeng, lalztqmamu mz nzalvztr-krnge, Mz nzxlr-angidr-krmamu natqngeng.
15192	PSA 78:21	Yawe kx xlrle kc nzycmne-krdr, drtwrde trmrlzlzpuu. X zngya ngr drtwrde kc tzapqtr-zlwzbzlr.
15201	PSA 78:30	Kxmule-esz', a' drtwrdr tresapxu. X mzli lc tzmube-ngrdr,
15273	PSA 80:17	Ngaprbz ncpa'bu ngrgr kx nao-zlilzkr, Mz nztu-zvz-krme mz nibrgr, nigr leplz nemqng. Murde enqmi rgrng nzapusr-ngrdr nigr nounc kc tzlakitxo x nzangc mz nyr. Delc naodati-ngrbzme nidr mz zngya ngr drtwrm.