7143	RUT 1:14	Mz nzycmne-krbzle lc, sc tzyrnipe-moung. Zbz Opa tcngitxde lvxbqde x sc tqarlrpele. A' Rut lolvz-amqngile Naomi, x tr-rlaszleu nide.
7150	RUT 1:21	Murde mz nzvz-krgr kc kqlukr, a' mz nzvzmi-mou-krpqng Yawe lc ninge, vz-nrbalqpemc. Delc bzkq rpi-ngrmamu ninge Naomi kxmrlzvxi. Murde Yawe kc Tqaclvele da amrlx aetqpemle drtqnge, mz nzrpi-krde kx vz-rbrx.”
7151	RUT 1:22	Krlc be angidr ngr Naomi mz nzyzlu-krmle Moab nidr mz lvxbqde Rut, kc tqngi olvz lr Moab. Nzkaputrpqng Betleem mz zbq kc kai tzrkqngr nra nabr kc tqngi bali mz nzbrpe-krde. Nra bali nzkqti-txpwzle zbq tq o pwx.
7154	RUT 2:3	Zbz Rut kc tqvzpe tqrmikatipe drpwr nra bali kx nzrlasztipe leplz kxnzawzng. Mz lclr bali lc, kzdung leplz nzrpakilzmqng bali, x kzdu-kzng leplz nzvz-nqblqlr nidr mz nztalvz-krdrleng. X mz nibr nzrtwz-krdr rtalvz kcng, nzkrlz leplz nzrmikatingr nra bali kxyrlwrtxo. Mz zbq lcdepwz, sc tqkrlztipele kx lclr bali kc nyz Boas.
7162	RUT 2:11	Ayzlu-ngrbz Boas natqde kx, “Da amrlx kcng tqalebzme mz lxem Naomi, mz nibr nzbzkr mrlxde kc tqngi ncblo ngrm, nzyapwxtipem bange bq mz nibr nzkaputr-krmamu. X kxmu nzrlasz-krme trtem x lxem x mrnyzm, x vzme mz nzmnc-krmu badr leplz kx nqmq krdr blepx.
7178	RUT 3:4	Aokztipwz mrkc navzkile mz nzmwi-krde. X mzli kc tqmwipe-ngrde, vz-kzpz x kalvxlzbz lrpz kc tqkq-ngrde, x ayrbq-lxlr-ngrbz nanycde x sc tqmnztrpebzme mz nanycde. X mzli kc nabaongr nanycde, sa nadwalzm x napibzle da kx na-aleq.”
7193	RUT 4:1	Mz nourla lcde, Boas vz mz naobz ngr taon lc x sc tqwxbupe elr, murde krlc me nzatubqtingr lrtzlvz ngrdr da. X kxnginide kc tqesotr-zlwzbz, krkc tqpibzle mz Rut, sc tqmcpele nzvz-krde. X sc tqkqlepxpele nzrpi-krbzle kx, “Vz-kaip mrka, kx mzlenge, x wxbu kai mrlc.” Ncblo kc vzbz, sc tqwxbupe.
7201	RUT 4:9	Boas sc tqycmnepebz mz lrtzlvz x leplz kcng mrkc, mz nzrpi-krbzle kx, “Mzbq ka mcpeamu x xlrpeamu kx sa naxpepxbo mz Naomi drtc' nyz Elimelek kc tqbzszbzle mz mrlxdeng Kilion x Malon, kcng tzbzpe-kzng.
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
13946	PSA 1:3	Leplz lcng nzapulr nounc kcng dzbrdr tzkrlzobzlr lue, X leu rdr trnzbloung. X nzdo-zlwzng mz nzvz-krm nrpr angidr. Da kx nzalelr nradr yc-zvzbz.
13961	PSA 2:12	Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.
13968	PSA 3:7	Kxmule-esz' nztu-ngalelvzlr ninge siu ngr enqmi, A' trtxpnzngr nzmwxlr-krnge.
13988	PSA 5:9	Yawe, mailz ninge mz nqmq krm kxtubq, murde enqmi rnge nzkqlu-zlwzng. X aelwa-zpwx-ngrm bange me pnz drtwrm.
13991	PSA 5:12	A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.
13995	PSA 6:3	Kxetu, nayc mz drtwrm ninge murde yangrngapex. X axplr mou nrkrdrtqnge murde yagox-zlwzx.
14001	PSA 6:9	Nimu leplz kxdrka'-ngrng amrlx, dwaszpeamu ninge! Murde Yawe sa tqlalztqpem mz nzyrni-krnge.
14012	PSA 7:9	Yawe, nim kx rpibz mz leplz kx nztubqng o nzvz-rbrng. Pipxbz mz leplz kx mnctr-zpwxpebo bam murde nabznge opx x tubq.
14015	PSA 7:12	Tubqq mz nzryrlq-krm drtwr. X pipxq kx takitrde nzayrplapxngr kxnzvz-rbrng.
14025	PSA 8:4	Kxrpalz, mzli kc tqobqlz-ngrne mz bongavz, Mclzx nzlulikr temz x vri kcng tqwz-ngrnqng.
14038	PSA 9:7	oa ngr alwx lcng nzyrkrtrpeng. nqmi rngeng trpengr nzdcpx-krdr mz drtwr leplz x mztea nyzdr amznrpe-ngrnq.
14043	PSA 9:12	toto x nigu amrlx napipxbzku mz kxnzmnc-mrbrng da kcng tqale Yawe. erusalem ngi mzteadau nyzde mrkc tqmnc-ngrde. Na-angrlvzku nide.
14045	PSA 9:14	xetu, nayc mz drtwrm ninge x mcom kxmu nzaetq-krm enqmi rngeng drtqnge. xrpalz, bzkq rlrpx-ngrn nzbz-krnge.
14050	PSA 9:19	zmu nakxpung, trtxpnzngr nzmrbrtitrkr drtwr Gct nidr. zobqtipxngr kxtrnzrngiscung trtxpnzngr nzbotxpx-krde.
14053	PSA 10:1	pxm kx mncme rlru, Yawe. pxm kz kx mnc-kapqq mzli kc tqkxpu-ngrgr.
14056	PSA 10:4	blx nzrtangrti-krde Gct murde glqpx-lzbq. blx nzrmcti-krde Gct murde mz drtwrde trtxpnzngr Gct.
14071	PSA 11:1	Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.
14080	PSA 12:3	Leplz amrlx mz nrlc nzapokiati-lzbqng. Nzalqngitilr nzycmnengr mz drtwr kx xlva.
14104	PSA 15:5	Narlxtile kxnzrbilqngr kx takitrde trau scde kc tqrlrpx-ngrde. Bzkq pokiatitrle mrlx kxtubq, Kxmule-esz' leplz nzrpilr naxpelr nide. Doa kx vz-nqblqle natq lcng sa natu-amqngi zvz.
14109	PSA 16:5	Yawe, apume bange drtc' kxmrlz nyznge x tzme bange lrpzki kx nao-zlix. X nzlu-krnge yctrpz bam.
14113	PSA 16:9	Delc nabznge tqabrtz-zlwz-ngrde x drtwrnge tqelalz-ngrmle. X tqmnc-zpwxpe-ngrne.
14114	PSA 16:10	Murde tr-rlrpx-ngrwq zmatq ngr nzbzngr nzaovxio-krde ninge, ncblo kxtr nem. X trayrbqtxwq nrkrdrtqnge mz gq mz nzmibi-krde.
14130	PSA 17:15	A' krlzx kx sa namcx mzpq mz nzvz-nqblq-krde nztubq-krnge. X mzli kc natulz-ngr-mopwc', sa na-abrtz-ngrne nzmnc-krbo bam.
14135	PSA 18:5	Yawe, mzli ka tqkxpu-ngrne kqlex nim mz nzokatr-krm ninge. Murde ycpe pipz nzbz-krnge. Opxm kx zmatq ngr nzbzngr sa na-aovxiole ninge, Mz nzpe-amqngi-krde ninge. A' krlzx kx sa naxlrme ninge mz Mangr-nzangiongr nim, Mz nzayzlu-krme natqnge.
14149	PSA 18:19	Nzvzmqng mz nzota-krgr badr mzli kc tqprtilz-ngrde ninge nzkxpu-ngrng. A' Yawe sc tqtum mz nibrnge.
14151	PSA 18:21	Yawe rka-zvzm bange da kxmrlzting mz nzvz-nqblq-krde nztubq-krnge. X ayzlu-ngrmle da bange murde nabznge lqngi.
14155	PSA 18:25	Yawe ayzlu-ngrmle da bange mz nztubq-krnge, Murde nabznge lqngi mz nzobq-krde.
14158	PSA 18:28	Avzdzq krkcng tzavzo-lzbqng. X avzoq krkcng tzglqlz-lzbqng.
14163	PSA 18:33	Nide Gct kc tqaxplr-zvzle ninge, X tzbzle lrpzki rnge kxtubq kx nao-zlix.
14181	PSA 18:51	Yawe, ninge Devet, king nem, x okatr-zvzq ninge mz nzaovxio-krngeng. Aodu-zvzq ninge kc tqmcpxq x leplz ngr nqvi lrnge, tqyc, tqyc.
14186	PSA 19:5	A' nrpa scdr vzpx, krlzbzle leplz amrlx mz nrlc tulvzo. Gct yrlqbzle nrlckxbq nangi ma nyz nepi kx mwipx-ngrmle.
14189	PSA 19:8	Natq Yawe amrnale nzlukr nabz leplz mz nzmrlzvxi-krde. Akrlztrle kxnzngqngung murde trycngrlru.
14190	PSA 19:9	Natq Gct aelalzmle drtwr kxnzrvz-nqblqng mz nztubq-krde. Aelwapx-ngrde da kx yc-kapq mz nzobqplx-krde nabz.
14193	PSA 19:12	Mz nzvz-nqblq-krnge natqde, aelwapx-ngrmle bange da kxmrlzting. X mz nzlalztq-krnge mz natqde, atubqtimle nzmnc-krnge.
14194	PSA 19:13	Kxetu Yawe, ipq ninge mz alwx kznikeng yc-kapqtrp bange, Murde rblxm bange nzmc-krngeleng.
14195	PSA 19:14	X lolvz-amqngi ninge, Murde ma tqvz zvz nzale-krnge alwx Kcng tqotr ngr drtwrnge nzale-krngeleng. Murde nabznge natr x natubqbo mz nzobq-krm.
14202	PSA 20:6	X sa namalqlvzkr nzaovxio-krde. X naglqlzkr nim, Gct rgr. Yawe, ayzlum natqdeng amrlx. Eu, angida.
14236	PSA 22:16	Mzli trnaboipeu nzbatr-krme nzbz-krnge. Murde mewe-zvzpex x drtwrnge brlxkz apule nabr kxngibr mz nepi.
14238	PSA 22:18	Mcx kx ninge nrvr-nrbalqtxpe. X nzobqszneopelr x nzyrpalelvzpelr ninge.
14246	PSA 22:26	Delc Yawe, narka-ngrbo blz ngr nzawingr kc tqpibo, mz nzyrlwr-lxblrkr leplz nemqng. Murde nim nou nzrglqlz-krnge.
14253	PSA 23:1	Yawe, aclve-zvzq ninge apux sip nem. X trtxpnzngr da kx mnctxpx-ngrne.
14255	PSA 23:3	Amrnaq nzlu-krnge. X aelwa-zvz-ngrme lrpzki kxtubq, murde drtqm tr zlwz.
14262	PSA 24:4	Leplz kx nabzdr lq x nzmnc-krdr tubq Nztakitrdr nzodutr-lxblr-krbzlr mz Yawe. Natqdr nzangidati-zvzlr. X trnzangiolru mqngr da kx nzlz.
14279	PSA 25:11	a-nqblq natqm kc tqesalz-ngrn mz nzipqpx-krm alwx rngeng, urde nzkqlu-zlwzng.
14281	PSA 25:13	lvz x ncblo lcng sa namnc-zpwxng. liqtibz drtc' kc tqpibzme, murde doa nedrng namnc-kzng elr.
14284	PSA 25:16	uti drtwrnge kx naobqme bange x nayc mz drtwrm ninge. utitx drtwrnge murde trpengr kztenge x trmnc-zpwxpewxu.
14285	PSA 25:17	rte, katxpxbz nztalvzokr nabznge. ekqtr drtwrm x arlapxbz ninge mz nzkxpu-krngeng.
14298	PSA 26:8	Mrlzm bange Mangr-nzangiongr nim, Mrkc tzmcngr nzmyalz-krm.
14302	PSA 26:12	X sa naglqlz-ngrne nim mz mzlir leplz nemqng Murde tu-zvzme mz nibrnge x tubqbo mz nzobq-krm.
14305	PSA 27:3	Kxmule-esz' ami kxetu navzm mz nzoti-krmlr ninge, a' trpnzngr nzmwxlr-krnge. X kxmule-esz' otakr badr, a' drtwrnge sc tqabrtr-zvzbo bam.
14307	PSA 27:5	Murde krlzx kx sa na-aclve-angidrq ninge mz mzli r nzkxpu-krnge. X na-amnc-kapqq ninge mz Mangr-nzangiongr nim, mz nzngini-krm butqbr kx rlakitrx.
14316	PSA 27:14	Mzlengeng, na-abrtr-ngrbzku drtwrgu mz Yawe. X naxplrku mz nzlxngiti-krgule. Bzkq matitr drtwrgu nide, A' drtwrgu na-abrtr-zvzbzku bade.
14317	PSA 28:1	Yawe, kqlex nim murde nim butqbr kx rlakitrx. Bzkq apume bange kxnradrtqde ngq. Murde ma tqbzx nzmu napx-ngrn nzxlrngr nzyrni-krnge.
14325	PSA 28:9	Amrlz nigr leplz nemqng mz nzarlapx-krm nigr, Mz nzngini-krgr sip nemqng kcng tqaclve-zvzq.
14336	PSA 29:11	X mz zmatq lc axplrle nigu leplz nedeng Murde namnc-zpwxku.
14344	PSA 30:8	Murde xngibo nzamrlz-krm ninge, mz nzapu-krm rtabu kx xplr kx tu-ngalelvzle ninge. A' mzli kc tqprtz-ngrm da kxtrka bange, opxm kx esablqtime ninge, sc tqmwxlr-zlwzpex.
14346	PSA 30:10	Rpibo bam kx, “Bzkq rlrpx-ngrn nzvzo-krnge mz gq, Murde trpnzngr da kx mrlz kx naprpxm mz nzbz-krnge. X rblxpe nzyapwxtipx-krbo mz leplz mz nzangidati-krm, Nzmu namibilzpemc mz drtc'.
14348	PSA 30:12	Alrtibzme nzyrnibu-krnge mz nzelalz-krm drtwrnge, Mz nztekqtr-krbzme nzvzkr drtwrnge mz nzabrtz-krnge.
14357	PSA 31:8	Drtwrnge sa naelalzm x na-abrtzlvzx nzaodu-zvz-krm, Murde okatr-zvzq ninge mz mzlir nzetqkr drtqnge x nzkxpu-krngeng.
14358	PSA 31:9	X tr-rlr-ngrpwzmeu ninge mz mq enqmi rngeng, A' amnc-nrwx-ngrbzme nabznge mz nzvzne-krnge.
14360	PSA 31:11	Yangrngapex mz nzvzkr drtwrnge x drtqnge satxpe murde bztipenge nzyrningr. Drtqnge yayrpe-ngrde nzmnc-rbr-krnge x nipenge nrvr-nrbalq.
14367	PSA 31:18	Yawe, bzkq rlrpx-ngrn nzkqle-krnge nim nzamyati-ngrm drtqnge. A' amyatibz drtq kxdrka'-ngrng murde napwrkilvc-ngrdr nzbz-krdr.
14373	PSA 31:24	Nigu leplz neng Yawe naka-lzbqbzku bade. Murde aclvele kxnzvz-nqblq-zpwxlr nide, a' ayrplatipxle kxnzglqpx-lzbqng.
14375	PSA 32:1	Doa kx nzipq mz alwx ngrde Drtwrde elalz-zlwzm.
14376	PSA 32:2	Murde mz nzobqkr Yawe trvz-rbrpeu. A' plzpxle alwx rdeng murde ma tqyc-kapq da kxtrka mz nabzde.
14391	PSA 33:6	Yawe wz-ngrde bongavz mz natq kx kapxle, X nepi, temz, x vri amrlx mz nzycmne-krde.
14397	PSA 33:12	Sa namrlzbz mz lr drtqbr kcng tzangiolr Yawe murde nide Gct rdr. Murde leplz kcng tqmcpxle kx nangi nedeng nzabrtz-zvzng.
14411	PSA 34:4	lve Yawe doa x da amrlx. Naglqlzku drtqde. X napipx-lxblr-ngrgu nzetu-krde.
14416	PSA 34:9	zsamu ena nzmrlzkr Yawe x na-abrtr-krbzmu drtwrmu bade. Murde krkcng tqaclveleng nzabrtz-zvzng.
14443	PSA 35:13	Mz nzyagox-krdr, vzti drtwrngeng. X axtx-zvzx dakxnzng, X biox narnge mz nzkrka'-krnge nidr, Da kc tqwaisr-ngrne mzlengeng x kztengeng. Murde yc-zlwzngr drtwrnge nidr, Apule kx vzngr drtwrnge x yrnitix lxenge mzli kc tqbz-ngrde.
14463	PSA 36:5	Mz nrlckxbq sc tzaoti drtwrdr nzryrlq-krdr drtwr kxtrka. Nzpxtxpx-ngrdr nzti kxtubq mz nzmrlzkr badr lrpzki kx vz-rbr.
14479	PSA 37:8	u, bzkq drtwrm ngya x nabzm talvzo Murde da lcng li ma tzrkatrpzng bam drtwr kxtrka. u, murde kxnzabrtrpzlr drtwrdr mz Yawe sa nangi nyzdr drtc' kc tqpile nakabzle badr, A' kxdrka'-ngrng sa namaszlrtxpx-ngrng. lqpx Yawe kx mzli trnaboipeu x kxdrka'-ngrng sc tzmrbrpeng. Kxmule-esz' rtangrtiq nidr a' trpengr nzmc-krmleng. ct rlr-ngrbzle drtc' nyzde mz kxnzavzo-lzbqng. X sa na-abrtzng mz nzmnc-zpwx-krdr elr.
14483	PSA 37:12	li! Kxnztubqng x kxtrnzrngiscung na-aclvetio-lzbqng Murde kxdrka'-ngrng nzglalzpelr toki r vea x popz' scdr. li! A' kxdrka'-ngrng na-aclvetio-lzbq-kzng murde toki r vea scdr sa nanibq-moule nidr, X Yawe sa naplameitibzle popz' scdr. zs Yawe krkcng tzryrlqng drtwr kx na-atrkati-ngrdr kxnztubqng X nzmadqti-zvzbzlr nqngidr badr. zsle nidr mz nzodati-krde nidr, X yrpalelvz-zvzle nidr murde trpnzngr nzxplr-krdr.
14487	PSA 37:16	xetu Yawe aclve-zvzle kxnzvz-nqblqlr nide, X nikeng kabzle badr nangisc-alopedr. abzle badr dakxnzng kxkqlu mz mzli r dzbi, X okatrle nidr mzli kx prtzngr da. alztqmamu! Murde kxdrka'-ngrng sa nabzng, mz nzapu-krdr nrpq da kc tqplclqom X enqmi r Yawe lcng sa nangiliang na-apulr zsikapu. clr ncblo kxtubq, kxmule-esz' kxpipzne, Myaszpxle da kxkqlu kxngisc ncblo kxdrka'ngr. urde Yawe sa nakatxpxbzle zmatq ngrdr kxdrka'-ngrng, A' sa naokatrle kxnztubqng. cblo kxdrka'-ngrng nzbi-txpwzlr nzrlxngr, x trnzkrlzlru nzrka-niwzlrngr. A' kxnzmrlzng yc mz drtwrdr nzrka-niwzlr-krdr vzmi kxnzamnzo-mzleu. cblo kcng tqamrlzng Yawe sa nangi nyzdr drtc' kc tqpile nakabzle badr. A' leplz kcng tqpilzleng sa nabzng.
14494	PSA 37:23	blamzngeng, bztipex nzmncngr, x ninge ka tqnginipenge lrtzlvz. X mcx kx nqmq kr ncblo kxtubq nide sele. katr-zvzle leplz mz nzrlr-nrbalq-krde dztudeng, x doa nedeng ngi da kxmrlz kx kabz Gct bade. Yawe okatr-zvzle nide x doa nedeng trnzyrnitrpwzung nadr dakxnzng. q mz drtwr Yawe nzaelwa-krbzle mz leplz lrpzki kx nao-zlilr, X mailz-zvzle krkcng tzabrtz-ngrdr nqmq krde. ipxle kx kxmule-esz' nanycdr miglqpx, a' trnztaoung, Murde sc tqlolvz-amqngileng.
14508	PSA 37:37	rlq angidr mz drtwrm ncblo kxmrlz kxtubq, murde mnc mz nrwx, X doa kxnzmika mz neidu lrde nzkqlu-zlwzng. rpalelvzx kxdrka'-ngrng murde sa nabzting, X doa lr neidu lrdr sa nayrkrtxong. vz Yawe na-arlapxle kxnztubqng. Murde nide me nzrlakitrlr mz mzli r nzkxpu-krdr. vz Yawe na-arlapxbzle nidr mz mq kxdrka'-ngrng, Murde nzbrti drtwrdr nide nzokatr-krde nidr.
14520	PSA 38:9	Nzetqkr drtqnge wibrti-zlwzpe-ngrde ninge. X bztipenge nzyrningr murde drtqnge rkrkx-zlwzpe.
14521	PSA 38:10	Yawe, krlzpeq da amrlx kcng tqpq zlwz mz drtwrnge murde namnc-zpwxx. X xlrpe-kzpe' nzyrke-zlwz-krnge.
14531	PSA 38:20	Enqmi rngeng nzxplrng x nzlu-zpwxng. X nzkqlung kx nztrkati nivz lrdr ninge.
14536	PSA 39:2	Yawe, pnzpe drtwrnge kx namnc-lrpitxpwo, a' bzkq alex alwx mz nzlctr-krbz drtwrnge bam mz nzkxpu-krngeng. Murde kxdrka'-ngrng lcng tzmnc-aepztrpqng bange, ma tzxtrnga-ngrdr nzlqngi-krm.
14540	PSA 39:6	Murde nim kx amrbctrp nzlu-krnge. X mzli kx lutix ngi da txne mz nzobq-krm. Nzlukr leplz mrbcnepwz apule nzyrplaokr nrc kxesz'.
14544	PSA 39:10	Mzli ka, dcpxpe mz drtwrnge kx vz-rbrx nzlctr-krbz drtwrnge bam mz nzkxpu-krngeng. Murde tubq nzayrplapx-krm ninge mz alwx rngeng.
14546	PSA 39:12	Mz nzayrplapx-krm leplz, odatibzme dztudrng kcng tqmrlzbz badr. Apusr-ngrbzmeleng da kx yrti ninr, Murde nakrlzlr kx nzvz-rbrng mz nzobq-krm. Nzlukr leplz mrbcnepwz apule nzyrplaokr nrc kxesz'.
14547	PSA 39:13	Yawe, xlrm nzkrka'-krnge x nzyrni-krnge. Murde nzmrbckr nzmncngr mz nrlc apunepwzle nzwoukr betepu.
14554	PSA 40:6	Yawe, nim Gct rgr x trpnzngr kx apule nim. Aleme bagr da kxkqlu mz nzatutr-krm drtwr kx yrlqq mz nzamrlz-krm nigr. Drtwrnge yrpz'trpz nzrlwxngr da lcng amrlx, Murde nzkqlu-zlwzng.
14558	PSA 40:10	Yawe, trnayrlq-kapqpou nzaodu-krm x nzangidati-krm mz leplz nemqng. A' sa napipx-zvzbo nrpa ngr nzarlapx-krm nigr Mz nzyrlwrpx-lxblr-krgr. X krlzq kx vz zvz nzpipx-krngele.
14560	PSA 40:12	Yawe, krlzx kx yckqti zvz drtwrm ninge. X nzaodu-krm x nzangidati-krm nzngini-zvzmlr lrpalvc kx mncpx-ngrmc.
14568	PSA 41:2	Namrlzbz mz doa kcng tzmrlztilr leplz kxnzmaneng, Murde Yawe sa naokatrle nidr mzli kc nakxpu-ngrdr.
14569	PSA 41:3	Sa na-aclvebzle nzlu-krdr. X trtxpnzngr nzrlr-krbzle nidr mz mq enqmi rdrng. Delc tzrpi-ngrbz kx Yawe amrlzpele lr mrnyzdr Israel.
14570	PSA 41:4	Sa naokatrng Yawe mz nzamrlz-mou-krde nrkrdrtqdr Mzli kc nayagox-ngrdr.
14593	PSA 43:1	Gct, pipxbz mz krkcng trnzangiolru nim kx trvz-rbrwxu. Arlapx ninge mz mq krkcng tztrkating x tzpokiang.