24990	LUK 1:28	Kutsh koi e ai matsh wo e hohont. Tsh am jiwia hegai anghil Mary wui k hab kaij, “Si g s-hehgigk Mary. Jiosh at ab i s-m-hoꞌigeꞌid k am wo i m-wehmt.”
25004	LUK 1:42	Kush hekaj si s-hehgigam hab kaij ab wui g Mary, “Neh, ab atki si i s-m-hoꞌigeꞌel g Jiosh baꞌiwechkim mo chum hedai uwi. Kutki wo mahsi m-amjed hegai mash ab mahks g si geꞌe s-apꞌekam.
25010	LUK 1:48	Dani wabsh shoꞌigkam. Kut eda ab si has i ni-elid k si geꞌe haꞌichu ab hab ni-juni g si geꞌe e-gewkdagkaj. T Hab iꞌajed chum hekid hab wo chei g hemajkam imhab aꞌahidag oidam mat ab si i s-ni-hoꞌigeꞌel g Jiosh. Do si hekia s-apꞌekam g Jiosh
25014	LUK 1:52	k wo ha wohppoꞌi g kokownal g ha-gewdag k g s-kakais s-ha-kaisdag gam hu hab wo i juh k wabshaba g shoꞌigkam ab has wo i ha elid k heg ab wo i ha mah mo haschu i s-kehgaj ha wehhejed.
25034	LUK 1:72	Ab at wo i s-t-hoꞌigeꞌel g Jiosh mash wa hab masma ha ahgid g t-shohshon.
26600	JHN 11:8	Kuchd ahchim chum pi hohhoꞌid ch hab kaij ab wui, “T-mashchamdam, pi o koi d shaꞌi tash mo wa am chum s-m-maꞌichkwuimk g hemajkam. Ttp eda am ep wo hihi!”
28003	ROM 1:5	Kut wa ab si i s-ni-hoꞌigeꞌel g Jesus Christ k am i ni-kei am wehhejed g Jiosh mantsh am wo i ha ahgidahi g nahnko mahs hemajkam g s-kehg haꞌichu ahgaj. Kutsh muꞌijj ab wo s-wohochud k ab wo s-wohog elidad.
28004	ROM 1:6	Ni am wa kah mamtsh haꞌi ahpim Rome t am hemajkam ab i s-wohoch. Jiosh o ab si em-tatchua ch ab i em-waid k am hab em-juh mamt ab i s-wohoch g Jesus Christ k d Jiosh hemajkamga. Kunt heg hekaj am wo haꞌichu i em-oꞌohani. Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
28009	ROM 1:11	S-em-neidamk ani ch ab tahni g Jiosh matp hems am wo apꞌech mant am wo i em-chehgim k wo i em-wehmt em-wohochudadag ed mamt hekaj am wo i e gewpkai.
28434	1CO 1:3	Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
28870	2CO 1:2	Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
28901	2CO 2:9	S-mahchimk ani am i em-oꞌohanidk mams ab wo s-ni-wohog el. Kumt wa woho am hab e juh.
28921	2CO 3:12	Id ach ab ab t-gewpkadch ch hekaj am si s-t-mahch ch ahgachug.
28928	2CO 4:1	Ab o s-t-hoꞌigeꞌid g Jiosh ch ab t-chehani matt am wo ahgachugad g haꞌichu ahgaj. Heg ach hekaj pi haꞌichukaj t-shohbidch ch heg am hab wua.
28939	2CO 4:12	S-ni-mukimakam o chum hekid am hab chuꞌig nani pi am hab junihim ihda chikpan. K am wa s-apꞌe namt pi id hekaj ab bei g wechij doakag.
29127	GAL 1:3	Ab o wa s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
29139	GAL 1:15	T wabshaba g Jiosh s-ni-hoꞌigeꞌid k am heki hu i apꞌech mant eda koi mahsi mant d wo piongajk.
29151	GAL 2:3	K am haꞌi haꞌichug hegam mo chum s-em-wupulshpamk ahpim gawul mahs hemajkam hab em-elidch mant hemho wa am hab wo junihid g heki hu t-himdag ahchim Tutuligo. Idam o pi woho wohochud g Jiosh haꞌichu ahga ab amjed g Jesus ch wabsh am dadhak ch chum mamche machs haschukaj pi am hu oidch hab junihim hegai heki hu t-himdag. Am o t-wehmaj g Titus. K idam ab si t-ahgid matt hemho wo wa pahl hikuch. Kuch wabshaba ab ha wui gegok. K hegam mo am d ha wanimeddam t-wepo hab elid. Neh, bach wa masma s-ap nuhkud ihda s-kehg haꞌichu ahgaj g Jiosh mach am em-wui ahgachug.
29166	GAL 2:18	k wabshaba am i t-apꞌech Jiosh tahgio. Kutt d wo pi ap chuꞌijkamk mattp wo chum s-t-apchudam g chehanigkaj.
29275	EPH 1:2	Ab o wa si s-em-hoꞌigeꞌid g Jiosh t-ohg g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
29304	EPH 2:8	Ab at i s-t-hoꞌigeꞌel g Jiosh k doꞌibia natt pi ab i s-wohoch. Pi att wo shaꞌi t-nako machs hejel wo t-doꞌibia. Chum hems g t-wohochudadag o d mahkigdaj.
29309	EPH 2:13	ch pi mahch ch pi edgid g chehanigaj. Kuch wa heg hekaj s-em-kehꞌid. M ahpim ab aigo hab waꞌap s-t-kehꞌid. K hegai t-kehꞌidadag hab sha masma mo g kolhai ch gam hu aꞌai t-gaꞌagwulkadch. T wabshaba g Christ s-ap am oidk hab e juh ihda chehanig k ab e muhkid kots t ab t-wehhejed k hab masma hugio g gewkdaj g chehanig. K heg pi ab hu hahawa t-chuꞌijigchud ahchim mach ab s-wohochud g Jiosh. Jesus Christ at ab i t-hemakoj e wehm. Kuch pi hahawa aꞌai s-t-kehꞌid nach pi d hahawa hemako.
29325	EPH 3:7	Kuni ahni d em-pionag ch am em-ahgid ihda s-kehg haꞌichu ahgaj g Jiosh. Heg at si s-ni-hoꞌigeꞌid k am i ni-kehsh k ab ni-mah g gewkdag mant wo em-ahgi.
29340	EPH 4:1	Dani lihso heg hekaj mani ahgachug g haꞌichu ahga ab amjed g t-kownalig Jesus. Kuni ab si s-em-hoꞌigeꞌidam am em-ahgid mamt hab wo masmak mo has masma g Jiosh em-tatchuid ch ab i em-gawulkai.
29430	PHP 1:2	Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
29435	PHP 1:7	Bani wa masma hab em-elid nani pi chum hekid am i em-chegitod. Kum ahpim hab waꞌap chum hekid s-ni-chegito ch haꞌichukaj i ni-wehmt, chum hems hemu mani ia hu d lihso.
29440	PHP 1:12	S-em-ahgidamk ani mo baꞌich i e gantan ihda s-kehg haꞌichu ahgaj g Jiosh heg hekaj mani ia kuhpi.
29443	PHP 1:15	Haꞌi o am hi chikpan ab si hejel e-tatchui amjed mat baꞌich wo i chum wahmud g haꞌichu pi ni-apꞌedag hemuch mani wa hu d lihso no pi s-ni-hehgamk ch wabsh ni-pipꞌichud. K wabshaba haꞌi ni-hekaj si pihk e elid ch ahgachug g Jiosh haꞌichu ahga no pi s-mahch mat g Jiosh am i ni-kei mant wo wohokamch g haꞌichu ahgaj.
29484	PHP 2:26	Msh wabshaba kah mat wa mumku. K si s-em-neidamk ch e kudut mamsh id kah.
29511	PHP 4:2	Ab ani s-em-ahgidamk ahpim Euodia ch Syntyche mamt pi wo e neꞌowinad ch am wabsh wo i e wehmajk nam pi d e wehm wohochuddam.
29512	PHP 4:3	Idam uꞌuwi o am si i ni-wehmajkahim mach wa am ahgachug g Jiosh haꞌichu ahga. Ni heg hekaj am ep s-m-ahgidamk ahpi map hab e chechcheg I-ha-Wehmtdam mapt woho am wo i ha wehmajk map hab masma i ni-wehmajkahim. Clement ch haꞌi ehp o hab waꞌap i ni-wehmajkahim. Pi o wehs s-e mahch g ha-chechgig ch wabshaba an oꞌohadag heg eda mo an e oꞌohan g e doꞌibiakam ha-chechgig ch an kahch Jiosh kihdag ed.
29532	PHP 4:23	Neh, ab at wo wa baꞌich i s-em-hoꞌigeꞌidad g t-kownalig Jesus Christ.
29533	COL 1:1	T-wepnag mam am kih Colossai t am: Am ant wo i em-oꞌohani g Jiosh haꞌichu ahga ahni Paul mat g Jiosh am i ni-kei mant wo i ahgahi ab amjed g alidaj Jesus Christ. K ia i ni-wehmt g t-wehnag Timothy. Ab o wa si s-em-hoꞌigeꞌid g Jiosh t-ohg ch ab wo wa baꞌich i em-mahkad g i wehmtadag ch s-ap tahhadkam.
29569	COL 2:8	S-e g wo nenꞌoidk mat pi hedai wo em-iattogi. Haꞌi ash chum s-em-mashchamamk hegai mo haschu d wabsh oꞌodham ha-mahchig ch em-ahgid mamt heg ab s-ap wo himad g e-doakag. Tt wabshaba ab wo beihid g t-mashchamadag ab amjed g Christ
29596	COL 3:12	Jiosh o si pihk e elid t-hekaj ch ab i t-gawulkai. Kutt heg hekaj wo si pihk t-elidad ha hekaj g hemajkam ch wo s-hemajimak ch s-t-tahtk ch wo nakogad haꞌichu ch pi hab wo chum t-wuad machs d s-has hahaꞌichu am ha-nena ed.
29597	COL 3:13	Jiosh at ab s-t-hoꞌigeꞌid k gam hu hab i juh g pi ap t-chuꞌijig. Kutt hab waꞌap wo s-ha bahbgi hegam mat hab wo juh g pi apꞌekam ab t-wui k hab waꞌap ab wo s-ha hoꞌigeꞌel.
29627	COL 4:18	Hejel ant an wo oꞌoha ihda wawnim ahni Paul mant am wo si em-hoꞌigeꞌel. Pi g wo shaꞌi pi chegito mani ia hu kuhpi. Neh, ab at wo wa baꞌich i s-em-hoꞌigeꞌel g Jiosh.
29628	1TH 1:1	T-wepnag mam am kih Thessalonica t am: Am ant haꞌichu wo i em-oꞌohani ahni Paul. K ia ni-wehmaj g Silas ch Timothy k ch am i ni-wehmaj. Dam woho hemajkamgaj g t-ohg Jiosh ab i e dagitok t-kownalig Jesus Christ wui. Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
29663	1TH 3:6	T hemuch ia ep jiwia ab em-amjed k ia uꞌapa g s-ta hohhoꞌidam ahga ab amjed g em-wohochudadag ch pihk em-elidadag. Am o t-ahgid mam chum hekid si s-ap am t-chegito ch hab wa masma chum s-t-neidamk mach ahchim has i masma chum s-em-neidamk.
29716	1TH 5:28	Neh, ab at wo wa baꞌich i s-em-hoꞌigeꞌel g t-kownalig Jesus Christ.
29718	2TH 1:2	Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
29763	2TH 3:18	Neh, ab at wo baꞌich i s-em-hoꞌigeꞌel g t-kownalig Jesus Christ.
29765	1TI 1:2	Ab g ni-kaiham ahpi Timothy map d ni-alidag ab i s-wohochudk g haꞌichu ni-ahga ab amjed g Jesus Christ. Ab o wa si s-m-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i m-mahkad g i wehmtadag ch s-ap tahhadkam.
29776	1TI 1:13	Heki anid hu wa ha shoꞌigchud hegam mo ab s-wohochud g Jesus ch ab ha wui pi ap has ahg g Jesus. Kut eda heg ab si i s-ni-hoꞌigeꞌel nani pi pi ni-mahch ch hab junihim pi ab hu wohochudch.
29784	1TI 2:1	Si ani s-m-ahgidamk mapt wo haꞌichu ha ahgi g t-wehm wohochuddam. Do si haꞌichu mat ab wo e hoꞌigeꞌidahunad Jiosh wui. Pt wo ha ahgi mat ab wo tahnid g i wehmtadag ch wo e hoꞌigeꞌidahunad am ha wehhejed g wehs nahnko mahs hemajkam.
29878	2TI 1:2	Ab g ni-kaiham ahpi map d ni-alidag t-wohochudadag ed. Ab o wa si s-m-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i m-mahkad g i wehmtadag ch s-ap tahhadkam.
29880	2TI 1:4	P ahpi hab waꞌap ab s-wohochud g s-kehg haꞌichu ahgaj g Jiosh. Kuni s-chegito mapt si pi ap e taht mant hekid am i m-dagito. Kuni s-m-neidamk mapt ep wo si s-hehgigk.
29885	2TI 1:9	Do Jiosh mat t-doꞌibia ab pi apꞌekam t amjed. Pi att has masma has wo t-juh k wo t-doꞌibia. Gd hu i si wehpeg at am i apꞌech mat wo s-t-hoꞌigeꞌel am gahi wuhshanim g e-alidag Jesus Christ matt d wo Jiosh hemajkamgak.
29963	TIT 1:4	Kupt ab i s-wohoch ab ni-ab k hahawa wepogidas map d ni-alidag. Ab o wa si s-m-hoꞌigeꞌid g t-ohg Jiosh g t-doꞌibiakam Jesus Christ wehm ch ab wo wa baꞌich i m-mahkad g i wehmtadag ch s-ap tahhadkam.
29995	TIT 3:5	mat wo t-doꞌibia ab amjed g s-koꞌok t-namkidadag. Pi at hedai wo e nako mas wo e doꞌibia g hejel haꞌichu hab e-junikaj. T wabshaba g Jiosh ab i s-t-hoꞌigeꞌid k gam hu wako g pi ap t-chuꞌijig matt wo edagi g wechij doakag. Heg at hekaj ia jiwia g t-doꞌibiakam Jesus Christ jewed dahm k heg hekaj ab t-mah g Hekia S-apꞌekam Gewkdag. Heg o am t-eda ch ab t-mahkch hegai wechij doakag.
29997	TIT 3:7	Jesus Christ o ab s-t-hoꞌigeꞌid ch am i t-apꞌech matt wo s-apꞌek am Jiosh tahgio. Kuch heg hekaj edgid ihda wechij doakag ch hab am wehmaj wo kihkad chum hekid am i dahm matt wo koi.
30008	PHM 1:3	Ab o si s-em-hoꞌigeꞌid g t-ohg Jiosh ch t-kownalig Jesus Christ ch ab wo wa baꞌich i em-mahkad g i wehmtadag ch g s-ap tahhadkam.
30358	JAS 1:25	k wabshaba am wo si oidahid g Jiosh haꞌichu ahga ch am hab wo junihid. T g Jiosh ab wo si i s-em-hoꞌigeꞌid k ab wo i em-wehmt wehs haꞌichu hab em-juni ed. Kut g haꞌichu ahgaj ab wo i em-wuwhas pi apꞌekam t amjed.
30442	1PE 1:1	Ni-wepnag: Am ant haꞌichu wo i em-oꞌohani ahni Peter mani d kehshaj g Jesus Christ. Heg at am i ni-kei mant wo i ahgahi ab amjed. Kuni haꞌichu s-em-ahgidamk ahpim mam am aꞌai kih Pontus ch Galasia ch Cappadocia ch Asia ch Bithynia jejewed ch ed hab masma mo g ni-wehm Tutuligo.
30443	1PE 1:2	Jiosh at ab i em-gawulkai mamt d wo hemajkamgajk k ab em-mah g Hekia S-apꞌekam Gewkdag mat wo em-wehmajk ch am wo i kegch g em-dodakag. Mt hekaj ab wo s-wohog elidad g Jesus Christ ab i s-wohochudk mat iawua g e-ehꞌed k e muhkid em-wehhejed. Ab o wa si s-em-hoꞌigeꞌid g Jiosh ch ab wo wa baꞌich i em-mahkad g i wehmtadag ch s-ap tahhadkam.
30548	2PE 1:2	S-mahch am g Jiosh ch ep s-mahch g t-kownalig Jesus. K heg hekaj ab si s-em-hoꞌigeꞌid ch ab baꞌich wo i em-mahkad g s-ap tahhadkam.
30643	1JN 2:26	Am ant em-oꞌohani ab ha amjed hegam mo em-iattogid ch im hu hab i s-em-junimk ab amjed g Jesus. Kumt pi ab hu haꞌichu wo mahchim ha ab.
30715	2JN 1:3	Ab o wa si s-em-hoꞌigeꞌid g t-ohg Jiosh g e-alidag Jesus Christ wehm ch ab wo wa baꞌich i em-mah g i wehmtadag ch s-ap tahhadkam. Kumt ab wo uꞌukchid g wohokam ch wo si pihk e elidad wehs ha hekaj.
30722	2JN 1:10	Kumt heg hekaj pi ab hu wo ha kaihamad hegai mat hedai wo chum s-em-mashchamam k eda pi wo ahgachugad g Jiosh alidag mashchama. Pi g am hu wo i ha wahpkid e-kihki ed k chum hems pi hab wo chei ab ha wui. “Jiosh at wo wa em-wehmajk,”
30724	2JN 1:12	Muꞌi ani haꞌichu s-em-ahgidamk ch wabshaba pi id hekaj am i em-oꞌohani nani pi am s-himimk mant wo em-neid k wo em-wehm neo. Kutt am t-wehm si s-ap wo t-tahtkk.
30738	3JN 1:13	Muꞌi ani haꞌichu s-m-ahgidamk ch wabshaba pi id hekaj am i m-oꞌohani
30742	JUD 1:2	Ab ani tahni g Jiosh mat ab baꞌich wo i s-em-hoꞌigeꞌidad ch ab baꞌich wo i em-mahkad g s-ap dahhadkam ch pihk elidadag.
30749	JUD 1:9	Chum ash wa hems hegai anghil ha-geꞌejig mash hab chehgig Michael pi s-koꞌokam ab abchud g ge Jiawul no pi heg hab waꞌap d chum anghilkahim. Jiawul ash wa pi ap hab e wua am chum s-behimkch g Mosesbad mat am i muh. Kush ihda Michael am s-daꞌid ch wabshaba pi s-koꞌokam has ahg ch hab hi wabsh kaij, “Jiosh at wo waꞌi s-m-kehꞌel heg hekaj.”
30769	REV 1:4	Am ant wo i em-oꞌohani ahpim wewaꞌak dakam Jesus Christ ihmdam am Asia chekshani ch ed. Ab at wo wa baꞌich i s-em-hoꞌigeꞌidad ch ab baꞌich wo i em-mahkad g i wehmtadag ch s-ap tahhadkam g t-ohg Jiosh ch Hekia S-apꞌekam Gewkdag ch Jesus Christ. T-ohg Jiosh o chum hekid an haꞌichug. K g Hekia S-apꞌekam Gewkdag am wehmaj ch wewaꞌak masma e chehgidch am t-wehhejed. K g Jesus Christ si s-ap am i t-tashogid g wohokam ch d hegai mat si wehpeg ab uhpam s-ap i wuhsh ab muhkig amjed k am hahawa ha dahm g wehs kokownal id dahm jewed. Ab o si t-tatchua ch heg hekaj e muhkid t-wehhejed k t-doꞌibia ab pi ap t-chuꞌijig amjed
30797	REV 2:12	K hab ep kaij ab ni-wui, “Am g oꞌohanid g ha wanimeddam hegam mo ab si ni-hiwig ch am kihdag Pergamum t am. T id am wo ha ahgi mani hab kaij: “Id o d haꞌichu ni-ahga ahni mo g ni-is-pahyo ge aꞌaijed muꞌukasig.
30798	REV 2:13	S-mahch ani mo g Jiawul himdag si s-gewkdag amai. M eda ab wabsh kia s-ni-mahch ch e ahg. Hegai mo d Antipas ch ab si s-ni-wohokamchud at wa e muhkid amai. Kumt eda wa pi shaꞌi ni-dagito.
30831	REV 3:17	Bam chechꞌe mo am wabsh i s-em-apꞌe haꞌichu nam pi d s-kakais ch hab ep chechꞌe mam pi haꞌichu ep shaꞌi tatchua. Ni wabshaba em-ahgid mam si shoꞌig ch s-ta hoꞌigeꞌidama ch gm wabsh i s-dadpk ch pi nenea.
30958	REV 11:18	Hegam mo pi m-mahch o si s-babga. Kut e ai mapt wo ha lodai. Wehsijj g koꞌi at wo i wuwhag k wo e lodaitach. Kupt wo ha mah g ha-mahkigdag g haꞌichu i m-tashogiddam ch wehs hegam mo d m-hemajkamga ch ab s-m-wohog elid, chum as hedai d wo k. E at ai mapt gam hu hab wo i ha juh hegam mo padchud g jewed” Neh, bo kaij hegam geꞌeged.
31025	REV 16:2	Tki g wehpegkam anghil am him k am iawua an dahm g jewed hegai mo wasibch e-hoas-haꞌa ch ed. Kutki g si s-koꞌok ch s-ta ehbidama hihiwdag ha ai hegam mo ab ha ab hab chuꞌig g s-ta Ehbidamakam cheposig ch idam mat i shul ab wui g wepogidaj.
31076	REV 18:14	K hab kaij idam s-kakais ab wui hegai kihhim: “Wehs hegai map ab si tatchua at huhug. M-kaisdag ch s-m-kehgdag at im hu hab i e juh. Kupt pi dahm ep wo ha edagi.”
31170	REV 22:21	T wo wa s-em-hoꞌigeꞌel g t-kownalig Jesus k am wo em-wehmajk.