25006	LUK 1:44	Neh, am at si i banimme g ni-mad mant am i m-kah mapt ab ni-ihm. K heg hekaj am ni-chehgid g Jiosh mo ab si s-m-hoꞌigeꞌid.
25032	LUK 1:70	Kekelibad Jiosh haꞌichu i tashogiddam o heki hu am ahgachug matsh g Jiosh wo t-doꞌibia ab ha amjed g t-obga ch hegam mo s-t-kehꞌid.
26127	JHN 1:14	Hegai mo d Jiosh Neꞌoki ad e wepogi g hemajkam k woho t-wepo chuꞌig ch ia t-shahgid d doakam. D g John an aꞌaga k si s-kaidam hab kaij, “Id o d hegai mani hab ahg ch am em-ahgid mat ab hema wabsh ni-oidk wo i e maskogid k eda woho d si s-has haꞌichu nash pi chum hekid an haꞌichug.” Neh, bo kaij g John. Kuchd heg amjed s-mahch g Jesus Christ ch am hahawa s-mai moki d Jiosh alidag ch si s-hemajima ch heg waꞌi ahg wohokam ch woho ab si s-t-hoꞌigeꞌid.
26607	JHN 11:15	Ni wabshaba wabsh s-ap ni-tahtk mani pi am hu wehmaj namt pi haha wo nei mant has wo ni-juh k ab baꞌich wo i s-ni-wohoch. Tt oi wo hihim k wo nei.”
28879	2CO 1:11	Kum ahpim am i t-wehmaj am e hoꞌigeꞌidahunch t-wehhejed. T g Jiosh am hab wo juh mam haschu ab tahni k ab wo s-t-hoꞌigeꞌel. T muꞌi ab wo hoꞌigeꞌel g Jiosh t-hekaj.
28893	2CO 2:1	Am ant si i ni-oidahim k hab i ni-ah mantki pi am hu wo i em-chehgim hemu manis wo ge s-em-kehꞌel.
28934	2CO 4:7	Dach wabsh chum hemajkam. K eda g Jiosh ab t-mahkch g e-gewkdag. T hab wo s-e mahchk mo d wa Jiosh gewkdag ch am t-eda. Kuch heg hekaj hab sha masma mo g bid hahaꞌa mat hema g lai am ha eda wo toꞌakchid g s-e-kaisdag.
29126	GAL 1:2	K ia haꞌi i ni-wehmt g t-wepnag ch ab s-em-hoꞌigeꞌid.
29157	GAL 2:9	Bamki ha elid hegam James ch Peter ch John mo d ha wanimeddam. T idam am wohokamch mat g Jiosh ab ni-mah ihda chikpan k t-nowi-bebhe. Kutt am i t-apꞌech ab t-wui mat hegam am wo ahgachugad g Jiosh haꞌichu ahga Tutuligo hemajkam ha wui. Nt ahni hi g Barnabas wehm gawul mahs hemajkam ha wui wo ahgachugad.
29309	EPH 2:13	ch pi mahch ch pi edgid g chehanigaj. Kuch wa heg hekaj s-em-kehꞌid. M ahpim ab aigo hab waꞌap s-t-kehꞌid. K hegai t-kehꞌidadag hab sha masma mo g kolhai ch gam hu aꞌai t-gaꞌagwulkadch. T wabshaba g Christ s-ap am oidk hab e juh ihda chehanig k ab e muhkid kots t ab t-wehhejed k hab masma hugio g gewkdaj g chehanig. K heg pi ab hu hahawa t-chuꞌijigchud ahchim mach ab s-wohochud g Jiosh. Jesus Christ at ab i t-hemakoj e wehm. Kuch pi hahawa aꞌai s-t-kehꞌid nach pi d hahawa hemako.
29429	PHP 1:1	T-wepnag mam am kih Philippi t am: Am ant wo haꞌichu i em-oꞌohani ahni Paul g Timothy wehm. S-mahch am mach d piongaj g Jesus Christ namt pi ab i s-wohoch g haꞌichu t-ahga ab amjed k d Jiosh hemajkamga. Am ach s-ha ahgidamk g em-wanimeddam ch hegam mo am i ha wehmt mat ab wo i s-t-hoꞌigeꞌel.
29510	PHP 4:1	Pegih, ab amt i s-wohoch g haꞌichu ni-ahga ab amjed g t-kownalig Jesus. M d hahawa si ni-tatchuidch ni-wepnag. Ni heg hekaj si s-ap ni-tahtk ch chum si s-em-neidamk. S-gegokim g wo gegokkad am eda g e-wohochudadag.
29530	PHP 4:21	Ab amt wo ha ahgi g t-wehm wohochuddam mat ab wo i s-ni-hoꞌigeꞌel. Ni-wehm chikpandam iia o hab waꞌap kaij mamt ab wo i s-ha hoꞌigeꞌel.
29624	COL 4:15	Am g wo ha ahgid g t-wehm wohochuddam am Laodicea t am ch hegam mo am e-mihshmad kihj am g Nymphas mat ab wo s-t-hoꞌigeꞌel.
29663	1TH 3:6	T hemuch ia ep jiwia ab em-amjed k ia uꞌapa g s-ta hohhoꞌidam ahga ab amjed g em-wohochudadag ch pihk em-elidadag. Am o t-ahgid mam chum hekid si s-ap am t-chegito ch hab wa masma chum s-t-neidamk mach ahchim has i masma chum s-em-neidamk.
29714	1TH 5:26	Am g wo ha ahgid g t-wehm wohochuddam mat ab wo i s-t-hoꞌigeꞌel.
29744	2TH 2:16	Ab o t-wui si pihk e elid g t-kownalig Jesus Christ g Jiosh t-ohg wehm ch ab si s-t-hoꞌigeꞌel. Kuch heg hekaj ab wui t-gewpkadch.
29778	1TI 1:15	Neh, hema hab cheꞌidag o hab chuꞌig, “Ia at jiwia g t-kownalig Jesus jewed dahm mat wo ha doꞌibia g pi ap chuꞌijkam.” K id d si wohokam nat pi ab si s-ni-hoꞌigeꞌel. Ni eda shahag wepo mani wa wehs ha baꞌiwechkim d si pi ap chuꞌijkam mani wa cheggia g t-doꞌibiakam Jesus ha shoꞌigchudch hegam mo ab s-wohochud. T heg ab wabsh ni-bahbgi mat wehs am wo ha chehgi g hemajkam mat ab wabsh wo ha bahbgi. Tp hems hab waꞌap ab wo i s-wohochud k ab wo bei g pi ha huhugedam doakag.
29993	TIT 3:3	Neh, heki ach hu wa hab masmakahim mo hegam mo pi ab hu wohochud g Jiosh. Pi ach wa ab hu kaiham g Jiosh ch pi haꞌichu amichud ch hab s-junimk g pi apꞌekam ch pi aꞌamdag ch s-chu hehgamk. Haꞌi o s-t-kehꞌid. Kuch ab epai s-ha kehꞌid.
30005	TIT 3:15	Wehsijj o am i m-hoꞌigeꞌid idam t-wehm wohochuddam mo ia kih. Am g wehsijj i ha hoꞌigeꞌid g t-wehm wohochuddam amai. Jiosh at wo wa s-em-hoꞌigeꞌel.
30006	PHM 1:1	Ni-wehnag, Philemon: Ia ani kuhpi ahni Paul nani pi ahgachug g Jiosh haꞌichu ahga ab amjed g Jesus Christ. K ia ni-wehmaj g Timothy ch ab s-em-hoꞌigeꞌid. Am ant haꞌichu wo m-oꞌohani, Philemon, s-chegitokch map wa s-ap i t-wehmaj id eda chikpan.
30028	PHM 1:23	Ia o ep ni-wehm kuhpi g Epaphras ch s-m-hoꞌigeꞌid.
30029	PHM 1:24	K ia ep dadha g Mark ch Aristarcas ch Demas ch Luke ch hab waꞌap s-m-hoꞌigeꞌid.
30030	PHM 1:25	T-kownalig Jesus Christ at wo wa s-em-hoꞌigeꞌel.
30449	1PE 1:8	Pi am hi wa chum neid ch wabshaba ab si tatchua ch ab ep si s-wohochud. K id hekaj si geꞌej g s-em-hehgig. Kumt pi wo shaꞌi e nako mams wehs s-ap wo ah.
30549	2PE 1:3	Pegih, s-mahch ach g Jiosh. K heg hekaj ab t-mahkch wehs hegai mach tatchua matt hekaj s-ap wo himchudad g t-doakag ch d wo s-apꞌekamk. Ab at i t-gawulkai ab t-chehgidch g si s-tondam e-gewkdag ch s-e-apꞌekam.
30659	1JN 3:13	Pi g wo shaꞌi e totodsid mat hems g hemajkam hab wa masma wo s-em-kehꞌidad.
31031	REV 16:8	Tki amjed g giꞌikkokam anghil am iawua hegai mo wasibch an tash t an. Kut ha mehi g hemajkam g e-s-tonikaj.