23244	MAT 2:6	Do al chum kihhim g Bethlehem. Kut eda am hema wo i wuhsh mat d wo ha‑kownaligk ch wo ha wanimedad g ni‑hemajkamga.”
23271	MAT 3:10	Kumt ahpim gam hu wo s‑e ohhod hab masma mat g pi kehg bahidkam uꞌus mamtp pi gam hu wo s‑ohhod g pi ap e‑chegitoi k pi am hu hab wo junihid g s‑apꞌekam.”
23287	MAT 4:9	k ab wui hab kaij, “Wehs ant am wo m‑mah ihda maptp ab ni‑wui wo i gehsh k ab wo ni‑ihmad.”
23351	MAT 5:48	Em‑ohg Jiosh o d si hekia s‑apꞌekam. Pegih, mt ahpim hab waꞌap d wo si hekia s‑apꞌekamk.”
23427	MAT 8:13	Kush hab hahawa kaij g Jesus heg wui shondal ha‑geꞌejig, “Gamai g hihm uhpam. T heg am hab wo e juh map haschu ab ni‑tahni nap pi ab si ni‑hiwig.” Kutsh heg waꞌi ohla ab doa g piongaj.
23433	MAT 8:19	Tsh wabshaba am hema jiwia g chehanig ha mashchamdam k hab kaij, “T‑mashchamdam, ni‑nahtokch ani mant am wo m‑oi.”
23434	MAT 8:20	Sh hab kaij g Jesus ab wui, “Napt hig wo e nako? Neh, chum o hems g gagso ch uꞌuwhig ge koksh. Ni wabshaba ahni Jiosh si Kehsha pi shaꞌi ha kih ia jewed dahm. K heg hekaj s‑hasig maps am wo ni‑oi.”
23435	MAT 8:21	Sh hema hab kaij hegam mash ab wecho e mashcham, “S‑apꞌekam ni‑kownalig, chum ani hi wa am i s‑m‑oidamk idani. T wabshaba hoꞌipki hekid muh g ni‑ohg. Nt wo hiashpok haha wo m‑oi.”
23436	MAT 8:22	Sh hab kaij g Jesus, “Am g ha hiwgid hegam mo pi uꞌukch g wechij doakag mat wo ha hiash g koꞌi. Pt ahpi hi ab wo i him k wo ni‑wehmajk.”
23439	MAT 8:25	Kutsh am wui hihim k am wuhan k hab kaij, “T‑kownalig, t‑doꞌibiani. Ttki wo t‑koꞌij.”
23440	MAT 8:26	Sh hab kaij g Jesus ab ha wui, “Shahchu amt ahgk si e totods. Pi amki ab hu si ni‑hiwig.” Bash kaij ch am wamig k ab si chehani g hewel ch shuhdagi toꞌotonk mat wo dodolimat. Kutsh gam hu wabsh i pi shahm.
23450	MAT 9:2	Tsh am haꞌi dada hema woꞌichugch wahkus ch ed nash pi ab wabsh i s‑moik ch pi himid. Sh am neid g Jesus mo ab si hiwig idam mat am wui uꞌapa ch hab kaij ab wui g mumkudam, “Am g si e gewkaj, ni‑nawoj. Gm ant hu hab i juh g pi ap m‑chuꞌijig.”
23476	MAT 9:28	Kuchd ged hu i wahp kih ch ed. D idam gohk pi neneadam am dada wui g Jesus. Kud heg ab ha kakke ch hab kaij, “Nam s‑wohochud mant wo ni‑nako mant wo em‑nench?” D hab kaij idam, “Heuꞌu, ab ach si m‑hiwig, s‑apꞌekam t‑kownalig.”
23477	MAT 9:29	Kud g Jesus ab ha taht g ha‑wuhpui k hab kaij, “Am at hab wo e juh mam has i masma ab s‑wohochud.”
23481	MAT 9:33	Kud ha hekaj wabsh neo ihda oꞌodham. D wehsijj si e todsid k hab kaij, “Pi ach hekid haꞌichu hab shaꞌi masma neid am t‑shahgid.”
23534	MAT 11:6	T g Jiosh ab wo s‑em‑hoꞌigeꞌidad mamtp hedai ab wabsh wo ni‑hiwgad.”
23553	MAT 11:25	D g Jesus am hahawa e hoꞌigeꞌidahun k hab kaij, “Ni‑ohg Jiosh, dap kownal wehs haꞌichu dahm. K hab d m‑elida mat pi hedai wo e nako mas hejel wo s‑amich g haꞌichu m‑ahga. E o ehstokch am ha wehhejed g s‑chu aꞌamichuddam ch haꞌichu s‑mahchim. Kup wabshaba am ha chehgid idam mo haꞌichu s‑mahchimk hab masma mo g aꞌal. Ni heg hekaj ab si m‑hoꞌigeꞌid.”
23571	MAT 12:13	Neh, bad kaij ch hab hahawa ahg g mahnikokam, “Ab g si i shelin g e‑nowi.” Kud am wabsh i chum shelin k am waꞌi hekaj apꞌet.
23594	MAT 12:36	“Id ant hab wo chei mat hemho wa wehs haꞌichu am wo mahsko e wua lodaita tash ch ed mam haschu has i kaij id dahm jewed. Jiosh at wo hekaj g hejel em‑neꞌoki mat wo em‑lodai, chum hems g s‑pehegi em‑neꞌoki.”
23603	MAT 12:45	T am haha wo him k wewaꞌak ep wo ha uꞌapa g jijawul. T idam baꞌich wo i pi apꞌek ch am wehmaj wo i chiwia. T ihda oꞌodham baꞌich wo i pi apꞌek mo wa ga hu i heki hu. Neh, bat wa masma hab wo e juh hegam mat pi gam hu wo s‑ohhod g pi ap e‑chegitoi.”
23608	MAT 12:50	Hegam mat hab wo junihid g ni‑ohg Jiosh tatchui o hab masma mo d ni‑wepnag ch ni‑jeꞌe.”
23616	MAT 13:8	T wabshaba hegam mat an s‑ap shul moihuna ch ed an wuhshani k muꞌi ab kait. Haꞌi at siant ab kait ch haꞌi chuhdpo wehst‑mahm ch haꞌi waikko wehst‑mahm.”
23638	MAT 13:30	Am g wabsh wo hiwgid mat am e wehm wo wuwha. T ab wo e ai mat wo e hih. Kunt hab haha wo ha ahgi g hihkdam mat g shaꞌi wehpeg am wo ha huhpsh k am wo i hemapad k ged hu wo mehid k am haha wo i hemapai g pilkani k ged hu wo i baꞌiha.’ Neh, bo kaij g ha‑ahmo.”
23653	MAT 13:45	Kud hab ep kaij g Jesus, “Bamt masma wo s‑behim g Jiosh kownaltalig mat g s‑namkig hohodai nolawtdam wo s‑behim hegai mat wehs ha baꞌich wo i s‑kehgajk. Heg at wehs wo gagda g haꞌichu e‑eniga mat wo e nakog k wo ha nolawt hegai s‑namkigchu.”
23696	MAT 14:30	D wabshaba am wabsh si s‑gewkam hewed. D g Peter si s‑ehbenid k gam hu wabsh i wachumkahi shuhdagi ch ed k ab si e shoꞌigchud k hab kaij, “Ni‑kownalig, ni‑doꞌibiani.”
23697	MAT 14:31	D ha hekaj am i wuhshad g Jesus k hab kaij ab wui, “Pi apki ab hu si ni‑hiwig.”
23704	MAT 15:2	“K haschu ahgch g m‑pionag pi ab hu wohog elid g haꞌichu ha‑mashchamadag g kekelibad? Neh, e o gegosid pi am hu t‑himdag oidch ha wapkonk g e‑nohnhoi.”
23711	MAT 15:9	Pi o shaꞌi wohom ab has ni‑elid no pi wabsh g hemajkam ha‑chehanig ha mashcham hab chum masma mo d ni‑chehanig.”
23713	MAT 15:11	Pi at im hu hab wo i em‑juh g Jiosh heg hekaj mamt haschu wo huh k wabshaba im hu hab wo i em‑juh heg hekaj pi kehg em‑chegitoidag.”
23727	MAT 15:25	D ab ha hekaj i gei wecho ihda uwi k hab kaij, “Am g hig i ni‑wehmt.”
23729	MAT 15:27	D hab kaij hegai uwi, “Woho o wa. T wabshaba chum hems g gogogs am wo huh g aꞌal ha‑haꞌichu hugi hahainig. Kunt ahni hab wa masma wo si s‑ap ni‑taht mapt id am hab wo al i ni‑juni.”
23730	MAT 15:28	D hab hahawa kaij g Jesus ab wui, “Neh, m‑neꞌoki o am chehgid map ab si ni‑hiwig. T heg hekaj am hab wo e juh ihda map ab ni‑tahni.” Kutsh am waꞌi hekaj doa hegai chehiagaj.
23752	MAT 16:11	Pegih, mt wo chum s‑mahchk mani pi wabsh g haꞌichu hugi hab ahg ch hab kaij mamt wo s‑e nenꞌoidad ab amjed g Palasi ch Sajusi ha‑jewajidakud.”
23760	MAT 16:19	Kunt ab wo m‑mah g gewkdag mapt wo s‑mahch k ah g Jiosh haꞌichu ahga k hab wo yahwitpiꞌo g apꞌedag am ha wehhejed hegam mat ab wo s‑wohoch. Ab ant wo m‑mah g gewkdag mapt hab wo ah mo haschu shohbidas ch haschu hiwgidas am ha wehhejed hegam mat ab wo ni‑hiwgad.”
23763	MAT 16:22	D g Peter im hu goꞌolko i be k ab si s‑gewkam neok wui hab kaijch, “Pi at woho wo shaꞌi hiwigi g Jiosh mamt hab wo m‑juh.”
23769	MAT 16:28	Nt wo si shel em‑ahgi mamt haꞌijj an d wabsh wo kia dodakamk ch wo nei mant s‑gewkam am wo chehgi g ni‑kownaltalig em‑shahgid.”
23786	MAT 17:17	D hab kaij g Jesus ab t‑wui, “Shoꞌo waꞌi pi geꞌej g em‑wohochudadag. M im hu hab wabsh i si e Juhkch ab ni‑amjed. Shahag wepo mant tash ia wo em‑wehmajkad ch wo em‑nakogad mat haha wo i geꞌeda.” Bad kaij g Jesus ch hab hahawa ahg hegai oꞌodham, “Ab g i bekaꞌi g e‑alidag.”
23838	MAT 19:7	D hab kaij g Palasi ab wui, “K wabshaba an oꞌohanas t‑chehanig ed matsh g oꞌodham wo mah g e‑hohnig g ohhoda tapial k wo s‑ohhod.”
23882	MAT 20:21	D hab kaij g Jesus, “Shahchu ap tatchua?” D hab kaij ihda, “Pt hig wo i ha chuhcha idam gohk ni‑mahmad mat am m‑oidch d wo hahaꞌichuk mapt hekid am wo i himch g e‑kownaltalig.”
23883	MAT 20:22	D hab kaij g Jesus ab ha wui, “Pi am shaꞌi ap mahch mam haschu ab ni‑tahni. Wehpeg ant ab wo nako g geꞌe shoꞌigdag. Kut hegam mat am ni‑oidch d wo si hahaꞌichuk hab waꞌap wo e juh.” D hab kaij idam, “Pegih, tt wo t‑nako.”
23894	MAT 20:33	D hab kaij idam, “Si g s‑t‑hoꞌigeꞌid k ab i t‑nenchud.”
23898	MAT 21:3	Kumt ab wo em‑kakke mams has wo juh. Kumt hab wo ha ah mani ahni d em‑mashchamdam ch tatchua. Kut ab wabsh wo i ha dagito mamt ab wo i ha wanim ni‑wui.” Neh, bad kaij g Jesus.
23918	MAT 21:23	Kuchd ged hu uhpam dada mo am kehk g geꞌe cheopi. D g Jesus am ha mashcham g hemajkam. D am haꞌi dada g uꞌugchu papal ch geꞌeged k ab kakke ch hab kaij, “Dohp amjed hab chum e elid map an uꞌukch g e‑gewkdag ch am hab haꞌichu wua? Oi g am t‑ahgid.”
23922	MAT 21:27	Neh, bad kaij ch ab hahawa uhpam i e nohnogi Jesus wui k hab kaij, “Pi ach shaꞌi mahch mas hedai amjed ab uꞌukch g e‑gewkdag.” D g Jesus hab epai kaij, “Pegih, nt ahni hab waꞌap pi wo shaꞌi em‑ahgi mani hedai amjed uꞌukch g ni‑gewkdag ch hab wua wehs ihda.”
23962	MAT 22:21	D hab kaij idam, “Hegai mo d uhgchu t‑kownalig.” D hab hahawa ep kaij g Jesus ab ha wui, “Pegih, ab g wo i dagito kownal wui hegai matp d enigaj k am epai wo i dagito Jiosh wui mo haschu d epai enigaj.”
23973	MAT 22:32	Ahni ani d ha‑Jioshga hegam Abraham ch Isaac ch Jacob. Neh, id o hab kaij g Jiosh, chum as heki hu koi, no pi am e wehm ha nuhkud ch ab uhpam wo i ha wuwhas muhkig amjed. Pi amt woho wo i huhug am i koꞌok matp g Jiosh d em‑Jioshga.”
24125	MAT 26:2	“S‑mahch am mo gohk tash am wiꞌis matt wo wuhshad mat g Jiosh ha doꞌibia g t‑shohshonbad. Kutki hab wo e juh mat an wo ni‑bei hegam mo ab ni‑wui gegok k ab wo ni‑naggia kots t ab mat wo ni‑mua.” Neh, heg o hab waꞌi kaij.
24128	MAT 26:5	ash am wabsh aꞌai e ahgid, “Hi wa pi am hu heg eda mat ia wo e hemapadch g hemajkam id hekaj piast. T wo am hu e babgachud k wo t‑cheggia.”
24145	MAT 26:22	Kuchd si pi ap t‑taht k gan hu hab i cheꞌiatahi, “Ih, hi wa pi ahni, ni‑kownalig.”
24149	MAT 26:26	Chd am wabsh kia t‑gegosid. D g Jesus am bei g chemait k ab hoꞌigeꞌel g Jiosh k am hahawa i hahain k ab t‑mah k hab kaij, “Oi g wo huhgi ihda. Do ni‑honshpadag.”
24155	MAT 26:32	Kunt wabshaba ep wo ni‑chegito k gam hu wo hih Galilee wui. Mt ab haꞌab wo ni‑nei.” Neh, bad kaij g Jesus.
24157	MAT 26:34	D hab kaij g Jesus ab wui, “Nt wo si shel m‑ahgi mat koi wo kuhu g keli chuchul id i chuhug ab. Kupt waikko hab wo waꞌi chei map pi shaꞌi ni‑mahch.”
24158	MAT 26:35	D hab kaij g Peter, “Pi ant hekid hab wo shaꞌi chei manis pi m‑mahch, chum anis wo ni‑muhkid m‑wehm.” Kuchd wehsijj hab waꞌap kaij.
24159	MAT 26:36	Kuchd ged hu dada heg ab oidag mo hab e aꞌaga Gethsemane. D pi am hu t‑wehmaj g Judas Iscariot. D hab kaij g Jesus ab t‑wui, “Ia g hu wo i dadhak. Nt ahni am baꞌich wo i him k wo ni‑hoꞌigeꞌidahu.”
24169	MAT 26:46	Oi g wo wahpamigi. Tt wo hihi. Neh, ia at hu jiwia hegai mat ni‑gagda.”
24197	MAT 26:74	Tsh g Peter am ha hekaj si ha ahgi, “Pi ani shaꞌi mahch ihda oꞌodham mam an aꞌaga. T g Jiosh wo si ni‑jehkaꞌich mantp em‑iattogid.” Tsh am hahawa hema si kuhu g keli chuchul.
24198	MAT 26:75	Tsh am ha hekaj i chegito g Peter mo wa g Jesus ab wui hab kaij, “Pi at koi wo kuhu g keli chuchul. Kupt waikko hab wo waꞌi chei map pi shaꞌi ni‑mahch.” Tsh gam hu wuhsh g Peter k si pi ap e tahtk ch shoak.
24202	MAT 27:4	k hab kaij, “Tki wo e muhkid hegai mo pi ha chuꞌijig. K d ni‑chuꞌijig nant pi ab em‑wui gagda.” Sh hab kaij hegam hahaꞌichu, “Pi ach has shaꞌi elid hegai. Heg o ahpi ab m‑ab.”
24222	MAT 27:24	Tsh am i nei g Pilate matki heki hu i babgat g hemajkam k am hu wo e cheggia. Tsh am ge was g shuhdagi k am hemajkam ha tahgio i ha wapko g e‑nohnhoi k hab kaij ab ha wui, “Pi o haꞌichu d shaꞌi ni‑chuꞌijig matp wo e muhkid ihda oꞌodham. Ahpim o d em‑chuꞌijig.”
24235	MAT 27:37	Kumtsh an oꞌoha mam haschu ab abchud k ab sihsh kots t ab ab dahm mo ab i moꞌokch g Jesus. Sh hab chuꞌig, “Id o d Jesus ch d Tutuligo ha‑kownalig.”
24274	MAT 28:10	Sh hab kaij ab ha wui, “Pi g am wo ni‑ehbenid. Am g wo hihim k wo ha ahgi g ni‑wepnag mat am wo hihi Galilee wui k am haꞌab wo ni‑nei.”
24278	MAT 28:14	Kutp wo sha kah g kownal mam has i kaij, tt wo wa em‑doꞌibia.”
24288	MRK 1:4	Kutsh wa woho am hab e juh. M atsh hema i wuhshad g Jiosh g oꞌodham. K id hab chehgig John ch am i e chehgi Judea chekshani ch ed miabidch hegai akimel mo hab chehgig Jordan. Ab ash e enigadadch g John g ka‑mihyo wopo ikuskaj ch ge hogi giwud ch heg waꞌi hekaj e gegosid kohktpul ch sitꞌol. Kush muꞌi hemajkam am wui hihim heg amjed chekshani chum hems ab Jerusalem kihhim t amjed. Sh g John am amog ch hab ha ahg, “Mamt gam hu wo s‑ohhod g pi ap e‑chegitoi k wo e pahl wapko. T g Jiosh ab wo i s‑em‑hoꞌigeꞌid k gam hu hab wo i juh g pi ap em‑chuꞌijig.” Neh, bash kaij g John ch am ep ha pahl wapkon akimel ch ed hegam mash ab wui hihimad ch am ahg g pi ap e‑chuꞌijig.
24292	MRK 1:8	Ahni ani hi wabsh em‑pahl wapkon. Tsh wabshaba heg ab wo em‑mah g Hekia S‑apꞌekam Gewkdag matsh heg chum hekid wo em‑wehmajk.”
24321	MRK 1:37	k am hebai chehg k am ahgid, “Muꞌi hemajkam o an m‑gahg.”
24325	MRK 1:41	Kutsh ab si i s‑hoꞌigeꞌid k ab taht k hab ahg, “Mant hab wo wa m‑juni.”
24334	MRK 2:5	Kutsh g Jesus am i nei g ha‑wohochudadag k hab kaij heg wui pi himidkam, “Ni‑nawoj, ab ani s‑m‑hoꞌigeꞌid ch gm hu hab i juh g pi ap m‑chuꞌijig.”
24336	MRK 2:7	“Ih, pi oki ap neok hab masma e wepogidch g Jiosh. Heg at waꞌi Jiosh wo e nako mat gam hu hab wo i juh g pi ap ha‑chuꞌijig.”
24362	MRK 3:5	nash pi pi shaꞌi pihk e elid heg wui mahnikokam. Sh heg hekaj si s‑koꞌokam an i ha nenashad g Jesus ch eda ep pi ap e tahtk ha wehhejed ch ash hab kaij heg wui oꞌodham, “Ab g si i shelin g e‑nowi.” Kutsh am wabsh i chum shelin k am waꞌi hekaj apꞌet.
24388	MRK 3:31	Kutsh am hahawa dada g jeꞌej ch wepngaj g Jesus matsh wo nei. Sh wabshaba muꞌijj an wehgaj dadha g Jesus. Sh heg hekaj gam hu wabsh gegok jeg ed ch am chum waid. Kumsh am ahgid, “Nehꞌe, m‑jeꞌe ch m‑wepnag o am gegok jeg ed ch ab m‑waid.”
24392	MRK 3:35	Hegam mat hab wo junihid g Jiosh tatchui o hab a masma mo d ni‑wepnag ch ni‑jeꞌe.”
24432	MRK 4:40	Sh hab hahawa kaij ab ha wui, “Pi g am wo haꞌichu ehbidad ch ab wabsh wo ni‑hiwgad.”
24440	MRK 5:7	k am si s‑kaidam neok k hab ahg, “Ni‑dagitoni, ahpi alidaj g si Jiosh. Bani m‑ahgid ab si ihmch g Jiosh mapt pi ia hu wo ni‑hudawogad.”
24450	MRK 5:17	Kutsh ab wabsh si s‑bahbagi i ahgi g Jesus g hemajkam, “Mapt gam hig wo i e mehkod ab t‑amjed.”
24451	MRK 5:18	Kush g Jesus an cheshajhim wahlko ch ed. Tsh ihda oꞌodham mash g jijawul uꞌukch ab chum ahgi, “Nt wo m‑oi.”
24461	MRK 5:28	hab e ahgch, “Chum anis hems an wabsh wo taht g wehschugaj, t wo ni‑apꞌet.”
24467	MRK 5:34	Sh hab kaij g Jesus, “Pegih, ni‑uwiga, am apt wa doa nap pi ab si ni‑hiwig. Gam g s‑ap e‑taht k hihm k am wabsh s‑doakad.”
24469	MRK 5:36	Kush wabshaba hab kaij g Jesus ab Jairus wui, “Pi g am shaꞌi has e tahtkkad ch am wabsh i ni‑hiwgad.”
24498	MRK 6:22	Tsh am i wah g uwi madaj g Herodias k am e waila. Kush wehsijj s‑hohhoꞌid. Sh g Herod hab ahg, “Maptp haschu hab wo i elidad ch ab wo i ni‑tai, nt hab wo m‑juni.” Sh pi has shaꞌi kaij ihda uwi.
24499	MRK 6:23	Kush hab hahawa ep si kaij, “Maptp haschu ab wo i ni‑tai, nt wo m‑mah, chum as hems eda hugkam g ni‑kownaltalig.”
24507	MRK 6:31	Sh eda iaꞌi idani muꞌi am daiw g hemajkam. Tsh pi am hu shaꞌi ha apkot mas wo e gegos idam Jesus. Sh hab ha ahg g Jesus, “Am att hig wo t‑hejelkod k wo shaꞌi t‑uhꞌulinihogi.”
24537	MRK 7:5	Kush heg hekaj idam Palasi ch chehanig ha mashchamdam ab kakke g Jesus, “K haschu ahgch pi ab hu wohog elid g haꞌichu ha‑mashchamadag g kekelibad idam mo ab si m‑wecho e mashcham? Neh, e o gegosid pi am hu t‑himdag oidch ha wapkonk g e‑nohnhoi.”
24546	MRK 7:14	Kutsh am hahawa ep ha wai g hemajkam k hab kaij am ha wui, “Ab g wo i ni‑kaiham wehsijj ahpim k wo s‑amich ihda. (15) Pi at im hu hab wo shaꞌi em‑juh g Jiosh heg hekaj mamt haschu wo huh k wabshaba im hu hab wo i em‑juh heg hekaj pi kehg em‑chegitoidag.”
24560	MRK 7:28	Kush hab kaij ihda uwi, “Woho o wa. T wabshaba chum hems g gogogs am wo wa huh g aꞌal ha‑haꞌichu hugi hahainig mat ab wo i shul mihsa wecho. Kunt ahni hab wa masma wo si s‑ap ni‑taht mapt id am hab wo al i ni‑juni.”
24561	MRK 7:29	Sh hab hahawa kaij g Jesus ab wui, “M‑neꞌoki o am chehgid map ab si ni‑hiwig. Nt heg hekaj gam hu hab wo i juh g jiawul ab amjed g m‑chehiaga.”
24626	MRK 9:19	Sh hab kaij g Jesus am ha wui, “Shoꞌo waꞌi pi geꞌej g em‑wohochudadag. Shahag wepo mant tash ia wo em‑wehmajkad ch ab wo em‑nakogad mat hekaj wo i geꞌeda.” Sh hab hahawa kaij heg wui oꞌodham, “Ab g i bekaꞌi ni‑wui.”
24630	MRK 9:23	Sh g Jesus hab kaij, “Maptp ahpi wo e nako k ab wo i ni‑hiw. Pi o haꞌichu shaꞌi wihnk am ni‑wehhejed maptp ab wo ni‑hiwgad.”
24631	MRK 9:24	Kush hab kaij g ohgaj, “M ani wa heꞌes ab chum m‑hiwig. Oi g i ni‑wehmt. Nt baꞌich ab wo i m‑hiwgad.”
24642	MRK 9:35	Kutsh am i dahiwua g Jesus k ab i ha wai. Tsh am i e hemapai wui. Kush hab ha ahg, “Pi g wo chum ge e haꞌichuchudad mamtp hedai d wo uhgchuk am e‑shahgid ch wabshaba hab wo e junihid mamt wehs d wo ha‑pionagk.”
24648	MRK 9:41	Nt wo si shel em‑ahgi matp hedai wo i em‑wasibi g shuhdagi ahpim mam ab si ni‑wecho e mashcham k wo bei g s‑apꞌekam e‑namkidadag.”
24661	MRK 10:4	Kush hab kaij g Palasi, “Heuꞌu, hiwgid o mat g oꞌodham wo bei g tapial k wo ha mah k gam hu wo s‑ohhod.”
24676	MRK 10:19	S‑mahch ap g Jiosh chehanig. K hab chuꞌig: Pi g am hu ha muaꞌi g oꞌodham. Pi g am hu ha ehsidad g ha‑wehm kihkam. Pi g am hu haꞌichu ha ehsidad. Pi g am hu haꞌichu ha iattogidad. Ab g si has ha elidad g e‑ohg ch e‑jeꞌe.”
24685	MRK 10:28	Kutsh g Peter hab ha hekaj chei, “Nehꞌe, ahchim att hi wehs haꞌichu dagito k am i m‑oi.”
24691	MRK 10:34	Kut hegam wo nahnko ni‑ahgad ch ab ni‑ab wo siswuad ch ep wo ni‑gewittan k haha wo ni‑mua. Kut d wo waik i tashk, nt ep wo ni‑chegito.” Neh, bash kaij g Jesus.
24692	MRK 10:35	Tsh amjed ab wui dada g James ch John k hab kaij, “T‑mashchamdam, am ach haꞌichu chum s‑m‑kakkeimk mapt am hab wo t‑juni.”
24694	MRK 10:37	Sh hab kaij, “Pt hig am wo i t‑chuhcha matt ahchim gohk am m‑oidch d wo hahaꞌichuk mapt hekid am wo i himch g e‑kownaltalig.”
24696	MRK 10:39	Sh hab kaij, “Pegih, tt wo t‑nako.” Kush g Jesus hab kaij, “Pegih, woho am t wo nako hegai mant ahni wo nako.
24706	MRK 10:49	Kutsh am i kekiwua g Jesus k hab kaij, “Ab g wo i waid!” Kumtsh am ha hekaj wai hab ahgch, “S‑ap g e tahtam k i wuhshani. Ab o m‑waid.”
24709	MRK 10:52	Kush hab kaij g Jesus, “S‑ap g e tahtk k hihm. Doa apt nap pi ab ni‑hiwig.” Tsh am ha hekaj wabsh i apꞌet k nei haꞌichu k gam hu hahawa i oi g Jesus.
24737	MRK 11:28	k ab kakke, “Dohp amjed hab chum e elid map uꞌukch g e‑gewkdag ch am hab haꞌichu wua? Oi g am t‑ahgid.”