23443	MAT 8:29	Tsh idam an ha nam k si s‑kaidam hab kaij ab Jesus wui, “Shahchu apt ahgk ab t‑wui i hih, ahpi Jiosh alidag. Napt wo s‑koꞌokam t‑namkid mat wa chum koi e ai g tash?” Bash kaij nash pi g Jesus s‑ha wuwhasidamk g jijawul.
23462	MAT 9:14	D am haꞌi dada hegam mo ab si wecho e mashcham hegai John mo wa ha pahl wapkon k ab kakke g Jesus ch hab kaij, “Neh, muꞌikko ach pi t‑gegosid hab ahgch matt wo t‑hoꞌigeꞌidahu. K hegam Palasi hab waꞌap e wua. K eda haschu ahgch idam pi hab masma hab e wua mo ab si m‑wecho e mashcham?”
23568	MAT 12:10	D am hema daha g oꞌodham mad g nowij mahnikodag. D am haꞌi g oꞌodham ab haꞌichu s‑abchudamk g Jesus ch ab kakke, “No hiwgidas am t‑chehanig ed mamt wo ha doaj mihshmda tash ed?”
23659	MAT 13:51	D g Jesus ab hahawa t‑kakke, “Namt am wa s‑amich wehs ihda?” Kuchd hab kaij, “Heuꞌu.”
23714	MAT 15:12	Kuchd am dada wui ahchim k hab kaij, “Nap s‑mahch mat si e taht g Palasi heg hekaj map hab kaij?”
23735	MAT 15:33	Kuchd hab kaij ab wui, “Kuchs hebai hig wo ui g haꞌichu hugi id eda tohono jewed matt hekaj wo ha gegos g haꞌakia hemajkam?”
23736	MAT 15:34	D hab kaij g Jesus, “Heꞌekia at am i wih g sismito?” Chd hab kaij, “Al wewaꞌak sismito ch al heꞌekia chuꞌuchum waptopi.”
23754	MAT 16:13	Kuchd gam hu hahawa hihim k am i miabi g Cesaria Philippi kihhim. D g Jesus ab t‑kakke ch hab kaij, “Am g wo ni‑ahgid Dohꞌo ni‑elid g hemajkam?”
23779	MAT 17:10	Kush hab kaij idam ab wui g Jesus, “Neh, bo chechꞌe hegam chehanig t‑mashchamdam matsh ia wehpeg wo e maskogi g Elijabad. Tsh g Jiosh si Kehsha ia haha wo e maskogi. Pegih, t haschu ahgk pi ia wehpeg m‑baꞌich e maskogi hegai Elijabad?”
23794	MAT 17:25	D hab kaij g Peter, “Hemho wa,” K amjed ged hu i wah kih ch ed. D g Jesus ab ha hekaj kakke ch hab kaij, “Simon Peter, nap hab elid mat g kokownal ab wo haꞌichu ha kowlant hegam mo d ha wehm kihkam?”
23797	MAT 18:1	Kuchd ab kakke g Jesus ch hab kaij, “Doht d wo si s‑has haꞌichuk am Jiosh kownaltalig ed?”
23847	MAT 19:16	D am hu hebai am hema jiwia g wechij oꞌodham Jesus wui k hab kaij, “Ha mashchamdam, shahchu ant am hab wo juh g s‑apꞌekam mant ab wo bei g pi ha huhugedam doakag?”
23849	MAT 19:18	D hab kaij g oꞌodham, “Hedai hegam chehanig?” D hab ep kaij g Jesus, “Idam mo hab chuꞌig: Pi g am hu ha muaꞌi g oꞌodham. Pi g am hu ha ehsidad g ha‑wehm kihkam. Pi g am hu haꞌichu ha ehsidad. Pi g am hu haꞌichu ha iattogidad.
23851	MAT 19:20	D hab kaij g oꞌodham, “Wehs ani am hab wa chum ha junihim idam chehanig. Shahchu ant hab ep wo juh?”
23858	MAT 19:27	D g Peter hab kaij, “Nehꞌe, ahchim att wehs haꞌichu dagito k am i m‑oi. Tt haschu ab wo bei heg hekaj?”
23882	MAT 20:21	D hab kaij g Jesus, “Shahchu ap tatchua?” D hab kaij ihda, “Pt hig wo i ha chuhcha idam gohk ni‑mahmad mat am m‑oidch d wo hahaꞌichuk mapt hekid am wo i himch g e‑kownaltalig.”
23905	MAT 21:10	Kuchd am i dada Jerusalem kihhim t am. D muꞌijj am wabsh i pi amich mo haschu has e wua k hab kaij, “Dohꞌo wud hegai?”
23911	MAT 21:16	k hab kaij ab Jesus wui, “Shahchu ap ahgch pi ha shohbid? Aha nap pi has shaꞌi elid mo has i kaij?” D hab kaij g Jesus, “Am o wa s‑apꞌe. Jiosh at hab masma ha nahto g aꞌal mat si s‑ap ab wo hehgchulidad mo hab masma an hab chuꞌig Jiosh heki hu oꞌohana ed.” Neh, bad kaij g Jesus
23920	MAT 21:25	Am g hig wo ni‑ahgid mams hedai amjed hab elid mo wa g Johnbad ab uꞌukch g e‑gewkdag ch ha pahl wapkonahim. No ab Jiosh amjed aha no ab oꞌodham amjed?” D idam am wabsh chum hejel si aꞌaga ch hab kaij, “Shahtt hig wo chei? T wo s‑t‑kehꞌid k ab wo t‑kakke matt haschu ahgk pi ab hu wohoch g Johnbad mattp hab wo chei mo ab Jiosh amjed uꞌukch g gewkdag.
23935	MAT 21:40	“Pegih neh, shaht hig wo ha juh idam g enigakam hekid i jiwiak?”
23961	MAT 22:20	D hab ha ahg, “Am g hig wo ni‑ahgid mo hedai wuhiosha ch hedai chehgig ab oꞌohadag id ab lial?”
23977	MAT 22:36	ch hab kaij, “Ha mashchamdam, shahchu o d si baꞌiwechkim geꞌe chehanigaj g Jiosh?”
23983	MAT 22:42	“Am g wo ni‑ahgid mam hedai hab elid mat g Jiosh si Kehsha ab d wo amjedkamk?” D hab kaij hegam, “Heg atsh d wo amjedkamk t‑kownaligbad mash hab chehgig David.”
23986	MAT 22:45	Neh, namt hig s‑ap wo ah mat has masma d wo Davidbad amjedkamk ihda mash d geꞌe kownaligaj?”
24138	MAT 26:15	ash hab kaij, “Heꞌekia amt wo i ni‑namkid mant an wo em‑behi g Jesus?” Kutsh am chehgid k kuint g waikko wehst‑mahm plahda pihsh matsh id wo mah.
24186	MAT 26:63	Kush wabshaba g Jesus pi has shaꞌi kaij. Tsh am ep neo g uhgchu pahl k hab kaij ab wui, “Am g t‑ahgid g wohokam am tahgio g Jiosh. Nap hab e elid map ahpi d Jiosh alidag matp am t‑dahm wo i e kei?”
24189	MAT 26:66	Shahm i elid?” Kush hab kaij g e jehnigiddam, “Ab at moht g chuꞌijig am hugkam mat hemho wa wo e muhkid.”
24209	MAT 27:11	Sh eda am kehk g Jesus kownal wui. Sh hegam mo s‑muꞌamk ab abchud mo chum e kownalchud. Sh g kownal ab kakke, “No wa woho mapsh hab chum e elid map d ha‑kownalig idam Tutuligo?” Sh hab kaij g Jesus, “Dani ahni.”
24211	MAT 27:13	Sh hekaj hab kaij g Pilate ab wui, “Neh, muꞌi haꞌichu o ab m‑abchud. Napt pi ab hu wo ha kaiha?”
24221	MAT 27:23	Kutsh hab chum chei g Pilate, “Haschu ahg? Shahchu at hig pi ap has juh?” Kutsh oi wa wabsh baꞌich i si s‑kaidam hab ge kaij muꞌikko, “Muꞌani! Muꞌani ab kots t ab!”
24347	MRK 2:18	Hebaichuj ach heꞌekkio pi t‑gegosid matt ab wo t‑hoꞌigeꞌidahu Jiosh wui. Kutsh am hu hebai am i e ai matsh hab wo chum e juh. Sh eda idam Jesus pi hab e wua. Kumsh hab kaij ab wui g Jesus, “Hemu o heꞌekkio pi e gegosid hegam mo g Palasi ha mashcham ch hegam mo g John ha mashcham. K eda haschu ahgch idam pi hab masma hab e wua mo ab si m‑wecho e mashcham?”
24353	MRK 2:24	Kush haꞌi hegam Palasi ab ha neid ch ab kakke g Jesus, “Shahchu o ahgch hab haꞌichu junihim mo pi hab shaꞌi chum mahs t‑mihshmda tash ed?”
24361	MRK 3:4	Sh ab hahawa ha kakke, “Shahchu am ahgch hab elid mo pi hiwgidas mihshmda tash ed mamt wo i ha wehmt hegam mo e shoꞌigchud? Ab o em‑ab mamt wo i ha wehmt g shoꞌigkam k am wo i e nako mamt wo ha doꞌibia hegam mat am hu wo e koꞌij. Aha namt wabsh wo ha hiwigi mat wo e koꞌij?” Kush pi hedai has shaꞌi kaij
24402	MRK 4:10	Neh, bash kaij g Jesus ch amjed am hahawa i e hejelkai. Kutsh ab wui i hihi g chuhchaij haꞌi ep ha wehm k ab kakke, “A tt has masma wo s‑ha amich g haꞌichu wepogida ahga?”
24442	MRK 5:9	Sh g Jesus ab hahawa kakke, “Shahp chehgig?” Sh hab kaij hegai oꞌodham, “Bani chehgig ‘Muꞌichu’ nach pi muꞌij,”
24468	MRK 5:35	Kush am wabsh kia neok. Tsh am haꞌi dada ab kihj amjed hegai Jairus k hab kaij, “Muh at g m‑chehiaga. Kupt haschu hig ahgk am baꞌich wo i kudu g ha mashchamdam?”
24479	MRK 6:3	No hig pi woho d wabsh hegai huk chikpandam mo d madaj g Mary ch d ha‑wehnag g James ch Joses ch Judas k ch Simon? No hig pi woho g uꞌuwi wepngaj ia kih?” Neh, bash kaij ch wabsh pi haꞌichuchud.
24500	MRK 6:24	Kutsh am hahawa him k am kakke g e‑jeꞌe, “Shahchu ant wo tai?” Sh hab kaij g jeꞌej, “John moꞌo apt wo tai”
24573	MRK 8:4	Sh hegam ab i kakke, “Kuchs hebai hig wo ui g haꞌichu hugi mat wehs wo ha aꞌahe idam?”
24574	MRK 8:5	Sh ab ep ha kakke, “Heꞌekia at am i wih g sismito?” Sh hab kaij, “Wewaꞌak”
24588	MRK 8:19	mamt heꞌekia i hoha shuhshud k ui g wihpiꞌidaj?” Kush hab kaij, “Gamai gohk.”
24589	MRK 8:20	Sh hab ep kaij g Jesus, “Kumt heꞌekia i hoha shuhshud k ui g wihpiꞌidaj mant al wewaꞌak sismitokaj am ha gegos hegam giꞌik mihl chechoj ch muꞌi ehp?” Sh hab kaij, “Wewaꞌak.”
24592	MRK 8:23	Kutsh an bei g pi neadam nowij an k am i wanimed k gam hu i wuhshad ab kihhim t amjed k ab hahawa siswua wuhpuij ab k ab ep taht k ab kakke, “Shahchu ap hig neid?”
24596	MRK 8:27	Kutsh gam hu hahawa hihi idam Jesus am haꞌi ep ha wui g kihhim am miabidch g Cesaria Philippi kihhim. Kush g Jesus ab ha kakke ch hab kaij, “Am g wo ni‑ahgid, dohꞌo ni‑elid g hemajkam?”
24623	MRK 9:16	Sh g Jesus ab ha kakke hegam e‑chuhchai mat am waꞌi wih, “Shahchu am ha wehm aꞌaga?”
24628	MRK 9:21	Jesus ash ab hahawa kakke g ohgaj, “K hekid i amjed hab masma ihda?” Kush hab kaij g ohgaj, “Gd hu waꞌi e‑alijk amjed o hab masma.
24635	MRK 9:28	Kutsh ged hu i wahp kih ch ed idam Jesus. Tsh g chuhchaij am hahawa hejelko kakke, “Tt haschu ahgk ahchim pi t‑nako machs gam hu hab wo i juh g jiawul?”
24640	MRK 9:33	Kutsh am hihim k ged hu dada Capernaum t am k am i wahp kih ch ed mash hebai dadha. Sh eda haꞌi haꞌichukaj e neꞌowin hihimadch. Kush ab hahawa ha kakke ch hab kaij, “Shahchukaj am e neꞌowinahim mach ab hihim?”
24660	MRK 10:3	Sh g Jesus ab epai ha kakke, “Nam hig pi mahch mo has chuꞌig g chehanig?”
24674	MRK 10:17	Kutsh amjed haha wabsh i chum hihi. Kush ab hema med g oꞌodham ch ab i gei Jesus wui k ab kakke, “Ha mashchamdam map d s‑apꞌekam, shahchu ant am hab wo juh mant ab wo bei g pi ha huhugedam doakag?”
24683	MRK 10:26	Kutsh baꞌich i si has i e taht k ab aꞌai e kakke, “Pegih, kus hedai hig wo e doꞌibia?”
24714	MRK 11:5	Kush eda inhab haꞌi gegok g oꞌodham ch ha neid mash am wupulꞌok. Sh hema hab kaij, “Shahchu am ahgch am wupulꞌok g wuhlu?”
24739	MRK 11:30	Am g hig wo ni‑ahgid mams hedai amjed hab elid mo wa g Johnbad ab uꞌukch g e‑gewkdag ch ha pahl wapkonahim. No ab Jiosh amjed aha no ab oꞌodham amjed?”
24770	MRK 12:28	Kush am hema kehk g chehanig ha mashchamdam ch am ha kaiham. K eda tasho mo s‑ap hab ha ahg g Jesus. Neh, tsh hab i e ah mat ab hig epai haꞌichu wo kakke, ash hab kaij, “Shahchu o d si baꞌiwechkim geꞌe chehanigaj g Jiosh?”
24779	MRK 12:37	Neh, namt hig s‑ap wo ah mat has masma d wo Davidbad amjedkamk ihda mash d kownaligaj?” Sh muꞌijj ab kaiham ch si s‑ap e tahtk ch kah mo haschu ha mashcham.
24835	MRK 14:12	T am hahawa s‑ap i e ai hegai t‑shohshonbad ha‑doꞌibiadag piast. K id eda pi e koꞌa hegai pahn mo jewajidas. K d wehpeg tash mat eda wo e kokda g kahwal mahmad. Sh g Jesus chuhchai ab wui hab kaij, “Bahp hab elid matt am wo huh g ha‑doꞌibiadag gegosig?”
24883	MRK 14:60	Kutsh g si uhgchu pahl am i kekiwua ha shahgid k ab kakke g Jesus, “Napt pi am hu has wo shaꞌi chei id amjed mo haschu ab m‑abchud idam?”
24884	MRK 14:61	Kush oi wa pi am hu has shaꞌi ha kaij g Jesus. Kutsh ab ep si kakke, “Nap hab e elid map ahpi d Jiosh alidag matp am t‑dahm wo e kei?”
24887	MRK 14:64	Am am wa kah g pi kehg neꞌokij. Shahm i elid?” Kush wehsijj hab kaij matsh ab moht g chuꞌijig am hugkam mat hemho wa wo e muhkid.
24897	MRK 15:2	Kush ihda Pilate ab kakke g Jesus, “No wa woho mapsh hab chum e elid map d ha‑kownalig idam Tutuligo hemajkam?” Sh hab kaij g Jesus, “Dani ahni.”
24899	MRK 15:4	Sh g Pilate ab ep kakke, “Neh, muꞌi haꞌichu o ab m‑abchud. Napt pi am hu has wo shaꞌi chei ab amjed?”
24909	MRK 15:14	Kutsh hab chum chei g Pilate, “Haschu ahg? Shahchu at hig pi ap has juh?” Kush oi wa wabsh baꞌich i si s‑kaidam hab wabsh ge kaij muꞌikko, “Muꞌani! Muꞌani ab kots t ab.”
24939	MRK 15:44	Kush g Pilate hab kaij, “A nat wa s‑wohom heki hu i muh?” atsh am hahawa wai g shondal ha‑geꞌejig.
24944	MRK 16:2	Wabsh i siꞌalim mo e aihim g domig, tsh gam hu hihi idam hihaꞌini wui k am neneokhim ch hab kaij, “Kus hedai t‑wehhejed gam hu wo i nuꞌichkwua hegai hodai mat ab hekaj e kuh g cheo?” Tsh ab i chesh g tash matsh eda ged hu dada.
24980	LUK 1:18	Kush g Zacaria hab kaij, “Nt has hig masma wo si s-ap s-mahchk machs wo hema bei g ali natt pi kekelt?”
24983	LUK 1:21	Sh eda heg oidam am chum nenida g hemajkam g Zacaria ch si has i elid k hab kaij, “A t has e juh k pi oi ab hu i wuhsh?”
24996	LUK 1:34	Sh hab kaij g Mary ab wui, “Nt has hig masma wo ge madt mani d wabsh kia chehia ch pi koi ha kun?”
25028	LUK 1:66	Ab ash si s-hoꞌigeꞌid g Jiosh ihda ali. Kush wehsijj hegam mash am kah am si i oidahim ch hab kaij, “Kus has mahs wo haꞌichuk ihda ali?”
25106	LUK 3:12	Kush haꞌi hegam matsh am wui dada k wo e pahl wapko d lial ha kowlantdam am kownal wehhejed ch ash ab kakke, “T‑mashchamdam, tt ahchim has wo chum masmak?”
25108	LUK 3:14	Kush haꞌi d shondal ch ab epai kakke, “Tt ahchim has wo chum masmak?” Sh hab ha ahg, “Pi g hekid haꞌichu wo shaꞌi ha wohppoꞌidad ch pi ab hu hema haꞌichu wo shaꞌi abch mat pi wo wohok ch ehp mamt wabsh wo s‑ap e tahtkk ch ab uꞌu mam heꞌekkia i em‑namkid.”
25154	LUK 4:22	Tsh wehsijj ab si has i el no pi si s‑ap neok k wabshaba hab kaij, “Aha no hig pi woho d Josephbad alidag?”
25205	LUK 5:29	Am waꞌi mia amjed, tsh g Levi am hab juh g geꞌe gegosig am wehhejed g Jesus. Sh am haꞌi oiopo g Palasi mash idam haꞌi d chehanig ha mashchamdam. Sh eda muꞌijj hegam mash am ha wehm e gegosid d lial kowlantdam hab masma mo g Levi. Kush hegam Palasi am ha neid ch hekaj s‑ha kehꞌid g Jesus chuhchai hab ha ahgch, “Ih, shahchu am ahgch am ha wehm e gegosid idam pi ap hemajkam, chum hems am ha wehm g lial kowlantdam?”
25217	LUK 6:2	Sh haꞌi g Palasi ha neid ch hab kaij, “Shahchu am ahgch hab wua hegai mo g t‑chehanig pi t‑hiwgid machs hab wo wuad mihshmda tash ed?”
25224	LUK 6:9	Sh g Jesus ab hahawa ha kakke ch hab kaij, “Shahchu am ahgch hab elid mo pi hiwgidas mihshmda tash ed mamt wo i ha wehmt hegam mo e shoꞌigchud? Ab o em‑ab mamt wo i ha wehmt g shoꞌigkam k ep wo ha doꞌibia hegam mat am hu wo e koꞌij. Aha namt wabsh wo ha hiwigi mat wo e koꞌij?”
25284	LUK 7:20	Tsh idam am dada Jesus wui k hab kaij, “Ab o t‑chehani g John matt ab wo m‑kakke maps woho d Jiosh si Kehsha aha nat ab hahawa hema wo i wuhsh mat d wo hegaik?”
25306	LUK 7:42	k pi wo e nako mat wo uhpam namkid. Kut im hu hab wo i juh g ha‑wulshpadag. Neh, t hedai idam baꞌich ab wo i si tatchua?”
25344	LUK 8:30	Sh hab kaij g Jesus ab wui, “Shahp chehgig?” Sh hab kaij, “Bani chehgig Muꞌichu,” nash pi muꞌi jijawul an uꞌukch.
25379	LUK 9:9	k hab kaij, “Am ant wa ha cheha mat an e hikuch g John moꞌo. Kus hedai wud ihda oꞌodham mani muꞌi haꞌichu kah ab amjed?” bash kaij ch wabsh am chum i e nakog mat wo nei g Jesus.
25383	LUK 9:13	Sh wabshaba hab kaij g Jesus ab ha wui, “Ahpim amt wo haꞌichu ha mah mat wo huh.” Sh hab kaij idam, “Heg ach waꞌi hetasp pahn ch gohk waptopi edgid. Aha nap tatchua matt am wo hihim k wo ha nolawt g haꞌichu hugi ha wehhejed idam muꞌi hemajkam?”
25388	LUK 9:18	Sh am hu hebai am hejelko e hoꞌigeꞌidahun g Jesus. Tsh am wui dada g chuhchaij. Kutsh am haꞌasa e hoꞌigeꞌidahun k hab kaij, “Dohꞌo ni‑elid g hemajkam?”
25424	LUK 9:54	Kutsh hekid g James ch John am i s‑mai mo pi hohhoꞌid k hab kaij, “T‑kownalig, nap tatchua matt ab wo i tai g Jiosh. T ab wo i huduni g mei k wo ha kokda?”
25457	LUK 10:25	Tsh am hu hebai am hema jiwia g chehanig ha mashchamdam k wabsh chum heki s‑himchudam g Jesus hab kaijch, “Ha mashchamdam, shahnt wo ni‑juh. T hekaj ab wo i ni‑wahki g Jiosh e‑kihdag ed?”
25468	LUK 10:36	“Neh, kup hedai hab elid idam waik mo s‑ap d nawojij hegai mamt gewichkwua?”
25569	LUK 12:41	Sh hab kaij g Peter, “T‑kownalig, nap ahchim waꞌi hab t‑ahg aha nap wehs hab ha ahg?”
25610	LUK 13:23	Sh hema ab kakke ch hab kaij, “Ni‑kownalig, nat pi shaꞌi muꞌi wo e doꞌibia g hemajkam?” Sh hab kaij g Jesus ab wui,
25625	LUK 14:3	Sh hab kaij g Jesus ab ha wui hegam chehanig ha mashchamdam ch Palasi, “Shahchu am ahgch hab elid mo pi t‑hiwgid g t‑chehanig machs wo ha doaj t‑mihshmda tash ed?”
25627	LUK 14:5	Sh hab hahawa kaij g Jesus ab ha wui, “Neh, namt hig pi woho ab ha hekaj wo i wuhshad g e‑alidag o chum hems g e‑woiwisga matp am wo sha gei wawhia ch ed, chum as d wo em‑mihshmda tashk?”
25740	LUK 17:20	Sh haꞌi g Palasi hab si kaij ab wui g Jesus, “A pt hekid hig am wo i t‑chehgi ihda Jiosh kownaltalig map an ahgachug?” Kush hab kaij ab ha wui, “Pi amt g e‑wuhpuikaj wo nei g Jiosh kownaltalig
25757	LUK 17:37	Sh hab kaij g chuhchaij ab wui, “A t hebai hab wo i e juh ihda?” Sh hab kaij g Jesus, “Am at wo tashok mat hebai hab e juh. Namt hig pi wo mahchk mat hebai wo kahchk g muhki am neidch mo am e hemapadch g nunuwi? Pegih, mt hab waꞌap wo s‑ap s‑mahchk mat hebai hab wo i e juh ihda mani em‑ahgid.
25775	LUK 18:18	Kush hema g Tutuligo ha wanimeddam ab kakke g Jesus ch hab kaij, “Ha mashchamdam map d s‑apꞌekam, shahchu ant am hab wo juh mant ab wo bei g pi ha huhugedam doakag?”
25852	LUK 20:4	mams hedai hab elid mat ab mah g Johnbad g gewkdag mat wo ha pahl wapko. Nat g Jiosh ab mah aha nat wabsh g oꞌodham?”
25872	LUK 20:24	“Ab g wo hema ni‑chehgid hegai lial mam hekaj ha namkid.” Kumtsh ab hema chehgi. Kush hab ha ahg, “Am g wo ni‑ahgid mo hedai wuhiosha ch hedai chehgig ab oꞌohadag id ab lial?” Sh hab kaij idam, “Hegai mo d uhgchu t‑kownalig.”
25881	LUK 20:33	Pegih, k idam wehsijj hohnigkahim. Kut hedai d wo hohnigk matp g koꞌi ep wo i wuwha?”
25892	LUK 20:44	Neh, namt hig s‑ap wo ah mat has masma d wo Davidbad amjedkamk ihda mash d kownaligaj?”
25902	LUK 21:7	Sh g chuhchaij ab kakke ch hab kaij, “Hekid at hab wo i e juh ihda? Kut haschu d wo chehgidak matt heg ab wo s‑mahchk mo e aihim matki am hab wo e juh?”
25968	LUK 22:35	Sh hab ep kaij g Jesus ab ha wui, “Neh, namd haꞌichu i pi edagi mam wa ahgachug g haꞌichu ni‑ahga pi uꞌuk g e‑lial kokstal o g limoshana kokstal o g shuhshk?” Sh hab kaij hegam, “Pi haꞌichu.”
26003	LUK 22:70	Kush wehsijj hab kaij, “A kuptp d Jiosh alidag?” Sh hab kaij ab ha wui, “Dani ahni.”
26007	LUK 23:3	Kush ab kakke g Pilate g Jesus ch hab kaij, “Nap d ha‑kownalig g Tutuligo hemajkam?” Sh hab kaij g Jesus, “Dani ahni.”
26010	LUK 23:6	Tsh am i kah g Pilate ihda k hab kaij ab ha wui, “Kutp ab Galilee chekshani ch ed d kihkam ihda oꞌodham?”
26077	LUK 24:17	Sh hab kaij g Jesus ab ha wui, “Shahchu am am si aꞌagad ch ia hihim?” Tsh am wabsh i gegokiwua k si pi ap e tahtkam mahs.