23868	MAT 20:7	“K hab kaij idam, ‘Pi at hedai t‑chikpanach.’ “K hab hahawa ep kaij ab ha wui, ‘Pegih, k am wo hihim k wo chikp am ni‑oidag ed.’
23873	MAT 20:12	‘Neh, hegam oꞌodham mapt si oidk an ha ui al hemako ohla ab chikp. Kutt ahchim ge tash oidk chikp am s‑toni k ed. Kupt eda am wo haꞌakia t‑namkid mapt hegam.’
23874	MAT 20:13	“K hab kaij g oidag enigakam ab wui hegai mo ha wehhejed neok, ‘Neh, ni‑nawoj, pi ant shaꞌi em‑iattogi namt pi am wa apꞌech mamt haꞌakia k ab wo chikp ni‑wehhejed.
23925	MAT 21:30	“Kut ihda ohg am hahawa hih heg wui alichu e‑alidag k hab waꞌap kaij ab wui. “K hab kaij ihda, ‘Heuꞌu, am ant wo wa hih,’ ch wabshaba pi am hu hih.
24099	MAT 25:22	“T heg ab hahawa ep i wah piongaj mat g gohk mihl pihsh ab mah k hab kaij, ‘Neh, gohk mihl pihsh apt wa ab ni‑mah. Kunt am baꞌich gohk mihl pihsh ab ep wo m‑mah mant nahto.’
24837	MRK 14:14	Kumt am wo i oi. T am hu hebai wo him k am wo i wah hema kih ed. Kumt hab wo chei ab kihkam wui, ‘Neh, s‑mahchimk o g t‑mashchamdam mas an hebai i ha wiꞌis matt wo wuhshad g t‑shohshon ha‑doꞌibiadag.’
25594	LUK 13:7	“K hab ahg g oidag nuhkuddam, ‘Neh, waik aꞌahid ab ach am nenneid hegai suhna uhs ch pi koi haꞌichu shaꞌi bei ab amjed. Pt wo shonch. S haschu ahgk am hig wo kehkk oidag ch ed?’
25686	LUK 15:29	K wabshaba ab wui hab kaij, ‘Nehꞌe, haꞌakia aꞌahidag ani ab m‑wecho ch chum hekid hab wua g m‑tatchui. Kupt eda pi hekid chum hems g siwat mad ab ni‑mah mant wo ni‑gegosid k wo s‑hehgigk am ha wehm g ni‑naipijju.
25695	LUK 16:6	“K hab kaij ihda, ‘Heuꞌu, hemako siant waplin g a‑saidi ani ab ab ni‑wulshch.’ “K hab kaij hegai maliom, ‘Ab ant wo i huduni. Pt am waꞌi hetaspo wehst‑mahm waplin ab ab wo e wulshch.’ “T gam hu hih hegai. Kut am hema ep jiwia.
25716	LUK 16:27	“K hab kaij g s‑kais oꞌodham, ‘Pegih, ni‑shohshon, am ani hetasp wepnag. K idam am wabsh kia d dodakam ch am kih ni‑ohgbad kih am. Ab g si i s‑ni‑hoꞌigeꞌid k am wo cheha g Lazarus mat am wo him k am wo ha shohbi. T pi ia hu haꞌab wo dada mo ia g s‑koꞌok e tahtk.’
25770	LUK 18:13	“K wabshaba hegai hema ga hu wabsh mehk kehk ch pi e nako mas ab wo uhgk i nea dahm kahchim wui no pi si e shoꞌigchud. Id o hab kaij, ‘Jiosh, ab g si i s‑ni‑hoꞌigeꞌid ahni pi apꞌekam hemajkam.’ Neh, bo kaij hegai hema.
25861	LUK 20:13	“K hab hahawa kaij g uhdwis oidag enigakam, ‘Neh, si ni‑tatchuidch ni‑alidag ant wo cheha mat am wo hih. Heg at hemho ab wo wa has el.’
25944	LUK 22:11	Kumt hab wo chei ab wui g kihkam, ‘Neh, s‑mahchimk o g t‑mashchamdam mas an hebai i ha wiꞌis matt wo wuhshad g t‑shohshon ha‑doꞌibiadag.’
26136	JHN 1:23	D g John hab hahawa kaij, “Ahni ani wud mo hab ni‑ahg ch an oꞌohanas: Hema atsh gam hu jeg ed wo ha mihshmad g hemajkam hab kaijch, ‘Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako am dagitok g pi ap e‑chuꞌijig.’ Neh, id o d neꞌokij hegai kelibad Jiosh haꞌichu i tashogiddam mash hab chehgig Isaiah,” bad kaij g John.
27211	ACT 7:26	Sh am baꞌich d i tash, sh am haꞌi e cheggia g Tutuligo. Tsh am ha neid k chum s‑ha daꞌid k hab kaij, ‘Kia, ahpim! Dam e‑wepngam ch eda haschu ahgch e cheggia?’
27359	ACT 10:31	ch hab kaij, ‘Cornelius, ab o kaiham g Jiosh g m‑hoꞌigeꞌidahuna ch s‑hohhoꞌid hegai map haschu am hab junihim g shoꞌigkam ha wehhejed.
27383	ACT 11:7	“K ab hahawa hema si neok ch hab kaij, ‘Peter, i g wuhshani k wabsh chum haschu am wo muꞌa k hekaj wo e gegos.’
27384	ACT 11:8	“Kuni hab kaij, ‘Ih, pi ant am hu hab wo ni‑juh, ni‑kownalig. Pi ani hekid koꞌa hegai mo g m‑chehanig pi t‑hiwgid.’
27527	ACT 15:16	‘Neh, e at padch g Davidbad kownaltalig. K wabshaba ab him g tash mant am ep wo i apꞌechud k am hema wo i kei g amjedkam am kehkud ed mant heg gahi wuhshanim wo i himch g kownaltalig.
27779	ACT 22:7	Nt wa am i gei jewedo. T wa ab hema si neo ni‑wui k hab kaij, ‘Saul, s‑wohom ap hig ni‑shoꞌigchud.’
27786	ACT 22:14	“K wa hab kaij ab ni‑wui, ‘Neh, am antsh wo m‑ahgi matsh ahpi am i m‑kei g Jiosh mapt wo s‑mahchk g tatchuij ch wo nei g si s‑apꞌekam Kehshaj k wo kah mat am hejel wo m‑ahgi g haꞌichu e‑ahga. K d waꞌi ihda Jiosh mo an uꞌukch g t‑shohshonbad.
27905	ACT 26:14	Kutt wehsijj i shul am jewedo. “Kunid ahni kah mad ab hema neok ni‑wui g ni‑neꞌokikaj ch hab kaij, ‘Saul, s‑wohom ap hig chum ni‑shoꞌigchud ch wabshaba hejel s‑koꞌokam has e wua.’